شـي محيرِّني؟؟!

السلام عليكم ورحمة الله وبركاته

من فتره لفتره أتابع برنامج link على قناة سما دبي وفي هالبرنامج يظهرون مواطنين موهوبين .. الخ

المهــــم

لاحظت انه على قل ثلاث مرات يابو مخرجين افلام ولا مصورين سينما مواطنين وشكل الافلام الى مسوينها وااااايد حلوه لكن الى ابا اعرفه ليــــش مايعرضون افلامهم على التلفزيون او في السينما؟!؟!
مع انه انا اجوف لو عرضو هالفلم في السينما بيربح لانه مافي حد مايحب يجوف فلم حد من بلاده مسونه:fa35:

سؤالي هو .. ليش مايعرضونه؟؟ يعني شو فايدة الفلم؟ بس يراونه لربعهم مثلا؟؟:fa55:

والسموحه
شمعة أمل

هيه والله هالسؤال دار في بالي..

بس ما عندي عليه جواب:fa36: ..

والسموحه..

الجنيـــــــــ الحلوة ـــــــــة

ماعليه

مشكوره على الرد ^_^

مؤخـرا عزيزتي ..
كثرت ظهـور لقروبــات السينمائية و غالبـا يكون ظهورهم الأول في مسابقة أفلام الإمارات اللي أصبحت تقام سنويا في بلادنا ..
و صارت لقروبات تتسابق لتقديم أفلام تفوز بالمراكز و الجوايز الأولى ..
يعني هو هذا السبب الرئيسي لظهور السينما في الإمارات ..

خطـوة عرض الأفلام في دور السينما أعتقد حسب معلوماتي بتصير قريبــا حقيقة وواقــع ..
المشكلـة الوحيدة هي شركات الأفلام الأجنبية اللي تملك حقوق النشر و العرض في دور السينما .. أعتقد ان الشركات في الامارات ايطالية و بريطانية و مثلج عارف كيف لازم يكون الفيلم اللي بيشترونه هالشركات و بيعرضونه .. أكيد مطلوب يوازي الأفلام الأجنبية .. و السينما في الإمارات لا زالت في بداياتها فقــط ..
و لا تستعيلين ..
قريبــــا بيعرضون أفـلام إماراتيـة في دور السينمــا ....

أتمنى أكون جاوبتج ..

مجرد متابعـــة ،،
طفلـــة

السلام عليكم

انا باعتقادي يمكن هالافلام قصيره عسب جيه ما يعرضونها بالسينما

بس ليش ماتنعرض بالتلفزيون
لاني اشوف هالافلام فيها شي يخدم الوطن


ولو في دعم لهذيلا المخرجين كانو بيسوون اكثر واكثر واحلى بعد

بس وين الي بيسمع
اذن من طين واذن من عجين

وعـليكم السلام رحمة الله وبركاته ..

أنا تابعـت الحلقـة اللـي استضافوا فيهـا المخرج عبدالحليم حافظ " اوه أقصد قائد :fa46: ". وعيبـني اخراجـه وشغـله ماشاء الله عليه ، وشي غيره وايدين بعـد لهم بصمـات رائعة في هالمجـال .. نواف الجناحي وصالح المرزوقي..الخ

لكن الأفلام اللـي اخرجوها - حسب اللي تابعته - أفلام مدتها قصيـرة .. يعـني ما يصير تنعرض في السينمـا - يمكن يعني -.

بـس ترى يسوون لهم مهرجانات وعروض للأفلام في الشارجة ، وهذا غيـر المهرجان اللي استوى في دبي - ما احيد اسمه - . وحتى شي مهرجان في اليابان تم عرض أفلام من الإمارات فيه ..وفي مهرجان "كان " بعد ...

يعني الحمدلله الأفلام وصـلت للعالم ..
وسمعـت انه شي أعمال يديدة بتنعرض في دور السينمـا..
الله يوفقهم فـي هالمجــال ..
والسموحة ..

طفله من هذا الزمان
قلتي شي مساباقات وجي يعني بس يسون هالافلام عشان مسابقه .. اوكيه ماعليه اذا مايبون يعرضونه في السينما ولا التلفزوين على قل يبيعونه في dvd
بس ان شاء الله يبدون يعرضون افلامهم في السينما قريب


خيال الحب
بروحي ابا اعرف ليش مايعرضونه في التلفزيون ولا السينما S:
انا احس اذا يبون الدعم المالي او اي شي بيحصلونه.. ماتوقع الدوله بتقصر وياهم لانه في الاخير هم الى بيربحوون
ومب بس نحن الاماراتيين حتى الكويتيين والبحرينين .. الخ من ناحية السينما محد عرض فلمه في السينما من العرب غير المصاروه لكن لييييييييييييييييييش لكن من ناحية التلفزيون على قل هم يعرضون مسلسلات بس نحن ولاشي غير البرامج


عافك الخاطر
المهرجان هذا مال سينما اظني الى تقصدينه ماكان لافلامهم هم المواطنين كانو بس يبون افلام بعدها مانزلت ويا الممثلين الى فيهم
ولو مدتهم قصيره مع اني ماتوقع يكون اقل عن ساعه يرومون يعرضونه في التلفزيون >_<



مشكورين كلكم على الردودD:

:: Dxb Girl ::

اليوم كنت يالسه اجوف Link وتذكرتـج :blush: ..
صدقهم \ مايقدرون يعرضون هالافلام فـ السنما لانها اكيد ما بتوازي الافلام الاجنبيه وغيرها ..

ما اقلل من قيمة ( الافلام الاماراتية ) بالعكس في كمن فلم منزلتنه ووايد عيبوني
والاخراج بعد حلوو ..

لكن *ن شاء الله* تطور اكثر وتوصل لـ دور السنما ..
بس زين انهم مب غافلين عنهم ويسوولهم مهرجانات وغيره يعني داعمينهم !

لكن بعد مادري ليش مايعرضون هالافلام ع الاقل فـ التلفزيون
والا شرات ما قلتي يسوون DvD :Oo: << لان شي ناس مايدرون

ع العموم
ثانكس حبوبه ع اهتمامج

>>>> متى بتسوين اب ديت LoOl :D

.
.
.

الياه

عيل بنتريا كم سنه وبنجوف شو بيستوي ^_^

اب ديت؟؟ همممم موقعي بندته من يمكن شهرين :) لكن بعد شهر بفتح موقع يديد بإسم يديد بس شو للحين مادري >_<

ele yba el9lah ma etfoteh

قولووووووووووو شو صاااااااااااار

سبحااااااان الله:woot:


البارحه اقرا الجريده و يكتبون انــــــــــــــــــه بعد شهر بيعرضون أول فلم سنمائي امارااااااتي في السينماااااات

كشخه انا بسييييييير:fa35:

وااااااااااااااااااو وانا وراج ... بس خبرينا يوم بينزل الفلم دام انج متابعه الاحداث :)

يوم بجوفه في المجله مال سينما بقوللكم D:
بس الجريده قالت بعد شهر