المساعد الشخصي الرقمي

مشاهدة النسخة كاملة : وبعدين طلعلت العروس الماكنتوش


بن دبي
21-01-03 ||, 09:49 AM
<font color='#000000'>والله هالأيام صارت الأعراس مهرجانات و مدعاة للضحك أو الأستهزاء بالناس المدعويين و عدم تقدير جيت الناس و تلبيتهم للدعوة.

الموضوع و كل مافيه كما يلي:

بطاقة الدعوة:
في شهر يونيو وصلتنا دعوة لحضور عرس , الصراحة أول ما شفت بطاقة العرس استغربت و الله و اتحريت أنه كرت عيد ميلاد, لأن البطاقة كان عليها رسم مال شوكلاتة الماكنتوش ( كواليتي ستريت ) و الحرمةو الريال الي مرسومين على العلبة.

المهم فتحت الكرت و كان مكتوب فيه أن الدعوة في مدينة الماكنتوش

المهم

و كان مكتوب فيه تفاصيل العرس و فقراته ( كأنه حفل افتتاح )

و من ضمن الفقرات الي أتذكرها , عزف للفرقه الهندية , رقصات شعبية, موسيقى هادئة, تناول العشاء , دخول العروس الخ....

و الله أني ما عرفت شو أسوي أضحك أو أأسف لحالهم
المهم أني أصريت على حضور العرس و رحنا أنا و الوالدة وأختي و جدتي

تفاصيل الحفل:

أول ما دشينا القاعة كانوا اهل العرس في الاستقبال ( و شووووامسوين ) كل وحده منهم حاطه بطاقة على صدرها ( مثبته بالدبوس ) و عليها صورة الماكنتوش طبعا و معاها شرائط بنفس الألوان الي على الماكنتوش ( بنفسجي و أحمر و ألوان أخرى)

و كانوا حاطين علبة كبيرة الحجم و طويلة تصل الى مستوى الخصر و طبعا مطبوع عليها الماكنتوش؟؟؟؟
على ما اعتقد أنه نوع من الدعاية؟؟

و كان في بنتين كل وحدة في ايدها سلة وايد صغيرة فيها شوكولاتة ماكنتوش و مدبس في كل واحدة ورقة صغيرة فيها رقم مطبوع&#33;&#33;
كل حرمة ادش نأخذ لها حبة.

الفرقة الهندية:

جايبيين لهم فرقة هندية مأدري من وين , أظاهر أنها فرقة طايح حظها حتى عند الهنود ( قوم راجو)
الله على المقدمة تتحرى عمرها في مهرجان عالمي قاعدة اتصرخ في المكريفون و هي اتقدم الفقرات ( و طبع هذا كله بالانجليزي )
الله لو شفتو وجوه الحريم الكبار و هم مستائيين منها.

و بعدين بدأت فرقة مكونة من مطربات و راقصات سوريات ( عاااااااشووووو)

و قامت مجموعة من البنات من أهل العرس بالرقص ( طبعا معلاية ) و ماتتوقعون شو كانو لابسيين.
لابسيين كناديير رياييل ( دشداشه رجالية) ثوب اماراتي . و في ايدهم عصي ( خيزرانات) و قامويرقصون مثل رقص الرياييل الي نص نص ( يعني مو رجال و مو مره ) بين بين

ما ادري يتحرون هاذي شطارة أو شئ متمييز و الناس بتنبسط علية


و هكذا مرة تغني الفرقة الهندية و مرة العربية ........ ونحن المعازييم مب عارفيين شو الي قاعد ايصيير.

