المساعد الشخصي الرقمي

مشاهدة النسخة كاملة : اااااااااه ياحب



البنت الدلوعه
14-06-03 ||, 12:40 AM
<font color='#000000'>السلام عليكم .....

فواقي: بنت حلوة وطيبة واايد بس اذا حرجت ههه لا يحوشك تدرس في جامعة زايد وعمرها 19 سنة
ريم: بنت حلوة بس مب أحلى من فواقي طيبة لكن حساسة واييد (اخت فواقي) وعمرها 17 سنة في ثاني ثانوي
شوق: اخت فواقي وريم الصغيرة وعمرها 9 سنين ...
بدر: اخوهم وعمره 22 سنة وهو يعتبر ريال البيت في غياب ابوهم المستمر..(بحكم شغله)
الام: طيبة وحبوبة ومتعلقة في عيالها بشدة .. وهي من الكويت ..
الوالد: سمعته طيبة في البلاد.. اماراتي الاصل بس دومه مسافر بحكم الشغل..

فواقي: ريموو يالله قومي مالنا خلق .. الحين امي تيي وتصارخ ..
ريم: ايه والله بس امي شقالت؟؟
فواقي: قالت بدلوا ملابسكم خلنا نطلع .. بنتغدى في بيت عمي..
ريم: اووهوو ماحب بنات عمي دمهم ثقيل حددده..
فواقي: ايه والله بس شنسوي هذيله اهلنا .. لازم هالمجالات.. ياني افتقدت بنات خالاتي الي بالكويت باقيلنا ثلاث شهور عالسفر..
ريم: اي لا تذكرني .. وورانا امتحانات ولوعة جبد .
وبعد خمس دقايق دشت الاخت شوووق كالعادة من دون لا ادق الباب..
شووق: يالله ريمو يالله فواقي امي معصبة اتقول ان ماطلعتوا ياويلكم ..
ريم وفواقي مع بعض: حبيبتي امي والله دوم على هالحالة ..
واتنش فواقي واتبدل ثيابها بسررعة .. واطالع المنظرة .. وتتغزل بعمرها واتغني " ما كنك الا الليل للعاشقين .. وما كنك الا الوصل ما بين الاغراب .. " ووقفت واتذكرت شي رسم البسمة على شفاتها ...
وتضحك ريموو عليها ..
وعقب ما خلضوا وغيروا ثيابهم .. ظهروا علطول....

في الدرب..

فواقي: ماما يعني لازم انروح بيت عمي؟؟
الام: طبعا .. استحي على ويهج .
ريم: افف خربوا علينا يوم الخميس..
الام: انتوا ليش جذي هذيل اهلكم؟؟
ريم : اهلنا والنعم .. بس بنات عمنا ما نحبهم ..ولا يحبونا ..
الام: ليش؟؟
فواقي: والله مادري بس حتى انا ماحبهم
الام ( تبتسم): ماعليه صبروا عليهم شوي تراهم ما خذوا عليكم عدل من عقب ذيج القطاعة
فواقي ( وهي مب مفتنعة): يمكن ..
وتشغل فواقي عيضة ( يا ناعم الصوت) واتذكرت ربيعتها مريوم وابتسمت بسمة بينت اسنانها الحلوة المصطفة بترتيب..

في بيت العم ...

عليا بنت عمهم الكبيرة عمرها 23 ومب متزوجة ..
فاطمة عمرها 21 وهي بعد مب معرسة ..
وامهم من السعودية لكن ابوهم من الامارات ..
استقبلتهم حرمة عمهم بابتسامة ولا اوسع .. ودخلت فواقي كالعادة لابسة احلى لبس ولفتت نظر الي يالسين في الصالة.. وعقب دشت ريم وهي مبتسمة (الله عالزيف) ووراهم شووق والوالدة ..
حرمة العم: هلا والله وغلا بفواقي هلا بالطش والرش..
فواقي: هلا خالتي شحااالج؟
حرمة العم: بخير حبيبتي وانتي؟؟
فواقي: الحمدلله تمام
وصدت حرمة العم صووب ريم ..
حرمة العم: هلا ريم .. شحالج؟
ريم: بخير..

كلن استغرب من تصرفات مرت العم تجاه فواقي.. كانت اتهلي بها وترحب بها من الخاطر..
ومحد يعرف السبب الا فواقي ..
يلسوا عالغدا كلهم بنات العم وبنات عمتهم .. ضحك وسوالف..
وعقب الغدا.. سارت فواقي الحجرة عند بنات عمها ولحقتها اختها ريم..
فواقي: هلا ببنت العم .. قوليلنا شو اليديد وشو القديم ؟
ردت عليا: ماشي يديد ولا قديم ..
ومن عقبها خيم صمت قصير..
وقطعت هالصمت ريم وقالت: فطووم شو رايج نفتح الكمبيوتر وساعديني ابي اسوي لي توقيع..
فاطمة: جربي افتحيه بس ماظني يشتغل..
ريم اتضايجت من الوضع..وقالت: اوكي عن اذنكم بسير تحت عند امي والحريم..
فطوم وعلياء : اذنج معاج ..
اما فواقي فاكتفت بالصمت .. وكان ودها اتسير مع اختها .. بس قالت في نفسها"انا لازم اغيرهم لازم نستوي ربع"
وماقدرت تكسر الصمت.. وبدت اتغني.. " اضحك معي ياعذب الانفاس وامر على قلبي وتدلل بالحب كون انسان حساس من دون لا تشره وتزعل"
واخيرا قالت فطووم عقب صمت طويل ماعرفت فواقي اتحدد مدته: صووتج حلو ماشاء الله ..
فرحت فواقي وقالت: مشكورة ..
قالت فطووم : ههههه العفو بس لا اتصدقين عمرج ..
فواقي قالت وهي تمزح: وليش انا شو ناقصني؟؟
ماردت عليها فطووم وظل سؤال فواقي معلق... وفواقي ماهتمت ولابغت اتعرف الجواب..

واتمنت فواقي في هاللحظة انها تلحق اختها ريم .. لكن ما نزلت لألف سبب...

********</font>

البنت الدلوعه
14-06-03 ||, 12:40 AM
<font color='#000000'>مشكورين لانكم رديتوا .. اليكم الجزء الثاني..

شخصيات يديدة..
علي عمره 29 ومب معرس
محمد عمره 26 وهو اخو علي ويستوون عيال عم فواقي
بعد فترة صمت .. قالت فواقي: وشحال الدراسة وياج فطووم ؟
فطوم: ماشي الحال
فواقي: وانتي عليا.. شحال الدراسة وياج؟
عليا: تمام..
فواقي: الله يوفقكم ان شاء الله .
حست فواقي ان سوالف الدراسة ما تنفع .. وانها طرحت اسئلة سخيفة ..
قالت عليا: يالله فواقي وفطوم خلنا نزل تحت احسن ..
فطوم: ايه احسن
فواقي (على مضض): اوكي..
ونزلوا تحت عن الاهل..
علي ومحمد وام بدر ( ام فواقي) ومرت العم داقين سوالف..
واول ما نزلت فواقي.. حست ان الانظار توجهت لها وابتسمت حق عمها..
حست فواقي بتوتر فظيع لان في حد يطالعها بنظرات حادة ومايرفع عينه عنها..
وسمعت امها اتفول حق علي: ولدي بدر ما ياكم اليوم؟؟
علي: هيه يانا واتغدينا وسولفنا وياه وعقب ظهر قال انه مضظر يروح لان يبي يودي سيارته الوكالة ..
ام بدر: صح جني سمعته يقول شي جذي حق فواقي امس.. صح يما فواقي؟
فواقي: اي والله ماما قالي انه بيودي سيارته الوكالة ..
ريم كانت تقرا مجلة وحاسة بالضيج... اما فواقي سارت المطبخ اونها تبا تشرب ماي.. بس هي كانت تبا تشرد من النظرات ..
ويوم ردت الصالة دق تلفون ريم
ريم: الووو
ربيعتها سارة عالخط: هلا وغلا
ريم: هلا فيج .. ها شعندج؟؟
سارة: اباج اتيينا اليوم عنا امتحان فيزياء يوم السبت
ريم بصوت واطي: ماريد .. الصراحة انا ودي بس ماروم
سارة: ليش؟&#33;
ريم: انا فبيت عمي.. ماروم اوردهم واييج
سارة: عطيني امج برمسها
ريم حق امها: ماما يودي التلفون سارة ربيعتي بتحاجيج ..
الام: اوكي هاتيه
سارة: الو خالوا شحالج؟
الام: الحمدلله وانتي؟
سارة:يسرج الحال.. خالوا ممكن اتخلين ريموا اتيي ويانا .. الله يخليج والله بنذاكر حق امتحان الفيزياء والله ..
الام: ومتى تبينها تي؟
سارة : الحين عقب صلاة المغرب
الام: يعني عقب عشر دقايق.
سارة هيه تقريبا
الام: اووكي.. مع السلامة حبيبتي
سارة:بحفظ الرحمن
ريم استانست.. اما فواقي طاارت من الفرحة .. وقالت بنفسها " الفرج.. الفرج"
الام اتعذرت من مرت العم ..
وقالت: باخذ فواقي وياي لان مابي ارد بعدين بروحي..
مرت العم: اوكي..
الام: بس بخلي بنتي شواقة هني.. وباخذها عقب
مرت العم: عادي حياها الله ..
الام مشكورين وما تقصرون.. مع السلامة
ريم & فواقي: يالله خالتي مع السلامة
مرت العم: مع السلامة

في السيارة..

