كل هذا حدث بسبب الألعاب الناريه

يوم الاثنين 15-12-2003

الساعه 3:30 خلص دوامي فالكلية..طبعا تعب وتسطيل عالكيف..وزود ع جيه كنت صايمه..ويت امايه تاخذني من الكلية
 
تفاجأت بان يدوه منومه فالمستشفى .. سرنا المستشفى ويلسنا عندها لين الساعه 5 وشو تقريباً ..

المهم كنت احاتي الصلاة لان ماوحاني اصلي فالكليه .. سرنا مسيد المستشفى .. صلت امايه وظهرت .. وانا بعدني اصلي ع راحتي
 
وانا ظاهره من المسيد تفاجأت بصوت ؟؟ عنبوووه بن باز يصلي لالا الشعراوي مال مصر ههاهاهاههها

وانا ادور لان كان يزاعج .. اكتشفت انه عمي .. وحليله كان يترياني ... عسب يسلم عليه ..

المهم ركبت السيارة ويامايه والدريول وخلاص رادين البيت ..دخلنا فريجنا ... والشارع فاضي .. إلا كمن طير ..

لاحظت ياهل يربع ... ولد اليران ساير بيتهم .. عادي شي طبيعي ... وشفت ياهل يمشي .. واندبغ مرة وحده ع الشارع <img alt="" src="http://www.fdeetuae.com/vb/images/smilies/confused.gif" border=0>؟

نجوول : امايه شو بلاه هالولد طاح ؟؟؟

امايه : ماتعرفين هاااه سالم خوج ,, راعي حركات نثيه : ......؟؟؟

كنت اتريا شو بيسوي ... شو استهباله الياي ... قربنا منه وهوو طايح عالرصيف ..

اول ماطاحت عيني ع ويه *_* ... كااان يتألم ,, بحيث انه تخيلي انه يناديني بملامح ويهه

المهم وعقب لاحظت ايده اليسار ... حممممممممممره

اتحراه يلعب باعصابنا كالعاده ؟؟ او زاخ شي احمر ...

لاحظت شي هب طبيعي الاصابع هب في محلها ؟؟؟!!!

( تخيلت ان سيارة دايستنه .. !! )

<div align=center>
<table style="width: 70%">
<tbody>
<tr>
<td style="filter: ">

وهذي صورة يديه اليسار الغالين اذا حد حساس ومايروم يشوفها
تراهااا الصووورة وااايد وااايد فيها ...
الي قلبه قوي ... يرووم يشوفها
<a target=_blank href="http://64.4.26.250/cgi-bin/linkrd?_lang=en&lah=ec8f6831209a251d5bcedbf534 4d7255&lat=1071909029&hm___action=http%3a% 2f%2fnathyt%2ejeeran%2ecom%2fsalemhand%2ejpg" target=_blank>صورة يديه بالدمان</a>

<a target=_blank href="http://nathyt.jeeran.com/salemhand.jpg" target=_blank>اضغطوا هنا</a></td></tr></tbody></table>
نجوول : اماااااايااااااا تعالي شوفي !!!

امايه : وااااااي ولدي لااااا سالم

نزلت الوالدة بسرعه ... من السيارة وسارت صوبه ونزل الدريول
 
وشله ع طوول وحطه في السيت الي جدامي

وصل سعد ,,, راعي المحل ..

وقال : كانوا يلعبون بالشلق (الألعاب النارية).. وسمعت الانفجار ؟!!

امايه : انزين وين وييين ااصاابعه ؟؟؟ وينها

ركبت الوالده ... وانا ع طووول بتصرف غير متوقع ... ابد انه يصدر مني

كنت هااااديه ... واحمد ربي واشكره ولاذرفت ولا دمعه ؟؟

نجوول: سالم شو صااار سالم ؟؟؟

سالم: ................

بس يناظرني بعيونه ... ولايرمس ... من الصدمه المهم كان في حاله .. دايخ ولامركز ...

امايه : نجوول ماااافيه صبوووع وين ايده

نجوول : اماااايه قولي الحمدلله قولي الحمدلله

زخيت ايده لي تنزف .. بيدي اليسار ... ورفعتها فووق ... وعدلت السيت بحث انه يكون

مستلقي.. تميت اردد (الحمدلله الحمدلله)... وامسح بيدي اليمين ع راسه "فديته والله" عيبتني

خصلة فيه هي .. اني يوم اقوله سالم قول الحمدلله ع طووول يقولها وهوو يتألم

تووونا رادين من المستشفى من عند يدووه ... ولقينا سالم وردينا به الطوارئ دخلوووه بسرعه وحار

بحار يداونه وهوو يزاااعج شوي ويصخ ...

