المساعد الشخصي الرقمي

مشاهدة النسخة كاملة : شمة والمنتديات



أحلي عيون
12-05-03 ||, 08:22 PM
<font color='#FA9B3C'>السلام عليكم ورحمة الله

انا قريت هذي القصــة في منتدي ثاني .. مع العلم ان كاتبة القــصه ذكرت بأن هذي قصتها الحقيقية و لكن مع تغيير الأسماء ..
<span style='color:orangered'>العهدة علي القـــائل</span>


<span style='color:red'>الجــــــــــــزء الأول :

شمة بنت مثل أي البنات ,,, عمرها 17 وطول وقتها يالسه على النت ... ما مخليه منتدى مب مشاركه فيه .. بس طبعا ً عندها منتدى رئيسي تدخله كل يوم ولما تمل منه تروح للمنتديات الثانيه ...
والمشرف اللي في المنتدى مسولها آدد في الماسنجر لكن عمرها ما كلمته ولا كلمها ... ومره كانت تتريا ربيعاتها يدخلون ومحد دخل ... ومحد كان غير المشرف أون لاين فقالت بكلمه ... وعدت الين العشره
ودخلت عليه في الماسنجر وقالتله :
شمه : مرحبا
خالد ( المشرف) : Hi
شمه : شحالك ؟؟
خالد : Not bad u ?
شمه : أنا بخير الحمدلله .
شمه : ليش ما تتنزل وتكتب بالعربي ..؟؟
خالد : ها ,,, كتبنا بالعربي ..hammmm
خالد : now I am in U.S.A
شمه : ماشاء الله شو تسوي هناك ؟؟
يتبع
يتبع
خالد : study
شمه : شكلك مشغول بخليك ؟؟
خالد : Ok
تمت شمه تفكر في خالد وأنه له شعبيه كبيره في المنتدى ,, وسرحت في تفكيرها تبى تتعرف عليه أكثر،، لكن ردت على نفسها وقالت هو أكيد يكلم بنات وايد ...وبدليل أنه ما كلمها زين على الماسنجر ,,, وقالت في خاطرها أحسن لي ما أفكر في هالانسان ,,,
ومره من المرات فتحت المنتدى ولقت عندها رساله خاصه ... فرحت قالت هذي أول مره حد يراسلني فجت الرساله وقرتها ... لقتها من عضو اسمه عاشق الامارات يكتب وياها في المنتدى ويدعيها للمشاركه في منتدى ربيعه ...
ردت عليه ,, وقالت أنها موافقه ... ولأنها ملت من هذا المنتدى اللي هي كانت مشاركه فيه ...
راحت للمنتدى اليديد بس ما قدرت تسجل اسمها وتشارك ... طرشت رساله لعاشق الإمارات و وخبرته أنها ما قدرت تشارك في المنتدى ,,, قالها دخليني عندج على الماسنجر وأنا بعلمج كيف تشاركين ,, في البدايه ترددت ,, بس بعدين وافقت بحكم أنها تبى تشارك في المنتدى اليديد ,, دخلته على الماسنجر :
عاشق الامارات : مرحبا
شمه : مرحبتين .
عاشق الامارات : شحالج الشيخه ؟
شمه : يسرك حالي أنته شحالك ؟؟
عاشق الامارات : أنا بخير دامنج بخير .
عاشق الامارات : وأخيرا دخلتيني على الماسنجر ...
شمه : لا اسمحلي كنت مشغوله بالدراسه .
عاشق الامارات : أهاا ... الله يكون في عونج ... أنتي في أي صف يا شمه ؟؟
شمه : أنا الحين ثانويه عامه .. وأنته شو.. تشتغل ولا تدرس ؟
عاشق الامارات : لا أنا طال عمرج متخرج من أكاديميه في بريطانيا .. والحين اشتغل ضابط في الشرطه
شمه : أقولك أنا ما قدرت أسجل أسمي في المنتدى ... ممكن أنته تسجلني ؟؟
عاشق الامارات : حاظرين ... من عيوني
شمه : تسلم عيونك ..

