مطعم وكوفي يستاهل ينسار له

[بنت الدلع]

بعد سوشي!!


انا قلت حق نصور يعطيني كورس سوشي في الإجازه
هههه

الله يستر!!



بنت الدلع
الحمدلله انتوا البنات ما تشوفون الدنيا بعد الساعه 3 الفجر
لان لو تشوفون بتعيزون قرييب
اللي يضااارب مع واااحد عسب بنت
والبنت اللي تضرب ربيعها
والسكارى اللي يغنون بروحهم
دنيا ثااااااانية


اميه باسم الله :oh:
شي جدا مخيييف والله


البارحه كنت سايره الجمعيه جيه فليل بابا كان يترياني في السياره
واقفه في السيد صوب الكشير ولا اشوف الولد الي جدامي حضن ربيعه !!!!!!!!!!!!!! :wow:
مواطنين ولابسين كنادير

مش معقووووووله
حضنه AS حضنه

[تحفه]

^ اميييه لا تيبون هالطاري
احس يوم اسمع جيه ان المواطنين يشربون خمر يعني خلاص القيامه قربت
صدق اصلا ماباجي شي عليها اغلب علامات الظهور صارت
الله يحمينا من شر الزمان




لوووووووووول!! تدرين انا مافكرت جيه! اول شي تميت ساكته منصدمه نص ساعه .. بعدين يوم مخي قدر يستوعب الي صاير .. قلت : نحنا وصلنا الجنه وانا ما ادري! كل حد يشرب خمر جنه الدنيا عيد :smile2: تمو يضحكون علي كزناتي .. وحليلي مادري شو ياني من استويت ٢٢ استيعابي دوم بطيء .. على قولتهم ام سلوم هاهاها


المووووهييييم ...


امسات فاجين شقر دادي في ذافلج .. ( محل كله كب كيييييك )

احلى شي عندهم الرد فالفت ..

بس واااايد ثجييييل .. اعرف حد يسويه احلى بواااايد ..
http://oasis.bindubai.com/bin/uploaded/3281_11230583951.png (http://oasis.bindubai.com/bin)

وآحلى شي يبرد علقلب يوم تكونون الضحيه وتقعدون في مكان كله شمس فالطاوله :tounge:

كووكييز وذ كريييم من شكسبييير في ذا فلج :heart:

http://oasis.bindubai.com/bin/uploaded/3281_11230584046.png (http://oasis.bindubai.com/bin)

[تحفه]

اميه باسم الله :oh:
شي جدا مخيييف والله


البارحه كنت سايره الجمعيه جيه فليل بابا كان يترياني في السياره
واقفه في السيد صوب الكشير ولا اشوف الولد الي جدامي حضن ربيعه !!!!!!!!!!!!!! :wow:
مواطنين ولابسين كنادير

مش معقووووووله
حضنه AS حضنه

عادي مره كنت ناسيه عمري في سبينيس ابحلق بنصدام وصمت مواطن لابس نعال جينا ( عليه كل الاكسسوارات الي في الدنيا والمشكله كعب ) و وياه واحد ثاني ( اونه شكله هو الريال في العلاقه )

جان ينتبه النص نص اني اطالع و قام و مسك اييد ربيعه وقاله خلووفي اقرا علي من الحسد! :k_nono:

اقولج انا وربيعتي تمينا امبهتات لين ما وصلنا البيت !!

[بنت الدلع]

^ ههههههههههههههههههههههههه هههههههههههههههه
مااااا اتخيييييييييييييييييييييي يييييييييل

جان يبتي ملح ورشيتي عليييه p=

انا الي شفتهم كانوا رياييل يعني مابلاهم شي بس شو هالحركات الماصخه في الاماكن العامه

[مجموعة إنسان]

كنت بكتب شي بس تذكرت انه محضووور ههههههههه


في شي اليوم سمعته ,,

وحده من الجاليات المنتشره عدنا في بوظبي ربيعهااا سوالها حفله عيد ميلادها في مرقص من المراقص
كلفت الحفله 70 الف درهم لاغير
والحفله بس مخصصه للبنات والشباب من بعد موافقه صاحب الحفله

ههههههههه


في احصائية اليوم طلعت
عدد المواطنين 700 ألف
وعدد الوافدين 7 مليون

[صريح]

Ruby's tuesday



عيبني الستييك مالهم
:fa37:

[شمعة أمل]

تحفه
انا لازم أعترف
ذوقج عكسيييي تمامااااااااااااا:tounge:
يوم طريتي عن آتلانتس وانه حلو وجييه.. قلت في خاطري تراه الا نفس شقر داديزز كلحد يمدحه وطلع أعع.. عفب حطيتي صوره!! سبحان الله لول

ذوقنا عكسسسسسسسسس بعض وااااااااااااايد توني الاحظ هالشي!:biggrin:


يعني شوفي اتلانتس.. أبويه ماكان طايع يودنيا يوقولنا أعع كجره مب حلو
بس انا أشوف في الـ blogs يمدحونه
ويوم سرنا... كان أععععععععع.
ويوم قلت لربيعاتي اني سرت وانصدمت قالولي تو الناس المكان اععع
لانه ماتحسين نفسج في فندق خمس نجوم.. جنج سايره ديزني لاند موجود كل انواع البشر هناك
لوعو بجبودنا
غير انه زحمممممممه.. على شو مادري.. كان كجره المكان
وربيع أبويه من روسيا كانت مرته سايره هالحديقه المائيه مالتهم.. جان يسرقون شنطتها وكل شي حتى فودتها!!! وتقول في الchanging rooms لازم تزقرين حرمه تيي تفجلج الباب.. لانه ماشي مقبض داخل بس شي مقبض برع O_o

هذا معناته كل الcheapos والحراميه يسيرون هناك:fa44:

شو تبيبه أتلانتس .. بيسرقون فشارج:boxed:


وعن شقر داديز بعد ماعيبني
كان over-sweet والكبكيييز جنه مال بيت.. ومب مسوينهم عدل لانهم مب fluffy ..
Kitsch < شي جي اسمه كان أحلى عن شقر داديييز وخدمتهم بعد أحسن.. أول مره اتعامل ويا حريم لبنانيات عسولات في دبي:biggrin:

[تحفه]

^ ههههههههههههههههههههههههه هههههههههههههههه
مااااا اتخيييييييييييييييييييييي يييييييييل

جان يبتي ملح ورشيتي عليييه p=

انا الي شفتهم كانوا رياييل يعني مابلاهم شي بس شو هالحركات الماصخه في الاماكن العامه

لووووووول بنت الدلع انتي كووووول!!! حلللللوه سالفه الملح :tongue: هاذيج الحزه الصدمه كانت واصله نفوخي على قوله المصريييييييين :h_mar7aba:


كنت بكتب شي بس تذكرت انه محضووور ههههههههه
في شي اليوم سمعته ,,
وحده من الجاليات المنتشره عدنا في بوظبي ربيعهااا سوالها حفله عيد ميلادها في مرقص من المراقص
كلفت الحفله 70 الف درهم لاغير
والحفله بس مخصصه للبنات والشباب من بعد موافقه صاحب الحفله
ههههههههه
في احصائية اليوم طلعت
عدد المواطنين 700 ألف
وعدد الوافدين 7 مليون

وعلى هذا ثلاث ترباع المواطنين فقارااااا ومعاشاتهم ١٥ الف واذا بالحظ ٢٠ الف ويقولون ليش عازفين عن الزواج :tongue:
صدق من قال .. شر البليه ما يضحك

بسك سوالف حلوه .. اخاف حد يفرنا بحر :tongue:


شمعه : قلت اتلانتس حلو لان على حضي ماشفت الي انتي شفتيه ... مافيني صراحه على سوالف الاحواض روحه بردنا يدخل في العظم :4: وجني قلت عن شقر دادي انه ثجيييل؟؟ لا تشككيني في قدرتي الاستيعابيه روحي مستويه ام سلوم هلايام :a0360: ون شاء الله اختلاف الراي لايفسد في الود قضيه P=

[مجموعة إنسان]

تحفه
ما عليييج
مب فاضيلنااا
محد يدريبنااا

ههههه


في مطعم هندي في الراحه مول
عجيييييييييييب
ليش عجيب ؟!
لان اول شي اكله حلو
وثاني شي
لان يوم ارووح هناااك احس عمري مهراجا من كثر ما يتجمعون المهنده اللي يعرفونا في المطعم هههه
شفتوا في حياتكم مطعم في مول عدنا حسااب عنده ههه

[تحفه]

تحفه
ما عليييج
مب فاضيلنااا
محد يدريبنااا
ههههه
في مطعم هندي في الراحه مول
عجيييييييييييب
ليش عجيب ؟!
لان اول شي اكله حلو
وثاني شي
لان يوم ارووح هناااك احس عمري مهراجا من كثر ما يتجمعون المهنده اللي يعرفونا في المطعم هههه
شفتوا في حياتكم مطعم في مول عدنا حسااب عنده ههه

لوووووول :icecream: انزين هالراحه مول ولا مره طبيته .. بس يقولون جنه مول حريم .. كله حريم .. انزين شو حلو عندهم عشان يوم اسير اطلب شي مضمووون؟

[مجموعة إنسان]

البتر ماساللا خطيييييير عندهم


انا دخلته مرتييين
وهالمرتين الساعه 10 المسا بس للعشا
ويوم اسير انا وابوي وامي بس


حتى في مطعم هندي في الخالدية موول يقولون انه حلوو
ما جربته بس وايد قالوا انه حلو

[تحفه]

Owh I just love indian food .. thanks 3l recommendation :12: enshalah ill try both places out!

