خولة و حمد(اتمنى تقرون القصة) [الأرشيف]

مشاهدة النسخة كاملة : خولة و حمد(اتمنى تقرون القصة)

شمس دبي

20-06-03 ||, 11:20 PM

مرحبا

حبيت انقل لكم هذي القصه الصراحة هاي اول مشاركة لي في هاي الواحة ان شاء الله تعجبكم  

الجزء الأول  <img src="http://oasis.bindubai.com/emoticons/wink.gif" border="0" valign="absmiddle" alt=':;):'>  <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

خولة .... بنت في الثانوية العامة .. باجي لها هاذي السنه ... و بتفتفك من الدراسة و بتتخلص من هم 12 سنة كراف و سيرة و يية ..تتدرس في وحدة من هالمدارس الحكومية ...و باقي لهم اسبوع و بيأجزون حق المذاكرة ... و خولة بنت محبوبة من كل البنات و اجتماعية تحب السوالف و تحب السيرات و الييات ..لكنها رغم انها مصروّعة و مصرقعة.. لكنها بنية متفوقة ...عندها في المدرسة شلة ربع دوم وياهم ( ليلى و نور و حمدة و موزة ) طبعا من غير البنات اللي تعرفهم في كل صف لأنه المعارف مهمة وقت الحاجة ...
_ _ _ _ _ _ _ _ المدرسة ... الفسحة ..._ _ _ _ _ _ _ _
خولة .. ونور .. و ليلى : مواز بنسير نشتري تبون شي و إلا بتون ويانا ؟..
موزة : لا فديتكم سيروا انتوا و نحن بنودي الكتب مال الكيمياء العملي ... اليوم اخر يوم يسلمونهم ..
نور: وييييييييه ..أنا ما يبته ..يا ويلي ما بتحطلي الدرجة ..
حمدة : افااااا عليج أنا اللي بخليها تترياج لين باجر ..
نور : شو بتسوين يالعبقرية ؟!...
حمدة : ما عليج انتي ..سيروا المقصف و هاتي لي وياج ايسكريم ...
ليلى : يا هالايسكريم .. يدرون انه ممنوع من الوزارة و بعد يبيعونه ...
حمدة : يدرون انه ممنوع و إلا ما عندج درهمين ..ها ؟!
ليلى : هب سالفة درهمين .. البيزات موجودة لكنه حق ايسكريم .. احنا نشتريه من عند بقاله الوريعة الخضراء 2 ايسكريم بدرهم
خوله :شو يسون بعد عشان يغطون تكاليف الصيانه .. عشان يصبوغون لج هالصف اللي انتي يالسة فيه ...
ليلى : بسج من الرمسة ..احنا في ارض الحكومة .. ما نقدر نقول شي خلينا ساكتين احسن ..
و في درب البنات للمقصف ...
نور: ها خوالي .. ما سجلتي قي المعهد ؟!
خولة : باجر سايرة اسجل ..تعرفين محسوبتج بقرة في الفيزياء ...
نور: يا مييييه هب بس انتي كلنا .. بس و الله هب منا من هالمدرسة المصرية اللي حاطينها ..بسبتها استوى الفكر مثل البقر ...
خولة : ما بتسجلين ويايه ؟!
نور : ياليت و الله لكن استاذ سلطون اخويه موجود و ايي لين البيت .. شعليه من المعاهد إلا قومي البسي و إلا شوفي حد يوصلج ..
خولة : برايج بدورلي وحدة اسير وياها اتلاقف وياها هناك ...
نور: وين بتسجلين ؟!
خولة : عند هشام البرنس بدقله اليوم بخليه يدبر لي حصص في المعهد ..تعرفين زحمة عندهم ..
نور : بتاخذين عند مدام أشواق ؟..
خولة : لا شو اشواق ما تفهّم وايد بدورلي ريال يقولون انهم اشطر خلينا نشوف شطارتهم ...
ليلى : شو تبون ؟! اليوم دوري اتشرى لكم ..
خولة : لبن و فلافل ...
نور : شو لبن و فلافل هاتيلها جلكسي و برتقال ..
خولة : جيه ؟! ابغي فلافل..
ليلى :خلصوني لاه ..
نور : اللي قلتلج عليه ..
خولة : نورووووه ؟؟!!
نور : نسيتي عقب الفسحة علينا كيمياء و نحن محتاجين انج تكونين واعيه ... عن ترقدين من عقب الفلافل و اللبن ..
خولة : تضحك...ههههه خسج الله يا نور ..
تي حمدة موزة وراهم ...
موزة : فاتج يا خولة ...يو يدورونج ..
خولة : منو يدورني ؟!
حمدة : هاي البنت اللي دوم تتمشين ويااها ..إيمان عبد الله ..
خولة : ايمان اللي في ثاني أدبي ...
حمدة : هيييه..
خوله :هاي ربيعتيه
موزة : ياية تسلم عليج هي و نوفي وياها
خولة : نوفي .. نوفوا بعد ليش ...
نور : جيه ما تدرين باجر اخر يوم بيداومون ...
خوله : لااااااه ... حرام ما بشوفهم مرة ثانية ... قوموا خلونا نلحق عليهم قبل لا يدق الجرس ...
و في دربهم 2 أدبي 4 ...
ايمان : خوااااالي ... خولة ..
خولة على طول تلف ورا : هلا ..
ايمان : خولة ...
خولة : ايمان كنت سايرة صفكم ..
نوف : يايين نسلم عليكم .. لأنه نحن ما بنشوفكم مرة ثانية ... الدموع في عينهم كلهم ...
خولة : اسموحولنا جان قصرنا وياكم ... تصيح ... و إلا غلطنا عليكم ..
ايمان و تصيح : ابدا و لا يت منكم قصيرة انتو اللي اسمحولنا ...
ايمان : خلونا نتصل فيكم و سمعونا صوتكم ...لو ثواني ...
خولة : و لا يهمكم ...
موزة : انتو بس ادعولنا ... لأنه نحن في حاجة دعاءكم ...
نوف : و لا يهمج ... أكيد ..
يدق الجرس ... تررررررررررررن ترررررررررن ....
موزة : اوووووووه ..كان ودي ايلس وياكم ...
خولة : هيييه و انا بعد ...
ايمان تلوي على خولة ... فمان الله ...
خوله اهنه ما قدرت تيود عمرها ...
خولة : مـ..ـع السلا مـ..ـة ..
يمشن الرباعي المرح و هم يودعون ربعهم اللي في ثاني ...و عند الصف يلقون نعوم ...ناعمة رفيقة الدرب في أول ثانوي الطالبة اللي نجحت وعقب سنتين رسوب وكان السبب في نجاحها هذا الرباعي اللي سوا كل شي عشان هالبنت تستمر في حياتها و الحين هي في ثالث أدبي ...ياية تودعهم ... لأنهم بعد بيأجزون ..
ناعمة : خولووووووووووه ..موازة ..لولو ..حمادينو ..حمدة ..
خولة : نعووم ... ليلي : ناعمة .. حمدة : هلا بنور جلفار ... موزة : تصيح .....
ناعمة : افاااااااا .. موزوه شو هالدموع ..هذا كله حقي ...
موزة : هب في يديه ..
ناعمه : فديت اللي يصيحون عشااااانهم بيفارجوني ..
كل الشله يصيحون ....
ناعمة : اوووووووه ..اووووه لالالالا ..شو ها كله ...
تيود ناعمة ايادي ربعها و تهوس عليهم بقو و تقول : اسمعوني أنا ما صحت لأني أعرف ان نحن ما بننقطع رغم سيرتي راس الخيمة لكني بحشركم في العين كل ويكا ند
بييكم و بييب اخواني و بنسوي زحمة ... و بعدين انتو ما تعبتوا ويايه كل هالتعب عشان ايلس في هالمدرسة صح ...
ناعمة : الحين عرفت ليش اتصيحون ... زايغين ارسب و ايلس اهنه .. اخسس فيكم يعني ...
خولة : لا و الله يا ناعمة .. تعرفين شقد نحن نعزج و نحبج .. انتي شراة عليوه اختيه و اقرب بعد ...
ناعمة : و الله عشتي يا خولووه .. طلعت اسوا يعني ...
موزة : نعووووووم شو هالرمسة ..و الله غالية ها ..عن هالكلام اللي ما يسوى ..
ناعمة : عيل لا تصيحوووووون .. بسرعة ... بسرعة ... اشوف كل وحدة تمسح دموعها ..اوووه ليلوه حاطه جحال ها ..مخالفة ...
ليلى تضحك ...و هي تصيح ...
ناعمة : علمي وين عندكم وقت انتو بعد ...تتجحلون
حمدة : نعوم .. من البارحة ...
ناعمة : هههاي سيروا سيروا عليكم ... كيما ...
ليلى : بعدج انتي ... كيما ... يسمونه كيمياء ...
ناعمة : عن الفلسفة الزايدة ... سيرن ..
يدخلن الصف يلقون الأبلة يالسة و حواليهها البنات ... يسولفون وهادين الشرح .. و كل وحدة ما خذتلها وحدة و تصيح ...و على ادراجهم هم الأربعة اللي ورا بعض ... أكياس و باقات ورود و أشياء وايد .. كلها من 2 أدبي و نعوم و ربعهم في أول ثانوي ..
حمدة : حليلهم ....حرام و الله حرام ... ليش يسوبنا جه ..
ليلى : لاتعليق ... دموعها مرة ثانية ...
خولة : الله يذكركن بالخير يا علكن يا ربي ....
موزة : يا ربي يا علكن الخير و الله ..
و هن مروحات ...و شالين أغراضهم في يديهم ...و عند مفرق الممر .. يوقفن .. يسلمن على بعضن و يتوايهن و عقب تفقرق خولة و ليلى و نور عن موزة و حمده ...
ليلى : منو وياه بتروحين اليوم ؟!
خولة : منو أنا ؟!...اخويه طارق بيمر عليه ...
نور : ليلى انا بوصلج اليوم ...
ليلى : ما دري بشوف خواتيه بيسيرون ويا ابلة ميمونة و الا ويا الدريول ..
نور : شعليج منهم ... تعالي و يانا أنا و اختيه هنوود محد ويانا ...
يوم يوصلن عند مواقف السيارات ... خولة يالله بنيات بسير جنه طروّق ياني ...
نور : وينه ؟! إلا انتي تبين تفارجينا بسرعة ..
خوله : حرام عليج .. هاذوه هناك .. الBM الحمرا المظلمة ..شفتيها ...
ليلى : اووووه موتر يديد .. لا اخر موديل بعد ..
خولة : ترومين انتي علينا ؟؟
ليلى : لا و الله ما نروم ...
نور :انزين جيه ما تسيرين له ...
خولة : جيه واقف بعيد .. خليه يقرب بسيرله ..
ليلى : هاذوه قرب ..
خولة : اوكيه بنات ..يالله فمان الله .. توايه ليلى و نور ..
نور: تيك كير .. سي يوه..
خولة : يو تو تيك كير ... (أونه ثقافة انجليزيه )
تركب خولة السيارة ....
خولة : السلام عليكم ...
طارق : و عليكم السلام .. هلا و الله..
خولة : مفرفش ..اشو عندك
طارق : ما شي .. ما قلت لج اجلوا امتحاناتنا اسبوع كامل ...
خوله : و الله ..ليش ..
طارق : شدراني بس يقولون وحدة من البنات مسوتلها مصيبة في الجامعة .. حارقة حجرة .. ما دري حمام .. مادري يقولون حريجة عودة ..
خولة : فقيرة البنية ...
طارق: خولوووه شرايج نشرد ...
خولة : وين بنسير ..
طارق : يعني ما عندج مانع .. بنسير بيت يدوه ... بنشرد عند علياء ...
خوله : بتشرد بي بتسير عند يدتك علياء ..أنا قلت بتوديني تغديني في مطعم عووود و راااقي ... جذي ها و تستوي كريم مثلا يعني .. يعني .. مثال ..
توديني قيصر و إلا .. إلا مدينه الصين ...كواليتي مثلا ..
طارق : طالعوا هاذي ..على اخر الشهر بتفلسني..خبرج يوم بشتغل ..لازم تفشلينا بعد انتي ...تعرفين بعدنا معتمدين على شيبتنا ..
خولة : انزين .. بيت يدوه ..بنسير عند يدوه ..
طارق : بعيد ..البيت اقرب ..
خولة : لاااااه ..الحين البيت اقرب ..
طارق : بخبرج قومي بنسير صدف ... مطعم ايراني ...
خولة : هاذي عزايمك يا صدف و بوفييه و إلا كافتيريا رجب على شاي كرك و براتا ...
طارق : انتي مب ويه حد يعزمج ...الناس غيروا الحينه ...ما قاموا يسيرون قيصر و هالأماكن ..
خولة : لااااه ..الحين ما قاموا يسيرون هالاماكن ...
طارق :تعرفين ان ابويه ما يرضي على سيراتنا هاذي .. كله ينازعنا..و لا حتى اخوج العود حميد ... خلينا في السليم ..
خولة : انزين ....
طارق : بنسير عند يدوه بنيلس عندها شوي عقب بنسنفر .. بنتغدى في مكان و بنرد البيت ..
خولة : طارق امييه بتحشرك عليه امتحانات و بترد عليك .. ما خليتها تذاكر و من هاذي السوالف ...
طارق : ما عليج منها ...
و يسيرون بيت يدتهم علياء ... و عند الباب ...
خولة : طارق ..هاذي سيايير عيال عمي محمد ...
طارق :هييه صح ..توني كنت ويا حمد ما خبرني انهم بيتغدون عند يدوه و انا دقيتلها و ما خبرتني ...
خولة : يمكن نست ...
طارق : خلينا ننزل و بنعرف السالفة عقب ...
يدخلون الصالة ...
يتبع

شمس دبي

20-06-03 ||, 11:24 PM

يلا اليوم بحط جزءين
الجزء الثاني

طارق : يا أهل البيت .. وين العرب ...
اليدة : هلا و الله هلا ...اهنه تعالوا ..
خولة : في الصالة اللي داخل خلنا نسير لها ...
طارق : السلام عليج يدوه ..يحبها على راسها و بالمثل تسوي خولة ..
خولة : شحالج امييه علياء ..شخبارج ..علومج ..
اليدة : زينه .. الحمدلله انتي شو مسوية ..
خوله : الحمدلله يدوه ... منو اهنه ..
اليدة : عيال عمج محمد... حمد و راشد و سالم..
(حمد يدرس في نفس كلية طارق اخر سنه و راشد ثانويه عامة بس أدبي ..أما سالم فهو يشتغل و مالج على علياء أخت خولة و عرسهم عقب 6 شهور ..)
اليدة : تعال طارق عشان تتغدى .. فديتج خوله اماه .. ازجري على عمتج عويش ..
خولة : انشالله يدوه .. و تسير عشان تزجرها ...و تدخل عليها الحجرة ...
(عائشة ..مدرسة لغة عربية .. ادرس اول و ثاني و ثالث ابتدائي ..بس تعالوا شوفوها شجايل بالرغم من انها تشتغل تقول في عمر خولة و هن ويا بعض طايحة الرسميات اللي من بين العمات و عيال الأخو بس في حدود للإحترام ..عائشة من النوع اللي كله مطيحة في شبكة النت و عندها معارف وايد من ربع و أهل و ..كل شي )

خولة : مرحبا ... عواشينو ..
عائشة : هلا و الله .. توه ما نورت حجرتيه ..
خوله : ادري ادري احم احم ...
عائشة : شو اللي خلاج تتولهين عليي الحين .. ها يا بنت سيف ؟!؟!
خوله : هب أنا اللي متولهه ... طارق متوله بس هب عليج على غدا يدوه ...
عائشة : هههههاي ... هذا هو إذا يت السالفة للدح و الأكل .. ينسى العالم و تستوين أغلى البشر عنده ..
خولة : حليله اخويه ... على هالأكل لكنه و الله ما يبين فيه ..
خولة : عالعموم اسمحيلنا بتضطرين انج تسلفينا وحدة من هالمخاوير الغاوية اللي عندج عشان اتغدى ...و وحدة من هالوقايات البيض .. اللي ما خذتنهن من عند .. الزرعوني غاليري ...ابغي من اليداد الغاليات
عائشه : افا عليج بس انتي بنعطيج وحدة من هاذيلا امهات 15 درهم ..
تفتح عائشه الكبت حق خولة ..
عائشة : يالله خوالي طبي و تخيري ..
خولة : تسلمين حياتي ..ابغي هاذيج الوردية ...
عائشة : انزين بدلي ثيابج و تعالي الصالة الثانية بنتغدى ..
خولة : اوكييييييك اوكيك .. ....تتلبس خولة هاذيج الكندورة المخورة و تغطي راسها بوقاية بيضا و تسير الصالة .. يوم تتدخل ..
خولة : السلام عليكم ... شحالكم عيال عمي
راشد : هلا و الله .. هلا و غلا ببنت سيف بن سعيد
خولة : هلا و الله بـ بوسنيدة .. شحالك و شحال الدراسة ..
راشد : بخير الحمدالله و انتي ..
خولة : تصدق تسلم عليك ...
سالم : احم احم نحن هنا ...نسيتونا
خولة : نساك الموت ..
سالم : عشتي .. شحالج و شحال عمي و خالوه و و ...
خولة : و هي تتطالعه بنص عين و تبتسم ... : يسلمون عليك ...
خوله ما عبرت حمد وايد لأنه مندمج ويا طارق و هي أساسا كانت ما تسطلفه وايد لأنه ما عرفته وايد يعني .. و لايلست وياه في يمعات من قبل .. بس هالمرة هو بدا
حمد : اوووه .. (اونه عاد انتبه لها ) خولة ... السلام عليج ..
خولة و بنبرة هب مثل اللي كلمت فيها راشد و سالم ..أكثر رزانه ..
خولة : و عليك السلام و الرحمه ..
تتدخل اليدة شالة السماط ( السفرة ) اللي يوم كانوا يفرشونها من نهاية الصالة لين اول الباب ..فتقوم خولة عشان تساعد يدتها .. وتتطلع ربة بيت اوكييه جدام عيال عمها ...و عمتها عائشة وياها ..كل وحدة من صوب تمسك السفرة و تفرشها..
اليدة : لو يدريبي يدكم الله يرحمه اني افرشلكم السماط جذه و اغديكم ودية وحدة ... جان غسل شراعيه ..
طارق : انزين امييه هذا كله ما سار بعيد ... كله في ابويه و توارثا عنه ..جان ما تدرين حميد ..
خولة : وابوييي ..لو دش علينا ابويه و إلا حميد ما عليه منكم هو من الباب و أنا من الدريشة ..
راشد: خخخخخخخخخ
خولة : تضحك ها ..ما عليه بيك يوم ...
راشد : لا الله لا يقول ...
ويلسون كلهم متيمعين على الغدا و يتغدون و من عقبها ايسلون و يشربون شاي و ياكلون فالة يدتهم ..و يسولفون و ...و....
خولة : عواشي .. تعالي ويايه باجر بنسير نسجل في المعهد ..مري عليه بيتنا ..
عائشة : اووووه باجر مواعدة منوّل بسير وياها ..دبي ..
خولة : اوكييه ترومين اليوم ؟!
عائشة : اوكييه .. 6 زين ..
خولة :لا شو 6 بعد انتي .. قولي 5:30
عائشة : انزين ايلسي عندنا و مرة وحدة بنسير ..
خولة : لا لا ابويه لازم يشوفني موجودة في البيت و بعدين تعالي أنا بسير اذاكرلي شوية الأمتحانات قريبة و الشهراللي عاطينا ما يكفي ..
عائشة: انزين بسويلج الو قبل لا اوصل ...
خوالي : اوكييه .. تم
يدخل طارق عرض : يالله خولووه قومي بنروح .. عن ننهزب أنا و انتي و نحصل هزبة حلوة ..
خولة : أوكييه .. باي عواشينو..
خولة : فمان الله يا عيال العم ...
راشد :وين سايرة ؟!
خولة : بسير أذاكر لي شوي ... انته بعد خل عنك و قم سير ذاكرلك شوي عن اليلسات اللي مالها فايدة نبغيك ترفع راس ابوك..
راشد : اوووهووو ..سلمي سلمي على سعيد فمان كريم .. بايووووه
يروحون طارق و خولة .. و يوصلون البيت .. تسلم خولة هي و طارق على ابوها و امها ... و تسير تبدل و تنزل عسب تيلس وياهم شوي ..
خولة : ابوييه ..
بو حميد : هلا ..
خولة :ابويه بسير ويا عمو عائشة المعهد عشان أسجل ..شو قلت ؟
بوحميد : شو بتسجلين من المواد ؟
خولة : بسجل فيزياء
بو حميد : هيييييه .... انزين برايج ...
خولة : مشكور ابويه ... بس
بوحميد : بس ..
خولة : بويه الله يهداك خلك فهيم و تفهم المعنى من كلامي ..
طارق : بويه الله يهداك يعني .. كيّش.. cash تبغي ..
بوحميد : هههه .. انشالله يا خولة .. بعد طلبات ثانية ..
خولة : لا .. سلامة راسك ..
تسير خولة عند اختها نجلاء ...
خولة : ها نجّول شو تسوين ؟!
نجلاء : شرايج انتي .. طبعا اذاكر ...
خولة : شعليج موعودة بـ لاب توب ...
نجلاء : اعوذ بالله من عيونج الحينه ما بنجح ...
خولة : مرة احينه أنا اللي برسبج ..بخبرج حطي راسج في هالكتاب ... يالله ..

