-
<font color='#000080'><font size=3>
حبيت أطرح مشكله يمكن تكون غير... والكل دائما مايتكلم عنها.... الكل يتكلم عن العنوسه وانه من اسبابها رغبة البنت بالدراسه والمهور ولا اخلاق الشاب وحاجات غيرها طبعا....
ولكن ولا مره قرأت من ضمن المواضيع هذه عن الفتاة اللي مايتقدم اساساً لخطبتها اي احد نهائيا.... على الرغم انها تكون متعلمه وجامعيه وبنت عائله طبعا مع اختلاف مقايس الجمال الشكلي واكيد تكون بنت خلوقه ولكن هذي البنت لم يتقدم طيلة سنوات حياتها أي رجل لخطبتها برأيكم هالبنت شنهو تسوي وهي تشوف البنات اللي درسوا معاها تزوجو ماشاء الله وصار عندهم اطفال وأسره خاصه فيهم وهي تجلس تتحسر على روحها اذا راحت لزيارتهم ولا لزيارة الاهل وشافت اللي اصغر منها بكثييييييييييير واللي قد عمرها تزوجو وهي جالسه مابين أربع حيطان ياتربي في عيال اخوانها وتتنكد من اخوانها معاملتهم معاها ورميهم لعيالهم كل شوي والثاني وكل هذا وهم معتبرين ان هذا واجب على اهلهم الاهتمام بأطفالهم طبعا عشان وجود اختهم في البيت اضافةً الى نظرة الأخوان لأختهم ان هذي مستحيل احد يتقدم لها اصلا مستبعدين هالفكره لأن هم يعتبرون كل شي حلو في زوجاتهم وكل شي مايليق الا على زوجاتهم وياما تعرضت هالبنت للأهانه بالتقليل من شأنها من قبل أخوانها جدام زوجاتهم هذا غير التطنيز والأستهزاء اللي تلاقيه من اخوانها على الي تلبسه جدام حريم اخوانها لأن الذوق الحلو برأيهم لزوجاتهم وبس فعلا حاجات مريره لو اذكرها لكم ماتصدقون أبداً أدعو ربي ليل مع نهار انه يرزقني بالرجال الصالح حتى لو هو يبي يخليني الثانيه مع المراره اللي ادعيها الان وانا ادعو بهالدعاء لاني مثل اي بنت تتمنى تكون لزوج بروحها مامعاها شريك ثاني ولكن عجزت ومل الصبر وعجز من صبري انا انسانه عندي احاسيس ومشاعر ابي اطلعها في ناس يستحقون اني اطلعها لهم مش اضحي على ناس مو مسويلي قيمه ويعتبروني مجرد تقضية حاجه لحريمهم بالروحه لمكان ولا بتوفير سبل الراحه لهم ولأطفالهم ... كل يوم يمر اجلس افكر ليه كل هالبنات تقدم لهم رجال وخطبوهم وبعضهم ارفضوهم بس انا من الأساس مافيه احد دق الباب نهائيا .. اتصور لو بيصير هالشي اخواني راح ينصدمون ويمكن مايصدقون ولا يوافقون بعد لانهم تعودوا وجودي خادمه لعيالهم وحريمهم مش متصورين اني ممكن بأحد الأيام أكون زوجه وأم لعيال مثل حريمهم وأن كنت حتى أنا احس مرات باليأس وان هالشي ماراح يتحقق لي أبداً ...هالكلام كله طالع من صديقة لي الين الحين مش معرسة.. اتقول الكلام وهي حاضنة بنتي الصغيره 5 اشهر...
أبي اعرف رايكم بهالمشكله كيف تنحل اذا هي حلها مقطوع من جذره اساساً ..
وشكرا لكم
</font><font color=#cc3366 size=4>بنت البوم</font></font>
-
<font color='#000080'><p align=center><strong><font color=#0000ff>بنت البـــوم
</font><font color=#990000>سلمــت الأنـــامل عزيــزتي
وبالفعــل موضوعج مهم وحلووو
البنت الي ما تقدم لخطبتها أحـــد..
أول شي نقول..
كل شي فالدنيــا قسمــه ونصيب...
والي الله كاتبــنه بيصير..
وحتى لو وقفت الظروف ضده..
ولا حياة مع اليــأس..
الواحــد ما ييأس ولكــن ياخذ بالأسبــاب
فالبــدايه قبل ما نجــد للمشكله حل..
لازم نعرف شو هي الأسبــاب الي تؤدي لهالمشكله...