[بنت الدلع]

^ اذا تحبين اكل هندي تعالي القصباء
شي مطعم اسمه ناندوز اكله لذييييذ وتحسين انه نظييف ولحمه فرش وحلاااااااااال

[تحفه]

خاطري بس للاسف الشديد الشارجه بعيييييده .. يمدحون صوالينهم في حف الحيات واااايد D:
يالله ان شاء بنيرب في يوم من الايااااام :heart:

شكرا بنت الدلع :redface:

[شمعة أمل]

البارحه تعشينا في PRIME RIB في فندق لاميريديان.. عدال JBR
الستيييك شو كان لذييييذ:fa37:
حتى الستارترززز:thumbup1:


so far هذا احلى مطعم ستيـك سرتله، وثاني أحلى مطعم في فندق كراون بلازا شارع الشيخ زايد

[ذنـيـنـي]

على طاري الاكل الهندي

شي مطعم هندي في مرديان العقة صدق عجيييييييييييييييييييييب
من فترة سرت الفجيرة ويا الوالدة و عزمتني على هالمطعم
وايد وايد حبيته

اعطيه 5 ستارز

============

شي مطعم في الشارجة اسمه رويال سبايس ورا ديوان الحاكم
واااايد احبه

بس المشكلة انه شووي بتتلعوزون في الباركات
لازم توقفون في ساحة الرمل الي جدام المطعم

==============

كافيه دي روما
في JBR ادمنت عليه في الفتره الاخيرة
هو نفسه الي في الشنازليزيه الي حذال بيتزا بينو
بس للأسف ما يسوي بيتزا >,<

سندويجاتهم عيبتني
و حبيت الاسبرسو و الهوت جوكلت مالهم

[مايهزك ريح]

^
المطعم الهندي اللي في فندق العقه .. احلى شي عندهم البرياني .. يخرب بيتهم ما اعرف كيف يسوونه !

[تحفه]

ذنيني ومايهزك : خلااااص كتبتهم عندي عشان يوم اروح ايرب هالمطاهم ... :14:

[الـيـاه]

:love: بيفتحون جريب في دبي مول Joe's Cafe ..... لازم تسيرون له

بس ان شاء الله يكون نفس لندن
مكانه في لندن في Sloane Street

صدق يمي :fa35:

http://oasis.bindubai.com/bin/uploaded/220_01231181073.jpg

Sticky date pudding :icecream:

http://oasis.bindubai.com/bin/uploaded/220_21231181073.jpg

callops and prawns with rice and asparagus ...!

http://oasis.bindubai.com/bin/uploaded/220_01231181639.jpg

Yummyyyy

http://oasis.bindubai.com/bin/uploaded/220_11231181073.jpg

:heart:

[جنون امرأة]

شكل الاكل لذيييييييييييييييييذ الياه ليش جي تسوين مب زين عليج

[الـيـاه]

جنون إمرأة : لانه صدق وااايد لذيييييييذ T_T

[شمعة أمل]

^
صح وايد وايد لذيييييييييييييذ

[الـيـاه]

Ruby Tuesday مال برع وايد حلو سبشلي البرغر ..
بس اللي فدبي مب كل شي عندهم حلو!! :k_icon9: السلطات الستارترزز والستيك *احلى شي* عندهم
وبنت عمي مدحت الشوربا

سيرو مال JBR ;) احسن من شارع جميرا ...

يميي

http://oasis.bindubai.com/bin/uploaded/220_01231621798.jpg

["الماسة"]

مطعم النافوره..اكله لبناني لذيييييذ..

[تحفه]

^الي في التاورز واااايد لذييييذ .. كنا كلما نسيره علغدا... لكن اخر مره يوم سرناه علعشا اكتشفنا انهم يبيعون فيه خمر وهالسوالف

يعني حرام ناكل في هالمطاعم حتى لوكانت لبنانيه واكل عربي =/


sorry for informing ya XD !!

ElYah: thanks 3al recommendation babe! i'll make sure to pay them a visit ;)

[الـيـاه]

تحفه : Anytiiiiiiiime gorgeous :**

:k_icon9: دوم في Ruby Tuesday آكل اشيا ثانيه وما اجرب mini برغر ( اطري اللي فلبلاد ) اليوم قلت خلنا نجرب!
ما طلع وااااااااو نفس ما كنت متوقعه بس كلت :fa44: لول
بس الفرايز يميييي الصراحه D:

http://oasis.bindubai.com/bin/uploaded/220_01231710297.jpg

ها كان وااااااايددددد حلووو 3>

http://oasis.bindubai.com/bin/uploaded/220_11231710297.jpg

المهم
ابا اسوي دعايا حق مطعم ياباني مشهور في لندن اسمه Sumosan مكانه Albemarle Street
سمعت انه بيفجونه هني .. يااااااااااارب يفجونه ( احححححلى سوشي واكل ياباني عنده )

لذيييييييذه :heart:

http://oasis.bindubai.com/bin/uploaded/220_01231711666.jpg

Prawn Basket

http://oasis.bindubai.com/bin/uploaded/220_11231711666.jpg

.
.
.

[تحفه]

الياه صووووورج عااااذاااااب >,< خاصه اني مب متعشيه ولا متغديه وناشه متاخر ويوعانه وماعرف شو اكل

[الـيـاه]

تحفه : لووووول! يحليلج (K)

[شمعة أمل]

من اكثر من اسبوع سرنا ZUMA ... قولو كلمة روعه ألف مره وبعد مابيكفيي
ماصدق انه شي مطعم جي في البلاد.. حسيت عمري في لندن ولا نيوو يوورك
الـ atmosphere حلوو وكلحد كاشخ وchic
والأكل في صوب
لذيذ x مليون مره:blush:
والله يخلي الديزرت بلاترررر.. الجوكلت فوندانت شي مب طبيعييييييي آخ ابااااااااااااااا!!! وايسكريييمات وكل شي كل شييي!!
الصراحه مطعم توب أعطيه خمس نجووم

[المزوحي]

وين مكانه هذا شمعة أمل ؟

[شمعة أمل]

DIFC.

["الماسة"]

اممممم

won ton house ف شارع الشيخ زايد..

[الـيـاه]

عذااااااااااب من Joe's Cafe اللي قلتلكم بيفتحونه جريب في دبي مول! عاد مادري متى

http://oasis.bindubai.com/bin/uploaded/220_01232284713.jpg

Morelli's - Harrods :icecream:

http://oasis.bindubai.com/bin/uploaded/220_11232284713.jpg

Sumosan restaurant & Jbar

http://oasis.bindubai.com/bin/uploaded/220_21232284713.jpg

Scallops بنت عموتي لول

http://oasis.bindubai.com/bin/uploaded/220_01232285377.jpg

Chocolate Fondue لذييييذ

http://oasis.bindubai.com/bin/uploaded/220_11232285377.jpg

Pineapple with Melted white chocolate :inlove:

http://oasis.bindubai.com/bin/uploaded/220_21232285377.jpg

.
.
.

[الـيـاه]

BiCE restaurant - هيلتون جميرا
الـ dessert عندهم يمممممممميييييي 3>

http://oasis.bindubai.com/bin/uploaded/220_01232975397.jpg

http://oasis.bindubai.com/bin/uploaded/220_11232975397.jpg

http://oasis.bindubai.com/bin/uploaded/220_21232975397.jpg

.
.
.

[ذنـيـنـي]

نابولينو "اعتقد جي اسمه" في the walk JBR
مطعم ايطالي عجيييييب و بيزتهم من اروع ما يمكن
الين الحين اعتبرها الذ بيتزا كلتها في دبي

[بنت الدلع]

الياه
شو هالشي الاخضر؟؟

http://oasis.bindubai.com/bin/uploaded/220_21232284713.jpg

[الـيـاه]

^
لول salad لذيذه

guyyyyys اليوم كان افتتاح Cacao Sampaka في دبي مول لازم تسيرووووون .. و فتحوا Joe's cafe خلاص D:

["الماسة"]

lantre cafe..