أووووووه نسيت أقول لكم أن أكثر الحضور كانو اطفال ( أكييد دام السالفه فيها حلاوة و ماكنتوش)

لا و بعد جايبيين صبابات مغربيات لابسين اللبس التقليدي اللبناني ( مثل العباءة المكونة من قطعتين و على الرأس كبوس طويل و عليه قطعة من الشيفون ) وشايليين مثل الأباريق فيها ماء زهر


و بعديين سمعنا صوت وحده في المكريفون اتقول و الحين السحب
و راحت اتنادي على الأرقام الي كانت مدبوسه مع الشوكلاته&#33;&#33;&#33;

و بعديين غنت الفرقة الهندية و رقصوا رقص مثل مال الأفلام
و بعديين غنت الفرقة العربية بالمصري و نفس جروب البنات اللي رقصوا طلعوا لنا بملابس الرقص الشعبي المصري اللي فيه ربطة مليانه من الفولك ( الترتر) و على رأسهم مناديل بأويا مال المصريات و راحوا يرقصون


العروس:

وقبل ما تطلع العروس طلع لنا بنت وولد لابسين نفس لبس الماكنتوش , الحرمة لابسة فستان بنفسجي و الولد بدلة على ما أعتقد حمرا

و مشوا لين ما طلعوا على الكوشة و بعدين رقصوا مثل الأجانب
و بعدها بشوي طلع لنا طابورين من غرفة العروس عبارة عن بنات و أولاد
البنات ملبسينهم فساتين سادة من كل الألوان الي في الماكنتوش( الموديلات كلها نفس لبس الانجليز أيام زمان – فساتين نافشة و في ايدهم مظلات و الأولاد لابسين بدل
و الله صدق مدينة المااااااااااكنتووووووش


و بعدين طلعلت العروس

روقصوا أمامها أطفال الماكنتوش


و يوم جاء المعرس حطو له أغنية الله يادار زايد
و كان في ولد يرقص بالسلاح ( أونه بدوي)

تحليلي للعرس:-

العرس كان في من كل شئ ماشاء الله من جميع الفنون
الرقص الهندي
الرقص المصري
الغناء الخليجي
فن المعلاية
و الرقص الاماراتي الشعبي

العرس ماكان فيه معنى العرس كان عبارة عن مجموعة من الاستعراضات
أي فقد معنى العرس الحقيقي و المعنى من جمع الناس لحضور مناسبة تعتبر نقلة و مرحلة جديدة لحياة اثنين


قيام بعض البنات بالرقص الذي لايمت للأخلاق و لاالقيم الجتماعية بأي صلة و عدم احترام الموجوديين ,

و الله عيب العرس كان فيه حريم من جيل جداتنا

كان ممكن يعبرون عن فرحهم بالرقص المحترم و المتعارف عليه

و الي كنت مستغربه منه؟؟؟

فكرة مين هاذي؟؟؟

عرس الماكنتوش</font>
ميره
22-01-03 ||, 08:34 AM
<font color='#000000'>افـــــــــــــــــــــا ما وصلتني العزيمه جااااااااان بستانس &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>


والله انه مهرجان

الي بيمووت من الغصه كلها هو المعرس ...........كل هالمخاسير


من جيه العوانس كثروا في البلاد &nbsp;<img src="http://oasis.bindubai.com/emoticons/oops.gif" border="0" valign="absmiddle" alt=':op:'></font>
بن دبي
20-02-03 ||, 05:42 AM
<font color='#000000'>الصراحه وايد عيبني موضوعج و مع اني عضوة جديدة إلااني حبيت أعلق على هذا الموضوع، ووالله صدقتي يا أختي هالأيام الاعراس استوت مثل المهرجانات كلها عروض وفقرات استعراضيه وتنافس في الافكار والمواضيع بس عشان الناس تمدح العرس واهل العرس ويكون حديث الساعه مثل ما انقول.
والله اني مت من الضحك يوم قريت الموضوع حتى اني اشتريت علبة ماكنتوش من الجمعيه عشان اتخيل كيف كان العرس واللبس،
معقوله شي عرس جي وبهالصوره؟؟؟؟؟؟؟؟؟؟؟؟ ليش نحن وين عايشين؟؟؟؟؟؟؟؟؟؟؟؟ والله حاله صدق ان الاعراس هالايام استوت مصخره........ لدرجة ان الناس نست العادات والتقاليد ووصلت لهالمستوى المنحط.
الا ما قلتيلي ياختي........وين استوى هالعرس؟؟؟؟؟؟؟؟ ومتى؟؟؟؟؟؟؟؟؟
ومنوووووووووه &nbsp;هالناس المتفيجين؟؟؟؟؟؟؟؟؟؟؟؟؟؟؟