فواقي: الحمدلله مر اليوم على خيير
ريم: البركة في ربيعتي يوم انها اتصلت
الام: عيب عليكم .. عيال عمكم هذيله
ريم: اي صح مبين
الام (شبه محرجة): ها ريم قالولي عندج امتحان فيزياء؟
ريم وهي مفتشلة من امها: اي صح
الام: وليش حضرتج ما قلتيلي
ريم: سوري نسيت
فواقي تبي اتهدي الموقف: ايه صح هي قالتلي (طبعا جذب)
ريم: شفتي ماما فواقي تدري انا ما كنت ابي اخش عنكم
الام: انزين بس يالله بوديج عند سارة
فواقي شغلت اغنية عبد المجيد يا منى القلب ورفيقه وبدت اتغني وياه ..
وعقب ثلث ساعة وصلوا..
وقالت الام: يالله روحي بس ترا بيي باخذج عقب سااعة
ريم: لا شنو ساعة ؟ انتي اتصلي عقب ساعة وانا بقولج اذا خلصنا دراسة ولا لا ..
الام: اوكي بس لا تفرحين وايد .. لان وراي مليوون شغله
وسارت ريم..
وهم رادين في السيارة ..( فواقي والام) فواقي كانت مشغلة الاف ام .. وكانوا حاطين اغنية فواقي مادانيها فقصرت عالصوت ..
فواقي: ماما لاحظت شي ماعجبني
الام: شنو هالشي
فواقي: نظرات محمد
الام (مستغربة): شلون يعني؟
فواقي: كان وايد يطالعني وحسيت اني متوترة
الام: يا بعد عمري يا فواقي.. والله وكبرتي.. انتي لاحظتي بعد؟؟
فواقي:.......
الام: من متى؟
فواقي(مترددة): من سنة تقريبا
الام: اها يعني توج؟
فواقي: ليش يعني؟
الام: لانه معجب فيج ..ويحبج وصارله ثلاث سنوات .. واكثر يمكن ..وخالاتج الي في الكويت يدرون.. وحتى مرت عمج
فواقي: حسيت ان مرت عمي تدري من ترحابها .. لكن خالاتي عرفوا بعد؟&#33;
الام:ههههههه ايه
فواقي: عيل انا ببتعد.. وبقلل زياراتي لهم .. لان ولد عمي ما يناسبني..
الام ابتسمت وقالت: ادري انه ما يناسبج .. لكن عمج ما نرده .. ولازم انزروه وانتي وريماني وشواقة بتيوون وياي وحتى بدر الي ما يقر في البيت بيزوره
فواقي (وهي متضايجة): اوكي
كانت فواقي مشغلة الاف ام .. وحطوا اغنية رعبوب.. فواقي طولت عالصوت لا اراديا لان هالاغنية تحمل ذكريات عجيبة .. وهالذكريات نست فواقي الهم الي هي فيه ..
" لي صاحب خذني بزينه عن كل مزيوون ورعبوب.. روحي غدت لامره رهينه والقلب من نظراته يذووب..."</font>

ماوحشتك
14-06-03 ||, 03:26 AM
<font color='#000000'><img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;ياللله الله يخليج بسرعه .. &nbsp;نبي الجزء الي بعده ..</font>

البنت الدلوعه
14-06-03 ||, 05:08 PM
<font color='#000000'>مشكورين عالرد.. اليكم الجزء الثالث


مرن الثلاث الشهور..ريماني يابت معدل يرفع الراس وشواقة ماشاء الله عليها شاطرة ما يحتاي.. اما فواقي فخلصت الامتحانات بس النتايج ما ظهرت... حان وقت السفر..
فواقي: ماصدق بنسافر.. بنشوف حصو والشله كلها
ريم: ههههههه اي والله بس لازم اول ما نوصل انزور بيت يدي و بنزور الاهل.. واحنا ماراح نوصل الكويت الا بالليل يعني يمكن ما نشوف الشلة الا باجر.
فواقي: اي ماعليه ولهت على يدي فديته وايد مريض
ريم: اي الله يطول بعمره ان شاء الله
شووق(دشت متضايقة): امي اتقول بنروح المطار قبل بساعتين .. وااايد
ريم وفواقي: هههههه عادي كل سنة جذي
وكملوا ترتيب الشنط..

في الدرب..
بدر: فواقي ..ريمو ..
فواقي:ها شبغيت؟
بدر: ههههه مالت عليج ردي علي بأدب
بدر ما بيسافر وياهم لان عنده دواام ..
فواقي(بسخرية) : ان شاء الله حبيبي..
ريم:هههه
بدر: ابيكم اتسلمون على خالاتي والله اشتقتلهم
ريم: انت اتصل بروحك وسلم
الام: بسكم عاد.. بدر ماوصيك ..روح بيت عمك لا تظل بالبيت برووحك ..
بدر: ان شاء الله
فواقي: بدر شعجب؟؟ صاير مطيع اليوم؟
بدر: انتي مالج خص
ووصلوا المطار وسلموا على بدر...

في المطار:
ريم: كالعادة بنخيس في المطار
فواقي: ههههه ماعليه بنمر على سوق الحرة بشتري شي حق بنت خالتي
ريم: اي وحدة فيهم؟؟
فواقي: بدور
ريم: اشمعنا؟
فواقي: هذي انا وايد وياها ولازم لما تيي عندنا تييبلنا شي ..
ريم: اووكي
صدت فواقي صوب الام
فواقي: ماما انا وريمو بنروح السوق
الام: اوكي بس لا تتاخرون (كانوا يالسين في صالة الانتظار)
فواقي& وريم: اوووووووكي
اشترت فواقي عطر glow حق بدور وردوا عن الوالدة

وعقب ساعتين .. ركبوا الطيارة
فواقي تمت تسمع اغاني اما ريم رقدت .. الام قضت وقتها بالقراءة و شووق كانت اتشوف فلم

في الكويت
بدور: عمرها 17 سنة يعني قد ريم تستوي بنت خالة ريم وفواقي
حصة عمرها 24 اخر سنة جامعة ( طولت هي بالجامعة لانها حاولت اكثر من مرة) ومب معرسة .. بنت خالة ريم وفواقي.. بس الخالة الثانية
امل: اخت حصة عمرها 23 سنة اخر سنة جامعة ومب معرسة
اسيل: عمرها 22 سنة وهي بالجامعة تستوي بنت خال ريم وفواقي .. هي مب دوم وياهم يعني بين فترة وفترة تيي عندهم

يووم الخميس.. في بيت يدهم..
فواقي: ها حصوا شو رايج بالي قلناه امس
ريم: اي والله .. يالله نبي نطلع
اسيل: هبلان والله .. لا ادخلوني في السالفة
ريم: اصلا ما نبيج ..مانقدر نقنع ابووج
اسيل: هههه
فواقي:بدور وصمخ انتي شراايج ..
بدور: انا اكيد متحمسة..يعني مو لازم تسألوني
امل: يالله عيل
فواقي: خلاص عيل بنخلي امل هي الي تكلمهم لان دومها ساكتة يعني يمكن يرضون
حصة:اي والله بس انا وفواقي ما بنتكلم .. احنا دوم بويه المشكلة
فواقي وريم:هههههه
امل: اخاف اكلمهم
حصة: وليش ان شاء الله؟
امل: اخاف من بو اسيل هو تحت .. يعني علطول بيقول لا
اسيل: انا مابروح
امل: ادري بس بعد ما بخلينا احنا نطلع
حصة: خلاص عيل لما انروح بيت خالتي (ام بدور)
فواقي وريم وامل وبدور: اوووووووووووكي

في بيت الخالة(ام بدور)
امل: ها خالتي حبيبتي شقلتي؟؟
الخالة: طبعا لا
امل: يالله عاد عشان خاطري .. وعشان فواقي وريم توهم رادين من السفر
الخالة(مترددة): اوكي.. بس اسالوا ريلي
امل:اوكي
اتصلت بدرو في ابوها ورضى ..
ومرت الايام وهم كليوم يظهرون .. يسيرون السينما (افلام هندية طبعا) وستاربكس ..
وطافن الثلاث شهور..