[شمعة أمل]

il cafe di roma في jbr .. سلطتهم كانت حلووه :)

[ذنـيـنـي]

شمعة امل

روما كافيه استوا مقرّي الرسمي لول
وايد حبيت الاسبرسو مالهم
و عندهم شي مثل الكوكي لكنه مصنوع من حبوب الشوفان
وايد فنان

[شمعة أمل]

أنا حبيته لاني واااايد تعلمت يوم كنت هناك p; الله يخلي رجال الأعمال الى هناك يرمسون بصوت عالي وآخر شي يعلمونا درس في البزنزسسس < نفعوووني اليوم الثاني سألونا شي في الكلاس وطلع شي يخص الى هم قالووه

أحلى كافيه .. تاكلون وتتعلمون مره وحده :)

[ذنـيـنـي]

عيل انا كل يوم ايلس ويا ابويه في الكافيه و استفيد منهم لول
اخر مرة يلست وياه كان ويانا ٣ دكاتره واحد منهم عنده دكتوراه في الترجمة السياسية و كان المترجم الشخصي لياسر عرفات لول
و الثاني عنده دكتوراه في البانكينغ
و الثالث طبيب تجميل يمكن تعرفينه, اسمه د مبارك الاشقر

و ما شاء الله عليهم كلهم رجال اعمال و بالاضافة الى تخصصاتهم
في يلستي وياهم اخذ معلومات اظني لو ايلس 10 سنين في الجامعة ما بحصلها لأنهم يعطوني خلاصة تجربتهم في الحياة
جي يعني وايد انترستينغ يلستهم لول

[شمعة أمل]

yeahhh i know what you mean

يعني جوووف الـ ايجابيات يوم تكون رييييال :< no wonder ليش اكره يلسة الحريم.. سوالف بلا معنى .. ماتتعلمون شي يديد! قهرررررر

انزين ذنيني
يوم انتو هناك ارمسو بصوت عالي.. خلونا نستفيييد p; نحن قادة المستقبل share the knowledge :)

[عفاريتووو]

el chico اظني جي اسمه
في JBR
من المطاعم المكسيكية اللي في دبي حسيته احسنهم ..

[المزوحي]

بالنسبة لــ جوني كارينوز شو عيبكم عندهم ؟؟؟

[شمعة أمل]

سرت joes cafe في دبي مول.. اع استعفرالله الاكل مافيه طعم =s حتى مافيه كستمرزز فااااضي

حزنت عليه.. في لندن اكلهم وايد وايد لذيذ:(

[مايهزك ريح]

^ يختلف الشيف .. اكيد ما بيكون نفس الشي .. !

جربت Au Bon Pain في دبي مول من عقب ما كنت اشتري منه في نيويورك .. احس الكرواسونات والبيستري اتكون غير .. ما اعرف كيف اوصف الفرق .. طبعا هناك احلى وألذ !

[ذنـيـنـي]

el chico اظني جي اسمه
في JBR
من المطاعم المكسيكية اللي في دبي حسيته احسنهم ..



توني ياي اكتب عن هالمطعم
بصراحه عجييييب

يوم الاربعاء كلت عندهم و كانوا يايبين واحد مكسيكي ما ادري اسباني تم يدق برع لول


الفاهيتا مالتهم وايد حلوة بس لا تاخذون الي فيها ريّش
الدياي و اللحم و الربيان ما عليهم كلام

و الكاساديا مالتهم خبااااااال
و هي تقريبا الذ شي عندهم "بالنسبة لي"

و شي عصير يتميزون فيه اسمه شي مكسيكان و هو عبارة عن ٣ عصاير في واحد
بعد لازم اتجربونه :fa42:

و اخر شي لااااااازم لاااااازم لااااااازم تاخذون الـ apple pie مالهم
طبعا اذا كنتوا من عشاق الابل باي لأنها بدون مبالغة الذ ابل باي كلتها خاصة مع ايسكريم السينامون الي فوقها

[المزوحي]

مطعم SCOOZi في الفستفل، ما اتشجعت ايرب عندهم شي بالمره، بس قلت ليش ما اسير له ...

حد منكم ساير له، وإذا ميربينه شو عيبكم عندهم ؟

[ذنـيـنـي]

^

حلو هالمطعم
الي عيبني فيه انه ياباني ايطالي لول
يعني يسوي سوالف سوشي و يسوي سوالف ايطالية

يعني يرضي جميع الاذواق و محد بيطلع من المطعم زعلان
^^

[شوق القلوب]

بسألكم.. الـ JBR .. وين مكانه بالضبط.. و كيف اوصله بدون لا اضيع ؟؟

[مايهزك ريح]

تكملين شارع جميرا لين ما توصلين المارينا بييج دوار اصغير بعد كملي سيده ..
اول لفه يمين عقب ما تنزلين من الجسر الصغير مال المارينا ..
وجيه بتكونين عند اول The Walk .. بيكون على ايدج اليمين اول ما تدخل الشارع بوتيك 1 ..

[شوق القلوب]

يسلموو مايد...

يعني اذا كنت على شارع جميرا.. ووصلت لين جميرا بيتج اكمل سيده ..؟؟! احيد مناك الدرب ع طول يلف يسار و ويوصلنا تقاطع جنا سايرين مول الامارات..!

[ذنـيـنـي]

هالاشارة سيري سيده
جنج سايره صوب مرسى دبي
كملي سيده ثم سيده ثم سيده "عيبتني ثم"
بييج مثل جسر صغير من تنزلين منه امشي شوي و بتحصلين اشارة خذيها يمين مكتوب عليها the walk

[شوق القلوب]

همممم...

ناصر.. قصدك عقب ما يلف الشارع يسار عند التقاطع اخذ يمين و اكمل سيده..؟؟

ولا اقولك.. دلني عليه اذا كنت ع شارع الشيخ زايد ..

[المزوحي]

شوق القلوب مايضيع ... بس انا ما ييته من ش الشيخ زايد .. برد أدليج نفسهم ...

إذا برج العرب على يمينج وعقب مدينة جميرا بتلفين يمين كأنج سايرة فندق القصر .. بتكلمين سيده وين قرية المعرفة

اتمين سيده .. على ايدج اليسار لفه اتدخلج المرسى ..بس انتوا كملوا سيده ... بتركبين جسر هو بيكون على اليمين

[شوق القلوب]

اسميني لعوزتكم ويايي... خلاص ان شاء الله هالاسبوع بيكون لنا زياره هناك ان شاء الله .. :)

تسلم يا المزوحي..

[عفاريتووو]

شوق من شارع الشيخ زايد دشي عند دخلة الجامعة الامريكية جنج رايحة المرسى
عقب بتيج لفتين لفة ال JBR و عقبها لفة المرسى
بتشوفين مكتوب JBR لفي هني و كملي سيدة لين الاشارات اللي ع نهاية الشارع
بتشوفين فندق يدامج اظني مريديان و فندق تماني على يسارج
لفي يسار
و تمي رايحة سيدة لين ما تشوفين
مطعم the noddle house
قبله شي دخله و مكتوب عليها ذا وولك ..

[المزوحي]

الله يسلمج اختي شوق القلوب وعفاريتووو بعد دلتج من ش الشيخ زايد ...

[ذنـيـنـي]

همممم...

ناصر.. قصدك عقب ما يلف الشارع يسار عند التقاطع اخذ يمين و اكمل سيده..؟؟


بالضبط

يوم يلف الشارع يسار و الاشارة اليسار توديج الى مول الامارات و شراع الشيخ زايد

هالتقاطع الي تقولين عنه خذيه من جهة اليمين و كملي سيده

بتيج بيوت كبار على يسارج و يمينج اول شي
و عقب بييج مخرج يوديج للنخله على يمينج
و بتيج قرية المعرفة على يسارج

بس تمي سيده و تفرجي بدون ما تلفين لا يمين ولا يسار :k_harhar1:

عقب بتيج اشارات و عقب بييج مثل جسر صغير عند مرسى دبي
عقب هالجسر بتحصلين فندق الحبتور على يمينج
من تشوفينه بتعرفين انج وصلتي الـ JBR كملي سيده شوي و بتحصلين تقاطع و فيه دخلة يمين السيايير تدخلها

هاي هي دخلة الـ JBR و :m_mar7ba:

بتحصلين هناك روما كافيه, هذا عجيب
و اذا حصلتي ٢ فوضوية و يحشون في الي ساير و الي راد تأكدي انه هالثنين هم ذنيني و مجموعة انسان "ملاحظة اذا سمعتي ضحكة وايد عالية تيقني انه هالثنين هم نحن و هذا بو ضحكه عالية هو المفلس (بتحسين انها ضحكة انسان مفلس) " بهالطريقة بتكونين شفتي ٢ من اعضاء الواحات جدامج لول :a0360::ghostface:

[مايهزك ريح]

^
هههههههههههههه .. ناصر ظحكتني .. وانا اقرا ردك... يحليله مجموعة انسان ^_^!!

[الـيـاه]

Nobuuuu اللي في اتلانتس السوشي مالهم حلووو .. وابويه كل Lobster Salad عيبته لوول

[بنت الدلع]

انصحكم محد يسير Ruby
الي في the walk
اكلهم مب حلو
مافيه مزّزززه ابد >.<

[بنت الدلع]

مطعم SCOOZi في الفستفل، ما اتشجعت ايرب عندهم شي بالمره، بس قلت ليش ما اسير له ...

