-
هذه قضيه اضعها بين ايديكم....
نسمع ونشاهد الكثير من الأخوه يعارضون ويمانعون بل ويحرمون استخدام اخواتهم لشبكة الانترنيت...بالرغم انه يقيم الدنيا ويقعدها في حالة ان منعه والداه من ذلك...
البعض يقول لمصلحتها؟ دون ابداء الاسباب ولا يريد اي نقاش ..
واخر يقول خوفا ومحافظه عليها.....
واخر يضع شروطا وضوابط لذلك...وخاصه في حالة صغر السن...
**
من اي الفئات انت؟؟
وهل نستطيع ان نقول ان البعض يسيء استخدام الشبكه في الأمور المشبوهه فيخاف ان يكون الوفاء من أهله ؟
مما تخاف على اختك؟ وبصراحه؟ وهل تعتبر المنع هو افضل الحلول التي توصلت اليها....
سأترك لكم حرية ابداء الرأي دون احراج
-
السلام عليكم
أشكرج إختي على الموضوع
أنا بصراحة اخاف على خواتي من النت
يمكن لأسباب عديدة و من اللي أشوفه من حال البنات
لكن أنا ما امنع إختي من النت لو إحتاجت له في الكلية
لكن أمنعها من دخول الجات و غيره من هالأشياء أما باقي الأشياء فخل تستفيد مثل غيرها
و كل شي لها ماحسن و مساوئ
و لو البنت متربية على أصول و تربية حسنه
وين ما تنحط تبيض الويه
أتمنى الله يحفظ خواتي و خواتكم و يسترهن و يستر عليهن و يوفقهن دنيا و آخره و يحفظ الكل
أخوكم العقــــــــا ب
-
مرحبابكو والله يا حي هالمنتدى ...
والله ومثل ماتعرفون والكل يعرف ان هذا النت فيه من الزين كثر مافيه من الشين
والواحد مايرضى لخويته انها تشوف الشي الهوب زين لمصلحتها ..
يعني خوفا على خويته ..
لكن اذا خويته طلبت منه ان يساعدها ف بحث ويخليها تستخدم النت . عشان تاخذ منه مادة الامتحان
تلقاه يرحب ...
يعني المسأله هب مسألة غيره ولا تمييز..
والكل يعرف كم من البنات تدمرن بسبب هذا النت ...
...
والاخت غاليه ...
والاخو ما يعارض بس على النت وبعد يعارض على استخدامها للتلفوون وشوقت الاغاني وسماعها والمسلسلات الهوب زينه ...
ولا انتو شو رايكو ....
ننتظر مشاركاتكم ..
-
عيون المها ..
انا اشوف ممكن الاخو ألي يرفض دخول اخته النت ...يمكن يخااف عليها من بلاوي النت وهو ما يخاف عليها من النت في المواقع العاديه بس اكيد من الجات او المسنجر لو ضافت الشباب ..يعني لو تهمه ما خاف عليها..
بس ها مب معناها ان يحرمها من دخول النت بتاتا ...يعني اوكيه يغيض لو دخلت الجات له حق وكل الحق بعد ولو ضافت شباب علي المسنجر بعد مالومه ...
اما تدخل مواقع عاادي لا صرااحه عادي هني بيكون زودها..
يعني النت الحين ملوب بالمدارس والجامعات والكليات حتي الدوامت الحين بتكون بنت مع تطبيق القرار ألي يديد ...وهي تحقيق الدائره الالكترونيه..
يعني المفروض ما يمنعها بس يكون هناك نوع من الاهتمام والنصح بين فتره وفتره
-
اشكرج اختي على هالموضوع...
وانا في رايي انه كل شي ممنوع مرغوب ...يعني اذا حرمت شخص من شي لازم بيي له فضول ويبا يعرف شو في هالشي والاسباب اللي تخلي الواحد يمتنع انه يشوف هالاشياء...
فالانترنت مثل مافيه سلبيات فيه الايجابيات....فانا مقدره انه الواحد يخاف على اخته من هالاشياء....بس اذا كانت تستخدم الانترنت في اشياء تحتاجها فهذا مايمنع
<img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'>
دمعة فرح
-
السلام عليكم...
تسلم يا اخوي على هالموضوع الحساس..
واللي اتمنى من الجميع الاجابه بصراحه...
وانا اتصور سبب هالخوف...هو السوالف المنتشره عن الانترنت.. واللي اغلبه
يكون اساسه غلط..وما له خص بالواقع..
واحب اقول كلمه لكل شاب...
اللي ما تبا الغلط..ما راح اتسويه...سواء في النت او في اي مكان ثاني..
