احم .. ســـؤال ..

السلام عليكم

عساكم بخيــر

اممممم تدرون اني مبتدئة في التصميم

والصــراحة ما أصــدق عمــري من أخلص تصميم شـي حتـى لو كـان بايـخ

بس الصـراحه يعيبني لو شو ما كان .. > السبال في عين أمه غـزال < خ خ خ

المهــم .. الحيــن وين المشكـــلة ..

المشكــلة انـي يوم اصمم أخـزن التصميم بصيغتين .. صيغة الصورة وصيغة الفوتوشوب عشان أقـدر أعـدل على التصميم أو أضيف فيه شي أو أي شي أي شي أبا أسويه ..

اليــوم وأنا أنبـش في فايـلات الكمبيــوتـر .. اكتشفت ريحة خيانه

في حـد يستخـدم تصاميمي ويغيــر فيهـا باللي يعيبه ..

أوكي استخدموا تصاميمي ما قلنا شـي .. بس لا تنسبوهن باساميكم ..

عـ البارد والمبرد ياخذون تصميمي ومناك أنا أهلـك عمـري عشـان أسويه ..

أوكــي .. انا ما أبـا اعتب على حـد الحين .. كل واحد وضميره ..

الحيـن موضوع العنــوان .. اللي هو السـؤال يقـول .. ما أقــدر أحـط رقـم سـري للتصميم عشان محـد يقــدر يعــدل فيه غيـري ؟؟؟

ان شاء الله شي طريقه .. بس ساعـدوني وبكـون شاكره لكـــم ..

والسمـوحه ع الازعـاج ..

بايـــووو

بصراحه ماعرف يـ العجيبة
إن شاءالله بيساعدونج الأخوان
...
والله يعينج
وموفقه

انا عندي سؤال..

منو الي يستخدم كومبيوترج وياخذ تصاميمج ؟؟ ربيعاتج ولا اخوانج ولا منو؟؟

مايهم

اذا هذا كومبيوترج .. حطيهن في فايل سري.. او حطيهن في اي فايل وشي برامج تحط رقم سري على الفايل..

وبس..

الحساس ..
انزين كيف أسوي فايل سري ؟؟
يستوي حد يدخله هالفايل غيري؟
وشكرا لك مقدما


دمعة شوق .. شكرا

هي والله انا بعد ابي فايل سري D=

فايل سري اقصد منه.. ان اسم الفايل غريب مثلا..

انا عندي فايل عادي والكل يروم يفتحه بس مايحدرونه تعرفون ليش؟

لان الفايل حاطنه في فولدر ويندوز windows هذا الفولدر مايدخلونه العاده!!
واسم الفولدر خليته systemfv
وبس ..

لوول ادري غريبه الحركه بس سهله!!

لكن ويندوز 98 او xp واحد منهم فيه خاصيه تشفير الفولدرات..

بس بيبها لكم ان شاءالله

باك..

على اي فولدر اضغطوا الزر اليمين بتحصلون proprties بعدين ابتحصلون تحت شي مربع صوبه مكتوب hidden ..

وجي انتوا اخفيتوا لفولدر جدام العالم ... بس هذا هب تشفير ...

واذا بغيتوا تفتحون الفولدر ...
تسيرون لـ windows explorer ومن فوق اختاروا tools وبعدين folder opptions
وبعدين view وبعدين بتحصلون خيار show hidden files and folders واختاروه ..


وجي راح يبين الفولدر مره ثانيه..

واذا بغيتوا تخفونه ردوا سوا نفس الحركه بس اتخدموا الخيار dont show hidden files and folders

تمام..

طبعا بعض الناس تعرف هالحركه والاخر مايعرف وخاصه الصغاريه مايعرفونها ومفيده ضدهم..

لكن اذا بغيتوا برنامج الي يخلي كل فولدر عليه باسورد .. بييبه لكم في واحة البرامج بعد ماخلص امتحاني..

ودمتم..

جربي هذي الطريقه

right click على الفولدر

بعدين سيري Sharing

عندج خيار و هو Make this folder private

اختاري هذا الاوبشن و بعدين بيطلب منج تحطين باسوورد

سوري لانه بعض الجمل بالانجليزي

ههه الفايل السري شكله بيستوي سري حتى علي أنااا ..
كمبيوترناا زحمــة ملفااات بشكل محد يتصوره .. كل واحد يفج له ملفين ثلاثة في اليوم ..
يعني الاشياء اللي مب خاشينها ننسى أماكنها من كثر الزحمة عاد الواحد لازم يسوي بحث باسم الفايل ..
لو غيرت الاسم لشـي ما اعرفه بضيع في متاهات ..


والطريقة الثانية محد ما يعرفها .. يعني بينشاف ان ملفي مب موجود ..
وبعدين مثل ما قلت يسونها ضد اليهال .. هيهيهي اليهال عندنا يدشون النت بس .. مالهم فايلات ولا يفتشون فيها ..
يعني الكبار مب صعبة عليهم دامهم هم اللي علمووني .. خ خ خ

يعني نتريا البرنامج اللي تقول عنه .. يسوي باسووردات ..



أختي خسوفه .. Sharing مب بروحها ..

كاتبين Sharing آند سيكيورتي .. ويوم دشيت عليها ما حصلت اللي قلتي له عنه
شكرا لج