( العصر في المعهد ) _ _ _ _ _ _ _ _ _ _ _ _ _ _
العصر تسير خولة المعهد عشان تسجل و تدخل على هشام البرنس ...
خولة و عائشة : السلام عليكم ..
هشام : اهلن و عليكم السلام ..
خولة : شحالك .. عساك بخير ..
هشام : الحمدلله ..ازيكو؟!
خولة : ها شفتلي استاذ يدرسني ..دبرت لي حصص..
هشام بيرمس مثلنا اونه : افااااا عليكي .. ما تشيلي هم .. لقيتلك واحد أمّور ..حتتبسطي عليه .. عسولة اوي اوي .. لبناني كدة هووه اوكييه ..
عائشة تضحك و خولة وياها : هييه بس على الله يطلع مثل ماتقول و افهم ...
هشام : ما تخافيش ..بس اتصل بيه و اخد منه مواعيد الكلاسات ... دقيقة ..
يتصل هشام حق الإستاذ ... جدام البنات و يرمسه ..
هشام : الوووه .. الوووه ..ايوة ايوة أ مون ازيك اخبارك اييه ..عامل اييه .. اقوللك في وحدة جديدة حتدخل كلاسك ..قولي عايزها تجيك امتى ؟!
استنى بس كدة اكتب المواعيد ... ثلاثاء و خميس و حد ..ايوه .. بس الساعة كام يعني ؟!؟! .. 6:30 .. خلاص حبيبي .. يالله بايباي .. سلملي على خالد .. هه متنساش ..باااي ..
هشام : اهو ياختي دبرتلك حصص ..مع استاذ ايمن ..
هشام : اخص عليه نسيت اشربك حاجة انتي و اللي معاك ..أنا اسف تاخدي اييه ؟؟
خولة : لا لا خيرك سابق مشكور ... الحينه بروح بييك باجر الثلاثاء باخذ الدرس .. الكلاس على قولتك .. ما عيبني .. ابقى اجيك اخد القهوة و أخانئك ها يالله .. سلام ... هات الوصل ..
هشام : اتفضلي .. سلام ..
في السيارة ..
عائشة : ماشالله ما خذين عليج ...
خولة : هب مني .. صار لي سنتين اسير لهم .. مصبحة و مسية عندهم ...
عائشة : جيه ماتفهمين منها ..
خولة : الله ياخذها فقرتني .. ترا بويه محد بيفقره غير مدرسة الفيزياء على كثر ما اسير هالمعاهد ...
عائشة : هههههه .. حليله والله سيف ..وين بسيرين عشان تذاكرين بتيينا و إلا بتسيرين عند حد من خالاتج ..
خولة : لا عندكم و لا عند خالاتي ... ان يلست وياج ما بذاكر و لا بييب نسبة ...ما دري بشوفلي حد من عمومتي جان بقبلني كلاجئة سياسية ..دراسية ..

و في البيت ....
خولة ترمس شما بنت عمها محمد عالتيلفون ..
شما : خولوه رمسي أمج خليها تخليج تيين عندنا ..أيام الإمتحانات ..
خولة : تخبلتي يا بنت محمد لا و خرفتي بعد.. لو امييه رضت ابويه ما بيرضى ..
شما :رمسي خالوه خليها هي ترمس عميه و اعرف إن عموه بعده سحرها موجود .. كلمتين و تلقين ابوج موافق ..
خولة: شموو و الله فكرة على الله ترضى هي الأول .. تعرفين امييه مزاجيه .. لازم تكون رايقه و فايقة..اوووه هاذي يت الصالة تضحك ..
شما : عيل هاذي احسن توقيت تكلمينها سيري خبريها و ردي عليي .. بااااااي
تبند خولة التيلفون عن شما و تسير عند امها ..
خولة : اماه فديتج تعرفين الإمتحانات قربت و خواتي السنة كلهم مرتبشين .. عليوه بتعرس و تبغي تتطلع و تتدخل و تسير و تي ..و و نجلاء بتخلص امتحانات و تبغي تتهنى بإجازتها على طلعات و دخلات و تلفزيونات و فيديوات ..
ام حميد : انزين ...
خولة : فأقولج خليني اسير بيت حد من عمومتي.. عمي محمد منها أذاكر و منها تساعدني وحدة من بناتهم .. تعرفين نصهم بيسافرون قبل لا نخلص .. بتم شمووه ويانا أنا و راشد و حمد لأنه عندها امتحانات الجامعة و عندها كورس صيفي فما بتسافر السنه لا هيه و لا أنا و لا راشد و بالمرة نقدم حق الجامعة ونشوف شو قاصرنا من اوراق و الخ.. أما سالم بيسير ويا خالوه و مرايم و عميه .. فما بيكون حد هناك ..شرايج ..
ام حميد : و الله مادري لازم اشاور ابوج ..
خولة : انزين امييه خبريه وردي عليي خبريني شو بيقول ..
أم حميد : يصير خير انشالله ..
خولة فخاطرها : أنا هاذي يصير خير ما ادانيها عندي يعني لا ..هب موافقين و إلا يعني اجلي السالفة ..
خولة : اماه رمسيه الليلة ...دخيلج ما تم وقت عالإمتحانات ..
ام حميد : بخبرج ان وافق هاذا معناته ما بتسافرين السنه ...بتيلسين عند شما ...
خولة : برايه امييه .. المهم النسبة ..
اللي يقول الحين هي تحاتي النسبة ..طموحها تييب بس نسبة زينة .. تعرف اذا سارت عند شمووه بتسير و بترد وياها و تعرف انه عواشي ما بتقصر وياها ..بتوديها و بتييبها ...

و يسافرون عايلة بو حميد و عايلة بو محمد و يتمون البقية مثل ما كانوا يخططون ... و تسير خوالي بيت عمها محمد .. طبعا كانت شما اول المرحبين و راشد وياها بس حمد ما كانت تشوفه هناك إلا نادرا ...و بمرور الايام و باقي عالإمتحانات 5 أيام و عالغدا ... راشد و شما و خولة ..
شما : خوالي كلي بلاج حالفة عالأكل .. و لا تستحين من راشد ؟!
خولة : صار لي حول الشهر عندكم و تقولين لي استحي .. و من منوه من رشود .. رشود مثل اخويه الصغير ...
راشد : اشوى .. الحمدلله قلتي الصغير ... بلاج ؟!؟!
خولة : احاتي الإمتحانات .. تعرفون الفترة هاذي ما اتحمل فيها شي ...
شما : فترة و تعدي ...
راشد : استوي مثلي كوووول ...
خولة : شعليك ..أدبي ..لو علمي جان قلبك فبطنك ...
هاذيج الحزة .. يرن التيلفون و تنش شما ترد عليه ...
راشد : خولة عطيني الأجار ...
خولة : ماشي عالسماط اجار ...
راشد : بلاها هاذي الشلقا ما يابته ... و لا يابت الغاف بعد
راشد : مالا .. مالاااااااااااااااااااا .. مالووووووووه .. و صمخ جلاب ...
راشد : بسير اييب الأجار .. مسودة الويه جنه يبالها كلمتين .. بتحصلهن ..
خولة : خف عليها لا تشرد ...
راشد : تشرد ..
خولة :أصلا محد مشرد البشاكير من بيتكم غيرك ....يسير راشد المطبخ عشان اييب الاجار و يتناشبله مع البشكارة شوي .. لأنها أصبحت من هواياته ...
تيلس خولة على السماط بروحها ... فجأة يدخل ولد عمها حمد ...
حمد : السلام عليكم ...
خولة : عليكم السلام و الرحمة .. هلا .. ما تبى غدا ..
حمد : شو مسويين ؟!...
خولة : صالونة سمج ... هامور و في دياي جان تبا ..
حمد : يالله بغير و برد لكم ...
خولة : اغرفلك ؟!
حمد : يبتسم ... لو سمحتي ...
خولة : اسمح ..و ليش وما اسمح ...
حمد : شموووو وين ..
شما : وراك ؟!.. خير
حمد : وينج ؟
شما : ارمس امييه دقت تسأل عنكم .. و عن عيال عمييه ..
حمد : هييييه ...
يدخل هاذيج الساعة راشد و هو معصب و مفول و حالته حاله : الله يغربلج انتي و هازبند مالج ...
خولة : بلااااك؟؟
راشد: انازعها من اهنه لأنها مايابت الأجار تييني من هالصوب و تقولي هازبند مالي ..الله ياخذج وياه ...و الله ..
حمد : رشود كم مرة قايلك لا تتناشب وياها ...
راشد يطالعه بنص عين: .. بخبرك ما تبغي غدا ...
حمد : خوله .. سعيد ما بيي يتغدى ويانا ..
خولة : ما دقلي اليوم و انا عيزت و أنا أدقله يا غالق تيلفونه يا ما يرد ...
حمد : ما دريبه قال بيي .. هب من عادته إنه يتأخر... يرن مبايل حمد ... يطلع اللي داقله سعيد ..
حمد : سعووود .. وينك .. بتستوي هنتين و نص و أنا الصراحة ما تعودت اتغدى ويا صلاة العصر ..
سعيد : عسى ما تغديتوا ... أنا عند اللفه .. ياينكم ..
حمد : لا تبطي و إلا تراني ...
سعيد : لا لا لا ... دخلت .. يالله باااي ..
حمد : باااي ..
حمد : هاذوه يا ي... بيدخل الحينه ..
شما : خولة بلاج ؟!... خولووووه ...
خولة : ما ادري ..راسي داير ..
شما : ..طلعتي في الحر .. أزمة ؟!؟!..
خولة : .....
راشد : خووولووووه .. بخبرج لا تموتين ...
شما : رشوووود ..شو تموت انته بعد ..
حمد واقف هب عارف شو يسوي ..و شما زايغة .. راشد موقف حذال اخوه ... زين منه شال عمره ..
شما : حمد اركض حجرتيه و هات الجهاز ... أزمة ربو .. عند الشبرية بتلقاه ...
خولة يغما عليها ...
يتبع

<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'>  اختكم شمس دبي

البنت الدلوعه

20-06-03 ||, 11:27 PM

مشكوررررررره وااااايد على تكمله
بس ياريت لاتاخرين علينا اوكي

ماوحشتك

21-06-03 ||, 03:33 AM

مشكوره عالقصه .. ونبي التكمله ..

                           تعرفين اني  كنت بحطي هالقصه <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

شهوووودة الأمورة

21-06-03 ||, 03:43 AM

ثااانكس <img src="http://oasis.bindubai.com/emoticons/smile.gif" border="0" valign="absmiddle" alt=':)'>
يالله وين التكملة.....
                        أختج
                             شهوووودة الأمورة <img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>

شمس دبي

21-06-03 ||, 12:27 PM

الله يخليج اختي البنت الدلوعة و انشالله ما بتأخر عليكم
اختي ما وحشتك لو كنت أدري انج بتحطينها كنت ما حطيتها   و انشالله ما بتأخر عليج
شهودة الامورة التكملة يايه

اختكم شمس دبي <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

شمس دبي

21-06-03 ||, 12:31 PM

و هذا الجزء الثالث و انشالله يعيبكم

شما : حموووود أركض ....خولوووه خلج واعية ..
شما : رشود هات ماي .. ماي بسرعة ..
راشد : انزين .. انزين ..
حمد على الدري يركض حجرة شما و يدور الجهاز مال خولة ...يلقاه و يوديه ...ويوم نزل يلست شما تركب فيه طبعا عقب ما نششت خولة و قومتها بعد ما كثرت الطراقات و رششت المياه على ويها ..و هي تركبه كسرت جزء منه من الزيغة ... ساعتها يدخل سعيد ..
سعيد : السلام عليكـــ .... شو مستوي ... خولوووه بلاج ؟!؟!
شما : مادري .. أزمة ربو . تعال ركب الجهاز بسرعة ..
سعيد : في جزء منه خربان ...
راشد : ما بغى يخترب إلا الحينه ... سووا شي ..
شما : حمد ... حمد .. وينك ..
حمد واقف وراهم مب قادر يقرب منهم خايف يستوي شي حق خولة .. مب قادر يقترب لأنها بدون وقاية و ما يبغي يحطها في موقف محرج ..
شما : حمد في وحدة من هالسدات في حجرتيه بتحصل الدوا اللي شراة مال امييه .. سر اركض هاته ..
حمد: وين ... اي سدة اي مكان ...
شما :صوب الباب ....
خولة : خلاص ..أنـ..ـا ..بخـ..ـير ..
يربع حمد حجرة شما و يدور في السدات و ينبش ... و يطالع .. ما لقى ..بجى له سدتين ما فتحهن ....فتح الأولى نبشها ما لقى فيها شي .. طاحت من هاذي السدة صور ...صور شما اخته لابسة فستان و مسوية تسريحة و كاشخة ... حذالها .. حذالها ..خولة شاف صورتها .. تجنن ما كان يتوقعها جذه ..جميلة ..ملجة سالم على عليا اختها..انطبعت صورتها فباله .. فجأة افتكر انها تحت و بحاجة للدوا فتح اخر سدة و لقا فيها الدوا نزل يركض ..
حمد : شما يودي ... خذي ..
شما : خولة ..اخذي الدوا ...
خولة : اقولكم انا بخير ..بخير ..
سعيد : اخذي الدوا ...بخبرج قومي بوديج المستشفى ..أنا بسير اشغل السيارة و انتوا هاتوها ..
راشد : اوكييه ...شمو وين عبيكن بييبهن لكم ..
شما :فوق ورا باب حجرتيه ..
سعيد يطلع من صوب ... و راشد من صوب ما يتم غير شما و خولة و حمد ..
شما : ليش ما تاخذين الدوا ...
نزل راشد و على الدري سمعهم ....
خولة : انا بخير أزمة و عدت .. و المستشفى ما له داعي من الأساس ...
حمد يفتن على بنت عمه خولة : خولووووه اقولج اخذي الدوا ..و بسج لا تكابرين ما فينا يستوي عليج شي ...و المستشفى بتسيرينه ..
تنصدم خولة من رمسة حمد .. هب متوقعة .. فاجأها .. حمد اللي ما كانت تسمع منه شي غير السلام عليكم .. ذاكرتي .. وين شما .. حطوا غدا ..تمت ساكته ... ضايقها اسلوبه ..و راشد ما صدق اللي تسمعه أذنه طول حياته حمد كان جاف في معاملته مع بنات عمه اللي فسروا تصرفاته على اساس انها تكبر ..و غرور ..
أما حمد .. فهو هب مستوعب اللي سواه .. هب عارف شو اللي خلاه يتصرف جذه و تكون ردة فعله جذيه .. اكتشف لحظتها خوفه عليها ..تم واقف مسمهر..سرحااااان ..و ضايع ..دخل سعيد: يالله تعالوا ...
خولة نشت من مكانها : سعيد انا بخير برقدلي شوي .. و بستوي زينة و سيرة المستشفى مالها داعي و قلنا أزمة و عدت عشان أنا اطلعت خاري في الرطوبة ..
شما : خولة هالمرة ما كانت مثل المرات القبلية لازم تسيرين ...
سعيد : خولة فديتج .. قومي خلينا نسير .. و الله احسن لج ..
خولة : لا استهدوا بالله و ايلسوا اتغدوا ... و اذا كنت تعبانة وايد بخبرك ..
سعيد :.. لا حول و لا قوة .. بتسيرين ..
خولة : سعيد .. فديتك .. و تتطالعه بنظرة طفولية ما يقاومها
سعيد : مثل ما تبين ...
تنش خوله عسب تثبتلهم انها بخير و تغرف حق سعيد و حمد .. و هم واقفين يطالعونها ..
خولة : هذا لك يا حمد .. دياي .. سمج .. أكيد سمج .. و هذا صحنك ..سعيد خذه .. وتقوم ..
شما : طول حياتج عنيدة ...
تسير خوله حجرة شما و تطيح على الشبريه عسب ترتاح ... و تفكر في رد فعل حمد .. اللي كانت غريبة .. و اللي زعلت منها .. بس ما حبت تبين زعلها منه بأنها غرفتله غداه ... أما تحت عالسماط ...

سعيد : بلاك يا حمد ؟!
حمد : تتوقع هي زينه الحينه ... أنا ما دانيها المواقف اللي مثل جه ..
سعيد : ما دام قالت انها زينة .. صادقة ..لأنه خولة ما تهزها الأزمات اللي مثل جذه .. و صدقني خوالي تعرف اشو يالسة تسوي ..
حمد : حتى ولو ..كان لازم تغصبها تسير المستشفى .. تتطمن عليها و إلا هي هب اختك ...
سعيد : عفانا الله في حياتك ما شفت أزمات ربو ؟!؟! بخبرك .. وين شما ..
شما : هلا ...امر ..
سعيد: ما يامر عليج عدو بس لا تخلين خوله تذاكر اليوم طلعيها من الحجرة .. ثرها الحالات ما تيها إلا من التوتر و الخوف من الإمتحانات ..و لأنه عليوه و نجول محد عنها ...
حمد : خلاص أنا بطلعكم اليوم ...
راشد :اقترح نطلع طلعة جماعيه ...
حمد : انته ايلس افتح لك كتاب ...
شما : حرام عليك يا حمد تراه و الله يذاكر ..
راشد : فديتج والله اختيه فاهمنتني ..
سعيد : لا بنطلع كلنا يمعة .. بنسير مكان حلو ... وين تقترحون ..
حمد : بخبركم بنسير بو ظبي ... البحر ..
سعيد : اشووووه؟! تبغي ابويه ييني من المانيا هو و حميد و يغسلوني..
حمد : لا مسوي حسابي بوديهم مكان ما في حد ...شو قلت ؟!
سعيد : انزين ..دام انه ما في حد ..
شما : انتو طبختوها لكنه ما خبرتوا خولة ... ما ظنتي تسير ...
راشد : ليش؟!
شما : جيه وين تتحرون بوظبي .. فرة حصا .. خولة ما بترضى مكان بعيد خاصة انه ما باقي على الإمتحانات غير 5 أيام ..
راشد : لا بترضى ... أنا بخليها ترضى بأساليبي الخاصة ...
سعيد : راونا شو بتسوي يا بو الأساليب ...
راشد : متى بتطلعون ؟!
سعيد : عقب الصلاة ...
راشد : خلاص ..
عقب ما خلصوا غدا .. يلسوا يفكرون كيف يرفهون عنها .. سار راشد عسب يشوف شو راي خولة في الطلعة .. اللي كانت يالسة بتفتح كتبها عقب ما غفت و هي طايحة تفكر عالشبرية في حمد و في امها اللي تولهت عليها و في عليووووه و نجوول...
راشد : طق طق طق ... ممكن ادخل ...
خولة : منو راشد ... تفضل ..
راشد :خولة داخل عليج طالبنج طلبه قولي تم عشان خاطرييه لا اتفشل ...
خولة : خير ... قول ..
راشد : تم ؟!؟! ...
خولة :......... تم ..
راشد : اخوج و اخويه سعود و حمود بيطلعون و يبونا نحن نكون وياهم و شمو بعد ..أنا قلت ما بسير عسب المذاكرة يعني ما ابغي افوت و لا دقيقه ..بسسس..
خوله : هههههه لااااااه ...انزين وين بيسيرون ..
راشد : انتي قلتي تم...
خولة : وين ؟