المهم اذن علينا آذان (المغرب) فالمستشفى... سمعت الاذان ودمعت عيني ....

وامايه حالها حال .. وانا اصبرها وقولها الحمدلله انها يت ع جيه

الحمدلله انها اليسار هب اليمين

الحمدلله انها يده هب عيونه

الحمدلله انها صبوعه هب ايده كامله

الحمدلله انه يرووم يمشي ويتحرك

وهي تردد ورايه ( الحمدلله ) بصوت باااااكي ... حزين ع ضناه....

نجوول: امايه يلا نسير نصلي

امايه : ...........
( ناظرتني بنظره يالله منها عينها مترووسه دموووع ,, وصوت سالم وهو يزاعج )

توجهنا للمسيد وصلينا ... وعقب ركعتين حمد وشكر

ردينا للطوارئ وبعدهم يعابلون وشطه ... انا الصراحه مارمت احدر الغرفه

... تمينا لين الساعه 8 وياه سكت من بعدها ودشيت عليه ... وحالته حاله

رموشه رايحه وشعره من جدام آثار الحرووق .... وحاطينله الاكسجين ..

ولافين ايدينه لحظات من الهدوء سادت المكان .... قربت منه ..

همست له : بوغنيم شحالك ... طار الشر ... سالم حبيبي قول الحمدلله

سالم : الحمدلله بصوت (الم ..... سبحان الله كيف يرددهاا بصدق)

بعد دقايق رد يتألم ... وصلت يارتنا (ام احمد) حليلها كبيرة فالسن ....
 
كان سالم يلعب ويا حفيدها ... وقت الحادث .. المهم تربع صوبي ...
 
وشاله كلينكس ..... شو فيه <img alt="" src="http://www.fdeetuae.com/vb/images/smilies/confused.gif" border=0>؟؟

ام احمد : يامي هذا صبعه .. صبع سالم

نجوول : حصل خير ياامايه ... ماصار إلا كل خير

شلته الممرضه ( الصبع ) وحطته في دوى بحيث انه الخلايا إلي فيه ماتموت

... بعد لحظات وصل الوالد ... وتفاجأ ... لان نحن ماخبرنا باللي صار ....
 
بس قلنا له سالم مريض ع طول نقولوه للاسعاف .... لمستشفى خليفه ..

انا رديت البيت ... كيف اواجه خويه وخواتي ... كيف اشرح لهم الوضع ؟

دخلت الصاله ( همس ) يالسه ع النت وحليلها ماعندها خبر ... يالسه ترمس مجروحه .. خبرتها و

*_* شووو لاااا صدق ... المهم يوم وصفت لها حال سالم ... ماااااتت من الصياح

وسكرت النت ع طوول وسمعتنا ختي الثالثه ... *_* وسارت تصييح ..

وانا حاول اهدي الوضع هذا قدر من الله ومكتوب ... واقول الحمدلله انها ع جيه بس .... الخ

عقب دقايق صخن ,,,, اقتنعن بان الصياح لايرد شي ولا يرجع الوقت والي صار....

امر الله وقدره خبرت خوويه تم مذهووول ماسك راسه ولا يرمس ...
 
وسار يتاكد من الدم الي بالشارع ,,, ودفنه بالتراب ...

حتى البشكارة تاثرت ... لانه سالم كان جوو البيت ,,, وحياته ..

دق ابويه وخبرنا ان سالم فالعمليه ... وخلاص اقتنعنا انه بيتم بصبعين بس ؟؟

لكن .. قدر الله وماشاء فعل ,,, العمليه استمرت 10 ساعات من 8 لين 4 الفير ...
 
وامايه تحاتي

وانا بعالم ثاني عالم غير ... مستانسه ؟ ومتطمنه بان ربي مابيقصر فينا ؟؟

اصبحنا الصبح ... وتفاجأنا بخبر ... بانهم ردوا الابهام مكانه .... سبحاااااان الله

سبحاااااان الله ... انخلع من اليد بعروجه والعصب .... ورد بقدرت قادر

والابهام اهم صبع في اليد ... 50% اعتماد اليد عليه

<img alt="" src="http://nathyt.jeeran.com/salem1.jpg" border=0>

فديت ربي ماقصر ... والحمدلله ع كل حال ... كتبت الموضوع الواقعي ....
 
