إلى من يــهـــمـــه الأمر .. (1)

بسم الله الرحمن الرحيم

إلى من يهمه الأمر ..

أتقدم بإقتراح للجهات المعنية في هذا الموضوع مثل بلدية دبي وشرطة دبي .( أو في جميع أنحاء الدولة)

ربما هذا الإقتراح لا يهم الكثيرين منا ، ولكن إن عشنا الموقف لأيقن الكثير منا على أنه أمر مهم وحق من حقوق الإنــــــــســــــــــــ ـــــــان . :shocked:

فهاهي لؤلؤة الخليج تزدان يومٍ بعد يوم وتسير في ركب المدن المتقدمة، ولكن هناك تعديلات بسيطة يجب أن تتخذ في بعض المجالات حتى تصبح فعلاً من المدن المتقدمة. فمديتنا الجميلة أصبحت التكنولوجيا شعرها والعمل أساسها.

ولكن عندما تمشي في الشارع وتريد تعبر الشارع في المكان المخصص لك ( خطوط المشاة ) ، فتنتظر اللحظة التى يتبرع فيها أحد السائقين بثواني من وقته لكي يتوقف ( يأشر بيديه تفضل يقولك ) .. :fa52: ولكن هل شاهدتم هذا في الدول الغربيه أو المتطورة.
عندما تركب ( السيكل ) وتقول خلنا نذكر أيام الطفولة وتمشي واتحوط في الفريج بسيكل ولكن بطريقة حضارية وتسلك المسلك الصحيح بالإتجاه الصحيح وتدخل الدوار بطريقة صحيحه ومماثلة للسيارات ، فيبدأ هذا بالشتم وهذا بالتذمر ( واخر شئ يلف عليك يبا يجتلك ) لـــــــــــيــــــــــــ ــــــش ؟؟

ومن هذا المنطلق ومن هذا المنتدى الجميل نناشد الجهات المسؤؤولة بإعطاء المشاة حقهم في قطع الطريق ( لا أن ينتظروا صدقات السائقين ) .. وأن يكون مسلك للدراجات الهوائية ظمن مخططات البلدية في توسعة الشوارع وتعديل الشوارع القديمة .. حتى يحس الإنسان أنه إنسان ويركب ( السيكل ) وأنخفف الزحمة شوي ..

أخوكم صاحب الكشه : إلي فيها ..
والسموحه ..

الســلام عليـكم ورحمة الله وبركاته

عشت برا وشفت كيف حياتهم

وفي خطوط المشاه يوم حد يبا يعبر الطريج

اللي يسوق غصباً عنه يوقف عشان الماره يعبرون

ونفس مقلت بعد في مكان مخصص لسياكل

لان الناس اغلبهم يعني يبون يركبون السيكل ومابيتمون

يدورون في الحاره ... يبون يتحوطون في الشوارع

...

أتمنــى حد من المسؤولين يسمع هالاقتراح

والله يكتب الله فيه خير

...

شــكراً أخــــــــــــــوي

الله حييييييييه

السـلام عليـكـم ورحمـة الله وبركاته

اممم اقتراحــك غـريــب والله ..

انا في عمري وحياتي الحين ما ادري كم سنة ما شفت مواطـن فوق الـ 16 سنة يحـاوط بسيكـل في الشوارع !!!
أعتقـد لو حطـوا ممـرات للسياكــل بتكـون في خـدمـة الأجانـب وبالتالي هم عـادي عنـدهـم يحطـون حريمهم في سياكل .. عاد ساعتهـا نحـن اللي بنستحـي نشـوف السياكـل منو راكب فيهـا !! .. يعني بيكون منظر غير حضاري ..
إلا إذا قـرروا يحطــون هالممـرات للذكـور فقـط .. ساعتهـا بيكـون أوكــي ..

اما ممرات المشـاة فـ الدولة أبد مب مقصـرة في هالشــي .. ولكـن المشكلة سوء السائقين في التعامـل مع المشاة

إطــرح هالمـوضـوع في وحـدة من الجـرايـد المحليــة .. يمكـن حـد يشـوف اقتراحاتك ويستجيب لهـا ..،

شكـرا لك يا صاحب الكشه ..

أختي العجيبة ،،

هذا الإقتراح ليس إلا إعطاء حق من حقوق الإنسان .. إذا كان لا يستطيع أن يركب السيارة ..

يوم من الأيام شفت سيكل في البيت سألت هذا مال منو ( للعلم إني أصغر واحد ، يعني بيكون السيكل مال منو ) .. قالوا هذا مال محمد ومحمد عمره 26 سنه ... المهم خذته وتميت أحوط .. كنت أسوق بشكل منظم وفي السيد الصحيح .. المهم بدت علامات الإستفهام على ويوووه الناس .. وشكلهم يقولون وين يبا هذا .. كنت مستانس وكان الوقت جريب المغرب وتميت احوط ومستانس وأحلا شئ كان إني رديت 10 سنين ورا .. وتذكرت أيام السياكل ..(ماشريت إلا واحد وشله أبويه بعد .. وكنت أتسلف من عند الشباب .. ) ..
.. وإذا كان الموضوع على الأجانب .. فـ ترا المراكز ممزوره .. والبحر ممزوور والتلفزيونات شغاله والحمدالله وأغلب المواطنين كل سنه برع .. فـ مأظن أن راح اتكون هناك مشكلة من هاذي الناحيه ..