راشد : بيسيرون ... البحر ...
خولة : لا يكون العين جزيرة و انا مادري ...
راشد : بوظبي ...
خولة : رويشد .. جنك تخبلت ...
راشد : ششششش .. انتي قلتي تم و بنات الأصول ما يردن في كلامهن ..إلا جنج إلا تبين تفشليني جدام الشباب ...
خولة : ما عاش اللي يفشلك .. بس اسمعنييه ما اروم ورايه منهج لازم خلصه ...
راشد : يوم واحد ما بيأئر .. قومي عشانييييييييييه .. و إلا ما لي خاطر عندج .. توج اتقولين مثل اخوج ...
خولة : عشانك بس .. لو غيرك ياني جان ما سرت ...
راشد : مشكورة يا بنت العم ... عشتي و الله ..
خولة : تبغي شي بعد ...
راشد : هييه تنشين و تغيرين و تنزلين ويايه ..
خولة : انزل ...و أنا وراك ..
ينزل راشد و هو تحت يسألونه ....
سعيد : ها شو قالت ...
راشد : خبرتك اني ما برد لك بخفي حنين ..يا حبيبي اعجبك .. هاذيه نازلة وراية ...
حمد : شو هالاساليب ...
راشد : يا خي هذاا فن ...
شما : انزين يا بو الفنون ... ما بتغير هالجلابية اللي لابسنها من البارحة ...
راشد :وين من البارحة بعد انتي ...ويييه فشلونا .. اليوم الصبح لابسنها ...
راشد طلع عشان يسير و يبدل و تتدخل خولة ....
سعيد : ها خولة انشالله استويتي بخير ؟!؟!
خولة : الحمدلله ...
حمد : سلامات ..
خولة : وين راشد ...
شما :بيبدل و بلحقنا ...
راشد : أنا ييييت .. منو اللي يسأل عني ؟؟
شما : خوالي ...
راشد : فديتني .. سألوا عني ناس حلويين ..
سعيد : رشووود .. تغازل اختيه و أنا جدامك ...
راشد : سر لا ..توها تقولي انا مثل اخوها الصغير .. قطعت عليه الأمل ...ماشي أمل .. لو بغازل فيها من اليوم لين باجر ...
سعيد : زين سويتي فيه .. ما ينعطى ويه ...
حمد : بخبركم قوموا ..خلونا نطلع ...
سعيد :أنا باخذ اختيه و بنت عميه بركبهم ويايه ...
حمد : و انا منو بيتم لي ؟!
راشد يصفّر و يطالع الصقف ..:احم احم أنا منو بيركبني ؟!و إلا اسوق بروحي ...
حمد : لا لا تسوق بروحك و لا شيات ..اقولك اعشق الراحة .. بتي ويايه ..مخي مخبق اخليك تسوق بروحك ..لين بوظبي ..اذا هي ساعة انته بتسويها ثلث ساعة ...
راشد : انزين .. مشينا ...
سعيد : مشينا ...
و في السيارة ... حمد و راشد ساكتين ما يرمسون ..أما عند سعيد فكلهم مرتبشين على سوالف و ضحك و رمسة ... و مسجل و أغاني و حالتهم حالة ..
خولة : سعيد ربشتنا اقصر عليه شوي ...
شما : الله ..ميحد .. و الله فنانة هالأغنية ..
سعيد : هاذي شما تباها .. بخليها ...
خولة : سعيد ..مبايلك يرن ...
سعيد : هاذا راشد ...
راشد : الو .. سعيد .. شخباركم ..
سعيد : هلا .. بخير الحمدلله ..بلاكم؟؟
راشد : ما شي اطمن عليكم رقدتوا و إلا واعيين ..
سعيد : لا واعيين ..
راشد : شكلها حالتكم احسن عن حالتي ..
سعيد : عسى ماشر ..
راشد : حمد بيجلطني ..لا يرمس و لايسولف .. المسجل مب مخلني افتحه ...مادري بلاه ؟!؟!
سعيد : حليلك .. حالتك مستعصية ..
راشد : اخبرك ما خليت واحد من الربع ما دقيتله ..بس عشان ارمس و اهذرب وياه ..
سعيد : عطني اياه برمسه ..
راشد : اصبر ...
حمد : هلا ...
سعيد : مرحبا .. بلاك انته ويا راشد .. خف عليه انته مطلعنه تريحه من هم الدراسة هب تكبت عليه ..
حمد : اشو تباني اسوي به ؟!؟
سعيد : بخبرك بنمر المزرعة وقف موترك هناك و اركب ويايه انته و رشود ...
حمد : بتزدحم سيارتك ...
سعيد : ما عليك شي مكان إلا انتو ثنينة هب جبيلة ..
حمد : على رايك ....
و بعد دقايق يركب راشد و حمد ويا سعيد و خولة و شما ..في هاذي اللحظات بتتعرف بنت عم حمد عليه .. و بتعرفه حق المعرفة ..حمد من النوع الحبوب و المسالم اللي ما يؤذي أحد .. طيوب ..يوم كانت خولة ترمس عنه ويا اخته كانت شما دوم ادافع عنه .. و تشرح لها انه يخاف من العلاقات ..عشان جذه ما يقرب من حد إلا اذا عرفه زين ..ممكن نقول حذر في علاقاته و اجتماعيته ..قضوا طريجهم و هم مستانسين و عقب ما انفتج شوي وياهم حمد و اندمج و خذ على خولة شويه .. و تفاعل مع السوالف و النكت شافت فيه خولة انه انسان حبوب .. ومرح . بدت هي بعد تاخذ عليه ..
سعيد : دقايق و بنوصل ..
خولة : زين لأني مليت من اليلسة على هالكرسي ...
راشد : و أنا بعد ...
شما : هييه بس ما انكر ان انا استانست في الدرب ...
حمد : و أنا بعد ...
راشد : لو ما نقذتني يا سعيد مادري اشو كان بيستويلي ويا حمد ...
حمد : يزايه مودنك ...
راشد : مودني على عيني و راسي لكنه كابت عليه أنا إذا ما هذربت لي نص ساعة و سولفت ..أموووووت ..
كلهم يضحكون ...... يوصلون و يبركن سعيد السيارة ... و ينزلون و يفرشون لهم حصير .. و ينزلون الجاي و القهوة اللي سوتهم مالا على عجل ..
شما : خولوووه .. سيدة يلستي .. قومي قومي .. بنلعب في الماي شوي ...
خولة : يالله ..
راشد : اتريوا بيي وياكم .. بنتمشى عالسييف ..
ساروا و تموا يلعبون بالماي ... كان الهوا عليل و نسماته روعة روعة روعة ... سايرين و رادين ...
راشد رد عند الشباب ...
حمد : جيه رديت عنهم ...
راشد : لاعت جبدي من سوالفهم ...
سعيد : هههههههه ..
راشد : تضحك ..ها سر امشي وراهم دقيقتين .. بتلقاهم يخبرنك قصة حياة عايلة بأسرها .. إلا بنتهم ما دري شو بلاها وولدهم عرس و ما ياب عيال ..و لا خلهن يرمسن عن عرس و إلا ملجة ..
حرييييييييم .. خسا لله سوالفهم ..
حمد سمع كلمة ..ملجة .. تذكر صورة خولة اللي انطبعت في ذاكرته ..ما صدق انها ترجع له ..و يفكر فيها ...
خولة و شما يمشن على البحر و صوب الماي ...
شما : محلاته المكان .. يجنن عرف سعيد يختار ...
خولة : صدقج رووووووووعة

شما : في اشو يذكرج البحر ...
خولة : في اللي بعيد عني .. و ولهت عليهم ...قوم امييه .. امييه ..ابويه..حميد .. طارق .. نجول و علايه ..
شما : و أنا بعد ...
يسكتن شوي ... شما : محلاته البحر لو كنتي تحبين ..
توقف خولة .. بس شما تكمل دربها عقب تنتبه حق خولة ...
شما :بلاج؟!
خولة : شو قلتي ...
شما : افرضي انتي تحبين ..و اللي تحبينه وياج ...و يايين البحر
خولة : شمووووووه شو تخربطين ...
شما : ما اخربط جد ...
تلف خولة و تشوف الشباب يالسين و فخاطرها عن منو ترمس شما .. راشد اخوها .. حمد اخوها منو ترمس عنه .. تشوف سعيد و تفتح عينها عدل ..
تفهم خولة منو تطري شما ...
خولة : شموووه .. سعييييييييد ؟!؟!؟
شما : ...........
خولة : ردي ..
شما :...
خولة : من عيونج .. تحبينه .. و هو ما يدري ..حليله اخويه ما يدري ان في ناس مولعين به اهنه
شما تغني : معاه يتم انسي و انسجامي و بدونه حالتي حالة شجية ...و حبي له تسبب في غرامي و نفسي له هديه..
خولة : شموووووه من متى ؟؟
شما : بخبرج بس ما تيبين سيرة حق حد ...
خولة : ارمسي ..
شما : من أيام الثانوية ...
خولة : وساكته ... يا ربييييه و انا ما دري ..
شما : يأشرون لنا خلينا نسير ...
خولة : شموووه ...
تتجدم شما خولة و تمشي عنها لين عند اخوانها ...
سعيد : خوالي .. يالله بنروح ...
خولة : تونا يايين ..
سعيد : ماروم أتأخر .. ورايه شغل بسير المزرعة ابويه موصني امر اطالع جان يبون شي ...
خولة : امري لله مع اني استانست ...
سعيد : الحمدلله المهم انتي ....
يروحون كلهم و يردون العين ... عند المزرعة يركب راشد ويا حمد و البنات وياهم ..
خولة : سعيد دقلي ... و مر لا تقطعني ..
سعيد :و لا يهمج ..كم خوالي عندنا ..
يردون البيت ...و على دري البيت .. شما و وراها راشد .. وبعدهم .. خولة وراها حمد .. و تفرقوا ..اللي سار يتسبج و اللي بيلحق على صلاة و اللي عنده شغل ...
شما : خوالي بدش قبلج اتسبح ...
خولة : اوكييه .. بسير اييب التيلفون من تحت ابغي ادق حق طارق ..بسأل عنهم صار لي 4 ايام من رمسيتهم ؟!...
شما : خلي حمد يدق لج ...
خولة :اوكييه ...
و في الصالة تشوف خولة حمد ...
حمد : بغيتي شي ...
خولة : حمد لو تسمح ادقلي حق قوم امييه ..
حمد : انشالله .. اييب حمد التيلفون و يدق لهم المرة الاولى ما ردوا المرة الثانية ردت عليها عليا ...
عليا : الووووووو
خولة : علاااااااايه .. هلا و غلا ..
عليا : خولووووو .. فديتج مرحبا يا حي .. اتولهنا عليج ليش ما دقيتي ...
خولة : انشغلت بالمذاكرة ...
عليا : اتذاكرين و إلا مشغولة في رشوووووود ..ها
خولة : بسج تنغزين فيه و الله رشود مثل اخويه ...
عليا : ابووووووويه هاذي خولة ..
بوحميد : هاتيها برمسها ..
خولة : هلا ابويه السلام عليك .. شحالك شخبارك انشالله بخير..
بوحميد : هلا بملح حياتي ..و عليج السلام احنا بخير عساج بخير ..
خولة : ابويه متولهة عليك وايييييد .. ما وحشتك حشرتيه ..
بو حميد : وحشتنييييه و و انتي بعد لج وحشة ..
بوحميد : شخبار الدراسة .. و عيال عمج شخبارهم وياج .. قاصرنج شي .. بواجعهم لو مب مهتمين فيج ..
خولة : قاصرني يا بويه انتو .. و عيال عميه هب مقصرين ويايي ..
بو حميد : سعود وينه عنج ...
خولة : بوييه سعيد عنده امتحانات .. توه كان عندي .. و قال بيسير المزرعة بيشوف جان يبون شي ..
بوحميد : هااا زين زين .. عاد سلمي على عيال عمج ..
خولة و الدموع في عينها : يبلغ .. انته سلم على حميد و طارق و اميييه قولها ولهت عليها و على نجلووووه بعد .. وينهم ..
بوحميد : نجلاء و امج سايرين السوق ويا طارق ..
خولة : هيييه .. ما بطول عليك ..
بو حميد : هييه الغالية تحملي على عمرج تراه ما بقى شي عالإمتحانات ...
خولة : انشالله ابوييه ..
بو حميد : فمان الله ...
خولة : فمان الله ...
تبند خولة التيلفون و تعطيه حمد ... و تمسح دموعها بعيد عنه ...
خولة : مشكور يا حمد .. ابوييه سلم عليك ..
حمد : خولة ..
خولة : هلا ..بغيت شي ..
حمد : خولة أنا اسف ..
خولة : لا و لا يهمك ...
* * * * * * *
يتبع

اختكم شمس دبي

شمس دبي

21-06-03 ||, 01:41 PM

و هذا الجزء الرابع
------------
------------
ليلة الإمتحانات .. حالة طواري عند خولة محد شافها .. كله منخشة و تذاكر عشان بس تسوي زين ..كان امتحانها الأول ..كيمياء ..لا تريقت و لا تغدت و لا حتى بغته العشا .. و في الليل ..
حمد : رشوووود بنت عمك وين ؟!
راشد : اووووووووه .. هاذي متقوقعة و معتكفة تراجع و تذاكر ... مالها خص فحد ..
حمد : ازقروها تاكل فطاير ويانا ..هب زين اتم جذه ..لا أكل و لا شيات ..
شما : ما عليك ...خوله مسويه حسابها في اليوع سارت السوبرماركت ويا سعيد و سوت غزو على قسم الشيكولاطة و الكافي و الشبس و ما خلت شي ..
حمد : حلاوة و كافي .. وين تسد اليووع هالخرابيط ..
خولة : السلام عليكم ...
راشد : و اخيرا شفنا ويهج ...
حمد : عليكم السلام ..ويتج يا بنت الناس لا غدا و لا عشى و لا حياة ..
خولة : هاذي انا يعت و الكافي ما سد يوعي .. ييت اسوي غزو على اللي تاكلونه ..شو تاكلون ؟!؟!
راشد : فطاير ...
خولة : زييييين يوعاااااااانة ..ابغي جبن ..شي ..
شما : موجود ... تفزل ..
خولة : هههههه .. فزل دايم ..سلم عيون ..هههههه
راشد : استخفيتن ...
حمد : ايلسوا خلونا ناكل ... رشود افتح التلفزيون ...
راشد : حاضر يا بيه ...
حمد : لو بغيتي شي في الكيمياء أنا حاضر ..
خولة : مشكوووور ..
حمد : هييه تراني فلتة زماني في الكيمياء ..
راشد : من متى ؟؟؟؟
حمد : لم ...لم ثمك ...
كلوا الشله الفطاير و يلسوا شوي يطالعون تلفزيون و عقب كل ٍ سار حجرته ...
حمد في غرفته يالس ..يفرفر بين المسجات و يطالع مبايله .. يبغي يرقد مب عارف شو يسوي بعمره
حمد حق عمره : خسك الله ارقد انهيع .. هم اللي عليهم امتحانات و انته اللي واعي .. تلقاهم رقود ... ما شي غير ايلس اقرالي مجلة ..احسن طريقة اييب فيها الرقاد .. و ارقد .. شو هالمجلة .. ويييه عدد مال سنتين شو يسوي اهنه .. ما عقيتها و مخلنها ...شو هالصوت ...

خولة .. كنت سايرة برقد عشان انش باجر من وقت لكن ما عرفت ارقد من الزيغة .. و كل ما غمض عيوني اتذكر القوانين و نظريات الإستبعاد و الإحلال و الإتحاد .. قمت عشان براجع شوي يمكن اهدى و انا طالعة ..كلهم رقود .. الساعة استوت قراب الوحدة .. عقيت سلة التيلفون ..اويييه بينشون الحينه ..
شمووووه ما بتنش ادريبها رقادها شراة الأموات .. راشد ينش على أي شي بس اظنييه بيدبها رقاد عدل اليوم ..اويييه حمد ..
حمد : خولة .. شو بلاج بغيتي شي ..
خولة : حمد .. روعتني .. كنت طالعة اراجع شوي ..بس اتخرطفت بواير التيلفون و طاحت السله ..
حمد : هيييه .. سمعت الصوت ..
خولة : عسى ما واعيتك من رقادك ..
حمد : لا .. ما كنت راقد ..
خولة : ليش بغيت شي ؟؟...
حمد ما عرف شو يقولها .. يقولها ما رقد لان باجر عليها و على راشد امتحان بتضحك عليه ..: لا بس يعت مع اني متعشي .. ما ادري شو السالفة ..
خولة : و لا يهمك بنزل اسويللك سندويشات ...
حمد : لاااااااا ...
خولة : لا عادي و لا يهمك ... تهد خولة كتابها و تنزل المطبخ التحضيري اللي تحت يلحقها حمد ...
خولة : ييت .. تاكل جبن و إلا لبنه ...
حمد : لبنه .. لالا جبن احسن ..
حمد فخاطره .. اشو سويت بطني متروووووس موصل حدي منو بياكله هذا ... ارمس و لا افكر في رمستيه ..احسن عشان تتأدب و تقول الصدق مرة ثانية ...
خولة : تفضل ...
حمد : مشكووورة .. ايلسي بتاكلين ويايه ...
خولة : بييب كتابي انت ايلس كل ...
سارت خولة و يابت كتابها و يت يلست على الكرسي اللي محطوط عند باب المطبخ بعيد عن حمد ... حب حمد انه يفتح اي موضوع عشان يمر الوقت يرمس ويا بنت عمه حديث ساذج ...
حمد : شو مستعدة حق الأمتحان ..
خولة : همممم ؟؟ هييه و انشالله اسوي زين ...
حمد : الله يوفقج ..
خولة : تسلم ...
حمد : ما تبين ؟!؟!..
خولة : لا مشكوووور ...
خولة : حمد ممكن سؤال ؟!
حمد : نعم ...
خولة : أقولك ..خلاص ..خلاص ..
حمد يبتسم : لا عادي .. شو بغيتي ..
خولة : حمد ليش فتنت عليه ؟؟ ..
حمد يضحك : هااااااه ... أنا من النوع اللي وايد أخاف من المواقف اللي مثل جذيه..
خولة :مممممممممم..
حمد فخاطره ..شو مغزاج يا خولة من هالسؤال ..
خولة فخاطرها ..ليش سألته هالسؤال ... من قلة السوالف ...
حمد : لا يكون زعلتي ...
خولة : لا .. عادي
تنش خولة بتشرب ماااااي ..
خولة : حمد اعتبر اني ما قلت شي ...و طلعت من المطبخ ..و خلت حمد يفكر في رمستها

نشت خولة ثاني يوم على صلاة الفجر واعتها شما .. صلت و سارت تقوم راشد ..عشان ينش يصلي في الصالة لقت حمد طايح و متوسد تكية و راقد ..سارت و يابت من حجرته لحاف و جان تغطيه ..و كملت دربها لين حجرة راشد عشان تواعيييه ...اللي ما انتبهت له خولة انه الحلوة شما شافتها و هي تغطي حمد ..
يوم شافتهم شما .. قالت : لااااااازم اسوي شي ...

قام راشد و صلى و سار الصالة اللي تحت و يلس يراجع شوية و عقب عالساعة ثمان تلبس .. عشان يسير يمتحن ...
راشد : ها خوله منو بيوديج ...
خولة : انته ...
راشد : لااااااااه .. وين لجنتج بتكون ..
خولة : الحمدلله في مدرستيه ..
راشد : شمووووه باخذ سيارة سالم وين المفاتيح ..
شما : و الله قالي انه حاطنهم في الكريستال اللي فوق التلفزيون ...
راشد : اوكييه .. خولة اسبقيني و انا بييج ...
خولة : اوكييه .. بااااي شموووه ادعيلي ..
شما : أكيد ما يبالها ..سيري يا خولة يا بنت سيف الله يوفقج و تسوين زين و ترفعين راسنا ..
راشد : وانا ؟!؟!؟
شما : و انته بعد ..
يوصل راشد خولة مدرستها و تمتحن .. تقول سوت زين مع انه الإمتحان كان صعب .. سم على قولتها ...و يطوف الإمتحان الاول و الثاني و الثالث ..
طافت ايام الإستراحات ..و يا يوم اخر في الإمتحانات .. و تسير خولة و تقدمه و ترد و هي فرحانة لأنها سوت زين من صوب و لأنه كان اخر يوم ..
و في هاليوم يدق سعيد حق خولة ..
سعيد : خوولووووه شو سويتي ...
خولة : اسكت يا سعيد الإمتحان شو كان سهل على الله اييب فيه درجة زينه ..
سعيد : عيل افتكيتو ...
خولة :الحمدلله ..
سعيد : و رشود ..
خولة : مادري عنه .. يقوا انه اخر يوم من عقب الإمتحانات ما بيرد البيت ..
سعيد : جييييه ؟!
خولة : مادري به ..
سعيد : اوكيه بخليج برد ادقلج الليلة ..بااااااي

خولة : باااااي ..
يدش راشد و هو شال جميع الجرايد اللي تصدر في دولة الإمارات ...من الخليج لين الاتحاد لين البيان ...
شما : لا إله إلا الله من وين يايب هذا كله ..
راشد : محد يرمسني .. بقرا الاخبار .. صارلي 3 أسابيع ما عرفت الاخبار و لا عرفت اشو استوى في البلاد و في العالم ..
شما : ههههههه .. صدق عقل ..
خولة : سلم عليك سعيد ..توه كنت ارمسه و سأل عنك ..
راشد :سألت عليه العافية ..
حمد يطلع من حجرته و ينزل الصالة ...
حمد : السلام عليكم ..
كلهم : وعليكم السلام ...
شما : حمد فديتك قم طلعنا ..هاذيلا و خلصوا امتحانات و اليوم الخميس و ما عندك شي ..
حمد : لا عندي و عندكم بعد ...يدوه تبانا انسير نتغدى عندها ..
شما :جيه يدوه ما قالت بتسير الباطنة بتقيض هناك اسبوعين و بتي ...
حمد : خخخخخخ الباطنة ...أجلت السفرة ...
شما : هذا الغدا ..و ادبر ..الليلة بنسير مكان ثاني .. ما طلعنا من قبل الإمتحانات ..
خولة : هيييه حمد فد ... بتكمل خولة و كانت بتقوله فديتك ..بس انتبهت حق عمرها محد انتبه غيرها و غير حمد ..هو فتح عينه على هالكبر ..هي بترقع اونها ..
خولة تلف صوب شما : شمووه ما دقوا قوم امييه ..
شما : هييه دقـــــ .... بتكمل قاطعها حمد ...
حمد : دقوا و قالوا بيدقون يوم بيوصلوووون منطقة (مسن ) (MESN) .. تسمعه خولة بس تتحاشاه و ما تتطالعه عشان ما تي عينها في عينه ..
حمد : خلاص .. بنسير بيت يدوه و بنتغدى هناك بيي سعيد و عيال عمييه عبيد.. محمد و عمر و عبد الرحمن ..
شما : شيخة و سلامة و جواهر ..
حمد : كلهم بيوون هناك .. الساعة كم الحينه ؟!
شما : حول 12:30
حمد : قوموا البسوا ما نبا نيوعهم ...
تنش خولة و شما و يسيرن يبدلن طبعا و الشباب وراهم ...
شما : خوالي .. اشو البس ؟! تنورة .. و إلا ..
خولة : نصيحة من بنت عم لبنت عمها .. البسي مخّور .. احلى كندورة مخّورة ..
شما : هاااااا..
خولة : سعيد بيكون هناك ..
يحمر ويه شما ... شما : انزين انتي بعد البسي مخّور ..
يتكشخن بهنتيناتهن و يلبسن احلى المخاوير و ينزلن ...
راشد : اوووووه خواتيه مواطنات اليوم ...
حمد يشوفهن عيبته طريقتهن في اللبس .. خاصة اللبس .. معلومة .. شبابنا يحبون التراث ..احفظوا المعادلة ...
(كندورة مخورة + حناء و خضاب + شعر طويل + اذا تعرفين الخبيص و البثيث و اللقييمات يكون أحسن = الزواج من معرس مزيون ...)
شو كنا نقول ... هييه .. عيبته الطريقة بس غار عليهن .. غيرة حمد على شما كانت طبيعية .. فسرها غيرة اخو على اخته .. بس غيرته على خولة ما عرف يفسرها ابدا ...
حمد : زهبتن ... يالله نطلع ... و ساروا بيت يدتهم عليا .. و تيمعوا عالغدا مثل كل يمعة كلهم ويا بعض ما شي من بينهم شي .. بس من عقب الغدا البنات في جزء من الصالة و الشباب في الجزء الثاني ...
عائشة (العمة ) : نورتووونا ... يا حيكم على هاليمعة ..
جواهر : عموووه مب قاصرنها غير عليوه و نجلاء و امهم ..
عائشة : امييه عليوه و نجلوه و امهم في ربوع المانيا ..
شما : ناقصنها امييه و خواتيه بعد ..
اليدة : تقدرون تقولون قاصر اليلسة بزار و بهارات ..
الكل يضحك ....
الشباب نصهم متيمع و يلعب بلايستيشن و هذا الجزء المتفيج ( راشد و عمر ) و جزء يلعب ورقة ( عبد الرحمن و حمد )الجزء الثالث ( محمد و سعيد ) يناقشون الإقتصاد اللي يشوفهم يقول بيحلون مشكلة الفجوة الغذائية في العالم العربي ....
شيخة ترمس اختها سلامة وياهم خولة : ما تلاحظون في تغيرات جذرية مستويه ...
سلامة : شووووو؟؟
شيخة : خوالي.. سلووووم سلامة ... لاحظن حمد متغير واااايد .. وايد اجتماعي مستوي ..
شما : اخوية من بونه اجتماعي حبوب و طيوب .. بس كان مكبوت شوي .. و الحين استوى فففرررييي .. FREE..
جواهر : شوفي محلاته يوم يكون جذه ..
تخزها خولة بعين ..بس الخدية جواهر ما تفهمها .. ما عرفت خوالي ليش هي سوت جذه .. شلت عمرها و سارت حجرة عمتها عائشة ..
خولة ..شو اللي سويته .. رمست حمد مرات وايد بس البارحة بغيت اعرف منه شي أنا ما اعرفه اشو هو ..ما تحملت وحدة مدحته و فرت و كنت بقوله فديتك ...يا الله ..شو يالس يستوي لي ..
لا يكووووون .. لا لا لا حلمانة .. شو حلمااااانه انا بعد ..جني إلا حبيته .. فتنة وحدة منه و حبيته .. عيل لو متواجع وياية و مضارني اشو بيستوي عليي..كنت استانس يوم اشوفه من أيام يوم كنت في أول ..الحين لااااا ..اقص على منوه أنا مخلوقة و انا عاشقتنه ..اوووووووووووه ...لالالا ..دار راسي ..تنتبه خولة على صوت عائشة ..
عائشة : خولوووووه ما خبرتج ..حطوني مشرفة على منتدى التعارف و الإهداءات..
خولة : مبروووووووووك .. مبرووك .. تحيدين يوم تخبريني ...و تقولين و الله ما بهدهم لين ما يحطوني مشرفة ..
عائشة : قلت ما بهدهم لين ما يحبوني و يحطوني مشرفة ..
خولة : و حبوج ؟!؟!
عائشة : افااااااا عليج ..من اول نظرة .. انا عويش و الأجر على الله ...
ايلسن شوي و عقب يسيرن الصالة ...
اليدة : خوالي فديتج هاتي صينية الفالة من عند الشباب ...
خولة : انشالله ...
تسير خولة صوبهم ..و تتنحنح و تتكحكح..
سعيد : هلا باختيه .. بغيتي شي ..
خولة : مطرشيني اييب صينية الفالة ..
حمد : سيري و انا وراج .. يهد الورقة من ايده و يشل الصينية و يمشي ويا خولة لين عند الستارة ..
خولة : حمد ..خلاص هاتها ..
حمد : ها ؟؟!
خولة : هات الصينية أنا بشلها كفاية عليك شالنها من هناك ..
حمد :.. ما تروميلها .. قولي لهن يتغطن و بس ..
خولة : بنيات اتغطن حمد بيدخل ...
حمد : السلام عليكم .. يدوه يايينج ما ييتي تيلسين ويانا كله يالسه عند البنات ..
اليدة : و لا يهمك بييكم الحينه .. ايلس حمد يسولف ويا يدته شوي .. و عقب يسير عند الشباب ..
يأذن العصر فيطلعون المسيد (المسجد )جماعة .. و في دربهم ...
عبد الرحمن : ما كنت اتوقع انه بنت عمييه سيف تكون جذه ...
حمد هز كيانه رمسة عبد الرحمن عن خولة :.............
عبد الرحمن : والله وكبرت ...و احلوت ...
حمد فخاطره .. هذا شو يقول .. ما يستحي .. و الله مذهب عنده ...
يتبع