يوم العودة..
اسيل: بصيح والله
امل (والعبرة خانقتها): بييونا هذي مو اخر مرة
حصة: هالصيف.. صيف 2002 ما بنساه طوول عمري
وتموا يتذكرون ..
فواقي: اتحيدون... يوم شركونا في دورة السباحة.. وكان الماي وصخ .. بس ماقدرنا نقول حق اهلنا
ريم : كنا نطلع من المسبح ونسير الحديقة
بدور: ايام حلوة والله
حصة:ههههههههههههههههههههه تذكرون لما قلنالهم بنسير الحديقة وعقب سرنا السينما ... ووصلني 44 مس كول من امهاتنا
امل: ويييه مادري شلون تجرأنا
حصة: اي والله .. بس عندي احساس ان مثل هالصيف مافي
فواقي: ان شاء الله في عطلة الربيع نستانس بعد
امل سارت صوب الشنطة وظهرت البوم صور مكتوب عليه " صيف2002" .. الصور كانت حلووة وكلها عن طلعاتهم ..
امل: والله ايام ما بتنعاد
اسيل: ياريتني كنت وياكم
فواقي: انتي طلعتي ويانا كم مرة
اسيل: بس بعد.. في اشياء طافتني
ريم: ماعليه المرة الياية
بدور: يالله ريم وفواقي لا اطولون علينا والله بنفتقدكم
فواقي والدمعة بعيوونها: ان شاء الله
ريم ما رامت تتحمل سارت الحمام وتمت اتصييح
فواقي: بس والله اشتقت لبلادي..
بدور: اي والله حتى انا والله ولهت على دبي مارحت لها هالمرة ..
فواقي: ماعليه في الربيع انتوا تعالوا
امل وحصة وبدور: ان شاء الله
اما اسيل فقالت: طبعا انا ماقدر ايي
فواقي: ان شاء الله اتيين ...
ولوت على اسيل
ودعوا بعض.. وفواقي وريم ردوا البلاد

في مطار دبي
بدر: حيا الله من يانا
فواقي: بس مو فاضينلك
بدر: ما كنت اكلمج .. كنت اكلم امي حياتي
ريم: بسكم كلكم
الام: ها؟ سويت الي وصيتك عليه؟
بدر: اي اكيد ركبت المخفي في سيارتج .. وغسلتها بعد
فواقي: اي زين سويت
بدر: اصلا من غيري شلون بتعيشون انتوا اصلا؟؟
فواقي: لا تصدق روحك
ويرن موبايل بدر..
بدر: هلا والله ومليون مرحبا ولا يسدن
خالد: ها بدوور وينك؟
بدر: ويا الاهل ليش؟
خالد: منو بالضبط؟
بدر: استح على ويهك .. فمان الله
وسكر الخط ..

في الجامعة ..
فواقي: ها مريوم قلتيلي في شي مهم تبين اتقولينه
مريوم: هيييه .. عن عبدالله
فواقي: منوعبدالله .. سوري نسيت
مريوم: ها الي يحبني.. ويباني
فواقي: هيه شبلاه؟
مريوم: بيي يخطبني عقب شهر
فواقي: الله يهنيكم ..

فواقي تمت اتفكر..
عبدالله يحب مريم ويموت فيها .. ويسوي اي شي عشان يرضيها .. هو شافها في مكان وعيبته وسال عنها واتصل بها وقال انه يبيها وبيخطبها بس مريووم كانت طول الوقت رافضة والحين شكلها حبته ..
فواقي اتغار من ربيعتها لانها حبت وانحبت..هي ادور على حب مثل هذا .. وقالت في نفسها " اااااااااه يا عذاب المدور"</font>

البنت الدلوعه
14-06-03 ||, 05:09 PM
<font color='#000000'>ااااااااااه يا حب الجزء الرابع .. يتبع
عفوا اخواتي وخواتي.. حصل خطا..
انا الي كتبت اااه ياحب الجزء الرابع ..مب بوشيخة.. الظاهر حد استخدم الكمبيوتر.. وما سجل الخروج من هالمنتدى فاتسجل الموضوع بهالاسم ..
واعذرني بو شيخة .. اسمحلي.. والله ماكنت اقصد اسجل هالموضوع باسمك ..
اختكم.. ومــــــــــــيض الشوق..

اسفة مليوون مررررة

ردت فواقي البيت تعبانة وهلكانه ... اتسبحت ورقدت ..
ونشت الساعة سبع المغرب متضايجة لان محد وعاها .. نزلت تحت بس ما حصلت حد غير بدر..
فواقي: هلا بدر.. شمسوي.. وينك ما تنشاف؟؟
بدر: هههههه شغل شنسوي..
فواقي: انزين وين امي وريم؟
بدر: طلعوا راحوا المستشفى..
فواقي: بالمستشفى؟؟.. ليش شصاااااااااار؟؟&#33;
بدر: ههههه يا هبلة .. يعني لو صاير شي؟؟ بتشوفيني قاعد هني؟
فواقي: اشوا الحمدلله .. بس ليش راحوا؟
بدر: عشان يزورون حرمة هناك ..
فواقي: انزين اوكي.. يمكن عشان جذي ما قعدوني من النوم
بدر: اصلا هم ما يبونج اتروحين وياهم
فواقي: لا والله ؟
بدر: ههههه
وتمت فواقي تطالع مسلسل .. وبدر يالس عدالها .. كل شوي يصد صوبها ..
فواقي: بس بدر.. شتبي؟؟ ادري اني محلوة
بدر: انتي قمر ماشاء الله عليج
فواقي (مستغربة) : شفيك؟
بدر: بغيتج بسالفة
فواقي(وهي تضحك): ادري انا قلت هالغزل.. وراه شي..
بدر: بتسمعيني ولا لا ؟؟
فواقي: يالله قوول.. اسمعك انا
بدر: في بنت اصغر مني بكمن شهر .. اقتحمت حياتي..
فواقي (تضحك على اسلوبه): انزين منو هذي؟؟
بدر: احبها واموت عليها
فواقي: ووين اتعرفت عليها
بدر: انا اكلمها في التلفون ..
فواقي:.وشنو اخرة هالتلفون؟؟
بدر: والله احبها وابي اخطبها
فواقي: يمكن هي مثل ما كلمتك اتكلم غيرك
بدر: لا انا واثق منها
فواقي: اها .. وتبيني اكلم امي؟؟
بدر: لا انا بكلمها .. بس ابيج توقفين وياي وتأيديني بكل كلمة .. فواقي والي يعافيج .. انا اخوج الوحيد..
فواقي: اوكي ولا يهمك .. بس ابي اكلمها اول
بدر: يودي التلفون
دق بدر على البنت ..
بدر: هلا عبير شخبارج؟؟
عبير (بلهجتها السعودية) هلا فيك الحمدلله بخير وانت ؟
بدر: انا بخير.. اختي بغت اتكلمج
عبير: الحين؟
بدر: ايوة الحين ..
وخذت فواقي التلفون منه
فواقي: هلا والله فيج يا خلا
عبير(وهي مستحيه): اهلين يا هلا والله
فواقي: شحالج؟
عبير بخير
فواقي: ان شاء الله دوم
وتمت فواقي اتسولف ويا عبير والظاهر انها استانست معاها.. وخذتهم السوالف.. وما بندت فواقي عنها الي عقب ساعة الا ربع
بدر: جنج مصختيها
فوافي: هههه والله دمها خفيف
بدر: ها الحين كيف؟
فواقي: خلاص انا بوقف وياك ..
بدر : مشكورة والله .. انا من لي غيرج..
فواقي: الحين ها؟
بدر: ههههه
وقطع حديثهم دخول ريم المزعج ..
ريم: انا رديت البيت
فواقي وبدر: وعليج السلام
ريم (وهي مفتشلة ) السلام عليكم
وتموا يسلفون ..
عقب ساعة سارت فواقي حجرتها... ورقدت ..