واللي اساسا عندها هالدوافع...صدقني لو منعت عنها النت..والموبايل...وما خليتها تطلع...بعد راح تسوي شيء غلط...
تدري ليش؟؟
لانه الاساس في التربيه....لو البنت تعودت على الصراحه..وحصلت اجابه لكل سؤال في بالها...وعاملت اهلها شرات ما تعامل اصدقائها ..عمرها ما بتفكر بالغلط..لانها في ه لحاله بتفكر مره واثنين وعشر ومليون بعد... وبتقول في نفسها هذا جزاء اهلي..اللي عطوني الثقه وعطوني كل اللي اباه.. <img src="http://oasis.bindubai.com/non-cgi/emoticons/confused.gif" border="0" valign="absmiddle" alt=':?:'>
مجرد رأي...
والسموحه
-
مشكوره اختي سبيجة بنت ايمبيريج على اللي كتبتيه وكلامج صح ميه بالميه
لانه اللي يبا يسوي شي ويغلط راح يسويه باي مكان هب شرط الانترنت...
اللي يبا الصلاه مااتفوته
والاساس يعتمد على التربية اللي اتربت عليها البنية ...و مدى الثقة والمعاملة اللي يعاملون بها هلها.....
والسموحة
<img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'>
دمعة فرح
-
السلام عليكم و رحمة الله و بركاته
أنا أظن إن التربية هي الأساس في هذا الموضوع, و أشكر أخوي العقاب على كلمته يوم قال ((و لو البنت متربية على أصول و تربية حسنه وين ما تنحط تبيض الويه ))
بس لازم نحسسها إنها مراقبة منا, تعرفون يا إخوان إنه محد معصوم من الغلط.
هذا رأيي. و الله يستر و يحفظ خواتنا و خواتكم و بنات المسلمين كلهم من كل شر.
أخوكم
أسير الجرح
-
مع انه الموضع يتحدث عن اذا الشاب يسمح لاخته بإستخدام الانترنت ..لكن معظم الردود تتحدث عن تربية الفتاة و اخلاقها .. يمكن الموضوع له طرف متداخل في التربية لست ادري..
استخدام الفتاة الانترنت ليس قاصرا هذه الأيام على البحث للمواد العلمية و ايجاد المعلومات بل تعدى الى اكثر من ذلك كالاشتراك في المنتديات و مواقع الجات و جميع الاشياء الأخرى بغض النظرعن مدى ضررها او فائدتها ( طبعا هل الكلام ينطبق على الشاب ايضا)
لكن عندما يمنع شاب اخته من استخدام الانترنت لخوفه عليها من ضرره بالرغم انه يسمح لنفسه للدخول لمثل تلك الأماكن اللتي يعتبرها محرمة على اخته.. اي مثال يضرب لاخته في تلك الحالة؟؟ اي قدوة يرديها ان تتبع؟؟
غريب هذا التصرف.. ربما هو خاض التجربة و علم مدى خطورتها ولا يريد لاخته ان تنخرط في هذه السلبيات..اذا لما لم يتوقف؟؟ لما لم يبتعد ( و لا حلال عليه و حرام عليها) انا ما اقول انه لا عادي خليها على كيفها .. لكن مثل ما اتحرم مثل هل الاشياء (الضارة) عليها لازم اتحرمها على نفسك قبل
البعض بيقول لا و الله الريال ما يعيبه شي و بيتم قطعة بيضاء لا يشوبها شيء.. فعلا قطعة بيضاء تخفي سواد ما يفعله و قذارة ما يمارسه .. واذا بتقولون ان الشاب اذا غلط محد بيحاسبه .. لا تنسون رب العباد الذي لا يخفى عنه شيء ..و المذنب مذنب مهما كان جنسه
اذاً اخواني الشباب لازم تبدون بأنفسكم .. تصلحونها و تبتعدون عن تلك السلبيات عشان خواتكم يبتعدن عنها.. و ما في شي يستوي بالغصب اذا حرمتها منه في البيت تراها تقدر تستخدمه في مكان آخر ..ولا بتمنعه بعد في الكلية مثلا؟
لا طبعا .. اذاً يجب على الشاب ان يكون متفهم في الدرجة الاولى و يعطي المجال لنفسه ولاخته لكن بحدود .. حدود متساوية ..متساوية للطرفين
الثقة مطلوبة..مب الثقة العمياء ( لان النفس امارة بالسوء) فيجب المتابعة المستمرة .. المتابعة لا تعني التجسس عليها و لاانك تسوي هاكنج على كمبيوترها عسب اتعرف هي شو اتسوي ( شي استوى حقيقة لاحد الزميلات .. اخوها كان ايسويلها هاكينج عسب ايعرف هي شو اتسوي .. و طلعت البنت براءة ولله الحمد)
المتابعة بأنك تيليس وياها تعقد معاها صداقة اتخليها تثق فيك و لا تخاف منك و يومها ما راح تقدر البنت اسوي شي غلط .. ليش.. لانها ما تبى تخسر اخوها و لا تخسر ثقة اهلها فيها..
