هذا هو النصيب

[البنت الدلوعه]

<font color='#000000'>الجزء الأول..

في مملكة من ممالك الدنيا في العين تسطع الشمس خيوطها الذهبية على بحيرة زرقاء يقف أمامها رجل أبيض عيناه زرقاويتان لا يكثر عمره عن 24 سنة... كان هذا الشخص الذي يدعى مايد غارق في بحر مليء بالأفكار التي تخيفه من مصائب الدنيا.... رجع ماجد إلى المنزل بعد أن وقف فترة زمنية طويلة تحت ظل الشمس والجو الصيفي..

أم مايد : ياله يا ولدي قوم بدل ثيابك وخلني أنجبلك الغدا..
مايد: لا أمايه بتريا مهاري عقب ربع ساعة بترجع..
أم مايد: على راحتك يا ولدي..

ويدخل عليهم أبو مايد: أوف شو هالرطوبة ... واللهه تعبان من هالشركات والموظفين اللي فيها..
مايد: يحليلك يا يبى والله لو متخرج من التقنية جان ييت وعاونتك..
أبو مايد:هيه شعليك إجازة صيفية لمدة 3 شهور وأنا مقابل هاي الشركات والموظفين..

وتدخل عليهم مهرة وهي طايرة من الفرح: ياي خلصنا من الامتحانات افتكينا من الدراسة..
مايد: إنتي ما تقوليلي ليش تتأخرين هالكثر..
مهرة: والله عاد هذا آخر يوم في المدارس لأزم أودع ربيعاتي ومعلماتي والمدرسة بعد..
مايد: انزين بسج كلام روحي عاوني أمي بالمطبخ.
مهرة: إن شاء الله بس بروح أبدل ثيابي وعقب بسير المطبخ.
مايد: شطورة إختي الصغيرة..

وتروح مهرة فوق تبدل ملابسها عقب تسير عن أمها المطبخ..
مهرة: والله يا يمى مادري شو قاعدة اتسوين بالمطبخ..
أم مايد: بعد شو أسوي أنجب الغدا.ز
مهرة: أدري يا أمايه بس الخدامات شو يسوون هنيه عيل..
أما مايد: حبيبتي مهرة مب كل شيء يطيح على الخدامات.. بعدين أنا أريد تاكلون من يدي.
مهرة تحب راس أمها: الله لا يحرمنا منج يا أحلى أم بالدنيا..
أم مايد: إذا ما بشتغل لكم ؟إنتي ومايد وبو مايد عيل حق منو أشتغل..
مهرة: فديتيج والله..

وفي غرفة الطعام الكل قاعد ياكل (مايد ومهرة والوالدين) وعقب قعدوا في الصالة يشربون الشاي..

مهرة: يبى ما بنسافر هالسنة..
أبو مايد: خلى النتايج يطلعن عقب يصير خير..
مهرة: ليش مب واثق بقدراتي؟&#33;
مايد: إنتي ما بسج من الهذربة .. يوزي..
مهرة: أوف .. تراك ما عندك سالفة...
مايد: طاعو هذي.. بابا أنا أخو مال إنتي كبير..
مهرة: ماما أنا يعرف هذا..
ويضحكون كلهم على سوالف مهرة ومايد..

عقب كل واحد فيهم راح حجرته ينام ما عاد مايد كالعادة على الكمبيوتر مشغل الانترنت وقاعد يتقرى القصص.. وتدخل عليه مهرة ببطء وهو مندمج مع القصة اللي يقراها وتصرخ مهرة بإذن مايد: أريد الكمبيوتر..
وقام مايد ويدينه على قلبه: إنتي ما تيوزين خرعتيني.
مهرة: أريد الكمبيوتر من زمان ما قعد عليه..
مايد: شو تبينه.
مهرة: أريد أرمس ربيعاتي..
مايد: انزين بس عقب ما بأذن بروح المسيد وبصلي وإنتي قعدي على النت..
مهرة: أوكي اقتراح مقبول..

وبعد ساعة أذن العصر وراح مايد وصلى في المسيد مع أبوه ومهرة وأمها صلوا في البيت مع بعض... بعدينرد بومايد البيت وراحت أم مايد تقعد من أبوم مايد في الصالة..
أبو مايد: هاه عيل وين مهرة..
أم مايد:قاعدة على الكمبيوترمن صلينا شربت الشاي وراحت تقعد .. وين مايد عنك..
أبو مايد: راح عند ربعه شافهم خاطفين سار وياهم..
أم مايد: انزين بو مايد ما بنسافر هالسنة..
أبو مايد: امبلا بنسافر جنيف بعد..
أم مايد:لا تتحراني مهروه تقص علي..
أبو مايد: لا يام مايد صدق بنروح جنيف بس بعد ماتطلع نتايج مهراوي بحيزلكم..
أم مايد:لو عرفت مهروه بتموت..
أبو مايد: خلي الشغال تناديها
وتنادي أم مايد وحده من الشغالات اسمها ليندا عسب تنادي مهروه ..
أم مايد: روحي ليندا فوق خلي مهروه تنزل تحت..
ليندا: إن شاء الهه ماما..

وتروح ليندا فوق وتقول حق مهرة تنزل تحت ونزلت مهره وقعدت بين أمها وأبوها..
أبو مايد: بقولج شيء حلو بس بشرط..
مهرة: كلي آذان صاغية..
أبو مايد: روحي شوي بعيد فاعصتني انا وأمج.
مهرة: شو تحيدوني بوتمبة .
ويدخل مايد عليهم ويقول: لا جازورة..
وضحكوا كلهم.. ممايد ومهرة قعدوا في كرسي رواحهم والوالدين في كرسي رواحهم..

أبو مايد: شو رايكم يا عيالي نروح جنيف..
مهرة مب مصدقة: قول والله يبى بنروح جنيف ياي..
مايد: إيه إيه لحظة شوي بلاج..
أم مايد تكلم بومايد: ماقتلك بتموت.
مهرة وهي طايرو من الفرح.. متى بنؤوح..
أبومايد: يوم تطلع نتايج مهراوي.
بعد مروو أسبوعين طلعن النتايج الثانوية العامة..
وكانت نسبة مهروه 95.09 .. وكانت مستانسة على نتيجتها ..
عقب قرروا بأن يسافرون يوم الجمعة ليلة السبت وطبعا مهرة ومايد لازم يتجهزون حق الرحلة فسارت مهرة حق أخوها مايد
مهرة. مايد متى بنروح السوق.
مايد: إنتي فاضية ألحين؟؟&#33;
مهرة: هيه.
مايد: خلاص أنتا بروح أستأذن من أمي عس نطلع ونروح السوق عندج 10 دقايق تتلبسن وتخلصين وتنزلين.
مهرة: إن شاء الله.

وسارت مهرة حجرتها ونزل مايد يشوف أمه.
مايد: يمه ترا أنا ومهرة بنروح السوق..
أم مايد: الله يحفظكم بس لا تتأخرون.
مايد: إن شاء الله يمى مافي شيء بخاطرج.ز
أم مايد: لا حبيبي تسلم.
مايد: يسلم غاليج.. وينادي مايد على مهرة عسب يروحون .. وأول محل راحوه bhs اشتروا حق مهروه بدلات ووتنانير وقمصان وغيرها من الملابس.. عقب ساروا العين مول..
مهرة: يوعانه شو رايك نروح ناكل في أي مطعم.
مايد: وأنا جم مهروه عندي يالله نروح..

ساروا صوب هارديز وخذوله سندويتشات ويلسوا على الطاولة.. وكانت الطاول ة الي وراهم يالسين فيها سباب وكان من بينهم واحد إسمه حمدان تينن يوم شاف مهرة معنها متغشية..
خلصوا مهرة ومايد من الأكل وراحوا محلات الملابس الرجالية والنسائية عقب راحوا صوب العطورات ولما بغوا يروحون لاحظ مايد إن شخص يلاحقهم فلف وراه وقال حق مهرة تروح السيارة .. لقى حمدان كان يلاحقهم فسلم مايد على حمدان لأن يعرف وهم ربع الروح بالروح.. شافت مهرة حمدان وانعجبت فيه وفي مريلته. وكان نفس الشعور الي حس فيه حمدان..

مايد: وين يا حمدان ما يندرابك..
حمدان: موجود..
مايد: والله إنك ما تنشاف .. يالله عيل ماطول عليك شي بخاطرك..
حمدان: تسلم..
مايد: حياك..

راح مايد صوب السيارة وقال حق مهرة إن هذا ربيعه حمدان الروح بالروح..


والتكملة يايه <img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

[البنت الدلوعه]

<font color='#000000'>مشكور أخوي قوس قزح وإن شاء الله أنزلكم الجزء الثاني..

بعد ما اشترى مايد ومهره أغراضهم ردوا البيت وخلوا الماما اتشوف شو شارين من السوق.
مهرة: أمي شو رايج بريحة هالعطر شميه...
أم مايد: حلو .. حق منو.
مهرة: حق أحلى وأروع أم بهالدنيا..

ويدخل عليهم أبو مايد.
أبو مايد: السلام عليكم..
مهرة + مايد + أم مايد: وعليكم السلام..
أبو مايد: هااااااه شو سويتوا بالسوق.
مهرة: زين.. وشرينالك عطر بعد..
أبو مايد: زين عيل أن ساير الغرفة شوي اريح

وراح بومايد حجرته.. وسارت أم مايد تسوي عشا ولحقتها مهرة.. وراحح مايد ييلس على الكمبيوتر..
مايد: أفف ملل خلني أدخل المسنجر وأشوف منو أون لاين.. فتح مايد اللمسنجر وحصل ربيعه حمدان أون لاين..
مايد: alsalam 3alikom..
حمدان: وعليك السلام.. شو هالتطور قمنا نكتب بالإنجليزي..
مايد: oentah shlek..
حمدان: خلاص خلاص سكتنا.. الا اقول منو كان وياك اليوم في السوق..
مايد بعصبية: وانته شو يخصك..
حمدان: لا تفهمني غلط .. هذا بس فضول..
مايد هدى شوي: هذي إختي..
حمدان: أهاااااااا.
مايد: أقول حمدان منو كان معاك من الربع اليوم..
حمدان: منصور وسعيد وعبدالله..
مايد: انزين سلم عليهم كلهم لأني بسافر يوم اليمعة فليل..
حمدان: يوصل.. بس شو رايك اتسير انته بنفسك تسلم عليهم..
مايد لا ما يوايحيني باجر من الصبح بنسير دبي لين موعد السفر..
حمدان: إن شاء الله وتروحون وترجعون بالسلامة..
مايد: أوكي عيل أنا بروح أتعشى شي فخاطرك..
حمدان: سلامتك.
مايد: فمان الله..
حمدان: فمان الكريم..

وبند مايد الكمبيوتر ونزل تحت.. حصل العشا زاهب .. وقعدوا كلهم في غرفة الطعام..
مايد: عيل وين أبوي..
أم مايد: ما يريد عشا راح ينام..
مهرة تكلم مايد: مايد عندك شنط حق السفر.
مايد: لا والله.. باجر يوم بنسير دبي ذكريني نشتري..
مهرة: أوكي..
قاموا كلهم من العشا وساروا ينامون علشان يقومون الصبح .. في اليوم الثاني قاموا الصبح كلهم وساروا صوب دبي مروا على البستان عسب يحجزولهم هناك ثلاثة أيام قبل السفر عقب ما خلصوا الحجز ساروا صوب السناتر وخطفوا على كم من واحد.. يوم الجمعة وبالتحديد الساعة 5 العصر ساروا مطار دبي الدولي وتريوا موعد السفر وبعد ساعة يعني الساعة 6..
مهرة: اف الساعة كم ألحين..
مايد: الساعة 6.
مهرة: افف متى بتي الساعة 11.
مايد: مهرووه بسج هذربة يوزي..
أم مايد: مهرة ومايد بسكم نجرة وجدام الناس بعد.

تمووا ساكتين لين موعد الطيارة.. يت الساعة 11 وصار وقت الطيران.. ركبت مهرة أول وحدة الطيارة ولحقوها أهلها وباجي المسافرين.. كانوا في درجة BUISNESS ... وبالصدفة حصلت ربيعتها الروح بالروح زينب اللي كانت مسافرة ويا أهلها جنيف..

مهرة: هلا والله.. هذي أحلى صدفة فحياتي..
زينب: هلا فيج شو هالصدفة الحلوة.
وقعدت مهرة ويا زينب يسولفون طول الرحلة.. وصلت الطيارة جنيف..

والبقية تأتي..</font>

[قيصر]

<font color='#000000'>يالله نبغي البقيه ..................هههههههههه لو سمحتي<img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>