يوم الخميس:
نشت فواقي على صوت اخوها بدر ...
بدر ( من ورا الباب): فواقي ابي اكلمج
فواقي فتحت الباب..
فواقي: صباح الخير .. ها شعندك؟
بدر: ابي اكلم امي بالموضوع
فواقي: انزين روح كلمها
بدر: ابيج معاي
فواقي: خمس دقايق وبلحقك .. بس انت حاول تفتح الموضوع بهدوء ولا تستفزها باسلوبك الخايس..
بدر: انزين بسررعة
فواقي: اوكي...

وعقب خمس دقايق.. نزلت فوافي عند امها وبدر.. ونقعت من الضحك على شكل بدر .. كان متوتر وخايف من ردة فعل امه يوم تدري
فواقي: هلا بالطش والرش كله
الام: يا هلا والله
فواقي(تستهبل): شو يسوي هذا عندج؟
ويخزها بدر..
الام: مادري عنه
فواقي: (وهي تضحك): يالله قم..
بدر بينه وبين نفسه ان ما راويتج ماكون انا بدر.
فواقي(وهي خايفة): افا عليك.. حياك الله
بدر التفت صوب الام ..
بدر: ماما حبي انتي.. بغيتج بسالفة
الام: يالله قول..
بدر: اول شي انتي راضية عني.. ؟
الام: طبعا ولدي الوحيد والغالي.. يالله قول شعندك..
بدر: تبيني اعرس الحين ؟؟
الام: لا طبعا .. توك صغير .. تزوج يوم يكون عمرك 25 سنة
بدر (وهو منصدم): ههههه انزين بس انا ابي اعرس..
وتدخلت فواقي: اي والله يما في بنت فبالي اتيننن وتصلحله..
الام: من هي؟
فواقي: عبير بنت فلان الفلاني..
الام: ماعرفها .. هي مواطنة.. ولا كويتية ؟
بدر: لا كويتية ولا اماراتية .. هي سعودية ..
الام: وشعرفك فيها ؟؟
فواقي: هي تستوي ربيعتي
الام: بس ماعمرج قلتيلي عنها
فواقي(وهي مرتبكة): اصلا هي ربيعة ربيعتي.. الظاهر بدر شافها يوم خذاني من الجامعة يوم السبت ... في هذاك اليوم عبير كانت زايرتنا..
الام: انا ماودي اتعرس الحين
بدر تم يحن ويترجا وبغى يصيح .. وشوي تنزل الدمعة من عينه
الام: خلاص انا بحاول.. ولو اني مو مقتنعة وايد بس بسأل عنها
بدر: سألي عنها .. وان شاء الله تعجبج
فواقي: هههههه انا متأكدة انها بتعجبها
بدر: قولي ان شاء الله
فواقي: ان شاء الله</font>

البنت الدلوعه
14-06-03 ||, 05:09 PM
<font color='#000000'>افا عليج مهاوي.. مايصير خاطرج الا طيب..

اااااااه يا حب الجزء الخامس..

سألت الوالدة عن عبير.. والكثير مدحوا البنت .. بس في ناس قالوا كلام مب شي عنها..
وفي يوم دشت الام على بدر..
الام: بدر.. بـــــــــــــــــدر ..بدر... وينك؟؟
بدر(وهو طالع من الحمام): هلا ... امري..
الام:انا سألت عن عبير.. ومدحلولي اياها .. بس..
بدر: بس.. شنو يما؟
الام: في ناس مادري ليش قالوا كلام مو شي عنها.. وقالولي كلام يخوف..
بدر: شقالوا؟
الام: مابقولك .. الستر زين.. بس هالناس ما بصدقهم ..
بدر: ..
الام: خلاص بنكلم اهلها .. ومن كلام امها بنعرف اذا هم زينين ولا لا ..
بدر: خلاص عيل.. توكلنا على الله .. بس متى بتكلمونهم؟؟
الام: بنروح انا وفواقي وريماني..وخل شواقة عندك ... مانبي صيحتها .. انا بروح اكلم الام .. وبخلي ابوكم يكلم ابو عبير
بدر: خلاص اوكي
وطلعت الام من الحجرة وهي تفكر.. "والله وكبروا عيالي.. الولد يفكر بالزواج .. وبنتي حبوها.. " وابتسمت..

اليوم الموعود:

فواقي: يالله ريمووووووو قومي..
ريم: الساعة كم؟
فواقي: الساعة 12 الظهر..
ريم: في احد يقوم من صباح الله خير؟
فواقي: اي صباح .. الدنيا ظهر الحين ..
ريم: انزين جب يالله بقوم الحين
فواقي: جب يجبج .. انا اكبر منج احترميني شوي..
ريم: هههه
وطلعت فواقي من الحجرة .. وسارت عند اخوها .. دقت باب الحجرة ودشت ..
فواقي:ههههههههههههههههههه هههههههههههههههههههههههه
هههههههههههههههههاي شفيها عيونك؟
بدر: شفيها؟؟
فواقي: حمرة ومنتفخة ..
بدر(مرتبك): ماقدرت انام امس..
فواقي: وليش ان شاء الله ؟
بدر: افكر بالي يصير اليوم ؟؟ فواقي.. اتهقين يوافقون ؟؟
فواقي: انا لو بمكان عبير ما بوافق..
بدر: حرام .. والله والله احبها ..
فواقي: يضرب الحب شو بيذل..
بدر: جب..
فواقي: شفيكم اليوم .. جب وجب.. بس والله لانك الكبير.. ولان اليوم عيدك مابرد عليك ولا انكد عليك ..
وظهرت فواقي من الحجرة.. فيها دودة مب قادرة تيلس في مكان واحد ..
اتصلت بربيعتها..
مريوم (صوتها متغير): هلا والله ..
فواقي:...
مريوم : فواقي وصمخ وينج؟؟
فواقي: صوتج مصخرة مستوي.. شبلاه متغيبر؟؟
مريوم: ويا راسج .. حد يتصل بهالوقت .... هههه توني ناشة من الرقاد
فواقي: اها اوكي... اسفين عالازعاج..
مريوم: لاعادي ..
فواقي: اوكي بس حبيت اطمن يالله بخليج الحين ..
مريوم: خلاص برمس عبادي..
فواقي(بضيج): رمسيه .. حليله بيموت من دونج ..
مريوم: هيه والله فديته
فواقي: احم احم .. مب جدامي ..
مريوم : ههههه يالله باي..
فواقي بايات ..
ماخبرت فواقي مريوم عن اخوها لان السالفة مب اكيدة ... يعني يمكن يرفضون اخوها او شي..
سارت فواقي عند امها في الميلس.. الام كانت مشغولة .. تقرا مجلة ..
الام: هلا يما ..
فواقي: اهلين يا هلا..
الام ردت عليها بابتسامة
فواقي: ماما .. انا عمري 19 سنة الحين
الام: اي ماشاء الله
فواقي: يعني انا عااااااانس..
الام: ههههههههه بسم الله .. يا بعد عمري توج 19..
فواقي: بس ماما مريوم .. بتعرس قريب.. وحمدو .. وخولو .. وتمت اتعدد اسامي رباعتها
الام: ...
فواقي: متى بعرس؟
الام: كل شي قسمة ونصيب..
فواقي: ههههههههه ماما كنت اتغشمر وياج .. انا مافكر بالزواج بس بغيت اشوف ردة فعلج ..
الام ابتسمت بارتياح ..
وظهرت فواقي من الحجرة .. ولامت نفسها على تهورها.. كان المفروض ماتبيح واتقول الي في تفكيرها حق حد .. حتى لو امها.. لان امها بتحاتي...</font>

بن دبي
15-06-03 ||, 03:41 AM
<font color='#000000'>كملي فديتج ترا القصه وايد حلوه</font>

بن دبي
15-06-03 ||, 03:41 PM
<font color='#000000'>مشكوره حبيبتي<img src="http://oasis.bindubai.com/emoticons/wink.gif" border="0" valign="absmiddle" alt=':;):'></font>

البنت الدلوعه
15-06-03 ||, 05:05 PM
<font color='#000000'>العفو &nbsp; &nbsp;الصغيرونة بس اليوم او بكره بكمله اوكي
مشكوره اختي توته على ردج
ومايصير خاطركم &nbsp;بس يمكن اليوم او بكره اوكي
وسموحه<img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