حد منكم ساير له، وإذا ميربينه شو عيبكم عندهم ؟

أكلهم جداااااااا عااااااادي
مافي شي مميز
اذا انته وايد محظوظ "بالغلط" بتطلع لك اكله "شبه" حلوه !
هم يظبطون السلطات اكثر من المين ديش
لا تجرب باستا من عندهم

[المزوحي]

بنت الدلع البارحه سرت مطعم اونو اللي في دبي مول، انا ما كنت ابغي ادخله لكن بنات اختي قالوا لي حاسين بيوع وهذا

كان عدالنا ودخلنا وطلبنا مارجريتا بس مب شي، مع إنه بتقولين زين إلا هي عادية يعني جبن وطماط، حتى اكسبرس

بيتزا أحلى ... وطلبنا بيني دياي سكامبي مافيها مزه مثل ما تقولين مول ماشي بهارات .. همم

سكوزي !! زين شورباتهم حلوه ؟

[الـيـاه]

MBCo - Montreal bread company في دبي مول .. سلطاتهم لذيييذه

http://oasis.bindubai.com/bin/uploaded/220_01238681028.jpg

[بنت الدلع]

المزوحي
صايرين واااايد يخورونها هالايام >.<
ممم والله ما اذكر شو من الشوربات الي كانت لذيذه عندهم
جرب اذا عندهم شي بالطيحنيه او الذره

=======

Japengo ,, I hate them
استغفر الله
مغيرين الشيف
واكلهم يلوّع بالجبد
ولا شي طلبناه طلع يممي كل اكله اخس عن الثانيه
خربوا علينا طلعتنا
their food was disgusting
حتى اخر شي اشتكيت عليهم لول
والويتر مستاااانس يقولي يس مااام i`ll bring u the comment book
وكتبت للشيف
the food is smelly, not well done, and the presentation needs to be improved !

الي وياي طلبت شي واستغفر الله شكل الاكل >.< استغفر الله استغفر الله ما اقدر اوصف
مسكينه انسدت شهيتها

[المزوحي]

^
لول salad لذيذه
guyyyyys اليوم كان افتتاح Cacao Sampaka في دبي مول لازم تسيرووووون .. و فتحوا Joe's cafe خلاص D:




سرت له أمس ماعيبتني الخدمه والهوت تشوكليت مب شي ... :bash:

[المزوحي]

سرت joes cafe في دبي مول.. اع استعفرالله الاكل مافيه طعم =s حتى مافيه كستمرزز فااااضي
حزنت عليه.. في لندن اكلهم وايد وايد لذيذ:(



مريت صوبه وشي محل لبس بعد تابع له أظن ... عيل ما اتشجعت اسير له :look:

[المزوحي]

^ يختلف الشيف .. اكيد ما بيكون نفس الشي .. !
جربت Au Bon Pain في دبي مول من عقب ما كنت اشتري منه في نيويورك .. احس الكرواسونات والبيستري اتكون غير .. ما اعرف كيف اوصف الفرق .. طبعا هناك احلى وألذ !


سرت له من اسبوعين ( دبي مول ) طلبت لاتيه و كراوسون قلت مابرد لهم مره ثانيه :h_negab:

[ذنـيـنـي]

عيبني مطعم Stone grill في امرتس مول عندهم ستيكات لذيييييذه و صدق هاي كواليتي
و الاحلى انه بروحنا نقدر نشويه على حجر بركاني

قبل ما اييبون الاكل يلبسونا هذا شرات مال اليهال عشان ما تخيس ثيابنا و نحن نشوي اللحم
طبعا عنددم اشياء غير اللحم للشوي, شي دياي و سيي فود


http://photos-f.ak.fbcdn.net/hphotos-ak-snc1/hs085.snc1/4593_91774756681_520416681_2325797_4489449_n.jpg

اول ما يابولنا اللاكل كان جي شكله و لازم نخليه ينطبخ على الحجر
بس نصيحه شلو قطعه اللحم و اجلبوها كمن ثانية على الصوب الثاني عشان عملية التقطيع تكون اسهل و عقب شلوها و حطوها في الصحن الصغير و قطعوا الستيك قطع صغار و اشووه

http://photos-a.ak.fbcdn.net/hphotos-ak-snc1/hs085.snc1/4593_91774931681_520416681_2325800_733183_n.jpg

هني قطعت الستيك مثل ما تشوفون الى قطع اصغر عسب كل ما اكل منه يكون ساخن و لذيذ
كل ما اخلص قطعه احط مكانها قطعه ثانية عسب تنشوي الين ما اخلص الباقين p=

http://photos-b.ak.fbcdn.net/photos-ak-sf2p/v645/150/97/520416681/n520416681_2325801_4832827.jpg


طبعا مكانه في مول الامارات عقب كرم بيروت
صوب فندق كمبنسكي


مجرد ملاحظة
المطعم يقدم مشروبات كحولية

[صريح]

نصوور اذا ع جييه الواحد بيطبخ ولا بياكل ..
احسن شي بشل الطباخ ويانا بخليه هو يتولى الشوي ههههه


بس يبالنا نجربه هالاسبوع
:fa47:

[رمــش الغـــلا]

حلــو شكله المطعم =)

بس ما اتخيل عمري يـآلسة أطبخ ^__^

.
.

يبــآلنا انجربه ... =)

[ذنـيـنـي]

هو مب انك بتطبخ بتطبخ لول

انته بس حط اللحمه و سولف شوي ويا ربعك و بتحصل اللحم استوى
ما يباله وايد و خاصة يوم تقطعه قطع صغيره

رمش الغلا المطعم ممكن انه اييبلج الاكل جاهز
بس تجربة انج بروحج تسووين الاكل صدق غيييير
و ممتعه ^^

[المزوحي]

لمحبي الاستيكات Entrecôte Café De Paris في مول دبي

خبرت ربيعي عنه، بس ماتشد سرت له، هو سار في الويك اند ومدحه لي .. طبعا ما عندهم منيو ،لأنه المطعم متخصص

في الاستيك بس ... وعندهم منيو للحلويات ..

[الـيـاه]

الاسبوع اللي طاف سرت Switch في دبي مول توه فاتحينه
ال interior مالهم عيبني .. بس الصراحه مادري عن اكلهم لني ماجربت غير sticky toffee pudding

http://oasis.bindubai.com/bin/uploaded/220_01243781555.jpg

[الـيـاه]

روبيرتو كفالي فتح Cavalli Club في فيرمونت دبي!
سرته ويا ابويه .. المكان الصراحه WOW صدق صدق حلو its so upper class and elegant
سيروه حق عشا مب نص الليل لول لانه الانجليز يخربونه فليل :@

the food is good
not wow, it was ok edible lol

http://oasis.bindubai.com/bin/uploaded/220_01245071290.jpg

[ذنـيـنـي]

الياه

سرتله سويتش الي في دبي مول
حبيت العصير مالهم
زنجبيل و ليمون و نعناع !>> لذييييييييييذ
برغرهم وايد عادي, برغر جوني روكتس و فيدركارز الذ بملييووون مره

[كتكوتة]

اللـــــــــــــــه تشهووون الواااحد

[المزوحي]

الاسبوع اللي طاف سرت Switch في دبي مول توه فاتحينه
ال interior مالهم عيبني .. بس الصراحه مادري عن اكلهم لني ماجربت غير sticky toffee pudding
http://oasis.bindubai.com/bin/uploaded/220_01243781555.jpg


الياه، لفتني صقف المطعم يوم مريت صوبه، اما كفالي سمعت عنه من فتره إنه فتح في دبي ...

إذا انا بجرب كل شي، شكلي ما بنزل وزني :fa43:

[الـيـاه]

ذنيني : بالزنجبيل عاد! :doh: ماقدر اجربه لووول

المزوحي : هيه وايد funky بس كفالي وايد رومانسي لول


Zuma
مطعم ياباني واحد من احلى المطاعم عندي في لندن قبل ما يفجونه هني!
لازم تسيروله مكانه فالـ Gate Village - Building 6 تابع لـ مركز دبي المالي

http://oasis.bindubai.com/bin/uploaded/220_01245173505.jpg

Amazing place, yuuuuummmmmmi food :inlove:

http://oasis.bindubai.com/bin/uploaded/220_01245172806.jpg

Passion fruit juice with mint & whteva lol حلووو فرشش

http://oasis.bindubai.com/bin/uploaded/220_01245170536.jpg

Dessertss yumiii :icecream:

http://oasis.bindubai.com/bin/uploaded/220_01245175241.jpg

.
.
.

[شمعة أمل]

I agreeee
زوما روعه 3>

[تحفه]

يبالي اول ما اشفى اسير زوووماا .... يمكن من خمس شهور اترياااه

[مجموعة إنسان]

امس معزومين في برج الحمام
مطعم ردييييييييييييييييييييييي يييييييييييييييئ جدا

[تحفه]

^بالعكس القعده هناكي كم تسووووى! بس اكيد مب فالصيف لول

[مجموعة إنسان]

لالالا مب شي ابد ابد

الجنقل اللي في المولات كلهم في هالمطعم
ابد ما اخذت راحتي
كسبت ذنوب وايد من كثر ما احط على الناس
والأكل بعد ما عيبني وايد

[المزوحي]

محد مدح لي برج الحمام، مع إنه اللي في جميرا شكله من بعيد وااااااااااااو

الأكل اللي عندهم ما يسوى

[ذنـيـنـي]

وايد غالي على الفاااضي
انا مره وحده سرتله ويا ولد عمي و طلعت فاتورتهم 480 درهم على ولا شي
كرم بيروت الي في مول الامارات اكله احسن بعشرين مليون مره

تجربة برج الحمام كانت فااااشله جدا و حتى يوم ربعي يقولون انهم بيسيرون برج الحمام على طول اعتذر

[المزوحي]

حد منكم جرب اي مطعم من مطاعم أبراج الإمارات ؟

[الـيـاه]

هيه مطعم النافوره حلو لبناني .. بس من زمان مجربتنه

[المزوحي]

الياه - النافوره اشوفه لكن مايربت أكله - في الابراج تحت

[ذنـيـنـي]

