مشاهدة النسخة كاملة : ساعدوني اختارلي سيارة...
شوق القلوب
07-11-13 ||, 10:32 AM
السلام عليكم...
اخواني و خواتي.. بغيت استشيركم في سيارة بنوتية... و ميزانيتها حوالي 300 الف.. طبعا سيارة فورويل..
المهم.. الخيار الاول اللي افكر فيه هو بورش كايين اس... عندكم تعليقات على هالسياره ؟
وفيه البي ام اكس 5 او اكس 6 ..
الليكزس..
او المرسيدس..
خبروني عن تجاربكم.. وعن الامور الفنيه..
اترياكم :)
مزن هتان
10-11-13 ||, 10:04 AM
عليكم السلام و رحمة الله و بركاته
ان شاء الله يفيدونج و نستفيد معاج أختي، في انتظار اخوانا
المزوحي
11-11-13 ||, 09:02 PM
مرحبا اختي
البورش سياره فنانه ورزه لكن لازم تتتحملين سعر الصيانه، يمكن حد يخالفني الراي
الآيل والفلتر في حدود 1300 درهم انا اقولج عن ابسط الأشياء
المرسيدس حليوه بعد لكن حد يشتكي منها والأكس فايف ممله بعد فتره والاكس 6 عند اخويه يتشكى منه وصوتها مزعج
اللكزس هو المرغوب ، لكن استخيري افضل وشوفي راي البقيه
صدى جوفي
14-12-13 ||, 01:44 AM
لكزس gs مثل سيارتي بس ال LS أفخم
شوق القلوب
16-12-13 ||, 07:33 PM
السلام عليكم،،،،
مشكووووورين اخواني ع النصايح ،،، و كلامكم في عين الاعتبار،،،
ولازلت محتاره،،،
شرجاوي
23-12-13 ||, 12:15 PM
على تجاربنا .. X5 بلا منازع .. والله ما بتندمين لو خذتيها .. اصلا البي ام بشكل عام اشوفها احسن من البورش و المرسدس من ناحية الاعتماديه .. عندنا مرسدس s63 و s500 .. والله خراباتهن ما توقف .. البورش ربيعي يتشكى من يلستها و غلا صيانتها
المزوحي
02-02-14 ||, 05:28 AM
على شو رسيتي ؟
شوق القلوب
04-02-14 ||, 10:04 PM
بعدني والله ... شكلي بآجل الموضوع...
خل نخلص سالفه الليسن قبل ^ـ^
الحاضر الغايب
05-02-14 ||, 10:52 PM
همممم .... الرنج مثلا ...
انا بعد مع اخوي شرجاوي
شوق القلوب
18-02-14 ||, 12:41 PM
السلام عليكم
رايك في عين الاعتبار ،،، شكرا و ما قصرت
المزوحي
16-03-14 ||, 11:38 PM
في بورشه يديده نازله اصغر عن الكايين اسمها مكان
شوق القلوب
19-03-14 ||, 09:13 AM
هيه صدقك،،، اخر مره كنا في الوكاله قالولنا انها بتنزل جريب ،،