البنت الدلوعه
17-06-03 ||, 02:51 AM
<font color='#000000'>بكمله الكم الحين اوكي<img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

البنت الدلوعه
17-06-03 ||, 02:53 AM
<font color='#000000'>دخلت فواقي حجرتها .. وتمت تسمع اغنية خسرتيني للفنان عبدالله رويشد..
وعقب فترة دشت ريم .. وهي فرحانة ..
ريم: والله ماصدق .. بدر اخوي بيخطب اليوم ..
فوافي: ههههه ليش؟
ريم: مادري كل شي صار فجأة
فواقي: اي والله .. ان شاءالله اتصير عبير من نصيبه ..بدر مينون فيها
ريم: اصلا هم ما بيحصلون احسن عن بدر..
فواقي: ..
ريم: ولا انتي شرايج؟
فواقي: هههه والله مادري.. بس تدرين؟
ريم: شنو؟
فواقي: احس ان اخوي مو كفو يخطب الحين
ريم: ليييييييييييش؟
فواقي: يعني .. انتي ماتشوفينه طايش.. ؟
ريم: عادي البنت يمكن تضبطه
فواقي: جايز ..
وسكتت ..
وحان وقت الروحه ..
الام: يالله يالله فواقي وريم ..
فواقي وريم: ان شاء الله .
وسارت فواقي بيت البنت .. ويا امها وريم .. واهل عبير شكلهم كانوا موافقين مبدئيا .. بس بغوا يسالون عن بدر..
سارت فواقي الحجرة عند اختها .. وعقب دقيقتين دخل بدر.
بدر: هااااااااا بشروووا .. شصار؟
فواقي: اسال امي..
بدر: ما شفت امي.. يمكن دشت غرفتها
فواقي: اناما بقولك
بدر: ليش ؟
فواقي (افتعلت الضيج): بس
بدر( وعيونه متروسة دمووع): ماوافقوا؟؟&#33;
ريم: لا .. بدر لا تخاف .. دورلك على بنت غيرها .. البلاد متروسة
بدر: مابي غيرها .. حراام .. ليش يردوني؟&#33;
فواقي (وهي ناقعةمن الضحك): بدر .. ماقالوا انهم رافضينك .. بس يبون يسالون عنك..
بدر: يعني قصيتي علي
ريم: طبعا
بدر: انتوا ماعندكم احساس.. احر ماعندي ابرد ماعندكم ..</font>

البنت الدلوعه
17-06-03 ||, 02:54 AM
<font color='#000000'>وظهر من الحجرة
مرت الايام ..
وبعد مرور اسبوع من موافقة اهل عبير على بدر.. اتصلت عبير ابدر..
عبير(والعبرة خانقتها): اهلي غيروا رايهم..
بدر: هههه عن الاستهبال..
عبير: والله والله مامزح معك..
بدر: بس ليش غيروا رايهم؟؟؟&#33;&#33;
عبير: سمعوا كلام ماهوب زين عنك
بدر: شووووووووووو؟&#33; كلام مو شي عني انا؟؟
عبير: ايووة
بدر: مايصير مستحيييييل..
عبير:..
بدر: واهلج صدقوا؟
عبير: طبعا..
بدر: لازم يتأكدون اول من هالشي... مايصير..
وسكر بدر عن عبير وهو معصب...
ونزل تحت عند امه .. وخبرها السالفة ...
الام: خلاص بدر.. هالناس مو شي..
بدر:...
الام: انا قالولي بعض الناس... كلام مو شي عنهم .. وماصدقت ..
بدر حس بضيج .. وظهر من البيت .. ومحد يعرف وين سار...
الام يلست اتحاتي هي وفواقي وريم
في حوالي الساعة ثنتين ونص في الليل.. دخل بدر..
الام تشهق بصوت عالي: بــــــــــــــــــــــــ ـــــــــدر؟&#33; شصاير؟
التفتت فواقي والتفتت ريم بعد ..
ماصدقوا الي شافوه كانت حالة بدر فظيعة شكله كان متضارب ويا حد .. وبايدة بقايا موبايله المتكسر..
الام(والدمعة فعيونها): شفيك؟
بدر(وهو يصيح): عبير.. قالتلي من الي طلع علي الكلام الخايس..
الام: منو؟
بدر: ابوي الروحي.. او الي كنت اسميه ابوي الروحي..
هذا استاذ بدر.. في ايام المدرسة .. كان يعزه وايد .. وكان دومه يمدح بدر.. ويوم فكر بدر بالزواج سال استاذه .. الريال المحترم .. الي له خبره بالحياة .. ونصح بدر بالزواج ..
ويوم سألوه الناس عن بدر.. قال كلام ماينقال عن اي انسان .. كلام مايقوله ريال محترم ..
الام (منصدمة): لييييييييش؟&#33;
بدر:....
فواقي: خلاص بدر انسى الي صار.. كلام ناس مو مهم
ريم: كلام الناس مايقدم ولا يأخر
بدر: وغلاتج يا يما .. والله والله ثم والله .. مابي قرب هالناس.. الي صدقوا هالكلام .. يا يما هم طلعوا كلام علي وعليج .. واهل عبير صدقووه.. بس اهم ماعلي عزة نفسج وكرامتج .. وخلاص يا يما ما بطلب منج تعتذرين .. او تروحين لهم .. خلاص عفت عبير عفتها.. مابيها ..
وسار بدر حجرته ..

مرت اشهر وام عبير ما تتصل ولا حتى عبير تتصل في بدر..
وفي يوم من الايام دش بدر حجرة فواقي لانه يبغى يرمسها ..
فواقي: هلا بدر..
بدر: قولي امنو شفت اليوم في السيتي؟
فواقي: امنو؟
بدر: عبير..
فواقي: ها؟&#33;
بدر: شفتها ويوم شافتني اتسمرت في مكانها ..
فواقي سكتت مارامت اتقول شي..
بدر لاحظ سكوت فواقي.. فحاول يكون مرح عشان ماتحس بالي فيه: خلاص مابي هالناس والله
فواقي: احسن .. صدقني احسن ..
بدر: اي والله .. بس انتي قوليلي شخبارج؟
فواقي: الحمدلله بخير..
وتم بدر يسولف ويا فواقي.. استغربت فواقي من تصرفات بدر.. الظاهر كان يبغي ينسى عبير للأبد.. بس مب قادر..</font>

بن دبي
17-06-03 ||, 02:57 AM
<font color='#728FCE'>حلوه حلوه ... كمليها كمليها ... بسرعه بسرعه ... ماشي وقت ماشي وقت ...:D</font>

البنت الدلوعه
18-06-03 ||, 12:02 AM
<font color='#000000'>ومرت الشهور..
وتصرفات ريم بدت تتغير على اخر السنة .. دومها سرحانة .. واتفكر..
فواقي: ريم شفيج ..؟ تغيرتي وايد
ريم:ها.. انا تغيرت؟
فواقي: اي.. دومج سرحانة .. وماتقعدين ويانا كله بروحج ..
ريم: شنسوي ظروف الدراسة .. الحين انا في اخر سنة ثانوي .. ونظامنا بريطاني واايد صعب..
فواقي (بسخرية): اي مبين اشوفج مقطعة الكتب تدرسين .. انا الصراحة ماشوفج تدرسين الا حق الكيمياء.. ودي اعرف ليش
ريم (بنبرة حزينة): ماقدر اخش اكثر من جذي الصراحة..
فواقي:....
ريم: انا حبيت استاذي الكيمياء..
فواقي: الاستاذ يوسف؟؟
ريم: ايي.. واشد حيلي عشان ارضيه ...مستواي مو عاجبه..
فواقي: هههههههه بس الريال متزوج وعنده عيال.. وهو اصلا قد ابوج ..
ريم: ادري.. ويحب حرمته . ومالي الا اييب علامة اوكي.. عشان ارضيه
وفكرت فواقي... قالت في نفسها اختي ريم بسن المراهقة..وبتنسى هالحب السخيييف التافه الي مايجدم ولا يأخر.."يمكن هي فاقدة ابوها.. عسب جيه حبت واحد بعمر ابوها "

اما بدر... فتغير حاله نسى البنت الي اسمها عبير.. ومايفكر بالزواج حاليا .. الا لما يكمل 25 سنة ..يعني مثل ما بغت امه .. ومابياخذ الا البنت الي تباها امه .. اكتشف ان الحب عبر التلفون فاشل ونادر ما ينتهي بالزواج ..

