الظبي و الريم

<font color='#000000'>الحلقة الاولى

الظبي بنت عاقلة والكل يشهد لها بهذا الشي كانت تقول كلام كبير رغم صغر سنها كانت تصرفاتها كلها صحيحة ما كان الخطأ يطلع منها والحين الظبي تخرجة من الثانوية وقررت تدخل كلية التقنية وفعلا بدت تزهب حق الكلية يعني تسير تشتري شنط وجواتي وجينزات وبديات ومن هذا القبيل بدت السنة الدراسية وبدت الظبي تتعرف على بنات يداد وياها في الكلاس ومن كلاسات ثانية وتعرفت على الريم. ريم هذي اعز انسانة واقرب انسانة من الظبي يعني ببساطة كانت الريم طبجت الظبي وفي يوم من الايام بدت افكار السو تتسلل إلى مخ الظبي
الظبي:ريموه تعالي ندخل الجات ما عدنا شغل بنقص على الشباب شوي وبنظهر إلين ما يخلص البريك وعقب بنسير الكلاس
الريم:لا تعالي انسير الكافتيريا بنسير نسولف شوي
الظبي: والله انج فايجة ما ابي اشوف البنات لاعت جبدي من سوالفهم
الريم: تعالي ظبيوه والله انا ملانة
الظبي:قلتلج بندخل الجات
الريم:انزين بس هالمرة
الظبي:اوكي انزين تعرفين اي موقع جات؟
الريم:انا احيد مريوم اللي في كلاسنا تدخل جات اظني اسمه فالكون آيز
الظبي انزين شو العنوان؟
الريم صبري بشوف في الهيستوري مال الكمبيوتر اللي تيلس عليه ................ لقيته دبليو دبليو دبليو دوت فالكون آيز دوت كوم.
الظبي:اوكي يالله انا دخلت ابي نك جذاب عطيني نك حلو
الريم:امممممممممممممممممم� �ممممممممم شو رايج بالظبي؟
الظبي:سيري لاه
الريم:انزين شو رايج ب شما؟
الظبي:اممممممممم اوكي ............... الله دخلنا خلنا نشوف منو في القائمة ............. شوفي هذا النك حلو الغيث ... شكله بدوي من النك
الريم: انزين ادخلي وسلمي
الظبي اوكي ......... السلام عليكم والرحمة واشحال العرب ؟
الغيث:وعليكم السلام والرحمة بخير ........ بخير الله يسلمج واشحالج انتي الغالية؟
الظبي: غالية من اولها الله يعين الباقي شوفي شو برد عليه بخير الله يسلمك الغالي ......... من وين؟
الغيث:من بوظبي الغالية وانتي من وين؟
الظبي:ريموه ظهر من بوظبي شو اقوله
الريم:قولي من دبي
الظبي:انزين
الغيث:حيالله اهل دبي دار الحي وشو اسمج الغالية؟
الظبي:اسمي شما
الغيث عاش الاسامي (يرمس روحه (هذي تجذب من البداية خلنا نكمل نشوف اخرتها)
الظبي:عاشت ايامك.
الغيث:كم عمرج شما؟
الظبي:اوييه شو ارد؟
الريم: شو بعد عطيه اي رقم ولا اقولج قولي 20 لا لا 21
الظبي:انزين
الغيث:ماشاء الله ( تجذب بعد ما عليه الحين بخليها )اقول الغالية انا بظهر الحين تامريني بشي ؟
الظبي: سلامتك الغالي هالله هالله بعمرك
الغيث بعد توصيني على عمري شكلها هب هينةبس هب على خليفة )وداعة الله الغالية
الظبي:اوف شكله هذا فنان بس ادريبة يلعب علينا
الريم: انزين حتى نحن نلعب عليه وإلا انا غلطانة؟
الظبي:عن الحركات انزين اعرف شو تقصدين
الريم:انا ما اقصد شي
الظبي:اقول قومي ورانا كلاس الحين باقي عشر دقايق عن نتاخر ويكتبنا الاستاذ آبسنت ما فينا على الورنيج ليتر
الريم:يالله سرينا؟
الظبي: سرينا
وساروا الريم والظبي الكلاس وبدا الكلاس وطاف عادي كالعادة وروحت كل وحدة البيت وفي اليوم الثاني دخلوا الكلاس وطاف اليوم كالعادة وعقب ما خلصوا الكلاسات الريم روحت البيت بس الظبي تمت في الكلية لان الدريول مودي اخوانها الصغار مدينة الالعاب فبيتأخر
الريم:ظبيوه ما بتروحين؟
الظبي:لا عقب ساعة لان الدريول مودي اليهال الالعاب
الريم:عيل انا بروح لان اخويه يترياني برع يالله وداعة الله
الظبي: الله يحفظج الغالية
وروحت الريم وتمت الظبي بروحها في الكلاس
الظبي: وقتكم انتوا اليوم بعد تطلعون وتخيسوني في الكلية الحين شو اسوي ساعة كيف بتطوف احسن شي ادخل الجات
وفعلا دخلت الجات بنفس النك شما وشافت القائمة
الظبي: الله غيث موجود خلنا نسولف وياه شوي السلام عليكم
الغيث:اوه هذي ردت وعليكم السلام هلا الغالية
الظبي:وشحالك؟
الغيث:بخير الله يسلمج ويسلم غاليج
الظبي:شو تسوي؟
الغيث:والله ما شي بس يالس اقرا شعر
الظبي:الله انزين بتخبرك انته تكتب شعر؟
الغيث: هيه بس ما اكتب وايد
الظبي:ماشاء الله انزين ممكن اقرا شي من اللي كتبته اذا ما فيها رزة ويه
الغيث: افا عليج
الظبي انزين ممكن تطرش اللي كاتبنه على ايميلي اذا ما فيها كلافة؟
الغيث:لا عادي الغالية انتي تامرين امر الحين بطرشلج بس شو ايميلج؟
الظبي:تسلم الغالي الله يسلمك ايميلي عيون الشوق
الغيث:وايد حلو الظاهر عندج ذوق والظاهر اكثر انج رومنسية
الظبي:تسلم الغالي
خليفة وعقب ما طرش الشعر (الغالية انا بظهر الحين عندي شغل تامريني بشي
الظبي:تسلم الغالي ........ اوف هذا ظهر الحين ...... اوييييه استوت ساعة من يلست على الجات اكيد يتريوني برع خلني الحق.
وصلت الظبي ولقت السيارة وركبت وفي السيارة تمت تفكر شكله وايد زين وحليله من قلتله طرش الشعر طرشه وفكرة توديها وفكرة تيبها ووصلت البيت وفي اليوم الثاني

_

الحلقة الثانية

الريم: شخبارج ظبيوه شو سويتي امس يوم خليتج؟
الظبي:شوي شوي بلاج ما سويت شي بس يلست اجيت شوي تعرفين ويا منوه؟
الريم :وانا اشدراني قالولج اعرف اللي في الجات انا ..... منوه قولي
الظبي:الغيث وهي تبتسم
الريم: لاوالله انزين وبعدين
الظبي: طلع يحب الشعر ويكتبه بعد مثلي وطرشلي اللي كتبه بعد
الريم: الله الله كل هذا سويتيه امس يالقوية
الظبي:انزين شو فيها إلا هو شعر تعالي ما شفت الشعر قومي شوي بشوف ايميلي
الريم:انزين بنشوف اخرتها
وبعدين وفي البريك الظبي والريم ساروا يتريقون وبعد البريك رجعوا الكلاس وبعد ما خلص الكلاس
الظبي:ريموه انا ملانة
الريم: وشو تبيني اسويلج
الظبي ماشي ما عندي شغل شو اسوي
الريم: ما اعرف
الظبي: بدخل الجات بسولف شوي
الريم:على هواج
ودخلت الظبي الجات بنفس النك وكالعادة شافت ان الغيث موجود وسلمت عليه وبدت تتكلم وياه ويوم ورا يوم والظبي تدخل الجات وبدت تتعلق في الغيث والغيث نفس الشي بدا يتعلق فيها وتغيرت نواياه وبدا يقولها كل اللي بخاطره وقالها ان اسمه خليفة اما الظبي فكانت حذرة شوي يعني ما قالت له اسمها ولا هي من وين بس اللي كان صحيح انها كانت تحب الشعر وتكتبه وبعد كم يوم بعدما تعلق كل واحد فيهم في الثاني خليفة طلب من الظبي انه يسمع صوتها
خليفة:الظبي ابغي اسمع حسج ابي اعرف منو هذي اللي ملكت قلبي
الظبي:والله ما اقدر
خليفة:خذي رقمي ويوم عندج فرصة اتصلي على رقمي 1234567
الظبي:لا ما اقدر (بسجل رقمه عشان اذا دق علي بالغلط اعرفه)
خليفة:على راحتج
الظبي: خليفة زعلت والله ما تهون علي لا تزعل الغالي
خليفة:انا ما زعلت مستحيل ازعل منج
الظبي:انزين انا بخليك الحين لانه عندي كلاس يالله وداعة الله وهالله هالله بعمرك
خليفة: وداعة الله الغالية تحملي على عمرج
الظبي:تسلم خليفة يالله
وروحت الظبي البيت وطبعا خليفة ماخذ تفكيرها وخليفة نفس الشي الظبي ماخذه تفكيره
وبعد مدة شهر وفي وقت فراغ كانت الظبي يالسة بروحها في حجرتها والتلفون جدامها وهي تشوف الارقام في تلفونها شافت رقم خليفة ولا إراديا اتصلت له ورد عليها خليفة

_

الحلقة الثالثة

الظبي:الو السلام عليكم
خليفة:وعليكم السلام
الظبي تستهبل على خليفة ) هذا تلفون علياء؟
خليفة:لا الغالية هذا مب رقم علياء
الظبي:اسمحلي اخوية مغلطة بالرقم
خليفة:مسموحة اختيه
الظبي: وداعة الله
خليفة:فمان الله
الظبي: (الحين هذا هو هذا صوته والله انه حسه اسرني وشكله وايد محترم وااااااااااااااااي خربط مواعين مخي)
خليفة: (الله حسها غاوي بس وحليلها تدور ربيعتها الظاهر ما خذت الرقم صح وشكلها محترمة بعد وما تعرف سوالف المغازل انا لو عرست بختار مرتي جذه عشان تكون قد الثقة)
وفي اليوم الثاني
الظبي:ريموه تعرفين شو سويت
الريم:قولي شو سويتي والله قلبي ناغزني منج
الظبي: ههههههههههههه اتصلت حق خليفة
الريم:شو قولي والله اسميج تخبلتي قولي والله ظبيوه انتي تعرفين شو يالسة تقولين اكيد ينيتي
الظبي:والله العظيم اتصلت بس ما قلت انا الظبي رمسته على اساس اني مغلطة في الرقم
الريم مدة ايدها عشان اتسلم على الظبي والظبي سلمت على الظبي وسلمت على الريم
الظبي:ليش تسلمين علي الحين في شي
الريم:لا ما في شي بس انا اتعرف عليج مرة ثانية
الظبي:عن الحركات
الريم:شو تبيني اسويلج يعني تقوليلي اتصلت حق واحد من الجات حسيت اني ما عرفتج في يوم ظبيوه بتصطلبين ولالا ترى هذا كله مب من مصلحتج
الظبي: اوكي ما بدخل الجات (انتي ما تعرفين الحب كيف بتفهميني )
وخلص الدوام ورجعت كل وحدة البيت وفي بيت الظبي
الظبي:امي انا هالايام احتاج الانترنت وايد عشان اسوي بحوث ليش ما تركبون انترنت في البيت عشاني وعشان الصغارية بعد تقدرين تسويين بحوث حق اليهال ويوم بيودون البحوث المدرسة بيعطونهم درجات شو رايج اميه قولي هيه اميه اله يخليج قولي تم
الام:صدق هالرمسة ولا انتي تقصين علي اعرف حركاتج انا
الظبي: امي والله ما جذبت حتى يوم بنركبه شوفي اذا ما يوج الصغارية يقولون اميه الابلة حطتلي عشر درجات
الام:انزين بقول حق ابوج يركب هذا بس اذا ما طلع كلامج صدق يا ويلج يا ظبيوه
الظبي:انزين المهم تركبون الانترنت
الام:خلاص سيري حجرتج فكيني من الصدعة شوفي شغلج هناك
الظبي:الله يعني في انترنت في البيت خلاص بريحج ما بتشوفين ويهي ...... الله بتخبل
وسارت الظبي حجرتها وفي الحجرة
الظبي:اخيرا بقدر اشيت ويا خليفة على راحتي ومحد بيقولي لا تدخلين يا سلام آآآآآآآآآآآآآآآآآه على خليفة انته وينك من زمان بس الحين هو صدق يحبني ولا بس يقردني انا قلبي ناغزني منه ما ادري ليش احس انه في شي الاياام بتبين اكيد بعرفه من رمسته وياي بس انا احبه وما اقدرر اتركه وليش اتركه اصلا الحين بقدر اسولف وياه على راحتي
وبعد يومين ركبوا الانترنت في بيت الظبي ووصلوا الانترنت في غرفتها ويوم رجعت الظبي من الكلية
الظبي:امي ركبتوا الانترنت مشكورة هاتي راسج بحبه فديت امي انا اللي ما ترفض لي طلب مشكورة امي
الام: حبتج العافية يالله سيري شوفي يشتغل هذا على كمبيوترج ولالا
الظبي: امي شو يشتغل ولالا اكيد يشتغل بسير الحين حجرتي عشن انا تعبانة شوي بس بشغل الكمبيوتر شوي بشوف شو اليديد
الام:هذي البنت من دخلت الكلية وهي ما اعرف شو فيها الله يعين
الظبي في الغرفة ودخلت الانترنت وطبعا دخلت الجات وطبعا الغيث اون لاين
الظبي:السلام عليكم
خليفة: هلاوالله وينج من كم يوم حني علينا شوي يوم بتغيبين عني قوليلي يا بنت الناس عشان اعرف اني بتعذب هالكثر
الظبي:اسفة والله بس ربيعتي منعتني من اني ادخل النت والحين انا داخلة من البيت
خليفة: انزين حبيبتي ممكن تدخلن المسنجر عشان نتكلم على راحتنا واسرع
الظبي:ان شالله بس انته ضيفني انا ما اعرف وايد حق المسنجر
خليفة:ان شاء الله تامرين امر انتي كم ظبي عدنا نحنا
ودخلت الظبي المسنجر
خليفة:هلا والله هلا باللي لفانا
الظبي:هلا وغلا
خليفة:توه ما نور المسنجر
الظبي:منور باصحابه
خليفة: الظبي انا قلتلج كل اللي في قلبي بس انتي ما قلتيلي حتى من وين انتي اكيد ما تثقين فيني
الظبي: افا ما بغيت هاي الرمسة منك
خليفة:بس انا عندي حق
الظبي: ادري بس انته تعرف انا بنت وسمعتي اهم ما عندي اذا باجر عرفت مكاني اخاف حد يعرفني وتستوي فضيحة
خليفة:شفتي انتي لين الحين ما تامنين فيني يعني تعتقدين انا بسوي بج جذه والله انا احبج واغار عليج كيف اسوي جذه بعمري عمرج شفت حد يفضح نفسه؟
الظبي: هذا كله يطلع منك انته؟
خليفة: بصراحة انا احبج وما اقدر ابتعد عنج واخاف ايي يوم وتقوليلي خليفة انساني عشان جذيه انا ابي اتعرف عليج
الظبي: بصراحة انا ما اعرف شو اقول بس اللي اعرفه انك ما تفارق خيالي ابدا
خليفة:يعني تحبيني؟
الظبي:لو كان الحب انك تكون فبالي طول الوقت هيه نعم انا احبك
خليفة:خفي علينا يا بنت الناس
الظبي:وجان استحي
خليفة: فديت اللي تستحي انا
الظبي: بس عاد والله استحي
خليفة:اموت فيج انا والله ابغيج غناتي والله ابغيج
الظبي:
خليفة:فديت هالويه انا
الظبي: خلاص عاد ترى ما برقد اليوم
خليفة: خلاص انزين ولا تزعلين
الظبي: اقول خليفة انا بظهر بسير ارقد وراي كلية باجر
خليفة: هالله هالله بعمرج حياتي وتلحفي فليل عدل ترى عندكم برد
الظبي: ان شاء الله وانته بعد تحمل على عمرك
خليفة: ان شاء الله
الظبي: وداعة الله الغالي
خليفة: فمان الله عيوني
وطلعت الظبي من الانترنت وسارت ترقد .............. ومرت الايام وزادت العلاقة اكثر من قبل وفي يوم من الايام الظبي اتصلت حق خليفة

_

الحلقة الرابعة

الظبي: الو السلام عليكم
خليفة: وعليكم السلام
الظبي:منو معاي
خليفة:خليفة
الظبي:اشحاك خليفة
خليفة:الحمدلله بس ممكن اعرف منو وياي
الظبي: انا الظبي
خليفة:والله؟
الظبي: والله
خليفة:هلا والله هلا وغلا اشحالج الظبي
الظبي: بخير الله يسلمك اشحالك انته
خليفة:دامج بخير انا بخير
الظبي: تسلم
خليفة: والله انا فرحان وايد الدنيا ما توسعني من الفرحة
الظبي: ليش عاد
خليفة:لاني سمعت صوتج .. صوتج وايد حلو يا الظبي
الظبي:تسلم الغالي
خليفة:الظبي انا بطلب منج طلب قولي تم
الظبي:تم
خليفة: الظبي
الظبي:عيونها
خليفة:فديت عيونها انا ابي اعرف انتي من وين انا اعرف انج هب من دبي كلامج ما يدل على انج من دبي قوليلي انتي من وين والله ما بتندمين انج عرفتيني
الظبي:انزين بنشوف
خليفة:يعني بتقولين؟
الظبي: لا
خليفة:ليش عاد انتي قلتي تم
الظبي:انزين انا من العين
خليفة:صدق؟
الظبي: هيه
خليفة:الظبي انتي مرتبطة بحد؟
الظبي: لا
خليفة: حد يحبج وناوي يخطبج؟
الظبي:لا
خليفة:ريحتيني الله يريحج
الظبي:................
خليفة: الظبي ليش ساكتة تكلمي لا تسكتين
الظبي: شو اقول
خليفة: قولي اي شي قولي اللي بخاطرج
الظبي: ما في شي بخاطري
خليفة: انزين ما قلتيلي عيبج الشعر؟
الظبي: روعة يجنن
خليفة: تسلمين
الظبي:خليفة
خليفة: عيونه
الظبي: تسلم عيونه خليفة انا بترخص الحين عندي شغل شوي لازم اخلصه اسمحلي عاد ازعجتك
باتصالي
خليفة: ما بغيتها منج انتي اهم شخص اتصلي وفي اي وقت تقدرين تتصلين
الظبي: تسلم الغالي
خليفة: تسلم عيونج
الظبي: الحين بخليك اوكي يالله وداعة الله
خليفة فمان الله وتحملي على عمرج
الظبي: ان شاء الله وانته بعد
خليفة: والله كان عندي حق يوم قلت هذي غير عن البنات والله بديت احبها اي بديت انا احبها جان زين اقدر اعرفها اكثر والله احس انهاقريبة مني
الظبي: انا كيف اتصلت صدق اني تخبلت يا ويلي لو حد درى حتى ريموه لازم ما تدري بس والله احس انه يحبني وانا بعد احبه والله ما اقدر ابتعد عنه
ومرت الايام والظبي وخليفة يتلاقون على المسنجر وويتكلمون بالتلفون و في يوم من الايام خليفة خبر الظبي انه ناوي يخطبها ويبغي يعرف وين بيتهم
الظبي: انته تتكلم جد؟
خليفة: هيه نعم اتكلم جد انا ما ابي افترق عنج ولا لحظة انا ما اقدر اعيش بدونج
الظبي: هالكثر تحبني يا خليفة
خليفة: حلاة اسمي على لسانج
الظبي: .................
خليفة: الظبي قوليلي انتي بنت منوه ؟
الظبي: انا ................. بنت سعيد بن هزاع
خليفة: سعيد بن هزاع؟
الظبي: هيه
خليفة: يعني بيتكم في القطارة
الظبي: هيه نعم
خليفة ليش قلتيلي اول ما دخلت الجات انج من دبي
الظبي: شو تتوقع اقول حق واحد انا من العين من اول ما اعرفه؟
خليفة: لا كلامج صح عندج حق
الظبي:................
خليفة:خلاص قريب ان شاء الله بني انا والوالد نخطب
الظبي: إلين هاك الوقت ما في اي اتصال بينا اوكي
خليفة: ليش؟
الظبي: عشان تشتاق لي اكثر
خليفة: والله انا اشتاق لج حتى يوم اكلمج
الظبي: ما عليه
خليفة: اللي تامرين به انا بنفذه اهم ما عندي راحتج
الظبي: تسلم الغالي
خليفة: والحين؟
الظبي: انا بخليك اوكي و مثل ما قلنا هذا اخر اتصال
خليفة: ان شاء الله
الظبي: يالله عيل وداعة الله الغالي
خليفة: فمان الله وتحملي على عمرج انزين
الظبي: ان شاء الله
خليفة فكر بطريقة عشان يخبر اهله عشان يخطبون له هذي البنت فسار عند والدته يخبرها
خليفة:امايه انا انا انا ابي اعرس
الام: والله زين زين ابركها من ساعة ان شاء عيل من باجر بدورلك على بنية
خليفة: لالالالالا
الام: عيل بتاخذ شو
خليفة: لا اماية مب قصدي انا شفت بنية
الام: قول جذه من الاول
خليفة: هههههههههههههه
الام: ومنو سعيدة الحظ هذي
خليفة: بنت قوم سعيد بن هزاع
الام: والله ناس زينين خلاص انا برمس ابوك والخميس ان شاء الله بنسيرلم
خليفة: فديت اماية انا اللي ما ترفض لي طلب بحب راسج
الام: حبتك العافية
خليفة: اماية انا بسير الحين بظهر ويا ربيعي تامريني بشي يا احلى واغلا ام في الدنيا
الام: سلامتك سوق شوي شوي عن السرعة
خليفة : ان شاء الله
رمست ام خليفة ابو خليفة واتصلوا بيت الظبي وحددوا الخميس يوم الخطبة وساروا ويوم الخميس وفي بيت اهل الظبي ............

_

الحلقة الخامسة

الخميس وفي بيت اهل الظبي كل الرياييل موجوديين في الميلس خليفة ووالده محمد وعمه وولد عمه سيف ووالد الظبي سعيد واخوها الكبير هزاع
خليفة وهو يكلم سيف: سيفوه والله قلبي ناغزني ما ادري انا زايغ اخاف يرفضوني
سيف: امحق من ريال شو تخاف اصطلب عاد شو يرفضونك ما بيلقون اخير عنك
خليفة يكلم الوالد:ابويه يالله شو تتري اتكلم بسرعة اخاف البنت تطير من ايدي
الوالد:اعقل اثقل بلاك انته نحنا في بيت البنية وين بطير فيك عقل انته اسكت اشوف
الوالد يكلم والد الظبي: يابو هزاع نحنا يايين نخطب بنتك حق ولدنا خليفة شو رايك
سعيد: والله نحنا ما بنحصل احسن عنكم بس نحنا لازم نشاور البنت اول وخلاف بنرد عليكم خبر ان شاء الله
الوالد: ان شاء الله عاد لا تبطون علينا
سعيد: ان شاء الله الحين تفضلوا عشان تتعشون
وتعشوا الرياييل وبعدين روحوا بيوتهم اما في بيت الظبي سار ابوها عشان يكلم ام الظبي عشان تكلم بنتها
الوالد: حمدة الرياييل يايين يخطبون ظبية حق ولدهم خليفة وانا قلتلهم بنشاور البنت وبنرد خبر بس هاذيل حظر ونحن بدو ما يصير ياخذون منا المهم انتي شاوري بنتج
الوالدة: يخطبون ظبية بعدها صغيرة ما خلصت دراستها وبعدين هذي ما تعرف شي في المطبخ باجر شو بتاكل الريال انا اشوف انك ترفض
الوالد: ليش انا اشوف الولد زين وبعدين عن الطباخ علميها ما بياله وقت الحين سيري وانشدي بنتج
الوالدة: بسير بس انا بعدني مب مقتنعة
وتسير الام حجرة الظبي وتدق الباب وتدخل
الظبي: هلا اماية شو بلاج؟(سؤال استعباط)
الام: انتي عرفين شو بلاية شوفي يا ظبية الرياييل اليوم يوا يخطبونج حق ولدهم خليفة وابوج قال بنرد عليكم خبر بس يقول انهم حظر ونحنا بدو يعني شكله مب راضي و انا ما ابيج تعرسين الحين لانج صغيرة وما تعرفين شي عن الدنيا انا اشوف يوم بتخلصين من دراستج خلاف تعرسين الحين انتي قوليلي شو رايج؟
الظبي: (مصدومة) والله انا ما عندي راي الراي رايج انتي وابوية اللي تشوفونه صحيح وفي مصلحتي سووه انا مالي راي بعد رايج وراي الوالد
الام: هاي الرمسة اللي ابي اسمعها ........ عيل انا بخليج الحين يالله تصبحين على خير
الظبي: وانتي من اهله
وتخرج الام من الغرفة وتقوم الظبي وتقفل الباب وتاخذ الهيدفون مالها وتحط السماعات وتحط شريط رضاالعبدالله وتسكر الليت وتطيح على سريرها وسمعت اغنية يا ظلام يا هلي ...... ما جابوا ولفي إلي .......... والفراقى يا هلي ............. جوت قليبي جوي وبدت الظبي تصيح تندب حظها العاثر وهذا حالها طول الليل
وفي غرفة الوالدين
الوالد: ها بشري شو قالت؟
الوالدة ؟ شو بتقول بعد قالت انها صغيرة وتبى تكمل دراستها
الوالد: خلاص دام هذا اللي تباه عيل بنقول حق اهل الولد ان مالهم نصيب عدنا
الوالدة: اللي تشوفه
وفي اليوم الثاني وفي بيت الظبي
الوالد:يتريق مع والدة الظبي
الوالد: عيل وين ظبية ما اشوفها ما إلها عادة ما تتريق ويانا
الوالدة : والله ما ادري من البارحة ما شفتها ما عليك اكيد سهرت امس الفليل تشتغل على الكمبوتر ما ادري شو اسمه هذا التلفزيون بو فصوص لاه
الوالد: هيه ما عليه المهم انا بسير الحين صوب الميلس جهزي ثيابي حق صلاة الجمعة
الوالدة:ان شاء الله
في حجرة الظبي تقوم الظبي من النوم وتسير صوب الباب تفتحه بس تفاجأة بشكلها في المراية لون عيونها كان احمر مثل الطماط فسارت تغسل ويهها وتلحق عشان تصلي صلاة الجمعة
الظبي: اوييه شو هذا الحين ايكد اماية بتنشدني بلاها عيوني اووووهووووووووووو شو هالحالة يا ربي شو اسوي بسير اتريق واذا اماية نشدتني بتعلث باي شي
الظبي: صباح الخير
الوالدة: صباح النور انتي وينج من الصبح ابوج ينشد عنج
الظبي: كنت راقدة
الوالدة:هيه انزين وشو بلاها عيونج؟
الظبي:عيوني بلاها ........ هيه امس قرصتني بعوظة وانا راقدة
الوالدة :ومن وين ياج ما احيد هذ موسم البعوظ
الظبي: يمكن شي ثاني المهم انا بسير حجرتي
الوالدة:قبل سيري قولي حق الشغالة اتسوي دخون بدخن كندورة ابوج
الظبي:ان شاء الله في شي ثاني
الوالدة: لا مشكورة
الظبي:العفو
وتسير الظبي وتخبر الشغالة وبعدين اتسير حجرتها وفي الحجرة
الظبي:اووووف شو هالحالة ليش يرفضونه ليش الريال زين وما ينعاب واللي اهم اني احبه يا ربي الحين خليفة شو حاله اكيد يلومني والله انا مالي ذنب ليش اهلي جذه متخلفين نحنا بدو وهم حضر ليش يعني يا ربي شو اسوي بعمري يا رب يا رب خلهم يغيرون رايهم آآآآآآآه خليفة شو يسوي الحين
وفي الطرف الثاني خليفة يالس بروحه في غرفته يشوف نفسه في المراية ويفكر في الظبي و يفكر في جواب اهل الظبي اكيد بيرضون فيني
خليفة: انا خليفة عاقل ودارس واخلاق ما شاء الله عليه منو قدي واللي اهم اني شاري البنية يا ناس حد يفهمني ليتها وياي الحين والله اشتقت إلها وين كانت عني من زمان ليتني دخلت الجات من زمان فديت الجات والله حصلت عروس منه
هالكلام كله وخليفة يشوف نفسه في المراية
خليفة: انته ياللي تشوفني تدري اني احبها والله احبها انته اشدراك في الحب انته ما تعرف شو الحب صبر شوي بس بعلمك كيف يحبوون آآآآآآآآآآآآآآآآآآآآه الظبي الظبي وينج يا عمري كله وينج يا نظر عيني هذا وانا ما شفتها متخبل عيل يوم بشوفها شو بيصيرلي الله يعين والله وعقب شوي شاف الساعة اوووووووووووووه تاخرت صلاة الجمعة يالله الحق
وعقب الصلاة رجع البيت وسال الوالدة
خليفة:اماية ما ردوا خبر اهل البنت؟
الوالدة : الله امس خاطبين وتباهم يردون اليوم بلاك انته ما فيك صبر اعقل يابوية العقل زين يمدحونه
خليفة: اماية لو تحسبين كم ساعة مرت من امس إلين اليوم بتشوفين انهم طولوا ولو حسبت كم دقيقة مرت من امس إلين اليوم ولو حسبت كم ثانية مرت جان عرفتي انهم ابطوا علينا واذا مب مصدقتني اصبري بييب لج الحاسبة عشان تصدقيني
الوالدة: وابوييه شو استوالك دوختني وياك اصبر ان شاء باجر بردون خبر ما يباله تحيب لي دقايق وثواني عورت لي راسي
خليفة: هههههههههههه فديتج اماية والله اسولف ( جذاب هو محترق من داخل وده هو اييب الخبر من عند اهل الظبي)
الوالدة: زين زين يالله غسل ايدك بنحط الغداء
وفي اليوم الثاني عقب صلاة العصر يرن التلفون في بيت خليفة والوالدة ترد................

_

الحلقة السادسة

ام خليفة: الو
ام الظبي:السلام عليكم
ام خليفة: وعليكم السلام هلا ومرحبا
ام الظبي: هلا بام خليفة اشحالج ؟
ام خليفة: بخير الحمدلله اشحالج انتي؟
ام الظبي: بخير الله يعافيج
ام خليفة:اشحال العيال (ام خليفة تبى الرد بس مب عارفة كيف تبدأ)
ام الظبي:بخير الله يسلمج ....... يا ام خليفة انا متصلة عشان اقولج ترى نصيبكم مب عدنا
ام خليفة: (طبعا مصدومة) هيه
ام الظبي: عيل اخليج الحين والله يوفق خالد تراه ولد وكل بنت تتمناه
ام خليفة: ما عليه حصل خير
ام الظبي: وداعة الله الغالية
ام خليفة: وداعة الله
الحين ام خليفة تفكر كيف تخبر ولدها ضناها انهم لافضوه كيف ترسم الحزن في ويهه كيف تصارحه وشوي إلا خليفة داخل الصالة
خليفة:السلام عليكم اما ية
ام خليفة:وعليكم السلام والرحمة اشحالك ابوية
خليفة: بخير الحمدلله اماية انا بسير ارقد تعبان
ان خليفة: ابوية خليفة تعال شوية برمسك خلاف سير ارقد
خليفة: تامرين امر كم ام عندي انا وهذي يلسة
ام خليفة: فديتك انا اسمع يا خليفة اليوم عقب صلاة العصر دقت ام الظبي عليه وقالت ان بنتهم تبى تمكل دراستها وما تبى تعرس
خليفة: (طبعا مصدوم ) شووووووووووو؟ما تبى تعرس ؟ لالالا اماية قولي غير هالرمسة انا متاكد ان البنت تباني كيف تقوليلي ما تبى تعرس اكيد اهلها هم اللي رفضوني اكيد ما نشدوها عن رايها انا متاكد اماية والله متاكد اماية الله يخليج اتصلي قولي حق امها تنشد بنتها مرة ثانية الله يخليج الله يخليج عشاني اماية لا تعذبيني قولي انه الرمسة كلها مزاح الله يخليج اماية
ام خليفة: ( بتموت ولا تشوف ولدها في الحالة هذي وقلبها يتقطع ) ابوية خليفة الله كتب انك ما تاخذ هذي البنت و نحنا ما نقدر نغير شي خليفة لا تكدر خاطرك باجر ان شاء بسير بدور لك احسن بنية في الامارات كلها وانا اكيدة بتكون احسن من هالبنية بس لا تكدر خاطرك ابوية انا ما اقدر اشوفك في هالحالة
خليفة: (منزل رايه تحت) خلاص انا ما ابي اعرس لا تتعبين نفسج اماية خلاص انا ما بعرس طول عمري اسمحيلي اماية انا بسير ارقد وايد تعبان
وسار خليفة حجرته بخطوات متثاقلة يسحب وياه آلامه ومعاناته وخيبة الامل ودخل الحجرة وعق عمره على السرير وبدات الدموع تنزل وما حاول يقاوم دموعه تركها تنزل على خده تركها تنزل عشان تغسل قلبه من الظبي بس لو نزلت دموعه طول عمره ما راح تنمسح ذكرى الظبي من قلبه لانها سكنت قلبه وعقله وروحه ..... مرت الايام والظبي تفتح المسنجر بس ما تلقى خليفة تشوف ايميلها تلقى رسايل يديدة بس ولا وحدة من خليفة وانصدمت وعرفت ان الخبر وصل حق خليفة وطرشت ايميل تقول فيه ( إلى من سكن القلب والروح إلى خليفة الغالي شخبارك والله يا خليفة انا مالي ذنب باللي صار اهلي قرروا وعطوني خبر وخلاص وانا ما اقدر اتكلم واقول انا ابغي هذا الشخص لانهم بيشكون فيني واذا عرفوا ما راح يرحموني اقل شي بيسونه فيني انهم يذبحوني اذا حاب انهم يذبحوني والله بتكلم وبقول كل شي اذا كان هذا يرضيك ويريحك ولا يهمك ن شاء الله قريب تسمع خبر وفاتي ........ مع السلامه خليفة هالله هالله بعمرك )
خليفة مسكر عاى عمره باب الحجرة ويالس يصيح صح ان الريال عيب يصيح بس خليفة ما قدر يمسك نفسه وهو غارق في دنيا الهم مرت على باله قصته ويا الظبي من اولها إلين اخرها وفجأة قام وسار عند الكمبيوتر ماله وفتحه ودخل النت وطبعا فتح المسنجر وفتح ايميله وشاف رسايل يدية وفي وحدة منهم من الظبي بدون احساس ونسيان اللي صار فتح الايميل وقرا الرسالة ورد عليها ( انا عمري ما تمنيت انج تموتين انا ما اتمنى حق عمري الموت بس انتي خدعتيني ما قلتي انه في احتمال اهلج يرفضوني انا ما بتمنالج إلا كل خير والله يوفقج وهذا المكتوب ولازم يصير ان شاء تحصلين الانسان اللي يرضون به اهلج والله يسعدج ان شاء الله وداعة الله )وانتهى الايميل بالوداع وفجأة يطلع مربع من طرف الشاشة بان الظبي اون لاين وسار خليفة سوى بلوك حق الظبي عشان ما تزداد العلاقة وبعدين خليفة سكر الكمبيوتر ورجع يلس على سريره وتم يفكر باللي سواه هل هو صح كيف قدر يسوي جذه معاها وقطع دوامة الافكار رنة التلفون وطلع سيف يتصل بك ورد عليه
سيف: السلام عليكم
خليفة: وعليكم السلام والرحمه اشحالك سيف
سيف: بخير الله يسلمك اشحالك انته
خليفة: حالي ؟ لو درى بي صاحبي ما بي جان ياني الخط من شرقا
سيف: الله شو فيك خبرني
خليفة: ماشي ما فيني شي
سيف: إلا فيك انا اعرفك اكثر من عمري قول لا تزيغني
خليفة: صدقني ما فيني شي
سيف:ما فيك شي انزين المهم انته وين الحين
خليفة: في البيت
سيف: انا ابغي اشوفك الحين
خليفة:الحين ما اقدر مشغول
سيف:قلتلك الحين خلوف انا عند باب بيتكم يالله انزل
خليفة: خلاص حياك الله ادخل الميلس انا الحين بييك
وفي الميلس سيف في الميلس ودخل خليفة وسلم عليه
سيف: ما من شر شو فيك خليفة والله حاس فيك شي كايد قول لا تخبي
خليفة: ما فيني شي بس تعبان من الشغل
سيف: اي شغل انته من كم يوم ما داومت
خليفة: تعبان يا سيف راسي يعورني عشان جذه ما داومت
سيف: خليفة انا ما نشدتك ليش ما داومت انا اقولك شو فيك شو في خاطرك
خليفة: ....................
سيف: شو بلاك رد علي
خليفة: سيف انا انرفضت
سيف: منو رفضك
خليفة: اهل البنت اللي سرنانخطبها من كم يوم
سيف: قول جذه من الصبح وليش رفضوك عاد
خليفة: يقولون واله بنتهم تبى تكمل دراستها
سيف: انزين وبعدين
خليفة: بعدين شو رفضوني بعد شو
سيف: يا خليفة اللي اعرفه انك انسان عاقل وتعرف الله الدنيا ما انتهت برفضهم لك
خليفة: ما انتهت؟ بس انا حياتي انتهت خلاص ما ابي شي من الدنيا ابي اموت ما في سبب اعيش عشانه
سيف: افا شو هالرمسة يا خليفة انا ما اتوقع انه يصير فيك جذه يا ريال استهدى بالله وتعوذ من الشيطان والعرس قسمة ونصيب وانا اكيد بتلقى اللي احسن عنها
خليفة: اعوذ بالله من الشيطان بس يا سيف انا ما ابي اعرس خلاص شلت هالفكرة من راسي ما في حد يستاهل يقعد في قلبي محد يستاهل ياخذ مكان الظبي
سيف: ما عليه بتمر الايام وبتنسى
خليفة: بنسى؟ احبك اقولها بدون نكران اللي يحب ما يعرف النسيان يا سيف يا ولد عمي
سيف: انزين انزين خلنا من هذي الرمسة قوم بنظهر الشباب متولهين عليك يبون يشوفونك
خليفة: مشكور ما ابي اظهر انا تعبان سر انته وسلم على الشباب
سيف: حلفت عليك يا خليفة تقوم وياي الحين
خليفة: لا إلأله إلا الله انزين اصبر شوي خلني ابدل
سيف: يالله سريع
وسار خليفة يبدل ثيابه مثل ما قال وسار مع سيف عند الشباب ومرت الايام بس الجرح ما زال في القلب وخليفة ما نسى حبه لانه كان صادق في حبه بس الظبي كانت معجبه فيه وبس
في بيت الظبي الظبي يالسة تسولف بالتلفون مع ربيعتها الريم
الظبي: شخبارج ريموه وشو مسوية شو اخر اخبارج
الريم: والله انا بخير واذا عن الاخبار تراها عندج
الظبي: اعرف شو تقصدين
الريم: ظبيوه مب انا ربيعتج
الظبي: هيه
الريم :عيل ليش ما خبرتيني انج انخطبت؟
الظبي: والله يا ريموه ما كنت ادري إلا اماية خبرتني فليل عقب ما روحوا العرب من عدنا
الريم : اسميج انتي دوم حجتج في مخباج
الظبي: والله ريموه ما جذبت عليج
الريم: ما عليه والله انا حاطة في خاطري منج الحين هذي حركة تسوينها فيني انا ربيعتج العنبوه جذه تسوين فيني
الظبي: والله يا ريموه ما اقصد انتي شو بلاج ما تفهميني اقولج ما كنت اعرف
الريم: ما عليه ما عليه
الظبي: ريموه عاد سامحيني لج مني اخبرج اذا صار شي اوكي وعد
الريم :بنشوف
الظبي: تعالي انتي منو خبرج
الريم: العصفورة
الظبي: لا والله اتكلم جد انا قولي الصدق
الريم: بعد ربج ما بخبرج
الظبي: ريموه عاد ذليتيني قول الله يخليج
الريم : بس بس عن تصيحين علينا للي خاطبنج طلع واحد من ربع اخوية
الظبي: لا والله قولي غير هالرمسة احلفي احلفي ريموه
الريم: والله
الظبي: اويييييييييييييييييييه
الريم: شو بلاج قفزتيني من مكاني شو عندج
الظبي: ماشي ماشي شو تعرفين بعد عن اللي خاطبني
الريم: اول قوليلي شو عندج خلاف بخبرج
الظبي: ريموه والله مب فايجة بعدين بخبرج قوليلي شو قال حق اخوج
الريم: ما قال شي بس قال انه كان زعلان وصار له كم يوم ما شافة
الظبي: ريموه انتي تتكلمين جد؟
الريم: لا امزح ويا ويهج ارمسج جد بلاج انتي ما تصدقين
الظبي: لا صدقتج اسمعي بخليج الحين اوكي
الريم:نعم عيوني ؟ما سمعت بتسكرين؟
الظبي: هيه شو بلاج عليه
الريم: ما عليه سيري سيري مشغولة قالت سيري الشيخة الظبي ما ادري شو شاغلنج عني
الظبي: ريموه قلتلج بخبرج كل شي بعدين
الريم: انزين بنشوف آخرتها وياج والله انج تغيرتي احس اني ما اعرفج
الظبي: ريموه بعدين بعدين يالله اخليج الحين
الريم: وداعة الله الغالية
الظبي: فمان الله
بعد ما سكرت الظبي سارت على طول حجرتها وتمت تفكر عشان تلقى اجابات لأسئلتها هل خليفة ربيع اخو الريم هل خليفة خبر اخوها عن اللي كان بينهم هل الريم عرفت الظبي كانت تحاول تلقى إجابة حق سؤال على الاقل

_

ألحلقة السابعة
مرت الايام والريم تحاول مع الظبي عشان تعرف شو السالفة بس الظبي ما خبرتها بس في يوم من الايام والظبي مع الريم هز تلفون الظبي فطلعت الظبي التلفون بس الشاشة كانت مظهر ايم خليفة الظبي لمحت لسم خليفة توسعت عينها على الآخر انتبهت الريم للظبي بس ما قالت شي كانت تبى شوف الظبي كيف بتتصرف والظبي ردت على خليفة
الظبي: الو
خليفة: الو
الظبي:........
خليفة: الو ......... الو .......... الو الظبي ردي علي الله يخليج انا محتاج لج افهميني ارجوج انا احبج والله احبج ردي علي ارجوج
الظبي: ...........................
خليفة: ظبية انا اترجاج والله عمري ما ترجيت حد بهالطريقة ردي علي ارجوج ظبية ارحميني ارحميني يا ظبية انا اموت فيج وانتي لا حاسة فيني ظبية ........ظبية.........ظبية
الظبي: نعم
خليفة: اخيرا سمعت صوتج والله توني حسيت اني عايشة
الظبي: ........
خليفة: ظبية انا احبج ووعدتج اني بخطبج بس انتي ما وفيتي وعدج وياي وين كلامج وين وعودج وين حبج وين يا ظبية
الظبي: خليفة انا يمكن تسرعت وقلتلك اني احبك بس انا اكتشفت اني كنت معجبة فيك لا اكثر ولا اقل
خليفة: (مصدوم وتمنى الارض تنشق وتبلعه ولا يسمع الكلاخ خذا من الظبي قرة عينه) معجبه؟
الظبي: هيه
خليفة: والحل
الظبي: الحل انك تتركني بحالي
خليفة: اتركج وانا وحياتي اللي ملكتيها شو اسويبها
الظبي: انساني
خليفة: بكل بساطة انساج؟ الحين بس عرقت انج ما كن تتحبيني اسمحيلي يا ظبية بس انتي ما كنت معجبة فين انتي كنت تلعبين علي وبس طحت من عيني يا ظبية
الظبي: انا كنت صريحة وياك وقلتلك اني كنت معجبة وانا ما العب عليك
خليفة: يكفي يكفي تطعنين فيني انا قطعت زجاج تحطمت من فراقج والحين تمشين عليها انا جيتج عشان تلملمين جروحي واشوفج الحين تدوسين علي انا في شو غلطت؟
الظبي: انته ما غلطت
خليفة: عيل شو تسمين كل اللي سويتيه وياي
الظبي:...........
خليفة: ردي علي ليش ساكتة
الظبي: ...............
خليفة على العموم مشكورة لانج رديتي علي واوعدج اني ما راح اتصل مرة ثانية لو حتى كنت على فراش موتي وما اتمنى إلا انج تلقين ولد الحلال اللي بيسعدج ويفرحج وانا خليني في دنيتي اجمع بقايا انسان كان عايش على حلم انه بيكون مع حبه
وتنهد خليفة ودع الظبي وسكر بس الظبي ما سكرت تمت ما سكة التلفون تحاول تواسي نفسها او توهم نفسها انها ما خسرت خليفة بس انتهى كل شي انتهت قصة حب دامت مدة شهور اما بالنسبة للريم فكانت مراقبة كل شي
الريم: ظبيوه ممكن اعرف شو مستوي
الظبي: .............( طبعا منزلة راسها )
الريم: ظبيوه تكلمي قولي انا ربيعتج اذا فتحتيلي قلبج بتفتحينه حق منوه
الظبي كانت منزلة راسها والريم شافت ان دموع الظبي كانت تطيح على الطاولة اللي كانوا يالسين عليها
الريم: ظبية قوليلي فديتج والله ما تهونين عليه خبريني شو صار لج
صوت صياح الظبي ارتفع والريم قامت من مكانها عشان تحضن ظبية
الريم: مري انتي ظبية الله يخليج لا تصيحين والله دموعج غالية عليه صارحيني قوليلي شو مستوي
الظبي وهي تصيح وما تقدر تمسك نفسها
الظبي: ريموه انا غلطت وهذي غلكتي ويالسة ادفع ثمنها الحين
الريم: شوي شوي علي فهميني شو السالفة
الظبي: تتمالك نفسها وتمسح دموعها وتبدا تتكلم
الظبي: تحيدين يوم كنت ايلس على الجات من كم شهر؟
الريم: هيه
الظبي: تحيدين الغيث اللي كنت دايما ادخل عنده برايفت؟
الريم: هيه
الظبي: انا يوم ما قمت ادخل الجات في الكلية كنت ادخله في البيت
الريم: كيف تتدخلين الجات وانتي ما عندج انترنت في البيت
الظبي: انا قلت حق اهلي يركبون لي انترنت وركبولي
الريم: انزين وبعدين
الظبي: تميت اكلم الغيث وتعرفت عليه وقلتله اسمي وفي يوم من الايام قال يبى يخطبني فقلتله انا منو
الريم: ما شاء الله وبعدين
الظبي: الغيث هو نفسه خليفة وهو نفسه الي خطبني وهو نفسه ربيع اخوج
الريم: شوووووووووووووو؟؟؟؟؟؟؟؟؟؟ ؟؟؟
الظبي اول مرة تشوف الريم في هالحالة
الظبي:..............
الريم: وليش ما تكلمتي من قبل ليش ما قلتيلي ليش ليش يا ظبية ليش
الظبي: ريموه والله كنت خيفة اطيح من عينج
الريم: ...........
الظبي: ريموه
الريم: تهز راها بالنفي والاسف
الظبي: سكتت ونزلت راسها
الريم: انزين اهلج عرفوا بشي
الظبي: لا
الريم:انتي كنت تحبين خليفة؟
الظبي: انا كنت معجبة فيه عشان جذه انا كنت ارمسه كل يوم على المسنجر
الريم: معجبه فيه ما فكرت في يوم انج تلعبين بحياة شخص
الظبي: انا كنت اعتقد انه كان يلعب علي
الريم: لو كان يلعب عليج ما كان بيخطبج
الظبي: ...........
الريم: الحين خليفة كيف يفكر شو بيقول عنج يمكن يفظحج
الظبي: مستحيل يفظحني لانه يحبني ويتمنى يكون وياي اللي يحب ما يتمنى غير انه يشوف اللي يحبه فرحان حتى لو على حساب فرحته
الريم: انا عمري ما اعتقدت انج تسين جذه في يوم من الايام احسن اني اتعرف عليج من اول يديد
الظبي: الريم يكفيني اللي فيني لا تزيدين جروحي كلمات خليفة كانت كلها طعون بصدري انا اعترف اني غلطت وانا صدق تبت والله عمري ما بكرر هالغلطة مرة ثانية
الريم : الحين شو يفيد الاسف بعد ما كسرت قلب انسان كان يحبج وكان صادق في حبه
الظبي: شو تبيني اسوي اهلي ما رضوا فيه لاننه احظري تصدقين
الريم: انتوا بدو وهو احظري اكيد ما بيرضون فيه اهلج كان لازم تعرفين ردة فعل اهلج قبل ما تتسرعين وتسوين اللي سويتيه
الظبي: الحين شو اسوي قوليلي
الريم: والله ما اعرف انا اشوف انج تسكتين عن الموضوع ولا جنج عرفتيه في يوم من الايام ولا تفتحين هالسيرة مرة ثانيو سامعه
الظبي: اوكي بس اوعديني انج ما بتخبرين حد
الريم: انتي مينونة اخبر حد وانا اللي قلتلج لا تفتحين هالسيرة
الظبي: اوعديني بس وريحيني
الريم: وعد
ورجعت البيت بعد يوم كان كله جرح وتجريح اما خليفة وبعد ما سكر عن الظبي الدنيا كانت ضيقة وكا قدر يتحمل نفسه ما قدر يتحمل فكرة انه بيعيش من غير الظبي فركب سيارته وشغلها و داس على البترول ومشى على الطريق العام وكانت شاحنة جدامه فزاد السرعة إلين ما دعم الشاحنة ومات
وهذي قصة حب انتهت وانهت حياة شخص معاها

و شكرا ..,</font>