ما بنقول ان البنت مش جميله عشان جيه ما تقـدم لخطبتها أحــد
لا..لان الجمــال نسبي وكل انسـان جميل...لوما كان بشكله بتكون روحه جميله
الي بغيت أوصــل له..
ان ممكــن تكون البنت حبيسة البيت..
أو أنها ما تحب تطلع جــدام الناس ولا أخوانها ما يبون حد يشوفها
عشان جيه النـاس ما شافوها عشان يخطبونها
هــذا رأيي
وأحلى شي في الدنيـــا
ان الإنســـان يكون راضي ومقنع بنصيبه
</font></strong></p></font>
-
<font color='#8D38C9'><p align=center>تسلمين ختيه ع الموضوووووووع الاكثر من حل\ووووو
وهاي تعتبر قضية مهمه تعاني منها الكثير من الفتيات <img src="http://oasis.bindubai.com/emoticons/rock.gif" border=0>
لكن ليش ما تحطون في بالكم ان هالبنيه ايونها عسب يخطبونها ويرمسون ابوها او حد من خوانها دون هيه ما تعرف والاهل يرفضون يبونها تتم عندهم <img src="http://oasis.bindubai.com/emoticons/rock.gif" border=0>
والسموووووووووووووووحه </p></font>
-
<font color='#0000FF'><FONT color=#0000ff>
<P align=center>السـلام عليـكم
<FONT color=#000099>للأسـف الكثيـر مـن بنـاتنـا يعـانون هـذه المشكلـة ( العنـوسـة )
وذلك بسـبب غـلاء المهـور .. التفـرقة العنصـرية بيـن القبايـل وغيرها مـن الأسـباب</FONT>
أرى سـبب حـدوث مشكلـة هـذه الفتـاة أنهـا لم تختـلط مـع الآخـرين, وأنهـا لا تحـب الزيـارات وحضـور الأفـراح, بالتـالي لا أحـد يعـرفهـا ولا أحـد يـراهـا, ولكـن فيضـل الزواج قسـم ونصيـت, وربمـا الله سبحـانه لا يـريد أن يتـم زواجهـا <IMG src="http://oasis.bindubai.com/emoticons/down.gif" border=0>
اصبـري عـزيزتـي علـى هـذا الابتـلاء
ولا شـي مستـحيل حـدوثـه في هـذه الدنيـا
فـلا يأس مع الحيـاة وحـياة مـع اليـأس
.. <FONT color=#000099>بنـت البـوم</FONT> ..
أشكـركِ أختـي الغـاليـة علـى المـوضـوع
وربي يعـطيج العافيـة <IMG src="http://oasis.bindubai.com/emoticons/smile.gif" border=0></P></FONT></font>
-
<font color='#000000'><p align=center><font size=3>الســــــلاام علــــــيكم ورحمــــــة الله وبركــــــاته
نعيب زماننا والعيب فينا ... وما لزماننا عيب(ن) سوانا.
كم احزنتني هذه المؤساة الاجتماعية المؤلمة.
العيب هب في البنت ،، العيب في نظرة بعض افراد المجتمع الجهّال.
بعض الرجال يخاف كثيراً من زوجته .. ويفرغ غيضه اما في ابنائه او احدى اخواته اللتي جار عليها الزمن ولم تتزوج.
الله يوفق الجميع.
ومشكوره <font color=#996666>اختيه بنت البوم</font> على هذا الموضوع.
وجزاك الله الف خير.
والسموحه
اخــوكم
احلى منصوري</font></p></font>
-
<font color='#000000'><p align=center>اهلين وسهلين ومرحبتين
طبعا الفتاه في هالوقت ما بيدها حل لو ما جا احد وتقدم بطلبها للزواج ولكن قد تكون احد الاسباب مثل ما ذكرت الاخت بهجه الروح عدم اختلاطها بالناس او المجتمع اللي عايشه فيه
واظن من الحلول لهاي المشكله هو مثلا عن طيرق اصدقاء الام بأن يصبحوا كالخطابه لها ولست اقصد بأن يذهبوا الى بيوت الناس لا
الذي قصدته هو بأن يذكروا هاذه الفتاه في المجتمع ويذكروا الميزات التي فيها واكيد الذي يفعل ذلك سينال اجرا كبيرا من عند الله سبحانه وتعالى
انا اقول حتى لو لم تتزوج الفتاه لو كانت ناجحه في حياتها العلميه والعمليه اهو اهم مكسب لها
وتقبلوا تحياتي</p></font>
