انصــدمت فيــك . . .

. ؛ ؛ . الســـــلام عليـــــــكم . ؛ ؛ .

؛ ؛

انصـــدمت فيــــك

عقب كل إللي صـــار ، وعقب كل إللي قلتـــه ، وعقب كل إللي سويـــته
كـــان هـــذا يـــزاي

مـــا أقـــول إلا الله يســـامحك وإني إنـــصدمـــت فيـــك

حســـافة على كل لحظـــة ضيـــعتهــا معـــاك
حســـافة على كل لحظـــة إنتـــظرتـــك فيـــها
حســــافة على كل كلمـــة قلتـــها لك

تحملــــت منك كـــل شي
تحملــــت منـــك الإهـــانة
تحملـــت منك الغيـــاب
تحملــــت منك العـذاب
تحملت منك البعـــد

لكنك ما قدرت تتحملــــني ولو لحظـــة

عقب كل هـــا أقــول
إني إنـــصدمــــت فيـــك

والله صــدمتــي فيـــك مــا تنــوصف
بكـــل بــرود وإتقــولي بنفتـــرق

ما توقعتـــها منــــك
ما توقعـــتها منــــك .. يا من خـــذت عقلـــي وقلبـــي

الفــــراق

سمعـــت الكلمـــة وأنـــا مب مستوعبـــنها
بس كيـــف صـــار إللي صـــار أنا مــا دري
فـ الأخيـــر إفــــترقنــــــا ، ومـــا كنت متــوقع هـ اليوم إيي

إتـــذكر كـل لحظــة قضيـــتها معــاي
إتـــذكر كل كلمــة قلتــها لك
إتـــذكر كل نظــرة نظرتــها لك
إتــذكر كل إهــانة أهنتــني فيــها
إتـــذكر كل إللي صـار بيـني وبيــنك

عقب كل هـــا

وكــــانت كلمـــة الفراق سهلـــة على لســـانك
كيــف قدرت إتقـــولها !

انـــا للحيـــن مب مصــدق إنــك قلتـــها
أنـــا مــا أقــول غيــر الله يســــامحك

بس ليـــش كـــل ها صـــار !

للحيــــن مـــب قــادر أستـــوعب إللــي استـــوى
للحيـــن مب قــادر أصــدق إنه إللي بينــا انتـــهى

بــذمتـــك ســـؤال

إنـــت راضـــي عن إللي ســـويـــــته !

؛ ؛

وعليكم السلام ..

كلمة فراق صعب تسمعها من شخص تعزه وتغليه ..
وتحاول تفكر بأسباب تخليه يطلب الفراق ..
هل هذا فقد عقله والا يحاول يتسلى ؟
صدق قالها ولكني مب مستوعب ..
هي كلمة سمعتها بأذني .. ومتأكد انه قالها ..
ولكن هل كان يقصدها ..
فاذا كان يقصدها .. فحسافة على اليوم اللي عرفته فيه ..
حسافة اني عرفت شخص بهذي الأطباع ... ما عرفت انه في يوم يطلب مني الفراق ..
حسافة انه رضى انه يفارقني ويبتعد عني ..
اهو الخسران .. وبيرجع في يوم يطلب ان نرجع أصحاب ..
يمكن نرجع اصحاب ولكن محله خذاه غيره .. فاسمحلي مالك المكانة اللي كانت لك ..


الله يعينك اخويه ...
والسموووحه

" أحبب من أحببت فإنك مفارقه واعمل ما شئت فإنك مجزي به وعش ما شئت فإنك ميت "

الله يعيــنــك ..

كيــف خدعتـــني !
كيـــف خـــدعت عمـــرك !

هل كنـــت تقصـــدهــــا
ولا هي لعبـــة تلعبــــها

كيـــف قــدرت تنطــقهــــا
كيــف قــدرت اتقـــولها

من الأســــاس
ليـش خـدعتني !

انت مـا حبيـــت ، ولا بـ تحب ، ولا بـ تعرف معنـى الحب
الحب كلـــمة .. من ينطقــها لازم يعــرف معنــاها

لكـــن أرجــع واقــــول

صدمتــي فيـــك مـــا تنـــوصف
حبـــي لـــك قرب ينجمـــد

تـــذكر يوم قـــلت أحبــــك
هـــل كنـــت تعــرف معنــــاهـــــا !
هل كنـــت تقصـــد الحـــب بـ عينـــه !