عيبني مطعم بلجيكي-فرنسي اسمه leon متخصص في المأكولات البحريه المحضره بالطريقة البلجيكية
و اهم ما يميز المطعم هو المحار

المطعم موجود في نفس المكان الي فيه برج الحمام في شارع جميرا,, بتحصلونه على يسار روبي تيوزداي

نفس هالنوع من المحار يقدم

http://www.atablefortwo.com.au/wp-content/uploads/2009/04/bungalow8_mussels2.jpg


=====================

Vapiano

مطعم ايطالي -الماني الجنسية- يقدم احد افضل و اشهى انواع الباستا الي جربتها في حياتي
مكانه, دبي مول عند مور كافيه

اسهل طريقة للوصول له هي الذهاب الى ساحة الماركات و النزول من الفت الي عند دولسي اند غابانا
من تنزلون بيكون More على يمينكم و فابيانو حذاله على طول

اكله انصح فيها محبين الاكل الحار - رفيولي بالسبانخ, مع صلصة اربياتا الحاره -طماط و ثوم و فلفل احمر-



طبعا نظامهم هو انكم تسيرون عند البوفيه و تطلبون الاكل من الشيف مباشرة و يحظره جدامكم

http://odis.greven.de/cms/media/archive/nline_002/gastronomie/vapiano_1_800x530.jpg

[ايه احبك]

استغفر الله المحار >_<
لوول انا ويا المحار قصة كره لا تنتهي المره الوحيده الي اكلت فيها المحار كان في مطعم في الشانزلزيه لني كنت يوعانه وبعدها حرمت
والله انا في الفتره الاخيره جربت وايد مطاعم بسبت الميتنغز الي يسونها برع الدوام واغلبيتها في مطاعم XD
مم شو ارشح لكم
المشكله ما اذكر الاسمي لنه وايد وايد وايد مروو عليه يمكن بقدر اوصف لكم المكان
مطعم الماز المغربي واااايد حلو حق اعياد الميلاد بتحصلونه في مول الامارات فوق وين هارفي نكلز
بعد جريب من الكبنسكي مطعم مأكولات بحريه وسوشي فوق وين المطاعم قوم جليز هناك شي ممر وموجود فيها المطعم
امم بعد وين
في مطعم في فندق القصر نفسه الي وين دبي مول وايد حلو اكله و في المريديان صوب البستان روعه اكلاته البحريه وبعد وين الافيشان كولج هناك شي سلسلت مطاعم اكلها رهيب ومنها ماي فيفرت سوشي سوشي الي عندهم فرع في الفيرمونت وبعد شي فندق رفلز في اعلى طابق شي مطعم روعه اكله
مم وين بعد ما اذكر الحين لو اذكرت بكتب لكم لول تعبت XD

[تحفه]

^اللللللللله اموووت في المحاااار !! :fa46: انا ودرت برج الحمام .. كل ما اسير اشوف الناس الي ما ابا اشوفهم :fa46:
الموهيم
بوووووضه عررربيه في خان مرجاااان :thumbup1: مافي احلى من القعده هناااكي في الصيف:fa54:
مقرنا الرئيسي انا وربيعاتي حق الحش :a100:
http://oasis.bindubai.com/bin/uploaded/3281_11248287063.png (http://oasis.bindubai.com/bin)


زعتر ولبنه يمممم .. مب بس في البيت حتا يوم اطلع :k_harhar1:


http://oasis.bindubai.com/bin/uploaded/3281_11248287493.png (http://oasis.bindubai.com/bin)

حلو الكرواسوون :fa42:

http://oasis.bindubai.com/bin/uploaded/3281_11248287526.png (http://oasis.bindubai.com/bin)

[الـيـاه]

جربو Fashion Lounge في JBR ... وايد حلو حق يمعة بنات :heart:

دشو هني لو تبون تعرفون عنه
http://www.fashionlounge.ae/restaurant.html

http://oasis.bindubai.com/bin/uploaded/220_01254235413.jpg

http://oasis.bindubai.com/bin/uploaded/220_01254238026.jpg

http://oasis.bindubai.com/bin/uploaded/220_11254235413.jpg

http://oasis.bindubai.com/bin/uploaded/220_21254235413.jpg

http://oasis.bindubai.com/bin/uploaded/220_01254235717.jpg

.
.
.

[الـيـاه]

Nobuuuuu اتلانتس :heart: :heart: :heart:

[الـيـاه]

Circle cafe جميرا .. سندويجاتهم وسلطاتهم لذيذه سيروله حق ريوق
في منه في مركز دبي المالي وين زوما

http://oasis.bindubai.com/bin/uploaded/220_11254677068.jpg

http://oasis.bindubai.com/bin/uploaded/220_01254677068.jpg

.
.
.

[ايه احبك]

الياه وايد روعه ها المطعم
بلس شي مطعم السفرون في اتلانتس لمحبين المأكولات البحرية

[تحفه]

اليااااه : نووبوووووووو ااااوه من فتره ماسترت نوبوووو!! اخر مره شفت نوال الززززغبييي ااااه هالانساااانه جنوووون 3> كتييير مهضووومه :12:

my favorite places in Dubai to see and to be seen =Pp are :

Teatro, Tokyo @ the towers, BiCe, Zuma, Rivington Grill <3

you guysss should totally check those places out ;)

[الزرعوني]

اليوم وديت ناصر مطعم عمر الخيام :D

[ذنـيـنـي]

لوووول
عجييييب الناشف مالهم

=========

في مطعم تركي ما قدرت احفظ اسمه في الـ JBR مكانه عند butcher shop بصراحه اكل "لذيييذ" بكل ما تحمله كلمة لذييذ من معنى !!

[عمة العيم]

سندويجات ال فومي اكسبرس في شارع جميرا

سندويجات خياليه

[عمة العيم]

سكوووزي مالت عليهم الي يشتغلون يتمون واقفين يطالعون يتريون تهد الخاشوقه يشلون الصحن

اخر مره ماكنت مخلصه اكلي ماحصلت صحني

كرهتهم هديت عصيري و كل شي شليت قشي و ظهرت

هدوووني عصبت

لا تدقوووني

[المزوحي]

اليوم كنا نتكلم عن المطاعم، وقلت: إنه بسير الحلاب اللي في دبي مول، رد عليّه واحد، إنه مب شي، خدمتهم تعبانه

والأكل مب ذاك الزود .. قلت خلاص خلنا نسير مطعم المكان ..

[ذنـيـنـي]

joe's cafe
Dubai mall

عندهم الذ سويت كلته في حياتي
sticky dates puding
او مثل ما يسمونها ربعنا, كيكة التمر

هايلي ريكومندد

[المزوحي]

ذنيني joe's cafe سرت له 4 مرات تقريبا ، مره على ريوق والمره الثانيه على عشاء ، ومرتين شربت كوفي عندهم

في الأكل عادي ، أظن هم في الحلو أوكي

[شوق القلوب]

يالنا انسوي عزيمه هناك... ما جد سرناله

[حلم الطفوله]

شوق القلوب بسير وياج ... ولد عمي ما عنده مانع :)

[شوق القلوب]

خلاص... اتزهبي بالثلاثا

[ذنـيـنـي]

المزوحي
كل مطعم او كوفي عنده شي يتميز فيه و ما تحصله الا في هالمكان
و هالكوفي مشهور بهالكيكه, مره عزمت الوالده و خالاتي هناك و طلبتلهم من هالكيكة
طلعت قلوب من عيونهم لول

هالكيكه شرات المولتن كيك مال تشيليز
اتيك ساخنه و وياها اسكريم


يالنا انسوي عزيمه هناك... ما جد سرناله

اول شي جربيه و عقب اعزمي p=
ولا لازم تدشين بعنف فالموضوع D:

[ذنـيـنـي]

خلاص تمام بالثلاثاء بكون موجود >> انته شو يخصك ^^

[حلم الطفوله]

شو جيه ذنيني !! مب زين تشكك شوق بالمكان ...

شوق المكان وااايد حلو وأكله دليشيز .... والثلاثا موعدنا انا وشوق بس

[شوق القلوب]

ناصر... انا حدي اسوي اغراءات لاختي... و عقب نتناصف الفاتوره :doh:
يحليلي .. ما اداوم...
..

حلم.. عيل فضيلي عمرج من الصبح :icecream:

[حلم الطفوله]

لاحظو لخساس انتو بس !!

الثلاثا وانا اداوم

عادي شواقه بغيب عشانج بس :)

[شوق القلوب]

انا اتكلم جد.. دبري عمرج.. الا هو يوم

ببهدلج اول اليوم.. بس بونسج عقب

[طير الحب]

كلت كيكية بكوفي بوافي نفس فكرت المولتن كيك بس انا ما احفظ اسامي الكوفيات والمطاعم مع انها احلى واكثر الاماكن الي اسيرها

بجرب الكوفي الي قالت عنه الياه في مركز دبي التجاري شكلنا بنسير رحلة ويا الكليه

[مزن هتان]

ألذ ريد فالفيت بدبي وين ؟

[المزوحي]

ألذ ريد فالفيت لكن مب في دبي عند طير الغرام

بس ماجربته اتوقع جيه ^_^

الصراحه مادري مزن شوفي sugar daddy وإلا الجماعه بيفيدونج

[ذنـيـنـي]

حلم و شوق سارن ولا قالولنا عن النتيجة p=

===========

مطعم Roadster diner في دبي مول

البافلو وينغز مالهم لذيييييذ

=======

و في سوق الذهب مال دبي مول عندهم جوكلت لونج,, جربوا الجوكلت شوتس عندهم
ادخلوله من البوابه الي صوب السكيتينغ, بتمرون في ممر و عقب بتطلعون على ساحه كبيره, من تدخلون هالساحه خذوا الممر الي على اليسار, بتمشون شوي و بتحصلون الاونج

[شوق القلوب]

اتصدق يا ناصر... من متى ما سرت دبي مول...!

