خوووش قصة (( حلقات )) ،،

[البنت الدلوعه]

<font color='#000000'>السلام عليكم ورحمة الله وبركاته ،،
خوووش قصة (( حلقات )) ،،

ذاك اليوم عند باب المدرسة وبعد هموم الدراسة والامتحانات واستلام الشهادات كانو البنات طالعين من المدرسة وهم طايرين من الفرحة على اساس انها اخر سنة لهم وبعدها الجامعه ،، ولا بذاك الصوت العالي اللي يلعلع
الهنوف : واااااااااااااااااو والله وناسة واخيييييييييرا خلصنا من المدرسة ،، تحيااااااا الحرية ( على فكرة البنت مبلتعه وملسونة وايد )
دلال : وانتي الصاجة بس ورانا الجامعه والله يستر منها ،،
الهنوف : اي جامعه واي بطيخ ،، حبيبة قلبي الجامعه ماكو دراسة لعب وبسسس ،، ( فاهمين قصدها )
دلال : ادري فيج انتي ماهمج الا الصيلاعه والمياعه ،،
الهنوف : لا شدعوه دلول؟&#33;؟ هذي وانا صديقتج تقولين عني جذي &#33; افا عليج بس ؟


وفجاة ،،
الا بذاك التفحيط << ماكو غيره طلول اخو الهنوف
الهنوف : اوكي حبيبتي الظاهر اخوي طلول ماكو غيره مفشلنا جدام الله وخلقه
دلال : ههههههه لاعادي شباب كلهم جذي ،، مايصدقون علا الله يمرون جدام مدرسة بنات الا ويطلعون كل مواهبهم ،،
الهنوف : عاد مو اي بنات ،،
دلال: يالله بلا كلام زايد ،، روحي لاتحصلين زفة على الطاير،، اوكي يالله باي ( واهي مأشرة بيدها )
والغبي طلال في السيارة رد التحية وسوى باي حق دلال <<< ضايع في الطوشة مسكين ،، حسباله الباي له
ودخلت الهنوف السيارة وهي معصبة وصفقت الباب بقوة وهي تقول :
الهنوف : شتبي انت ؟ وعلى اي اساس تسلم على البنت ؟ حبيبي صديقتي ماعندها سوالف فاهم ؟
طلال : بسم الله ،، داخلة سيارتي وشوي وتكفخيني لاسلام و لا كلام الهنوف : السلام ،، بس مو عيب عليك ؟
طلال : شنو اللي عيب ؟ البنت سلمت عليي تبيني اطنشها ؟
الهنوف: ومنو قالك انها كانت تسلم عليك ؟ اهي اصلا كانت تسلم عليي،،
طلال : ماتفرق عليج ولا عليي مو احنا اخوان ؟
الهنوف : هههااي خفيف دم والله ،، اقول امش وانت ساكت
ووصلوا البيت ..
الهنوف : السلام عليكم ،، هلا يمه شخبارج ان شالله تمام ولون ابوي واخواني وخواتي وعمامي وعيال عمامي وعماتي وعيال عماتي وخوالي وعيال خوالي وخالاتي وعيال خالاتي ان شاء الله كلهم بخير؟
ام طلال : وه وه وه شفيج كليتيني بقشوري شوي شوي الركادة زينة ،،
طلاحبيبتي اذا ماعليج امر نجبي الغدا لاني وااايد يوعان وبطني صار له ساعه يغورج ( يطلع اصوات )
ام طلال : ولا يهمك دقيقة ويكون جاهز ،،
بعد الغدا ،،،
ترررن تررن
ام طلال: الوووو
دلال : السلام عليكم
ام طلال : وعليكم السلام هلا دلال
دلال : شلونج خالتي ؟
ام طلال : الحمدلله الله يسلمج ،، شخبار الوالده؟
دلال : الحمدلله تسلم عليج دووم ،، اقول خالتي الهنوف موجودة ؟
ام طلال : اي لحظة اناديها لج ،، (( تنادي الهنوف ))
* * * * * * *
الهنوف : الو
دلال : اهليين ،،
الهنوف : هلا وغلا شخبارج دلول ؟
دلال : تماامز انتي شخبارج ؟
الهنوف : والله بخير
وفي لحظة كان يناظر طلال بنظرات غريبة ،،
الهنوف : ( وهي مرتبكة )اقول حبيبتي ابي اروح ارفع السماعه من فوق ،، لاتسكرين الخط اوكي
وضطرت تخلي السماعه مرفوعه علشان لاينقطع الخط في ويه البنت
وما مداها ركبت فوق الا طلال يرفع السماعه ،،
طلال : الو مساء الخير
دلال : .................
طلال : شدعوه عاد
وفي هاللحظة ترفع الهنوف السماعه
الهنوف : اقول سكر وبلا قلة ادب
طلال : حاظرين << العن ابو الادب
الهنوف : سوري
دلال : لاعادي ،، بس الله يهديج ليش تخلينه يرفع السماعه؟
الهنوف : والله ما ادري فيه انه ملقوف
دلال : اقول ترا باجر ابيج اتيين بيتنا اوكي؟
الهنوف : اوكي ،، المهم فاتج اليوم شصار
دلال : شصار ؟؟ قووولي
الهنوف : المسكين طلول توهم انج كنتي تسلمين عليه يوم كنتي تسوين لي باي في الهده ،،
دلال : هههههههاااااااااي والله حالة معاهم هالشباب كل ما سلمنا على ربعنا على بالهم نسوي لهم الحركات ،، سمحي لي الظاهر اخوج هذا حول يشوف ايديني ثنتين وحده لج ووحدة له لوووووووووول
الهنوف : ههههههههه الظاهر
وفجأة يسمعون ذيك الصفقة القوية اللي فقعت اذانيهم
دلال:بسم الله منو هذا اللي رافع السماعه ؟
الهنوف :بيييييه اكيد طلول يتجسس علينا ،، ماكو غيره لان امي اطلعت قبل شوية ،،
دلال: ويلي ويلااااه والله فشلة
الهنوف : خليني اشوف شغلي معاه <<< فاكرة روحها رامبو
دلال : اوكي اوكي روحي بسرعه واعتذري له مني والله اسفة ماكان قصدي
الهنوف : ياعيني على الاهتمام .. اوكي اشوفج على خير ،، بااااي
دلال : بااااي << وهي ميتة من الفشيلة
وتنزل الهنوف كانها سوبر مان على كول حق طلال
الهنوف : طلال انت شلون تتجسس عليي وانا اكلم صديقتي؟
طلال : ساكت ومعصب وواصل حده ،،
الهنوف : ليش العصبية ؟؟ رووق ياخي ،، محد غريب غلط الحبايب هم اللي غلطوا
طلال : اي حبايب واي بطيخ << يضيع السالفة وهو من داخل محترق بنار الحب
الهنوف : مو علينااا ،، ترى البنت تعزك وانت ماسمعت بقة المكالمة عشان تحكم ،،
طلال : ليش؟؟ غلطت اكثر مما غلطت؟؟ والله طاحت من عيني
الهنوف : ومن متى اهي معلقة ؟
طلال : .....
الهنوف : ياحبيبي الصبر زين ،، الصبر مفتاح الفرج ،، ترى البنت انحرجت واطلبت مني اعتذر لك منها ،، شتبي اكثر من جذي ؟
وفي هالوقت الله لا يوريكم شكل طلال ،، كان ميت من الوناسة وقلبه يدق بقوة حتى الهنوف اسمعت <<< العن ابو الشلخ ،،
اصلا الولد ياناس كان يحبهاااا بس مو راضي يعترف وبعدين كان خايف ان الحب يكون من طرف واحد خصوصا لما انصعق بالمكالمة ،،
وتم مبقق عيونه مثل الابله وفجأة ياله ذاك الكف اللي عمره ماشاف مثله وصحاه من احلامه الوردية <<< رومانسي الاخ
طلال : آآآآآآي ويعه شفيج انتي؟
الهنوف : انت اللي شفيك وين رحت باحلامك ؟ الله يعقل عليك بس ،، روح روح شوف شغلك
واطلعت الهنوف مرة وحدة من الصالة ويرن جولها وترد بصوت كله رقة ودلع
الهنوف : الو
المتصل : الو ،، مرحبا
الهنوف : مراحب
المتصل : غريبة&#33;&#33; هذا مو جوال خالد الفهد؟؟
الهنوف : لاوالله يالحبيب هذا جوال خالد الاسد ههههااي
المتصل: لوووول والله انج خفيفة دم ،، عالعموم سوري علا الازعاج
الهنوف : لاعادي ،، حياك الله ،، طرااااخ << يا عيني على الذرابة ،،
في الصالة ،،
طلال: منو هذا؟
الهنوف : لاتخاف مو حبيبة القلب
طلال: لالا انا مو قصدي
الهنوف : لالا انت قصدك
طلال : لا حووووول
الهنوف : اقول طلول ..؟؟
طلال : هلا؟
الهنوف : ابيك باجر توديني بيت دلال بعد صلاة العشا ،، انت فاضي؟ (( وترسم على شفايفها ابتسامة عرررريضة ))
طلال: حااااااضرين اكيد فااااضي انتي تامرين امر ،،
الهنوف ( في قلبها ) : شعنده الولد منجرف في تيار الرومانسية وقالت له : حاضرين لي ولا للحبايب؟
طلال : حاضرين وبسس ،، والا الحين اهون << يهدد ويا ويهه
الهنوف : لالا خلاص ،، بس لاتنسى بعد صلاة العشا ،، اوكي؟
طلال : اوكيات
وفي اليوم الثاني بعد صلاة العشا ،،
بييييييييب بييييييييب

طلال: وينها هذي تاخرت ولا لو مو بيت دلال ما كنت وديتها ،،
وبعد دقيقتين تدخل الهنوف السيارة ،، والاخ مشغل شريط حمود ناصر وحاط اغنية (( ياللي رايح لحبيبي سلملي عليه ))
الهنوف ( في قلبها): والله درينا انك تموت فيها
وبعد فترة سكووت ،،
طلال: اقول الهنوف ممكن تفاتحينها بالموضوع؟
الهنوف : اي موضوع؟
طلال: لاتسوين نفسج مو عارفة وتستعبطين ،،
الهنوف : عن شنو تتكلم ؟
طلال : اقصد ....د... د....دلال
الهنوف : اهاااا قولها من البداية ،، افا عليك انت تامر امر حاضرين
ويوم وصلوا بيت دلال نزلت الهنوف وهي تتمخطر في مشيتها وطلال يقول لنفسه : ياليتني كنت مكانج
في داخل بيت دلال ،،
الهنوف : هلا دلال شلونج ؟؟
دلال : الحمدلله انتي شخبارج ؟؟
الهنوف : تمااامز والله ،، وين الوالدة ؟؟
دلال : يمممه يمممه تعالي الهنوف تبي تسلم عليج ،،
ام دلال : هلا الهنوف شلونج يمه وشلون الوالدة والوالد وشخبار طلال اخوج ان شاء الله كلهم بخير ،، ؟؟
الهنوف : بخير الله يسلمج خالتي
دلال (( وهي مرتبكة )) : يالله عن اذنج يمه ،،
واركبو فوق لغرفة دلال ،، واقعدوا يسولفون لين قالوا بس،،
وبعد فترة راحت دلال وجابت القعود (( عصير وحلو ))
والا جوال الهنوف يرن ،،
الهنوف : الو
المتكلم : هلا وغلا منو معاي؟
الهنو ف: يعني بالله عليك انت اللي متصل والا انا؟
المتكلم : اووه مو كانه هذا جوال خالد الاسد ؟؟
الهنوف : مو قلنا لك النمرة غلط يالله باي << مسوية روحها ماتعطي ويه
دلال: منو هذا؟؟
الهنوف : واحد ملقوف الله يستر عليه اصل امس ،،
دلال : شنو يبي ؟.؟
الهنوف : اقول خلينا من هالسالفة
دلال : هااشعندج ؟
الهنوف : ابي اقولج شي ،،
دلال : قولي
الهنوف : طلول اخوي ...
دلال : شفيه ؟
الهنوف : مافيه شي بس يسال عنج ويسلم عليج
دلال : واعتذرتي له ؟؟ << ويهها كانه طماطه حمرا
الهنوف : اي اي بس .......
دلال : بس شنو ؟؟ ما قبل اعتذاري ؟؟
الهنوف : لا افا عليج ،، قبل ونص ،،
دلال : يعل شنو؟&#33;؟
الهنوف : سمعيني دلال ،، طلال يبي يخطبج
دلال : هااااا يبي يخطبني << متفشلة
الهنوف : اي يخطبج ،، دلول طلول يحبج يمووووت فيج ،، واعتقد الشعور متبادل بينكم ،،
دلال : .......... الصراحة احرجتيني
الهنوف : يعني انتي تحبينه؟؟؟ قووولي عاااادي لانه يبي يعرف رايج قبل ما يخلي امي تكلم امج ،،
دلال : بس دراستي ؟؟ انتي نسيتي انه عندي بعثة امريكا ؟ وانا ما ابي افوتها عليي
الهنوف : ومنو قالج انج تفوتينها ؟ اصلا طلال يدري وهو مستعد يسافر معاج حتى تكلملين دراستج ،،، هاااا شقلتي ؟؟
دلال : ................
الهنوف : السكوت علامة الرضا
دلال: تقدرين تقولين جذي <<< منحرررررررجه
الهنوف : وااااااااااي مبروووووك حبيبتي الف الف مبروووك ( وخذتها ولمتها وقعدت تحببها )
دلال : بس ماصار شي لحد الحين
الهنوف : انشالله باجر بيصير واذا تبين اليوم بعد
دلال : لالا خليها باجر احسن .....
الهنوف : اوكي علا راحتج
ولا طلال متصل بالهنوف
الهنوف : الوووو
طلال : هلا ،، بشري كلمتيها؟
الهنوف : مو الحين مو وقته ،، انطر ارجع البيت واقولك
طلال : بس قولي اي او لأ ،، بليييييز
الهنوف : اي
طلال : واااو ،، تسلمييين لي يا احلى واغلى اخت بهالدنيا ،، يالله انا ناطرج برة اوكي؟
الهنوف: اوكيات ،، باااي
دلال : منو هذا ؟؟
الهنوف : يعني تسوين روحج ماتدرين ؟؟ هذا حبيب القلب
دلال : اهااا <<< خدودها حممررر
الهنوف : اوكي حبيبتي هو برة الحين يالله باي سي يوو ،، كشخي عاد
دلال : افا عليج ،، حاضريييين يالله امشي اوصلج
الهنوف : يالله


الباقي تاتي</font>

[مخاوية الامل]

<font color='#736AFF'>روعة وأتريا التكملة .. <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[البنت الدلوعه]

<font color='#000000'>تابع القصه
يوم وصولو عند الباب ،، والا الأخ ياي يرن الجرس لان اطلعت روحه وهو ينطر اخته <<< ماعليكم منه يبيها من الله ويشوف دلال،،
ولا اول ما افتحت الباب ولا طلال في ويهها &#33;&#33;&#33;
وهي استحت على طول وراحت ورا الباب ،، وطلال من شافها انهبل وذااااااااب ،، كانت طويلة وحلوة احلى من القمر ارق من نسمة الهوا وعلى ويهها بسمة كانت حنونة وصارت خجولة ،،
ولما اطلعت اخته قامت تضحك عليه وقالت له :
الهنوف : شفيك ماتسلم ؟؟ مستحي &#33;&#33;&#33;؟؟
طلال : أ......أ....... أهلا دلال شلونج ؟
دلال ( برقة وصوت واااطي بكل معنى الانوثة ) : تمام انت شخبارك؟
طلال : بخير دامك بخير
وتدخل الهنوف عرررررررررض وبصراااااااااااخ
الهنوف : لوووووووووووووووول ،، ياحليلكم والله ،، نحن هناااا
طلال: اوكي نشوفج على خير،، مع السلامة
دلال : الله يسلمك
الهنوف : باي
دلال: بايات
ويوصلون البيت وتقوله كل اللي صار ويروح يكلم امه عشان تخطبها له باجر وتوافق الام وهي مستانسة لانها ماراح تحصل لطلال وحده احسن من دلال،،
وفي اليوم الثاني من الساعه 10 الصبح طلول يحن :
طلال: يمممممممه يالله بسرعه روحي اخطبيها قبل ماتروح من ايدي
ام طلال : ياعيوني ماراح تروح من ايدك ولا شي << مسكينة ماتدري انهم طابخين الطبخة وخالصين ،،
طلال : يمه متى تروحين ؟
ام طلال : اليوم عقب صلاة المغرب
طلال : هااااااااا ؟؟ وانا شيصبرني &#33;&#33;
ام طلال : طلوووووووول يووز عني والا الحين اهون وما اخطبها لك
طلال : خلاص خلاص العذر والسموحة
وراح الأخ من الحين يجهز نفسه ،، راح الحلاق حلق شعره وسنع روحه وبعدها راح وشرى له عطر يديد ،، وبعدين راح ابيت وتجهز وتعدل الين صارت الساعه 5,30 والا غرشة العطر مخلصة << اللي يشوفه يقول يخطبونه مو بيخطب ،، الحمدلله والشكر
ويروحون بيت دلال ،،
وبعد ما اقعدوا واشربوا القهوة والولد منسده نفسه عن الاكل من الفرحه ،، فاتحوا اهل دلال بالموضوع وبعد حوار دار بينهم وافقوا الاهل طبعا بعد ما خذوا راي دلال (( موافقة قبل لا تدري ))

********************
وفي يوم من الايام عقب ما ملجو (( يعني كانو بس مخطوبين )) اتصل طلال على دلال :
دلال : الو
طلال : هلا حبيبتي
دلال : هلا عيوني شلونك ؟
طلال : دام اني اسمع صوتج اكيييد بخير ،، انتي شلونج حبي ؟
دلال : تمام الحمدلله
طلال: ها نمتي زين امس ولا تفكرين فيني ؟؟ <<< ثقة زايدة
دلال : ياسلالالام وايد مصدق نفسك حظرتك
طلال : لاحياتي هذي الحركات مو علينا ،، اصلا انا ادري بكل شي
دلال : شنو اللي تدري فيه ؟
طلال: ان زواجنا بعد يومين
دلال : وبعد ؟؟
طلال : وان الهني مووون راح يكون بامريكا وبعدها نكمل دراسة هناك اربع سنوات
دلال : الله يعيني على فراق الهنوف
طلال : الا قولي الله يعينها على فراقج ولا بعد انا معاج
دلال : اوكي حبيبي ما اطول عليك
طلال : تبين الفكه مني هااا &#33;&#33;
دلال : لالا امي تبيني
طلال : اوكي حبي اهتمي بنفسج
دلال : وانت بعد ،، يالله باي حياتي
طلال : بايات قلبي

وصار يوم العرس والكل استانس وصيح بعد ،، خصوصا ان اليوم التالي راح يسافرون طلال ودلال حق امريكا ،،
والهنوف راح تفارق الاثنين بوقت واحد ،،

**********

وفي الطار ،،،

الكل صيح وخصوصا الهنوف دموها ما وقفت ،، من اول ما ادخلت المطار لما ودعتهم ،،

وفي اليوم الثاني تقعد الهنوف بروحها بالبيت متمللة لا شغل ولا مشغلة وفجاة تذكرت ذاك الاتصال اللي يالها بخطبة دلال واهيا طنشته وماردت عليه ،،
وقالت خل اعرف منو متصل وادق على الرقم الموجود بالجوال <<< اللقافة تلعب دور
......4826 ويرن التيلفون

المتكلم : الو
الهنوف : الو ،، السلام عليكم << ياعيني على الذوق
المتكلم ( عرف صوتها ) وعليكم السلام هلا والله
الهنوف : اخوي ممكن اعرف جوال منو هذا ؟
المتكلم : هذا جوال نواف
الهنوف : ما ادري بس رقمك مسجل عندي من فترة
نواف : هذا جوال بيت الاسد
الهنوف : بسم الله انت نفسه ؟
نواف : اي نعم
الهنوف : انت شتبي فيني ؟
نواف : انتي اللي داقة مو انا
الهنوف : اوكي اسفة باي
نواف : براحتج ،، بايات


*****************
ومرت الايام ونست الهنوف السالفة ،، وفي يوم يرن جوال الهنوف وكانت صديقتها دانه ،،

الهنوف : الو
دانه : هلا والله بالقاطعه ،، شدعوه يبا لا تيلفون ولا ايميل ولا شي ؟
الهنوف بسم الله شفيج انتي ؟؟ تعااالي ذكرتيني انتي من متى صار عندج ايميل ؟ (( اللي يقول اموت فيج انا )
دانه : من فترة سويته ،، تبينه ؟
الهنوف : اي
دانه : swalir@ hotmail ها كتبتيه ؟
الهنوف : اي اوكي انا الحين بدخل النت
دانه : اوكي ،، سي يو باي

تشششششششششششششششششش <<< النت قاعد يشبك
وعلى طول الهنوف تفتح المسنجر وتسوي اد حق دانه

الهنوف : اشوه انها اوون لاين على الاقل القى احد اكلمه
وادخلت عليها بنكها ( دلوعه البنات ) <<< ما اتحمل وايد مصدقة روحها
دلوعه البنات : هااااي دانوووو زين انج اوون لاين
اسير حبج : هلا
دلوعه : شهالنك اللي حاطته كانج ولد &#33;
اسير : الحين بغيره لحظة ،، لانه اخوي كان يستخدمه
دلوعه : اوكيك
دانوه : ها شرايج بهالنك؟
دلوعه : اي هذا تمام مو ذاك
دانوه: يعني ليش حاطه دلوعه مو حاطة اسمج ؟؟
دلوعه : يعني احط الهنوف ؟؟؟؟؟ لالا يبا اخاف يدخل عليي ولد ويعرف اسمي
دانوه : يا اخت الهنوف ممكن اسوي معاج انترفيو ؟؟ ( يعني مقابلة )
دلوعه : اوكي ،، دام ما عندنا سوالف
دانوه : اسمج الكامل ؟؟ وعمرج ؟؟
دلوعه : الهنوف بنت ......... بن (( العايلة الكريمة )) وعمري 18 والحمدلله خلصت الثنوية وبدخل الجامعه
دانوه : لالالا &#33;&#33; تعلميني عنج ،، شفيج وايد صدقتي روحج انج في انترفيو يالله خلاص بلا دلع ،،
دلوعه : عداااااااااااال يالقبسة ذلفي عن ويهي بطرش ايميل حق دلول وطلول
دانوه : اي دلول ؟؟ واي طلول؟؟
دلوعه : الحين بصطرج عاد ،، تراني ما اتحمل ثقالتج يالله باي
دانوه : اوكي بايات</font>

[مخاوية الامل]

<font color='#736AFF'>روعه.. نتريا التكملة .. <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[البنت الدلوعه]

<font color='#000000'>مشكور مخاويه الامل
وتسلم
وسموحه منكم</font>

[مخاوية الامل]

<font color='#736AFF'>العفو.. بس وين التكملة <img src="http://oasis.bindubai.com/emoticons/rock.gif" border="0" valign="absmiddle" alt='???'></font>

[البنت الدلوعه]

<font color='#000000'>وافتحت ايميلها ولا واصلها ايميل من دلال ،، استاااااانست وااايد واقعدت تقراااه ،،
} هلا الهنوف حبيبتي ،، شخبارج عيوني ؟؟ سامحينا ما كلمناكم بس متنا واحنا نحاول نتصل فيكم وماعلق الخط ،، فقلت الايميل اسرع ،، عالعموم احنا تونا واصلين والساعه عندنا 3 الفجر ،، يالله عمري بروح انام الحين ،، طلال يسلم عليج واااااااااااااااايد وسلامي للكل ،،{
وراحت على طول تبشر الوالده،،

الهنوف : يمه دلول دزت لي ايميل
ام طلال : شنو شنو هذا اللي قلتيه؟
الهنوف : يمه ايميل ،، يعني رسالة بالنت عن طريق الكمبيوتر
ام طلال : والله ماني فاهمه اي شي من اللي تقولينه
الهنوف : اوكي ،، مو لازم ،، المهم انهم وصلو بالسلامة
ام طلال : زين زين الف الحمدلله على السلامة ،، بروح اتصل في وخيتي ام دلال ابشرها
الهنوف : اوكي كيفج ،، انا رايحه غرفتي

وفي غرفتها تفتح النت مرة ثانية ،،
تششششششششششششش <<< النت يشبك
والا دانة اوون لاين
دانوه : ووووووووونيج ؟؟؟
دلوعه ( في قلبها شتبي هذي ) : كاني موجودة يعني وين رحت ؟
رحت ابشر امي انه اخوي وزوجته وصلو امريكا
دانوه : زين زين الحمدلله على السلامة
دلوعه : الله يسلمج حبيبتي
دانوه : اقول يا الهنوف جم رقم جوالج ؟ مو تقولين غيرتيه ؟
دلوعه : لالا نفسه 862 ........
دانوه : برب
دلوعه : تيت
ترررررررررررررررن <<< جوال الهنوف يرن والا تشوف نفسه رقم نواف
الهنوف : الو ،، يا اخي شفيك انت؟
نواف : هلا ،، مافيني شي
الهنوف : الله يهديك قطعت عليي النت
نواف : تصدقين عاد حتى انا كنت على النت
الهنوف : يعني شسوي لك ؟
نواف : لاتسوين شي بس حبيت اسمع صوتج
الهنوف : يا سلام &#33;&#33; ومنو حظرتك حتى تسمع صوتي ؟
نواف : اسير حبج
الهنوف : نعم نعم ؟؟
نواف : سوري اذا سببت لج اي ازعاج ،، بس على فكرة انا طالب بالجامعه ،،
تشاااو

وترجع الهنوف للنت ،،
دانوه : ووووووووووووووينج؟
دانوه : الوووووووووووووووو
دانوه : الهنووووووووووووووف
دلوعه: هلا معاج ،، بس كان عندي خط
دانوه : منو؟؟
دلوعه: شهاللقافه ؟ ؟ في كل شي حاشرة نفسج ؟؟ انا اخوي طلال ما يحقق معاي كثرج
دانوه : خلاص خلاص كليتيني بقشوري ،، براحتج حبيبتي
دلوعه : يالله انا طالعه باي
دانوه : بايين
وفي الجامعه في حفل تكريم للطلبة الجدد ،، كانت الهنوف من ضمن المكرمين ،، وبما ان نواف واحد من طلبة الجامعه فكان قاعد بين الحضور ،، وكان مستاااانس ونفسه يشوف الهنوف ،، وبما انه عنده اسمها الكامل فأكيد راح يعرفها ،،
المدير : اعزائي الحضور ،، ابنائي الطلبة ،، يسرنا في هذا اليوم المبارك ان نسير على منهجنا كل عام ،، وهو تكريم طلبتنا وطالبتنا الجدد الذين انضمو الى اخوانهم السابقين ،، شكرا لهم على اختيارهم جامعتنا ،، وتحفيزا لهم على بذل اقى ما في وسعهم لرفع اسم بلدنا الغالي عالي ،، شاكرين لكم حسن تعاونكم معانا
وبدا التكريم وتوالت الاسماء الى ان وصل اسم الهنوف ،،
ويوم سمع نواف الاسم ،، رن في اذنه ،، ونط من كرسيه وتم مبقق عيونه ومو مصدق ان هذي الهنوف << الظاهر اعجبته البنت
وبعد ما خلص الحفل مباشرة ،، رن تيلفون الهنوف

الهنوف : وتليتها معاك يا نواف ؟؟
نواف : كنتي اليوم بالحفلة رووووووووعه وعجبتيني موووووت
الهنوف : ............؟؟؟
نواف : الووووو وينج ؟
الهنوف : وانت شدراك ؟
نواف : مو انتي الهنوف بنت .... وعمرج 18 وتوج متخرجه من الثانوية وعندج اخو اسمه طلال متزوج صديقتج دلال الروح بالروح .....
الهنوف ( تقاطعه ) : لحظة لحظة ،، من وين عرفت كل هالمعلومات ؟؟
نواف : خليني اكمل وبعدين تعرفين
الهنوف : اي تكمل ؟؟؟؟؟؟؟&#33;&#33;&#33;&#33;&#33;&#33;&#33;&#33;&#33;&#33;
نواف : واخوج وزوجته مسافرين امريكا يكملون دراسة وهم عندج صديقة اسمها دانه تكلمينها مسنجر وما يحتاج اقول رقمج لاني داق عليج
الهنوف : اهااا ،، اكيد انت واحد حمار مهكر عليي وعارف كل هالمعلومات عني << العن ابو الاستنتاج
نواف : لاعيوني انا مو هكر انا اسير حبج ،، وبالأصح دانوه رفيجتج اللي تكلمينها مسنجر &#33;&#33;
الهنوف : افهم من كلامك انك الحين بالجامعه ؟
نواف : اكيد ،، واذا تبين تعرفيني التفتي وراج
على طوووووووووول التفتت الهنوف وراها
الهنوف ( في قلبها ) : الله ياقلبي يهبل
وانحرجت وتزلت راسها << ياعيني على الخجل
نواف : اهلين
الهنوف : .................
نواف : انا افهمج كل شي بس مو اهني لازم يكون في مكان ثاني ،، كوفي شوب مثلا
الهنوف : لالا ما اقدر
نواف : اوكي ،، اختاري المكان اللي يريحج
الهنوف : سوري ما اقدر اتاخر عن ابيت
نواف : ما راح اعطلج كلها ربع ساعة
وشوي شوي لين راحو كفتيريا الجامعة

نواف : شوفي يا الهنوف ،، اول شي سوووري على اللي صار ،، بس انتي سويتي لي اد بالغلط وكلمتيني على اساس اني صديقتج دانه ،، وانا اخذت وعطيت معاج لين عجبتيني ،، ولين ماعرفتج عنج كل شي ،، فقلت حرام اسكت على اللي صار وكل هذا صار صدفة لكن احلى صدفة انج تطلعين البنت اللي اتصلت عليها بالغلط ،، وتقدرين تعتبرين الللي بينا صداقة بس ،،
الهنوف : صداااقة ؟؟&#33;&#33; بصراحة ماعندي كلام اقوله ،، بس يانواف اللي سويته غلط
نواف : يعني انتي زعلانه مني؟؟
الهنوف : اكيد زعلانه ما كان لازم تخدعني طول هالفترة
نواف : بس يقولون المسامح كريم &#33;
الهنوف : وبكل سهولة تبيني اسامحك؟؟
نواف : انتي قلبج كبير وانا متاكد انج بتسامحيني
الهنوف : ......... ( الولد دخل قلبها بس مايصير تقط نفسها عليه )
نواف : ها سامحتيني ؟؟
الهنوف : انا لازم امشي الحين ( مبتسمه )
نواف : اوكي ،، اقدر القاج على المسنجر؟؟
الهنوف : ما ادري ،، يمكن
نواف : عالعموم تلقيني الساعه 10 عالمسنجر
الهنوف : اوكي باي
نواف : باي
الساعه 10 بالضبط الهنوف عالسمنجر ،،

دانوه : اهلين
دلوعه البنات : اقول نوافو غير هالنك << طيحت الميانة معاه
دانوه : غالي والطلب رخيص
دلوعه : تسلم
مشكلني حبك يا روح الروح مشكلني : اقول باجر متى تخلصين محاظراتج ؟
دلوعه : 11,30 وانت ؟
مشكلني حبك يا روح الروح مشكلني : انا اخلص الساعه 11 ،، خلاص انطرج باجر
دلوعه : اوكي ،، اقول لازم اسكر الحين لان امي بتزن فوق راسي بتقولي قومي نامي
مشكلني حبك يا روح الروح مشكلني : ههههههه اوكي انا بعد طالع ،، دير سي يو تومورو
دلوعه : انشالله ،، باااي
مشكلني حبك يا روح الروح مشكلني : باااي


ويوم راحت الهنوف بتنام وحطت راسها على السرير سمعت صوت مسج ،، وكان من نواف يقول : تصبحين على خير يا كل الغلا ،، ربي يخليج لي،،

واستانست واااايد وردت عليه : وانت من اهله واحلام سعيده يا بعد هلي وطوايفي كلهم يا نواف

ومرت الايام ،، الين ماصار على علاقتهم 5 شهور تقريبا ،، وعرفوا بعضهم عدل ،، الا ذاك اليوم وطلال متصل ،،


ام طلال : الو
طلال : الو ،، هلا والله يمه
ام طلال : هلا وليدي حبيبي ،، شخبااارك وشخبار دلال ؟؟ وشلون الدراسة معاكم ؟؟
طلال : والله الحمدلله مشتاااقين لكم وايد
ام طلال : احنا اكثر والله يا يمه
طلال : يمه عندي لج بشارتين ،،
ام طلال : قول يمه ؟؟
طلال : الاولى ،، ان دلولتي حامل والثانية انج بتلقينا عندج بعد اسبوع
ام طلال ( اقعدت تصيح من الفرحه ) : صج والله يمه ،، مبرووووووووووووك الف مبرووووووووك

والهنوف من جهة ثانية : يمممة بسررررعة ابي اكلمهم
ام طلال : يمة الهنوف تبي تكلمكم
الهنوف : طلوووووووول مبروووووووووووك
طلال : الله يبارك فيج حبيبتي ،، وينج يامعو&#92;ة مختفية كل هالمدة ماتبينين لاتدقين ولا مسنجر ولا ايميل ؟؟؟
الهنوف : هاا &#33;&#33; لابس مشغولة تعرف الجامعة
طلال : الله يوفقج حبيبتي
الهنوف: تسلم والله ،، اقول وين دلال ودي اكلمها؟؟
طلال : لحظة شوية اناديها لج ،،



وبعدين بكمله انشاءالله</font>

[مخاوية الامل]

<font color='#736AFF'>شكرا.. وأتريا التكملة .. بسرعة ترا ما أقدر شوقتيني أعرف الباقي ..</font>

[البنت الدلوعه]

<font color='#000000'>تلسم اخوي على ردك
ولكن مو الحين بحطه
بعدين يعني بعد كم يوم
اذ تبونه بسرعه بحطه &nbsp;
بس انتو قالولي متى احطه وانا حاظره
وشموحه</font>

[البنت الدلوعه]

<font color='#000000'>قصدي وسموحه<img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

[البنت الدلوعه]

<font color='#000000'>السلام عليكم
اسفه على تاخير لكن الحين بكمله لكم
<img src="http://oasis.bindubai.com/emoticons/sad.gif" border="0" valign="absmiddle" alt=':('></font>

[البنت الدلوعه]

<font color='#000000'>............ << ثواني

الهنوف : هلالالا دلولة مبروووك ياعمري الف الف مبرووك
دلال : الله يبارك في حياتج عيوني ،، عقبالج
الهنوف : لالاتو الناس << انحرجت البنت
دلال : اي تو الناس يا بنت الحلال ؟؟ كلها جم شهر وان شاء الله تتزوجين
الهنوف : تسلمين حياتي ،، اوكي عيل ما اطول عليج
دلال : اوكي حبيبتي سي يو الاسبوع الياي ،، باااااي
الهنوف: ان شاء الله ،، بااااي
.

وتروح الهنوف لغرفتها وبعد شوي يدق عليها نواف ويقولها تعالي الكوفي شوب ،،
نواف : هلا حبيبتي
الهنوف: هلا وغلا ،، شلونك؟؟
نواف: الحمدلله بخير ،، حياج قعدي
الهنوف: الله يحييك

وبعد فترة وهم يسولفون تلاحظ الهنوف ان نواف مو طبيعي ،،
الهنوف: حبيبي شفيك متظايق؟؟
نواف: لالا ماكو شي عمري
الهنوف : انا زعلتك في شي ؟؟
نواف : لا يابعد عمري افا علييييييج
الهنوف: عيل شفيك متضايق؟؟ قوووولي ،، يعني اذا ماشكيت لي همومك تشكيها حق منو؟؟
نواف: لابس في واحد من الربع بالاصح خالد الفهد
الهنوف : شفيه &#33;&#33;؟؟
نواف : كنا انا وياه مشتركين في مشروع حطيت كل ماعندي فيه وكنا واثقين انه راح ينجح لكن المشروع فشل وبجداره وصار خلّود يطالبني فلوس
الهنوف : شلون ؟ مو انتو كنتو مشتركين مع بعض ؟؟ يعني النص بالنص
نواف : خلاني اوقع على اوراق وبعدها زورها ،، وازيدج من الشعر بيت هو كان اعز صديق لي ،،
الهنوف : اووووف لهالدرجة توصل النذالة والحقارة فيه ؟؟؟؟&#33;&#33;&#33;؟؟ انزين والحين ؟؟
نواف : الحين الله اعلم ،، المهم خلينا من هالسالفة انا عندي لج مفاجأة
الهنوف : مفاجأة ؟؟
نواف : تفضلي ،،
وطلع لها الدبلة ،،،،،،،،
الهنوف : نواااااااااااف حبيبي ،، احببببك ،، والله ماني عارف شقول ،، صراحة فاجأتني وما توقعت هالشي
نواف : شرايج بالمفاجأة ؟؟ حلوة ؟؟
الهنوف : حلوووة؟؟&#33;&#33; لا قول روووعه تيين ،، الله يخليك لي يا بعد روحي
نواف : ويخليج لي يا عيوني ،، اقول الهنوف متى تبيني ازوركم ؟؟؟ طبعا مو بروحي انا وامي وابوي عشان نخطبج
الهنوف : اخوي بيرجع بعد اسبوع من السفر
نواف : ياااااااااه انطر اسبوع بعد ؟؟؟
الهنوف (بدلع) : يعني نطرت طول هالمدة ماراح تقدر تنطر اسبوع &#33;&#33;
نواف : احاول ولو ادري ان الشوق بيذبحني
الهنوف : اوكي انا لازم امشي
نواف : تو الناس ،، ليش؟؟
الهنوف : انا قايلة حق امي اني ماني متاخرة
نواف : اوكيك عيوني على راحتج ،، يالله في امان الله وحفظه
الهنوف : اشوفك على خير ان شاء الله


وراحت الهنوف البيت وهي مو مصدقة اللي صار ،، وكانت طايرة من الفرحة ،،
ووصل يوم الاربعا ورجع طلال ودلال من السفر
وبعد ما وصلو وراتاحو وتعشو راحت الهنوف وقالت حق طلال


الهنوف : ممكن طلال شوية ابيك بسالفة ؟
طلال : حااااظر ،، عن اذنكم ياجماعه

في غرفة طلال :
طلال :امري
الهنوف : مايامر عليك عدو ،، بس ........
طلال: بس شنو؟؟
الهنوف :...........
طلال : قولي عاد لاتستحين ،، شدعوة وانا اخوج
الهنوف : طلال ،، في واحد معاي بالجامعة يبي يتقدم لي
طلال : ما شااااااا الله زيييييييين ،، والله وكبرتي يالهنوف يعني راح تتزوجين
الهنوف :........<< احترق ويهها
طلال : بس ماقلتي شسمه وولد منو؟
الهنوف : اسمه نواف ولد ..........
طلال : والنعم فيه
الهنوف : انا قلت له ينطرك لين ترجع من السفر عشان يفاتحك بالموضوع
طلال : وانا مستعد ،، اوكي انتي عطيه رقمي وخليه يتصل فيني وان شاء الله مايصير الا كل خير



وباليوم الثاني بالجامعة ،،

نواف : هلا والله ،، هااا بشري؟؟
الهنوف : اهلين نواف ،، انا كلمت اخوي امس ويقولك اتصل فيه ،، وهذا رقمه ...
نواف : من عيوني اليوم اتصل فيه ،، يالله لا نتاخر عن المحاضرة
الهنوف : يالله


وصار االليل (( المسا)) ورن تيلفون طلال وكان نواف اهوا المتصل فيه واتفق معاه على مكان يلتقون فيه ،،

طلال كان قاعد ينطر وتالي وصل نواف


نواف : السلام عليكم
طلال: وعليكم السلام
نواف : على ما اظن انت طلال &#33;&#33;
طلال : اي نعم طلال اخو الهنوف
نواف : هلا والله
طلال : اونت نواف صح ؟؟
نواف : اي
طلال : والنعم والله ،، اقول يا اخوي خلنا ندخل بالموضوع على طووول
نواف : اعتقد الهنوف فاتحتك بالموضوع ،، صراحة انا ودي اخطب الهنوف اختك و اتمنى ان ما القى اي اعتراض من العايلة
طلال : ان شاء الله ما يصير الا كل خير



وتمو يسولفون مع يعض وتناقشو بالموضوع ،، واتفقو على موعد يزورونهم فيه الأهل ،،

وصار الموعد ووصلو أهل نواف وتم كل شي على خير
الف الصلاة والسلام عليك يا حبيب الله محمد كلللللللللللللللللللللللل لللللللللللللللووووووش
وبهالكلام صارو مخطوبين حق بعض
وكل يوم يزيد حبهم حق بعض ،،
وكانو ينطرون العرس على نااااااااااااااار
وفي يوم اتصل خالد على نواف ،،


نواف :الو
خالد : الو ،، نواف اسمعني يا انك تسدد الفلوس اللي عليك او اني اودي الشكات للشرطة
نواف : انت ماتقدر تاخذ الشيكات للشرطة لانها مزورة
خالد : يعني مو راضي تسدد
نواف : لا طبعا ،، هذا تزوير
خالد : خلاص : انطر مني شي ثاااااني
نواف : الوووووو خااالد يا خااالد ررررد


طرااااااااااخ << سكر السماعه
ومر أسبوع على اللي صار والكل لاحظ وأولهم الهنوف ان نواف متغير ومو على بعضه ويبين مهموم ،، فراحت الهنوف وسألته :


الهنوف : نواف حبيب قلبي شفيك ؟؟ الكل لاحظ انك مهموم وتعبان ،، انت خاش عليي شي؟؟؟
نواف : يا حبيبتي خالد هددني ،، واخاف ينفذ تهديده ويضرج بشي ،، انا موخايف على روحي يالهنوف انا خايف عليج انتي
الهنوف : خايف عليي ؟؟ من شنو ؟؟
نواف : تذكرين يوم اقولج عن خالد وتزويره؟؟
الهنوف : اي ،، شصار الحين؟؟
نواف : الحين اهوا مهددني يا ادفع او ياخذ الشيكات للشرطة
الهنوف : انزين انا اساعدك والأهل كلهم بيوقفون معاك
نواف : يالهنوف المبلغ كبيررررررر تقريبا 700 الف دولار وبعدين مو من حقه ياخذ الفلوس لأنه مزور الأوراق ،، ويوم قلت له اني بروح الشرطة قالي خلاص انطر مني شي ثاني والله يستر من هالشي ،، خالد مجرم ويقدر يسوي كل شي
الهنوف : لالالا لاتحاتي ،، ان شاء الله ما يصير الا الخير
نواف : الله يسمع منج يا عمري


وفي يوم كانت الهنوف راجعة من الجامعة (( بروحها راجعة )) ولاحظت إن في ثلاث سيارات لاحقينها وين ماراحت ،، حاولت تضيعهم بس ما قدرت كانو محاصرينها وعلى طوول اتصلت بنواف وقالت له فقال انا الحين ياي ،،

ووصل نواف ويوم شافهم عرف انه خالد وربعه ،، وكانت السيارات كلها تحاصر سيارة الهنوف ،، واحترق قلبه من داخل لانه الهنوف اطعلت الضحية ،،
وعلى طول طلع من سيارته ويوم شافوه الشباب اطلعو من السيارات واتجه خالد ناحيته ،، واشتبك خالد مع نواف في هوووووشة قوووية ،، والهنوف بالسيارة مو قادرة تطلع وكانت تبجييييي وتدعي في قلبها ربها يحفظ نواف ،، وبعد فترة اقدرت تطلع من السيارة وشافت واحد من ربع خالد يمسك مسدس وموجهة حق نواف ،،
صررررررخت الهنوف وهي رايحة تجاه نواف

نوااااااااااااااااااااااا ااف ديير بااااااااااااااالك المسدس
لكن للأســــــــــــــــــــف

وصلت الطلقة قلب نواف قبل ما يوصله كلام الهنوف

وتجمعو الناس على نواف واتصلوا بالأسعاف والشرطة ،، ووصلتالشرطة وخذوا خالد وربعه ،،
وخذت الأسعاف نواف المستشفى ومعاه الهنوف ،،
وبسيارة الإسعاف الهنوف ماسكة ايد نواف وهو ينزف ،،


الهنوف ( وهي ميتة من البجي ) : نواااااف حبيييييب قلبي لالالالا تموت وتتركني
نواف ( وهو يتألم وينزف بس يحاول يبتسم لها ) : اذكريني دوووم يابعد عمري وسامحيني على كل شي زعلج مني ،، وصدقيني اني ماحبيت احد كثر ما حبيتج وربي ان شاء الله يجمعنا بجنات الفردوس ،،
الهنوف : حبيبي لاتقووول جذي ان شاء الله راح تتعافى وتشافى وتصير احسن من الاول ،، نوااااف احبك مووووت
نواف : الهنوف احبج اموووووووت فيج ،، ربي يوفقج في حياتج ،، الوداااااااع

وفجأة تحس ان ايد نواف اللي بين ايدينها صارت باردة ،، وصرخت لالالالالالالالالالالالال الالا لاتتركني وتخليني بروحي ،، الدنيا ماتسوى شي بدونك ،، بس الظاهر ان الكلمات الاخيرة ما وصلتله وكان القدر أسرع منها وخطف روحه واختلطت دموعها بدمه ،،
وبالمستشفى تفتح الهنوف عيونها وتلقى امها وطلال وام دلال وعيونهم كلها دموع ،، تقولهم :


الهنوف : يمه نواف ويييينه ؟؟
ام طلال : حبيبتي نواف في الغرفة الثانية ،، وهو بخير الحمدلله بس اهم شي صحتج الحين
الهنوف : يعني نواف ما ماااات ،، لك الحمد والشكر يارب ،، يمه ودي اشوفه ولهاااااااانة عليييييييه

وفجأة تحس بيد امها وتصحى ،،

الهنوف : يمه ودي اشوفه ويييييينه؟؟
ام طلال : منو يا حبيبتي؟؟
الهنوف : يمه نوااااااف ،، مو تقولين انه في الغرفة الثانية





والتفتت الأم على طلال وأم دلال واقعدوا يشوفون بعض بنظرات غريبة ويا لها طلال وقعد يمها على السرير وطلب منهم يطلعون بررره

طلال : يالهنوف يا حبيبتي ،، ادري ان الفراق صعب عليج وادري انج ماتقدلاين تتحملين فراق نواف بعد مابنيتو امال واحلام مع بعص ،، بس لازم تؤمنين بالقضاء والقدر ،، نواف رحل عن الدنيا ،، واطلب له الرحمة بس ،،
الهنوف :لالالالالالالالا نواف ما مات ،، امي قالت لي انه بالغرفة الثانية ،، لاتقول انه مات ارجوووووووك
طلال : حبيبتي هذا كان حلم ،، حلم بس


وبره الغرفة يسمعون الأمهات صوت بجي الهنوف كان يقطع القلب ،، فدخلو لها وحاولو يهدونها ويخخفون عليها ،، ويقولون لها انه محتاج منها ان تطلب الرحمه والمغفرة له ،،

وبعد ما هدات شوي اسألتهم عن دلال ،،

الهنوف ( في صوت مافارقه البجي ابد ) : يمه دلال وينها ؟؟
ام دلال : حبيبتي دلال ولدت ،، ويابت ولد
الهنوف : ( بصوت مخنوق ) مبروك يا طلال
طلال : الله يبارك فيج حبيبتي ،، واحنا قررنا ان نسميه نواف ،، اذا ماكان عندج مانع
الهنوف : نــــــواف ،، ياليتك عايش يا نواف وتشهد هاللحظة معانا ،، لاطلال اكيد ماعندي مانع ،، كيفكم (( وارجعت تبجي مرة ثانية ))
طلال : خلاص حبيبتي طلبي له الرحمة
الهنوف : الله يرحمك يا حياتي يا نواف (( وقعدت تبجي ))</font>

[البنت الدلوعه]

<font color='#000000'>الحين بحط نهايه القصه
هو قصير واتمنى ان يعجبكم</font>

[البنت الدلوعه]

<font color='#000000'>وبعد جم يوم اطلعت الهنوف من المستشفى ،، وكان كل شخص يشوفها يلقى في نظراتها حزن غريب والم دفين تحاول تخفيه بس مو قادرة ،،

وفي البيت تذكرت ايميلات نواف وكارداته وكلامها معاه على المسنجر اللي كانت تخليه في الوورد ،، وحست برغبة كبيررررة انها تكتب له ايميل ،،

(( _ _ _ _ نــــص الايميل _ _ _ _ ))
.

حبيبي الغالي ،، حبيبي الغائب ،، حبيبي الراحل ،، نواف ،،،،،
ادري انك ماراح تقرا رسالتي بس خلها بيني وبين نفسي ،، نـــــــــــــــــــــــو اف ماتدري شكثر احب انطق هذا الاسم ،، هذا الاسم كان يعني لي اليحاة والامل والتفاؤل والفرح ،، كان يعني لي الماضي والحاضر والمستقبل اللي كنت راح اعيشه معاك ،، هذا الاسم كان يزيل آلامي واحزاني وكل جروحي ،، نـــــواف سامحني سامحني سامحني ،، نواف انا السبب في موتك انا السبب ،، ما اقدر انسى او اتناسى اني السبب ،، لان هذا هو الواقع ،، نعم الواقع اني السبب ،، ما اقدر اشيل صورتك من عيوني وهي كلها دم ،، دم ينزف منك بسببي ،، يوم كنت تبي تدافع عني ،، يوم كنت تبي تحميني ،، نواف صدقني احبك ،، انت ماتدري شكثر احبك ،، انا ماقلت لك اني احبك واموووووووت فيك ،، احبك حب ماقط حبه حبيب لحبيبته ،، او خطيب لخطيبته ،، او زوج لزوجته ،، الله وحده العاِلم مدى حبي لك ،، والعالِلم انك نور عيني وشمعة حياتي ،، والحين انطفت هذي الشمعة ،، ما في احد ينور طريقي ،، شنو الفايدة من الحياة اذا غاب عنها نوراها ؟؟؟؟؟ شلون تقدر تعيش ؟؟؟؟؟ انا حياتي انتهت بموتك يانواف ،، خلاص ماعاد للحياة معنى بعدك يا أسير حبي ،، انا خلاص ما راح افكر بنفسي ،، او اعيش هالحياة لي ،، انا بعيش الحياة عشان اسعد الغير ،، عشان اسعد الاطفال المحرومين من الحنان ،، لان برحيلك انا فقدت لمسة الحنان ،، فقدت الامان ،، انا الحين انطر الموت ،، عشان القاك ،، ومثل ماقلت يارب ان شاء الله نلتقي بجنة الخلد ،،
حبيبتك ،،، الهـــــــنوف




النهــــــــــايـــــــــ ــة


********************************

( ( ( ( ( _ _ _ اتمنى تكون القصة اعجبتكم ولو انها حزينة شوية _ _ _ ) ) ) ) )</font>

[مخاوية الامل]

<font color='#736AFF'>القصة وايد اتصيح.. كنت بموت والله.. حرااااااااااام نهاييتها حزين وايد.

مشكورة البنت الدلوعة على القصة واااااااااايد روعه</font>

[الهيثــم]

<font color='#000080'><span style='font-family:trebuchet ms'>فــي إنتــظـــار التكملـــــة</span></font>

[البنت الدلوعه]

<font color='#000000'>العفو اختي مخاويه الامل
وتسلمين انج تقراين قصتي
وسموحه مناك اخوي فارس العرب بس
القصه خالصت
وسموحه وتسلم على مشاركتك</font>