دموووعه.. من لي غيرج

[جويره]

<font color='#000000'>سرقوج عني.. سرقوج عني.. وإنت مانتي الأولى اللي يسرقونج.. سرقوج عني ويحليله قلبي بروحه يعاني..
دموووعه، منو الغلطاااان؟؟ أنانيتي وإلا اللي سرقتها مني..
دموووعه، ليش قلبي ينقبض لما أشوفهم وياهم؟؟ يضحكون يلعبون..
دموووعه، علموني الحقد..منهم خذيتها الأنانيه..وأنا اللي كنت بعيده عن الأنانيه والحقد..
ليش خلوني أكرههم.. دمووعتي.. الغلطه غلطة منو..؟؟ ذنب منو؟ ذنبي إني ف يوم وثقت فيهم.. ردي علي دوووعه.. لا تسكتين..
دموووعه، نفسي أتغير.. وإنتي أكثر وحده تدرين شقد أحاول.. نفسي أكون بعيده عن الهم والغم .. بعيده عن الحزن والألم..أكون بعيده عنهم.. أنا أدري إنهم ما بيفتقدوني.. ولا بيحسون بغيابي جان غبت..
دموووعه متى بترد لي روحي.. متى بعيش بسلام من دون مشاكل.. من دون ألم.. هالألم اللي أعيشه جنه غدا روحي.. وهواي..
دموووعه، قطعت صورهم وأنا أصيح.. أبي أبعد عنهم.. لو يحبوني أصلا جان ما خلوني.. وإلا ما خلو أحد يسرقهم مني.. لين متى.. والمشكله.. أكبر مشكله.. هم نفسهم اللي يسرقون مني كل مره.. هم نفسهم اللي يعذبوني ف كل مره..
متى يبعدون عني.. متى يخلون سبيلي.. بسني. ما أبي أحد..بسني مليت البكا.. مليتها دموعي.. اللي أرخصتها لهم وهم ما يستاهلون..خدمتهم بعيوني وقلبي.. قبل ما أخدمهم بايدي..
سويت كل اللي أقدر عليه.. وبالأخير..نسوا كل شي ف لحظة حصلوا غيري.. نسوني بعز جرحي.. وأنا مالي غيرهم دوا.. دموووعه.. انتي دواي الحينه.. ساعديني أبعد عنهم.. امنعيني أسير لهم.. عقب المذله ما أبيهم..
والقهر.. أأأأخ يالقهر.. يقولون لي أنانيه.. ومنو علمني الأنانيه غيرهم..
بس لي كلمة أخيره..
يمكن تطيب الجراح.. بس آثارها تتم جنه وشمه في القلب..
<img src="http://oasis.bindubai.com/emoticons/down.gif" border="0" valign="absmiddle" alt='[down]'>جويره</font>