اشفيج

اش فيج ؟؟؟؟

ليش الكل يسألني شو فيج ؟؟ ليش ماأقدر بكيفي أبكي؟؟
ليش ما أقدر أحزن ولا على أحلامي اللي ضاعت أتألم؟؟
ليش يسؤلوني عن الي فيني ؟؟
كيف أقول أش اللي فيني ولمن أشكي همي
أخاف أتكلم وأجرح ... أخاف أتكلم وأتألم
ماعدت بنفسي أتحكم
تعبت من البكا وتعبت من أحلامي
لي متى أحلم ولي متى أتحسر
لي متى أبني قصور رمال على شاطىءهيجان
أبني وأتعنى و بالأخير موجه ظالمه تهدم  اللي بنيته
ويسألوني أشفيج؟؟؟
من من أشتكي؟؟ ولمن أشكي؟؟
 بعدهم يسألوني اشفيج؟؟؟<img src="http://oasis.bindubai.com/emoticons/down.gif" border=0>

تقدرين بكيفج تبكين ومن قال ؟!! بس عشان السؤال !!
أبكي لأجل ترتاحين من اللي في صدرج ...
وخلهم يسألون اش فيج ... بإمكانج تردين وبإمكانج تسكتين ...
اشكي للي تحبين تشكين له ..
وإن ماعندج حد تشكين له !!
أبكي ..
يمكن يسألونج اش فيج عشان يشاركونج أحزانج وآلامج !

<img src="http://oasis.bindubai.com/emoticons/fa54.gif" border=0> إذا قل السؤال قل الوصال !!

وإذا سألت فأسألي الله <img src="http://oasis.bindubai.com/emoticons/fa33.gif" border=0> وإن ضاعت الأحلام فلا حياة مع اليأس !!

وأشتكي لله فأنه خير معيـــن !!

فهو مفرج الهم وكاشف الكرب .. قل يا عبادي لا تقنطوا من رحمة الله .

نسأل الله لكي التوفيق .

أخوج
المقاتل

:: اختيه الجنيه ::
مشكلتنـــا نحن البشـــر هو نظرتنــا في الاتجاه السلبــي دائماً وما انشوف الجانب المضيئ من الأشخــاص ..
حد نشد عنج بس ما شكيتــي لـــه .. اتقولين يمكن ما يتحمــل ,,
عيــل شو الفايــدة من هذه الشخــص إذا ما وقف معانــا في الضراء ولا بس في السراء متواجــد ..
واللي ينشــدج عن حالــج تراه واثــق من عمــره إنه راح يخفف عنــج هب بس راح يسمع ويطنــش ..

لا حياة مع اليأس ولا يأس مع الحيــاة ,,

موفقــة يا رب ..

والسموحه

أخـــوكم
أحلى منصوري

المزوحي 

أخاف من هالكلمه(أشفيج) ما أدري ليش
أخاف أرد بالي فيني وأندم
أخاف أتكلم وماألاقي  حد يتفهم
أخاف أشركهم باللي فيني وبالنهايه أتألم..
حتى صياح ماأقدر أصيح على حالي
أتعرف ليش؟؟؟
لأنه بيسألوني  أشفيج
أكره هالكمله والله...

اشفيــــــــــــــ� �ـج <img src="http://oasis.bindubai.com/emoticons/tounge.gif" border=0>

لالا السموحه ما بسألج

اللي حواليج يوم يسألون هم مب قصدهم الازعاج او الفضول بالعكس
اللي يسألون ما يبغون يشوفون ويهج حزين او نفسج متكدرة
يحاتونج .. انتي ما تدرين شو تكوني بالنسبة لهم .. لازم يهتمون بأمرج في السراء او الضراء
ولو ما كنتي عزيزة وغالية عليهم حتى ما اظني بيسلمون عليج .. فما بالج بالسؤال عنج <img src="http://oasis.bindubai.com/emoticons/love.gif" border=0> ؟

الله يعينج

والسموحه

المقاتل

ونعم بالله أخويه وبالفعل ماخاب من سأل ربه
الصراحه ردك ألجمني
أشكرك من كل قلبي
الله يوفقك

السلام عليكم

فضفضة جميلة ..