<img src="http://oasis.bindubai.com/emoticons/face104.gif" border="0" valign="absmiddle" alt=':f1:'></font>
بن دبي
18-03-03 ||, 12:33 PM
<font color='#000000'>يا جماعة ماصارت كل ما كتبنا رد تحذفونه.</font>
البراق
22-03-03 ||, 07:30 PM
<font color='#000000'>السلام عليكم

والله خوش عرس .. ماله اعاده نبغي نتفرج

اقول بنوتة دبي اذا يتج دعوه مثل هذه مره ثانيه طرشيها حقي

<img src="http://oasis.bindubai.com/emoticons/cool.gif" border="0" valign="absmiddle" alt=':cool:'> &nbsp;<img src="http://oasis.bindubai.com/emoticons/cool.gif" border="0" valign="absmiddle" alt=':cool:'> &nbsp;<img src="http://oasis.bindubai.com/emoticons/cool.gif" border="0" valign="absmiddle" alt=':cool:'></font>
بن دبي
23-03-03 ||, 04:10 AM
<font color='#000000'>السلااام ..
أقوول البراق انا بطرشلها لك ... تراني كنت معزومة هناك ...
بس يوم قالولي شي ماكنتوش تخبلت عااد نسيت اكمل توزيع البطايق...
و تسلميــن بنوتة دبي .. موضوعج كان وااايدOK

<img src="http://oasis.bindubai.com/emoticons/wink.gif" border="0" valign="absmiddle" alt=':;):'></font>
بن دبي
23-03-03 ||, 11:41 AM
<font color='#000000'>بصراحة شدني موضوعج (وبعدين طلعلت العروس الماكنتوش)

الصراحه ماشاء الله عليج كفيتي و فيتي .... تقرير مفصل عن احداث العرس خلاص خلاص لازم انحطج صحفية الواحة( اتغشمر ههههه) يا أختي من حق كل واحد يحتفل بحفلة زفافة بالطريقة إلي يبغيها و أأأأأكيد يعني يحب ان تكون حفلة الزفاف سبييشل عن كل إلي استوى مع احترامي للحريم الكبار لكن عاد كل واحد و مزاجه و اذا ما فهموا إلي انقال &nbsp;خلاص فيه شي ثاني بيفهمونه و بعدين بهالسرعه عرفتي شعور الحريم الكبار أحيانا وجوه الناس ما تدل على إلي في داخلهم اتصدقين عاد هالأيام الواحد يبدع في حفلات الزفاف غير متناسين العادات و التقاليد إلي تربينا عليها. الصراحه ما عرفنالج حتى على الرقص الإمارتي تنقدين ( وقامت مجموعة من البنات في ايدهم عصي ( خيزرانات) و قاموا يرقصون) يعني بالذمه شو إلي يرضيج....
بس صدق إلي قال ( رضى الناس غاية لا تدرك)

متأكده أكثر الحضور كانوا أطفال ولا هذي بعض الإضافات السحرية



ممكن سؤال حضرتج و مع احترامي لرأيج قلتي( قيام بعض البنات بالرقص الذي لايمت للأخلاق و لاالقيم الجتماعية بأي صلة) كيف يعني فيه رقص يسمىة برقص محترم و رقص غير محترم؟؟؟(سؤال) احترام

(عدم احترام الموجوديين( لا الصراحه هذه قويه كيف يعني ما احترموا الموجودين خاطري أعرف صدقيني مجرد فضول لا غير....