خواتي البنات ان شاء الله اتكونون قد المسوؤلية واتمنى لنفسي هالشي .. لازم وين ما كنا ما ننسى اهلنا و لا ننسى ان الله رقيب على اعمالنا .. فاتقوا الله في انفسكن ..
السموحة اذا طولت او اذا كانت افكاري مب واضحة
-
السلام عليكم ورحمة الله وبركاته
حبيت اشكركم على ردودكم ومناقشتكم للموضوع انا اختي ما اتحب الانترنت واذا بغت انا ما بمنعها لكن بتكون تحت المراغبه مثل ما قال اخويه اسير الجرح ولازم انحسسها انها تحت المراغبه ومشكوريين مره ثانيه<img src="http://oasis.bindubai.com/non-cgi/emoticons/bored.gif" border="0" valign="absmiddle" alt=':bo:'> <img src="http://oasis.bindubai.com/non-cgi/emoticons/bored.gif" border="0" valign="absmiddle" alt=':bo:'> <img src="http://oasis.bindubai.com/non-cgi/emoticons/bored.gif" border="0" valign="absmiddle" alt=':bo:'>
والسموحه<img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'>
وحبيت اقولكم مره ثانيه انا ولد مب بنت ومشكوريين
-
أخوي ...
أنا من وجهة نظري إن الأخوان ما يبون خواتهم يستخدمون النت لأنهم يستخدمونه هم بأنفسهم بطريقة غلط ويتوقعون من خواتهم نفس الشي لأنه يا خوي كل يشوف الناس بعين طبعه...
ومشكووووور أخوي على مواضيعك والله يعطيك العافية ..
وأنا متأسفه لأني في مره رديت عليك على إنك بنيه والسمووووووحه منك ترى إلي مايعرفك يجهلك...
بنت العامري...
-
صح اللسانج اختي بنت العامري كلامج صح الكل يشوف الناس بعين طبعه <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'>
وماعليه لانج خاطبتيني على اساس اني بنت كله واحد ومشكوره اختي على المشاركه<img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'>
<img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> السموحه<img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'>
-
والله الصراحة موضوع حلو ويهرب بعض الناس
بس انا بقول شي واحد حق الشباب ( كما تدين تدان ) وبقولكم شو معناة هالكلام
مثلا اذا انت سويت شي غلط ويالبنات خواتك بعد بيسوون هالشي ويالشباب غيرك
واذا خواتك ما سووها بيسونها بناتك او بنات عمك او بنات خالتك و..........
هالقانون في الحياة يا ما ناس ندمو على هالاشياء مثلا اذا عيبو على حد انه ريله منكسرة او مثلا معاق صدقوني يا نا انه بيستوي له هالشي او حق اخوه او حق ولده او ..............
واما عن اني اخلي خواتي فأنا عندي اخت وحدة اصغر عني واخليها واكون يالس عندها واخليها تدخل بساعات وانا وائق منها والحمد لله
والسموحة
-
سؤال مراوغ..
عموما.......
الشاب اكثر صلابة و تفكير من الفتاة التي تنقاد لمشاعرها لذلك لا يفضل دخول الفتاة للمواقع التي يحتمل ان يحدث فيها احتكاك مع مستخدمين آخرين.
الرقيب كاتسويا سيوي
-
اخويه حبوب دبي صح كلامك لانه الواحد يوم بيسوي شي لازم اخوه او اخته يسوون مثله فنحن لازم انكون غدوه حسنه لهم فيمثلا لازم انراويهم نحن شو نلعب في الانترنت عشان يدخلون المواقع الزينه والدينيه مثلا ومشكور اخويه على المشاركه<img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'>
اخويه الرقيب كاتسويا سيوي صح كلامك ان البنت تنقاد لمشاعرها عن الولد لكن الولد يمكن يقع في نفس الغلطه الي بتوقع فيها البنت اذا ما عرفت تستعمل النت بالطريقه الصحيحه ومشكور اخويه الغالي
<img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'> <img src="http://oasis.bindubai.com/non-cgi/emoticons/inlove.gif" border="0" valign="absmiddle" alt=':love:'>