ومرت عدة ايام ..

في الميلس.. ريم وفواقي وبدر والام ..يناقشون عدة مواضيع ..
الام: لا ما يصير انروح الكويت .. هالصيف.. لان ابوكم عنده مؤتمرهني فبيتم شهر..
بدر: خلاص عيل انا بقعد اسبوعين لما ايي الوالد وبعدين بروح سويسرا ويا الربع
فواقي: الله خذني وياك..
بدر: جب.. بروح ويا الربع.. المرة الياية
ريم: بعد فيها مرة ياية؟
بدر: طبعا بس المرة الياية انا وفواقي بنروح بس..
فواقي:فديتك والله
الام: هههههه اصلا لو في مرة ياية .. كلنا بنروح
ريم: اي صح .. يما قوليلهم .. بيروحون بروحهم يقولون..
الام: لا مافي روحة .. انا وريم وشواقة بنروح وياكم..
فواقي: لااااا مانبيكم ..
بدر: خلاص يما افا عليج كلنا بنروح ..
ويرن التلفون ..
الام: خله بدر.. انا بشيله اكيد هذا ابوكم ..
بدر: اوكي.
وترفع الام سماعة التلفون ..
الام: السلام عليكم .
مريوم: وعليكم السلام هلا خالو شحالج؟
الام:بخير الحمدلله .. وانتي؟
مريوم: يسرج الحال.. ممكن اكلم فواقي؟
الام: اوكي.. دقيقة بس..
ويت فواقي..
فواقي: الو هلا والله
مريوم: اهلين ..
فواقي: شخبارج؟
مريوم : بخير.. اقووول..
فواقي: قولي.. اسمعج ..
مريوم : ملجتي بعد ثلاث اسابيع .. والعرس في شهر 6..
فواقي: والله؟&#33;
مريوم: والله ..عقبالج عنوني..
فواقي: ان شاء الله.. والله وكبرتي..
مريوم: لا تقولين بتسافرين
فواقي:لا مابسافر
مريوم: خلاص فديتج.. بخليج انا الحين ..
فواقي: اوكي.. بحفظ الرحمن ..
مريوم: فداعت الله
خبرت فواقي امها عن عرس مريوم وعبادي.. وفرحت ام بدر من خاطرها ..

وسارت فواقي حجرتها .. وتمت تفكر.." اااه ماصدق.. صداقتنا دامت 12 سنة ومرينا بمواقف حلووة .. الحين مريومة بتعرس.. ومابتفضالي نفس اول.. اذا الحين هي مب فاضيتلي ... عيل كيف يوم تعرس..عقبال ماعرس انا بعد"
وغطت فواقي في نوم عمييييييق..

والبقيه تاتي :</font>

البنت الدلوعه
18-06-03 ||, 08:02 PM
<font color='#000000'>والحين انا بحط جزء من القصه
واتمنى ان تعجبكم</font>

البنت الدلوعه
18-06-03 ||, 08:03 PM
<font color='#000000'>ومرت الايام وحالة ريم مثل ماهي.. دومها سرحانة وتفكر...
فواقي: ريم بس عاد تراج مصختيها .. والله انبطت جبدي منج
ريم: وانتي شكو؟
فواقي: شلون شكوو.. كله سرحانة حتى امي منزعجة
ريم: شقالت؟
فواقي: اتقول مادري شفيها ريم.. كله سرحانة وتفكر..
ريم: اووكي خلاص.. الحين ممكن اتخليني بروحي.. والله مالي خلق حد ..
فواقي: خليج.. كيفج ..
وظهرت فواقي.. وسارت حجرتها... شغلت المسجل.. وتمت تسمع اغنية .. راشد الفارس..
" ذكرى قديمة " ..
واتذكرت شي.. وعلطول سارت وفتحت الكبت .. وظهرت ورقة جديمة مكتوب عليها رقم تلفون (موبايل)... ورجعت بذاكرتها سنتين ونص ورا .. يعني يوم كان عمرها .. 16 سنة تقريبا ..
" كانت فواقي يالسة على النت .. وفاتحة المسنجر مالها.. وظهر لها مربع ############## قام باضافتك..
فداست فواقي على قبول.. بغت اتعرف منو الي ضافها .. بس خاب ظنها يوم ما حصلت هالشخص اونلاين..
ومرت الايام ونست فواقي السالفة ..
وبعد مرور اسبوع.. دشت فواقي المسنجر مالها وحصلت هالانسان اونلاين.. ودار هالحوار من بينهم :
فواقي: هلا
...: اهلين
فواقي: انت منو؟
...: سالي عن حالي اول..
فواقي: لا تتسخف وقولي انت منو ومن وين يبت ايميلي؟
..: سلمج الله انا اسمي سالم.. ومن العين ..
فواقي: كمل..
سالم: اكمل شو؟
فواقي: قولي من وين يبت ايميلي؟
سالم: تبين الصراحة؟
فواقي: اكييد ..
سالم: ومن دون زعل..
فواقي: ما بزعل..
سالم: نقعته ..
فواقي: كيف؟
سالم: خرفت ايميلج..
فواقي: يعني انا مصخرة.. شو قالولك بنات الناس لعبة بين يديدك؟
سالم: انا اسف..
فواقي ماردت عليه .. وسوتله بلوك .. بس من غير دليت ... يعني اتشوفه اونلاين لكن هو مايشوفها لان عليه الحظر..
وتمت فواقي على هالحالة .. ادش اونلاين .. واحيانا اتشوف هالانسان اونلاين .. لكنها تلبسه وترمس رباعتها ...
وفي يوم من الايام .. دشت اونلاين ..واتضايجت يوم ماحصلت حد من رباعتها اونلاين .. لكن كان سالم اونلاين .. والحظر عليه.. فقررت انها تلغي الحظر.. وترمسه .. عشان اتضيع وقت فقط لا غير.. وعقب اترد تحظره ..
ودار هالحديث من بينهم ..
سالم: هلااااااااااااااااااااااا ااااااااااااااااااااااااا
ااااااااااااااااااااااااا ااااا
فواقي (اونها مب مهتمة): هلا
سالم: وين هالغيبة؟
فواقي(وهي تضحك بداخلها): انشغلت شوي..
سالم: انتي بعدج زعلانة مني؟؟
فواقي(وهي ناسية السالفة): انت شو سويت عشان ازعل؟
سالم: انا قلتلج اني مخرف ايميلج ..وانتي اتضايجتي.. الصراحة من حقج ..اسف مرة ثانية وثالثة ومليووون
فواقي:ههههه خلاص عادي.. اعتذارك مقبول..
وتموا يسولفون واستانست فواقي على سوالف سالم .. فقررت انها ما تحظره
ومرن الشهور وهي اترمسه كل يوم ... عالمسنجر بس..
وفي يوم من الايام ...
فواقي: هلا سالم .. شحالك؟؟
سالم: بخير وانتي شحالج ؟
فواقي: ان شاء الله دوم.. يسرك الحال..
سالم: بطلب منج طلب بس لا تزعلين ..
فواقي: امر..
سالم: يودي رقمي واتصليبي.. #####
فواقي(وهي متضايجة): سوري ما بتصل وانا مارمس شباب عالتلفون .. اسمحلي..
سالم: لانج ماترمسين شباب.. ابا ارمسج
فواقي: اوونه
سالم: والله صدق..
فواقي: بس صوتي خايس.. شرات صوت اليهال..
سالم: ماعليه اباج ولو صوتج مثل صوت العيايز ..
فواقي: اها ...
كتبت فواقي الرقم على ورقة صغيرة ودستها في كبتها .
فواقي: لا سوري مابتصل.. وظهرت من المسنجر..
وتم سالم يحن ويترجا كل يوم ..
لين ما قالتله خلاص بتصلبك الساعة وحدة في يوم 20/12 وهو استانس..
في تاريخ 19/12 ريم وام بدر وشواقة سافروا السعودية .. حق العمرة .. اما فواقي وبدر تموا في البلاد ..
استعدت فواقي حق الرحلة .. وحطت ثيابها في الشنطة واتذكرت الورقة الي عليها الرقم وحطتها في الشنطة بعد.. مع انها ماكانت ناويه تتصل بسالم ..
في يوم 20/12 في باص المدرسة ...
فواقي: ها مريوم مستعدة للرحلة؟؟
مريوم: طبعا مستعدة .. وميتة مووت .. من متى وانا اتريا هاليوم ..
فواقي: هيه والله .. ابله خلود هي الي بتكون مسؤولة عنا في خورفكان ..
مريوم: ادرررري.. كشخة ..
ووصلوا المدرسة .. واتيمعوا هناك..
وعقبها ركبوا الباصات .. واتجهوا الي خورفكان..

يتبع...</font>

بن دبي
19-06-03 ||, 12:06 AM
<font color='#F660AB'>اتريا القصة تجننن</font>

البنت الدلوعه
22-06-03 ||, 05:35 PM
<font color='#000000'>السلام عليكم
مشكوره اختي دكتورة فطيم &nbsp;وتسلمين على ردج
بس الحين بكمله لكم &nbsp;حط جزاء قصير
وسموحه: البنت الدلوعه</font>

البنت الدلوعه
22-06-03 ||, 05:38 PM
<font color='#000000'>في خورفكان..

فواقي: ماصدق ان امي طاعت ابات هني.. بس الظاهر هي وافقت لانها مب في البلاد
مريم: اصلا ليش ما توافق.. والله الابلوات ماشي شراتهم ..
شما: هيه والله
شمسة: شماني.. خلنا انسير نختار لنا غرفة ..
فواقي: لازم اربعة اشخاص في الحجرة الوحدة ..
شمسة: هيه انزين انتوا ويانا ..
فواقي: خلاص اوكي.. بس اختاروا حجرة اتكون عالطرف..
شما وشمسة: اووكي..
ومرت الساعات .. وكانت احلى الاوقات بالنسبة لفواقي.. لانها ما تبا اترد البيت ومحد فيه ..
في الليل..
مريوم: بتصل بعلي..
فواقي: امنو علي؟
مريوم: ها واحد ارمسه في التلفون.. عن الاستهبال.. خبرتج عنه
فواقي: انتي قلتيلي انج اترمسين واحد اسمه حمد
مريوم: لا قص علي اسمه علي مب حمد ..
فواقي: اااه يعني جذاب..
مريوم: لا حرام .. ترا هو زين
فواقي: جااايز
ودشت شما ووراها شمووس..
شما: فواقي ومريوم لا اطلعون صووت برقد تراني..
شموس: شماني ابا اسير الحمام .. بس زايغة
شما: سيري لا..
شموس: يالله خلاص بسير
ورقدت شما ..وعقب شوي رقدت شمووس..
وفواقي تمت اتغني .. ماعندها شغلة.. عقب اتذكرت الرقد وظهرته من الشنطة .. وقالت حق ربيعتها مريوم .. دقيله واستهبلي عليه...
مريوم: اوكي.. خلاص بستهبل..
وصكرت الخط عن علي..
ودقت لسالم رنه وسكرت من موبايلها لان فواقي ماعندها موبايل .. ويوم رد اتصل فرت الموبايل على فواقي
وقالت: مابرمسه عندي علي يسوى الدنيا ومافيها .. هني فواقي ردت على التلفون ..
فواقي: الووو اسمحلي اخوي مغلطين بالرقم
سالم: ترا عرفتج .. واخيرا اتصلتي..
فواقي: اسفة .. بس ماكنت ابغي ارمسك ..
سالم: بس المهم اتصلتي.. شحالج؟
فواقي: بخير الحمدلله.. وانت؟
سالم: بخير...
وعقب قالتله فواقي انها تبا ترقد .. وصكرت .. ومن عقبها ماقكرت تتصل..
ورقدت فواقي.. وتمت مريوم روحها واعية اترمس علي..

يتابع</font>

البنت الدلوعه
22-06-03 ||, 05:40 PM
<font color='#000000'>وعلشانكم &nbsp;بحط جزء الثاني

وبعدين ترى مادري متى بحط الجزء الثاني
وسموحه</font>

البنت الدلوعه
22-06-03 ||, 05:41 PM
<font color='#000000'>في اليوم الي وراه.. نشت فواقي عسب اتصلي الفجر..
وعقب ساعتين ونص دشت ابله خلوود عسب اتوعيهم ..
الابلة: فواقي مريم شما شمسة .. نشوا يالله..
مريوم: ان شاء الله
فواقي: قمنا..
نست فواقي سالفة سالم.. وماهتمت .. اما مريوم دومها سرحانة اتفكر بعلي..
فواقي: متى رقدتي البارحة ؟
مريوم: عقب ما رقدتوا انتوا انا زغت .. وصكرت عقب بساعتين
فواقي:ههههههه هذا وانتي زايغة.. عيل لو مب زايغة جان رمستيه للصبح
مريوم: بس بس بندي السالفة مابا شموس وشماني يعرفون السالفة.. تراهم يايين
فواقي: اوكي
ومن بعيد .. شمووس اتصارخ..
شمووس: فــــــــــــــــــواقي وصمخ من الصبح ازقرج ..
فواقي: نعم..
شمووس: تعالوا انتي ومريوم حاطين الريوق..
مريوم: انزين يايين
وسارت فواقي تتريق ويا رباعتها .. اما مريوم .. قالت بدش الحجرة عندها شغلة وعقب بتلحقهم ..
خلصت فواقي ريوقها .. ومريوم بعدها مايت .. فسارت عندها لين الحجرة ..
فواقي: وين الي بتلحقنا؟؟
مريوم: ههههههه سوري
فواقي: اترمسين منو؟
مريوم: علي..
فواقي: اكره علي..
مريوم اطالعتها بنظره تعجب
فواقي: والله صدق بديت اكرهه
مريوم: ليييييييييش؟&#33;
فواقي: مارتاحله..
مريوم:بسج بسج ارتاحي حق سالم..
فواقي: كله منج .. خليه يولي.. مابرمسه ..
مريوم: انشوووووووووف
وظهرت فواقي...
ومرت الساعات .. واستانست فوواقي..
ويوم قرب وقت الرحيل.. حست بالضيج .. لان امها مب في البيت ...
في الباص وهم رادين ..
مريوم: اللــــــــــه اشتقت لامي..
فواقي: وانا حق منو اشتاق.. اففف بيلس روحي في البيت..
مريوم: كشخة ..
فواقي: لا ابا ماما
مريوم: ماما اوونه ... خلاص بييج انا ..
فواقي:والله؟&#33;
مريوم: هيه بييج باجر.. اوكي؟
فواقي: طبعا اووكي..
ويوم وصل الباص صوب بيت فواقي نزلت فواقي..وخلت مريوم روحها في الباص .. تتريا دورها ..
فواقي: الوو
بدر: ها وعليج السلام
فواقي: وينك هاد البيت وطالع ؟
بدر: انا في السيتي عندي شغلة بسويها..
فواقي: وبترد؟
بدر: لا بروح جابينغوالي في جميرا.. عند الربع
فواقي: اها
بدر: انتي بروحج؟
فواقي: شرايك؟
بدر: خلاص بمر عليج ونطلع يميع ..
فواقي: لا بروح انام ما نمت الا ثلاث ساعات امس.
بدر: خلاص بخلص الشغلة .. وبرد البيت .. كيفهم الربع..
فواقي: كيفك.. يالله باي..
بدر: مع السلامة

دشت فواقي.. عالمسن .. وقررت تحظر سالم مرة ثانية...
وعقب ما خلصت .. رن تلفون البيت..
فواقي: الووو
ام بدر: هلا يا بعد كل من لي..
فواقي: والله ولهت عليج .. وينج البيت ما يسوى من دونج .. متى بتردون
ام بدر: يا بعد حيلي.. اجلنا السفر
فواقي (والعبرة خانقتها): ليييييش؟
ام بدر: اتصلوا هلي من الكويت وقالولي ان حالة ابوي ما تسر..
فواقي: يعني انتوا رايحين الكوييت .. ؟
ام بدر: طبعا
فواقي: الله يشفي يدي.. والله لا يحرمنا منه ان شاء الله ..
ام بدر: ان شاء الله.. اتصلي في بدر.. خليه يحجزلكم انتي وياه .. عشان تروحون الكويت ..ماقدر اخليكم بروحكم اكثر من جذي..
فواقي: ان شاء الله
ام بدر: ولا اقول انا بحاجيه .. انتوا ماتعرفون تتفاهمون ..
فواقي: خلاص اوكي..
ام بدر: يالله مع السلامة
واتصلت ام بدر في ولدها بدر.. وقالتله ..
وقرروا انهم يسافرون بعد يومين لان بدر عنده اشغال.. لازم تتنفذ..</font>

ناصر المهيري
22-06-03 ||, 06:24 PM
<font color='#000000'>مشكوره</font>

بن دبي
23-06-03 ||, 07:05 PM
<font color='#000000'>هلا والله بيج يا الغالي
ترانه متحمسين للنهاية