وأخيرا ً قدرت شما تشارك في المنتدى ,, وأول ما دخلت المنتدى لقت موضوع ترحيب كاتبنه لها عاشق الامارات.. فرحت وصارت تشارك في المنتدى ,,، عاشق الامارات وياها في الماسنجر بس حاطه عليه بلوك .. وفي مره كانت متملله ... وهو كان أون لاين .. فتحت عنه البلوك وكلمته ..
شمه : السلام عليكم
عاشق الامارات : هلا والله وعليكم السلام ,, وين هالغيبه ؟
شمه : اسمحلي الدراسه ماخذه كل وقتي . المهم انته شحالك ؟
عاشق الامارات : الحمدلله بخير ,, أنتي شحالج ووعلومج ..؟؟ وأخبار المنتدى وياج ؟
شمه : والله أنا بخير ,, والمنتدى وايد حلو
شمه : أقول أنته ما قلتلي شو اسمك ؟؟
عاشق الامارات : طال عمرج اسمي راشد
شمه : عاشت الأسامي يا بو سنيده .
عاشق الامارات : عاشت أيامج .
شمه : وكم عمرك ؟؟
عاشق الامارات : عمري 28
شمه : ماشاء الله العمر كله ... أثاريك شيبه وأنا ما أدري
عاشق الامارات : هههههه ,, الانسان مب بعمره الإنسان بعقله وقلبه .
شمه : صح والله ,, انزين أنته من وين ,,, اسمحلي أنا فضوليه شويه
عاشق الامارات : لا أفا عليج لا فضوليه ولا شي .. أنا من الفجيره ,, وأنتي ؟
شمه : أنا طال عمرك من دار الزين
عاشق الامارات : حيالله بأهل دار الزين ..

صارت كل يوم شمه تقوم العصر .. وتفتح الماسنجر عشان تكلم راشد ... وبقت على هالحال تقريبا شهر ومره قاللها راشد : شمه والله أنج دخلتي قلبي ,, سكتت شمه ,, وردت عليه : كيف يعني دخلت قلبك .
راشد : يعني وبدون مقدمات : أحبج ..
شمه سكتت وما عرفت شو تقول ؟؟ وصارت ترجف .. وسكرت الماسنجر .. ويلست تفكر في اللي قاله لها راشد ،،، وتريت باجر أيي ,, عشان ترمس راشد ... ولما استوت الساعه 5 العصر دخلت على الماسنجر ..
بس مالقت راشد ... قالت أكيد زعل عشاني سكرت في ويهه أمس ,, بس بعد شويه دخل ,, شهقت شهقه وقالت الحمدلله خيب ظني ودخل ..
شمه : السلام عليكم
راشد : L وعليكم السلام
شمه : اسمحلي البارحه انقطع الخط ,,, ولا قدرت ادخل مره ثانيه .
راشد : مسمووحه يالغاليه ... كنت احسبج زعلتي من الكلام اللي قلته لج .
شمه : لا أفا عليك لا زعلت ولا شي .
راشد : زين يوم أنج ما زعلتي ,, عيل شو رايج في الكلام اللي قلتلج أياه ..
شمه : هااا ,,, بس أنته كيف حبيتني ؟؟ يعني ما صارلي متعرفه عليك إلا شهر ,,
راشد : والله أحبج يا شموووه ,,, وأمووت فيج ... وإذا أنتي ما تبادليني هالشعور على راحتج .. بس أنا اللي عندي قلته لج ,,,
شمه : لا والله ,,, أنته من أعز ناسي ... وإنشاء الله أقدر أبادلك بنفس الشعور ..</span>

و إن شاء الله التكملة في الأسبوع هذ &nbsp;<img src="http://oasis.bindubai.com/emoticons/thumbs-up.gif" border="0" valign="absmiddle" alt=':up:'>



أختكم
<marquee> أحلـى <img src="http://oasis.bindubai.com/emoticons/inlove.gif" border="0" valign="absmiddle" alt=':lov:'> عيـون</marquee></font>

دلوعة الشاشه
14-05-03 ||, 06:25 PM
<font color='#E77471'>ويــــــــن التكمله انزيــن ؟</font>

أحلي عيون
14-05-03 ||, 07:01 PM
<font color='#FA9B3C'>السلام عليكم ورحمة الله

فالج طيب اختي <span style='color:orangered'>دلــوعة الشـاشة</span>

بس انا من طبعي ما أكمل القصـة لو احس ان ما عليها إقبال وايد <img src="http://oasis.bindubai.com/emoticons/rock.gif" border="0" valign="absmiddle" alt='???'>