لان فيه دروس وحكم اول شي .,, الانسان لازم يؤمن بالقضاء والقدر ..

وانا مافاخر بعمري ... او هذا شي من الرياء .. لاوالله حشى لله ...

حبيت اوصل لكم كيف رمت اوصل هالمستوى ... وسيطر ع احاسيسي ....

كل يوم احافظ ع اذكار الصباح واذكار بعد الصلاة .... دوووم ذكر الله ع لساني ..
 
ودرت الاغاني والتزمت شكليا ... وبعد الله كتب لي ..
</div>

اسمع شريط ( اسباب منسيه ) ....

كان يتحدث عن ردات الفعل عند الناس الي يواجهون البلاء والمصائب ,,, وبقدرت قادر ...
 
تاثرت بالشريط ... واول اختبار اليوم الثاني ع طول

وفي هاللحظات الشيطان والعياذ منه .. يستغل الانسان ,,,

ويشغل باياء تلهيه عن الحمد والشكر

مثلا: ليش انا من بد الناس.. ليش هب غيري ... انا شو سويت ...

عليكم بالحذر ... من هالشي ..

الشلق ... اه يويلي منه .. دخليكم لاتعطون الصغاريه هالشلق من دوون مراقبه ...
 
لان صدق بثواني ياخذ اغلى ماعندكم ... والله يبعد عنكم البلاوي وشر المصائب..

<img alt="" src="http://nathyt.jeeran.com/bo'3niam.jpg" border=0>

والف شكر الصراحه والسموحه طولت عليكم ..
 
ولاتنسون سالم من دعاكم

منقول

غناتي

برعاية الطلاسم قروب

السلام عليكم اولا ختية

افداج و افدا سالم معاج ربي يقومه لكم بالسلامة انشالله

احيي الوازع الديني اللي فيج و ربي يدومج انشالله

تستاهلين سلامته و ربي يقومه بالسلامة انشالله و يرجع يلعب و ترجع فرحتكم انشالله

اختج:

سيدة الحب

وعليكم السلام ورحمة الله وبركاته

مشكورة أختي على مرورج على الموضوع

بس حبيت أوضحلج شي أن هب أنا اللي استوتلي السالفه

هاي قصه منقوله من وحده ثانيه اسمها نجووول

أنا بعد أحيي الوازع الديني اللي فيها

والله يسمع منج ويقوم اخوها سلوم بالسلامه

واشكرج على الرد

والسموحه

غناتي

فدييييييييييييييييته والله مايستاهل

ربي يعافييييييه انشالله

مشكوره (غناتي) عالموضوع

تحياتي لج

فطامي<img src="http://oasis.bindubai.com/ubbc/smileys/0020.gif" align=absmiddle border=0>

السلام عليكم و الرحمة

السموحة اختي غناتي على هاي الغلطة كالعادة انا مدوخة<img src="http://oasis.bindubai.com/emoticons/blush.gif" border=0>

وانشالله يقوم سلومي حق اهله بالسلامة يا رب و بلغيها انه دوم بندعيله من قلوبنا والله

الله ينجي عيالنا و عيال المسلمين و يحميهم انشالله<img src="http://oasis.bindubai.com/emoticons/down.gif" border=0>

تحياتي:

سيدة الحب

أول شي أشكرج أختي غناتي على نقلج لهاذي القصه اللي بالفعل محزنه وتبين أثر الألعاب النارية على أولادنا

وثاني شي الله يعين سالم وأهله على هالمصيبة وأكيد العبرة في النهاية

والحمدلله إنه يت على أصابعه مب شي ثاني مثل ويهه

وأهني نجلاء على ايمانها بربها وصبرها

تحياتي أختي

بنت دبي

بصراحه القصة محزنة
ولازم الاهالي يتعضون ويكونون واعين لعيالهم مب يعطينهم فلوس عشان يشترون الالعاب النارية ويهدونهم ولايدروبهم

شكرا

أشكرج أختي على مرورج

فعلا لازم الأهل ينبهون اعيالهم

الله يحمي اعيالنا من هالسوالف

شكرا

غناتي