البحر سلطـاااان .. اذا هاج .. محد يوقف في ويهه

<ynabshon leish>

السلام عليكم..

..

ام اخدود... احيـــج على ردج ، و بصرحه انا اتعيبني الشخصيات الصريحه.. " اللي في قلبه على لسانه "..

..

واليوم ع الغدا.. حطوا خبر عن البابا.. و اتذكرت موضوعج.. فخبرت الوالده عن اللي صاير .." وهي عندها خلفيه دينيه كبيــــره "... قالتلي.. بالعكس.. هالتصرف غلط.. والكفار اللي الله سبحانه و تعالى اتعودهم في القرآن هم المشركين .. المسيحيين من أهل الكتاب.. والله سبحانه ذكر انهم اقرب موده للمسلمين من غيرهم..

اما عن السب..

فالرسول عليه الصلاه و السلام قال بما معناه : قل خيرا او اصمت...

اتمعنوا في الحديث.. قل خيـــــــــــــــرا... ، والسب مب من اخلاق المسلم.. وهذي للاسف مسأله كبيره شاعت بن مجتمعاتنا..

..

والاخـــوان اللي عارضوج... خذتهم غيرتهم عن اسلامنا... ولهم الحق.. لكن...النصح يكون باللين والرفق... مب بهالعصبيه اللي صارت..

..

الله يهدينا و يهديكم..

اختي ام خدود ..
تسلمين على التوضيح ..
بس كلكم خذتوا الموضوع بحساسيه كبيره ..
كل انسان له شخصيته .. ودينه ومذهبه وتعصبه الديني ..
يمكن الشباب ما قصدوا اغاظتج .. او اهانتج .. بس كانت كلمات تدل على احترامها وتمسكهم بدينهم ..
طبعا المسلم يتصف بالاخلاق الطيبه .. والمعامله الحسنه .. مع الجميع .. سواء المسلم او المنافق او اهل الكتاب او المشرك ...
عن عبدالله بن عمر رضي الله عنهما ان رسول الله صلى الله عليه وسلم قال: (( ليش المؤمن بالطعان ولا اللعان ولا الفاحش ولا البذيء)) أخرجه الترمذي
يا اختي انتي غاليه وووجودج مهم في الواحات ..
وانسوا السالفه .. وحصل خير ..
والسمووحه

:nerd:

انا مع اختيه عنود الريف في الي قالته

و ما اشوفج غلطانه في شيء و في نفس الوقت ما اشوف الشباب غلطانين في شيء

يمكن اسلوبهم كان فيه شوي تعصب , و صعب الواحد يتقبله :huh:

اتمنى انج تنسين الي صار :fa48:

بس يا ريـــت تقللين من كلــمة (( انا )) في مواضيعج ومداخلاتج ختيه ام خدود

احسبي كم مره قلتي فيها هالكلمه (( انا )) ويمكن تعرفين غلط كبيـر موجود في طريقتج في التعامل والتناقش مع الناس .

اخوج e-mail

// //

شوق القلوب

الغاليه .. مشكوره على الرد ..
وانا من ناحيتي عادي .. بس بصارحه كلامهم وايد ازعجني
عشان جي دخلت الفضفضه وفضفضت

// //

عنود الريف

مشكوره حبيبتي على الرد ..
وما صار الا كل خير ..
والله كان الموضوع عندي جدا عادي .. بس الله يهديهم .. يابوها بطريقه انرفز الواحد

// //

نصووور

تسلم على الرد ..
ومب زعلانه من حد .. مافي شي يستاهل الواحد يزعل عشانه
بس حبيت اوضح موقفي في هالفضفضه ..

// //

بريد الكتروني

ما عندك ملاحضات ثانيه بعد حول الفورم الي انكتب فيه الموضوع ؟؟!!

يا ريت لو رديت على محور كلامي نفسـه !!

كان بيكون أفيد اعتقد ..