لكن إن شاء الله الحين بنزل الجزء الثاني


أختكم
<marquee>أحلـى <img src="http://oasis.bindubai.com/emoticons/inlove.gif" border="0" valign="absmiddle" alt=':lov:'> عيـون</marquee></font>

أحلي عيون
14-05-03 ||, 07:03 PM
<font color='#FA9B3C'>السـلام عليكم ورحمة الله


الجـــــــزء الثــــاني

<span style='color:orangered'>ومرت الأيام وتطورت العلاقه بين شمه وراشد .. وشمه طول وقتها تفكر براشد ومتى ايي الوقت وتفتح الماسنجر وتلاقيه ... وكان راشد بالنسبه لها أول إنسان يقوللها كلمة أحبج ...
بس في مره طلب منها راشد أنه يسمع صوتها ,, ترددت وايد ... بس ما قدرت تتحمل فخذت منه رقمه .. وقالتله أنا بس باتصلك وأنته لا تتصلي ... أول مره كلمته كانت خايفه وكان ترتجف ... لكن مع الأيام تعودت ,, وكانت تكلمه كل آخر أسبوع وكل مره تكلمه يسمعها كلام معسل وحلو ... وأنها هي الوحيده في حياته وأنه ما يتنزل يكلم أي حد مدام هيه موجوده عنده ..
بس في مره من المرات ... ربيعتها مشاركه معاها في نفس منتدى اللي مشارك فيه راشد .. قالتلها أنه عاشق الامارات ... مطرشلها رساله على الخاص... كاتب فيها كلام حلو ... ويباها تضيفه معاها على الماسنجر .. انصدمت شمه لما خبرتها ربيعتها .. وما صدقتها وقالتلها سويلي فورورد حق الرساله ... وبغى يغمى عليها لما قرت الرساله .. وتضايجت ... وقالت في خاطرها أنها راشد كان يخدعها .. وما صارحته باللي شافته وقرته الا بعد ما حس راشد انه شمه شي فيها ,,, وطلب منها أنها تتصله اليوم في الليل .. عشان يفهم منها شو اللي صاير ؟ ,,, وعلى نفس الموعد اتصلتله شمه وتمت طول الوقت ساكته .. وفي الأخير بعد ما أصر راشد أنه يعرف منها ليش هيه زعلانه منه ... وانفجت عليه وخبرته عن كل شي ويلست تصيح .. راح وبرر موقفه هو وقاللها أنها هذي ربيعتج هيه اللي تحرشت فيني وطرشتلي رسايل خاصه .. وبعدين بغيت أعرف منها شو تبى وقتلها تضيفني على الماسنجر ,,, ما أقتنعت شمه باللي قاللها راشد .. ولكن ما قدرت تسوي شي لأنها تحبه .. وكل ما حاولت تنساه ما قدرت .. لأنها تحبه ,,,
تخرجت شمه من الثانويه ... وبدت الأجازه الصيفيه ,, وكثرت مشاركاتها في المنتدى ,, لأنها طول الوقت يالسه على النت ... تحرس الماسنجر يمكن في أي لحظه يدخل عليها راشد ,, لكن راشد تغيرت معاملته لشمه .. وكل ما تصارحه بهالشي ,,, يقوللها: فديتج أنا أمووت عليج يا شمه ... وإذا تبيني اليوم بيي أخطبج من عند أبوج
لكن شمه واثقه تماما ً أنه لو يا وخطبها أهلها ما راح يوافقون ... أول شي عشان فارق السن .. وثاني شي عشانه مب من مستواهم ,, وفدايما هو يسكتها بهالكلام ..
