مشاهدة النسخة كاملة : تــــويــــتر الــــواحــــات
المزوحي
15-12-11 ||, 03:10 PM
السلام عليكم
اشحالكم عساكم إلا بخير ؟؟؟
هذا الموضوع بيكون تكملة لموضوع برزة الواحات وبما إنه هاك الموضوع خذ كفايته من المشاركات
قلت خلنا نفتح موضوع تابع له
اتمنى إنكم تستمتعون ويانا وبما إنه اليوم الخميس أقولكم إجازة سعيدة
:vampire:
فرفوش
15-12-11 ||, 06:35 PM
عليكم السلام - اليوم الخميس وألي ما يظهر يخيس - في الخميس هناك من يزهب عمره للاجازه هناك من ياخذ فترة استراحة من الدراسة وهناك من يبحث عن ما يسعد مزاجه وهناك من يجتمع بين أخوته واخواته في واحاته وهناك من يطل علينا بالخير مثل المزوحي وأصدقاءه وهناك من يغيب فترة ويظهر فجأه بعاداته أدري أنا هههه - :2:
مزن هتان
15-12-11 ||, 07:04 PM
أقول فرفوش
و هناك من هو بين أربع حيطان و لله الحمد
و أخيرا ليلى شرفت
خقاقه هالأم
الا انا
15-12-11 ||, 09:06 PM
><
احلى شي . انه بهاليوم الكل يتيمع .. ><
باربكيو بيلسة الحوي .. ومثل كل مره .. المنكل بره .< جاي اخضر , زعتر . جاي . قهوه , حليب بالزعفران , بالزنجبيل .. < لول امي فاتحه محل
ويلسة لين الليل ... كشخه ..
:
بدو يسافرون *_*:
العمره - المانيا الخ ..
الكويت < غايته الحين الواحد يروح لها .. شبابنا يقولون برد وجوهم حلو بهالشهر .. مزن مب ناويه ؟
مزن هتان
16-12-11 ||, 07:52 AM
ناويه أكيد بس متى بالضبط والله مادري نشوف الدوام جان يسمحوا
لي اطلع أسبوع تخبرني بنت عمي الشهر اللي طاف وصلت الحرارة في بعض المناطق صفر
هالشهر مادري جم بتنزل
تقول مزن جيبوا لكم لبس شتوي ، مو زي العام مأخذين راحتكم
السنه أشد !
صباح الخير
الا انا
16-12-11 ||, 06:10 PM
هيه وايد برد عندهم ..><
:
:
مسا الورد ~
طير الغرام
16-12-11 ||, 08:46 PM
مســــــآكـــم خيــر وطاعــــــه ~
ومبروكـ عليكــم التويتــر >> ع طــآري التويتـر سبحـآن الله من فتره سويتليه أكاونت فيـه :whistling:
الا انا
16-12-11 ||, 10:58 PM
><
ان اسويلي اكاونت .. بس ما دشه ابد سواء بالتويتر ولا الفيس بوك !! >< ملل
:
في ناس ماشاء الله .. 24 ساعه ..
مزن هتان
16-12-11 ||, 11:33 PM
مسا الخير
أنا تؤيتر ما عرفت له ! و طبيته
الفيس بوك أحدره شبه يومي حق الطماشه
طلعت من المستشفى، الحمدلله
طير الغرام
16-12-11 ||, 11:40 PM
-{ الا انا }-
هيه ماشاءالله شي نـاس امعسكريـن فيه حتى مرات بس أحدر أتطمش من الملل
ومرات أقرا التويتــات الحلوه سواء أدعيه ولا أخبار أو قصايد ... إلخ
:
-{ مزن هتان }-
مسا الليــل
أنا الفيس البوكـ اللي صدق هب داخل مزاجي ولا بيدخل ههه
وألــف الحمدالله ع الســلامــه ياختيــه ^_^
الا انا
17-12-11 ||, 02:43 PM
الحمدلله ع سلامتج مزن ..
اخس شي يلسه المستشفى !! ><
:
طير .. هيه زين شي ناس وايد وايد يدمنون هالسوالف !!
وفيه شغلات حلوه يكتبونها صح :)
~
ابى اتحنى -.- لول مادري ليش داقه براسي هالمره من الخاطر الحنااا
مــهــابه
17-12-11 ||, 08:34 PM
مـزن :
الحمدالله ع السلامه حبيبتي
الل انا :
انا متحنيه =p
من متـئ خاطري بالحنا وتحنيت هالاسبوع
الا انا
17-12-11 ||, 09:01 PM
الله كشخه :)
:
احب الحنا ~
,
وايد كئيب هاليوم !! مادري ليش جي ملل !!
مليت من اليلسه >< مادري متى بفتك من هالحديد وهالجبس وهالارف ><
راسي افتر وانا اخلص واشتغل بهالبروجكتس والاسايمنتس ! حتى بالاجازه مب مرتاحه ><
:
هيه مهابه صح .. شو صار بعرس امونه :) وللحين ما حصلتي شيلتج لول
طير الغرام
18-12-11 ||, 01:28 AM
^
خـواتي من يوميــن متحنيــآت :k_smile2: ونقشاتهـم عيبنـّي
فـ خاطريــه أتحنـى بس عقب هب الحيـنه
والله يعينـــج ويوفقــــج ^_^
المزوحي
18-12-11 ||, 03:01 PM
السلام عليكم
عندي اكاونت تويتر وفيس بوك لكن ما ادخل إلا في الشهر مره
اشحالكم ؟؟؟
ابغي كوفي فنان حق الريوق في الجي بي آر ؟!!!
الا انا
18-12-11 ||, 03:18 PM
^
طير .. ترى جي .. اهم شي النقشات ..!! انا احب الخفيف الناعم ابد ماحب المتروووس < يبين بعدين جنه قفاز منقش ><
:
وعليكم السلام ..المزوحي
الحمدلله منيحين ..
:)
مايهزك ريح
19-12-11 ||, 07:52 AM
السلام عليكم ..شو اخباركم اليوم
المزوحي
19-12-11 ||, 03:14 PM
وعليكم السلام
الحمدلله مايد
اليوم كان عندي ضغط شغل فحسيت الوقت مر بسرعه مب مثل امس
مزن هتان
20-12-11 ||, 07:48 AM
يسلمكن ربي من عذابه حبيباتي :fa41:
صباح الخير، اليوم أول يوم دوام من بعد المرضيه =)
بسبس
25-12-11 ||, 03:57 AM
صباحكم خير و سعاده اخواني و خواتي الألكترونيين
اشحالكم ...عساكم ابخير
انا مشتركة جديدة ....ابغي ترحيب حاررررررررررر
ههههههههههه
حلم الطفوله
25-12-11 ||, 02:45 PM
مرااااحب فيج يا بسبس ^^
نورتينا وسعيده جدا بتواجدج وياااناااا
أتمنى تمتعينا بإضافاتج وأفكارج المتميزه :)
بسبس
27-12-11 ||, 01:02 AM
تسلمين يالغاليه حلم الطفوله ...كلج ذوق ...
ربي يحفظج ويوفقج دنيا و آخره ..
أمطار
27-12-11 ||, 01:09 AM
مراحب أختي بسبس
نتمنى نشوف مشاركاتج الحلوه في الواحات =)
. . . أشتقت للواحات وأهلها . . .
بسبس
27-12-11 ||, 01:16 AM
يا هلابج زود اختي أمطار ...تسلمين يالغاليه ..
الاسطوري
27-12-11 ||, 09:49 AM
صباح الخير
شحالكم؟
حياج بسبس من بينا وإن شاءالله تكون الواحات بيتج الثاني
الاســـطـــوري
أخوكم
مزن هتان
27-12-11 ||, 11:32 AM
السلام عليكم و رحمة الله و بركاته،،،
أمطار غاليّتي منوره الواحات
احس اني في هدوء ما قبل العاصفه، هدوء اليوم الشغل خفيف
و مخلني ع راحتي المسؤول ! مليت من الدوام
أبي اطلع اليوم و الا بكره مع شابات =) العايلة
نضيع نحن البنات لمن يسافرون خالاتي البنات
حلم الطفوله
27-12-11 ||, 04:13 PM
أمطاااااااااااااار ....
لج وحشه كبيره وربي ^^
استانست لما شفت وجودج بهالمكاااااااااااااان ...
