أشعار فكاهيه

<font color='#000000'>حب القطــاوة

قــالت القطوه :

أقول مياو من قلبي *** أقول مياو في فراقك

تذكر يوم ذاك الكلب *** عضك مع طـرف ساقك

وقلت مياو يا رجلي*** و انا ربطت لك ساقك

حبيبي لا تقول مياو *** أخاف تزيد باشواقك

وقال القطـــو :

نسيتي آخر زباله *** نسيتي حبنا فــيــها

نسيتي علبة التونه *** ضربتيني وأكلتيها

وصرت أبكي أقول مياو *** وعيني طايره فيها

ولــكــنــــك جحدتيني *** طــردتيني وخذتيها

وآخر ما أقول مياو *** طالق كان عدتيها

اســــرع وفــحــط

اسرع وفحط والمواتر تخليك ** عنتر زمانك يوم خانك زمانك

في كل شارع به يحفص عراويك ** ورعان تهتف لك وتثبت مكانك

والعسكري يومه يسطر علابيك ** ماهي غريبه كان سبك وهانك

يومك فشلت بكل شيٍ يعليك ** ماعاد لك شي يعلي بشــــانك

خليت علمك والتهيت بصعاليك ** ولا طعت والد يوم يبكي عشانك

والوالده يومن تصيح وتوصيك ** أهملتها واقفيت تبغي هوانك

رح انقلع ربي يفرج بلاويك ** اسرع وفحط لين تفقع أذانك

معقوووولة تنساني يا عيوني ؟!؟

معقولـة أنت تنسانـي يا عيوني ***** معقولة تنسى بريـــدي الإلكتروني

معقول تقسى و تهجـــر بالحيل ***** ولا كأنـه عندنا يا ســـيدي إي ميل

دامها هــــذي سواتك وتتكبر ***** أشيلك مــن حياتي ومــن الماسنجر

كل شـي بيني و بينك مـــات ***** ولا أرد عليك حتى لو جيتني في الشات

حلال فيك الهجران أنت اللي غدر ***** حــلال فيك ألاعيب وخــراب الهكر

أنت أللــي بديت وللمحبة بعت ***** نسيت مـــن علمك وفهمك الأنترنت

زمـــن الموبايلات

الزمن هــذا صـار مـــن نوعـــهُ فـريــــد

عــجــائـب وغـــرائب بـكـل الــوانــــه

من يوم غــزونا الغـرب بالـشـبح والعنيد

والرهـيب وابــو ليــزر أللي كثيرةٍ غطيانه

وين ماتروح تلقاه مع الجندي لين العـميـد

حتى فرّاش المدرسه وموزّعه على ورعانه

أذا أقـبـل تسمعه مثـل الطيــر له تغريــد

وفـــي المجالــس لــه طنطنـــه بالحانــه

بعض المرات تسمع طــــلال وعبــد المجيــد

ومرات كنهــا كحــــت عنــــز مرضانـــــه

واليوم جابــوا الرسايل وقالــوا تجديــد

للي يبا يراســــل جماعتـــه وصدقـــانــه

رسايــــــل تنرســـــل بدون طابـع بريــــد

تتجــه صــوب اللــــي قافـلاٍ بيبانـــه

وهالرسايل خلــت الأحرار مثل العبيــد

وخـلــت الأبكـــــم يلاحقنــا بلسانـــه

بعضهـــــا علـــى القلب مثل التبريــــد

وبعضهــــا محشـــات ونكــــت ولعانـّـــه

أشغلونــا ياعساهـــم بالجــوع والتشريــد

وتبعــدعنـا جماعــــة ابليـــس واعوانـه</font>