صارت محتاره ,, ودووم قاعده في حجرتها وتفكر في اللي قاعده تسويه ومرت الأيام وطافت عليها سنه وهيه على هالحال .. تحب راشد ولكن تبى تنساه بأي طريقه... وبعدها اتخذت قرارعلى أنها تظهر من المنتدى اللي هيه فيه ... وتروح أي منتدى ثاني عشان تبى تتخلص من أي شي له صله براشد ... فمالقت غير منتداها الأولي ,,, منتدى اللي مشرف عليه خالد .. سجلت فيه باسم مستعار عشان محد يعرفها ,,, وتمت تشارك فيه ... وبعد شهرين من تسجيلها في المنتدى صارت مشرفه ... وفي مره قاعده تجيك على المواضيع شافت موضوع لازم ينحذف ,, بس ما عرفت كيف تحذفه ,,, فراحت طرشت للمشرف رساله خاصه وخبرته بالموضوع .. ورد عليها المشرف العام اللي هو خالد ,,, أنها تتواصل معاه على الماسنجر ،،، بس هيه كانت محتره منه لأنه لغاها من لستته من سنه تقريبا ً وما بغت ترده مره ثانيه ... بس يقولون الحايه بنت حرام .. وهي كانت محتايه أنها يعلمها كيف تحذف المواضيع في المنتدى ,, المهم سوتله آدد وكلمته على الماسنجر ,,
شمه : مرحبا
خالد : hala
شمه : شحالك ؟؟
خالد : tamaam
شمه : أنا المشرفه اللي تباك تعلمها كيف تحذف المواضيع ..
خالد : أهاا ,,, سوري ما عرفتج
وعلمها خالد الطريقه .... وصارت لما تدخل على الماسنجر وتلاقيه تسلم عليه بس هو دوم تحسه أنه مشغول ,, وبعد كمن يوم دخلت شما على الماسنجر ولقت خالد أون لاين .. بس ما كلمته وبعد ساعه تقريبا ً ,,, كلمها وقال :
خالد : مرحبا
شمه : هلا والله
خالد : ليش ما تسلمين عليه ؟؟
شمه : أنته طول وقتك مشغول ..فما حبيت أزعجك
خالد : تعرفين موقع يطرش مسجات مصوره ,, بس تكون حلوه
شمه : هيه أعرف ,, بس قبلها لازم تسجل في الموقع
خالد : أوكيه ,, سجليني أنتي ,
شمه : أنزين ... بس هذا الموقع طالب وايد معلومات وأنا ما أعرف عنك شي ..
خالد : أوكي أنتي قوليلي شو طالب ؟ وأنا بخبرج أي شي عني .
وتم خالد يعطيها المعلومات عن نفسه وهيه ,, تسجله .. بس في الأخير الموقع طلع ما يشتغل يعني راح تعبهم على الفاضي ..
شمه : سوري هالموقع .. ظهر خربان
خالد : L خلاص أنا زعلت ,, حرام تيلفوني فاضي مافيه مسجات .
شمه : أنزين خلي ربعك يطرشولك مسجات
خالد : هو أنا عندي ربع .. هاي السنه راجع من أمريكا ... وكنت فيها من 6 سنين .. يعني كل ربعي في أمريكا أنا أحس عمري في الامارات وحيد ... ما عندي لا ربيع ولا صديق
شمه : يحليلك .... والله أنك كسرت خاطري ..
خالد : يالله عاد راضيني ...
شمه : كيف تباني أراضيك .
خالد : ما أدري ,, بس في مره أخوي الصغير طرشلي إهداء نكته أنا أباج تسوين مثله وتطرشين لي أي شي
شمه : أمممم ,,, أوكي بطرشلك .. أغنيه
خالد : أوكي
طرشت شما أغنيه حق خالد ,, ولما وصلت خالد الأغنيه استانس ,, وقاللها أنا بعد اريد أطرشلج ..
بس كم الرقم اللي تتصلون عليه وتطرشون منه هالأغاني ,, عطته شما الرقم ,, واتصل عليه وسجل صوته قبل الأغنيه ,, وقال : مرحبا ,, هذا إهداء مني لج يا شمه .
وصل حق شمه الأهداء ,, وسمعت صوته ,,
شمه : الله صوتك وايد حلو ...