ربي يحفظج
خيال الحب
27-12-11 ||, 11:10 PM
مرحبـــاااا
بسبس
28-12-11 ||, 01:40 AM
صباح الخير
شحالكم؟
حياج بسبس من بينا وإن شاءالله تكون الواحات بيتج الثاني
الاســـطـــوري
أخوكم
نحن ابخير و لله الحمد ...ومن صوبك ياخوي
اشحالك ...عساك ابخير
الله يحييك ياخوي الاسطوري ...أتشرف بمعرفتكم ...
الا انا
28-12-11 ||, 03:38 AM
منوره بسبس ~
><
الليل طويل .. وممل وايد !!
ما تم موضوع ما جفته !!
><
بسبس
28-12-11 ||, 04:55 AM
منوره بسبس ~
><
الليل طويل .. وممل وايد !!
ما تم موضوع ما جفته !!
><
النور نورج يالغاليه الاأنا ...تسلمين ...
صدقتي انه الليل طويل ...بس الأجواء حلوه
خيال الحب
28-12-11 ||, 07:31 AM
:1: صباح الخيررر
شحالكم وشخباركم
حد بيروح يتمشى وياي ع البحررر والريوق ع حسابي خخخخ
مزن هتان
28-12-11 ||, 07:42 AM
:ohboy:
عليك بالعافية أخي خيال
يارب، ماقهر البروده موليه و البنات فاتحين التكييف
ظلم
الاسطوري
28-12-11 ||, 09:59 AM
الحمدلله بخير اختي
صباح الخير ..
بداية يوم يديد وخفيف لأن الأغلبيه في إجازات واحس حتى الزحمه في الشوارع خفت شويه
منو موجود هني؟
مــهــابه
28-12-11 ||, 10:34 AM
^
آنـا هوون
يقولكم طوفت موعد مقابلتي والسبه اني فاره تلفوووني من كم يوم ف السده واستخدم الفون الثاني
مالي نصيب فيها ، رغم انه الراتب كان مغري نوعا ما ..
گيفگون ؟ وكيف اصبحتم؟
اليوم مارقدت عدل ، ربيعتي متصلتبي من صباح الله خير
يوعانه ابا اتررررريق ..
خآطري بـ جيمات عليه سمسم ودبس ><
حد بيسويلي ؟!
مايهزك ريح
28-12-11 ||, 10:39 AM
انا موجود ^_^!!
مزن هتان
28-12-11 ||, 11:22 AM
موجودين نحن
مهابه، عيوني لج بس انتي آمري
بسوي لج
الاسطوري
28-12-11 ||, 11:51 AM
"مهابه"
ماعليه إذا يبونج ولج نصيب بيحاولون وياج مره ثانيه وبتريونج بس أحس هالفترة مول مب وقته يعني على نهاية السنه
اليايه يمكن يكون وقت مناسب، البارحه وانا اسوي سيرج على شي حق الدوام ماشفت عمري إلا
داخل موقع سيدات الإمارات وبصراحه فيه وايد اشياء تفيد الحريم زين
مانفلعت بكعب ويوم ييت اتفلسف على الحرمه
اخبرها عن الموقع طلعت تعرفه
ومسجله فيه بعد
:crazy:
"مايهزك ريح"
ما لك حس هالفترة لا انت
ولا المزوحي!
"مزن هتان"
في ناس الله يستر عليهم قطعوا عن
التطوع مؤخرا
:ohboy:
مزن هتان
28-12-11 ||, 12:18 PM
اللهم يا كافي من ذولا اللي اقطعوا عن التطوع :a033:
احس اني مهب مال شغل و فزعات
من الدوام للبيت و العكس و اقول يالله الحياة
بردّت مو زيّ أول "اطالب بوجود دريول بالبيت عشان يوصلني الدوام"
من ند الحمر للورقاء و العكس "عشر دقايق بس"
الخير و البركة فيكم اخوي، ما تقصرون =)
حلم الطفوله
28-12-11 ||, 12:20 PM
الأسطوري هههههههه لا تتفلسف على الحرمه
أصلا منتدى سيدات الأعمال كل حريم لبلااااد فيه ^^
مرزززن ....مب زين جيه !! اهزبيهم خل يسكرون التكييف بتتيمدون !!
مزن هتان
28-12-11 ||, 12:37 PM
اهزبهم !
احممم خليها مستوره، انا وايد نحسه عليهم
في وحده منهم صج تاخذ بخاطرها، مادري ليه اوقات يجيني احساس انها تكرهني
هههههههه. اصغرهم انا فـ الاحترام واجب ياختي
عندي شال اتلحف فيه =)
حلم الطفوله
28-12-11 ||, 01:16 PM
هههههه يحليلج يا مزن دومج حبوبه ^^
الله يعينج
الاسطوري
28-12-11 ||, 01:31 PM
حلاة اليلسه برع في الجو البارد بوجود النار وكل شويه تزيدون الحطب وتشوفون الجمر أحمر
مــهــابه
28-12-11 ||, 01:54 PM
الاسطوري :
حاليـاً ما افگر ف الشغل ، يلين تترب بعض الامور عندي
بس هم ماخذين رقمي عن طريق الجامعه ومتصلين ..
ع طاري هالموقع ، ملجأ كل فتاه هههه
انا ادخل واقرا واطالع لكن ما اشتركت فيه ..
.
.
مايهزك ريح
29-12-11 ||, 08:34 AM
انا موجود وكنت مشغول اجهز للرحله .. اليوم السفر ان شاء الله ..
لا ومداوم بعد .. بس بترخص من وقت ^_^!!
بسبس
29-12-11 ||, 12:09 PM
درب السلامه ياخوي مايهزك ريح..دير بالك على الأهل ...
عمره مقبوله إن شاء الله ...و تقبل الله طاعتكم مقدما ...
ربي يحفظكم و يردكم بالسلامه ...
في حفظ الرحمن..
مــهــابه
29-12-11 ||, 12:35 PM
مــهــابه
29-12-11 ||, 12:36 PM
مزن :
توني آنتبه ع ردچ
تسلم لي عيييييونچ حبيبتي =)
مايهزك ريح :
توصل بالسلامه ان شاء الله
ولاتحرمنا من دعاءك
.
امس رقدت بيت آهلي ..
تخيوا انا اللي كل يوم ارقد ١٠ امس راقده الساعه ١
ولا اللي اهم من هذا اني ناششه الساعه ١٢ وانا كل يوم انششش ٩ ><
تيمون وبومبا بيخربوووووني لووول
المزوحي
29-12-11 ||, 02:07 PM
السلام عليكم
اشحالكم ؟؟
الاسطوري عيل شكلي انا مسوي زحمه في الشوارع ، لأنه انا في إجازة ، ظهرت كم يوم اغير جو
هممم
مايهزك ريح الله يحفظكم
خيال الحب
31-12-11 ||, 12:36 PM
السلام عليكم
شو مخططاتكم لليوم
طير الغرام
01-01-12 ||, 12:00 AM
^
احنــا ماينفــع معانــآ مخططــآت ف ع حســب :fa46:
طير الغرام
01-01-12 ||, 12:02 AM
-{ يآ ذكريــــآت هـ العـــآم الله // معـــآج ~
فمـــآن الله بـ حِلــوج ومُــرج . . !
http://bdona.net/vb/uploaded/107_01325360475.jpg (http://bdona.net/vb/uploaded/107_01325360475.jpg)
الا انا
01-01-12 ||, 12:07 AM
Happy New Year
^
طير حبيت الكلام وايد ~
:
اللهم إني اسألك عاماً لا تزوره أحزان ولا أفقد فيه أحباب ♥
اللـهـم إنـي أسـتـودعـك سـنـة مـضـت مـن عـمـري .. بـ إن تـغـفـرهـا لـي وتـرحـمـنـي وتـعـفـو عـنـي ..!! كل عام وانتم بخير :) 2012
طير الغرام
01-01-12 ||, 12:30 AM
^
آميـــــن
ثانكــس والله ،، والصـوره الصراحــه جديمــه بس حسيتهــآ تناسـب الكــلام
إن شاءالله اتكــون سنــة خيــر ع الجميــــع ياااااآرب ~ :fa35:
بسبس
01-01-12 ||, 02:08 AM
صباحكم خير اخواني و خواتي الإلكترونيين ...