بن دبي

21-06-03 ||, 02:08 PM

انزين متا بتنزلين الجزء الأخير خاطري اخلصها بسرعة ...............:)

شمس دبي

22-06-03 ||, 12:14 PM

الجزء الخامس ساروا و صلوا و ردوا على طووووووول زقر حمد شما و قال لها تتلبس عباتها هي و خوالي عشان بيروحون ....و روحوا ...و في البيت .. سار حمد حجرته و تم يفكر في غيرته ....

... حسب حمد المعادلة .. لقى انه خوفه عليها مضروبة في 2 و غيرته عليها من عبد الرحمن مضروبة في 2 و انه يفتقدها و هي موجودة مضروبة في 2 و 3و 4و5 الناتج ... يطلع ناتج المواد المتفاعلة ... انه يحبها .....
هات القلم بكتب وصية مماتي ..يا لأجل ما يتعبون حلوات العيون .. يوم انهن كانن سبايب وفاتي ..ممنون لو منهن ترا مت ممنون ...
غناها حمد .. يوم انه اكتشف انه يحب ما صدق ..كان شاك بس تاكد ..هو ما كان شاك كان يحب خولة من زمان و كان يعرف انها موجودة في مكان ضايعة من بين محاني قلبه .. نزل من حجرته يوم شافها .. ما عرف شو يسوي .. طول حياته كان حمد يشعر و يقصد و يكتب أبيات ما يعرف لمن ..بس الحينه .. عرف لمن ...وصل لين نص الطريج للصالة ... تردد يدخل ... رد ... سمعها تضحك ..ضحكتها خلته يرد ..دخل .. :شو تسوون ؟؟ ...
شما : مثل ما تشوف مجابلين اخويه العزيز و نسولف ... بغيت شي ؟!
حمد : لا .. بس بغيتوا تطلعون ؟؟
شما : هيه ..هيه .. بغينا نطلع ... طلعنا ...
حمد : وين تبوني اوديكم ؟؟؟
شما : مادري ؟؟؟
حمد : خولة شرايج ؟
خولة : وين ما بتسيرون وياكم ...
حمد : انزييييين ..انزين .. شرايكم نسير المارينا ... بوظبي ؟؟؟
راشد : لاااا ..بعيد .. لا تنسون إن سرنا بنرد متأخرين و يمكن اميه ادق ما تحصلنا ..
شما : هيه صدق ....مب حلوة ما يلقونا ...
حمد : لو بغوا بيدقون عالمبايل ... يالله قوموا قوموا .. تلّبسن بسرعة ..رشود انته بعد ...
شما : خولوووه قومي قبل لا يرد في كلامه و يقول لنا يلسن ما شي طلعة ...
خولة : يالله ...
يسيرون يغيرون ثيابهم ..و يستعدون للطلعة ..و يركبون السيارة ... و في الدرب ...
حمد : مليتو .. بسمعكم شي ...
شما : شو بتسمعنا ؟؟
حمد : اصبري ...رشود شل ايدك .. .. يطلع حمد شريط و يحطه ...
خولة : منو هاذا اللي يشل ..شلاته حلوة ...
شما : صوته حلو ...
حمد : تبون تعرفونه ...
راشد : منو؟؟؟؟
حمد : هذا سلمكم الله .. اسمه حمد بن محمد
شما :شو جبيلته ؟؟
حمد :ايييييه بلاج تبريتي مني ؟؟؟ هذا حمد بن محمد ..أنا .. شككتي في اصلي ..
خولة : جد هذا انته ...مشالله عليك ..
حمد : لا لا لا شرايكم ..انفع ؟؟
راشد : سر لااااااا .. هب انته ..
حمد :و الله أنا ..و خشيمك ..
راشد : لا مالك خص في خشمي الحلو.. صدقتك .. صدقتك ...
شما : اثبتلي و شل .. هات شلة فنانة عاد ...
حمد : الحينه ...
راشد : ويييييه فشلوه ...
خولة : يالله ...
حمد يشل شلة من هالشلات .. حمد تمناها تفهم قصده ..
شل و قال ...بو يادل بنساعه ..واجف على الطروق .. شروى البدر مطلاعه .. خده سنا ببروق ..اوياه بوقف ساعة ..لو ما نضج الدقوق ..
.. شلها حمد قال و كمل
خولة عيبها صوت حمد .. و حبت الشلة و استانست عليها .. تمنت انه يعطيها الشريط من نفسه .. قاطعت افكارها رمسة شما ...
شما : حمد .. فديتك ..عطني إياه ...
حمد : شو ؟
شما : الشريط ...
حمد : بس بيتسرب .. بتسربينه ...
شما : لا فديتك منو عندي بيسربه بعد انته .. بلييييييييييييز ؟؟؟؟؟؟
حمد : اوكيه يوم برد العين بعطيج نسخة ...فيه أكثر عن شلة ..
خولة فخاطرها ... الحمدلله يوم شمو بتيبه بسجله من عندها ... بخليها تسوي لي كوبي منه ...
راشد : حمد مطولين في الدرب ....
يزيد حمد من سرعته شوي ...بس مب وايد لأنه يعرف ان خوالي تخاف ...
خولة : حمد أنا أزيغ من السرعة ..
شما : خولوووه ما بنوصل لين باجر ...لو ساكته مب احسن لج ..
حمد : شمووو .. شوي شوي عليها اللي يقول انتي ما كنت تخافين..
راشد : اشك اشك .. قالولج خخخخخ قالولج ..
شما : أقول لازم يعني تنشر فضايحنا ...و تفر راشد بغرشة الماي .. اللي كان يالس في الكرسي الأمامي ..فيردها راشد على شما..
خولة : بلاكم بلاكم ...
حمد : لا تكافخوا ...جدامي بعد .. انزين أنا برايه .. حشموا بنت عمكم ..صدق مذهب ..
خولة : صدقه حمد حشموني ...
راشد :محشومة ...
يرن مبايل حمد : بخبركم عن الرمسة الزايدة .. تيلفون ..
حمد : ألو السلام عليكم ...هلااا
سعيد : و عليكم السلام .. مرااااحب ..
سعيد : وينكم ؟؟ و ين مختطفين اختييه ها؟!
حمد : بغوني أطلعهم تقول مشغليني دريول حقهم ...
شما حق خولة : و الله محد ضربك على ايديك و غصبك ..
سعيد : وين سايرين ؟؟!!
حمد : وين تتوقع ...
سعيد : حموود لااه لا تسوي جذه ...وينكم ؟!
حمد :بنسير المارينا تونا داخلين بوظبي ..
سعيد : ول شو مودنكم.. هب بعيد ؟؟
حمد : شو نسوي بعد..
سعيد : اوكييه يالله ياينكم ...
حمد : ويين من العين .. استهدى بالله .. لا بالله اتخبلت ..
سعيد: لا أنا هب في العين .. في بوظبي ياي اخذ اوراق و ملفات موصني عليهن حميد ..
حمد : اوكييه .. بنتلاقف وياك هناك ..
سعيد: انزين .. يالله استودعك الله الذي لا تضيع ودائعه ..
حمد : خخخخخخخخ ..في امان الله يا اخ العرب ..
حمد : سعيد اهنه ..بيينا المول ..
يوصلون و يتلاقون بسعيد و يتمشون و يحوطون من محل لين محل و عقب يوم تعبوا تعشوا و روحوا ... تمر الأيام و يا يوم ظهور النتايج اللي ناقزت فيه خولة من الفرحة على ريول وحدة ..خولة نجحت و يابت نسبة ترفع الراس يابت النسبة اللي كان كل طموحها انها تيبها و ادخلها الجامعة في كلية محترمة ..
راشد : ها يا بنت العم من 8 ناشة ...
خولة : رشود اسكت عني هب طايجة شي من الزيغة بموت ...
شما : خوله حبيبتي ما بيستوي عليج شي بتيبين نسبة زينه انشالله ..
خولة : اسكتوا اسكتوا .. خلونا نسمع ..
حمد و هو في ميلس ربيعه .. اللي كان مقدم ثانوية عامة السنة لأنه ما كمل و اشتغل ماله و مال الدراسة ..
عامر : حمد أنا أتنافض .. شوف يديه ...
حمد :استهدى بالله بيطلع اسمك ناجح انشالله ..
وهو يالس اييه مسج من شما : حمد خوالي نجحت ..97,3
يدق حمد على طووول : ألو ...هلا شما ..
شما : مرحبا ...
حمد : باركي حق خولة عني .... عقبال شهادة الجامعة ...
شما : خذ رمسها و قول لها بنفسك ...
خولة : ألو هلا حمد ..
حمد : مرحبا خوالي ... مبرووووك
خولة : الله يبارك في حياتك ..
حمد : عقبال ما نباركلج بـ .... بشهادة الجامعة
خولة : مشكووووور
حمد : و راشد ..أكيد مسود ويهه..
خولة : لااااااه .. راشد ناجح نسبته ..87,7
حمد : لااااااه تسولفين ..
خولة : والله ...
حمد : محد سواها قبله حدنا 85لااااااه كسر القاعدة ...
خولة : قلنا لكل قاعدة شواذ ...
حمد : لااااا..اوكيه باركيله .. وينه ؟؟
خولة : من فرحته قال بيعزم ربعه و بيوزع كولااا ..
حمد : خخخخخخخ ..هب مصدق عمره .. أصلا هو ما بيهتم في الدراسة لولا انج وراه ...
خولة : هههه ..حمد شما تباك ..
شما تكلم حمد و توصيه ياخذ بعض الأشيا فدربه للبيت.. و تسولف وياه شوي ...
تكمل خولة في بيت عمها حول شهرين و اسبوع من عقب الإمتحانت طبعا خوالي انشغلت في التسجيل و مقابلات الجامعة .. هذاك اليوم اللي عرف فيه حمد خولة اشو بتدرس انجلب كيانه ..اكتشف حمد إن خولة في بالها انها تدرس طب ... بس بس .. خولة فكرت انها ما تبغي تعمر في الجامعة و تقضي حياتها فيها .. قررت تدخل هندسة و تم قبولها ...
اقترب موعد ردة أهل خولة البلاد و قوم عمها بعد باجي على ييتهم يومين و في هاليومين كانت خولة تسير عسب تزهب البيت عشان ردة أهلها .. و ينظفون و يرتبون و يغسلون و يدخنون و كانت شما وياها تسير و ترد .. و حمدوسعيد و راشد ايسلون في الميلس لين ما يخلصووون البنات شغلهم و عقب يروحون و كانوا سعيد و شما غالبا ما يلتقون في الصالة و إلا في المطبخ أو في الحوي يوم اييون او يروحون ..
في بيت بو حمد ....
راشد : خولوووووه لا تروحين ..
شما : بنتوله عليج ...لو بس اتمين ...
راشد : هييه بتروحين من صوب و محد بيعبرني عالصوب الثاني ..انته الوحيدة اللي تسمعيني و تسولفين ويايه ..
شما : شرايج خولووووه اتمين عندنا على طووووووول ها ...يعني ما تروحين ..
يطالعها حمد .. ترد خولة : جنج إلا تخبلتي .. تقول خولة هالكلمتين و هي تتريا رد فعل من حمد .. بس ما تشوف شي .. تقرر خولة انها تغير طريقة معاملتها له ..
تشل خولة عمرها و تسير الحجرة ...
و تيلس تفكر ... صدق انك حجر ما تحس عيزت و أنا المح لك صارلي حول الشهرين و نص عندكم و ما شفت منك شي ...اشهد و الله انك محسوب من البشر بالغلط ... يا ربييييه .. ما عليه يا حمد يا ولد محمد أنا اللي بطلع عيونك .. تخسس فيني انزين ...ما بعبرك حتى . افففففففففف.. عفست حياتي فوق تحت .. ما اصدق متى اشوفك و إلا اسمعك ترمس ..الله ياخذني و افتك ... ياخذنيه و افتك ؟! لااااه منو قال بخليك بروحك .. استريح ما بخلي وحدة ثانية تاخذك...بييك اليوم اللي بتتندم و تتحسف .. بييك اليوم اللي فيه ....
و تكمل خولة تحرطيمها .. و على صوت شما توقف ..
شما : خوالي ..سعيد تحت ..يقولج نزلي شنطتج ...
خولة : صدقيني يا شما بتوله عليج كثر ما انتي بتتولهين عليه و زيادة بعد ...
شما : بس أنا ؟!؟!...
خولة : منو قصدج ...
شما : روميو اللي تحت و مطنش ..
خولة : منو رشووووود ..كم مرة قلنا لكم مثل اخويه ..
شما : ما اطري هذا اطري الثاني .. يا عبلة ...
خولة : .......
شما : ما اشطرج في الإستهبال ... حمد .. و إلا نسيتيه.. وحّاج ؟!
خولة : شمووووووه لميه .. لمي ثمج .. و خليني أنزل ..
و تحت ...
سعيد : ها زاهبة ..
خولة : هييه نعم ..
سعيد : يالله حمد ما بشوفكم لين الشهر الياي ...
حمد : خلني اتوله عليك شوي ...
سعيد : و انته بعد ...
سعيد : خوالي يالله ..

يروحون سعيد و خولة بيتهم و يتواعدون سعيد و حمد عشان يسيرون و ييبون أهلم من مطار بوظبي الساعة 1:30 ..و يوصلون العين بالسلامة.. و يرتاحون طبعا كانت فرحة خولة لا توصف بردة أهلها كلهم دون استثناء حتى حميد اللي دوم يغيضبها و يخسس فيها و يسويبها حركات تولهت عليه ...عقب ما يلسوا ويا بعض شوي ساروا يرتاحون و بالباجر الضحى نشت الأم مثل عادتها تفتر في البيت ...
ام حميد : تولهت على البلاد .. لو وين بتسيرون و بتسكنون لو في قصور ..بعد ما تسوى العين و ريحة العين و هل العين ..
عليا : صدقج امايه ...
خولة : صبحكم الله بالخير .. صباحج ورد و فل و ياسمين يام خولة ..
حميد : احم احم جنه حد تعدى على حقوقي ..
خولة : اووووه انته هنييه .. اسمحلنا الشيخ ما كان قصدنا نغلط عليك ..
حميد : رضينا عنكم ..
خولة : عيل وين ابوييه ...
ام حميد : ابوج راقد ..من البارحة ..ما قام ..
نجلاء : ابويه كان وايد تعبان .. يتعب من اليلسة وايد ..
_ _ _ _ _ _ _ _ _ ( خولة في حجرتها ) _ _ _ _ _ _ _ _ _ _ _
خولة في حجرتها .. تشل شنطتها و تحطها عالشبرية و تفتحها ... اطلع منها الثياب اللي يبالها غسيل و اللي ما يبالها و الأغراض و أشياء التواليت و هي تفرز الأغراض ...لقت شريط شلات حمد ..حضنته .. مع انها قررت تنساه و تقاطعه ..لأنه حمد لو كان يحبها جان لمح لها لو بكلمة أو بحركة ..بس خولة اعتبرت تطنيشه عدم اهتمام ..و تلقى دبدوب صغير.. مال حمد و عطاه شما و شما بدورها اهدته لخولة ..خذته و حطته على الكومدينة .. الطاولة اللي عند راسها ..أما الشريط فكانت خوالي تشله وين ما تسير ...تمر الايام و تبدا خوالي دوامها في الجامعة ...
في البيت و عقب ما ردت البيت اللي كان ملتهي باخبار مرض عمها عبيد ...
نجلاء : ها ابوييه..شخباره عمييه عبيد ..
بو حميد : عمج بخير إلا هو يتدلع له شوي .. عنده ارهاق من الشغل ..
نجلاء :الله يعافييه ما يشوف شر ...
بو حميد : خوالي وين ؟؟
خولة : فديته اللي يسأل عني..
بو حميد : وينج ما شبعت من شوفتج تعالي و ايلسي ويايه ..
خولة : يامر بس الحلو ...
بو حميد : الله يستر من لسانج العسل بس ..
طارق : اووه ابويه رومانسي ...لااااه لااا
بو حميد : أساسا ..أنا اللي مخترعنها الرومنسية ...
ام حميد : وين ما شفنا شي ..
بو حميد : الله يسامحج .. خبريهم شو سويتلج يوم سرنا شهر العسل ...
ام حميد : وين مودني عااد اللي يشوفك يقول مودني لندن و إلا امريكا ...
خولة : امييه وين وداج ؟؟
ام حميد: قص عليه على هاذيج الأيام يوم كان يشتغل في الوزارة ..مطرشينه الفجيرة .لا عاد و يشاورنيه بسير و الا لا .. و من هناك وداني الباطنة ..
بو حميد : احمدي ربج يام حميد على أيامج في ناس الباطنة ما يدلونها ..و الله كانت أيام تحيدين يوم اقصد فيج ..قبل لا اخذج .. ضاربيتهم كلهم الله يرحمك يا بويه شو سوا بي ..ما رضا اني اخذج و بغاني اخذ بنت عمييه لكن ...
نجلاء: تجري الرياح بما لا تشتهي السفن ..
خولة : ابوويه .. خبرنا قوول ..
بو حميد :كانوا يرانا في الفريج الأولي و امها .. تحيدين امج دوم تيينا ..يوم كبرت ما قامت تي وياها ..هيييييهييي سوالف الأول كانت ايام ..
تحيدين ..جل من بالحسن كاسيها .. م الجدم حتى محياها ..لى وصوف نافل فيها ..و الصخات النفس ندراها ..ريــ..
ام حميد : ريم راتع في مفاليها .. وسط غرس الروض سكناها .. ريف النسمة يزاغيها .. هب و داعب بالهدا اصباها ..يعل رب العرش يحميها ..دانه ما ريت شرواها ...
بو حميد : يعني تذكرين الشعر ما نسيتيه ..
ام حميد : وين بنساه..من خذتك و انته تقولي ها البيتين ما غيريتهم ...
طارق : يا حليلك يا بويه ...
خوالي كل ما تسمع القصيد تذكر حمد اللي ناسنها ..ما سمعت خبر عنه من شهور ولا عرفت عنه شي إلا من رمسة طروّق عنه ..عن سيراته و يياته ..
ما بان فيك الغلا و لا هيض شجونك .. و لا شفت عيني و كيف النوم حاربها ..ترقب طيوفك و انته عايش بكونك.. و أنا على حسرتي و انته سبايبها ..
حمد في الجانب الثاني من العين ..ماكان ناسنها إلا يذكرها في كل شي .. كيف تنساك نفسي و انت والله نفسي ..كل ما ابعد يناديني _ حبيبي _ غلاك ..
انتظرتك بعمري يا بعد كل امسي ..انتظرتك و قلبي ينتظرني معاك ..و الله اني احبك و اصدق الحس حسي ..و الرضا في عيوني يا حبيبي رضاك .. تيي الأيام اللي تنشغل فيها عايلة خولة من كبيرهم لصغيرهم بمناسبة اقتراب موعد عرس اختهم عليا .. اللي ما كانت مصدقة انها بتاخذ اللي تحبه بعد قصة حب طويلة..و عذاب و سيرات و ييات وراء الكواليس بيت عمها محمد ..
و قبل الليلة الكبيرة مثل ما يسمونها ...دق سالم حق عليا .. حب يأكد لها مدى سعادته بزواجه منها ..و يذكرها انه يحبها ...
في هاذي الليلة ما يحتاي أخبركم مدى جمال بنات الكتبي اللي كانن ملكات جمال لااااشو ملكات عيل العروس شو تتطلع ... كلهن طلعن وصيفات الجمال بس الملكة الصدقية كانت ... عليـــــــــــــاء ,,كانت ليلتها .. هي راعيتها ..و مثل كل الأعراس ... لازم تكون هناك ربشة و من هالسوالف ...عقب مشهد العرس ..يي مشهد المسيرة اللي بتوصل العرسان لين مشارف العين ..ساروا العرسان شهر العسل جزر المالديف .. مثل ما اقترح سالم اللي كان يبغي يودي عروسته مكان يديد ...
حمد و ربيعه عامر تموا يحوطون لين الساعة 2:35 ..
عامر :حمد..بلااااك .. مو على بعضك احسك ؟؟؟؟
حمد : لااااااااه ..
عامر: جد جد بلاااك ...
حمد : جد و إلا عم ...خخخخخخ
عامر : تستهبل ..سر ول مسوللك قدر اسألك بلاك ؟..
حمد : تبى تعرف بلاني .. بلاني اللي مثل العنود اللي تِرِب الخلايا ..أم الغزال اللي تقود المواليف ..
عامر: عنود و ام الغزال ها ..من متى ؟؟!! ما بعاتبك من ورانا ..بس من متى ها ؟؟
حمد : من الصيف ...
عامر: حمود ..أنا أقول اشو شغلك عنا ..ما قمنا نشوفك و كله مرتز في بيتكم ....
حمد : آآآآآآآآآآآآآآه ...
عامر: افاااااااا..اشو جلب حالك ؟!؟!
حمد : هز المشاعر صعب و اشعالها صعب ..كيف اجعل الخالي من الحب عامر ....
حمد :عامر خبرني اشو اسوي ...علمني انته بو الخبرات
عامر : تعلق عليي ها عسب اني خاطب مرتين .. بس يا بابا اللي ما تعرفه اني خلاص أنا قررت اسمع كلام امييه ...
حمد : واشو كلام أمك ؟
عامر : خلاص بخطب بنت عمييه ... اسمع اسمع ليش ما ترمس ابوها ...
حمد : ارمس عمييه ..أخطبها ...بس البنية يا عامر تدرس هندسة هب معقولة اسير و اخطبها و هي أكيد تبغي تشتغل من عقب الدراسة و أنا الصراحة ما شجع هاذي الشغلة خاصة من عقب العرس ...
عامر: هذا و انته متعلم جذه ...
حمد : لا لا .. يعني بالعقل ما تبغي حرمتك تختلط مع الرياييل مكان واحد ...و إلا انته عادي عندك .. هيه صح ما شي احساس ..
عامر : ولو يا حمد اللي حافظة عمرها ...ما بيغدي عليها شي ...
حمد: ...........
عامر: انته ما بيقنعك شي من اليوم لين باجر .. خلك جذه لين ما تطير البنية من يدك ...
نظر حمد ربيعه عامر نظرة ألم ..حزن ..خوف من الياي ..خوف من إنه لو بيسير و يرمس عمه اشو بيكون رد خولة ...