أقول الشي الصحيح في هذا كله هو من العيب ان ننقل أخبار الناس وكأنه شي عادي لانه دينا الحنيف لم يحثنا على هذا.


بعدين ليش ما شد نظركم هالمشاكل إلي يعانيها مجتمعنا وهي أهم بكثير من إلي قاعدين اتقولونه.


اتمنى ان يكون كلامي محل مناقشه و الزعل مرفوض ( و اختلاف الرأي لا يفسد للود قضية)
<img src="http://oasis.bindubai.com/emoticons/smile.gif" border="0" valign="absmiddle" alt=':)'></font>
أحلي عيون
25-03-03 ||, 01:22 AM
<font color='#F660AB'>الســلام عليــكم ورحمة الله و بركاته

مشكورة أختي بنوتة دبي علي الموضوع الغريب و الشرح الوافي <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
و أنا قريت الردود و لفت إنتباهي رد أختي <span style='color:Purple'>شوق الوله</span> وأنا أحترم كل كلمة قالتها و أوافقها علي بعض ما قالت .. و لكن حبيت إنه يكون لي تعقيب علي بعض كلامها.


<span style='color:Blue'>" بعدين بهالسرعه عرفتي شعور الحريم الكبار أحيانا وجوه الناس ما تدل على إلي في داخلهم "</span>

أختي شوق الوله .. أنا ادرس في الجامعة مادة تتكلم عن أساليب و طرق التواصل مع الناس .. وطبعا في علماء كبار يدرسون علم التواصل .. و هالعلماء أثبتو أن الأحاسيس الصادقة مب من السهل " قد يكون مستحيل" إننا نخفيها من ملامحنا و لكن ممكن نخفيها في كلامنا .. مثل يوم انج تشوفين مشهد مقزز لا شعوريا ويهج راح <img src="http://oasis.bindubai.com/emoticons/crazy.gif" border="0" valign="absmiddle" alt=':cra:'> بس ممكن لو احد سألج علي هذ الموقف تقدري تقولي والله كان عادي مب مقزز .. يعني ويهج قال الصدج و انتي قلت العكس.
و هذ مقطع من مقالة لأحد العلماء
<span style='color:Purple'>عندما نريد أن نخفي مشاعرنا الحقيقة فإننا نخفيها بكلامنا و ليس بتعابير جسدنا .. و في حالة إختلف تعبير الشفهي عن التعبير الجسدي فإن الأخير هو الأصدق لأنه جاء لا شعورياً</span>


--------------------

<span style='color:Blue'>ممكن سؤال حضرتج و مع احترامي لرأيج قلتي( قيام بعض البنات بالرقص الذي لايمت للأخلاق و لاالقيم الجتماعية بأي صلة) كيف يعني فيه رقص يسمى برقص محترم و رقص غير محترم؟؟؟</span>

أنا راح أعطيك مثل بسيــط راح يثبت إنه في رقص محترم و في غير محترم
مثلا: - هل من الممكن إننا نساوي بين الرقص الشرقي الغير محترم " اعتقد ما احتاج اني اوضح اكثر" إيلي يعرض في الكباريهات.. و بين الرقص الإستعراضي في المسارح الراقية؟
مثلا:- أنا بنفسي كبنت يوم أسير حفلات عيد ميلاد أشوف بنات يرقصون بصراحة بطريقة غير محترمة يعني تحسي فيها شيء من
" الخلاعة" .. مب معني إننا بنات مع بعض يعني خلاص نسوي ايلي نبيه ونتجرد من الحياء.. و انا متأكده إنج يا اختي شفتي بنات من النوع هذ. و بصراحة الموضوع فيه حتي جانب ديني بس لو بنتكلم فيه راح ناخذ مدة طويلة.. و انا اكتفي بهذا القدر في هذي النقطة

-----------




<span style='color:Blue'>أقول الشي الصحيح في هذا كله هو من العيب ان ننقل أخبار الناس وكأنه شي عادي لانه دينا الحنيف لم يحثنا على هذا</span>

في هذي النقطة انا أوافقج أختي .

-----------


<span style='color:Blue'>بعدين ليش ما شد نظركم هالمشاكل إلي يعانيها مجتمعنا وهي أهم بكثير من إلي قاعدين اتقولونه</span>

بصراحة بكلمتج هذي حسيــت إنج قريتي و اخذتي الموضوع بطريقة سطحية فوقت إن باطن الموضوع اكبر من ظاهره .. أنا ما أدري إذا قريتي موضوع لأخوي <span style='color:Purple'>السيــاسي</span> و إيلي إسمه <span style='color:Red'>الخشــم عالي و المهــر غالي</span> و بصراحه أبدع فيه أخوي السياسي. ومحتواه هو سبب عزوف الشباب عن الزواج بسبب المهر الغالي. يعني الحين يوم ان البنات ايلي مب متزوجات يشوفون أعراس مثل هذي أكيد راح تحز بقلبهم و بيقولون " فلانة مب احسن عني ليش هي تسوي و انا ما اسوي ,,,وهكذا" و هذ كله علي راس منو ؟؟ علي راس الزوج.
يعني بالله عليج عرس مثل هذا بكل هل العروض و الفرق الإستعراضية " جنه مهرجان دبي" " لا وبعد في سحوبات علي الأرقام.. و الرابح يطلع مع العريس و العروسة شهر العسل <img src="http://oasis.bindubai.com/emoticons/laugh.gif" border="0" valign="absmiddle" alt=':la:'> " كم تتوقعين بتكون تكلفة العرس؟؟ يعني كان ممكن ان المال ايلي انصرف في العرس " و يلي العروس و العريس ما استمتعو بشىء منه" كان ممكن انهم يصرفوه في شهر العسل .. او يدخروه لزمان
" القرش الأبيض ينفع في اليوم الأسود " بدل من صرفه في حفل و علي ناس في نهاية المطاف ما عجبهم شيء ,لأنه مهما الأنسان سوي ما راح يرضي جميع الناس.

يعني الحين اختي ما تعتقدين ان الموضوع مهم؟؟ يعني ما تعتقدين ان احد اهم اسباب العنوسة في دولتنا هو بسبب التبدير و السرف المفرط في الأعراس و المهور الغالية؟؟ صدقني لو فكر الإنسان في الموضوع هذ بعقلانية للقي أنه له افرع عديــــــــــــــــدة و مهمة .

أنا من فترة حضرت عرس و كان مثل هذ ,كله عروض مهرجان دبي و سواليف هذي و صدقني يوم اقلك ان اغلب من كان في الحفل كان يضحك <span style='color:Orange'>علي</span> الحفل..و الداهية الأكبر انه كان من ضمن الفرق ايلي كانت تستعرض شبـــاب يرقصون رقص شرقـــــــــــــي
"أونهم ينافسون فيفي عبده" _ صدق من قال أكل العيش صعب.


<img src="http://oasis.bindubai.com/emoticons/withstupid.gif" border="0" valign="absmiddle" alt=':wi:'> <img src="http://oasis.bindubai.com/emoticons/Oo.gif" border="0" valign="absmiddle" alt=':oo:'>

لا حول و لاقوة إلا بالله

أتمني إنج ما تزعلين مني أختي

و مثل ما انتي قلتي <span style='color:Blue'>اتمنى ان يكون كلامي محل مناقشه و الزعل مرفوض ( و اختلاف الرأي لا يفسد للود قضية)</span>

أختكم

أحلــى <img src="http://oasis.bindubai.com/emoticons/inlove.gif" border="0" valign="absmiddle" alt=':ni:'> عيــون</font>
بن دبي
25-03-03 ||, 12:00 PM
<font color='#000000'>هلا ( أحلى عيون) الصراحه اسعدني وجود من يناقش مب يطرحون مواضيع من شهور و يخلونها . كان ودي كاتبة الموضوع لوتعلق على ردي عشان افهم رأيها.