اشحالكم ...عساكم ابخير ...
ربي يحفظكم و يجعل هالعام عام خير عليكم جميعا ...
حلم الطفوله
01-01-12 ||, 11:40 AM
صباحكم خير يا أغلى ناس عرفتهم ^^
عسى أيامكم خير وسعاده وراحة بال إن شاء الله
بسبس
02-01-12 ||, 04:32 AM
صباحج خير اختي حلم الطفوله ...
اتسرج حالنا ....نحن ابخير و لله الحمد...
ربي يحفظج و يوفقج دنيا و آخره ...
مــهــابه
02-01-12 ||, 09:22 AM
صبــاح ابخيييير
وهابي نيييو يييير للجميع
وخلصت ٢٠١١ والله يجعل ٢٠١٢سنه خير علينا ياااارب
.
.
يالله عاد كل حد يدخل هنيه يقول لنا شو احلى واسوأ احداث ٢٠١١ عليـه ؟!
مزن هتان
02-01-12 ||, 11:32 AM
صباح النور
على الصعيد الشخصي، ماكو شي سيء أو حلو ينذكر
بس ما بي اتذكر السنة، في أشياء صارت بس مابي اصنفها للسيء الواحد يقول
الحمدلله بجميع الأحوال =)، بس مابي ألم زيادة
الاسطوري
02-01-12 ||, 12:14 PM
صباح النور ..
الأحداث الحلوه:
انتقلنا البيت اليديد
ترقيت في شغلي
عرست ولله الحمد
رحت الحج
الاحداث الحزينه:
ان خالي توفى بعد صراع مع المرض الخبيث
ان يدة حرمتي توفت ونحن في شهر العسل
مــهــابه
02-01-12 ||, 12:15 PM
مزن :
آحيان تمر علينا آيام ، شهور ، سنه مايكون في شي حلو يـذگر
تكون السنه آحداثها عاديه جداً
بآذن الله القادم آحلى =)
تفآئلي..
مزن هتان
02-01-12 ||, 01:29 PM
متفائلين يا أختي، بس هالقلب كم بيتحمل ؟!
الله المستعان :yes:
بسبس
02-01-12 ||, 05:05 PM
ربي يجعله بيت عامر و يعطيك خيرها و يكفيك شرها ياخوي الأسطوري و يباركلك بشريكة حياتك ....تقبل الله منك صالح الأعمال و عقبالي إن شاء الله أحج ....
ربي يحفظكم خواتي مهابه و مزن هتان و يرزقكم كل خير و يخليكم لأهلكم ....
وإن شاء الله هاي السنه اتكون سنة خير عليكم جميعا ...
خيال الحب
02-01-12 ||, 08:02 PM
:mf_turban: السلام عليييكم
شحالكم ياعرب
بسبس
02-01-12 ||, 10:23 PM
وعليكم السلام و رحمة الله و بركاته ....
ياهلا و مرحبا بخيال الحب ...
خيال الحب
03-01-12 ||, 12:23 AM
ياحيالله بسبسسسس
شحالج وشخبارج
ان شاء الله مرتاحه ويانااا:14:
خيال الحب
03-01-12 ||, 12:33 AM
http://www.jokesduniya.com/wp-content/uploads/2007/04/lab.swf
العبو هاللعبه.. الي يوصل للمستوى 4 يعني واحد عبقري جدااا
بسبس
03-01-12 ||, 02:15 AM
ياهلا ومرحبابكم زود ...الحمد الله مرتاحه ....
طير الغرام
03-01-12 ||, 02:15 AM
-{ خيــال الحب }ـ
الله يسامحــكـ
والله فلختنــي هااي اللي ظهـرت مــره وحــده ههههه عورنـي قلبي
وأنا مندمجــه وهــدوء عنــدي هههه:fa56:
من الملل قلـت بلعـب ماورايــه شـي بس حسيـت إن الموضوع فيــه إن وخواتهــا هههه :4:
بسبس
03-01-12 ||, 02:26 AM
صراحه زياغ ....أوني أنا مندمجه باللعبه ....
المصيبه إني كنت أستعمل مكبر للصوت و كل الي يالسين معاي في العريش سمعو ...
ماأقول غير خيرها بغيرها ...
هههههههههههه
مزن هتان
03-01-12 ||, 08:02 AM
جزاج الله خير بسبس على الدعاء و لكِ بمثل ما دعوتِه لنا
صباح الخير، كيف أصبحتم =) ؟
المزوحي
03-01-12 ||, 08:58 AM
السلام عليكم
اشحالكم ؟؟؟
بدا العد التنازلي للدوام .. الاجازة حلوة والله
شو اموركم ؟
خيال الحب
03-01-12 ||, 03:04 PM
:14: ههههههههههههههههاااي تعيشون وتاكلون غيرهااااا خخخخخخخ بس مب حلوة اللعبه خخخخخ
المزوحي
عليكم السلام
الحمدلله بخير دامك بخير يالحبيب انت شخبارك
متى دوامك يوم الاحد ويااا الطلاب
قصايد غلا
03-01-12 ||, 04:12 PM
يآآآآآآ رب هالسنة تكون سنة خير علينا يآ رب
امممم هي فيها علامات حلوة
يعني مثلا توني مداومة و في أول يوم دوام اللي هو 2/1/2012 ياني خبر التثبيت ==> تثبّت قبل الوقت اللازم "اللهم لك الحمد" و فيه ناس كانوا يبون لي درجة أقل و حصلت درجة أعلى بمرتين :fa41:
و بإذن واحد أحد الياي أحلى بس لازم نتامل خير و ندعي واااايد و الله ما بيحرمنا من اللي نتمناه فديت وجهه ربي الكريم =)
بسبس
03-01-12 ||, 08:49 PM
ألف ألف ألف مبروك إختي قصايد الغلا ...عسى ربي يعطيج خيرها و يكفيج شرها...تستاهلين كل خير...
تسلمين اختي مزن هتان ...تستاهلون كل خير...
الا انا
03-01-12 ||, 09:30 PM
قصوده مبروك تستاهلين =)
المزوحي
03-01-12 ||, 11:45 PM
مــرحبا خيال الحب ، الحمدلله ربي يعافيك
هيه تصدق خذت إجازة مع الطلاب وبداوم وياهم ، طبعا بالصدفه، لكن شكلي اخطيت يوم ظهرت نفس الفترة .. الشوارع فاضيه والمولات زحمة
بس كنت مضطر آخذ إجازة عشان الرصيد مايروح عليّه وفي نفس الوقت عفت الروتين
مزن هتان
04-01-12 ||, 07:25 AM
مبروك التثبيت قصايد غلا
صباح الخير :fa41:
مزن هتان
04-01-12 ||, 08:33 AM
يقولون الفيمتو اللي أشربه فيه بكتيريا، طيب أنا شنو أشرب الحين ؟! :fa55:
بسبس
04-01-12 ||, 12:17 PM
صباحج خير اختي مزن هتان ....متأكده اختي من خبر البكتيريا إالي في الفيمتو ؟؟؟!!!
الله يستر ...
و أنا وحليلي بالليل لازم أسوي آيس فيمتو...
مزن هتان
04-01-12 ||, 12:39 PM
ايييه اختي بسبس الخبر أكيد، بس مهب الفيمتو هاي اللي نسويه بالبيت
أنا أطري هاي مال الصغارية، و الخبر من هون
http://www.emaratalyoum.com/local-section/other/2012-01-03-1.450077
مزن هتان
04-01-12 ||, 12:55 PM
تو رحت الثلاجه اللي عدنا بالدوام، يحطون من ها الفيمتو على طول
و كلهم يعرفون اني اخذه، وقف واحد من المدراء قالي مزن ترى يقولون فيه طحالب
ردت عليه رفيجتي هيه قرينا الخبر و تراني ما خليتها تاخذه :a100:
قصايد غلا
04-01-12 ||, 02:00 PM
بسبس : الله يبارك في حياتج أختي :* تسلمييين
مزن: الله يبارك فيــج حبيبتيييي .. شكراً :*
خيال الحب
04-01-12 ||, 02:37 PM
مبروووك قصايد بنت غلااااا تستاهلين كل خيررررر
مزن هتان
05-01-12 ||, 07:06 AM
أصبحنا و أصبح الملك لله
شلونكم =)، و أخيرا الخميس :fa41:
مزن هتان
05-01-12 ||, 08:24 AM
خاطري بـ جباب من العوير :fa41:، عمي راقد :shutup:
قصايد غلا
05-01-12 ||, 01:31 PM
خيال : الله يبارك في حياتك أخويه
تسلم =)
=======
مزن: شهيتيني بالجباب
بنت الدلع
05-01-12 ||, 04:02 PM
مبرووك قصاااايد *قلب أحمر*
خيال الحب .. لول كنت يايه بفتح اللعبه
غيرت رايي بعد ماقريت ردود البنات p=
المزوحي
06-01-12 ||, 03:57 PM
عمره مقبوله مايهزك ريح
بنت الدلع
07-01-12 ||, 02:23 PM
حكم قرقوش
يالسه اكل جبد و جلاوي
منو بينقذني :ohboy:
بسبس
08-01-12 ||, 12:30 AM
هل من أحد هنا .....
