عوده جناويه

السلام عليكم ورحمه الله وبركاته

السموحه منكم أعضاء واحات بن دبي وأشكر كل من سأل عني أو ييت عباله فيكم الخير وما قصرتوا ....
أنا أعتذر عن انقطاعي المفاجي والإضطراري الصراحه كل شي صار بسرعه وما قدرت أسوي شي :fa36:

عموما السبب للغياب سلمكم الله انتقلنا لبيتنا اليديد في الصحرا يعني ما في نت ولا تلفون ولا شي ماشي غير تراب يخيس المواتر لا أكثر ... وبعد جهد جهيد الحمدلله قدرت احدر الواحات بس لللأسف وايد بهدلت عشان أحدر نص ساعه بغيت أموووووووت .....

بصراحه وصدق اشتقت لكم كلكم كلكم وأتمنى ما أنقطع عنكم مره ثانيه أبد لأني حسيت بنقص والله ...

الحين الكل يقول فخاطره ردت الهذربانو فديتني والله يلا أشوفكم على خير
ان شاء الله

تصبحون على خير

الحمـــد لله على السلامـــة ,,

..

عـــــــــــــــــــــودة حميدة

الحمدلله عالسلامه و نورتي دارج و بسم الله الرحمن الرحيم

ولكمـ بــــــــــاكـ

احلى بااااك يا احلى جنيه

السلام عليكم ورحمه الله وبركاته

أحلى منصوري .... الله يسلمك من كل شر

قلب الوصال... مشكوره حبوبه


خنفروش ... الله يسلمك منوره بوجودكم ....


عزيزه النفس .... ثانكس حبوبه


أم خدود .... ثانكيو عزيزتي

ولكموووووو


مبروك على البيت ..

ماعزمتينا ولا مانستاهل ..

عساه بيت معمور دووم يارب ... والله يرزقكم بدال خط واحد 3 خطوط انترنت :)

وانا اقوووووووول هاي البنت وين اختفت
حياااااااااج يالجنيه ...
والله يعينكم البيت .. ويم تنتقلون منه اتحسووون اب وحشه غريبه الين ما تتعودون على الانتقال

الشوق

وعليكم السلام ورحمة الله وبركاته،

((تــراب يـخـيس المواتــر.. ))

الله حيّه يا الجنيه،،
مرحبا بج..

الحساس

الله يبارك فحياتك
أفا عليك العزومه قريب وان شاء الله أنت أول المعازيم
ثلاث خطوط يالظالم !!!! نحمد ربنا جان حطولنا خط لاسلكي ذالينا عليه


الشوق

اختفيت ترا جنيه ما أنلام *_^
صدقتي والله صدق بيت يديد وفريج يديد احس بغربه بس الحمدلله الحين كل شي تمام

خوي الواحات

موتري يديد وقلبي يعورني عليه كل ما غسلوه دقايق والا انه التراب مغطنه
والمشكله اللون (أسود) :vampire:
الله يحييك

الحمد لله على السلامه جنيتنا :huh:

ومبرووووووك على البيت اليديد .... :inlove: نتريا العزيمه لا تنسين

أهلين أختي نورتي الواحات :)

حلم الطفوله

الله يسلمج
الله يبارك فحياتج وعقبالج ان شا ءالله

الثعلب الرمادي

هلا فيك اخوي منور بوجودكم