بقوللكم عن المقادير
4 قشطة
كيكة كاكاو العلالي (تنباع بالجمعية لونها مرة اسود)
1 نوتيلا وسط
الطريقة:
تطبخون الكيكة العلالي
لين ما تجهز الكيكة خلطو 4 قشطة مع نوتيلا بالملعقة لين ما يصير لونها كاكاو وحطوها بالثلاجة شوي
وبعد ما تخلص الكيكة تنتظرون شوي عشان تدفأ الكيكة وبعدين تفتتون الكيكة كلها وتيبون صحن بايركس وتحطون نص اللي فتتوه بالبايركس وتضغطون عليه!
وتصبون الخلطة فوقه
لا تصبونهه كله شوي شوي وبحركة دائرية للباريكس عشان تحركون الخلطة ويغطي على كل الكيكة ... بس مب تيبون ملعقه وتحاولون تساوون لا لا لا
بعدين تيبون باقي الكيك المفتت وتحطونه فوقه كله وتضغطون بيدكم خفيف لين ما يتغطا كله وتيبون الخلطة وتصبونه فوق الكيك وطبعا بالحركة الدائرية تحركون الصحن عشان الخلطة تتحرك وتغطي باقي الكيك
تحطونهه بالثلاجة لمدة 4 ساعات
وبعد جي تييبون صحون وتضيفون فيه
أتمنى تكون عيبتكم... و على فكرة, للي يحبون النارجيل ترومون تزينونها من فوق به أو بفليك أو أي شي حلو تحبونه....
و تاكلونه بألف صحة و عافية....:fa37:
