قصة حب (العين

في العين وفي يوم كانت الرحمه نازله على صوت المطر والرعد....كانت واقفه على الدريشه ودموعها تسابق المطر .... والذكريات بدت تعيد نفسها بنفسها ... ياترى منو نوف ؟
وشو هي قصتها ؟ .. وشو هي الذكريات الي دور في خاطرها ؟.. وليش كل هالندم والحزن في عيونها البريئه؟.. تعالوا انكمل القصه ونعرف 
نوف .. بنت كشيخه تمشي عالموضه يعني
(modern)
وكان جمالها هادى .. رباني..مع شعرها الاسود سواد الليل،شيطووونه،اتحب الضحك والمزح وايد  كانت نووف (مدمنه كمبيوتر) يعني تقعد على النت ليل نهار..بس ما كانت مال البالتووك وهالسوالف ..وكانت تقعد على المسن وفي جات اتحبه وايد .. ما كانت ادش الا عشانه .. عشان اتسولف مع اربيعاتها والهدف الاساسي (القراض) نوف كانت البوووس في الجات يعني مصيحه كل عين .. ومره دخل واحد وتم يقرضها ويسبها وهي ما قصرت فيه بس بصراحه الثنين ما قصروا في بعض .. وتموا جيه على هالحال يمكن اسبوعين
(tom&jurry)
وكان اسلوب في الكلام وايد يعجب نوف .. لدرجه انها قامت ادش بس عشان اتشوفه .. ويوم بعد يوم اتطورت العلاقه اشوي وبدى التقردين يشتغل <img height=12 src="http://graphics.hotmail.com/emwink.gif" width=12><<طبعامن صوبه هو ... وكان يحاول ياخذ الايميل منها وبعد كم من محاوله خذ الايميل وبدت العلاقه على المسن .. مع العلم (كان هو اول واحد تتجرأ واضيفه) على المسن <img height=12 src="http://graphics.hotmail.com/emmessag.gif" width=12> اول مكالمه وديه ... بس فيها بهارات 
<div></div>

سعيد says: السلاام عليكم
نوف says: وعليكم السلام ^_^ اقرب
سعيد says: اشحالج ربج بخير .. يا ام كشه
نوف saya: هههههههههههه يسرك الحال بخير ونعمه .. انت شحالك .. يا استاذ العلوم؟؟
سعيدsays: انا بخير وسهاله
نوف says: دوموووووو ^_^
سعيد says: امممممممممم
نوف says: امممممممممم  
       & nbsp;       
        &n bsp;  (((ماعندهم سالفه )))
سعيد says: بتخبرج كم عمرج؟؟
نوف says: انا هههههههههههههههه ..عمري سنتين
سعيد says: هههههههههههههههه العمر كله
نوف says: اسمك المزعج ولا اسم مستعار
سعيد says: ههههههههههههههه اكيد هب اسمي
نوف says: اممممممممممم .. عيل شو اسمك <img height=12 src="http://graphics.hotmail.com/emsmilep.gif" width=12>
سعيد says: اسمي حسنين
نوف says: عاشت الاسامي يا حسنين
سعيد says: صدقتي؟؟
نوف says: هي ليش لا
سعيد says: هههههههههههههههه صدق انج هبله ... لا لا اسمي سعيد
نوف says: عاشت الاسامي يا بوعسكور
( قالت نوف بينها وبين نفسها واايه فديت هالاسم )
سعيد says: عاشت ايامج
طلعت نوف من النت .. وهي فرحانه ليش ما تدري .. وكان قلبها يدق بسرعه وكانت اتحس بشى غريب .. وقعدت طول اليوم سرحانه في سعيد وساعه تتخيل شكله وساعه صوته .. وعلى هالحال وتمت نوف اتكلم سعيد جيه حوالي شهر .. وكانت هب قادره اتصارحه بحبها وكان هو ما يبين اي شى من صوبها يعني سوالف وضحك وبس وهي بعد نفس الحاله
وفي يوم قرر سعيد انه يكسر الحاجز .... على المسن
نوف says: احم احم انا ييت
سعيد says: هلا والله
سعيد says: اشحالج اليوم ؟؟
نوف says: والله تماموووووو .. وانت
سعيد says: انا بخير الحمد الله
نوف says: اعلومك .. شو مسوي
سعيد says: والله اعلومي طيبه
( طبعا قعدوا يسولفون اشوي كالعاده وبعد السوالف حب سعيد يصارحها بحبه لكن بطريقه حلوه )
سعيد says: نووف ابا اعطيج امانه
نوف says: شو هي ؟؟
سعيد says: بس ابااج تحتفظين فيه و اتاكلينه واتشربينه وديرين بالج عليه 
نوف says: ولا يهمك في الحفظ والصون بس شو هو؟؟
سعيد says: قلبي
نوف says: قلبك ؟؟
( انصدمت نوف وما عرفت شو اتقول من الفرحه وتم قلبها يدق لين حست انه بيطلع من ضلوعها )
سعيد says: هي قلبي
نوف says: ههههههههههههههههه ولا يهمك في الحفظ والصون
سعيد says: نوف انا جاد في اللى اقوله
نوف says: وانا بعد جاده .. اقولك في الحفظ
(بعد اشوي اتحججت نوف .. عشان تظهر من المسن .. وظهرت .. وقعدت تصارخ احبه والله  احبه .. وتنقز  وادور وتضحك كانت اول مره تفرح جيه)ا
قعدت اتفكر وتسال عمرها ..شو يقصد من كلامه؟؟
أكيد يبى يقولي أحبج بس هب قادر..كان حب سعيد يزيد في قلب نوف كل دقيقه وماكان يهمها شكله لأنها هي حبت اسلوبه وشخصيته..يعني حبت ذاته..
وفي اليوم الثاني قررت نوف اتصارحه بحبها..
سعيد says:مرحبا ملايين ومايسدن
نوف says:المرحب لاهان
(طبعا بعد شحالك وهالاسئله بدت نوف اتلمح في رمستها )
نوف says:ماسألتني عن امانتك  اشحاله شخباره؟؟
سعيد says:هي صح ياني اليوم يشتكي منج
نوف says:مني؟؟ افا شو سويت؟؟
سعيد says:قالي.. رفستني وهي راقده ..وطحت من فوق الكرفايه..
نوف says:ههههههههههههه سووري كنت راقده ما انتبهت
سعيد says: لا عادي .. يت سليمه
نوف says: هههههههههههههههه خلاص من اليوم وساير بحظنه ما بفجه
سعيدsays: يا حظه والله .. يا سعده
نوف says: احم ^_^
نوف says:ممكن اعطيك امانه .. واريدك ادير بالك عليه وتعتني فيه وما تخونه
سعيد says: بحطه في عيني .. وبداري 
نوف says: احم
سعيد says: نوف ما عرف شو الى حببني فيج .. بس اللى اعرفه اني حبيتج .. متى ما ادري ؟؟ ليش بعد ما ادري ؟؟ .... نوف انا احبج والله
(نووووف.. وااي قلبي بموت .. يحبني ما اصدق )
نوف says: حبتك العافيه ^_^
(كانت نوف وايد تستحي .. عشان جيه ما كانت تقدر اتقوله وانا بعد احبك )
وجيه قدروا هم الاثنين يصارحون بعض .. ومع الايام زادت الثقه بينهم وقوى الحب .. وبدوا يسولفون في الزواج وجيه .. وكانوا يحبون بعض بجنون .. وكانت نوف من كثر حبها مستعده اتسوي اي شى لانه كان سعيد بالنسبه لها اول حب واحلى حب .. بدى الفضول عاد يذبح نوف وسعيد .. نوف تبى اتشوف شكل حبيبها وسعيد نفس الشى يبي يشوف شكل الانسانه اللى حبها 
على المسن  
سعيد says: حبيبي .. اباااا اقولج شئ
نوف says: آآمر عيوني . ادلل>>> اطورت العزبه عند نوف ظهر لها السان
سعيد says: ابااا اشوف شكلج .. اموت واشوف ويه حبي وروحي وحياتي
نوف says: كيف انا ما اقدر اطرش صورتي ما اقدر << كانت نوف ما تتصرف بسرعه
سعيد says: خلاص على راحتج << سعيد ما كان يحب يلح في شئ
نوف says: زعلت غناتي ؟؟
سعيد says: لا ما زعلت .. من شوه ازعل
نوف says: انشاالله بتشوفني اوعدك
سعيد says:انشاء الله
نوف says:حبيبي
سعيد says:عيوونه    قلبه
نوف says:احم انا اريد اشوف صورتك
سعيد says:هي حلال عليج وحرام علي
نوف says:احم يالله عااااد
سعيد says:اوكي بس اباج اول ماتشوفين صورتي اتقولين احبك بصوت عالي
(بعد خمس دقايق طرش الصوره)
وكان قلب نوف يدق وعقلها بدى يتخيل شكل حبيبها الي اتموت فيه أول ما وصلت الصوره ارتجفت نوف من الفرحه..وضغطت عليها واول مافتحت شافت صوره غير عن الصوره الي في بالها..شافت صورة واحد ماشاء الله عليه شوووو كشخه شوو وسااامه شو عيون ماشاء الله عيون اتعق الطير من السما..
