والدي في القلب باقي [الأرشيف]

مشاهدة النسخة كاملة : والدي في القلب باقي

بن بلادي

07-12-04 ||, 06:39 AM

((والدي في القلب باقي))

هزت مشاعر خافقي وضاقت عيونْ مبلبله

يا دنيتي يا عالمي يا ناس الله يرحمه

آقولها متخانقٍ والها النفوس متثاقله

قوله أنا (ف) عمري ولا يوم قلتها باسمه

هي معضله وأكبر امٌنها اشهي بتكون المعضله

هي أدخلتني (ف) عالمٍ ما عشت فيه ولا اعلمه

.....

لين استوى اللي استوى اشْهوا نقول؟؟
 
وين المفر؟؟... كيف الحلول..؟


سلم يا عبد وآمن.!

واعقد على العزم ضامن..

وساير بعزك مخترق تيار..

ولا تغير في القدر أيي مسار..

....

كم كنت انت يا والدي تحني..!؟

وكم كنت انت بالمشاعر حب تبني.!؟

مِنْك انْت نحنا تعلمنا المشاعر..

وما هي والله أي حيالله مشاعر..!

هي مشاعر في عالمي مالها مثيل..

هيه في أكوان البشر للشر تنكيل..

جمالها وقت الغروب عند الأصيل..

هي مراحم.في تزاحم..

هي تزايد في تعايد..

هي سنايد لروح زايد..

هي فرحةٍ للناس عيد..

وهيه تراها باقيه..

خالده ليوم الوعيد..

....

حبك يا سيدي متمكمنٍ بالاركان..

و متوحدْ ومتوثقٍ في كل مكان..

..
كم هي فضايلْك علينا..!

! لا ِتفكرنا بلْحظه نسينا..؟!

انتَ الموحد..

.. انتْ بْفَضل اللهْ مجدد..

انْتَه مهاب..

ولا فيك يا شيخنا قصرْ أو معاب..

رحلت عنا..لرب..الارْباب..

تركتنا بدموعنا.. بكوك شيبنا و الشباب..

انتْ (ف) قلوبنا....

ومِنْ كان هُو (ف) قلوبنا....

عزه ترى فوق السحاب..


انْت يا بحرٍ  نبض بالجود

.ما شي شراك أَبَدْ فالوْجود

كل مافيك جدت به جود مزيود..

وانْت جدت بكل خير موجود..

..

زايد بكى ف السنين قدٌام لك مليون شاب..

يبكون ما لِحقوْ على شيخْ الذخر شيخ مِخلاب..

..

الله ايْغَفِر له شيخنا..

الله يرحمْ موْقفه..

الله لا يخيبْ ظننا..

الله يِحِقْ امسَوٌفَه..

الله ايْرَزْقك يا شيخنا..

في جنته خير موقعه

وحبنا لك يا قلبنا..

..لك هو في خلدي مسمعه..

بقلم: بن بلادي<IMG src="http://oasis.bindubai.com/emoticons/sad.gif" border=0>

((رايكم..@@.. و إذا في تعديلات..أحب أشوفها منكم بأسرع فرصه ممكنه))

همس القصيد

07-12-04 ||, 12:23 PM

.. بـــن بـــــلادي ..

كفيــــت ووفيــــت الخـــوي

تسلـــم ع القصيـــــده الرائعــــــــه فــي حـــق شيخنـــا الغالـــي " رحمـــه اللـــه "

:::

بـــوخليفــــه .. تبكــــي عليــــــك الــــــــروح قبــــــل العيـــــــون

<IMG src="http://oasis.bindubai.com/emoticons/sad.gif" border=0>

خوي الواحات

07-12-04 ||, 10:53 PM

هيه والله صدقتي يا همس القصيد.. 

تبكــــي عليــــــك الــــــــروح قبــــــل العيـــــــون

يا روووووووووووح يــتــيــمــك يــا ابــويــه... ..

أعذرني على هذه الحروف ان حشرجتكم بصوتها..

بـن بــلادي..

كلمات الروح هي أروع الكلمات،، تسلم يا أخي..

والله يرحمك يا ابونا.. الله يرحمك..
.............................

عزيزه النفس

07-12-04 ||, 11:13 PM

تسلـــــــم اخوي عالقصيده الرائعه
مشكووووووور
قصيده وايد حلووووووووه

((( الله يرحمه بوخليفه )))

بن بلادي

08-12-04 ||, 02:28 AM

الله يسلمج يا    -^روح القصيد^-   على الرد الحلو

و ماشي أي واحد في هالدنيا يقدر يكفي ويوفي<IMG src="http://oasis.bindubai.com/emoticons/shutup.gif" border=0> لحبنا الباقي..ولوالدنا الحاني..شيخنا زايد

و انتي اللي تسلمين اوخيتي..<IMG src="http://oasis.bindubai.com/emoticons/blush.gif" border=0>

والله يرحمك يا بوخليفه برحمته الواسعه...<IMG src="http://oasis.bindubai.com/emoticons/sad.gif" border=0>

والله يخليج يا رب..

^_BLADYBnBnB___^

وفي النهايه ما أقدر أقول غير://..

**الله يرحمك يا أبونا كلنا . ويغمد روحك الجنه. ويغفر لك. ويسلمك ان شاءالله**

السموووحه<IMG src="http://oasis.bindubai.com/emoticons/sad.gif" border=0>

::أخوكم بـــ بلادي ــن ::

بن بلادي

08-12-04 ||, 02:33 AM

جي ما طلع الرد كامل<IMG src="http://oasis.bindubai.com/emoticons/mad.gif" border=0>

سوري والله

((خوي الواحات))

الله يخليك أخوي

ومن حقها الروح تبكي على موت راعيها..وقايدها .. ومعلمها.. و باني مشاعرها والحاني عليها..

مشكور الغالي على مرورك

والله يعطيك العافيه

الله يسلمج أختي.. ويوفقج ويعطيج من خيره يا رب..

العفو اختي.. انتي اللي مشكوره على تواجدج الجميل والرائع ..

تسلمين على مرورج

والله يديم عافيتج.. ويزيدج من الخير خير..

وفي النهايه ما أقدر أقول غير://..

**الله يرحمك يا أبونا كلنا . ويغمد روحك الجنه. ويغفر لك. ويسلمك ان شاءالله**

السموووحه<IMG src="http://oasis.bindubai.com/emoticons/sad.gif" border=0>

::أخوكم بـــ بلادي ــن ::