خالد : تسلمين ,, أنزين أنا بعد اريدج تطرشين لي إهداء ثاني بس تسجلين صوتج ... وافقة شما على طول .. وطرشته الإهداء ,, وسمع صوتها .. وطرشلها مسج وكتب فيه ( ممكن اتصل واسلم عليج ) .
ردت عليه شمه ( أوكي بس هذي أول وآخر مره )
واتصللها خالد وتمت تكلمه وهي خيفانه ... وكملوا ساعتين وهم يرمسون .. شمه حست عمرها وايد ارتاحت له .. وفي نفس اليوم بس في الليل .. طرشلها خالد مسج وكتب فيه ،، شما أنا أحس عمري مختنق ما أقدر أتنفس
زاغت شمه عليه .. واتصلتله بس ما رد عليها ,, وطرشلها مسج وكتبلها ( أنا في المستشفى ),, ولما رجع البيت اتصللها ,, وقال لها أنه لما كان في البنج كان يسمع صوتها ,, وتموا يرمسون ...
خالد : شما ,,
شمه : لبيه ..
خالد : أقول أنا بما أنه ما عندي أصدقاء في الإمارت أباج أنتي تكونين صديقتي ,,
شما : أنشاء الله ,,, بس أنته كم بنت تكلمها عالتيلفون غيري ,
خالد : تبين الصراحه ,,,, ولا بنت .. وبتتأكدين من هالشي في الأيام اليايه .. وأنتي كم ولد غيري تكلمينه
شمه : ولا حد ,,, أنته أول واحد ..
شمه لقت في خالد كل المواصفات اللي كانت راسمتنها حق فارس أحلامها ... ويوم عن يوم تتعلف فيه أكثر ..
وفي مره سألها خالد : وقاللها أنتي شو شعورج اتجاهي .. قالت له : أحس أني تعلقت فيك .. ما فهم شو كانت تقصد .. بس سأل واحد من ربعه .. وهو قاعد يكلمها طرشلها مسج وكتب فيه ( متعلقه فيني يعني أنتي تحبيني )
ردت عليه بمسج ( يمكن ) ,, خالد ما عرف شو يقول ,,, سكت ,, وبعدين قال لها : فديتج والله ,, وسكر عنها وعدها أنه يتصل فيها بعدين ...
ومن هذي اللحظه قدر خالد ينسيهاراشد .. وما صارت تفكر غير في خالد .. خالد صار كل دقيقه يتصل لها ... وحتى في الليل يقعد من النوم بس عشان يسمع صوتها .. ومره قالها..
خالد : شمه في خاطري شي ... بتسوينه لي ؟؟
شمه : آمر ما يردك إلا لسانك ؟؟
خالد : شما والله في خاطري أشوفج
شمه : كيف تشوفني ؟؟ أنا أهلي ما يخلوني أطلع بروحي
خالد : شمه أرجوج .. والله متخبل عليج أبى أشوفج ... حرام شما ,, خليهم يودونج السوق .. وأنا بواعدج هناك
شمه : أنزين ,, بحاول ,, ( وهيه بعد كان في خاطرها تشوفه ) .
وسوت المستحيل ويا اليوم اللي بتشوف فيه خالد ,, واعدته في السوق , وتلاقوا وشافوا بعض وتكررت لقاءاتهم أكثر من مره ..
وفي مرة قاعد خالد على الماسنجر وبالصدفه رمس راشد على الماسنجر .. راشد طرش صورة لخالد وفيها توقيع شمه ,, سأله خالد : من وين لك هالصوره ؟؟ راشد هذي وحده أعرفها مسويتلي أياها .. عصب خالد وسيده اتصل حق شما وسألها إذا كانت تعرف واحد اسمه راشد ... ماقدرت شما تنكر هالشي واعترفتلك بكل شي كان بينها وبين راشد .. لكن قالتله أني ما أحبه ولا أرمسه الحين وهو بس كان يلعب عليها ... تم خالد متضايج لكن بعدين رد طبيعي مثل أول ,, فرحت شما بأنه خالد ماسوالها شي وكبر في عينها لما ... ومرت الأيام و حبهم لبعض يكبر ..
.......</span>

