سبيرينج رول بالقشطة في الفرن

عندي طريقة يديدة اليوم و تصلح حق عشا خفيف و حلو فنفس الوقت:fa37: ... اتمنى انها تعيبكم,, خصوصا اني غبت عنكم شوي و السبه الامتحانات :laugh: , بس أمس كان آخر يوم فبتفنننن من خاااطر هاليومين.... تفضلو الوصفة على طبق من فضة...:fa56:




المقادير:

1- عجينة السرينج روول الجاهزة.

2-للحشو: صدور دجاج مسلوقة ومفتتة حسب الكمية-جزر وفلفل رومي بارد وبصل كلها مبشورة- للتتبيل: فلفل اسود- ملح وقليل جدا من البهارات المشكلة(ربع ملعقة صغيرة).

وأي حشوة لللسبرينج روول تصلح لهذا الطبق

3- علبة قشطة او اثنتان حسب حجم الصينية

4- ملعقتان كبيرتان جبنة قابلة للدهن او جبن كيري


الطريقة:

1-حمرو البصل شوي وضيفو له الدجاج والبصل والفلفل الرومي والجزر والفلفل الاسود والملح والتتبيلة.
2-لفو السربينج روول بهذه الحشوة

3- رصو السبرينج روول في صينية بايركس وحطوه في الفرن لمدة خمس دقائق حتى يحمر من فوق شوي.

4- في الخلاط اخلطو القشطة والجبن

5- طلعو الصينية من الفرن وحطو عليها خليط القشطة والجبن حتى تغطي السطح تماما
6- حطو الصينية في الفرن وخلوها على حرارة 180 حتى تحمر الاطراف بعدين حمروها من فوق.



أتمنى انها عيبتكم انشالله تاكلونها بأللللللللللف مليون عافية :fa37:

ما شاء الله عليج وااايد اكلاتج حلوة:fa56:


تسلمين :fa37:

فديت روحج شماسي.. يشرفني انها عيبتج و انشالله تجربينها جريب...

و اشكرج على تواصلج الحلو..