نوف اتقول حق عمرها..ياويلي ماشاء الله عليه ربي يحفظه هذا ويه حبيبي الي يحبني ياويلي..
سعيد says:نوف بلاج صخيتي اكيد خفتي ههههههههههههههه <<(أو� �ه عاد متواضع الريال)ا
نوف says:ماشاء الله 
سعيد says:على شوه؟
نوف says:عليك عمري
سعيد says:ههههههههههههههه خلاص ارتحتي
نوف says:هيه وايـــــــــد ^_^
نوف says:بس اريدك اتعرف شي واحد انه صورتك ماغيرت شي لاني انا قبل لا اشوفك كنت اموت فيك يعني انا لو حبيت شكلك بيكون هذا اخر شي احبه فيك بعد قلبك وشخصيتك واسلوبك..
سعيد says:حتى انا نوفاني حبيت اسلوبج وقلبج بس طلبت اشوف صورتج من الفضووول
نوف says:فديتك حبيبي ^_^
 وبعد كم من اسبوع اتفقوا انهم يشوفون بعض في العين موول بس من بعيد ل بعيد.. طبعا نوف كانت اتعرف شكل سعيد لكن سعيد كان في هاليوم بيعرف شكل حبيبته.. وكانوا متفقين انهم يطقمون يعني هو بيلبس كندووره بنيه وسفره بنيه ..وهي بني في بني هي كانت رايحه بحجة انها اتلاعب عيال اخوها خطفت الساعه سبع ونوف عينها على كل حد بس كانت متغشيه يعني تعاني..وبعدين خطفت الساعه ثمان وايهال تعبوا من اللعب وسعيد ماوصل..قالت حق اختها اشرايج نطلع برع الالعاب وطلعوا دشوا محل التيلفونات وكانت نوف على اعصابها تتلفت وادور حبيبها وفجأه انتبهت على حد دخل المحل لابس بني في بني ويوم دققت فيه لقته هو بغت نوف اطيح وماعرفت شو اتسوي تبى ترفع الغشوه عشان يشوف ويها لكنها ماقدرت لانه المحل كان فيه شباب وتم سعيد يطالعها يترياها ترفع الغشوه وكان يبتسملها وهي بتموت لانها اتشوفه وهو ماشافها.. طبعا ماقدرت ترفع الغشوه وطلعت وهي حزينه لانه سعيد ظرب خط من بوظبي لين العين ولا شافها..وحتى سعيد طلع متظايج وايد ورجعت البيت على طول فتحت المسن عشان تتريا حبيبها لين ما يوصل بوظبي بالسلامه واول مادخل..
نوف says:حبيبي الحمدالله على السلامه
سعيد says:الله يسلمج <<(يرمس وهو زعلان)ا
نوف says:شو فيك حبيبي؟؟
سعيد says:مافيني شي
نوف says:لا فيك شي قوول حبي ..
سعيد says:يعني انا ظارب خط من بوظبي عشان اشوفج ورديت مثل ماييت ماشفتج ولا شي شو تبيني اكون مستانس
نوف says:لاعمري والله ادري انك متظايج عشان جيه بس انا شو كان بيدي اسوي؟ انت شفت بعينك
سعيد says:انزين خلاص ممكن اتغيرين السالفه
نوف says:ممكن
قعدت نوف اتفكر اتقول اطرش له صورتي أحسن.. وكانت تتردد وايد بس حبها كان اقوى وقررت انها اتراويه صورتها..
نوف says:حياتي لاتظايج باجر بطرشلك صورتي وعد
سعيد says:لا ماله داعي حبي
نوف says:عاد اونك حبي..يالله جب بطرشها يعني بطرشها
طلع سعيد من المسن لانه كان تعبان ويبى يرقد وقعدت نوف ادور طول الليل اي صوره بطرش له باجر..ويا باجر وسعيد كان مستانس لانه يبشوف صورة حبيبته اخيرا
سعيد says:هلا حبي
نوف says:هلا وغلا   غناتي
نوف says:امممممممممم جاهز عشان اتشوف ساحرة الليل هههههههههههههه
سعيد says:جب ما يخصج لا تغلطين على حبي
نوف says:انشاء الله
طرشت نوف الصوره وكان سعيد يترياها بفارغ الصبر
نوف says:يالله شوفها بس لاتخاف هههههههههههههه
سعيد says:انزين اسكتي اللحينه بشوفها لاتخربين عليه
نوف says:توووووت
سعيد اول مافتح الصوره ماصدق الي شافه وتم يطالعها عشر دقايق وهو هب امصدق انه هاي حبيبته
نوف says:حبي شو ياك من الصبح ازقرك
سعيد says:حبي ماشاء الله عليج قمر..قمر
نوف says:امحق هههههههههههههههههههههه
سعيد says:ياويليه حبي ماشاء الله عليج والله
نوف says:^_^
ارتاح سعيد لانه شاف شكل حبيبته<< مبروك بوعسكور
طبعا خلاص عرفوا شكل بعض بس بقى الصوت ويكتمل الحب.. بعد فتره رمس سعيد في المايك وكانت نوف اترد عليه بالكتابه
سعيد:ألوووووه
نوف تناقز ومستحيه ههههههههههههههههه
نوف says:هلا والله بهالصوت
وقعدوا يرمسون وسعيد يحايلها يباها اتقول الوه بس ماطاعت طبعا كالعاده وبعد اسبوع قررت نوف ترحمه وتقوله الووه
نوف كانت تتحرقص وصوتها راح بس اتشجعت وقالت :ألووه
سعيد :حبي صوتج واطي ما اسمعه
نوف : الوه تسمع اللحين؟
سعيد :هلا والله فديت هالصوت
سعيد : ياويليه
ونوف ساكته هب قادره تنطق كلمه وحده
سعيد : حبيبي والله ترمسين قولي احبك
نووف اتحرقص ماتقدر وسكرت المايك وكتبت
نوف says:هلا حبي
سعيد :لالالالالالا حبيبي ليش سكرتي ارمسي الله يخليج مستخسره تسمعيني صوتج
نوف : حبيبي بهديك هالغنيه اهداء من كل قلبي .. أغلى الناس (ياحبيب عمري انا.. ياحياة روحي انا..ياجناحي في الهوا يابحوري في الهنا.. اشوي ان قلت احتاجك وشوي ان قلت اشتاقك  وشوي ان قلت انا كلي لك وشوي ان قلت اهواك ........)
وتموا جيه يرمسون بعض على المسن .. بس نوف ماكانت تتكلم في المايك وايد ..
ومر عيد الفطر وكان اول عيد يمر على سعيد ونوف وتواعدوا ثالث يوم العيد في دبي في مركز من المراكز.. وطبعا كالعاده من بعيد بس نوف كانت تبى تعطي سعيد خاتمها..كذكرى منها  بس كيف ماكانت اتعرف وكانت اتفكر لين ماوصل سعيد  واول ماشافته اتصلبت مكانها..وبعدين رفعت الغشوه وابتسمت له وكان سعيد يحس عمره طاير ونوف بعد..وقعدوا يطالعون بعض بنظرات بس نوف كانت متووتره لانها كانت مع اهلها وبعدين طلعت مع اهلها وقعدت اتقول حق اربيعتها كيف اعطي الخاتم كيف؟؟ وبعدين صدت صوبه وراوته الخاتم وهي خاطفه حطته فوق اللعبه .. وسار سعيد من وراها وشله.. طلعت نوف وهي مستانسه وردت العين على طول على النت وقعدت تتريا لين ماوصل حبيبها..
<div></div>

سعيد says:غناتي انا وصلت
نوف says:حمدالله على السلامه حبيبي
سعيد says:حبي صووبتني عيونج
نوف says:هههههههههههههههههه احم
سعيد says:فديت حبيبتي انا
نوف says:أحبــــــــك
وبعدين اطورت العلاقه اكثر وبدوا يتكلمون في التيلفون وكانت اول مره يوم راحت نوف بوظبي.. وطبعا كانت اول مكالمه بالساعات والاثنين ماحسوا بالساعات الي مرت.. كانت نوف ااتكلم سعيد وهي واثقه منه انه بي جريب وبيخطبها لا هو الي كان يعشمها وكانت نوف من كثر حبها لسعيد..خبرت كل اربيعاتها عنه.. كانت مستعده اتخبر الدنيا كلها لدرجة انها كانت ترفق اي حد يتقدملها بس عشان حبيبها ..
وبعدين بعد ما اتعلقت نوف بسعيد وحبته حب ما يوصف .. انصدمت فيه (( اتصل حق نوف اربيعتها  عاشه وقالتلها نوف سعيد ما يستاهل حبج.. طبعا نوف استغربت الانهمن كلامها لانها ماكانت اتعرف شو السالفه وتمت تسأل ليش شو سوى ؟؟ شو السالفه؟؟ لانها ماكانت تتوقع ان سعيد بيجرحها.. وبعدين من كلام عاشه فهمت نوف انه سعيد خلاص يبى ينهب العلاقه وانه مايقدر يخطبها ولا شي عشان اهله. لانه بس كانت غلطتها انها حبته من النت او بمعنى ثاني عرفته من النت.. وانه اتخلى عنها ونكر وعوده.. من دون سبب مقنع ومن دون ماتدري نوف شو الجريمه الي سوتها.. عشان تلقى هالجرح الكبير..
كانت نوف في حاله هستيريه.. كانت تضحك وتصيح وعايفه الدنيا  وماتردد غير كلمه وحده بس (انا شو حياتي من دون سعيد ) بس نوف حبت تتأكد بنفسها ودقت حق سعيد وكلمته وكل الي سمعته كان صح.. واتمنت انها ماكلمته عشان ماتسمع التجريح..كانت نوف اتمر في وقت صعب ماتاكل.. ماتكلم حد..ماتضحك..بس حاطه غنية (ياليت ماشفتك ولا جيت دربك .. ليتني ميت ولا اشوفك اتخون)وتصيح.. رغم انه حبيبها جرحها لكنها دعتله بالتوفيق والحياه السعيده وحاولت نوف.. تطوي صفحة سعيد من كتابها وترجع مثل ماكانت.. بس فشلت لانها حبته بكل احساسها وعطته حبها بدون قياس.. الله يكون في عونهاوبعد ماقريتوا اخواني واخواتي هاي القصه الواقعيه حبيت بس أوضح شي طاحت في نوف وما اريد حد ثاني يطيح فيه.. هو انه النت مافي شي اسمه حب ولو حصل وصار الحب بيكون طرف من الطرفين يلعب ويتسلى .. فأي شاب او بنت حبوا يدشون النت يحطون في بالهم انه النت حقير.. للتسليه وبس مافيه مشاعر صادقه لانه كله جذب في جذب...... واسمحـــــــولنا  

        &n bsp;      
        &n bsp;      
        &n bsp;      
        &n bsp;      
        &n bsp;      
      <img src="http://oasis.bindubai.com/ubbc/smileys/0007.gif" align=absmiddle border=0> منقوووووووووووووو� �وووووووووووووووووووووووو� �ووول .. <img src="http://oasis.bindubai.com/ubbc/smileys/0007.gif" align=absmiddle border=0>

هلا اختي شماسي .... تسلمين الغاليه على هالقصه

بصراحه تأثرت واييييييييييييد فيها والله...ذكرتني القصه بقصة وحده اعرفها

حراااااااااااااام اللي سوووااااااه سعيد ماهانت عليه عشرتهم؟!!!

بس انا حبيت اقولج مب دووووم الحب يفشل عن طريق النت .

لان اعرف وحده تزوجت واحد تعرفت عليه من النت ... والحمدلله عايشين حياتهم مستانسين ربي يوفقهم

بس صدقتي بعد مب كل حب ينجح ..... مهما كان لو كان ان شاء الله بالنت او غيره ....

لان اللي الله رايده بيصير .... واللي يحب صدق مستحيييييييل يودر بهالطريقه وبدون سبب
والظروف هني تلعب دوووور اختي .......

لكن في ناس عادي عندهم يتسلون بمشاعر غيرهم <img src="http://oasis.bindubai.com/emoticons/sad.gif" border=0>

احسن شي لازم الانسان يخلي كل شي على اللله
وكل حد بيحصل نصيبه وقدره..... ولاشورايكم ....