يتبــــــــــع الجــــزء الثــــــالث</font>

كاسبر
14-05-03 ||, 07:53 PM
<font color='#8D38C9'>القصه وايد حلوة


يالله اريد اجوف الجزء اللي عقبه<img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

شمه
14-05-03 ||, 08:02 PM
<font color='#F660AB'>و بعـــــــديــــــن شو صــار ..
يا الله.. فــــــــديت <span style='color:purple'>شمـــــــــــــــــــه</span>..كملـــــــــي القصـــــــه ..يا الله ابا اعرف شو صار الهـــا <img src="http://oasis.bindubai.com/emoticons/down.gif" border="0" valign="absmiddle" alt=':dd:'> <img src="http://oasis.bindubai.com/emoticons/down.gif" border="0" valign="absmiddle" alt=':dd:'> شو صار في خالد ..و راشد ..
يا الله


<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمـــــــــه</font>

نجود
14-05-03 ||, 08:55 PM
<font color='#736AFF'>كملوا القصة

نجود <img src="http://oasis.bindubai.com/emoticons/blush.gif" border="0" valign="absmiddle" alt=':b:'></font>

أحلي عيون
19-05-03 ||, 05:28 PM
<font color='#FA9B3C'>السلام عليكم ورحمة الله

الجـــــــــــــزء الـــثالث و الأخيــر


<span style='color:orangered'>استمرت علاقة خالد مع شمه ,, كبرت شمه وصار عمرها 22 وتخرجت من الجامعه ,, ويلست في البيت لأنها ما حصلت وظيفه شاغره لها ,, وكل يوم تفكر ليش ما أيي خالد ويخطبها ... وهو عمره ما وعدها بأنه بيتزوجها ,, ومليون سؤال يدور في راسها ؟؟ &#33;&#33; ومب لاقيه لهم أجوبه ما بغت تصارح خالد في سالفة الزواج لأنها تبى هو يبدى فيها ,, وهيه قاعده تفكر دخلت عليها امها وقالنلها أنها معزومه على عرس ولد يرانهم في دبي ومالقت حد يسير وياها غيرها ,, شمه ما كانت تبى تسير بس شو تسوي ؟؟ سارت غصبا ً عنها ,, ورجعت في الليل وكانت تعبانه وماكلمت خالد وبالباجر اتصلتله ما رد عليها ,,, وفي الليل اتصللها وقال أنه كان عليه زام وما قدر يرد عليها ,,, وسكر عنها لأنه تعبان ويبى يرقد ,, شمه حست أنه خالد تغير عليها من يومين .. بالباجر اتصلتله لقته متضايج ... سألته
شمه : شو مضايجنك حبيبي ؟؟
خالد : آآآآآآآآه ,,,,, ماشي
شمه : هيه هذا الكلام لو قلته حق حد غيري يمكن يصدق بس ,, أنا حبيبتك وأعرف متى تكون متضايج ؟
خالد : حبيبتي في شي بقوله لج بس لا تضايجين بعد أنتي .... وعديني أنج ما تضايجين ؟؟
شمه : أوعدك أني ما أتضايج ...
خالد : حبيبتي اليوم أبوي دخل عليه وقال أنه أمي لقتلي بنت وبتخطبلي أياها ... والله يا حبيبتي أنا ما اريد حد غيرج .. بس الوالد ما أقدر أرد رمسته .... قالي يا أنك تتزوج ولا تراك مب ولدي ..
شمه : سكتت ........ ما عرفت شو ترد عليه خنقتها العبره تمت تصيح وقالته اللي يهينيك معاها وسكرت عنه
ويلست شمه تصيح وتفكر في أنه أكيد كان اليومين اللي يقول أنه عنده زام كان يجذب عليها وكانت خطبته ,, وحبست عمرها في حجرتها وأهلها ما يعرفون شو فيها ,, ما طاعت تاكل ألين ما أغمى عليها ... ودوها أهلها المستشفى فحصوها لقوا عندها الضغط منخفض .... وقالهم الدكتور لازم تترقد في المستشفى ويحطونها تحت الرقابه .. خالد انشغل باله على شمه بغىيتخبل يتصل محد يرد ما عرف شو يسوي دخل على بنت عمتها في الماسنجر سألها عنها قالتله أنه مرقده في المستشفى وسألها أي مستشفى وخبرته ,, ركب سيارته وانطلق صاروخ من دبي الين العين بعد نص ساعه هو في مستشفى توام ,, يلس يسأل عنها ألين ما لقاها مرقده في قسم باطنية النساء ,,, بس ما قدر يدخل عليها لأنها أمها قاعده عندها ,,,, تم يفكر بطريقه يدخل عليها ... وبعدين ما لقى غير طريقه وحده وهيه أنه يرشي الممرضه عشان تدخله عليها راح عن الممرضه المناوبه وكانت الساعه 12 في اليل وخبرها بسالفته وطلع من بوكه ألف ربيه وحطها في ايدها .. الممرضه ما عرفت شو تقول .. راحت وزقرت ام شما وقالتلها تيي عندها في المكتب تبى تخبرها عن حالة شما ... الأم صدقتها ويتها ,, وأول ما شاف خالد أم شمه طلعت من الحجره .. أنتهز الفرصه ودخل على شمه .. شمه كانت راقده عالشبريه وتطالع التلفزيون أول ما شافته يت بتصارح ,, لكن خالد سد حلجها ,, وماتحمل عمره وراح حضنها ,, وقالها أنه يوم بتظهر بالسلامه بخبرها شي بفرحها ,,, ودعها بس قبل ما يطلع سألته وقالتله : حبيبي لما بتعرس بتعزمني في عرسك .... ابتسم خالد , وقاللها لا تفكرين في هالشي وايد لأنه ما راح يستوي ,, طلعت شمه من المستشفى وأول ما رجعت البيت أخوانها وخواتها يلسوا يسلمون عليها ... بس هيه بسرعه ركضت حجرتها ومسكت التيلفون واتصلت حق خالد ,, كلمها وقال لها أنه هو رفض البنت اللي خطبوها له أهله وأنه هو ما يفكر بالزواج الحين ..