بالنسبة لتعابير الوجه انا درستها مثل ما انتي درستيها .... و بصراحه بصراحه إذا كان عندج عرس و مسوين أشياء انتوا أهل العرس و الحفل عجبتكم لكن كثير من الحضور ما عجبتهم &nbsp;بالذمه شو بتسون يعني بتوزعون استمارات عشان كل وحده تبدي رأيها بإلي شافته طبعا لا و مستحيل بعد لأنه بكل صراحه و مثل ما قلت قبل
( رضا الناس غاية لا تدرك) يعني مهما سويت وحاولتي ترضينهم بعد ماراح يعجبهم...


و بالنسبة لسالفة الرقص كل واحد فينا يعرف إلي يسويه و تبين الصدق عاد ما كان له داعي من الاخت إلي كاتبه الموضوع انها تفصل بهالطريقة لأنه يعتبر انتهاك لحرمة الغير الصراحه إلي مارح العرس و قرأ موضوعها الصراحه قعد يتخيل لأني اعتقد انها تبالغ في كلامها.... ( و بعدين إلي ما ترضونه على نفسكم و أهاليكم لا ترضونه على غيركم لأنه حرام و عيب)


( تكاليف العرس و العنوسه )

يعني نحن ليش ندخل في خصوصيات الناس و العالم إذا فيه ناس عادي عندهم راح تلقين 99% من الناس يرفضون انه أي حد يدخل في خصوصياتهم .. و تكاليف العرس انتوا شو دراكم يمكن الله منعم عليهم و حبوا انهم يحتفلون بحفله زواجهم بطريقة خاصه و كل واحد أعتقد حر ...و ليش نفرض آرائنا على الناس كل واحد عنده عقل و يعرف يفكر يعني مالها داعي هالحركات و نكتب مواضيع تفصل و تلمح لعرس استوى اتصدقين بس إلي قصرت فيه الاخت عرض صور للعرس &#33;&#33;&#33; طريقتها في عرض الموضوع غلط من الأساس.. كم تكلفة العرس؟؟؟ و نحن شو دخلنا كم تكلفة العرس لأنه هذا يعتبر من الخصوصيات الواحد.. اتعرفين إلي ناقص بعد نحدد لهم الميزانيه و كيف يصرفون فلوسهم.

(يعني الحين يوم ان البنات ايلي مب متزوجات يشوفون أعراس مثل هذي أكيد راح تحز بقلبهم و بيقولون " فلانة مب احسن عني ليش هي تسوي و انا ما اسوي ,,,وهكذا" و هذ كله علي راس منو ؟؟ علي راس الزوج)


و الله إلي تقول جي هذي وحده ما تعرف تفكر ولا تعرف أصلا كيف تكون أسرة سعيده في المستقبل يعني كل وحده تشوف قدرات زوجها المالية مب تقول "فلانه مب أحسن عني" و بعدين المثل يقول:
" مد ريولك على قد لحافك" ولا شو رايج ... يعني ألحين كل واحد ما بيسوي شي لازم يفكر في الناس في كلللللل الناس و كيف يرضيهم عاد صدقيني اذا فكر جي ماراح يخلص طول عمره.



و اختلاف الرأي لا يفسد للود قضية.


<img src="http://oasis.bindubai.com/emoticons/smile.gif" border="0" valign="absmiddle" alt=':)'></font>
الشوق
25-03-03 ||, 07:49 PM
<font color='#000000'>السلام عليكم ورحمة الله وبركاته ... ...
عزيزتي بنوتة دبي ..في البدايه حبيت اقولج العرس اللي رمستي عنه عرس اربيعتي " الروح بالروح " وعرس عضوه اشتركت في يوم من الايام في الواحات .. بس تدرين ابصراحه استغربت يوم شفت هالموضوع موجود في الواحه .. وعرفته من بعض التفاصيل .. لكن يمكن انتي كبرتي الموضوع بدرجه اكبيره وما رمتي اتوصلين المعني الحقيقي عن اللي بغيتيه ..