في بيت بو حميد ..و بعد مرور شهرين على عرس سالم و عليا ...و ردتهم من شهر العسل ..تم دعوة المعاريس على غدوة محترمة و قد أعدت على يد ام حميد اللي نذرت عقب عرس هاذيلا الإثنينة لتذبح لهم عيل (عجل) و تسوي جدر هريس ...طبعا بيت بو سالم كلهم كانوا موجودين ..خلال عشر شهور تغيرت خولة و تغيرت ملامحها و تغيرت شخصيتها و استوت أكثر نضجا ..حافظت على تفوقها في كليتها ...و كل ما تشوفها شما تقول لها ..خوالي تغيرتي ..طبعا للأحسن .. خولة كانت حاسة بها الشي ...في هذا اليوم خوالي شافت حمد ...شافته ..تمت سرحانه فيه ..تفكر فيه ..اتصيح في خاطرها و تصرخ .. تبغي تتأكد ..اذا كان يحبها ...و إلا ...لا ..هاذي الكلمة .. تمنت انها تنمسح من القاموس ...
شما : خوالي ..خولة ..خولووووووه ..
خولة : هلا ..
شما : خولة في منوه مسمهية ...سرحانه ..
خولة : هاااا ... شما تعالي ويايه ... بغيتج ..
شما :خير ؟!؟!
خولة : بنسير الحجرة ..قومي ...
و في الطريج لين الحجرة ...
شما : اشو السالفة؟ ... مهمة ؟
خولة : مصيرية ... مصييرية ..
و في الحجرة ....
شما : شو سالفتج المصيرية ...
خولة : حمد ....
شما : بلاه حمد ؟؟
خولة : تستعبطين ... فديتج شمووووه
شما : ادريبج تحبينه .. و اعرف انج بتموتين عسب تعرفين إذا ..يحبج و إلا لا ...
خولة : آآآآآآآآه ... و الحل انزين ..شمو سنه ...ما شفت شي ..
شما : اوكييه بساعدج ..بس ما شي .. خدمة .. ببلاش ...
خولة : انتي آ مري بس ...
شما : سعيد .....
خولة : خذيه .... و لا يهمج انتي اشتغلي في بيتكم و انا في بيتنا ...
شما : تم القبول ....
و في ميلس الرياييل ....
حميد : ها سالم ... شقايل لقيت العرس ...
سالم : هب مخبرنك .. سر و عرس و بتعرف ..
سعيد : حميد .. ما يبالها رمسه شوف بعينك ..كيف رادة الروح فيه ..هههههههخخخخ ...و يضحكون كلهم ...
حميد : سالم .. بسير المزرعة العصر بتي ويايه ..حمد و انته بعد جان تبغي ...
حمد : ما عندي مانع ...شرايك سالم ..
سالم : اوكيييك ..اوكييك ما عندي خلاف ..
بو حميد : بخبركم ... بنسير أنا و بو سالم ..وياكم كل الشباب بيسيرون ..
بو سالم : حمود .. ركب سالم وياك ...و سعيد ..
حميد : عمييه أنا بسوق بك انته و ابويه .. وراشد بعد ويانا ..
بو حميد : طارق و انته ؟؟
طارق : أنا ولد امييه بشوفها جان بتي ..اسمعها هاذاك اليوم تقول تبى تسير المزرعة ..
بو حميد : خلاص .. عقب الغدا ..بنسير ..
يدخل طارق على امه و خالته مرت عمه محمد الميلس ...كانوا الموجودين ... عليا و مرايم خت شما و هي في عمر نجلاء و ام حميد و ام سالم ..
طارق قبل لا يدخل تنحنح و تكحكح ..
طارق : السلام عليكم ...
كلهم : و عليكم السلام ...
طارق : خالووه ..شحالج شخبارج ... شو مسوية ..
ام سالم : بخير الحمدلله و سهالة ...
طارق : ام حميد .. فديتج تعالي ...
ام سالم : حياك دش محد اهنه ...
طارق : محد .. انزين .. يدخل طارق ...
ام حميد : بغيت شي ...
طارق : امييه بوييه و عمييه بيسيرون المزرعة ..و يقولكن جان بتسيرون أنا بوديكم .. لأنه المواتر و السيايير كلها فل full ما شي مكان ..
ام حميد : شرايج يام سالم بتسيرين ...
ام سالم : وياج بسير ؟!؟!
ام حميد : خلاص قول حق ابوك .. بيسيرن ..
طارق : انشالله ..خلاص عيل ..اسمحولي .. بترخص ..
ام حميد : برايك؟؟!!
و عقب الغدا ... عند الحريم ..
ام حميد : خوالي فديت روحج ..سيري .. هاتي عباتي ...
خولة : انشالله امييه ..بس سؤال جذي صغيرووون .. وين بتسيرون ..
ام حميد : المزرعة ...
و طلع الموكب متجها نحو المزرعة ...
شما : علايه منو بيسير غير قوم امييه ...
عليا : الشبيبة كلهم محد بيتم غيري و غيرج و خوالي و نجووله و مرايم اختج ...
خولة ما تعلق ..اتم ساكته ..
أما الموكب ...
حمد يرمس ...طارق ..عالمبايل ..
طارق : حمووود ..شو تسوون ؟؟
حمد : ما شي ...بخبرك صدق الدكتور بينقع فينا خيانة بيقول ذاكروا و ما بيمتحنا في الوحدة هاذي ...
طارق : والله يقولون .. تدري شو احسن شي في جامعتنا ..
حمد : شوووه ؟!
طارق : يوم ما يخلصون المنهج ..يحذفونه ...
حمد : هههه هههههههههاي ..
طارق : عيبتك ...
حمد : حلوة ...
طارق : بخبرك ..يالله بااااي ...
حمد : باااااي ..
و حمد يمشي ..بيك اب جدامه ..دق له اشارة و لف علييه ...بدون ما يتريا او يصبر ..اضطر حمد انه يلف بالقوووو ..لف حمد .. و افتر الموتر على عمره كم مرة و صعد على الرصيف .. و ضرب في النخلة بقو ..تمت السيارة وا قفة ..و يت الضربة صوب حمد

يتبع

بن دبي

22-06-03 ||, 12:23 PM

حرام عليج يالله عاد خلصيهم ياشمسوووووووووه ذبحتيني يا اروح اجيك على هاذيج القصة عشان اشوف لها نهاية ولا لا او هاذي القصة وكله كلمة يتبع يتبع يتبع يتبع ترا والله اموت قهر اذا اشوف هالكلمة يالله خلصيهم عشان اكمل قرايتهم عفية اختي يالله يوم الواحد يندمج مشكلة والله..................:)

بن دبي

22-06-03 ||, 12:32 PM

انزين اختي شمس دبي اكتبي الباقي تراني انا بالدوام ويالسة اقراها حق اختي بالتلفون خبرج يالسة لا شغل ولا مشغلة بس الاحق القصة عشان اخلصه وانتي على مهلج يالله عاد اكتبي النهاية بلييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييييييييز.

شمس دبي

22-06-03 ||, 12:41 PM

اسمحيلي اختي عاشقة مخاوي الليل بس emaraaaaty بعده ما كمل هذيج القصة انشالله أول ما يحط الجزء الي عقبه بحطه أما خولة و حمد فهي مب مكمله عندي و صدقيني روحي أبا أعرف شو يستوي عقب

والسموووحه
شمس دبي

بن دبي

24-06-03 ||, 09:54 AM

الله يصبرنا
والله تعبنا
نبا النهاية

<marquee>دلوعة البحرين</marquee>

ماوحشتك

24-06-03 ||, 07:58 PM

شموسه سمحيلي ..
                          بس الاجزاء منزله في منتدى من زمان ..

 

الجزء السادس
-----------------
----------------
السيايير الثانية كانت وراهم فيوم انتبهوا انه هاذي السيارة .. سيارة حمد .. طارق كمل دربه .. دون ما يوقف عسب امه و عمته ما يسوووله بندليج و دندرة ( يعني رمسة زيادة و حركات ..تعرفون حريم .. ) فبو حميد على طوول سوا تيلفون حق طارق و قاله يكمل لا يوقف .. فقاله ..انه كان بيسوي جذه لو ما قاله ابوه ...و في الصوب الثاني .. سعيد اللي كان يالس ورا حمد طلع من الدريشة بصعوبة .. و كان هب متأثر من الضربه مجرد خدوش ..أما سالم فطلع من الباب عادي ...لأنه ما ياه شي .. عقب ما طلع سوا تيلفون حق ..عليا .. أما حمد فكانوا الجماعة الباقية يحاولون يطلعونه ..و يسحبونه ..بس كان صعب عليهم ... شو كنا نقول ..دق سالم يخبر عليا ...
عليا : سالم بلاك تناهي .. اشو بلاك ..
سالم : اسكتي فديتج عليوه احبج .. و الله كنت حاس اني ما بخبرج و لا بقولج هاذي الكلمة مرة ثانية بس الله ستر..
عليا : شو صاير .. سلوم بدا ينقبض قلبي ..
سالم : فديتج ..عليوه .. احبج ..
سالم يخبر عليا بالسالفة ...
عليا : و حمد و سعيد ....
سالم من زود الخوف .. : ما دري ماردي .. بدق لج عقب ...
عليا : سالم سالم ..رد عليه ..
يبند سالم عن عليا و ما يقول لها كلمة زيادة
شما تشوف ويه عليا اللي احمر و اخضر و ازرق ..و خولة تنتبه بعد ...
شما : عليوووووه .. بلاهم ...
عليا تصيح .. لا ترمسوني ...
خولة : عليا بلاهم ..قبضتي قلبي ..
عليا : سوا .. سالم .. سعيد ..و حمـ..د
خولة : بلااه حمد .. سعيد ..بلاهم ..
شما : شو ؟؟! انطقققققققي ..
عليا تصيح و تشهق: ..سووا حادث ...
شما : هااااااااا ...و تبدا تصيح ...
خولة دموعها بدت تصيح من صوب ..و تشاهق ..ضاق تنفسها و حالتها حالة ..و طاحت عليهم ..ما عرفوا شو يسوون ما في شي ينفع وياها ..
و الشباب كلهم قافلين مبايلاتهم ...حتى طارق قفل مبايله ..ما بغى يسمع خبر يعور قلبه ..و الأمهات يسألن عن سبب التأخير ..
ام حميد : طروق شوف ابوك و اخوك ليش تأخروا ...
طارق : كانوا ورانا .. بس ابويه رمسني و قال استوى حادث جدامهم و أخرهم شوي ..
ام حميد : وييييييه ...
طبعا البنات الصوب الثاني ربعن بخولة المستشفى لأنهن ما عرفن شو يسون ..و في المستشفى .. كل البنات موجودين محد في البيت
عليا : شما ..سالم بخير ..بس حمد و سعيد ما عرف عنهم شي ..
شما : ما عليهم ..شر انشالله ..
نجلاء: عليووه خولة ..بلاها ..؟؟
عليا : ما بلاها شي .. ما بلاها ...شي
يطلع الدكتور و يطمنهم عليها .. :خولة تعرضت لصدمة .. و لازم اتم تحت المراقبة شوي لأنه أزمتها هاذي هب هينة ..
شما : مشكوور دكتور ..
تدخل شما على خولة ...خولة واعية بس ما تروم ترمس حاطة ماسك الأكسجين و الدوا ...
شما تضحك و تصيح : روعتينا .. سالم دق و قال انه حمد ..و سعيد .. بخير و انهم طلعوا و ما عليهم شر ..
خولة : ..... تصيح ....
شما : فديتج خوالي ... ما بلاهم شي .. بيستوي بلاهم لو دروا بج ..شدي حيلج ...خلج قوية ...
خولة : .............
شما : ادريبج ... تحبينه .. بس اتم شما تصيح .. ما تروم تيود عمرها ..و تنزل تمشي في المستشفى و تدور و تدور .. و تحوط ..
هب عارفة وين تسير لين ما توصل قسم الطواري .. اللي كانوا يايبين شخص مستوله حادث .. تخيلت شما ان الشخص هذا كان سعيد ..اشو بيستوي لها ..أو انه كان حمد ..شو بيصير على خولة .. اتبعت شما صوت الصياح اللي كان في اخر مكان ..عند العناية .. ريال اتوفى ..اخوه وياه ..
تمت واقفه تشوف ريال ايصيح .. هب مصدقة انه الأيام تدور و تدور على بن آدم و تسويبه هاذي السوايا ..لو كانت مكان هذا الريال اللي يصيح بتسوي مثله و إلا ..
كل الأسئلة اللي تساءلتها ما لقت لها جواب غير انها بتموت ....قررت تتطلع ..من هذا القسم بسرعة قبل ما تشوف شي ما يسرها و شافت ..شباب عايلتها الكريمة ... داخلين و يمشون ..سالم ويهه ملزق بلزقات ..و سعيد ... شافت سعيد بخيربس شكله تعبان و الحالة حالة ... حمدت ربها ..استانست ..بس قاصرين .. قاصرين ..انسان .. غالي ..و الله غالي .. حمممممممممد .. وينه ؟؟ .. لا .. مشت و مشت وقفت جدام سالم و تمت تصيح .. و عينها تدمع أربع اربع .. سالم استغرب من وجودها ...ما سألها شو تسوي .. و لا نطق بكلمة ..
بو حميد :شما .. شو تسوين اهنه ..
شما تصيح و تشاهق: عميه ... ابويه .. راشد .. خولة .. وترد تصيح ..
سالم : بلااااها ؟؟! ارمسيييي..
شما : ابويه عرفنا باللي استوى بس خولة ما تحملت .. ما قدرت .. طاحت ..طيحتها جايدة هالمرة .. وو...
بو حميد : و شووووو؟!
شما : عميه ..ركضنابها لين اهنه ما تتنفس و هي الحين تحت الإشراف ..تتطالع ..سالم بعين ..فيها حقد ..خوف ..زعل و أشيا واااايد
شما : كله منك ..لو قايل انهم بخير جان ما استوى على خولة ..جذييييه و تصيح بصوت عالي ...يحرج سالم من اتهام شما له و يسحبها من ايديها ..و عورها .. مشى وراه سعيد ..
سالم : شمووه تخيلتي و إلا تخبلتي .. هدي .. لا ترفعين صوتج ..
شما : انته تدري اشو سويت فينا .. لو شفت عليا كيف حالها ..و السبة تيلفونك ..لو شفت خولة .. صدقني ما بتسامح عمرك ..كلكم مبندين تيلفوناتكم ..ما فيكم خير ادقون تقولون انكم بخير ...
سالم : بلاج انطلقتي عليه جذيه ..أصلن انا من طلعت ما فكرت في حد .. غير عليوووه و دقيتلها ..
شما : أخوك ..حمد .. افتكرت فييييه ؟!؟!
سالم : ................. ساكت شكله قفط و عرف انه غلط ..
سعيد : شما .. خفي على سالم بروحه عنده بدال الهم همين ...
شما تتطالع اللي يكلمها .. سعيد ... هاذيج الساعة بغت تلوي عليه و تضمه و تصرخ أنا احبك ..
سعيد: شما هدي ... راشد خذ اخوك وسيروا ايلسوا هناك ..
راشد : سالم تعال ...
تيلس شما على الكرسي و تنهار ...: سعيد إذا أنا مت فبتكون انته السبب ...

سعيد: شما هدي ... راشد خذ اخوك وسيروا ايلسوا هناك ..
راشد : سالم تعال ...
تيلس شما على الكرسي و تنهار ...: سعيد إذا أنا مت فبتكون انته السبب ...
سعيد : شو؟؟
تقوم شما و تمسح دموعها .. تشل عمرها و تمشي في الممر .
سعيد : ....... وين سايرة ..
ما تعبره و لا حتى تبين أدنى اهتمام .. تطلع و لا كأنه شي صار و استوى ...
شما : راشد ..حمد وين؟؟
راشد : حمد .. بخير بس انضرب ضربة على راسه ..وما نعرف اشو بيستوي عليه ..
شما : هاااا .. لا لا تقول ...جذيه .. حمد ليش؟؟ الكل و لا حمد ؟؟
سارت شما عند حجرة خولة .. لقتها راقدة .. ارتاحت لأنها ما تباها تعرف شي .. يمعت البنات كلهم ..و خبرتهم كل اللي استوى ..و قالتلهم ما ييبون سيرة حق خولة ...
شما : فديت عيونكن لا تصيحن .. هذا بدال ما تدعون له ...
عليا : و الله ما يستاهل ... ما يستاهل ..
شما : كلهم ما يستاهلون ...
مريم : فديت حمد .. ياخذون روحي و يعيش .. ليــــــش ؟؟ محد كان يعرف قيمته ...
شما : لا لا تقو لـ ...ـين جذيه .. مرايم .. لاااااا .. خولة كانت تعرف ..
و كلهن يبدن يصيحن ...مرة ثانية ...
تطلع السستر من الحجرة ..
السستر : مين فيكن شما .. عم بتناديها ..
شما : انا ... تمسح شما دموعها قبل لا تدخل شما حجرة خولة ..
شما : هلا .. بغيتيني .. يايبتلج بشارة ...
خولة تفتح عيونها ..حاسة إن في خبر عنهم ...و تيود ايادي شما الهنتين و تهوس عليهم بالقو ...
شما : حبيبتي خوالي .. شفتهم بخير كلهم تحت ... ما عدا امييه و امج و طارق .. في المزرعة .. ابوج اول ما يخلص مع الشرطة بييج ..
خولة تخف على ايدين شما ..مما يعبر عن ارتياح ...
شما : فديتج ..بزقر نجولي و عليا و مرايم يبون يشوفونج ..تسير شما تزقرهم ..
شما : بخبركن امسحوا دموعكن ما ابغي اشوف وحدة تصيح قلتلها انهم بخير و إياني و إيكام اسمعكن تيبن سيرة حمد ..
يدشن كلهم على خولة ما عدا شما اللي ما قدرت تتدخل و ردت من عند الباب و اتذكرت .. اتذكرت أيام المشاكسات اللي كانن خولة و شما يسوونها يوم انهن يدشن حجرة حمد و يفتحون كمبيوتره و يطالعن شو فييه .. اتذكرت يوم ادش الحجرة هي و خولة و ينبشون ثلاجة حمد الصغيرة .. اللي ما كانت تخلو من أي نوع من الحلاوة و الكافي ..يوم يسجلون شريط الشلات .. يوم تلحف خولة حمد في الصالة .. يوم كانوا يقرون مسودة قصايده من وراه .. تذكرت جملة خولة ..
(( عاشق و قلبي عالمحبة يحاتي ..)) .. (( أنا من الليعات في حال و انته مريح الحال ش دراك )) ..
صدى صوت حمد يوم يشل الرنان .. رن في إذن شما ....
الله يهنيك بي و الله يهنيني ..والله يديم الغلا ما بيني و بينك ...ساعة أشوفك يزين الكون في عيني ..و اشوف كل المحبة تنطق بعينك ..ما ظن شي عنك حبيبي يغنيني ..كل يوم يكبر بعيني حسنك وزينك ..مزيون وصفك وسيد المزاييني ..و احب طبعك و طيبة قلبك و لينك .. و ان غبت عنك دقايق تشتكي بجني ..و ان غبت عني يصيح الشوق بي وينك ..ما قوى فراقك .. دخيللك لا تخليني .. ما دام قلبي أمانة .. بس في يدينك ..انته بحبك ترا محلي سنيني .. يا بعد عمري عسى الله يحلي سنينك ..بالدنيا عندي رضاك و ذا يكفيني .. و الله يديم الهنا ما بيني و بينك ..
شما : آآآآآآآآآآآآآه يا حمد ليتك تقوم و اقولك شقد خولة تحبك ... و تعرف انته اشو لها بالضبط ...

