المساعد الشخصي الرقمي

مشاهدة النسخة كاملة : ما اعرف شو اسمي الموضوع



بن دبي
30-05-03 ||, 10:30 PM
<font color='#000000'>يطوفكم .. احلى قصه حب السلام عليكم ورحمة الله وبركاته ..

شحالكم يا جماعة الخير .. هااي اول مشاركه لي في المنتدى واعتقد انها ما بتعيب وايديين منكم ..في خاطريه رمسه وابغي اقولها من مده ... انا ما اقصد حد في كلامي بس الساكت عن الحق شيطان اخرس ..
اعتقد كلكم ملاحظين انه في الفتره الاخيره زادت وبشكل كبير قصص الحب في المنتديات .. والي بعض الاعضاء ((وبالأخص البنات)) يبدعنها ويكتبنها ..
يا جماعة الخير اغلب الي يرتادون المنتديات هم من فئة المراهقين والي تترواح اعمارهم بين 14-21 سنة والكل عارف هالسن الحرجة بالنسبة للبنت والولد ..يوم الواحد منهم بيحدر النت وبدخل وبيقرا هالقصص شو بتكون ردة فعله بيدبي اعجابه بالقصه وبيثني على الكاتب وبيطالب بتكملة القصه (( تراها موضه الاجزاء الحين في المنتديات))..واغلبية القصص البطله تكون بنت ناس وحلوه وما عليها كلام وتدرس وعندها ربيعه وتخاف الله وحشيمة عن تبع المدانيس ..بس بقدرة قادر اتجوف واحد وتتخبل عليه ويكون هو ولد ناس ودون جوان زمانه ووسيم درجه اولى والكل متخبل عليه ..ويجوفها ويرقمها .. وهي لانها بنت ناس وحشميه عن تبع المدانيس تنش وتتصل له &#33;&#33;&#33; واكيد طبعا تكون اول مره ترمس ريال في التلفون وبيبدا الحب يكبر في القلوب الغضه .. وينتهي بالزواج .. طبعا ما ننسى انه البنت تضحي بكل شي عشان خاطر حبيبها وترفض كل الي ايونها وتتكفخ بس تصبر عشان خاطر خبيبها ..وفي النهايه ينتصر الحب ويتزوجوون وايبون عيال كتاكيت ..
طبعا ما ننسى انه الكاتبة والمؤلفة راعية القصه لازم تجتل حد من الابطال عشان الحبكة والدراما ((والله شو خليتوا للافلام الهنديه ))ولا ما بتكتمل القصه بدون ما يموت حد ..حتى لو الدريول..

ولا في قصه البنت حبت ربيع اخوها بدون ما تشوفه ولا مره بس اتصل في بيتهم مرتين قامت وحبته وتزاعلت ويا ربيتعها عشان هالشي لانه طلع ولد عمها الي ما يباها ..

وفي قصه ثانيه وحده يدخل عليها واحد في المستشفى وبس جافها تعلق فيها وسحرته وحبها وربيعتها تشجعها انها تتصل به ..واخرتها واعدها على البحر وعطاها هدايا ولازم شوية رومانسية قام وحظنها &nbsp;عادي ترا يحبها &#33;&#33;&#33;

وفي وحده بغت تبين ان راعية القصه عفيفة ومحشومه عن هالسوالف لبستها نقاب .. هيه ترا النقاب صار ستره &#33;&#33;

همسة اخيرة في اذن كل كاتبه وكل ما ينقل قصه ..اتقوا الله في المراهقين .. انتو بهالطريقه اتشجعونهم على هالمرسه البطاليه .. بطله القصه لو كانت فعلا بنت ناس كان ما رضت على عمرها ترمس واحد غريب في التفلون .. ادري بتقولون عني رجعيه في افكاري وهي مجرد قصص .. لكن انتو شو عرفكم في نفسية الشخص الي يقرا هالقصص ..شو عرفكم في الظروف الي هو عايشنها .. ممكن بكل بساطه يقلدهم .. ترا انتو في القصص مصورين انه الحب المخفي عن عيون الاهل شي عادي ولازم ينتهي نهايه سعيدة بالزواج .. ويلا ترا محد يعرف عني بكلمه وبحبه وبيب لي هدايا وبعدين بنتزوج .. وحلوه الحياه ..

عندكم موهبة اوكيه محد قال لا ..ممكن تكتبون قصص من الحياه ولا لازم تكون قصص حب .. والله يا كثر المشاكل الاجتماعية الي عندنا ممكن تبدعون في اي وحده منهم .. ولا القصه ما بتكون قصه الا اذا كانت قصه حب.. حبوا اوكيه لكن مش بهالطريقه الي انتوا امبينينها للناس ..

انا ما اقصد حد بعينه ولا اعرف حد منكم ..بس خافوا الله في عيال الناس .. هالرمسه مش من فراغ .. لانه فعلا في حالات صارت والسبه قصص الحب الي تنحط في المنتديات .. والسمووووحه منكم اذا ما عيبتكم الرمسه بس مره ثانيه اقولها الساكت عن الحق شيطان اخرس ..

منقووووووول</font>

ماوحشتك
30-05-03 ||, 11:27 PM
<font color='#000000'>تسلمين &nbsp;شباصه .. على هالموضوع ...</font>

نور السنا
31-05-03 ||, 12:21 AM
<font color='#000000'>شباصة.. مشكورة على هالكلام بس هذي القصص مب معناتها انها تشجع البنت انها تكلم ولد و جي.... انتي لا تاخذينها من الناحية السلبية بس...

ممكن تكون نصيحة للشباب انهم يسلكون الطريق الصحيح و يحبون بشرف مو بسواد ويه مثل باقي الشباب هاليومين..

انا معاج انه حرام الوحده ترمس واحد غريب ما تعرفه بالتليفون...

بس شي أهون من شي... على الاقل نصيحة للشباب يحبون من قلبهم بدل هاللعبة الي مستويه موضة هالايام... يعني على الاقل تخف المصخرة...

لا تفهميني غلط لكن انا اقول الشباب و البنات ما بيتغيرون مرة وحده و بيستوون شرفاء روما في يوم و ليلة ... يعني برايي شوي شوي يخفّون حب المصخرة لي ما يوقف مرة وحده.... اليوم قصة لعبة و باجر حب عفيف ينتهي بدون زواج و الي بعده بزواج و الي بعده خلاص عيييب,, البنت تصدّ الولد لي ما يخطبها,, عرفتي شلون؟؟ بالتدريج يعني...

برايج اختي كلامي ما فيه منطق؟؟

يعني الواحد يعاصر الاحداث و يخلق من القصص أحداث من الواقع و عبر...

و شكرا و السموحة اذا طولت....</font>

القلب المحتاس
02-06-03 ||, 06:03 PM
<font color='#000000'>مشكوره اختي شباصة على الموضوع..,,,:b:</font>