نحن لا نستطيع أن نتحكم بالبكاء
او ان نحس بالحزن والضيق .. فهما يأتيان
بتأثير حادث يمر بنا او موقف نشعر بها ..

يقولون عندما نفكر بالالم والاحزان التي مرت بنا
يزيد بنا الالم والضيق ونشعر بمرارة الحزن وكأنه يغوص
في أعماق قلوبنا .. فالافضل أن ننسى آلامنا ونتذكر أفضل لحظات
حياتنا .. صحيح أن الالم صعب نسيانه ولكن بالمحاولة نستطيع القهر ..
علينا أن نتذكر أن هناك من يستقبل شكاوى الخلق دون ملل او كلل
وهو الخالق المولى عز وجل

<img src="http://oasis.bindubai.com/emoticons/smile.gif" border=0>  <img src="http://oasis.bindubai.com/emoticons/smile.gif" border=0>  <img src="http://oasis.bindubai.com/emoticons/smile.gif" border=0>
جميل ما كتبتِ من فضفضة
وفقكِ الله وأخرجكِ مما أنتِ فيه

والسمووحة
الملهم

السلام عليكم و الرحمة

..:: الشكوى لغير الله مذلة ::..

إن ضاقت بك الأيام... و إزدادت ظلمتها...

إلجأي لمن يستطيع أن يعيد نورها...

ارجعي لمن يستطيع أن يعيد إشراقة شمسها

عودي لمن يملك زمام بريقها...

غاليتي

تأكدي بأن الله معك دوما...

و أنه يفهم كل ما يختلج في نفسك...

و بأنه الوحيد الذي يعلم سر سعادتك

و إن كنت تجهلينه...

عزيزتي

عندما تحسين برغبة في البكاء

ارجعي إليه

و ابكي بين يديه

مع محبتي

وحي القلم
<img src="http://oasis.bindubai.com/emoticons/fa33.gif" border="0" valign="absmiddle" alt=':ff3:'>

عـزيزتي :
اللي فهمتـه انج ما اتحبين تشكيـن لغيرج ، عشان ما اتزيدينهم هم فوق الهموم اللي عنـدهم ..
بس حبوبة أحياناً الإنسان يحتاج لحد يكلمه ويشكيله.. لكن احرصـي انه يكون الشخص المناسب .. يعني أحياناً شي ناس بس جي تسأل عشان تسمع بدون ما تعطيج حلول أو نصايح ..
وانتي يمكن اتخافين من ان هالشخص ما يفهمج عشان جي ما تبين تشكين له ..؟
وصدقيني اللي بيستعين بالله في أموره ما بيحتاج للناس..
الله يوفقج..
..المعـذرة..

أحلى منصوري

صدقت أخوي أدري أنه الي يسأل قصده يواسي أو يساعد بس المشكله
السؤال هو الصعب ,,, يعني من يسألوني شو فيج يردون لي المواجع
على قولتهم وهالشي اللي أحاول أتحاشاه وأتناساه بس
خلها على الله....

السموحه منكم يمكن أنا مكبره الموضوع وهو ما يستاهل

العجيبة
الغاليه أنا وياج بكل اللي قلتيه بس مثل ما قلت لأخوي المنصوري
أحيانا هالسؤال يكون هو السبب في كدري يعني أنا من
النوع اللي ما أحب أشكي لحد واللي فيني
ما يعرفه غيري بس مرات السؤال
يتعب ويعذب بشكل فضيع
....
عموما مشكوره الغاليه

.....

الملهم
فعلا لما نتذكر الأوقات الحلوه أو الأشياء اللي اتفرحنا
ننسى اللي فينا وما نحس بش غير السعاده
بس للأسف نرد ونتذكر اللي صار ... والانسان بطبعه
أناني يعني لحظات السعاده نذكرها وننساها أما
الحزن ما ينتسى ...

شاكره لك تواصلك <img src="http://oasis.bindubai.com/emoticons/fa31.gif" border=0>