مع انه عندي مشاوير وااايده.. بس مشكله الوقت !

و حلوم.. موول ما اتشجع ع الطلعه :smile2:

[حلم الطفوله]

شوووووووووووووق !! أونه

اعزميني أول عشان أتشجع

[شوق القلوب]

عزمتج من خاطري هذاك اليوم... وهالموضوع يشهد..!

[حلم الطفوله]

ههههه خاطرج وصل بس تيلفوني ما دق :)

[شوق القلوب]

لاني ما شفت موافقه مبدئيه..

[حلم الطفوله]

حشا ...خطوبه مب عزيمه هاي !!

خلاص شوق ... السكوت علامة الرضا

هههههههههههههه

[شوق القلوب]

خلاص راحت علينا الحواطه ...

مشاويري استوت جدا قصيره...

[المزوحي]

كوفي paul كيكاتهم حلوه

[ذنـيـنـي]

المزوحي سندويجاتهم وايد زينه
و جرب شوربة البصل الفرنسية ممتااااااااااازة الي عندهم

[فرح]

هههههههههههههه

والله يا مزوحي انت لازم تشتغل مفتش بلديه في قسم الصحه والتفتيش الغذائي

اول ما قريت العنوان عرفت انك راعيه

يا حبك للكوفيات

خلاص كل ما بسير كوفي بدور عليك..... اكيد بشوفك تصور كل زاويه والرغوه والفنجان والكابتشينو عشان تحط لنا

يعطيك العافيه يا اللي مسوي لنا جووووو

عن نفسي احب سيراميك كافيه مال جميرا

[ذنـيـنـي]

من المطاعم الايطالية الي صدق عيبتني و ممكن اعتبره افضل الي جربته على مستوى دبي
مطعم أوربانو في سوق البحار
اذا بتدخلون من البوابه الي صوب دبي مول بيكون اول مطعم في سوق البحار على يمينكم


من الاشياء الي انصح فيها بشده,, شوربة الطماط
و سلطة الكابريسي, جبن الموزوريلا الي فيها صدق فرش

اعطيه 9.5/10

[مايهزك ريح]

في دبي مول ..
مجابا H&M عدال الأكواريام ..

http://oasis.bindubai.com/bin/uploaded/5584c0631ad0cd6d.jpg
http://oasis.bindubai.com/bin/uploaded/5584c0631dc7232c.jpg
http://oasis.bindubai.com/bin/uploaded/5584c0631ace9890.jpg
http://oasis.bindubai.com/bin/uploaded/5584c0631ad21d75.jpg

[المزوحي]

مايهزك ريح متى افتتحوه ؟ اليوم كنت هناك بس مامريت صوبه !

[شوق القلوب]

اووووووه.. ذكرتني فيه...
هذاك اليوم كنا واصلين على وقت الغدا.. و مرينا عليه... و قلنا بنحلي فيه... بس طاف الوقت و التهينا..

..

شو رايك فيه... سويتاته اتشهي من الخاااااااااطر

[مايهزك ريح]

مرحبا مروان .. افتتحوه قبل لا اسافر .. وشفته بس ما يلست فيه ......يوم رديت اتعازمنا فيه ..

مرحبا شوق القلوب .. كيكاتهم لذيذه صدق .. اذا ييتي من اول ما يفتحون بتحصلين كيكات اصغار نفس الكبار عشان اتجربينهن كلهن واتعرفين شو الحلو ..
الكيكه اللي انا حاطنها كلها كاكاو وداخلها كرز ..
وفيه كيكه ثانيه ما صورتها اللي بالبندق hazelnut هاي بعد لذيذه شكلها .. امممممممم
شكلها غريب .. كانج لافه ورقه من الكاكاو على الكيكه .. وواقفه الورقه .. مميزه الكيكه اول ما اتشوفينها بتعرفينها .. ^_^!!

[شوق القلوب]

قصدك كيكه امغلفه ..جي جنها هديه ؟؟

[حلم الطفوله]

شواقه جربيها ... الكيكه لذيذه وغريبه :)

[صريح]

http://www.dohaup.com/up/2009-02-22/dohaup_334421801.jpg


:fa37:

[مايهزك ريح]

^
ما جد في حياتي جربت السوشي .. بحاول اجرب .. يمكن يعيبني !!!

[صريح]

^


اذا انته تاكل سيفود .. فاتوقع عادي بيعيبك
جرب الاشياء المألوفه عندك ربيان / قباقيب / تونا / خضرة

وايد ناس في بالهم انه شرط يكون الاكل ني،
و عسب جيه ما يفكرون يجربون السوشي

بس من يجربونه يعيبهم و يدمنونه


هالمطاعم التوب فالبلاد للسوشي

في دبي عندك:

Nobu - اتلاتنس
Zuma - مركز دبي المالي
Manga Sushi - شارع جميرا

في بوظبي:

Kazu - فندق ياس

[مايهزك ريح]

خلاص بنجرب شو ورانا ^_^!!
شورك وهداية الله

[المزوحي]

انا حدي التمبروا

[مايهزك ريح]

^


اذا انته تاكل سيفود .. فاتوقع عادي بيعيبك
جرب الاشياء المألوفه عندك ربيان / قباقيب / تونا / خضرة

وايد ناس في بالهم انه شرط يكون الاكل ني،
و عسب جيه ما يفكرون يجربون السوشي

بس من يجربونه يعيبهم و يدمنونه


هالمطاعم التوب فالبلاد للسوشي

في دبي عندك:

Nobu - اتلاتنس
Zuma - مركز دبي المالي
Manga Sushi - شارع جميرا

في بوظبي:

Kazu - فندق ياس



خليته في خاطري .. :fa43:
طلعت من الدوام سيده على Manga Sushi :fa34:

طلبت 3 انواع .. عيبوني اول ثنينه وشكلي صدق بدمن عليه .. :a018:

OTAKU هذا روووعه
Spider رهيب
California Roll طلبته يكون مطبوخ .. طلع يعني..
طعمه مقبول ما عيبني وايد .. بس الرضيعه قضت عليه شكله عيبها ..يمكن عشان كانو حاطين عليه Souce .. مستوي سبايسي .. مادري ^_^!!

سألت ربيعي بعد قالي لو طلبت chicken dumpling بعد فنان .. بس جد طلعت ..
برد مره ثانيه .. وبجرب اللي قالي عليه بعد

http://oasis.bindubai.com/bin/uploaded/5584c0dc5b549f7c.jpg


ومشكور يا صريح .. شجعتني اجرب السوشي

[مايهزك ريح]

اول ما رديت من السفر عزموني على ريوق في ايرك قيصر .. في دبي مول .. ريوقهم غاوي .. وتغيير عن PAUL .. !

http://oasis.bindubai.com/bin/uploaded/5584c468efa33c9b.bmp

http://oasis.bindubai.com/bin/uploaded/5584c468efa284ff.bmp

[المزوحي]

صح ريوقهم غاوي ، جربته، وشفت فرع له في دبي مارينا مول

[مايهزك ريح]

انا وانته نفس الذوق تقريبا .. اللي يعيبك يعيبني ..

[رمــش الغـــلا]

انا ما كنت من محبي السوشي

بس عقب ما جربته قمت ما احب الا انواع معينة
واحلى شي اللي يكون بالجيكن في يو سوشي ..
وجربت اوتاكو من مانغا سوشي ما عيبني وايد لول ..!