// //

ادخلي مواضيعج وردودج كلها وبتعرفين شو قصدي ..
حلـو انه الواحد يطالع اللي جدام عيونه .. ومش حلو انه الواحد يطالع تحت ريوله دوم

واذا بتاخذين كلامي بحساسيه زايده .. از يو لايك :fa48:

بباي

السلام عليكم ..

ام خدود :: شحالج عساج بخير .. الصراحه عجبتيني بصراحتج

وكلامج كله صح .. انتي حره بنفسج

وعن كلام السب .. ترى الزمن مافيه ناس محتشمين ..
الكل قام يسب .. الهنود قامو يسبون المواطنيين

وصدقت اختي شوق القلوب في كلامها ..
((((فالرسول عليه الصلاه و السلام قال بما معناه : قل خيرا او اصمت...

اتمعنوا في الحديث.. قل خيـــــــــــــــرا... ، والسب مب من اخلاق المسلم.. وهذي للاسف مسأله كبيره شاعت بن مجتمعاتنا))


اسمحولي اذا طولت ..
ترى كل اناسان في قلبه غيره

واخويه ...بريد ألكتروني

شحالك وعلوومك عساك مرتاح ..

ياخويه مب زين جي كلنا اخوان .. خل الحرمه تكتب الموضوع عراحته
ترى كلنا اخوان

اسمحلي اذا طولت عليك ..
ولا تحط في خاطرك ..


اخوكم السنافي

اضني اتفلسفت وايد :fa46:

سنافي

ما عليك منهم ..
على العموم .. تسلم على الرد .. الواحات صارت محتاجه لأمثالك

ترا هالي يقول .. لي مايعرف الصقر يشويه ..

بالعكس .. انته حاولت تكون كبير .. بس ما قدرت .. لانك مش متعود تكون كبير ..

الكبير حتى وهو يلعب كبير .. الكبير .. حتا وهو صغير .. كبير ..

ويوم انته مش قادر تضبط كلامك ومشاركاتك .. لا ترمس في الاخلاق ..

مسوي عمرك فاهم في الدين .. وترمسني جي !! ..

shame on you !! يا ولد الناس

اخويه بريد الكتروني .. واختي ام خدود ..
لا تكبرون السالفه واتسوون من الحبه قبه ..
الدنيا بعدها بخير ..
والناس بعدهم طيبين ..
والخير بعده موجود بين الناس..
انتوا استهدوا بالله ..
وانتوا اخوان والاخوان ما يتضاربون .. بالعكس يتفاهمون ...
فالاحترام متبادل .. سواء كانت بنت او ولد ..
يعني اخويه بريد الكتروني انت جرحتها شوي ..
واعتقد اختي ام خدود انتي جرحتي الريال يوم تكلمتي عن المريلة .. يعني الريال كله ولا رجولته ..
نحن في واحه الفضفضه .. ولان اسمها واحه الفضفضه .. خل كل واحد يفضفض كل اللي بخاطره .. بس باحترام طبعا ..
اتمنى ما تزعلون مني ..
انا كنت ابدي رايي بس في اللي مستوي ...
وربكم كريم ..
والمشكله مب عوده .. سواء اخويه ايميل او اختي ام خدود بدوا بالاعتذار او رجعوا مثل قبل اخوان .. تزيد الحسنات ..
والله يزيد من حسنات الجميع ويحط من خطاياهم ..
والسمووحه منكم جميع ..

(خير الكلام ماقل ودل)

مافي مشكله من الأساس وكل واحد له الحرية يقول رايه بس فحدود ..
واللي يبى غير هالكلام يدور ربعه وأنا
مايخصني
:vampire:

وآخر كلامي

***
بسم الله

سبحان الله
والحمدلله
ولا إله إلا الله
والله أكبر
***

:)

السلام

شو هل سوالف والرمسه ؟؟ هذا موضوع للفضفضه موض للضرابه ..

اخوي بريد ممكن ماتكتب في هذا الموضوع وننهي هل سالفه

اختي ام خدود الرجاء ضبط اعصابج (Be Cool)

بن دبي