السلام عليكم اخواني و خواتي الإلكترونيين ...اشحالكم عساكم طيبين
الاسطوري
08-01-12 ||, 12:41 PM
مساء الخير ..
الظاهر الجماعة ملتزمين الصمت بس مادري شو المناسبه!
بنت الدلع
08-01-12 ||, 12:44 PM
مساء النور
الناس مشغولين بالبلاك بيري وتويتر الصدقي لول
محد له وقت حق الواحات اظن
انقرضوا الجماعة
المزوحي
08-01-12 ||, 03:04 PM
السلام عليكم
بعدنا هنيه ما انقرضنا :vampire:
اشحالكم ؟؟؟
مزن هتان
10-01-12 ||, 09:58 AM
طير الغرام مالها حس هاليومين
مايهزك ريح
10-01-12 ||, 10:44 AM
شو الأخبار .. انا هنا ..
المزوحي
10-01-12 ||, 03:16 PM
مرحبا
هلا مايهزك ريح الحمدلله على السلامه
اشحالكم بعد ؟
خيال الحب
10-01-12 ||, 03:51 PM
السلام علييكم
شحالكم يا آل بن دبي عساكم الا بخيرررر
امس رحت قرية التراث
فااااااضييييييييييييييييي يييه مافيها شييييي
مايهزك ريح
11-01-12 ||, 01:46 PM
الله يسلمك .. اخويه المزوحي .. ^_^
مزن هتان
12-01-12 ||, 07:49 AM
صباحو، عندنا اجتماع مع مدير الادارة بعد 20 دقيقة
ما بقول شي :k_special2:
بن الحب
قرية التراث ما يروحون لها الحين الا فالاحتفالات حق المناسبات
خلق الله مطيّحه فالمولات
المزوحي
12-01-12 ||, 03:20 PM
السلام عليكم
اليوم الخميس
خيال الحب صدقها مزن خلق الله في المولات، عيل الحين ايام الدوام الصبح المول يفور، الخلق كلهم إجازة وإلا كلهم
دوامهم شفتات وإلا كلهم ماعندهم وظايف ، شي غريب !!!!
والمساء ترى اولريدي زحمه ، يعني الموضوع مايباله خميس وجمعه وسبت :fa52:
مزن هتان
14-01-12 ||, 09:08 PM
وش ذا الهدوء اللهم يا كافي
شلونكم !
بنت الدلع
15-01-12 ||, 01:41 AM
صباح الورد :fa35:
الاسطوري
15-01-12 ||, 10:35 AM
صباح الفل والنشاط مع بداية الاسبوع
:k_smile2:
شحالكم يا أهل الواحات؟
طير الغرام
15-01-12 ||, 03:25 PM
مســــآ الخيــــر ~
الحمدالله يســركم الحــآل ،، وشو عنـــكم ؟
:
مزن هتـان // ثانكــس ع السـؤال :yes:
بس انشغلــت اشوي مع الأهـــل
^_^
المزوحي
15-01-12 ||, 09:13 PM
مساء النور
مرحبا طير الغرام ، مانباج تظهرين في رمضان بس :14:
مزن هتان مب عايبنكم الهدوء ؟ :b050:
يمكن لأنه الجماعه انشغلوا ،او ايام البرد يندسون،
شوق القلوب
15-01-12 ||, 10:35 PM
السلام عليكم...
شخباركم ؟ لكم وحشه والله !
يالله من اول ما ادخل اتنرفز من هالمواضيع ... شو هالبليه !!!!
طير الغرام
16-01-12 ||, 12:09 AM
المزوحي // مـراحب
أفااا الحينه أنا ما أظهر بس فـ ارمضـآن ،،
وحليلي مع إنـه عندي مواضيـع يـديده بس مافي شي يحمـس إني أنزلهـن وأتعـب عليـهن :fa54:
:
شوق القلـوب // وعليكـــم الســلام والرحمـــه ،،
الحمدالله يسـرج الحــآل ،، وشــو عنـج ؟
هـ المواضيـع صـآرت آفـه ! وتنفـر وايديــن عن الواحـآت
بس أبا أعـرف شو مشكلتهـم فـ الحيـآه ويا مواضيعهـم التافــهه !
:
كملــت ساعـه يمكـن من كتبـت هـ الــرد :fa46: بس كان ناقص اعتمـد المشاركــه
بس نـواري حبيبتـي كانت اتصيـح وايـد مادري ليش دايمـآ فـ هالوقـت اتصيـح بشكـل هب طبيعي حبيبتي :k_special2:
وأمها وحليلهـآ كانت تشتغل ع بروجكت ،، فـ أنا تميـت أمشيهــآ فـ البيــت عشـآن تسكــت وااايـد أحبهــآ :fa41:
بنت الدلع
16-01-12 ||, 12:44 AM
متى بينززززززززل مطططططرررررر !!!!
مايستوي يخفّون اليور مالهم شوي عشان اتينا الرحمة
انزين اهل المناكر خله يسافرون في الشتا :mf_leia:
هم يتونسون ويحرمونا من بركة الله
شو هالحالة >.<
وبعدين بلاها الواحات
الف مره اسوي سند ومايوصل ردي :a052:
بلاني اتحرطم انا لوول :icecream:
احب هالفيس اللي يطر الورقه
يضحكني :a068:
المزوحي
16-01-12 ||, 03:30 PM
هلا اختي شوق، شو بلاج ؟؟؟ شو اللي ينرفز ؟؟؟ :boxed:
طير الغرام السموحه ، بس ان شاء الله نتحمس ونخبر الاعضاء بعد يشدون حيلهم :a036:
بنت الدلع إن شاء الله ينزل مظر يارب :5:
المزوحي
16-01-12 ||, 03:33 PM
بلاها الواحات ،
مايهزك ريح
16-01-12 ||, 03:36 PM
السلام عليكم .. انا ادخل شويه واطلع
المزوحي
16-01-12 ||, 04:19 PM
مايهزك ريح انا كل ما كتب رد ، يكتب لي error
بسير العوير حد حاب ينظم :k_blush-anim-cl:
طير الغرام
16-01-12 ||, 04:23 PM
الـواحــات شي فيهــآ !
المزوحــي // انجـوي يور تايــم بـرووو =)
المزوحي
16-01-12 ||, 04:24 PM
ثانكس
مايهزك ريح
17-01-12 ||, 10:26 AM
انا بعد يستوي لي نفس الشي .. !!!
المزوحي
17-01-12 ||, 03:06 PM
السلام عليكم
اشحالكم ؟
البارحه وانا صوب العوير، قلت خلني أمر اطلب خبز جباب ، ومره ثانيه بيرب الخمير
مــهــابه
18-01-12 ||, 10:58 AM
صبـاح الخير ..
گيفگون ؟!
والله محد يحس بالام الا اللي يجرب ، يوعااااااااااااانه رقاد من الخاطر ، بنوتي ماشاء الله عليها من النوع اللي يسهر طول الليل
ومحد يرقد عندي غير بومبا وماتسهر ويايه واايد ، عندها مدرسسسه ..
بنت الدلع
19-01-12 ||, 12:23 AM
^ يا حيااتي
بس الله يعينج بصراحه
احس كله ولا الرقاد !!
