ليش الدولة تحرم ما احلله الله؟!

يعني شفيها لو بنت أو ولد الأمارات خذ من برة "غير المواطنين" خاصة من الدول الخليجية؟؟

شو هي الأسباب .. سياسية ؟ والا العنوسة ..

ما أظن أن اذا الواحد خذ من دول الخليج بيأثر وايد على أمن الدولة كثر اللي بياخذ أجنبية او امريكية.. ومن استوت هالدولة والناس تاخذ من برة .. ما شفنا أو سمعنا عن المشاكل السياسية اللي سببتها هالظاهرة.

أما عن العنوسة .. فالدولة ماقصرت باعطاء الامتيازات للمواطنين اللي ياخذو ن من الأمارات من صندوق الزواج للعرس الجماعي ..الخ ومن رايي لو ولد الخليج خذا المواطنة ها بيحد من العنوسة بعد. وكلنا ما ننكر أن ابناء الأمارات والدول الخليجية الثانية أهل

يعني كل منا له أهل فعمان والسعودية والبحرين ...الخ بها القرار الدولة تمنع الشباب بأن ياخذون اللي من أهلهم ودمهم ولحمهم .. وأساسا الاسلام حلل الزواج من المسلمة والمسيحية واليهودية أيا كانت جنسيتها وبشي الدول تضيق على شبابها وبناتها..:sad:

ومشكة العنوسة مب مشكلة مادة .. المشكلة في افكار الناس وعقولهم.. يعني لو مهر البنية غالي قالوا مب شايفين خير .. ولو كان مهرها شوية قالوا عطو بنتهم ببلاش .. والمواطن اللي أصله عربي ياخذ عرب مب بلوش أو عيم والا اهله نقدوا عليه .. ولو كانوا عرب تسمعهم يقولون احنة نواخذة نعطي بنتنا لبيادرة ؟؟! أنذين عيال الحسب والنسب مابغو بنتك ويمكن هالبيدار اللي بنظرك انسان مثقف متدين خلوق .. عيبه أهله بيادرة أو مب عرب:fa36:

العنووسة مشكلة وبتظل مشكلة وقرار الدولة بمنع الزواج بغير المواطن ما يحل مشكلة بل يخلق مشكلة..

والسمووحة .. طولت عليكم..

صدى جوفي

بسم الله الرحمن الرحيم

أخوي أو أختي :

أظن إن الدولة ما منعت الزواج من بنات الخليج ، ولا منعت من الزواج من شباب الخليج أو حتى غيرهم .

بالعكس هذا الشي مفتوح ، لكن له شروط

مثلا الفتاة إذا بغت تتزوج من برع البلد ، أول شي تاخذ موافقة الديوان ، وبعين توقع على شروط في المحاكم وبعدين تتزوج .

وأما الشاب فمسموح له الزواج من أي بنت يريد ، لكن البنت هذي تاخذ الجواز ، أما الجنسية فتتسجل لها بعد خمس سنوات .

وأظن المشاكل اللي تعاني منها دولتنا مب خافية عليك من زواج المواطنات من برع الدولة والعكس .

وأظن الموضوع التبس عليك أخوي .