لكن هالكلام بروحه قاله بدون ما يخبر أهله ...دخلت أم خالد على ولدها تبى ترمسه عن البنيه اللي شافتها وتبى تخطبها له ..
أم خالد : خالد قم شوي عن الكمبيوتر بخبرك عن البنت اللي خطبتلك أياها .
خالد : أوهووو أمايه أنا مب متفيج الحين , بعدين خبريني .
أم خالد : شو أخبرك بعدين , وأنا اليوم متصله حق أم البنيه ورمستها .
خالد : هاااا ......&#33;&#33; شو يعني ,,, خطبتيها ؟؟؟؟؟
أم خالد : عيل شو تباني أسوي ؟ أبوك رخصني وقال أنك أنته موافق .
خالد : لا أمايه دخيلج أجلي هالموضوع حق بعدين أنا ما أفكر بالزواج الحين .
أم خالد : كيف أجله الله يهديك ... الحين شو ذنب شمه اللي حيرناها لك ...
خالد : شو اسمها ؟؟؟؟؟؟
أم خالد : شمه وبنت مزيونه وغاويه بختك والله لو تاخذها .
خالد : أنزين من وين هي ؟ ومن وين تعرفينها ؟
أم خالد : هيه بنت ربيعة خالتك ومن العين وجفتها في العرس الأسبوع اللي طاف وعيبتني وقلت إلا اخطبها لك .
خالد : ( ارسمت على ويهه علامات الدهشه .... عرف انها اللي خاطبتنها أمه هيه نفسها شمه حبيبته ) أمايه اليوم خطبيها لي خلاص وافقت ,, دخيلج أمايه روحي كلمي أمها الحين .. الحين ..
أم خالد : سبحان مغير الأحوال ,, عنبوا شو ياك ؟؟ في دقيقه تغير رايك .. أنا خلاص رمست أمها وقالتلي بترد عليه بعد ما تشاور بنتها ..وفي هاللحظات رن تيلفون خالد ,, وكانت شمه المتصله رد عليها
شمه كانت تصيح وتقول : حبيبي ... ألحقني
خالد : ها الغاليه شو فيج شو صايرلج ؟؟؟
شمه : أمايه تبى تزوجني واحد ما أدري من وين ؟؟ ولا قالتلي لازم تزوجينه أنتي الحين صرتي حرمه وما ناقصنج إلا الريل ,,
خالد : ضحك ضحكه كبيره .... وأنا أحسب شي بلاج أو شي يعورج ؟؟ وأنتي تصيحين بس عشان هالسبب التاافه .
استغربت شمه من كلام خالد ,, وعصبت منه وقالتله : يعني أنته تباني أوافق .
خالد : طبعا ً وافقي ,,, لأني حتى أنا خطبت وبملج بعد كم يوم .
شمه : شو تقول ؟؟ يعني كنت تجذب عليه لما قلتلي أنك رفضت البنت اللي خطبتها لك &#33;&#33;... عشان جذيه تقولي عرسي .. والله أني حاسه أنك من أيام تغير عليه أكيد حبيبتك اليديده هيه اللي غيرته ... والله متندمه على الأيام اللي قضيتها وياك... حرام ...والله حراااااااااااام ...
خالد : حبيبتي ,, سيري تخبري أمج منو هذا سعيد الحظ اللي خطبج ؟.
شمه : بعد تبى تعرف منو اللي خاطبني ... &#33;&#33; الله يسامحك يا خالد والله ما هقيتها منك .. هذي آخرتها معاك يا خالد ..( وسكرت الخط في ويهه ) .
شمه مسحت دموعها وسارت تسأل أمها عن اللي خطبها .. انصدمت لما عرفت .. وطارت من الفرحه وأهلها كلهم استغربوا ..
أم شمه : بسم الله عليج يابنيتي ,,, لهدرجه فرحتي لما حد يا يخطبج .. أنزين أنتي ماشاء الله عليج غاويه وألف واحد يتمناج ..
استوت الخطبه الرسميه بعد أسبوعين ... وشمه طلبت من خالد أنها ما يملج عليها إلا في ليلة العرس ..
وبعد شهرين يا اليوم اللي تتمناه شمه وخالد ... ولما دخل خالد على شمه في الخيمه ركب الكوشه وأول ما وصل عندها ما مسك عمره وحضن شمه جدام كل المعازيم .. وحبها على يبهتها .. والمصوره انتهزت هاللقطه الحلوه وصورتهم ...
شما الحين حامل في شهرها الثالت ... وصارت ما تدخل على النت إلا في الأسبوع مره وصارت مشغوله بكل وقتها مع خالد حبيبها ...
----
ملاحظه :
شمه هيه اللي كتبت هذي القصه وما زيدت فيها ولا نقصت .. بس غيرت الأسماء لكن تنصح كل البنات أنهم ما يعيشون نفس تجربتها السابقه ... لأنها هيه ندمانه على ماضيها ... ومب كل الريايل شرات خالد يتغاضى عنها غلطاتها ...</span>