[صريح]

بو سلطـان


كم يسوى ذيل الربيانه و هو طالع من الـ Otaku لوول

و هني و عافية

::
:


PF Changs

مطعم صيني ما يتفوت

ستي مردف
:yes:

[قصايد غلا]

^ حلو هالمطعم الصيني مع إني مب من محبي الأكل الصيني :k_santa_1:
===========

حبيييت أكل PF Changs
حتى أميه اللي ما اييوز لها شي ، عيبها :wink:

[ذنـيـنـي]

ruths chris steakhouse

في فندق مونارج اول شارع الشيخ زايد
حلو اذا عندكم عشاء خاص

كـ ستارتر انصح بـ crabtini و/او sizzlin blue crabcake

http://www.ruthschris.ae/content/images/menu/appetizers/img_app_crabtini.jpg

http://www.ruthschris.ae/content/images/menu/appetizers/img_app_crabcakes.jpg
http://www.ruthschris.ae/Appetizers-Soups.aspx



الاطباق الجانبية مع الستيك متعدده, الماشد بوتيتو مالهم فنان
و اكثر شي عيبني البروكلي مع الجبن و الاسبارغس اظني يسمونه بالعربي هليون



http://www.ruthschris.ae/content/images/menu/sides/img_sides_asparagus.jpg


و بالنسبة للحلو الجيز كيك مالهم خيالي


الاسعار شوي غالية, عشاء لشخصين يتضمن ستارتر و مين كورس و حلو بيطلع في حدود ٨٠٠-٩٠٠

[دمعة شوق]

1321


شـو بآلعـآده تطلبون من جلوريآ جينز
آخر مره طلبت عندهم آظني كبتشينو ماكان ذاك الزود
:fa39:

وللاسف الجامعة مافتحت لنا ستآربكس في الحرم اليـديد فـ فتحـوا جلوريـآآ
:mad:

شو الاشياء الحلوة اللي عندهم ؟!
:wink:

[شوق القلوب]

حد جرب شي من المطاعم اليديده اللي في مردف سيتي سنتر

[ذنـيـنـي]

دمعة شوق
هي مسألة ذوق شخصي
يعني لو انا و مجموعة انسان بنجاوبج, بنقولج الاسبرسو احسن شي
يمكن غيرنا يقول الهوت جوكلت احسن شي لأنه ما يحب القهوة

فـ انتي شوفي شو الي تحبينه و خذيه ^^

[ذنـيـنـي]

شوق القلوب

ظهر الخير و البركه ^^


جربت المطعم الصيني الي ذكروه فوق, وايد حلو اكله
يسوون فاصوليا مقلايه مثل الفرنش فرايز, وايد فنانه
و عندهم ستارتر فنان اسمه DYNAMITE SHRIMP عباره عن ربيان شوي سبايسي يحطونه ويا السوس ماله في كوب

و جربت المطعم الهندي الي فوق, اسمه زافران (بالعربي زعفران) و كان حلو اكله, هندي بس من النوع الاليف, مب متروس بهارات
زين بس بالنسبه لي افضل قصر الهند و جازيبو

بس هو زين يعني عادي اسيرله مره ثانيه


و شي مطعم برغر موجود في ابتاون مردف و في الفستفال و بعد موجود في سيتي مردف
اسمه GBK غورميه برغر كيجن
برغراتهم وايد هاي كواليتي و الفرنش فرايز عندهم شي رهيب جدا

[دمعة شوق]

المشكلة يا ذنيني جربت كمن شـي
يآلله بجرب آلأسبرسو بمآ آني آحب شـي آسمه قهوة
^^
ثآنـكس خويـه

[مــهــابه]

^
دمعه :

آنتي شرآتي تتحسفين على الآيام الخواليّه لوول ..


آنا جربت الكابتشينو مالهم بـعد ماحبيتها وايد ، بس تفي بالغرض ، ولأن الآي تي قريب مني ف قبل أول كلاس اخطف اخذ كابتشينو وآروح

الاسبريسو >< قـهوه وانا ماحب القهوووه موووليه

مثل ماقال ذنيني مسأله ذوق وبما انج تـحبين القهوه جّربي =p

[شوق القلوب]

هلا ناصر...

سرت جربته.. و حلو اكلهم .. يشبع اليوااااعه

طلبنا هالفاصوليا.. و نودلز دان دان ... و دياي بالكازو

..

جان جربت مطعم الفوندو الايطالي... حلو اكلهم

[مايهزك ريح]

مطعم amici في فندق ياس ... رهيب !

[المزوحي]

سرت مطعم ستيك في فندق جميرا ابراج الامارات Rib room فنان الستيك مالهم

[شوق القلوب]

يا سلام.. انا وايد تام في خاطري اكل ستيك

[المزوحي]

زين شوق القلوب جربتي انتركوت اللي في دبي مول ، فنان الصراحه

[شوق القلوب]

في اي صوب يا المزوحي ...؟

[المزوحي]

شوق بنعتج بس اكتشفت عقب إنه عندهم wine بس اكيد بيكون مع الطلب ، مب إنه مصفف بطريقه تبين عدل

المهم إذا كنتي في ابراج الامارات الطابق الثاني ، تمرين صوب أرماني، شي لفه على اليمين ، بتلقين باب يدخلج على الفندق .. من تظهرين من الباب المطعم بيكون صوب اليمين

اسعار الاستيكات تقريبا 190 لين 400 على حسب النوع والوزن ، طبعا بيسد اللي وزنه اقل ، بالنسبة للعصاير الفرش مب شي ..

[ذنـيـنـي]

باريس كافيه الي الناس يسمونه انتركوت ما عندهم واين
جربيه ام حمد, وايد فنان,,
مكانه تحت الشلال الي فيه هالمفاليع الي يناقزون

اطلبي ثاني ستيك فالمنيو, و نصيحة اطلبيه ميديم تو ول
السبب انهم بيحطولج الستيك في صينية و تحته نار و بينطبخ عدل
لو طلبتيه من البدايه ول دن بييبونه وايد مطبوخ و عقب بيرد بينطبخ اكثر مما هو مطبوخ و بينشف و بيستوي مثل الربل

[المزوحي]

انتركوت فنان، وصح إذا ول دن بيكون محترق على الاطراف ..

مكانه ( ال جي ) صوب الشلال

[شوق القلوب]

المزوحي.. ع بالي انه في دبي مول...! لا مافيني ع الاماكن المشبوهه...
تسلم خيوووووو

...

ناصر...

تسلم على الاقتراح.. و ان شاء الله جان سرت بطلبه... بس سؤال عندهم سوالف ثانيه حلوه بالدياي ..؟؟ لانه الجماعه اللي عندي مايحبون اللحم..!!!
تدري.. هاك اليوم يوم سرت الصيني اللي في مردف... اختي تطالع المينيو... و انا فاتحه الواحات اجيك على اللي وصيتهم لي :4:

[المزوحي]

في مطعم ستيك يديد فتح في دبي مول اسمه outback steakhouse ماجربته في الطابق الثاني نفس سيد نعول الصغاريه بابلوسكي

[ذنـيـنـي]

شوق لا ما يسوي شي غير اللحم !!
تخيلي ما عندهم غير ثلاث انواع من الستيك بس مسوايه بنفس الطريقة

واحد امريكي و استرالي و "واغيو بيف"
======

طبعا في سوالف سويتات و ما ادري شو,, لأنه هو فالاصل كافيه

[المزوحي]

سرت مطعم اوت باك طبعا من غير خطه مسبقه، وطلبت

ستيك Victoria's Filet مديم ول ، عيبني ، يعني مب مستوى الفنادق

لكن احلى عن فرايديز، توني روماس، روبي تيوزدي :police:

طبعا طلبت وياه بيكد بوتيتو يم يمي

خدمتهم مب شي :fa45:

[شوق القلوب]

بخبركم عن كافيه ... مكانه في دبي مول مجابل لودري... يا سلام عندهم براوني عجيب... و طلبنا بعد جوكلت مافين و كورسون... بس وايد حبيت اكلهم...
جربوه ...!

[مايهزك ريح]

DEAN & DELUCA .. اعتقد هذا اللي تتكلمين عنه ..
خواتي بعد يمدحونه بس انا ما جد يلست فيه !

[المزوحي]

إذا هذا اللي تطرونه يلست أول مافتح، جربت عنده كراوسون مب شي، حتى الهوت تشوكليت عادي، عيل شوق بنجرب المافين عندهم.

[شوق القلوب]

هو هذا اللي اقصده .. المزوحي جرب البراوني.. بتعيبك

[المزوحي]

إن شاء الله شوق بجربه

كل كوفي متميز بشي، يعني Paul ماتعيبني سندويتشاته ، يمكن فالح في السلطات و السويتس ..

[مايهزك ريح]

^
الريوق عندهم فنان .. انا آخذ الـ complete

[سبيجة]

السلام عليكم


اكل Paul خفيف ,,وحلو .. ريوقهم ولا مره جربته للأسف ..


في كوفي PQ وجود في مردف سيتي سنتر ..وابتاون .. واعتقد بعد في اماكن ثانيه ... واهني في بوظبي ... اشوفه بس بعدني ما سرت له ... مع انه جريب مني ...

ريوقهم وايد حلو... وعندهم كيكات حلوه ...

امس اكتشفت مطعم وكوفي ..روعه ..اسمه Jones وكله اجانب ...في العمارات اللي قبل معسكر نهيان .تقريبا وراء بنك بوظبي الوطني .طبعا في بوظبي . كلها بنايات يديده تقريبا.... كل شيء عندهم لذيذ .. الحلويات انواع ... المفن والكب كيك ... انا كلت strawbarry pic وhot choclate وشفت الناس تتعشى ... سلطات وبيتزا وباستا ..حبيته الصراحه .... واحتمال اتعشى فيه اليوم وبخبركم .. :whistling:

وفي مطعم ايطالي روعه اكل خفيف وايد في فيرمونت باب البحر .. اكله لذيذ..


لي عوده اكيد :d010:يعت

[رمــش الغـــلا]

احب كل شي في هافانا ..
من ريوق لعشا وحتى السويت..


اممم وايعيبني مطلعم سلونز في جروفنر هاوس صوب المرسى وايد يمي البوفيه مالهم يعييييبني ..


واحلى سوشي من عند يوسوشي
واخر مرة جربت من عند جابينغوو مااذكر نسيت اسمه بعد كان يمي

واحب الجاينيز في جابينغوووو يميييي ..
والجيز كيك بعد لذيذ عندهم شرات اللي فالمطعم الدوار في حياة ريجنسي ..