طبعا الحينه يوم الوحده بتعرس اكيد بتحط اف بالها افكار عن كيفية الضيافه او دخول العروس لداخل الصاله وغيرها .. وهذا اللي ما وضحتيه ,,

في البدايه بالنسبه لماء الزهر او توزيع الحلويات .. فهذا هم جالبين مغربيات يقومون اب هالدور في ضيافة المدعويين .. سواء بتقديملهم ( ماء زهر او حلويات وبقلاوة وبسكويت ).. واعتقد بما انهم مغربيات اكيد بيلبسون لبس مغربي ..

بالنسبه للناس اللي اييون الحفل ويعطونهم حلاوه عليها سحوبات اعتقد ان السحب تم على شخص على مااذكر او ثلاث اشخاص ,,, وهذي لفته حلوه ... من ام العروس ... والحمدله ان اهل العروس والمعرس ما قصروا في حسن الضيافه <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'>

بالنسبه للاولاد والبنات اللي في يدهم مظله على لون الفستان واعتقد فساتينهم كانوا مثل المكسيكان منفوش فهذي حركه جميله من أهل المعرس والعروس في ان يدخل الاطفال قبل العروس .. واعتقد انه ناس وايدين عندهم حركات مثل ( اطفال في يدهم شمعه / او ورود / او انهم ايبون عروس ومعرس اصغار / او انهم يدخلون العروس من وراء الكوشه او انها اتدش اب سياره وغيرها من الامور
وهم ماسو شي غلط اربع بنات واربع اولاد

بالنسبه للفرق اللي دقوا هم يابوا ( فرقة حريم مصري / ويابو فرقه هنديه ) ..
كل حد فيهم دق وعبر بالشكل المطلوب ..
البنات اللي لبسوا لبس رياييل ... مااعتقد ان هذا اول عرس بنات يلبسن مثل هاللبس ويتلثمون ويرقصون بالخيزرانه .. واعتقد يوم رقصوا فرقصوا جدام الحريم موب ارياييل ..

حتى الفرق العربيه ساعات اتغني مصري او بندري فالكل يرقص على حسب الدقه ..

ثاني شيء اهل العروس والمعرس اهليه .. الريال عنده والحمدلله وعايش ابنعيم .. وهو لو ما كان عنده ما كان بيدفع لكل هالشيء ..

في النهايه يمكن انتي ما عيبج العرس او قله قليله منكم .. لكن لا تحكمين على الكل .. مثل ما هم عايشين حياتهم والحمدلله اب نعيم وخير .. وعلى قولة المثل كل واحد ينام ع الجنب اللي يريحه ..

واتمنى في المرات اليايه ,,, بما انج تحضرين عرس ناس عازمينج عليه تحترمين العزيمه واصحابها ... وماله داعي للفضايح .. واتمنى اني وصلت الصورة الحقيقيه في العرس اب شكل مناسب هالمره ..

والسموحه
اختج / الشوق
<img src="http://oasis.bindubai.com/emoticons/inlove.gif" border="0" valign="absmiddle" alt=':ni:'> <img src="http://oasis.bindubai.com/emoticons/inlove.gif" border="0" valign="absmiddle" alt=':ni:'></font>
بن دبي
25-03-03 ||, 08:10 PM
<font color='#000000'>الشوق <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp; أخيرااااا
أشكرج اختي جزيل الشكر فعلا ألحين ريحتيني الصراحه من زمان اتريا حد يرد على هالموضوع &nbsp;ويبين الصدق من المبالغة إلي كانت في الموضوع و إلي يقول صايره مشكله هزت الشرق الأوسط بكبره &nbsp;مب حفلة زفاف.... اتمنى لهم حياة سعيدة طول العمر ان شاء الله
<img src="http://oasis.bindubai.com/emoticons/smile.gif" border="0" valign="absmiddle" alt=':)'> .