ولا حبيـــت تلعـــب على القلـــب إللـــي هـــواك
وعلى العيـــن إللي ما شــافت غيـــرك

اسمحلــي اقــولك إنـــت ما عرفـــت الحب ولا بـ تعرفــه
إذا مــا عرفــت الحب ويه الإنســـان إللي حبـــك من كل قلبـــه
كيـــف بـ تعرفــــه ويــه حـــد غيـــري
...

صعب الواحد يسمع هاي الكلمة من اعز انسان عنده
لاكن بتكون الكلمة صعبة عندك هب عند ها الشخص لنه
لو كان يعرف معنى الحب او الصداقة مابيقول هاي الكلمة
لاكن هاي الايام اكثر الناس اللي تعزهم يقولنها وجنه كلمة عااااااااااادية
وصدق انك تنصدم يوم تسمعها ويقولك هاي الكمة على اسباب سخيفة
يعني حصلة واحد احسن عنك( وهو من الاساس مايسوى شي ) وكمل وياه وهداك انته اللي تتحمل كل شي هو يقولك اياه وتقول والله ها اربيعي بتحمل منه لاكن بعدين تعرف انه مايساهل كل ها الشي

وانا اقولك ياخويه لاتنصدم ولا شي واللي مايبيك لاتصيح تبيه

والسموحة

والسموحة

أحبك
تعني معناها
لا أبد ما عرفت الكلمه .....

اعشقك
تفهم همساتها
ما اظن اليوم تعرفها .....

اهواك
مثل مثيلاتها
ظاعت في مجاراتها .....

الهوى هالزمان دوم يذبح الظميان
لك في القلب مكانه عاليه يا فلان

انته ظلمت وانا اتحملت
انته لعبت و انا هويت

انته و انا كنا
واليوم افترقنا

صحيح انها صدمه
صحيح انها صعقه

لكنها قرصه في درب الهوى
لا يمكن ان تعود في المجري

ولو كان اللي بغيته دوا
برضى و لو غصب برضى

رغم الاسى و رغم العنا برضى

ولا برد عليك غير
الله يوفقك يا فلان ..


قلوب دبي

ما يجتـــل الحب..

الا الخيـــــــانه..

..

ودام انه يوم الفراق لفى..

هذه مب معناته... انعدام الحب..

..

للقــــــــلب... أتســـــاع أكبر من هالاكوان...

وما يمــــلاه.. غير حبك..!

..

لكن..

يظل للحياه.. واقع.. يجبر الانســــــان على الفراق..

وهذا أكبــــــــــــــر تعذيب للنفس..

معاناة.. ألم.. دمع..

حرقه في القلب.. أبد ما تنطفي

..


الله يعين كل من فارق غاليه..

..

وربي يوفق الجميـــــــــــــع..

..

..

السـلام عليكم
،
،
خطـــاب
يمكن ردي يكون غير عن الردود اللي فــوقي :fa36:
،
،
قبل لا أقـولك خله ومايستاهل و وو الخ ،،
انـت ماتعـرف شو ظروفــه
يمكــن حـس ان جي ولا جي
بتكـون النهاية الفـراق .. وقال نفترق واذا ربك كتبلنا نجتمع بنجتمع
!!
كـابر على حبه وجرحـه وعلى حزنـك
ونطقهــا .. يمكن نطقه لهالكلمة يذبحه أكثـر عنك .. بس يمكن ولابد ان في
شي يجبــره .. ظروف تحكمــه
قبل لا تغـوص فـ حزنك .. فكرت بهالنقـطه
؟!
خطـاب اخـوي .. حـط اعذااار .. ابني قصـور منهــا
سبحان الله ! .. مـب شـرط كل الظـروف تبين لـ عينك
ويمكـن ماقالهـا لانه مايبـا يظايجك .. كفاية نطقه لهالكلمة
يمكن حـس انك مابتعـذره لانك بتكـون فـ حالة ماتسمح لك تفكر بأي شي أو تفهم أي شي
،
،
لكـن لو كـل شي بين لـ عينك .. وعـرفت ان مافي شي
يجبـره على هالكلمة ..
،
،
خلـه للأيــام .. وهي بتـراويه يزاه
ـ
،
،
ماله داعـي تظيج بعمـرك جذه .. والله محـد يستاهل
والله محـد يستااااهـل
ظيجـك مابيغير شي من اللي صـار
وقبل كل شي
قـول فـ بالك
"قال فراق وما راعى شعوري ولا فكر باحساسي
شـ حقه انا اظيج واصيح و أحاتي"
!!
السمـوحة على ردي الطويل
بس انفعلـت شوي :fa51:
،
،
باجـر تصحـى وتقـول "صدق ماكان عندي سالفه"
:fa36: