سيره البنات للصالونات .. [الأرشيف]

مشاهدة النسخة كاملة : سيره البنات للصالونات ..

صمت الذئب

14-09-04 ||, 04:23 AM

السلام عليكم ورحمه الله وبركاته ,,

كرجل اماراتي ..
من حقّي اغار على جميع بنات بلادي .. من ان تهتك اعراضهم ..

وهتك هالاعراض زاد بشكل عجيب في اخر كم سنه .. ممكن بسبب التطور والانفتاح من كل الجوانب ..
ومما ساعد على هذا شي اكثرهو دخول عوامل الفساد من ( بشر واجهزه ) بين اهل وسكّان هالبلاد ..
..

وبسبب غيرتي .. راح احاول
اني امنع كل شي يضر او على الاقل انبّه على أشياء ممكن يكون الناس متهاونين فيها .. وهي فالحقيقه اخطر
من ما يظنّون ..

ما بطوّل عليكم ..
 السالفه ..
هي عن سيره البنات للصالونات ..
هل ترون هالشي صحيح ؟؟ ان  البنت تروح وتكشف شي من جسمها لناس ما تعرفهم ..؟؟
وهي اصلا ما تظمن ان هالمحل مش مراقب او مجّهز بآلات تصوير خفيّه ..

و ياما صارت مشاكل كثيره من ورا هالصالونات ,,
مثال :

ربيعي وصله ام ام اس , و يوم فتحه شاف صوره وحده من اهله و وهي كاشفه عن شعرها في احد الصالونات ..
مع العلم ان البنت متدينه  ,, وملتزمه دينها  ..
 
يا ترا شو ذنبها ؟؟
..

وسمعت من فتره .. ان بعض المحلات الموبايل تبيع فضايح البنات بفلوس على الشباب ..
وهالكلام قريته فالجريده .. وان اغلب هالفضايح كانت فالصالونات ..

..
فا ابغي اعرف راي الاعضاء  ,,
هل هالشي ضروري اتشوفونه ؟؟
ليش ما تيب البنت الكوافيره البيت ؟؟
ليش تعق البنت شرفها بين ايد غير امينه ؟؟
هل هذا كله عشان عرس بتروحه ؟؟
او حفله بتحضرها ؟؟

..
لن اطيل بالكلام ..
اترك التعليق الكم ..

صمت الذئب

14-09-04 ||, 07:46 AM

توّه وصلني خبر ان هالموضوع مكرر ,,
السموحه جماعه ,,<img src="http://oasis.bindubai.com/emoticons/down.gif" border=0>

يديد وحليلي فالواحه المفتوحه ,,
ما لحقت على كل المواضيع ,,

..
- لماح ,,
 - بهجه الروح ,,
- دموع قلم ,,

شوفوا شغلكم ..

العجيبة

14-09-04 ||, 07:58 AM

ما عليه يا صمت الذئب

تكبر وتنسى

عيون الليل

14-09-04 ||, 10:24 AM

بـس قبـل لا ينغلق الموضوع اخويـه عندي تعليـق

البنات اولاً يوم بيسيرون صالون يسيرون مكان موثوق منه هذا اولاً

ثانياً مب معقوله اني كل ما ابا اسوي شي ايب راعية الصالون البيت بتقولي انا ما عندي غيرج تبين اي شي تعالي روحج لوول

ثالثاً اذا جي السالفه عيـل لازم ايب وحده على حسابي بس وايلسها ف البيت

رابعاً التصوير ف كـــل مكـان عيـل شو اتقول عن الاعراس بعد مستحيل وحده اختها امعرسه واتشوفها متنقبه ولا متحجبه ويالسه!!

خامساً واخيـراً التصوير وهالسوالف تعتمد ع الضمير والله يعينا والله يهديهم الي يصور بنات الناس باجر بيصورون اهله فلا يزعل ولا يتكدر وخله يتذكر هو شو امسوي من قبل!!

سادساً السموحه منكم جميعاً

سابعاً قلت اكتب ردي قبل لا ينغلق الموضوع <img src="http://oasis.bindubai.com/emoticons/fa34.gif" border=0>

بهجة الروح

14-09-04 ||, 02:42 PM

صمت الذئب

وعليكم السلام ورحمة الله وبركاته

أخويه الكريم:

منوه قال انه راح نغلق الموضوع ،، دام ان الموضوع بأسلوبك ما بينغلق ، ومش مهم اذا هو مكرر
لكــن مكرر بأسلوب ثاني وما مر على أعضاء وايدين
ففي الإعاده الإستفــــاده ،،

لي عودة للتعقيب على الموضوع

خيال الروح

14-09-04 ||, 03:48 PM

هل من الضروري اتشوف سيرتكم للحلاق ؟؟

.
.
.

ولي عوده

صمت الذئب

14-09-04 ||, 04:12 PM

السلام عليكم ,,
دام ان المراقبين قرّروا انهم يبقون الموضوع ,,
انا بكتب رايي ..

اختي عيون الليل ,,
صحيح ان التصوير موجود في كل مكان ,,
وعيال الحرام وايد ,,
بس ليش الوحده تحط عمرها في وضع انها تجذب كيمرات " عيال الحرام " لها ؟؟
ليش الوحده تحط عمرها بموضع " ما يستاهل " ان ممكن شرفها وسمعتها تضيع بسببه ؟؟
,,
وعن سالفه الاعراس ,,
نعم اختي ما قلنا شي ,, من حقّج ان تستانسين في اعراس اهلج ,, وتتزيّنين واتسوين اللي تبينه .
بس هالحضور كلهم ,, ناس موثوق فيهم ؟؟
يعني اذا كانت الحفله بين الاهل ,, اوكي ما عليها كلام ..
بس لو كانت بين ناس غير اهلج  .. هني اشوف انه استهتار منها ..
قبل لا يكون استهتار من " عيال الحرام " ,,

لاني اشوف هالشي غلط ان الوحده الوحده تكشف او تسوي شي تلفت نظر الكل لها به..
لان هذا يشجّع " عيال الحرام " على التصوير ..

..
 (( خامساً واخيـراً التصوير وهالسوالف تعتمد ع الضمير والله يعينا والله يهديهم الي يصور بنات الناس باجر بيصورون اهله فلا يزعل ولا يتكدر وخله يتذكر هو شو امسوي من قبل!!  ))

انا اللي افهمه من كلامج ,,
ان عادي خلهم يصوروني ,, باجر بيي حد وبيصوّر اهلهم وبيندمون على اللي سووه وياي ..

مم
انزين ,, يوم الله بيعاقبه في اهله وبيي حد وبيصوّرهم  ,,
هل شرفج  او سمعتج راح يرجعون مثل ماكانوا ؟؟

...

ما بزيد ,,

ولي عوده .

بيبا

14-09-04 ||, 07:27 PM

الدنيا استوت فضايح ومصايب والله يستر علينا وعلى خواتنا,,, اخويه والله خوفتني من هالسوالف,,, انا بروحي ما يحتاي ,, أيام الكليه ما طعت اسير فالباص لأنه يركبني اول وحده,, وزعلت لين ما خذولي سياره,, بقولكم شي (عندي خوف رهيب من البتانيه- ما اعرف ليش؟؟ <img src="http://oasis.bindubai.com/emoticons/fa36.gif" border=0> كل ما اشوف واحد احس انه بيزخني- <img src="http://oasis.bindubai.com/emoticons/fa32.gif" border=0> ) بس الخوف هالزمن من عيال بلادك,, من اخوانك اللي المفروض يسترون على عرضهم واهلهم وخواتهم..
ما يحتاي اخويه اشكرك على غيرتك, لأنه من الواجب أن كل شاب يخاف على اهله وخواته,,, بس نتمنى ان تفكيرك يوصل حق كل الشباب ,,,,
والسموحه
اختك
<img src="http://oasis.bindubai.com/emoticons/fa35.gif" border=0>

صمت الذئب

14-09-04 ||, 07:43 PM

ورجعنا من جديد ,,

اختي خيال الروح ,,

تشوفين ان سيره الريال للحلاق يشكّل خطر على شرفه ؟؟

ما توقعت ان حد ممكن يقارن البنات بالشباب فهالشي ..

اذا جي السالفه ,,

 عيل شو رايكم يا شباب نتحجّب ؟؟

<IMG src="http://oasis.bindubai.com/emoticons/cool.gif" border=0>
 
واشكر الاخت بهجه الروح
على التصريح باستمرار الموضوع ,,

لي عوده ,

صمت الذئب

14-09-04 ||, 07:43 PM

بيبا ,,
صح كلامج اختي ,,
وعيبني موقفج من سالفه الباص ,,
ها يدل على وايد اشيا <img src="http://oasis.bindubai.com/emoticons/smile.gif" border="0" valign="absmiddle" alt=':)'>

واللي يقهرني زياده فبعض المواطنات  ,,
انهن مستهترات ,, ويشوفون الدنيا على اساس انها أمان فأمان .. ..
بس شو الفايده عقب ما يطيح الفاس بالراس؟؟ ..

والله المستعان .

كـلـكـلـووش

14-09-04 ||, 07:54 PM

الــســلام عليــكم ،،

الــصــالــون و مــا ادراكــم مــا الــصــالـــون !!
<IMG src="http://oasis.bindubai.com/emoticons/fa36.gif" border=0>
التــصويــر في الــصالونــات اصبحـــت تجـــاره [ بعــض الــصالونـــات ]
اللــي تشتـــغل في الــصالــــون قــامــت تحــط كيمــرا خفيـــه عن انظـــار العمـــلاء
و صـــارت تصــور و تبيــع الــشريـــط علــى اصــحاب العــقول المـــريضـــه
<IMG src="http://oasis.bindubai.com/emoticons/fa55.gif" border=0>
و اتذكر مــوقــف صــار سمعــته من واحــد من الــشباب ..<IMG src="http://oasis.bindubai.com/emoticons/fa40.gif" border=0>

حرمه راعــية صــالون .. حــاطه كيمــرا و تصــور الخـــلق اللــي ايـــوون عنـــدها
و تبيـــع هالــشريــط علــى ريـــال كـــان عمــيل عنـــدها و دوم يشـــتري هالــشرايــط عنــدهـــا
يقـــولكــم ريـــال يشتــري هالــشرايـــط و يتيــمع ويه ربعـــه عســـب يشــوفـــون هالــشرايـــط في شقــه اجــروهــا خصيصـــا لهــسوالــف

و فــي يوم من الأيـــام الـــريال خذ شــريـــط مــن الحــرمه اللــي تبيعــه لــه و هي كـــانت تمــدح الــشريـــط
الــريال عــطه ربــعه الـــشريـــط و قالهــم انـــا بسبــح و بيــيــكم !!

ربعه شغــلوا الــشريـــط و هم فــرحــانيين و يشــوفون الحــرمه عـــــاريـــــه !!

المهـــم
الـــبووس مــالهـــم ظهـــر و تلبــس و يي حـــق ربــعه .. و يسمــع ربعــه يشكــرونه و يمــدحون في هالــشريــــط
و مـــا خــلو مدحــه مــا قــالوا عـــن هالــشريـــط

الـــبووس تشـــوق يبــي يــشوف الــشريـــط
حـــط الــشريـــط !! و شغـــله

و ينـــصــــــدم الـــريــــــــال بـــأنه اللــي شـــافـــوهـــا ربعـــه تــطلـــع ( زوجـــــــــتـــــــه ) !

و مــا يحـــتاي اقــول شو صــار بعــدين من خــراب بيـــوووت <IMG src="http://oasis.bindubai.com/emoticons/down.gif" border=0>

و اعتـــقد يوم ايي واحــد يكــتب عن الــصالونـــات و يحــذركـــن هذا كلــه لمصــلحتكـــن انتـــوا مش حــد ثــانــي ! <IMG src="http://oasis.bindubai.com/emoticons/fa42.gif" border=0>

و اشكرك اخوي صمت الذئب على هالموضوع المهم

..

أخرتــني علــى الكـــلاس <IMG src="http://oasis.bindubai.com/emoticons/fa56.gif" border=0>

و الــسـمــوحــة

اخــوكــم / الــفـتــى الـحــزيـــن

بيبا

14-09-04 ||, 08:13 PM

شكرا    <img src="http://oasis.bindubai.com/emoticons/fa31.gif" border=0><img src="http://oasis.bindubai.com/emoticons/fa31.gif" border=0><img src="http://oasis.bindubai.com/emoticons/fa31.gif" border=0>

صمت الذئب

15-09-04 ||, 12:11 AM

الفتى الحزين ,,

انا بعد سمعت هالقصه من فتره ,,

كل بنت تسير الصالون ,, تتخيل عمرها في مكان الزوجه ..

وكل رجل قلبه ضعيف ,,  يتخيّل عمره في مكان الزوج ..

..

لا تعليق , 
<IMG src="http://oasis.bindubai.com/emoticons/down.gif" border=0>

بهجة الروح

15-09-04 ||, 01:18 AM

عُـــــدنـــــــا ،،

صحيح الصالونـــــات في منها الزيـــن والشيـــن ،،

وكل وحــده لازم تتخذ الحيطه والحذر من أي تعامل خارجي مع ناس ما تعرفهم ،،

الصالـــون يضم جنسيات مختلفه ومن ديانات مختلفه بعـــد ،،

فلما البنت ودها تسوي شي في الصالون لازم تتأكد من أن هالصالون زين وسمعته زينه ،،

شي ثاني قبل ما تفصخ الشيله أو تسوي أي شي مجرد تلقي نظره خاطفه على المكـــان ،،

سواء كان صالون أو حمام في مكان عام ،، أو غرفه تبديل الملابس في المحلات او الخياييط

الصالون ضروري لبعض الناس ما بنقيس الصالون بالحلاق لانه في فرق ،،

بس لازم البنت تحاسب على كل شي بتسويه في الصالون والمفروض انها تحاول ما تكشف عورتها

جدام الأجنبيات ،،

وتحاول تسوي الأشياء الضروريه في البيت


يعني تقدر تييب الحرمه تسويلها حمام مغربي في البيت بدل روحتها للصالون وبنفس الوقت بتسويلها أشياء ثانيــه

وعادي تراها بتي الحرمه دام الفلوس موجوده ،،

أدفع ألف أو ألفين بس ارتاح من عتاب الضمير

هذا رأيي وبــــــــــــــــــــس

مس شانيل

15-09-04 ||, 02:15 AM

اول شي يا صمت الذئب
يسعدني ويسعدني بعد ودقي يا مزيكا لا سواالف
هيه يسعدني انك تظهر من واحة المواهب وتشارك في الواحت الاخرى
الموضوع حلو ويحمل رساله مهم جدا الا وهي اتستروا يا بنات البلاد وخذوا حذركم
احييك على هالغيره على بنات بلادك والله يستر علينا وعلى جميع المسلمين والمسلمات
بس يا خوي الدنيا احينه ما منها امان
كل مكان اتسيره اتخاف تتصور بس نحن لازم نظهر وندخل اوكي لو مب فالاسواق فالكليه مثلا 
 نبا ندرس بس في
سخفا ايصورون البنات و ينشرونهاو الصالونات اوكيه بنزقر الصالون عشان قص شعر او عشان اشياء ثانيه بس ما بترضى انها تيي عشان هالاشيا البسيطه
بتقول انا عندي زبايني وما بخليهم عشانج انتي وحده
عيل شو اتقول عن الربع ثنتين ربع وايحبون بعض واضاربن وما يكلمن بعض اتسير وتنشر صورها
ولا تكتب تحتهم ايدز وهاي البنيه ما ادري شو فيها والي يباها يتصل على هالرقم ومن هالاشياء
الدنيا اتغيرت والخلق اتغيرت ....... بس نحن لازم ناخذ حذرنا من هالسالفه واحييك
على الغيره الغيره الي اتخليك اتاحتي بنات بلادك
وشكرا عالموضوع القيم

اختك

 miss chanel

خيال الروح

15-09-04 ||, 03:00 AM

أخوي صمت الذئب
.

الظاهر انك مافهمت الى اقصده بسؤال ؟
.
.
.

هل من الضروري اتشوف سيرتكم للحلاق ؟؟

الى اقصده .. انه مثل ما نتو تحتايون اتروحون الحلاق
حتى احنا نحتاج انسير الصالون

لاشياء مانقدر انسويها في البيت
مثل قص الشعر وغيره .. الخ

واكيد لازم الوحده تاخذ الحيطه والحذر من الصالونات
يعني ماتسير الصالونات المشبوهه .. والى سمعتها <img src="http://oasis.bindubai.com/emoticons/fa55.gif" border=0> 

بتقول ليش ماتيبنوها البيت ؟؟

اول شي اغلبيتهن مايرضن اين البيت
واذا وحده وافقت تي تراها تكون مب شي ( اغلب الاحيان) <img src="http://oasis.bindubai.com/emoticons/fa36.gif" border=0>

وعن سالفه الصور وغيره
الحين الكل عنده موبايلات فيها كيمره  .. يقدرون يصورونك وانت ماتدري في الاماكن العامه وينشرونها
حتى في الاعراس .. ( في ناس مايخافون من الله)

<img src="http://oasis.bindubai.com/emoticons/fa33.gif" border=0>

نور السنا

15-09-04 ||, 05:22 AM

يا جماااعه الناس عقدوا كل شي,, شنو يعني؟؟؟ نيلس مكاننا و لا نسير مكان و السبه ان الناس تصور؟؟؟

ترا الأعمال بالنيات والله يهي كل واحد على قد نيته,, يعني الوحده لو تحققت قد ما تقدر من سمعة الصالون و سوت الي تقدر عليه و توكلت على ربها,, انشالله ما بتنفضح ولا بيصير لها هالموقف,, يعني يا جماعة الصالونات شي أساسي, انتو يا شباب ما تعرفون حاجتنا لها.... يعني القصد ان كل شي في الدنيا و أقصدها كل شي.. سواء مجمعات, مدارس, مستشفيات, أيي مكان في تصوير و في عيال حرام,, يعني ما نتعلم؟ ما نتعالج؟ ما نتسوق؟؟

برايي ان كل وحده و نيتها و تحققها من المكان و سمعته و توكلها على الله....

صمت الذئب

15-09-04 ||, 08:16 AM

اختي نور السنا ,,

 ((ترا الأعمال بالنيات والله يهي كل واحد على قد نيته ))

صحيح ,,  بس حديث ( انما الاعمال بالنيات ) ماله دخل فهالموضوع ...
والله يعطي العبد على قد نيّته بعد ماله خص فالموضوع ..
صح انتي نيّتج حسنه .. بس الناس نيّتهم خايسه ..
  
 **

الله قال : " ولا ترموا انفسكم فالتهلكه " صدق الله العظيم

يعني الواحد ما يعق عمره في موضع شبهه او يشكل خطر عليه ( من كل النواحي )

هذا والله اعلم

**
هاي حياتج وانتي حرّه الغاليه <img src="http://oasis.bindubai.com/emoticons/smile.gif" border="0" valign="absmiddle" alt=':)'>
وانا ما عقّدت شي ..
بس اللي بغيته هو النتبيه ..

عيون الليل

16-09-04 ||, 08:48 AM

لا اخويـه انا هب قصدي عادي صوروني! لا اتفسر على كيفك
هاذي كانت كرساله تحذير وتذكيـر للشباب الي ما يخافون ربهم

لكن اخويه انا شو لي ذنب اني ما اسير الصالونات وما اسوي وما اسوي وما اسوي!! ليـش هالتيلفونات ما تمنع اصلاً من التداول مثل ما صار ف السعوديه! شو يتريوون اكثر من الي صار

ضاحي خلفان قال اول ما انطرحت هالتيلفونات انه راح يعاقب اي شاب يصور بنات الناس لكن انا ما شفت اي تطبيق للكلام الي قاله!
ف ليش انا الي اروح فيها وانحرم من كل شي!
مب معقوله اني ما اسير الصالون ومب معقوله اني ما اتعدل وما اسير حفلات او اعراس! مستحيـل يعني .,.,., عيـل متى لي الحق اني اتعدل!
ترا البنت اتحب انها تتعدل واتسير الحفلات وتي .,.,., مب معقوله انه تنسجن او اتسير وهي متغشيه!

خلاصة القـول اخويـه.,.,., انه كلامي ما كان يعني صوروني عادي لانه هالشي ما ارضابه طبعاً .,.,., انا ربيعاتي ما احب اعطيهن صوريه.,.,., لكن كان كتنبيه لاي شخص تسوله نفسه على فعل هالاشياء

بس ابا الجهات الخاصه تتحرك واتشوف الي قاعد يصيـر.,.,., وايد بنات راح شرفهن بسبة هالاشياء وما يكون لهن ذنب .,.,., ذنبهن مثلاً انهن سارن حفله! شي ما يدخل العقل .,.,., انا بنت هب صبي عسب اني ما اتعدل .,.,., لي الحـق يا جمـاعه!! <IMG src="http://oasis.bindubai.com/emoticons/rock.gif" border=0>

صمت الذئب

16-09-04 ||, 07:29 PM

السلام عليكم ,,
مرحبا اختي عيون الليل ,,

واسمحيلي اني ما فهمت رمستج عدل ..

,,
طبعا من حقّج ان تتعدلين وتتكشخين وتتجملين ..
بس ما يستوي اتيبون الكوافيرات للبيت ؟؟
احس انه استر واحسن واريح ,,

..

عيون الليل

17-09-04 ||, 05:23 AM

مسـموح اخويـه

لكن انا بقولك شي .,.,., اخويه راعية الصالون ما تيي على اقل الاشياء يعني مب معقوله عشان اسشور شعري بتيب معداتها وكل شي عشاني! وعشـان 70 درهم!
واذا وحده بتيني وبتفق معاها انها دوم تيني بتضربني ضربه ف الاسعار لانه مره انا سويتها وكانت وحده دوم تيني يوم ابا شي لكن كل ما ياها اتزيد ف الاسعار وانا اقول شو السالفه ليش الاسعار اتزيد! الحرمه استطمعت

كلامك صحيح يا اخويه وانا ما اقول انه مش استر واظمن انه تي البيت لكن هالفكره مش معقوله انها تتطبق
هذا الي بس ابا اقوله لكن انا ما اعارض غيرتك على بنات بلادك
والله يعطيك العافيـه

والسموحه منك اخويه
<img src="http://oasis.bindubai.com/emoticons/fa33.gif" border=0>

سويرة

17-09-04 ||, 11:12 AM

سيرة البنات للصالونات صراحة انا ما اؤيد هالفكرة
لاني اخاف من التصوير و ع سالفة التصوير

 في كل مكان فـ هذي صح مرة كنا بعرس حد من الاهل كنا قاعدين شلة بنات
 انا شفت وحده ترفع موبايلها و تصور جهتنا ع طول
 رحنا لها كانت قاعدة اتصور اخت العرووس و صارت مشكلة بالعرس ...

و الصالونات احسها من كلها أمنه انها انروح لها ...
 والله يهدي اللي يصوروون و اخراتهم برد عليهم كل اللي سووه بالناس


مشكوورة ع طرحك الموضوع
سويـرة

الشوق

19-09-04 ||, 03:52 AM

هلا اخوي صمت الذئب معاك حق
 علشان جي يوم تفكر اترووح الصالون ..
يااتروح صالون ضماننه ياانك
اتخلي راعية الصالون اتي ..

منوا قال انه راعيه الصالون ما راح اتتي البيت . اذا طلبتوها
اصلا راعية الصالون ممكن انها اتي البيت لكن بس تدفعون زياده بالمقابل ,,
يعني اجرة السيره والرده ...

وثاني شي مو بس روحة الصالونا يااخيو صمت الذئب
حتى التصوير ..
قمت محلات التصوير اللي تحتص بالاعراس بعد مشبووهه اتحصل الموجودين في التصوير ( فلبينيات او ايرانيات )
لكن في لحقيقه اللي يظهرن الصور ويحمضونهن نصهم رياييل (( بعض المحلات طبعا كشف امرهم )) والبعض الاخر الله العالم
ان كانوا حقا ذوا ذمة وضمير ام لا

الله العالم
الله يستر على بنات ادم وحواء اجمعين يارب
تسلم يا صمت الذئب وينقل الموضوع للمراه والمجتمع

خويتك/ الشوق
<img src="http://oasis.bindubai.com/emoticons/inlove.gif" border=0><img src="http://oasis.bindubai.com/emoticons/inlove.gif" border=0>

عيون البلاد

20-09-04 ||, 01:51 AM

السلام عليكم ورحمة الله وبركاته

أخويه (صمــــــــــــــت الذيب )

مشكور أخويه على  هذا الموضوع المهم

أخويه صمت ...انا براي انه مب كل صالون نفس الثاني ..

وانه الوحده منا ما بسير عند اي صالون وهي مب متأكده منه ومن سمعته

وهذا شئ من منتشر فالبلاد  بشكل غير طبيعي ( للأسف يعني )

على ما ظن في رد انته كاتبنه بما معنى( انه مب لا زم تتعدلين وانتي سايره العرس يعني حد من الغرب او المعارف )

1) على ما ظن انه الناس ما بيدخلون  (ضعيفي الأنفس في هذا المكان )وانهم بيحطون (حريم= سكيورتي)

والحين الاعراس محد يدخلها إلا بمبايل بدون كيمرا.

( وما ظن انه وحده من أهل المعرس أو العروس جذه بيسوي لأ نها إذا صورت حد بتشهرأهلها مب نحن

بس في حاله وحده إذا عندها مبايل نوكيا(6600) وعقب العرس باعته.

وراعي محل التليفون بيظهرللمشتري برنامج إعادة الصور فيه وبينشرها .

وإذا عن ييت الحرمه للبيت :

تراهن ما يرظن ونادر..وإذا بين البيت يطرشولك وحده  ما لها خص فشئ <img src="http://oasis.bindubai.com/emoticons/fa55.gif" border=0>

وسموحه منكم ولي رده مره ثانيه لكم

أختكم عيون الب

صقرالإمارات

20-09-04 ||, 02:13 AM

ميرسي بكووووووووووو

فتاان القلووب

21-09-04 ||, 08:27 PM

السلااااااااااااااااااااا اااااام عليكم اخوااااااااااني واخواااااااااااااتي .. <img src="http://oasis.bindubai.com/emoticons/inlove.gif" border=0>

ولــــــــــــــــــكم الساع اخوي ...ثانكس علىالموضوع ..<img src="http://oasis.bindubai.com/emoticons/fa32.gif" border=0> وانا الصراااحة من المعارضين .. <img src="http://oasis.bindubai.com/emoticons/fa43.gif" border=0>هب شرط ياجماعة الخير الوحده تسير الصالون <img src="http://oasis.bindubai.com/emoticons/fa39.gif" border=0>
او تخلي الحرمة اتيها البيت.. يابوي مافي حد ظهر من بطن امه متعلم .. ليش بنياتنا مايتعلمن ويسون لعمارهن<img src="http://oasis.bindubai.com/emoticons/fa40.gif" border=0> .. عيل اشو بنات البلاد
يكشفن عورتهن للي يسوى واللي مايسوى ماترزى السالفة<img src="http://oasis.bindubai.com/emoticons/fa52.gif" border=0> .. ماشيء حرام ولا عيب ولا منقود<img src="http://oasis.bindubai.com/emoticons/down.gif" border=0> .. تعلمن سون لبعضكن احسن ..
ماشيء الصالون الفلاني زين والثاني مشبوه ماشيء ضمان وحتى الحرمة الغريبة هب المفروض تكشفين عمرج لها<img src="http://oasis.bindubai.com/emoticons/fa54.gif" border=0> .. كل شيء
بحدود قصة شعر ابراية شعر شيء بسيط وانتوا عاده ماخليتوا شيء ماسويتوه وخلاف ماتحصلن من هذا كله غير الفضايح.. <img src="http://oasis.bindubai.com/emoticons/rock.gif" border=0>
والله انسان غيور جدا على عرضي <img src="http://oasis.bindubai.com/emoticons/fa31.gif" border=0>.. ولازم نحارب سيرة الغراشيب للصوالين هيه اشو عيل <img src="http://oasis.bindubai.com/emoticons/fa32.gif" border=0>.. كل شيء متوفر ماعليكن غير التعلوم
لاكن الصوالين علووووووووووووووووووووووو ووم هيه والله ماراح نخلص والنقاش طويل فيه ..<img src="http://oasis.bindubai.com/emoticons/fa51.gif" border=0><img src="http://oasis.bindubai.com/emoticons/fa32.gif" border=0>

والسموحة اخواتي ..<img src="http://oasis.bindubai.com/emoticons/fa42.gif" border=0>

تحياتي