<marquee>دلوعة البحرين</marquee></font>

مخاوية الامل
23-06-03 ||, 10:25 PM
<font color='#736AFF'>نتريااااااا التكملة</font>

البنت الدلوعه
24-06-03 ||, 02:27 AM
<font color='#000000'>مشكور اخوي ناصر المهيري &nbsp;وشكرا على مشاركتك
هلا والله فيج اختي الدلوعة البحيرين &nbsp;وتسلمين
هلا اختي مخاويه الامل
تسلمين على مشاركتج
واتمنى ان تعجبكم اتكمله &nbsp; بس الحين بحط جزاء اذ قدارت
وسموحه</font>

البنت الدلوعه
24-06-03 ||, 02:29 AM
<font color='#000000'>اتجهت فواقي الى حجرتها وهي تعبانة ومنهكة ..
وحطت راسها ورقدت ..
وما اقلق منامها وازعجها الي رنين التلفون... بالبداية طنشت التلفون.. عقب ما قدرت تتحمل ..
فواقي: اوووووف يمكن مكالمة ضرورية ..
شافت رقم مريوم في الكاشف.. واستغربت ..
فواقي: الووو
مريوم: الوو هلا
فواقي: شحالج؟
مريوم: بخير
فواقي: ها رقدتي؟
مريوم: وين ارقد ...سالم مالج حشرني كل خمس دقايق يطرش مسج يسالني عنج..
فواقي: رديتي عليه؟
مريوم: هيه قلتله انج مب وياية ..
فواقي: خلاص بس..
مريوم: لا يباج ادقين ..
فواقي: مابدق..
مريوم: لا بدقين ..ابا ارمس علي... مابا علي يشك..
فواقي: افففف علي وعلي وعلي.. والحين ظهر سالم ..
مريوم: خلاص بلبس سالم ومابرد عليه ..
فواقي: احسن لين ما يمل..
مريوم: اووكي.. بيباي
فواقي(بضيج): بحفظ الرحمن ..
وصكرت فواقي.. وتمت اتفكر.."شو هالبلشة .. ليش خذت الرقم وياي خورفكان .. والله ماعرف شو اسوي.. لو بدر عرف بيقص راسي..خلاص بلبسه.. ومابرد عليه ..لين ما يمل مني ويزهق"
سارت فواقي صوب حجرة اخوها بدر (لان فواقي ماعندها نت بالحجرة)... ودشت عالمسنجر...
سالم كان اونلاين .. بس البلوك عليه ..
رمست رباعتها .. ولبست سالم ..تم فترة وعقب ظهر..وعلطول عقب ما ظهر...
ظهر مربع على زاوية الشاشة يدل على ان حد طرش لها ايميل .. داست المربع .. وعرفت ان الي مطرش الايميل كان سالم..
" ليش ما تردين علي.. اتصليبي اباج ضروري... طرشت فوق العشر مسجات على الرقم الي اتصلتيلي منه بس محد رد علي.. اتصليبي رمسيني... ولا تقولين ما تبيني .. مثل ما بديتي معاي بتكملين معاي للاخير"
سالم ......
قرت فواقي الايميل ومسحته علطول..
حست ان الدنيا ادور فيها .. حست ان مافي مفر..
فواقي: اااااااااااااااه ياريتني سمعت كلام خالتي يوم قالتلي لا تسيرين خورفكان ... ياريتني سرت السعودية ويا امي واخواتي... اااه يا بدر لو انك تيلس في البيت ..جان ما دخلت النت وعرفت سوالفه ..
ونزلت دمعة حااارة من عيونها ...</font>

مخاوية الامل
24-06-03 ||, 09:09 PM
<font color='#736AFF'>ونترياااااااااااااااااااا اااااااااااااا التكملة</font>

البنت الدلوعه
25-06-03 ||, 02:10 AM
<font color='#000000'>بغت فواقي تنسى سالفة سالم لبعض الوقت .. فاتصلت في بنت خالتها بدور..
فواقي: الوو
ريل خالتها: هلا والله .. شلونج؟
فواقي: الحمدلله بخير وانت؟
ريل خالتها: تمام
فواقي: عمي بدور يمك؟
ريل خالتها: اي لحظة بناديها
بعد مرور وقت قصير ..
بدور: هلا والله بالطش والرش كله
فواقي(بمرح مفتعل): شلوووونج؟
بدر: بخير.. اكيد في شي صاير ... مو من عادتج تتصلين ؟
ترددت فواقي.. ماعرفت اتقولها عن سالم ولا لا .. فقررت اتقولها السالفة يوم اتسير الكويت لان السالفة ما تنقال عالتلفون..
فواقي: ولهت عليج .. وبعدين امي واخواتي معاكم .. وبدر مو في البيت .. احس بملل قاتل..
بدور: اي والله .. متى بتيينا؟
فواقي: عقب باجر..
حست فواقي براحة .. يوم رمست بنت خالتها.. وهم في عز السوالف دخل بدر البيت ..
بدر: فواقي اتكلمين منوو؟
فواقي: بدور
بدر: بنت خالتج؟
فواقي: اي
بدر: اها بس لا اطولين ترا هذي مكالمة ..
فواقي: اووكي ادري..
وردت حق بدور..
بدور: خلاص ما بطول علييج
فواقي: يالله عيل .. اخليج
بدور: فمان الله
فواقي: فمان الكريم ..
سارت فواقي عند بدر.. بغت اتجس نبضه ..
فواقي: بدر بسولف وياك
بدر: ها.. شعندج؟
فواقي: انت اتكلم بنات؟
بدر (وهو مستغرب): ليش يعني؟
فواقي: مجرد سؤال
بدر: ممم اكلم جم وحدة ..
فواقي: يا خايس.. واتخرب سمعتهم؟
بدر: لا شو .. انا اكلم بنات لكن ماوزع ارقامهم ولا اتكلم عنهم ..
فواقي: والشباب كلهم مثلك؟
بدر: هاهاهاهاهاهاها... لا ولا جان كل البنات كلموا
فواقي ( والرعب متملكها): عيل؟
بدر: الي يوزع ارقامهم والي يرمس عنهم .. خليني ساكت احسن
فواقي: انزين شنو بتسوي فيني اذا كلمت واحد؟
بدر: بقطعج .. بتكرهين الدنيا والي فيها .. يعني لا تفكرين حتى اصلا تدرين يا فواقي ومن دون مبالغة .. والله كل يوم في الديوانية (الميلس) الشباب يوزعون ارقام البنات .. ويرمسون عنهم.. ويستهزئون .. "صدقت اوني احبها" ..ولا "صدقت اني بخطبها وباخذها" وعلى فكرة الشباب ماياخذون الي يرمسونهم ترا هالشي مستحيل .. وحطي كلامي في بالج عدل..الشباب يفكرون بالعقل يعني يقول هاي مثل مارضت اترمسني بترضى على غيري.. اما البنت تركض ورا عواطفها ..
فواقي: اها
بدر: اقتنعتي؟
فواقي: طبعا.. اصلا ما بكلم ..
واستأذنت فواقي من بدر.. وظهرت من حجرته .. وهي منهارة ..
وتمت اتفكر بينها وبين نفسها .. " باجر مريوم بتيي عندي.. وسوالفنا كلها بتكون عن سالم وعن علي.. وانا ابي انسى سالم .. عفته .. ودي اقول حق مريم لا اتيين .. بس والله مايهون علي.. بحاول والي فيها فيها"
واتصلت فواقي في مريم
مريم: الوو يا هلا والله
فواقي: اهلين شحالج؟
مريم: بخير الحمدلله وانتي؟
فواقي: يسرج حالي..
مريم (وهي طايرة من الفرح): خلاص بيي عندج باجر العصر .. صدق بنستانس.. ولا شو رايج ؟
فواقي: طبعا.. اكيد بنستانس.. سوري مريوم لازم اسير الحين اخوي يزقرني..
مريم: اوكي فديتج يالله بيباي
فواقي: بااي
" ااه ماقدر.. كيف بيمر باجر.. خانني لساني والله احب اشووف مريوم فرحانة .. لو ظروفي غير.. لو سالم مادخل بحياتي.. جان انا فرحانة.. وعكس حال اليوم "</font>

مخاوية الامل
27-06-03 ||, 02:20 AM
<font color='#736AFF'>ثانكس ع التكملة وبانتظار البقية .</font>