واسمحي لي اختي شماسي طولت عليج...
ومشكوره على هالقصه ......

اختج: مرهفة الإحساس<img src="http://oasis.bindubai.com/emoticons/inlove.gif" border=0>

بس الناس اجناس واصابع اليد ما هب بسوى
بس اذا التعارف في النت وسيله لتسليه عيل اكيد التلفون و الترقيم  كله شرات  بعض
واحسن شيء انك تبتعد من كل هذا  بس بتقول حق منو هل شيء  واغلب الناس ما خذين النت وسيله لتعارف والتسليه والعب بلعواطف
 مرات اتشوف واحد يلعب في وحده ومرات بلعكس  يعني الزبده النت كل واحد يلعب على الثاني  في النهايه الشاطر الي فيهم يغلب الثاني
ملاحظه: مب الشباب بس الي يلعبون على البنات  اكيد في بنات يلعبون على الشباب

وبيني وبينكم  انا كنت اعرف واحد كان نفس الشيء  اونه يحبها وما دري  شو ومع انه كان متزوج بس للاسف مب كل الشباب  بعضهم غايتهم خبيثه وبعدها انك تلبس البنت بس الله يهديهم وبعدين اغلب  الشباب الي يتعرفون من النت ويوم يحب وحده ومن خا طرها اذا صارح اهله ولا ربعه  يوم بيتخبرونه من وين حبيتها اذا قال من النت بيقولون اكيد اليوم تعرفت عليك  باجر بيها واحد احسن عنك وبيتعرف عليها بعد  وعلشان جي اغلب  سوالف الحب في النت ما تكتمل  حتى ولو في غير النت
بس في ناس عايشين وكان السبب في ارتباطهم النت  واعرف واحد  جريب ان شاء الله بياخذ وحده وتعرف عليها من النت
يعني الحب من النت ومن غير النت موجود بس في ناس  نفس ما قلت غايتهم خبيثه والله  يهدي الجميع

مرهفة الإحساس العفوو حبووبة . بس اللي يدخلوون النت اكثرهم يتسلوون ونادرا ما تحصليييين واحد يتزوج وحده اتعرف علييييييها عن طريق النت . وثانكس ع المروووووور .. <IMG src="/ubbc/smileys/0053.gif" align=absMiddle border=0>

صغير بس فاهم الدنيا صح كلالامك كله صح وشكرا ع المداخله الطيبة .. <IMG src="/ubbc/smileys/0065.gif" align=absMiddle border=0>

سلمتي أختي شماسي وصدقتي في
كل كلمة كتبتيها حبوبة اتمن ان الكل
يستفيد ولايغلط غلط الاخت (نوف) والحمدالله
على كل حال الله يستر علينا وعلى أهالينا
                   السموحة
            الله حيا
راعــــــــــــــــــــــ ــــــــ7ــــــــــــــــ� �ــــــــــــــــي

تسلمين شماسي الحلوه على القصه.. <img src="http://oasis.bindubai.com/emoticons/blush.gif" border=0>

راع7ي الله يسلمك اخووي . الله حيا .. <img src="/ubbc/smileys/0021.gif" align=absmiddle border=0>

المزيوونه الله يسلمج حبووبة .. <img src="/ubbc/smileys/0011.gif" align=absmiddle border=0>

تسلمين حبوبه حبوبه على هذه القصة

وصدقج مافى حب عن طريق النت

وياما بنات ضاعو بسبب النت

الله يستر علينا

مشكووووره اختي ع القصه<img src="http://oasis.bindubai.com/emoticons/smile.gif" border=0>

angel heart

بنت الحكومة الله يسلمج اختي ومشكووورة ع المرووووور .. <img src="/ubbc/smileys/0075.gif" align=absmiddle border=0>

ملاك القلوب العفوو حبووووبة .. <img src="/ubbc/smileys/0021.gif" align=absmiddle border=0>

حرام مسجينة

الله يكون بعونها

مشكورة الاخت على القصة الحلو
والله حرام علية يسوي جيه ببنت الناس
السموحة

أحلى دلوع .. <img src="/ubbc/smileys/0007.gif" align=absmiddle border=0>

هجران العفوووو .. <img src="/ubbc/smileys/0009.gif" align=absmiddle border=0>

قصة حب (العين _ بوظبي))