تنتبه شما بأن عمها سيف بو خولة ياي من بعيد و .. وياه سعيد ...فتوقف ...
بو حميد : منو عندها ؟؟
شما : البنات ...
يدخل بو حميد ...و يتم سعيد ...شما بتدخل ورا عمها ...يزقرها سعيد ...
سعيد : شما ... اصبري ...
شما : نعم ..بغيت شي ؟!
سعيد : هييه بغيت شي ... تعالي ايلسي ..
شما : هاا؟؟
سعيد : تعالي ايلسي .. و بس ..
شما تيلس : ممممم؟؟
سعيد : شما ...اشو تبغين ؟!
شما : اشو شو ابغي ؟!
سعيد : مني ؟! .. اشو تبغين مني ؟!..لج شي عندي .. عسب تقولين هاذي الرمسة ..
شما تفاجأت شما من كلام سعيد ضايجها وااااااااايد .. و فخاطرها : لي عندك قلب و عين ..
سعيد : ما رديتي ؟؟؟
شما : سعيد ما عندك شي تبغي تقولي إياه ضروري ....مهم
سعيد : أنا ...لا ما عندي ...
برد سعيد تشوف شما جنه حد جاب عليها ماي بارد .. أي بارد تقول ثلج ...
شما : خلاص عيل ...اعتبر انه ما قلت شي ... تقوم شما و تدخل حجرة خوالي ...و يدخل وراها سعيد ...
تشوفه خولة ..ترد فيها شوي من روحها .. لأنه روحها الباقية ..حمد ..تفرح لشوفة اخوها بس بعد فيها لهفة انها تلقى حمد واقف على ريوله و تشوفه ..
سعيد : خولة حبيبتي .. لازم يعني هالحركات ..شو فيني ما بلاني شي ..
شما فخاطرها .. يمكن عشانك في البداية زايغة .. بس ويا هالراس هذا كله حق ..حمد أخويه بو الإحساس و المشاعر .. هب حقك .. ياللي قلبك .. تدمع عين شما مرة ثانية بس غشوتها سترت عليها ..
تبتسم خولة ابتسامة بسيطة حق سعيد .. ايلسون وياها شوي ...و عقب كلهم يطلعون من الحجرة ...
بو حميد : سعيد دق حق قوم أمك و قول حق طارق يخبرهم بس مب في المزرعة عن يصربعونه و هو يسوق ... و انتي عليا دقي حق ريلج خليه ياخذج و يروح ..
شما : عمييه ..و حمد ..
سعيد : شما ..حمد .. ما .. بينش الحينه .. تعالي ..شوي ..
شما : سعيد .. حمد اخويه بلاه ...
سعيد : استهدي بالله ..حمد ما عليه إلا العافية انشالله هذا بدال ما تدعين له .. اخوج حمد .. حمد
شما : بترمس و إلا انزل اطالع بلاه ...
سعيد :حمد ..شما .. حمد اخوج دخل فاقد الوعي ما نعرف متى بينش .. الضربه يته عالراس ..يعني غيبوبة ..

ماوحشتك

24-06-03 ||, 07:59 PM

<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

الجزء السابع
---------------
---------------
شما : لاا ... فيني و لا فيه ... يا ربيه و الله ما سوا شي ..
سعيد : شما ..شو هالرمسة تعوذي من بليس ...ادعيله الله يقومه من هذا اللي فيه ..
تمشي شما من غير حاسية .. و تدخل عند خولة .. و عقب ساعتين اييون الأمهات أم حميد و ام سالم ..و ايلسن عند خولة .. طبعا الساعة 10 ز نص تقريبا طلبت السستر منهم إن يروحون ..يروح الأبو و سعيد و نجلاء و أم سالم تسير تحت عشان تشوفه .. بس ما خلوها لا عيالها و لا ريلها .. و سالم يا وخذ مرته عليا و اخته مرايم و داها البيت و رد لحمد ..أما شما فضاربتهم عشان بس تيلس عند خولة ...مر اليوم الأول ما قام حمد من غيبوبته .. مر اليوم الثاني و ما قام ..
على اليوم الثالث خولة خوزت الماسك مال الدوا و الأكسجين ..اللي كانت تحطه حول 16 ساعة ..انتهزت خولة خلو الحجرة من أمها و البنات اللي روحوا عسب اييبولها أغراض و ثياب ..
خولة : شما .. حمد شحاله من فترة ما سمعت عنه شي ..
شما فتحت عينها على هالكبر روعها السؤال ما عرفت شو تقول : حمد .. بخير الحمدلله ..زين ..و ترسم ابتسامة مصطنعة على ويها ..بس خولة هب غبية
خولة : شمووووو ليش اتجذبين ؟؟؟
شما : انا اجذب ..
خولة : شما .. تتحريني ما اعرفج .. حتى ابتسامتج كانت مصطنعة ... حمد استوابه شي في الحادث ؟؟
شما: هو من ناحية استوابه .. استوابه ..
خولة : هااا ؟؟!!
شما : بلاج ؟؟ قصدي يعني ملزق يبهته .. هههه شكله يضحك ..كل يوم مأذنا يبغي يسير دكتور تجميل ... ههههههه
خولة : هههههه .. فديت قلبه و عينه ..
يدخل راشد و لا يحشم حد لا دق على باب ... و لا حتى تنحنح و لا شيات ..
راشد : شمووووووه ... وينج ..
شما : جدامك بلاك ؟؟..
راشد : من زود الفرحة ما شفتج ... زين تلاحقت عليج ..
شما : رشود بلاك؟؟؟
راشد : حمد .. حمد قام ..
شما ويهها متكسر .. تقوم تلقطه أحسن لها ..وما عرفت شقايل ترقع .. فتقوم تمشي بسرعة لين الباب .. عسب ما تنسأل عن السالفة بس خولة ما خلتها ..
خولة : شمووووووووه تعالي ...
شما : خسك الله يا رشود .. تعال وين ساير ..
راشد : ما لي خص فيكن روحكن تفاهمن ..
شما : هاذي اللي موصتنكم أنها ما تعرف ..ما عليه دواك عندي عقب ..
خولة : تعالي تعالي انتي .. شو السالفة ...
شما : خولوووه ان استوابج شي .. ما لي خص لا فيج و لافي أهلج ..ما كان ودنا نخبرج .. عسب ما تتعبين أكثر لكنه السالفة بما فيها ..
و ترمس شما و تخبر خولة عن اللي استوى من طقطق و احم احم لين فمان الله ...
خولة تصيح : هنت عليج و لا قلتيلي ...
شما : اسمحيلي ..أنا ما بيوز اخويه وحدة ميتة .. لو خبرتج و استوى عليج شي من وين نييب خوالي ثانية ..و إلا قالوا لج خطابة و فاتحة مكتب في مقبرة ..
تصيح خولة .. و تصيح .. شما : خولوووووه سمعتي انه بخير .. و هاذوه قام بتشوفينه باجر كيف بيناقز ...
تضحك خولة و هي تصيح : هههه .. ما عليه ..الله يعينه سعيد ..
شما : هاااه .. سعيد .. اسمحيلي سعيد خالي من الأحاسيس و المشاعر ..لو كان يحبني جان بين في هاذي الفترة .. بس مسكين قلبي ..
خولة : لا تقولين جذيه بيي اليوم اللي فيه بيفهم .. و بيعرف ...
شما : اغسلي ايدج .. تلوي شما على خولة ..
ثاني يوم الدكتور رخص خولة و خلاها ترد البيت .. عاشت في حالة قلق على حمد لمدة اسبوعين ..بس غقب عرفت انه زين و الأسبوع اللي عقبه بيرد يوم الثلاثاء... و هاذاك اليوم سارت خوالي و نجولي يقيلون بيت عمهم و هم ما يدرن إن حمد بيرد إلا يوم شافوه .. داخل عليهم و ميودينه سالم و راشد و ابوهم وراه .. طبعا نجولي هي اللي بادرت بالسلام .. يوم دخل و يلسوه في الصالة ...
نجلاء : السلام عليكم .. شحالك حمد .. سلامتك .. خطاك السو ..
حمد : و عليج السلام .. الله يسلمج ..
خولة : مرحبا مليون حمد .. سلامتك في عدوينك انشالله ..
حمد : هلا يا حيه ما مداه إلا النور شع ..من متى ما طحتيه بيتنا ها ؟؟ و لا ما وحشج ..
خولة : افااا عليك .. تعرف انشغلنا بعرس سالم و عليا و بعدين يت الحادثة .. و إلا ما ودنا نفارج لا عمييه و لا بيته ..
شما تنغز :عمييه و بيته و إلا ناس ..
خولة : شمووووه جب ..
يمر شهر على الحال .. و عقب شهر ادق شما حق خولة ...
شما : خولووووه الحقيني ...يايين يخطبوني .. ابويه عازمنهم ... يا ربيييه ..
خولة : شما .. بتوافقين ؟؟
شما : أكيييييييييد لاااااااا و ألف لا .. تستعبطين ..الله يا خـ .. لا اهله يبونه حرام .. لا و اللي قاهرني و حارني ان اسمه سعيد ..
خولة : خلاص .. عندي خطة ...
شما : اسعفيني فيها ....
خولة : اسمعي يا بنت محمد ...........
و يرمسن .. و يرمسن .. و يخططن و عقب يبندون التيلفون .. و تبدا خولة تلعب دورها ...
تنزل خولة و تشوف سعيد يالس ... و تبدا تخسس فيه ...
خولة : امايه ابويه متى بيسير بيت عمييه ...
ام حميد : توة طلع بيسير شوي عنده شغل و عقب بيرد البيت بيبدل و بيتدخن ..
خولة : سعووود .. و انته ما بتسير ...
سعيد : ياهل .. ياهل جدامك ... وين ؟؟
خولة : ناس سايرين بيت عمييه بيخطبون ...
سعيد : منو عندهم مستعيل ...
خولة : تستعبط ... يايين حق شما ...
سعيد : هااا ؟؟ و منو هاذيلا ...
خولة : يقولون .. قوم المهيري ...
سعيد : بسير ويا ابوييه بشوف منو قوم المهيري هذا بعد...
خولة : سر و تعال خبرني اشو شفت ...انزين .. فديتك كل شي ..
سعيد : خولووه صدق فاصخة الحيا ...
و المغرب و في بيت بو سالم ....
يوم بدوا الرياييل يتكلمون في سالفة شما و الولد اللي اسمه سعيد بعد .. و كل عيال العم ميلسين .. و الميلس مزدحم باهل العايلتين ..
سعيد بن سيف ...ولد عم شما ..حس بأنه يغار من الولد اللي طلع اسمه سعيد .. هذا منوه جيه ياي و يياخذ من برع عايلته ..و بناتهم منو بياخذهن ..
نش سعيد و شل عمره و طلع من الميلس ..و لا عبر حد .. و رد البيت ...
سعيد : خوله .. خولوووووووه ...
خولة : بلاك .. بلاك شال البيت على راسك ...
سعيد : خوله .. تعالي بنسير حجرتج ..
و في الحجرة ....
خولة : هاااااا.. شفته شرايك ؟؟ ينفع لها .. و إلا لا ..
سعيد : خولة شما شرايها فيه ...
خولة : هي ما شافت غير صورته .. و تقول انها بتوافق ...غبية ما دري شو تبابه ..
سعيد : شو قالت ؟؟؟... يو سألتيها شو قالت ...
خولة : قالت يكفي انه حلو و اسمه سعيد ...
سعيد .. تقول ضاربتنه صاعقة ... : يكفي ان اسمه سعيد ...
خولة : بخبرك شي .. شما تحبك ... من أيام الثانوية ..تذكر يوم سرنا البحر .. خبرتنيه .. بس اسمحلي .. طلعت حضرتك خالي من الأحاسيس و المشاعر ...
سعيد : هذا يفسر ... خولوووه دقي لها .. بسرعة ..
خولة : ايه شو دقيلها انته بعد ... شو بتسوي ..
سعيد : رمسيها .. رمسيها ..قوليلها لا توافق ... لا تاخذه ...
خولة : لا تاخذه .. منو بياخذها ..
سعيد : أنا و لد عمها .. أنا أولابها ... يالله ..
خولة : انزين .. وين التيلفون ...
سعيد : يودي يودي مبايلي دقي يالله ....
خولة : هات .... و ادق خولة حق شما ....
شما : ألو ...
خولة : شما هاذي أنا .. تروعتي ...
شما : طلعتي مبايل و أنا ما ادري ..
خولة : عن الرمسة الزايدة .. هاذا مبايل سعيد .. بخبرج ...
شما : سعيد ...
خولة : شما ارفضي ...
شما : هااااا...لا بتغلى ...
خولة : شما فديتج .. ارفضي ..
شما : لا .. بتغلى ...
سعيد : اشو تقول ....
خولة تأشر حق سعيد بما معناه ان شما هب طايعة ....
سعيد : هاتي انا برمسها .. و يسحب المبايل من يد خولة .. اللي تفاجأت ..
سعيد : مرحبا شما ...
شما : سعيد !!
سعيد : هييه سعيد .. شما ..لو تحبيني صدق ارفضي ...
شما : هااااا!!
سعيد : ارفضي ... ان واقفتي .. بموت و إن مت فبتكونين انتي السبب ...
شما : اشو تبغي ؟!؟!
سعيد : هااااا؟!
شما : اشو تبغي مني ؟! لك عندي شي .. عسب تقول جذه ؟؟؟
سعيد : لي عندج .. قلب و عين ...
شما : عيزت و أنا المح ..و لا هزك شي ...ابد و لا حسيت ..
سعيد : حسيت و الله حسيت ..شمووه فديتج لا تذليني .. و الله و الله اني احبج من يوم كنا صغار ...بس ..
شما : بس كبرت و نسيت ...
سعيد : شو بتسوين ؟!؟!
شما : اللي بيدلني عليه قلبي و عقلي ...
سعيد : فكري ... كوني عادلة ويايه
شما : و انته ما نصفتنيه ... سعيد .. فمان الله ...و تبند شما التيلفون ..
سعيد : آآآآآآآآآآآآآه اللي استوى في سنين بتطلعه من عيني في يومين ..
خولة : اللي سويته انته هب هين .. انته نسيت ..
سعيد : كانت غلطة حياتي .. و بتكلفني عمري ...
مر الأسبوع اللي اتفقوا عليه هل المعرس و هل العروس حق الرد ...شو تتو قعون كان رد شما ....أكيد ..أكيد قالت : لالالالالالالاااااااااااه ..
يوم وصل الخبر لسعيد ... عرف إنها بجد تحبه ...و على طووووووول سار رمس عمه هو و ابوه .. طبعا لأنه كانت سنته الأخيرة و هو خلاص الحين يتدرب .. بيفتح له مكتب محاماة .... فبتكون الملجة بعد التخرج .. و العرس عقب ما يفتح المكتب ب 6 شهور ..
مرت الشهور و الليالي و عرسوا شما و سعيد .. و ساروا شهر العسل و ردوا ....
خولة : علايه .. عليا .. سوافي وين ...
عليا : سيف عند ابوه .. سالم مصر إن يعلم سيف شقايل يسلمون بالخشوم ..
خولة : هههه .. سالم إلا تخبل و يلس ..إلا عمره سنتين ...
عليا : بعد سالم ما تعرفونه .. شماني وينها .. من ييت ما شفتها ..
شما : هلا والله بحميتيه .. شحالج أم سيف ...
عليا : هلا و غلا ..
خولة : أنا بسير عند امييه المطبخ ...بطالعه جان تريد شي ...
و في المطبخ ...
طارق : خوالي .. يودي هالشريط حقج ..
خولة : لحظة .. هذا مب حمد ولد عمييه ...
طارق: كيف عرفتيه ؟؟!!
خولة : ها ..شما خبرتنيه عنه ... شو شلاته ؟؟
طارق : فنانة ... خذته من عنده حقج .. اعرفج تحبين الشلات أكثرمن الأغاني ..
خولة : بسمعه ... انشالله يطلع فنان ....خولة كانت تعرف انه فنان من غير ما تسمعه .. ما كانت تتوقع انه بينزل شريط شلات .. ما عليه غير اسمه .. بدون صورته ...ليش ؟؟ ... يمكن حركة ..
و في الليل ... يالسه خولة ...و تسمع شريط حمد اللي في نهايته حط إهداء...
(( إهداء مني ..لكل عاشق ..و عالمحبة يحاتي ... أخوكم .. حمد بن محمد الكتبي ..))
مرت الليلة هاذي مثل ما مرت الليالي اللي قبلها ..متأمله إن كل فجر يمر عليها يمكن يحمل لها خبر حلو ...بس مرت و ما يابت وياها بشارة ...مرت 4 سنين على امتحانات الثانوية ..4 سنين على حبها ...4 سنين ما عرفت مصيرها ..بتكون لحمد .. أو لغيره ...كل عمرها كانت جريئة ..بس جرأتها خانتها عند U
تيرن مهم في حياتها ..كلمتين و رد غطاها تباني و إلا لا ...
... تخرجت خولة ... و توظفت .. تحت اسم المهندسة خولة سيف الكتبي ..تشتغل في التخطيط ...كم سنة مرت عديتوها ..حبت حمد من الثانوية ..و درست 5 سنين .. و اشتغلت سنتين .. هاذي حول و 7.5 سنين كاملات مكملات ... ما رمس فيهن حمد ..كانت خولة تسمع فيهن صوته من الأشرطة .. اللي ما كان يحط عليهن صور .. و في كل واحد منهن يحط إهداء ..حق منوه كان الإهداء ...

                                                                        أختكم
                                                                     ماوحشتك

شمس دبي

24-06-03 ||, 08:28 PM

لا مسموووحة أنا الي أتأخرت عليكم بس سوووري كان عندي شوية ظروف  

<img src="http://oasis.bindubai.com/emoticons/down.gif" border="0" valign="absmiddle" alt=':dd:'> <img src="http://oasis.bindubai.com/emoticons/down.gif" border="0" valign="absmiddle" alt=':dd:'>

شمس دبي<img src="http://oasis.bindubai.com/emoticons/blush.gif" border="0" valign="absmiddle" alt=':b:'>

بن دبي

25-06-03 ||, 10:24 AM

وبعدييييييييييييييييييييي ييييييييييييييين يالله ابي اعرف هو بيتزوجها ولا لا دخيلج لا تتاخرين شمسوووووووووووووووووووووه والله ...............:(

بن دبي

25-06-03 ||, 10:54 AM

ما قصرت يا ما وحشتك
لكن اتمنى ان ما طولون الموضوع اكثر من جذيه وتحطون الباقي لما النهاية
والله صارت القصة ما لتكم كانها مدبلج مكسيكي

واختي شمس دبي ترانه في الخدمة لو احتجتي شيء وما شيات

<marquee>دلوعة البحرين</marquee>

بن دبي

25-06-03 ||, 11:01 AM

اسفة ما وحشتك ما حطيت بالي على الأسم من لقافتي يلست اقرا القصة وما عرفت اسم الي نزل هالأجزاء لكن ما قصرت اخوي ما وحشتك واختي شمس دبي وينج بصراحة وحشتينااااااااااااااااااا ااااااااااااااااااااا موووووووووت ووين مشاركاتج اختي عسى ما شر..............:p

شمس دبي

25-06-03 ||, 12:19 PM

لا وياكم أنا واليوم بحط الجزء الثامن أفا عليكم
تامرووون انتوا بس  <img src="http://oasis.bindubai.com/emoticons/tounge.gif" border="0" valign="absmiddle" alt=':p'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'>

شمس دبي

شمس دبي

25-06-03 ||, 12:21 PM

الجزء الثامن
--------------
--------------
و في يوم من الأيام ....كان عامر متواعد مع حمد ..
عامر : لين متى يا حمد ..و انته تقولي ما تعرف شو تسوي ...
حمد : عامر ..
عامر: حمد .. لو انته تحبها و تباها جان ما توانيت في يوم انك تخطبها .. شوفني أنا الحينه عندي عيال و انته بعدك إلا مادري و ما اعرف ..
عامر : تم ساكت جذيه و خلها تطير من ايديك ...
حمد : ................
عامر : يالبرود اللي عندك يا اخي .. يجتل الواحد ...بييك اليوم .. و الله و بتقول ..عمّور قال انزين ...تتحراها بتترياك تريتك سنين بس الحينه اول ما اييها حد بتروح و لا بتعبرك ..
حمد : لا تقول جذه ..اعوذ بالله من فالك ..
عامر : عيل استو ريال و خلنا نفرح بك .. جذه و نفصل كنادير يديدة ..و نسير أنا و انته الطواش و نزهب حق العرس ..
حمد : هههههههه .. انشالله يا بو .. بو شو نسينا.. اشو سميت بجرك ؟؟
عامر : احم احم .. بو محمد ..
حمد : انشالله يا بو محمد ... فالك طيب ..