هالشي صدق يباله طاقه وصبر
شرات وحده اعرفها .. يوم كانت توها مربية خلاص فليل تبا ترقد وبنتها تحن مافيها رقاد
فتحت باب الغرفه وحطتها برع !! :birgits_giggle:
بعدين يت اليده وشلتها بعد ما سمعت صياحها :icecream:
مــهــابه
19-01-12 ||, 02:32 AM
صدق والله
متعودين نرقد ع راحتنا
لووول ربيعتج حركتها قويه ، لو بسويها حرام بابا عنده دوام
اخاف يقول ردي انتي وبنتج عند ريلج لوول
تخيلي احين انا ناشه من الساعه ١ وهي مادل شو يعورها ، كل ماصاحت صحت وياها
والله كريم
بسبس
19-01-12 ||, 12:35 PM
مسائكم خير و سعاده
اشحالكم ...عساكم ابخير..
المزوحي
19-01-12 ||, 02:58 PM
السلام عليكم
وأخيررررررررررررررا اليوم الخميس :a033:
شو مخططكم للويك اند ؟
أنا بإذن الله بسير الفجيرة
مزن هتان
22-01-12 ||, 09:12 AM
صباح الخير =)
طير الغرام
22-01-12 ||, 05:56 PM
مســـــآكـــم ~ P!NK RoZe
http://oasis.bindubai.com/bin/uploaded/11844f1bed50f18c4.jpg
:
اليـــوم قلــت بســوي كب كيكــس وبطرشــه المستشفى لنه من يومين شرفتــآ بنوتــه
>> اربيعــة نواري ههه وكزنتهـآ اليديــده ،، طبعـــاً ودينــآ نواري تتعــرف عليهــا هههه
المهــم نرجـع لـ محور حديثنــآ ييــت بســوي كب كيــكس ونواري ماكان حد عندهــا فـ شليتهــا معايـه المطبـخ وجهزت العده وأنا يالسـه أخلط وأرتب كل شي هي ساكتـه ومندمجــه هههه حبيبتي
بس قبـل لا أحط صواني الكب كيكس فـ الفــرن بدت تتثــآوب وعطيتهــا أمايه لين رقــدت
نشـت وشغلتهــا التلفزيون حطيتلهــا ديزني والحينه مندمجه ههههه :11:
عقـب اشوي بوديهـآ عند أمهــآ
وأنا بيلــس أزيــن الكب كيكــس
^_^
صريح
23-01-12 ||, 02:04 AM
الواحات بعدها موجوده
مرحبا
:h_negab:
صريح
23-01-12 ||, 02:06 AM
:h_negab:
شوق القلوب
23-01-12 ||, 02:11 AM
يااااا حبيبتي يا مهابه.... join the clube
انا كنت ايلس في الصاله طول الليل ومن التعب احطها و اغفل عنها ... وللحين شوشوتي محبه للسهر... عادي اتم مواصله وياها طول الليل
شوق القلوب
23-01-12 ||, 02:13 AM
حيالله بو سلطان... شخبارك ؟
صريح
23-01-12 ||, 02:17 AM
الله يحييج و يبقيج .. الحمد لله بخير و نعمه .. و من صوبج ام حمد ؟
شوق القلوب
23-01-12 ||, 02:26 AM
تمام الحمد الله ^ـ^
يا خي برررررررررررد ... بررررررررررررد.. بس وناسه... والله كنا نتمنى هالبروده ايام الصيف
صريح
23-01-12 ||, 02:33 AM
دوم ان شاء الله
احلى شي البرد و الدوه محطوطه في نص الصاله ... بس اللي ناقص افر فيها كستنا و اكل ههههه
رقااد تايم ع قولتهم .. ورانا دوام اللي مادري من متى ما سرتله ع الوقت
يالله تصبحين ع خير
و نشوفكم ع خير ان شاء الله
شوق القلوب
23-01-12 ||, 02:44 AM
احسلك... اشحلات الواحد ينش شبعان رقاد.. بس مشكلتنا ما انتوب من السهر...
و انت من اهله اخي :)
المزوحي
23-01-12 ||, 03:52 PM
السلام عليكم
على طاري البرد يبالنا قرص مدقوق مادري مفروك وحليب زنجبيل
مزن هتان
24-01-12 ||, 08:40 AM
مدقوق + شكر و دهن خنين عقبه حليب دافي :heart:
شكلنا بنروح الشمال هالويك اند عند عميمه و ما بتقصر :a036:
صباح الخير
مــهــابه
24-01-12 ||, 12:57 PM
مسـاگم ورد ..
شوق :
انا اتصصصصيح وما احس بها ساااعات من التعب ..
روحت ايام العزز والرقاد ><
طير :
مايستوي اتسلفچ اسبوع بيتنا
محتاجه حد يود عني بيشوو خصوصاً بليل
مطفره ماما وبومبا اقولهم :
بليــل گلگم ماتنفعوني لووول ..
.
.
ع طاري القرص والزنجبيل ، ماماتي كل يوم المغرب تسسسسويلي
.
.
مين بدووو حليب بوووش؟!
المزوحي
26-01-12 ||, 03:42 PM
السلام عليكم
واخيررررررررررررررا اليوم الخميس
ومع انه الاجواء بارده هالأيام ، فالناس من الدوام يشخطون صوب البر وإلا يسيرون الامارات الثانية
و
أنا حجزت في فندق في الجي بي آر
ام ميره
26-01-12 ||, 08:45 PM
هالمزوحي شكلك تتري الخميس ع احر من اليمر ياالله ان شاالله تستانسون امم ملانه من الخاطر مااعرف شو اسوي
مزن هتان
28-01-12 ||, 11:49 PM
قوه !
قاعده شرات الساحرة اليوم :a033:
الوعد بأجر الصبح الويه منتفخ بيكون حق الدوام :surrender:
مــهــابه
29-01-12 ||, 08:19 AM
صبــاحكم ورد
آسبوع عمل موفق للجميع ان شاء الله
فيَّه رقــاد مب طبييييعي ابداً
مزن هتان
30-01-12 ||, 12:20 PM
همممم اشتغلي عنهم بعد ؟
اون سولف ذا بروبلم فور مي تودي
منو ان شاء الله بنت الطاير ؟ يبه فوق الـ 8000 موظف
و سستم يديد لازم بتواجهنا مشاكل و اكيد مهم غافلين عنها، و شغالين عليه الجماعه
صخّه بزيادة هاليومين هني، انا ما عندي شي انقطعت خدمة البيبي
و مو طايعه اجددها و للحين ما حسيت بفراغ لاني عالمنتدى و الا بلعب عالاي باد
عادي اتم ماسكتنه 3 ساعات متواصله عيوني راح تولي :crazy:
مــهــابه
30-01-12 ||, 03:15 PM
^
مس يو مـزن =(
مزن هتان
31-01-12 ||, 07:21 AM
أم بشاير :fa41:
فديتج والله تولهت عليج العافية يالغالية
و أنا اكثر
مايهزك ريح
31-01-12 ||, 01:31 PM
شو اخباركم ..
احس بالملل هاليومين ما شي شي يديد ..
المزوحي
31-01-12 ||, 10:12 PM
مرحبا
هلا مايهزك ريح ، ملل في الدوام وإلا بشكل عام ؟؟
إذا في الدوام، ترى كل شي ممل، وانا اتريا الوقت ينتهي وانسى الدوام، أما إذا تقصد برع الدوام، حاول تغير جو، يعني يوم بتطلع من الدوام في نص الاسبوع لاترد البيت اتغدا برع، كتغيير اقصد ، بس بسبب موضوع الروتين
لأنه ممكن تتغدا برع في نهاية السبوع، لكن هالمره غيّر سير نص الاسبوع ، او مر السينما ، حاول تسير مكان من زمان ماسرت له ، سير ديره ولو إنه مافيها شي حق الحواطه ، يعني مر الورقاء، سير الفستفل، جرب طريج
الفجيرة اليديد، سجل في الجم إذا تحب هالشي ، احجز في فندق نهاية السبوع ،,,,, سير القريه :woot:
مايهزك ريح
01-02-12 ||, 11:11 AM
انا من اسبوع ما ارد البيت عقب الدوام .. عندي اشغال ما اتخلص .. عشان جيه طفران ..
ومحد غيري يخلص هالشغل ..
ان شاء الله لين الاسبوع الياي واخلص كل شي وارتاح
المزوحي
01-02-12 ||, 11:36 AM
السلام عليكم
انا اليوم في إجازة لأني مب صاحي
قلت ادخل الواحات شويه
مايهزك ريح الله يعينك إن شاء الله وترتاح
مايهزك ريح
01-02-12 ||, 03:28 PM
سلامات اخويه مروان ما اتشوف شر
المزوحي
01-02-12 ||, 05:38 PM
الشر ما إييك مايد
طير الغرام
02-02-12 ||, 03:20 AM
^
ســلامــآت أخويـــه
مزن هتان
02-02-12 ||, 07:36 AM
صباح الخير،،،
اشوف الخط صغير بالمنتدى، كانه سماسيم مرتبه :k_special2: شو هالتشبيه مزن
الحمدلله الخميس
المزوحي
02-02-12 ||, 11:33 PM
الله يسلمج اختي طير، خذت كل شي وبعدني، والحين خذت بندول
مزن بسم الله عليج شو بلاج قمتي تشوفين سماسيم
طير الغرام
02-02-12 ||, 11:44 PM
^
الله يعينكـ ،،
مزن هتان
12-02-12 ||, 08:07 AM
أصبحنا و أصبح الملك لله و لا حول و لا قوة الا بالله العلي العظيم
ماحب الركود اللي بالمنتدى، يوم عن الثاني يصير ممل زود
استمعت هالويكند "أحب دبي" شوارعها و ناسها و فرجانها و بيوتها :fa41:
المزوحي
12-02-12 ||, 03:52 PM
السلام عليكم
اشحالكم ؟؟
مزن الكل قام ينشغل، بس إن شاء الله ماينسون الواحات
شو اليديد ؟
شوق القلوب
13-02-12 ||, 12:41 AM
والله لا جديد يا المزوحي...
ولله الحمد الجو مستوي فيروسات ريج! الكل مريض ... الله يرحمنا برحمته !!
..
و اليديييييييد.. خذتلي اي فون :11:.... و اخيرا
المزوحي
13-02-12 ||, 02:57 PM
هلا شوق القلوب
زين ماشاء الله بالبركه فنان هالجهاز
600 شغله عندي
طير الغرام
14-02-12 ||, 12:44 AM
ليــن متـى هـ الـركود فـ الواحـآت !
مرات أحدر الواحات بس قبل ما أسجل الدخول أجوف المواضيـع الأخيـره اللي ما اتحركت ولا إنـه بس رد واحـد يزيد ع يوم أو يومين
وهالشي الصراحـه ما يخليني أتحمـس إنيـه أحدر =(
المزوحي
14-02-12 ||, 03:28 PM
السلام عليكم
اشحالكم ، ؟؟
اختي طير الغرام، لازم حد يفكر يطرح موضوع الكل يتحمس إنه يرد عليه ويخليه يدخل الواحات باستمرار .. يا جماعه كلام الاخت صح، حتى انا مرات اقول بدخل الحين بس اقول اكيد مافي شي يديد وعقب اطلع من البيت اشوف اشغالي
بس شو تقترحين علينا عشان نحرك شويه الواحات وترد شرات اول ؟
شوق القلوب
15-02-12 ||, 01:38 AM
عشان اترد الواحات.. محتاجه اعضاء يدد... دم يديد ينعش المكان...
ولا الكل تام متهايز.. و مشغول...
..
الي يرحيني وجودكم يوم ادخل... اعضاء واحاتي الافياء... الله يجمع من بينا دايما ع الخير :)
مايهزك ريح
15-02-12 ||, 11:22 AM
من طلع البلاك بيري والآيفون الناس استوى عندهم توحد كل واحد بس ربعه اواهله وبس .. وما يدخلون النت إلا بعد فترات بعيده
المزوحي
15-02-12 ||, 03:49 PM
شوق القلوب ،، ممكن اعضاء يداد يشاركون، بس المواضيع ماتكون فيها حماس أو حتى محد بيشارك منكم، لأنه
في ناس يديده، لكن مواضيعها كوبي بيست من النت
مايهزك ريح كلامك صح، انا يوم اطلع ما احب ارد على المسجات إلا إذا شي ضروري، مب حلو الواحد يتم دوم اموخي
او إذا كنت مع شخص مب حلوه اتم تتطالع الموبايل وهو وياك، عاد إلا إذا هو تم يتعبث بموبايله، بنتم نحن الاثنين
كل واحد يلعب في موبايله ولو ما طلعنا احسن
مــهــابه
15-02-12 ||, 03:50 PM
^
هههه حلوه التوحد
احسسس هالبلاك بيري ماسوو خير ف الاوادم
انا هالجهاز للحين مششش مقتنعه فيه ولا داخل مزاااجي..
دام في كم عضضضو يدخل خير ونعمه ..
المزوحي
15-02-12 ||, 03:54 PM
مهابه انا خذته من شهر تقريبا مب وايد وياه الصراحه ولا مقتنع منه، مع إنه الكل يقول بالعكس يقرب وايد ناس منك وتكونون على تواصل، يعني الحين البلاك بيري هو اللي فيه خير
وعندي كذلك الآيفون واحلى عن البلاك بيري ، وعندي جهاز ثالث بس عادي
طير الغرام
15-02-12 ||, 06:54 PM
مســـــآكــمـ و ر د ~ :h_ttmasha:
الموضــوع كله يبالـه أفكـآر يديــده وتـعاون مشتركـ بين الأعضـآء الجدام عشان يتحمسـون الأعضـآء اليــداد !
ولازم قبل كل شي وسيلـة دعايـه عشـان نجذب أعضـآء يـداد ،، وهـذا كله مايقدر يسـويه عضـو ولا كمن عضو !
مــهــابه
15-02-12 ||, 09:41 PM
المزوحي :
وانا ما احب اختلط ويا الناس
ع قولتهم فالبيت : وغده لووول
عسسب چيه ماخذته ، حلو الواحد يعيش حياته بخصوووصيه بين اهله وبس
اما ف البي بي تعرررف كل شي عن كل حد وهالشي ما احبه
ع قولة مادري منوه:
وش علي انا من الناس
وش على الناس مني
طير :
آحس الواحات مابترد شرا قبل
اعضاءنا شوبّوا خلاااص
وماصاروا الناس يشتركون ف المنتديات شرا قبل
احين فيس بوك و تويتر ووو
مزن هتان
16-02-12 ||, 01:48 PM
لعبت بالاي باد و الاي فون و اصابعي اضعفت من البيبي "و عيوني ولّت منهم"
بس بعدني ماصبر عن الواحات الا فالشديد القوي، و ربي لا يغيّر عليه =)
حيّ الله الخميس، و نهاية أسبوع سعيدة للجميع بإذن الله تعالى
المزوحي
16-02-12 ||, 03:22 PM
السلام عليكم
اشحالكم ؟؟؟
مهابه انا لو عندي بلاك بيري ما احط التفاصيل، الشخص هو بنفسه يقدر يختار اللي يباه صدقيني، يعني ان سرت الكوفي على سبيل المثال، ممكن اصور لكن مب شرط احط الصوره في نفس الوقت
او اكتب انا وين، في ناس على كل حركه بيقولون هم وين سايرين
مزن مبروك عليج الخميس
طير الغرام او اللي عنده فكره، ربيعي عنده canon 450D ويبغي عدسة ماكرو، فهو كان يسألني، قلت له بسألك ( على أساس الواحات ) يقول حصلها بألفين، انتوا تتعاملون مع حد معين او السعر يكون أرخص
وقال شاف في موقع كام فور سيل ، بس ياليت تفيدونا
وشكرا
طير الغرام
16-02-12 ||, 09:21 PM
^
وعليكــم الســـلام والرحمــه ،،
يعتمـد شو العدسـه اللي يباهـا سيجما ولا كانون
عن نفسي أستخـدم عدسـة السيجمـا 105mm لـ الماكــرو
وإذا يبى عدسـة ماكرو من الكانون نفسهـآ أنصحـه بـ Canon 100mm f/2.8
وبخصوص الأسعـآر الكيمرات وأغراضهـا يتهـم فتـره وأسعارهن غلن
ومن تجربـه شخصيــه محل الفلك اتحصـل عنده أحسن الأسعـآر مقارنـة بـ المحلات الثانيـه
وبعـد كام فور سيل أسعارهـم حلوه بس يفضل الواحد قبل لا يطلب منـه يجوف كم الفرق اللي بيوفـره إذا خذ من برع ومن اهنيه مرات يكون فرق ١٠٠ فـ أحسه مايرزى
وفي مواقـع ثانيـه إذا حب يطلب أشيا ثانيــه
http://www.bhphotovideo.com/
http://www.adorama.com/
أنا جربت الموقع الأول
^_^
خيال الحب
18-02-12 ||, 01:28 AM
مسا الخيررر
شحالكم يا ال الواحات عساكم الا بخيرررر
مايهزك ريح
23-02-12 ||, 03:37 PM
واخيرا ... اليوم الخميس ..
وجان احجز للسفر حق شهر 3 .. وبسير المانيا وبلجيكا ^_^!!
اسبوعين كله حواطه .. اففففففففف احس اني من زمان ما سافرت ..
شوق القلوب
28-02-12 ||, 01:14 AM
هي اتصدق يا مايد.. حتى انا حسيت انك من زمان ما سافرت.. كنت دايما ماشاء الله بين فتره و الثانيه اتسافر،،
عساك تستمتع في هالرحله ان شاء الله
المزوحي
28-02-12 ||, 03:45 PM
السلام عليكم
اشحالكم ؟؟؟
مايهزك ريح enjoy brother
شو اليديد بعد ؟
مايهزك ريح
29-02-12 ||, 11:08 AM
ان شاء الله استمتع ولو انه استوالي شي بايخ ومنقهر وكنت بكنسل .. بس هديت اعصابي ..
الا انا
29-02-12 ||, 12:59 PM
شهر 3 كل حد بيسافر ><
سويسرا ولندن >< من الحين موزعين عيالهم لول
بالسلامه يا خوي
مزن هتان
29-02-12 ||, 02:04 PM
مساء الخير :fa35:
مــهــابه
29-02-12 ||, 04:54 PM
لاتطرررولي السفر. قلبـــي يعوووورني
بيساااافرون وبيخلووووني انا وبيشووو الروحنـا =(
اغلبهم بيسافرون باجازه المدارس والجامعه ، اهلي بيروحون الصصصين ، وحد العمره
و بــعلي بيروح لندن لـ مهمه مايعررف مدتها كم :(
وبتم مهـابه الروحها ، لولا انه بنتي بعدددها صغيره چان سرت ويا اهلي
.
مزن :
مساچ جوري
من زمااااان ما سمعت اغاني بس قبل فتره بومبا سمعتني اغنيه راشد الماجد - قدر
وع طوووول يييتي انتي ف بالي، اسمعيهااا
.
.
المزوحي
01-03-12 ||, 03:34 PM
السلام عليكم
واخيررررررررررررررا الخميس
هممم
كل مره
لكن بغيت اعرف حد متحمس هالشهر حق الراتب ؟؟؟؟
حاطين في بالكم تصرفون جزء منه حق شغله معينه ؟
شوق القلوب
04-03-12 ||, 01:30 AM
وياكم الاحد يا المزوحي !!
خبرنا شو سويت ؟
مايهزك ريح
04-03-12 ||, 02:24 PM
انا في اول يومين صارف 15 الف .. بعدني مب مصدق .. !!!!
وياليتني اشتريت وايد اشيا ..
المزوحي
04-03-12 ||, 03:27 PM
السلام عليكم
هيه والله شوق القلوب ويانا الاحد، الجمعه ظهرت مع الربع كان يوم جميل الصراحه اما
امس مايهزك ريح سرت ابدل تواير الموتر، اوني بسير اسوي روتيشن وهم يشوفون التواير اكتشف
الموظف مسمار ، قلت بدال ما ارقع التاير ببدلهم كلهم
بس تعال كيف تصرف 15 ألف ، والله ادري إنه الفلوس بسرعه اتطير، ما اقولك لا
وهذا وانته تكون مب مخطط تشتري شي، عيل كيف لو تقول ابغي الشي الفلاني
بس يحتاي تدخل في جمعيات :vampire: مع إني انا ما احب اشترك في جمعيه ومرتين بس اشتركت
المهم سو لك حساب توفير وخله ، وانساه بعد
انا كنت ابغي اشتري لبس حق الصيف
شو اخباركم بعد ؟
مزن هتان
05-03-12 ||, 01:42 PM
مهابتي، وصل اهدائج :inlove:
شوق القلوب
06-03-12 ||, 01:20 AM
يقولوووون في وحده زعلانه مني ...!
وهذي حقها :a074:
حقج علي خيتووووو
مايهزك ريح
06-03-12 ||, 10:13 AM
مادري البيزات كيف تنصرف .. دايما ما احسب.... بس هالمره لأنه ورى بعض حسبته ..راسي عورني ..
المزوحي
07-03-12 ||, 03:32 PM
مايهزك ريح انا وياك والله، والواحد مابيبخل على عمره لو في خاطره شي،
بس اول حركه تسويها اول ماينزل الراتب جزء منه خله دايركت في حساب ثاني
سواء نفس البنك اللي ينزل منه الراتب او حساب في بنك ثاني
وعقب اصرف اللي تباه وبعد لو تقدر تخلي جزء في نفس الحساب
يعني لاتبخل على عمرك وفي نفس الوقت حاول تيمع
مادري انا افكر افتح في بنك ثاني بعد
صريح
08-03-12 ||, 12:20 AM
اصرف ما في الجيب ياتيك ما في الغيب
و مثل ما يقولون السعاده تنشرى بثماني
:m_atmasha:
اقول العيشه في بوظبي ممله جدا نفس الشعور في سنه 1995
و الحين ردينا لها للاسف هههههه
قصايد غلا
08-03-12 ||, 11:23 AM
ما يهزك ريح: الله يعينك ><
أنا من الناس اللي أصرف 50% من المصروف و أكثر في أول يومين من الشهر على أشياء مب لي >< يعيبني أشتري للغير أكثر عن عمري
الواحد ما يقصر على عمره بس مرات لازم يحاسب (يحاسب ما قلت يستوي بخيل) و لو دققنا في مشترياتنا بنكتشف إنه نحن غالبًا نشتري أشياء ما لها داعي و الدليل إني شارية أِشياء من سنة و شي وما استخدمتها ولا مرة و تامة بكراتينها و أجياسها ==> لو بس نحط في بالنا إنه كل فلس بنتحاسب عنه، بنخاف شوي و بنفكر قبل لا نشتري شي
والحمدلله ديننا موضح لنا كل شي حتى أمور الصرف .. الله سبحانه و تعالى قال في كتابه : "وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا "
مايهزك ريح
08-03-12 ||, 12:39 PM
^
صح اختي قصايد اللي صرفته مب لي للأسف ..
المزوحي .. انا لو ما اسوي اللي انته اتقوله اني احول بيزات على الحساب الثاني ولا جان لين آخر الشهر انا على الحديده
المزوحي
08-03-12 ||, 04:46 PM
السلام عليكم
الخميس
صريح شو السالفه ؟؟؟ اطلع من بوظبي وتجول في الامارات الثانيه وخلك عنك موضوع العيشه
قصايد غلا .. صح كلامج .. المشكله انه الواحد من يطلع من البيت ويتجه للسوق كل شي يبغي يشتريه، بس الواحد يحاسب
نشتري شغلات بالدرزن، ونحن عندنا من اللي خذناه
مايهزك ريح الله يعطيك العافيه
قصايد غلا
09-03-12 ||, 03:48 PM
اخويه ما يهزك ريح: تعرف شو الحل لهالطبع "المشترا للغير" الحل الوحيد انه نؤجل هالمشتريات (المب ضرورية) لين اخر الشهر ، يوم اسوي جذه احس انه هالشي احسن و أريح لأني ما بحاتي كم باقي عن الشهر
المزوحي: للأسف أنا أحط في بالي اشياء بشتريها و يوم اطلع اشتري اشياء ثانية، بس زين لأني احيانا استفيد من هالاشياء لو احتاجها فجأة ألقاها موجودة عندي من قبل
مايهزك ريح
12-03-12 ||, 01:30 PM
اليوم الأثنين ... ماشي يديد .. بس دخلت اسلم ^_^
المزوحي
12-03-12 ||, 03:17 PM
الله يسلمك
انا امس مريت سانت ست مول في جميرا .. وعقب مريت على مدينة جميرا اجواء المطاعم حلوه
شوق القلوب
12-03-12 ||, 11:21 PM
هلا والله ... شخباركم...؟؟؟
حلو هالمول المزوحي ..؟ بعدني ما سرتله... بس جنه فيه كم محل عبي !!