تحياتي لج

شوق الوله <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>
أحلي عيون
26-03-03 ||, 12:33 AM
<font color='#F660AB'>الســـلام عليكم و رحمة الله


أشكرج أختي <span style='color:Purple'>شوق الوله</span> علي رحابة صدرج ومتسع إدراكج. و بصراحة انا وايد سعيدة إني لقيت أحد يناقش معي بكل جديه و تحمس و الأهم بدون زعــل <img src="http://oasis.bindubai.com/emoticons/blush.gif" border="0" valign="absmiddle" alt=':b:'>

و أشكر أختي <span style='color:Purple'>الشــوق</span> لتوضيحها الصورة أكثر


أنا بعد أختي شوق الوله كنت أتمني لو أختي بنوتة دبي تشاركنا الحوار و النقاش و نعرف وجهة نظرها.

انا عقب شرح اختي الشــوق.. تقدرو تقولون انه تغيرت وجهة نظري نوعا ما.

بالنسبة لقصة إرضاء الناس فأكيد مهما الأنسان سوي ما راح يرضي الناس..
لكن هني في سؤال يطرح نفسه

<span style='color:Blue'>هل نحن خلقنا لأجل إرضاء الناس ام ارضاء الرب؟؟</span>

يعني حتي و ان كان حفل نســــــــاء بس لابد من إن البنت تحترم عمرها شوي و مب لازم من الــرقص الخارج عن الحدود.

موضوع المصاريف.

فربنا نهي عن <span style='color:Purple'>الإســـــــــــــــراف و التبذيـــــــــــــــر</span> و أمرنا بالأعتدال.. و الرسول عليه الصلاة و السلام له العديد من الأحاديث التي تبين انه <span style='color:Orange'>خيــر الأمور أوسطها</span>


انا عندي سؤال هل سعادة الزوجين لن تكتمل إلا بصرف و تبدير كل هذه الاموال؟؟ حتي و ان كان عندهم مال قــارون.. يعني ايلي تزوجو بحفل بسيط و ما بدرو أموال طائلة هل تطلقو؟؟ هل عاشو في تعاسة؟؟ أكيد لا.. تري عمر المال و الصرف ما كان مصدر أساسي لسعادة .. و إنما في أغلب الأحيان هو المصدر الرئيسي لتعاسه.

<span style='color:Purple'>انا ما اتكلم عن العرس هذ فقط و انما أعمم بكلامي كل الناس ايلي تسوي حفلات و تصرف ببدخ</span>

بعطيج مثال .. انا عندي ربيعتي تزوجت من مدة و هي من عائلة غنية و ريلها بعد غني و بالرغم من هذ تصدقين عرسهم كــــان قمة في البساطه ( و كان بإمكانهم يسو عــرس من ألف ليلة و ليلة) و كانو وايد سعيدين. و هذ هو المهم

يعني مو كل من كان غني لازم يطلع بي طلعة صاروخية جديدة.


------

في فرحي اوعدكم أنه يكون بسيط <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> و أكيد راح تكونو معزومين
".. اكيد بنــات بس <img src="http://oasis.bindubai.com/emoticons/tounge.gif" border="0" valign="absmiddle" alt=':p'> " <img src="http://oasis.bindubai.com/emoticons/woman1.gif" border="0" valign="absmiddle" alt=':w:'>

و في النهاية ما بقول غير أني و من كل قلبي أتمني لكل إثنين تزوجو او بيتزوجو كل الســعادة و ربنا يهانيهم و يوافقهم ويرزقهم بالخلف الصالح




<img src="http://oasis.bindubai.com/emoticons/blush.gif" border="0" valign="absmiddle" alt=':b:'>


السمــــــــــوحة</font>