في بيت بو حميد ...
ام حميد : خوالي ... خولة ...
خولة : نعم امييه ...
ام حميد : خولة بخبرج بسير بو ظبي بيت خالتج فاطمة بزورها مرة ولدها طالعة من المستشفى مربية ...بتسيرين ويايه ....
خولة : هييه امييه وين ما بتسيرين وياج ..بسير ..
ام حميد : خلاص عيل اخوج حميد بيودينا ...عقب العصر بنطلع بنيلس يومين و بنرد ...
شما : خالوه .. عمييه سيف يباج ...مسولج تيلفون ..
ام حميد : خير ..بسير اطالع بلاه ابوج ...
شما : خوالي صدق بتسيرين بوظبي ...
خولة : هييه بسير بغير جو شوي ..آآآآه ..
شما : سيرتج بوظبي ما بتغير شي في الموضوع ...
خولة : ولو ... ما عليه من حد .. على فكرة بخبرج شي ..
شما : قولي ...
خولة : أنا كبرت و اللي في عمري كلهن عرسن و ما بخفيج يا شما ..اللي بييني باخذه و انا أقولج ...
شما : خولة حمد ما بيسوي مثل سعيد ... لو بيسوي مثله جان سوا يوم ياج عبد الرحمن .. و يوم يووج هل سويحان ..
خولة : منو قالج اني بعبره بس جنه ما يبا يرمس ..برايه هو عليي و على عمره با ييديه جنى ...
شما : لا تظلمينه ..
خولة : ما بايديه حيلة ...
شما : تتحرين عمرج بتنسينه ...
خولة : شما لا تضغطين عليه ... بسير اجهز عمرييه ..
تقوم خولة و تسير حجرتها .. و اطلع خولة مبايلها و ادق حق ربيعتها ..حمدة اللي ظلت معاها من الثانوية ...و اللي ملج عليها راشد اخو حمد ..
خولة : مراحب ...
حمدة : هلا و الله ببنت الكتبي .. شحالج ..
خولة : والله الحمدلله ..شو العلوم ؟؟
حمدة : و الله بخير .. شو تسوين ...
خولة : ماشي ..بخبرج بسير بوظبي يومين .. اليوم و باجر و برد بالجمعة ...
حمدة : بتهدين العين .. شو مودنج بوظبي ...
خولة : بسير عند خالوه يومين .. مرة ولدها مربيه ...
حمدة : هييه ...شخبار القلب و المحاني؟؟
خولة : على الحال نفسه .. تدرين من اليوم و رايح بنساه .. بس يكفيني اللي فيني و هب ناقصة تعّني ..
حمدة : ليش؟؟!!
خولة : كنت لو يطلبني عيوني .. قلتله أنا فدوتك ..بس لي فات الفوت ما ينفع الصوت ..و أعترفلج كنت غلطانه .. غلطيت يوم حبيته ..ما حطيت في بالي إنه ..إنه ..
حمدة : خولة كملي .. ما حطيتي في بالج انه خواف ...
خولة : هاااه.. خواف؟؟!! ...شو تقولين ..
حمدة : المفروض تعرفين إن حمد خواف ..يخاف من المسؤوليه ..
خولة : حمدة هو ما يعرف اني أحبه ... و أنا ما اعرف إذا كان حتى يفكر فيه غير اني بنت عمه ..
حمدة: خولة ليش ما ترمسينه ..
خولة : هااااا.. تبيني اسير اقوله أنا أحبك انته شرايك ؟؟!!
حمدة : لااااااه .. حلوة هاذي انته شرايك .. صبري خليني أفكر لج بخطة جهنمية ...
خولة : قولي يام الخطط .. شاقني فنج ...
حمدة : خولووووه ببند عنج سيري بوظبي وردي بتلقينها جاهزة ..
خولة : بتفصلين و إلا بتطبخين انتي !!؟؟...
حمدة : إلا طبخة بسويلج ...
خولة : بديت أزيغ و الله ...من رمستج ..
حمدة : ما عليج شو في شو بسوي ..يالله الحينه فمان الله ..
خولة : فمان كريم ..
خولة يالسة ... تفكر .. مرت ليالي العمر ما بنت ما يصير نعلنها قطاعة ..أدمنت بك وبحبك أدمنت مالي عالصبر استطاعة ..أصون الغلا لا هنت لا هنت .. حرام تسعى في ضياعه .. ياليتك في حالي تمعنت و آنست شوقي و اندفاعه ..شف كيف صرت كيف أنا كنت كله من أسباب الولاعه .. ياللي على قلبي تسلطنت مدخل عليك الله راعه قلب يصونك لو تمننت شاريك ولو الغير باعه ..
ام حميد تدخل على خولة الحجرة : خولة ..وينج يالله انزلي اتغدي .. ورانا درب ..
خولة : انشالله اميييه .. يالله ياية بس بصلي ...
ام حميد : يالله بارك الله فيج ...بسرعة ..
صلت خولة و نزلت تتغدى و من عقب الغدا .. و يوم يو بيطلعون ..ياهم حمد عند الباب كان يبغي طارق ..فسلم ..
حمد : شحالج خالوه .. شخبارج ؟؟عساج بخير ..
ام حميد : بخير الحمدالله شحالك انته ..انشالله بخير ..
حمد : و الله بخير الحمدلله ...
حميد : ما بتسلم على بنت عمك ؟؟؟ هاذي خوالي بس شارية أدب ...
حمد : ههه .. السلام عليج خولة ..شحالج ؟؟
خولة : بخير الحمدلله ..انته علومك أخبارك ..شو مسوي ..
حمد : و الله ..الحمدلله ..من متى ما ييتونا ... نسيتوا الدرب ؟؟
ام حميد : لااااه آفاا عليك بس ...يالله عاد عقب ردتنا من بوظبي بنييكم ...
حميد : ها حمد وهقت عمرك ..امييه عزمت عمرها على عشى عندكم ..عاااد بخبرك هب تسود ويهك ..نبغي عشوة حلوة هااا..
حمد :خالوه تامر بس ...يالله اسمحولي ..
حميد : ادخل طارق يالس في المنامة .. سرله ..
حمد : يالله ..فمان الله ...
كل واحد يذهب لحال سبيله .. و يسير المكان اللي يبا يسير له ..وغابت خوالي عن العين 3 أيام ..
حمد في البيت يشل شلة من شلاته ...
... قلي متى يا بعد عمري تجيني .. قف الزمان و لا تعطف جنابك يا من تساوي بالغلا موق عيني ..حرام تخلف هقوة اللي يهقابك ..لا يا أمل قلبي و رجوى سنيني..وش فايدة عمري إذا ما حظا بك ..دونك حياتي جوها ما يزيني ..يا تعسها يا نحسها في غيابك ..ترى العنا من بعتني مشتريني .. و اليوم قلبي من العنا التجابك ..امطر بوصلك روض قلب حزيني ..كل رجاي امطر مخايل سحابك .. رد انتعاش الود يا شوق فيني ..جود بصخا عطفك لمن ما صخابك ..همسات صوتك يارجايا تحييني .. و العمر لو هو مكدر بها بك.. من غيرك انته بالحيا يعنيني ..موتي جفاك و راحتي في اقترابك ..هاذي مشاعر صادقة يا ظنيني حب و غلا و اخلاص خل وفابك ..
راشد : حمد ...
حمد : هلا ..
راشد : انته يالس اهنه و قوم امييه يخططون لمستقبلك ...
حمد : هاااااااه .. شو السالفة ؟؟؟
راشد : يبون ايوزوونك .... وييييه انته آخر من يعلم .. يوم المعرس ما يدري عيل العروس شجايل ...
حمد : جيه الدنيا ما فيها قانون .. قوم عني جذه خلني اسير اطالع اشو يسوون ...
راشد : تعاااااااااال ..وين ؟؟
راشد : عفانا الله ...يرن مبايل راشد ...
راشد : هلا و غلا ..هلا و مليون مرحب ...
حمدة : هلا ..بو سنيدة شو يالس تسوي ؟؟؟
راشد :ماشي ..يالس ويا هالعايلة ..ما يعلم فيها غير ربج ..
حمدة : ماييت تتغدى عندنا اليوم ..
راشد : شو مسويين ؟؟؟
حمدة : انته قووول ...أنا مسوتنه ...
راشد : محمر ..
حمدة : شدراااك ؟؟؟
راشد : حمدة من ملجت عليج و انتي تغديني محمر ...
حمدة : جنه ..جنه في ناس اهنه فشلوووني .. رشودي يعني اشو تباني أطبخ لك يعني ..هالشي الوحيد اللي اضبطه عدل عدل ...
راشد : ولا يهمج يا حبيبتي ..بيي اتعشى عندكم ..بس دخيلج بدون محمر ...
حمدة : انته اطلب بس .. بسويلك اياه لو يكلفني عمري ...
راشد : لااااااه كله ولا عمرج .. لو كلفج عمرج ..منو بيتم حق رشودج ؟؟؟
حمدة : فدييييييييييييت رشودي .. ياليت ناس بس يحسون ...
راشد : بعدهم هاذيلا الإثنينة ...
حمدة : راشد ..حمد ليش يسوي جذيه ؟؟؟
راشد : حمدة ..أمييه تبى تيوزه لو ما سوى شي خلال يومين ...
حمدة : خلال يومين ... اصلا خولة قالت اذا حمد ما سوى شي ما بتترياه ...أصلا هو شو مصبرنه ؟؟؟
راشد : علمي علمج ....
حمدة : اوكييه ...فديت رشود ..ولد بو رشووود لو سمحت ممكن أهدك الحينه .. و اسير لأنه في زلازل يالسة تستوي في بيتنا ..
راشد : بسم الله عليج ..اوقفي تحت الباب عسب ما يستوي عليج شي ..
حمدة : فديت اللي متروعين عليه ... يالله بو سنيدة ... وداعة الله ..
راشد : بحفظ الكريم ..الغالية ..
و تحت في بيت بو سالم ....
ام سالم : انته اسمعنييه ..ما بتخسر شي ..
حمد : آمري يام حمد ..قولي ..
ام سالم : محد غير خبربرك رشود سار يربع يخبرك ..اسمعنيه ..بنسير نشوف البنت بس .. و إذا عيبتك ..عاد يصير خير ..
حمد : امييه ..لا تغصبيني ...ما ابغي من برا ...
ام سالم : من برا منو قال باخذلك بنت ولد عموه ...
حمد : خيييييييبة تخيب بليس وين سايرة بعيد ..اماييه فديتج استريحي .. ماروم على الصدعة .. و هب وقته الحينه ..
ام سالم : جنك تبغي تشّوب وانته تتريا ..
حمد : أمايه ...لو عزمت أنا بروحي بييج و بقولج اخطبيلي فلانة انزين ...يالله فمان الله ...
يطلع حمد و لا يعبر حد و يرض بالباب من وراه ...وهو يتحرطم ...
أم سالم :تعال وين ساير ...
راشد : بلاج امييه ؟؟؟
أم سالم : سر ورا اخوك ...عن يتخبل هذا بعد ..اركض وراه ...
راشد : انشالله ...
حمد : راشد رد هب ساير مكان بحوط في الفريج ...
راشد : قم بركبك بنطلع في كلمتين ابغي اقولك اياهن ...
حمد : هااا ..يعني ما يستوي اهنه ...
راشد : لا قم قم .. خلنا نسير .....و يركبون الإخوان الثنينة و يطلعون و يسيرون درب العين دبي ...
حمد : رشووود اتخبلت وين بتوديني ..
راشد : بنسير دبي .. عشان نرمس و إذا ما عيبتك رمستيه ..اعقك في بر دبي و ارد عنك العين و ترد مشي ..
حمد : اشو كنت بتقول ...
راشد : اصبر عندي خط .. ألو ...هلا هلا و الله ..
حمده :هلا .. و غلا و مليون ترحيبة ...راشد فديتك ..
راشد : عيونه ..
حمده : بخبرك بنطلع ..أنا و امييه و خواتييه ..
راشد :وين؟؟بدوني ...
حمده : لو يستوي جان زين بس عيب ...بسير وياهم نسلم على حرمة طالعة من المستشفى ...
راشد : سؤال متعلق بموافقتي ...
حمده :قوول ؟؟
راشد : فيه خطابات في المكان ...
حمده : هااااااه ..مادري ..لا
راشد : سيري ..بس لا تكشخين وايد .. ما اروم ادور لي وحدة ثانيه ..
حمده : ههههههههاي ..جيه سايرة عرس..هههههههه
راشد : شوي شوي تراني يالس اسوق ..اشو عيبتج ؟؟؟
حمده : حلوة ...
راشد : بخبرج عااد هب ارد ما القاج .. و إلا نسيتي العشا ...
حمده : آفااا عليك .. تعال و شووف اشو بدعت لك ..
راشد : خلاص عيل بنشوف ..
حمده : انته وين ؟؟؟
راشد : أنا .. ساير دبي ...
حمده : من ورايه ..دبي ..ماعليييه بخبرك يود عمرك ها ...و اتحمل ..تراني أغار ...
راشد : تخافين أغازل وحدة عليج و آخذها ..
حمده : هااااا لأجتلك و أجتلها وياك ..
راشد : خخخخخخخخههههههخخخخخخ ... يعلني فدا اللي يغارون ...
حمده : سر و تعال و عقب بنتفاهم ..يالله راشد فمان الله ..
راشد : ويييييييييه زعلوا زعلوا .. ما عليه أنا أعرف شجايل أراضيهم ...يالله فمان الله ..
يبند راشد التيلفون و يطرش حق حمده مسج .. و يرد حق حمد و يكلم رمسته ...
راشد : حمد اشو تتريا ؟؟؟
حمد : هااا .. ترمسني ؟
راشد : لاه ..مادري منو ويانا .. اقولك اشو تتريا ...
حمد : اشو ؟ شو اتريا ؟؟
راشد :يعني بالعربي الفصيح .. جني يالس ارمس هندي و اخويه ثقافته عربية ... حمد انته تبغي خولة ..ليش ما ترمس عمييه ..
حمد : هااا .. رشود ...
راشد : يالله عاد عن هالحركات ..بخبرك شي ..انزين ..

يتبع عن قريب

شمس دبي

<img src="http://oasis.bindubai.com/emoticons/smile.gif" border="0" valign="absmiddle" alt=':)'>

بن دبي

25-06-03 ||, 02:53 PM

حبيبتي وغناتي شمس دبي

بلييييييييييييييييز حطي التكملة والله حرام عليكم

<marquee>دلوعة البحرين</marquee>

بن دبي

25-06-03 ||, 03:23 PM

اوهوووووووووووووووووووووو ووووووووو انا مافيني صبر لين يومين او ثلاثه يالله عاد حطيه خل نفتك اننعرف النهاية والله اوووووووووووووووووووووووف لاعت جبدي واناانتظر والله........:angry:

شمس دبي

27-06-03 ||, 11:43 PM

خلاص اليوم بحط آخر جزئين

شمس دبي

شمس دبي

27-06-03 ||, 11:48 PM

الجزء التاسع
---------------
---------------
حمد : قوول ..
راشد : اللي ما تعرفه ..إنه خولة ما عرست لأنه رافضة أي واحد و ما تبى غير ..واحد لوح اسمه ..حمد ..
حمد : راشد .. انته تعرف شو يالس تقول ...
راشد : و جيه ما عرف شو يالس اقول ..بابا .. لا تقوليه ما تحبها .. سمعت عبد الرحمن ولد عمييه عبيد بيرد يخطبها ..مرة ثانية إن ما سويت شي تراها بتاخذه ..ما اقص عليك ..
حمد : شدراك انها بترد تاخذه ...
راشد : حمدوووو ..تراها ربيعة خولة ... و تقولها كل شي ...تدري ..اسمع..
راشد : حمد تحيد الحادث اللي استوى قبل سنين ..يوم تدخل حضرتك غيبوبة 3 مادري 4 أيام ..
حمد : و دخل السالفة هاذي بموضوعنا ...
راشد : حمووود ..صدق انك هب من البشر .. خوالي يا حمد استوتلها أزمة قوية و طاحت و في المستشفى حول الأسبوع عشانك.. خفت من عقب ما قلنالها إنكم بخير ما كانت تعرف إنك في غيبوبة ...مسكينه .. يوم درت إنك نشيت من هالغيبوبة كانت تي و تطل عليك .. من بعيد ..و فليل محد يدريبها ..بس كنت أنا دوم اشوفها ...حتى شمووووه تدري بكم .. بس ماقدرت تسوي لكم شي لأن خولوووه حساسة و انته رخام من برودتك ...
حمد : يوم خولة خلصت الثانوية .. كنت مابغي اسير اخطبها لأني أعرف أنه خوالي لها طموحاتها .. انته شفت نسبتها .. كله ولا يوم قالت بتدرس طب ..
البنية تبا تشتغل تبا تعيش حياتها و أنا الصراحة لو خذتها ما ابغيها تشتغل ...
راشد : حمد ..خولة كانت مستعدة حتى تهد الدراسة عشانك ...
انصدم حمد صدمة حياته يوم سمع رمسة راشد .....
راشد : بلاك ... عرفت يا حمد وين تفكيرك وصللك .. شو كان بيصير في دنياك لو انته رمست ؟؟؟؟
حمد : شيصير بدنيانا ..لو رمسنا...
راشد : على الشو نويت ؟؟؟
حمد : راشد ..رد العين ...
راشد : اشو ؟؟؟
حمد : رد العين ...ابغي ارمس ابوييه في موضوع مصيري ...
راشد : هااا ..ما بغيت ...اشوى ما مشينا وايد .. يالله قبل لا تغير رايك ..
و يلف راشد و يرد العين ....
و في بيت بو سالم ....
راشد : السلام عليكم
ام سالم : هاذي اللي مطرشتنك وراه ..وين سرتوا ؟؟؟
حمد : امييه استهدي بالله ما سرنا مكان .. في الفريج ...
بو سالم :اشو بلاكم ؟؟؟
حمد :ابويه ..بغيتك ...
ام سالم : و أنا ؟؟؟
حمد فخاطره ( تنكت امييه بعد): انتو الثنينة ...
بو سالم : خير ؟؟
حمد : ابغي اخطب .. خولة بنت عمييه سيف ...
ام سالم :لااااه .. توك عايف العرس و لا تباه ...
بوسالم : اسكتي يا ام سالم .. خليني أفهم السالفة ..
حمد : ابوييه ابغي خولة ..محد غيرها ...
بو سالم : بتخطب على خطبة ولد عمك ....
حمد : ابوييه .. خولة ردت عبدالرحمن و اسأل شما .. ردوه من زمان ..
بو سالم : همممممم.. دام انهم ردوه ..بنشوف ابوها ...
حمد : ابوييه .. الله يخليك بسرعة ..باجر ..
ام سالم : توك ما فيك عالصدعة ...
حمد: أمايه هذاك أول .. و الأول تحول ...
ام سالم : سبحان مغير الأحوال ..
بو سالم :و لا يهمك يا حمد .. باجر انشالله قم دق حق حميد و خبره انه بنييهم باجر ..
راشد : انشالله ابوييه ..
حمد : يرمسني انا أنا ..بلاك ؟؟
راشد : الله الله يا زمن مادري منو توه يستهبل عمره ...
حمد : جب جب جب ..يلله ..هب باجي إلا انته ...
و بالباجر ... الظهر ..خولة ياية من الدوام و تشوف البيت مشتل و حالته حالة .. تسير عند أمها ..ما تعبرها ..شما مشغولة في المطبخ ..نجول هب طايعة تخبرها و لا تقول شي ...
خولة : نجلووووووه خبريني اشو يالس يستوي .....
نجلاء:خولة مادري .. قومي عني ...هب فاضتلج ...مشغولة ..
خولة : مشغولة بالشو ؟؟؟
نجلاء : تبين العلوم تخبري واحد من اخوانج ..روحي ما اعرف ..قالولي اشتغلي و انتي ساكته ...
تسير خولة عند أمها ..
خولة : أمايه ..بلاج هب معبرتني ..محد معبرني ...تراني بسير حجرتيه و بقفل على عمرييه الباب و لا برمس حد...
ام حميد : خير ما تسوين ...
خولة : أماييييييييه!!انزين دقوا عليه ما برد عليكم ...زعلت و لا تزقريني ..
بو حميد : خولة ..تعالي بلاج تضاربين الهبوب الهابة ...
خولة : ابوييه ..محد معبرني اسألهم منو ياينا ..ما يردون عليه .. ابوييه فديتك انته اللي بتخبرني ...
بو حميد : انتي بعدج تحوطين بثيابج ...توج ياية من الدوام ..
بو حميد يتهرب من الإجابة .. خولة : هييه ابويه ... هي اكتشفت طبعا انه يتهرب ..
بو حميد : سيري اتسبحي و غيري ثيابج و انزلي اتغدي و يصير خير ...
خولة : ابووووويه ..دخيلك مالي غيرك ..خبرنييه ...
بوحميد : خولوووووووه سيري ..بسير عندي شغل ...مشى ابو خولة .. و هو يرمس عمره ..
أما خوله تتحرطم ..يا ربييه من وين يايبيني ..من الشارع لااااا بديت اشك ..أنزين رمسوني خبروني اشو السالفو اشولها هاذي اليولة كلها ؟؟؟
بسير اتسبح و اغير ثيابيه .. و ارقد لي ساعتين احسن لي من مجابل ويوه ناس ما يبوني ..
تسبحت خولة و صلت و اتسدحت شوي عشان تريح ....يرن مبايلها ..
حمده : مرحبا مرحبا يا حي هلا و الله بخولة ...
خولة : هلا حمده .. شحالج ..
حمده : خولوووه ...شو تسوين ؟؟؟
خولة : ما شي اتحرطم ... حمدووووووه انتي اللي بتيبين الأخبار ...
حمده : أنا ؟؟؟؟
خولة : حمدووه اشو يالس يستوي في بيتنا ..محد معبرني ..مسويلي مقاطعة تقولين منتجات أمريكية ..
حمده : انتي يالسة في بيتكم ..و تبيني أعرف اشو يالس يستوي عندكم .. كيف تستوي هاذي ؟؟؟ خبريني ؟؟؟
خولة : دقي حق ... رشوووووووووودج ...
حمده : هااه .. ادق له ألو ..رشوودي ..اشو يالس يستوي بيت عمك ؟؟ تبينه يهدني ..قولي ما تدانيني ..و تبيني افكج من ويهي ...
خولة : شمووووه هب طايعة تقولي شي ..بمووووووت ..بينفجر لي عرج في راسي لو ما عرفت ...
حمده : بسم الله عليج ... بخبرج بدق له و برد ادق لج .. و لو ما دقيت اعرفي اني ما ادري عن السالفة شي ..
خولة : اوكييييه ..يالله باااااااي ...
تسكر حمده عن خولة و تدق على طوووول حق راشد ...
حمده : السلام عليكم و الرحمه ...
راشد : و عليكم السلام ..هلا ...
حمده : شحالك ..
راشد : بغيتي شي ؟؟؟
حمده : هااااا..شكلك هب فاضي ..
راشد : لا فاضي ...
حمده : لا برد ادق لك عقب ..
راشد : بتقولين اشو تبين ...و إلا لا ..
حمده : راشد بلاك ؟؟
راشد : ما شي ...خير..عندج شي ...
حمده : راشد ...
حمده تتنهد : فمان الله ..
راشد : حمده ...
حمده : راشد ... مع السلامة ...
تبند حمده و تدق حق خولة ..عسب تشغل تيلفونها و ما يدقلها راشد ...
خولة : ها حمدووووه ..ما خبرج ..
حمده : خولة دقيتله .. يرد عليه يوم ارمسه ..تقولين يرمس حد هب طايجنه .. من عرفته ما حيده رمسني جذه ...
خولة : شو قلتيله ...
حمده : و الله ما قلت شي ..ما عطاني فرصة ... بس سلمت سييده قالي ..بغيتي شي ؟؟...
خولة : بلاااااه ؟؟
حمده : مادري ...يا ربيييه و الله ما سويت شي ؟؟؟
خولة : ما عليج ... بيرد يدقلج و هو ندمان بس الحينه بيتغلى ..
حمده : مادري .. انتي بعدج قافله على عمرج ..
خولة : يت نجلووووه ادق عليه .. عسب الغدا قلتلهم ما ابغي ..مع اني اتقطع من اليوع ...
حمده : ادريبج ما بتتحملين بتنزلين تاكلين ..
خولة : لا مسوية حسابي .. في شوكلاطة في الحجرة ..تصبيرة لين عقب ...
حمده : اوكييه بخليج الغالية بسير ارقد شوي ...لا تنسين تخبريني اشو استوى عقب ..
خولة : اوكيه حبيبي ... يالله باااااي ...
بندوا عن بعض .. حمده بندت مبايلها و أغلقته و خولة بعد بندته و سارن هنتيناتهن يرقدن .. و لا عبرن حد و لا حتى سألن في حد .. و قبل المغرب ..
ام حميد : خولة ..خولة .. خولوووه قومي بسج من هالرقاد ...
خولة و هي نص واعية : هااااااا ..اشو تبون ؟؟؟ توكم ما تبوني .. خلوني ارقد ...
ام حميد : حميد .. تعال .. تعال قوّم اختك .. بيأذن المغرب ...
حميد : امييه قومي شوي أنا بواعييها ...خولوووه و صمخ جلاب ... قومي افتحي الباب ...
خولة تفتح الباب : خير .... اشو ؟؟!!
حميد : خولة قومي صلي و انزلي يبونج ...
خولة : و أنا ما ابغي حد .. ما جني ييتكم الظهر و لا عبرتوني جنه مسوية شي ...سر لأني هب ناقصة حد وراسي يعورني ...
حميد :بخبرج ما عليه منج بتنزلين يعني بتنزلين ..لو بنزلج بالبجامه اللي لابستنها ..يالله ..
خولة : عفانا الله وين حقوق الإنسان .. بخبرك سر و فكني بس ...
حميد : بوقت لج 10 دقايق ما طلعتي ..بدخل عليج ...
خولة : تروم انته ...امييييييييه شوفيه ...
ام سالم : حميد ...
خولة فخاطره .. يالله هذا اللي قدرتي عليه ..
تدخل خولة و تصلي اللي عليها و تبدل ثيابها و تتطلع ..نزلت ما ترمس حد إلا جان ابوها رمسها و إلا امها بغت شي ..حتى لو بغوا شي تسويه و هي ساكته ..
بو حميد : بلاااج من نزلتي و انتي مبوزمة و حالتج حالة ...
خولة : ما شي ..
بو حميد : حتى انا مقاطعتنيه ؟؟؟
خولة : لا ترمسوني ما ارمس حد ... من كبيركم لين صغيركم ...مقاطعتنكم ...
بو حميد : نهون ؟...
خولة : هنت عليكم ! ..
حميد : خولووه يالله اعدلي ويهج تراج مب شي يوم انتي جذه ...
خولة : محد طلب رايك ...
سعيد : حشى علينا .. بلاج ؟؟ فترة و عدت خلاااص عاااد...
خولة : لا ما عدت .. تبون شي ..عندكم شي .. شكلكم ما عندكم شي ..بسير حجرتيه ..بخبركم لو زلزال بيستوي لا تزقرونيه انزين يالله ..فمان الله
شما تيود خولة : خولوووووه يالله ..عن هالحركات ...
خولة : انتي انتي ..انتي لا ترمسيني .
شما : حتى انا ماخذه مني موقف ؟؟؟
خولة : انتي أولهم ..
سعيد : خولوووه ..يالله عاد عن مرتييه شوي شوي عليها ...
خولة : قلت ربيعتيه بتخبرني اشو بلاهم هل البيت ..حتى هي ما خبرتني ..
حميد : تعالي بنخبرج انزين ....
خولة : ما ابغي اعرف ..زين ..
بو حميد : لا حووووول ..خولة تعالي تعالي ...
خولة : خير ابوييه ؟؟؟
بو حميد : سلمج الله .. كنا مشغولين بيية قوم عمج محمد ...
خولة : هاذي اليوله كلها عشان قوم عمييه بيون .. و خير يا طير ياما يونا ..اشو اللي تغير الحينه عشان ما اعرف يعني ؟؟؟
حميد : يالدعمه .. احيدج فهيمه ..
بو حميد : خولة...قومي تعالي ... ياخذ بوحميد خولة و يسير بها حجرته ....

يتبع اليوم <img src="http://oasis.bindubai.com/emoticons/tounge.gif" border="0" valign="absmiddle" alt=':p'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'>

شمس دبي

شمس دبي

28-06-03 ||, 12:00 AM

الجزء العاشر و الأخير
--------------------------
--------------------------
بوحميد : خطوة عزيزة ...تعالي ايلسي ...
خولة : ابويه شو السالفة ....
بو حميد : احيدج فهيمة تلقطينها من الرمسة ...
خولة : اليوم استويت من اشد اشد أغبياء العالم ...
بوحميد : خوالي سسلمج الله عمج محمد ياي يخطبج حق ولده ... حمد
خولة : هااااااا؟؟؟؟؟ و ليش ما تبوني أعرف ..
بوحميد : هاذي فكرة واحد من خوانج الأذكياء اللي تحت ... عسب ما ترفضين و تفكرين عدل ...
بوحميد : خولة اللي في عمرج كلهن عرسن و في بيوتهن و عندهن عيال ..مستخسرة فينا نشوفج سعيدة في حياتج ؟! .. قولي شرايج ؟؟
خولة بابتسامة : اللي تباه يا بوييه بسوييه ..
بوحميد : عين العقل يا خولة ... فكري ... ما بتغيرين رايج ؟؟؟
خولة : لا ..ما بغيره ...
بوحميد : زين ..زين مبروووك ...
تنش خولة و تسير حجرتها ...و تيلس تضحك شوي و تصيح شوي ...من عقب السنين هاذي كلها ...آآآآآآآه محلاها السعادة من عقب غيبة طوييييييييلة...
مبايلها يرن ..ترد ماترد ..أووووووووووه حمده ...
حمده : ألووووووو إزيك ؟؟؟؟
خولة : كويسة و انتي ؟؟؟ أخبارك إيييه ؟؟؟
حمده : زينه ..
خولة :ما دقلج شهريار زمانه ....
حمده : هييه بس أنا ما عبرته ....بتغلى و بتغلى و بتغلى ...
خولة : خفي على رويشد ما ارضى عليه تراه رفيق الدرب ...
حمده : شو ما ترضين عليه ...تراه الزعل عنده منه و الدرب حم و مات و انا نفاد ينفدني ..أنا الحرمة انا اللي أزعل هب هووووو...
خولة : جد جد جد الحينه بتقولين انتي زعلانه صدق ؟؟؟ ما ترومين .... ههههههههه
حمده : أدري ما رووووم .. بس ولو ... ما عرفتي اشو مستوي في بيتكم ...
خولة : عرفت ...عرفت ...
حمده : شو مستوي ؟؟؟
خولة : قوم عميييه محمد يايينا بيخطبوني حق حمد ....
حمده : و الله ...احلفي ...شادي مبارك شادي مبارك ....
خولة : بلاج ...العرج دساس شو نسوي .... اقولج يايين.. ابويه توه خبرني .... بس أنا اللي بطلع عيون حمد ...
حمده : شو بتسوين يالخبلة ؟؟؟
خولة : اول شي بطلب مهلة افكر فيها ...أسبوع ..و برد عليه عقب بالموافقة ...
حمده : و اشو فيها هاذي كلنا خذنا مهلة نفكر فيها ....
خولة : بتشوفين الياي .. ما بخلي سبع سنين اطوف جدام عيني بدونه .. بطلعهن منه ...
حمده : قد كلامج ...
خولة : آفااا عليج أنا خولة الكتبي ..مو حيالله ...
حمده : بنشوف اشو بتسوين .... يالله بهدج كنت بس داقه اطمن العرج انفجر و إلا بعده ...
خولة : لا الحمدلله ... يالله عيل بخليج و بخبرج لا تلعوزين راشد زيادة ...
حمده : عشانج بس و إلا أنا ناوية ازعل زعلة عووودة ...
خولة : اطالعوا منو يرمس ... أقولج ما ترومين يالله اجلبي ويهج ..اجلبيه ... عالفهرس ..
حمده : باااااااااي .....
خولة : باااااي ...... يبندون المبايلات ...على طوول تدخل أم سعيد ..أم حمده الحجرة
ام سعيد : حمدوووه شو مسويه بالريال ..
حمده : منووووو؟؟؟
ام سعيد : راشد ....
حمده : ما شي بس زعلانه عليه ... اميييييه شقايل عرفتي ...
ام سعيد : انزلي رمسي ريلج ....
حمده : هذا شويسوي اهنه ...
ام سعيد : حمدووووه انزلي ..استوي حرمة و عن لعب اليهال ....
حمده : انشالله اميييه ....و تنزل حمده ..عقب ما تكشخلها شوي و تتعطر ... ما حطت غير جحال ...
حمده : السلام عليكم ...
راشد : هلا ..هلا و غلا ..و عليكم السلام .. سارت حمده و يلست على الغنفة اللي مجابلتنه غنفة قوم بو نفر واحد ...تمت ساكته ..
راشد : حمده بلاااج ... جيه زعلانه ....
حمده : أنا ؟؟؟؟
راشد : حمدوووووه طوول اليوم مبندة المبايل ؟؟ شو سالفتج ...بلاج حبيبتي ؟؟؟
حمده : الحينه حبيبتك ... يوم دقيتللك اليوم الظهر تقول عدوتك ...
راشد : هااااا ..أنا ...
حمده فخاطرها .. لا يديييه ..
راشد : يالله عااااد ..فجي من هالمووود شوي .. كنت اتغلى عليج أشوفج بتصبرين عليه و إلا بتقاطعيني ثرج تبينها من الله ...
حمده : حرااااااام عليك ..مكثر تغليك يا راشد ...عيل أنا تقولي ..اشوووو تبغين ... اللي يقوووول أطالبك بفلوووس ...
راشد : ههههههههه ...حلوة ... فديتج حمدووووه ما كنت اكلمج عسب اني ما ابغي اقولج انه اليوم نحن سايرين نخطب خوولوووه حق حمد و تسيرين تخبرينها .. ما دام انكن ربع يعني ...
حمده : رشوووودي لعلمك أنا أدري بالسالفة ....
راشد : اوه منو خبرج ؟؟؟
حمده : العروووووس ؟؟
راشد : انزين هاذي المسألة و انحلت ...يالله بعدج زعلانة ...
حمده : راشد لا تسوي جذه فيني مرة ثانية ..جد جد صحت ...
راشد : حمده .. لا تسوين جذه تبين قلبي يعورني ... بخبرج انتي عمري و حياتي و كل كل كل شي عندي بسج عاااد و إلا بعرس عليج ...
حمده : هاذا و احنا مالجين تهددني ..عيل عقب العرس شو بتسوي .. بخبرك قوم قوم روح بيتكم ...
راشد :آفااااااا تروغيني ...
حمده : راشد انته تغيض بي ... بسك عااااااد حس فيني شوي ...انته ما بييبك غير عمييه بخبره عليك ..
راشد : لا لا لا كله و لا ابووويه .. خلاص ..خلاص ..وعد ما بغيض بج مرة ثانيه ..
حمده : هييه خلك جذه ...
راشد : عيل بخبرج .. بروح ...
حمده : تم بعد ما شبعت من شوفتك ...
راشد : فديتهم اللي ما شبعوا مني .. بسير الحق على شيبتنا قبل لا يسيرون بيت عمييه ..هديت مصالحي و شغلي و ييت أراضيج ..
حمده : ههههههه خلاص عيل فمان الله ...
راشد : فمان الله حياتي ....
و في بيت بو حميد ... بو سالم و عياله ..حمد و راشد و سالم ...و الأولاد كلهم موجودين ...رمسوا الشيبان و يابوا موضوع حمد ...قال لهم بو حميد انهم لازم يشاورون خولة ..لأنها هاذي حياتها أولا و اخيرا ...و تعشوا ...و روحوا ... تمت خولة تفكر ..و تفكر ..مر اليوم الأول ..و اليوم الثاني و الثالث ..مر الأسبوع و دخل بو حميد على خولة و سألها رايها ..
بو حميد : ها خولة شو قلتي ؟؟؟
خولة : ابوويه .. حمد ولد عمييه و ما بحصل احسن عنه ... أنا راضية فيه ...
بوحميد : نقول مبروووووك ...
خولة : ...........
بوحميد : مبرووووووك ...و طلع بوحميد من حجرة خولة و سار الصالة ...
ام حميد : ها بشر شو قالت ؟؟؟؟
حميد : بوييه يالله ارمس ...
بو حميد :اشو تتوقعون كان ردها ؟؟؟
شما :يالله عمييه قول ...
بو حميد : وافقت ....
ام حميد : يا علني افدى ويهج يا خولوووه ..
كانت خوله واقفة على الدري ..شافت فرحة اهلها بعرسها .. هي بعد فرحانه لانها بتاخذ اللي تحبه عقب سنين ..بس بعد متضايقة ..زعلانه منه ..لأنه خذ سنين عشان يقرر إذا يباها ...
مر اسبوع و يوم على طوووول ردوا ..اهل خولة على اهل حمد بأن خولة وافقت ... ويوا غسب المعاربس يشوفون بعضهم ..لازم ..جزة شرعية ..
و في هذا اللقاء ...دخل حمد على خولة ..لقاها آية من الجمال ..جمالها الطفولي ما يساوي شي الحينه .. من عقب ما كبرت ...
حمد : السلام عليكم و الرحمة ...
خولة بصوووووت واطي ( شارية الادب ) : و عليكم السلام ...
حمد : شحالج خولة .. شخبارج ؟؟
خولة : بخير الحمدلله ...
حمد : انتي وافقتي و بغيت اسمعها منج ؟؟؟
خولة : أنا راضية فيك .. انته ولد عمييه و ما بحصل أحسن عنك ..
حمد : انزين ..الحمدلله ...
و في لقاءهم الثاني ..طلب حمد رقم مبايل خولة .. هي تحفظت في البداية و عقب ...عطته إياه ...
و كانوا يرمسون بعض من فترة لين فترة ...
حمد : خولة ...بسألج متى تبين الملجة ...
خولة : حمد أجلها شوية ....
حمد تفاجأ من كلام خولة : ليش ؟؟؟ ....
خولة : حمد ..اصبر شوية ما صار لنا خاطبين غير اسبوعين ...
حمد : تبين نصبر بنصبر ...
خولة : إنزين ... شو تسوي ؟؟؟
حمد : ما شي ... اوكييه خوالي ..بخليج الحينه ...يالله فمان الله ...
خولة : اوكييه فمان الله ...
مر شهر و هم على هالحال ...خولة اجلت الملجة مرتين .. و كان حمد متضايق من الموضوع ...اضطر يسير بيت خولة عشان يرمسها وجها لوجه ..
حمد : خولة ليش تأجلين الملجة ما تبيينا نعرس و نستوي زوجين ؟؟؟
خولة : لااا بالعكس ودي نملج اليوم قبل باجر ... بس
حمد : بس ؟؟... شو السبب ..
خولة : حمد كنت اترياك ..تحبني ...
حمد : خولة انتي شو تقولين ...
خولة : ............ دموعها في عينها لانها هي بعد تعبت و تبغي تجتمع وياه ...
حمد : خوالي ..أنا أحبج .. لو ما كنت أحبج ما خطبتج ..و لا حتى كنت بفكر فيج ..
خولة : متأكد انك تحبني ....
حمد : خولة ..فديتج من كنتي في الثانوية ...بس طموحاتج و أحلامج حطمتني ....
خولة : أحلامي ..طموحاتي ..حطمتك ؟؟؟
حمد : رغبتج في الشغل .. انتي درستي شي صعب ...انتي مهندسة هب معقول ..بتهدين اللي انتي فيه عشاااااني ..
خولة : صح صح ..اللي ما تعرفه اني كنت مستعده أضحي بكل شي عشاااااانك ...
حمد : تدرين اشو المشكلة ؟؟؟
خولة : شو ؟؟
حمد : إن نحن نبغي دووم الآخر هو اللي يرمس ..
تبتسم خولة ...
حمد : أفهم من هاذي البسمة ان الملجة باااااجر ..
خولة : ههههههه ..شو باجر ..ما جهزت و لا سويت شي ..
حمد : انزين بنأجلها شوي ....ها ها شهر .. ها ها أسبوع .. ها ها ورا باجر..
خولة : حمد ...اقولك أجل شوي ..تقولي ورا باجر ...خلها الخميس ...
حمد : مثل ما تبغي حياتي ...
و في بيت بو سالم ...
حمد : أمااااااااااايه بويه وين؟؟؟؟
ام سالم : ابووك ..شوفه في الصالة اللي فووق ...
حمد : ابوووويه ... رمس عمييه عسب نملج ..
بو سالم : متى تباها ؟؟؟...
حمد : ابويه ..خلها ....مممم الخميس ...
بو سالم : بلاااك مستعيل ....
حمد : ابوويه ما اروم اصبر .. صبرت شهر ....بسني ما اروم اتريا أكثر ...
بو سالم : خلاص بنرمس عمك ...
حمد : مشكووووور طااال عمرك ...
و تحدد موعد الملجة مع أهل العروووووس و كان يوم الخميس ... و أعلن في هذا اليوم عقد قرآن السيد حمد محمد الكتبي و الآنسة خولة سيف الكتبي ...
حمد : مبروووووووك عليج انا يا خولة ....
خولة : هههههه ... مبروك عليك انا ...
حمد : هااا خوالي ...شرايج ..حلوين ويا بعض صح ؟؟؟
خولة : هييه ..حمد بقولك شي ...
حمد : قولي ....
خولة : حمد ..أنا أحبك ... و عشان جذه .. أنا قدمت استقالتي ...
حمد : و الله ..عشااااني ..
خولة : عشااااان حمووودي ..
حمد : فدييييييييييتهم أنا ..فديت خواااالي ...
فترة الملجة عدت و عقب 6 شهوووووور ..كانت الحفلة ..حفلة العرس ....يكفي أقوووووووولكم إن حفلة العرس كانت ليلة من ليالي العمر اللي تحلم فيها كل بنية ... حتى ....أنـــــــــــا ....كوكوكوكييكيكيكيكيكيييي ...زفت ام حميد خولة هي و البنات ..نجلاء ..مراااايم .. شما .. عليا ...
الكوشة كانت حلوة ..بس طلعت خولة ... و حلتها أكثر و اكثر و بحضور حمد استوت رووووعة ....ام المعرس ..أم سالم شلت العرس على راسها ..و خلته فنــــان و حلو ..طبعا الفرقة لعبت دووور في الربشة .. دخل حمد و و وقف حذال خوالي ...
حمد : خولة ..و أخيرا ...
خولة : كان ممكن يصير هالشي من زمان ...
حمد : اللي فاتنا بنعوضه انشالله ... خولة ..
خولة : عيونها ....
حمد : أحبج .. كلمة لو قلتها ما بلت عروقي ...
خولة : حمد .. كلمة أحبك ما بتوفيك ...
و احتفل خولة و حمد بعرسهم ... و ساروا سويتهم ببرج العرب .. و ساروا شهر العسل ... و عاشوا بثبات و نبات و خلفوا صبيان و بنات ....
كانت خولة في حياتها من اسعد ..أسعد البشر في حياتها ..و حمد كان محظوظ بها ... عاش حياته وياها بسعادة و هناء ... صدق يوم قال الشاعر ...
الله يهنيك بي و الله يهنيني ..والله يديم الغلا ما بيني و بينك

يتبع

اقص عليكم هذي النهايه

و نفس ما يقولون في نهاية الكتب تم بحمد الله

اختكم شمس دبي <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>  (أخيرا خلصت)

بن دبي

28-06-03 ||, 11:51 AM

تسلميييييييييييييييين اختي شمسوه على القصة اللي كملتيها والدور على الباقي فديت رووووووووووووووحج <img src="http://oasis.bindubai.com/emoticons/tounge.gif" border="0" valign="absmiddle" alt=':p'>

بن دبي

28-06-03 ||, 02:40 PM

الله يجمع كل المحبين على خير

ومشكورة على النهاية الحلوة

واتمنى من كل الاعضاء وضع نهاية لقصصهم

<marquee>دلوعة البحرين</marquee>

مستشارة إبليس

30-06-03 ||, 10:25 AM

والله القصه وايد حلوه .. تسلمين يالغاليه