أختكم

<marquee>أحلـى <img src="http://oasis.bindubai.com/emoticons/inlove.gif" border="0" valign="absmiddle" alt=':lov:'> عيـون</marquee></font>

عناوية للابد
19-05-03 ||, 08:38 PM
<font color='#736AFF'>قصة وااااااااااااااااااااايد روعة ......... يا الله


تسلمين لي اختي الغالية أحلى عيون

رهيبة رهيييييبة &nbsp;<img src="http://oasis.bindubai.com/emoticons/blush.gif" border="0" valign="absmiddle" alt=':b:'></font>

بن دبي
24-05-03 ||, 02:09 PM
<font color='#000000'>والله النهاية روعه ...

تسلمين الغالية القصة &nbsp;...

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;تحياتي ... وميض الشووق ..</font>

أسيرة الصمت
24-05-03 ||, 02:32 PM
<font color='#000000'>روووووووووووووووووووووووو ووعه
يسلمووووووووووووووووووو

<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

الهيثــم
28-05-03 ||, 12:03 AM
<font color='#000080'>الســـــــلام عليكــــم

مشكــــور أختـــي على القصـــــــة ^_^
ومـــا قصرتـــي

ونتريــــه منج المزيــــد

تحيـــــــاتـــــي ,,</font>

شمه
28-05-03 ||, 07:12 PM
<font color='#F660AB'>يا عينـــي ع النهايــه.. والله من متى اتريا النهايه والله كنت خايفــــه ..
فديـــــــت شمـــــــــــــــه انا و فديت اسمهـــــا ..
والله اتحقق اللي في بالهـا يا حظهــــا ..
يا الله عقبال ما اتكـــون نهايتي انا بعد حلوه و سعيده ..
ياربي ....بس ما يستوي هالشي في الواقـــــع يــــــــا الله... حراااااااااام ..



<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمـــــــــه</font>

أحلي عيون
28-05-03 ||, 07:18 PM
<font color='#F660AB'>السلام عليكم ورحمة الله

مشكورين كلكم علي الردود الطيبه و الله يسلمكم و يسلم غاليكم و مغليكم <img src="http://oasis.bindubai.com/emoticons/blush.gif" border="0" valign="absmiddle" alt=':b:'>



أختكم

<marquee>أحلـى <img src="http://oasis.bindubai.com/emoticons/inlove.gif" border="0" valign="absmiddle" alt=':lov:'> عيــون</marquee></font>

كاسبر
11-06-03 ||, 01:08 PM
<font color='#8D38C9'>وايد رووووووعه


تسلمييييييييييييين الغاليه</font>