[مايهزك ريح]

مطعم P.F .Chang's ........ صيني .. في مول الإمارات .. وله فرع في مردف سيتي سنتر !


http://oasis.bindubai.com/bin/uploaded/5584d0d8ac6de412.jpg

http://oasis.bindubai.com/bin/uploaded/5584d0d8b07e3ebd.jpg

المقبلات .. prawn dynamite + chicken dumplin

http://oasis.bindubai.com/bin/uploaded/5584d0d8ac70b167.jpg

Prawn honey .. chicken spicy .. chicken fried rice ..

http://oasis.bindubai.com/bin/uploaded/5584d0d8b07d021f.jpg

sweet ..
chocolate wall (serving 4 )

http://oasis.bindubai.com/bin/uploaded/5584d0d8ac71fd76.jpg


الأكل لذيييييييييييذ .. واليلسه فنانه ..

[مايهزك ريح]

مطعم الشيكو في the walk ..

http://oasis.bindubai.com/bin/uploaded/5584d16d027842d0.jpg


اللومي بالنعناع .. ما انصحكم تطلبونه لأنه وااااااااااايد حامض ..

http://oasis.bindubai.com/bin/uploaded/5584d16d190387c8.jpg

cheese burger .. لذيذ ..

http://oasis.bindubai.com/bin/uploaded/5584d16d0c735e76.jpg

shrimp fahita .. بعد فنان ..

http://oasis.bindubai.com/bin/uploaded/5584d16d0c7058b2.jpg


Apple pie اللي قال عنها ذنيني .. صدق لذيذه ..
http://oasis.bindubai.com/bin/uploaded/5584d16d027b7b09.jpg


يلسنا داخل لأنه المطعم كان حشره برع .. وداخل محد كان غيرنا .. !!!

[المزوحي]

مع إني ما أحب الابل باي، بس يبالنا تجربة عقب وصفكم انتوا الاثنين

[شوق القلوب]

حلوه الابل باي.. اي شي فيه جرفه و شكر.. يطلع حلووووو

[ذنـيـنـي]

في مطعم ستيكات فدبي مول - الفود كورت الي فوق- اسمه ريبز اند رمبز
جربو الـ شورت ريبز عنده
شي خيالي !! اللحم يذوب فالحلج من طراوته
وابوييييه قمت ارون انا خخخخخ

[ذنـيـنـي]

مطعم سوشيال هاوس في دبي مول بعد عيبني
برغرهم لذيذ جدا و اللزانيا بعد وايد حبيتها
و السوشي عندهم حلو بعد

هالمطعم عنده منيو اسيوي و منيو غربي و كلهم حلوين
الاكل بسيط و لذيذ و يميل للابتكار نوعا ما

[مايهزك ريح]

مطعم assia in wok
الله يخليكم لا تشترون اللحم او الدياي المشواي على شكل اسياخ من عنده .. مول مب حلو .. اتخيلو غاطينه في sweet سوس .. الطعم فظيع !
بس طريقة تقديمهم فنان .. !

[شوق القلوب]

ناصر...

خليتني اضحك و الناس حذالي رقوووود .... ههههههههههه

...

المهم..

فيه كافيه تحت في مردف سيتي سنتر...في القسم الوسطاني وين زارا... كله جوكلت... عندهم مثل فكره الاسبرسو بس على جوكلت.. كان ودي اطلبه بس كنت داخله في خاطري كبتشينو.. و ما يخلى السويت الا بالكوفي... و طلبت عنهم جوكلت فوندو.. وكان يمي ..

جربوه... مكان رايق

[مايهزك ريح]

^
بنجربه عيل .. شو ورانا .. ^_^!!

[المزوحي]

على وصفچ شوق كوفي رستريتو، كل مره اقول بسوي يوم له

[شوق القلوب]

لالا... سوري مب تحت... فوق.. في الدور الاول...

اظني اسمه جوكلت بار

[المزوحي]

ايوه جوكليت بار اعرفه واسير له احيانا :police:

[طير الحب]

يا سلام احب المطاعم بس والله ما احفظ اسامي

اخر مطاعم كلت فيها

مطعم برغر بشارع الشيخ زايد ما اعرف اسمه بس اكله حلو كفاست فود

مطعم شهرزاد بالفجيرة اكله ايراني حلو

مطعم اليحر بالعين مندي وايد حبيته

مطعم مدفون الخيمه للمندي والمدفون على بخيرة الشارجه مدفون اللحم والدياي حلو

جربت كذا محل في دبي مول فود كورت شغلاهم وايد حلو ه عموما


ووين بعد احب اكل نقر مشوي من وادي النيل الي با القيوين

مكس سي فود برياني حلو بتاج خورفكان...والبر والبحر..وبحر الامارات

امسات كلنا في قازيبو الي في بن سوقات بس ما حبيت ابرياني مالهم حبيت الحلوم المشوي

ويعيبني كراتشي دربار وقصر الهند

[شوق القلوب]

من فتره ... كله نسير نيرو... التيراميسو عندهم حلو...! بش شلو وياكم منظره و اضحكوا على
عماركم من الكوكو باودر لانهم يترسونه من الخاطر :4:

[المزوحي]

يتني فترة دوم اسير نيرو كافيه، وأحب عندهم كراوسون الجبن كان لذيذ وهوت شوكليت ياسلااام، لكن ماقاموا يسونه مثل قبل، الكراوسون احس به ني من الخاطر والهوت شوكليت صلاّل..

[شوق القلوب]

ع فكره المزوحي... الكوفي او اي مشروب يسوونه يعتمد على اللي يالس يشتغل...
اول الايام قاموا يسوونا الكابتشينو فوووم + اسبرسووو... عقب كلمت هاللي يسوي قلته شوفيكم جيه اتسوونه.. الحين من يشوفني يعرف كيف اباه...

..

لو انت من محبي الهوت جوكلت جرب عندهم ميلانو هوت جوكلت...

[المزوحي]

ايوه شوق القلوب جربت الميلانو اول مافتح الكوفي، تشوكليت من الخاطر ، ويحطونه في الكاس الطويل مب الكوب

[شوق القلوب]

السلام عليكم...اليوم يلسنا في كافيه carluccio's في مردف سيتي سنتر..
جربنا عندهم التيراميسو و الجوكلت فوندو...بصراحه عندهم احلى تيراميسو ذقته للحين...وايد غير عن المتعودين ناكله..كريمتهم حلوه مب رغوه ومالها طعم

جربوه !

[المزوحي]

جربتها من قبل شوق القلوب، نايس

[ولعه]

ما رايكم بزهر الليمون
بالامارات مول
و ما المطاعم الجديده اللي تستاهل تنزار؟

و شكرا

[ذنـيـنـي]

"بيت المزّه" مطعم شامي وايد حلو اكله, بس يعيبه وجود الشيشة فيه لذلك ما انصح انه البنات يسيروله او انه الشباب يودون اهلهم خاصة فالليل
الظهر الوضع شوي احسن من فليل و ممكن تسيروله, بس فليل لا و الف لا

الموقع, منطقة دبي مول - عقب دخلة المنزل
بتحصلون لافته مكتوب عليها مركز مبيعات برج خليفة
المطعم بيكون في نفس المنطقة

===========

المطعم الثاني الي خبلبي فالفتره الاخيره
المطعم الافريقي تريبز في مول الامارات, قسم المطاعم اليديد
ستيكاتهم واااااايد حلوة و هو للعلم نفسه the meat Co لكن اسعاره افضل و خياراته اوسع

[الموز]

مشكلة يوم المكان فيه شيشه مانقدر نسير ادري بتقولون في خيارات ثانيه بس عادة المطاعم اللي فيها شيشه اكلهم طيب

يعني مثل الفستفل اغلب المطاعم فيها شيشة وهذا خرب منظر المارينا !

اعرف وحده زوجها يوديها مقاهي مع إنه هو ينتقد الناس وهو عصبي وماتعيبه هالسوالف ومع هذا يوديها ..

والمطعم الافريقي هذا جربته اول مافتح

[غرور أنثى]

مشكوررررين الصراحة ؤائد استفذت

[شوق القلوب]

والله افتقدنا اختياراتك يا ناصر....

بنشوف جان رمنا انزور بيت المزه... بس سؤال... اكلهم احلى من وافي جورميه...؟؟

..

وصح شو رايك بالمطعم الشامي بعد اللي في مول الامارات... الحلبي اضن اسمه !!

[شوق القلوب]

جربوا

pappa roti

في دبي مول... ويا الكرك... صح انه دسم بس حلو ... :)


1410

[المزوحي]

انا يربت الخبز مالهم بس

[ذنـيـنـي]

هلا ام حمد
اسمحيلي توني اشوف ردج

وافي جورميه اعتبره القمة, و بيت المزه بالنسبة لي ما يقل عن وافي جورميه في مستواه

الحلبي تجربتي وياه سيئه جدا اول ما فتح, اضاربت وياهم وقت اخذ الطلبات و طلعت عنهم و ما جربت شي من اكلهم
ولا يمكن ارجعله مره ثانيه

========

مارينا الفيستفال

مطعم جيمي ايتاليان
مطعم الشيف جيمي اوليفر

http://visitbath.co.uk/dbimgs/Jamie%20Oliver.jpg

انصحكم تجربون الخبز الي عليه جبن عنز و طماط كـ ستارتر