مايهزك ريح
13-03-12 ||, 08:25 AM
فيه شي مميز عشان انسير له المزوحي ..
المزوحي
13-03-12 ||, 04:15 PM
السلام عليكم
اشحالكم ؟؟؟
شوق القلوب + مايهزك ريح ( مافي شي يستاهل لحد الآن ) لأنه اغلب المحلات بعدها مافتحت
بس لأني مار نفس الشارع ، قلت بنزل أشوف، بس مايستاهل العنوه .
شوق القلوب هيه في محلات عبي ..
مزن هتان
15-03-12 ||, 09:59 AM
صباح الخير :11:
و أخيرا الخميس
مزن هتان
18-03-12 ||, 09:01 AM
السلام عليكم و رحمة الله و بركاته
وين الناس :fa54: ؟ عسى المانع خير
مايهزك ريح
18-03-12 ||, 02:52 PM
وعليكم السلام والرحمه
مرحبا اختي مزن ..
نحنا هنيه ندخل ونطلع
شوق القلوب
20-03-12 ||, 04:57 PM
السلام عليكم...
شخباركم اخواني ...؟
يالله كيف الجو مستوي هالايام... الله يعينا على هالغبار...
والله الواحد قام ياجل مواعيده بسبته...
المهم... شو يديدكم ؟
مزن هتان
21-03-12 ||, 07:36 AM
ما يهزك ريح & شوق القلوب
عساكم بخير، احس المكان يخلى شوي و احيانا اكو حس
طير الغرام و المزوحي مالهم حس عسى المانع خير
باجر الخميس :fa41: خالتي مع اهل زوجها بياخذون عمره و رفيجتي السعودية
كذلك باجر طيرتها لمكة بياخذون عمره ربي يسهل عليهم عمرتهم و يتقبلها منهم
خيال الحب
24-03-12 ||, 03:57 PM
:fa36: وين الجمااعه لاحس ولاخبررر
انزين لو منخشين في مكاان خبرونااا بنروح وياكم
ترا حشررر مع الناس عييد:3:
مزن هتان
25-03-12 ||, 08:41 AM
ايييه والله خيالن خبرونا وينكم فيه
عالفيس بوك محد و لا تويتر و لا بيبي و لا واتساب او هوتميل مسنجر + المنتدى
:boxed: مادري شلون قادره اركز في كل هالاشياء يوميا
هذا يدل عالفراغه و شكرا
:fa56:
صباحو، يقولون نزل مطر على مناطق متفرقه
اهل راس الخيمة و الشارجه اشوفهم كاتبين
بوزايد
25-03-12 ||, 11:47 AM
عندنا في بوظبي نزل
الحمدلله ع النعمه
خيال الحب
26-03-12 ||, 04:00 PM
امس كنت في دبي فليل .. ماشاء الله مطرررر من الجي بي ار لين وصلت جدااا عيمان والمطر ما وقف..
الصراحه رووعه كان الجو امسس .. ولين الحين الجوو جميييل جداااا
مــهــابه
27-03-12 ||, 04:08 PM
هييييييه صح
الجو امس جميييييل اوي
.
.
آمس گنت فـ القريه ، سرت ويـا هَّلي ، من زمــان ماطلعت ويا تيمون وبومبا ، احسسس رحنا نآكل ورجعنا
وبيشووتي زچمت فدييييت روحها
طير الغرام
02-04-12 ||, 12:54 AM
صبــــآح الليـــل ~
اشحـــآلكـــم ؟
لكـــم وحشــــه
من زمــآن ماحـدرت الواحـآت + النــت بشكــل عــآم
السموحــه منكــم ع القصـــور ^_^
مزن هتان
02-04-12 ||, 01:52 PM
و انتِ وحشتينا أكثر د. طير، لا عاد يطوّل غيابج
طير الغرام
02-04-12 ||, 11:44 PM
^
تسلميــــن والله
وإن شاءالله مايطـوّل ^_^
امممم لـ الأســف الركــود فـ الواحـــآت ع حالــه ما اتغيـر !
مزن هتان
03-04-12 ||, 07:25 AM
الا زاد الركود :surrender:
المزوحي
04-04-12 ||, 03:48 PM
السلام عليكم
اشحالكم ؟؟
احس وايد ناس مسافره ..
ومن غير إني أنا اسير امشي ، ماشي وقت ندخل الواحات
السموحه
نحاول نعوض
مايهزك ريح
08-04-12 ||, 12:00 PM
انا ردييييييييييت كانت رحله حلوه .. ^_^
مزن هتان
08-04-12 ||, 01:05 PM
الحمدلله عالسلامة أخوي ما يهزك ريح =)
مايهزك ريح
08-04-12 ||, 06:12 PM
الله يسلمچ من الشر اختي
مــهــابه
10-04-12 ||, 02:43 PM
^
الحمدالله ع السلامه خيو
احنا كمان مسافرين يوم الخميس ان شاء الله
الوجه لـ لندن
وبنتم تقريبا شهر واحتمال اقل
مايهزك ريح
10-04-12 ||, 05:45 PM
الله يسلمج من الشر اختي مهابه واتسيرون واتردون بالسلامه
شوق القلوب
11-04-12 ||, 01:27 AM
الحمدالله ع السلامه مايد... عساك استانست
مزن هتان
11-04-12 ||, 11:06 AM
صباح الخير
من شوي راجعه من المستشفى، طالبين مني تحاليل
و الحين بالبيت ملانه، على اساس احضر حفل توزيع جوائز برنامج دبي للأداء الحكومي المتميز
بس تأخرت بالمستشفى !
مايهزك ريح
11-04-12 ||, 11:51 AM
الله يسلمج من الشر اختي شوق ..
الحمدلله استانست ما خليت مدينه ما سرتلها .. ^_^
طير الغرام
12-04-12 ||, 11:59 PM
مزن هتان // سلامــتج ياختيــه ،،
مايهزك ريح // الحمدالله ع السلامه ياخويـه ،،
مايهزك ريح
15-04-12 ||, 11:54 AM
الله يسلمج من الشر اختي طير الغرام
مايهزك ريح
26-04-12 ||, 10:56 AM
السلام عليكم ..
شو اخباركم اليوم .. واخيييرا ويكند ^_^
مزن هتان
26-04-12 ||, 01:53 PM
عليكم السلام و رحمة الله و بركاته
خوش ويك اند تصدق، الراتب نازل و قبله البونس
الحمدلله
مايهزك ريح
03-05-12 ||, 10:59 AM
السلام عليكم ..
شو السالفه الواحات محد فيها ..
الله يرحم ايام ما كنا نجتمع 2000 عضو في نفس الوقت
راحو الطيبين ^_^
حلم الطفوله
05-05-12 ||, 11:44 AM
وعليكم السلام أخوي
هيه والله صدقك راحووو الطيبين !!
أتوقع كلهم بتويتر الحين ..... الله يحفظهم
الا انا
05-05-12 ||, 06:50 PM
مساكم . ورد ~ شحالكم ..؟!
مايهزك ريح .. و المزوحي ..< بما انه ذوقكم حلو .. واحس لكم خبرة
مليون مره كتبت ردي كامل وما يظهر بس السطر يلي فوق ^
ليش جي !!؟؟؟؟؟
كنت كاتبه اني ابي مكان فدبي ولا الشارجه .. لورق جدران حلو .. لغرفه ( رجاليه ) شو تنصحون اي لون واي شكل ..!!؟
فكرت بالاووف وايت ولا بيج .!!
...
صبايا ابي رايكم بعد
طير الغرام
06-05-12 ||, 01:03 AM
لكـــم وحشــــه ،،
أدري تواجديــه قـل واااايــد ،،
السموحــه منكــم ،،
خيال الحب
06-05-12 ||, 10:55 AM
:heart: صبحكم الله بالخييرر:heart:
مايهزك ريح
06-05-12 ||, 03:02 PM
صباح النور والسرور حيالله سعود .. وينك مختفي
الا انا
06-05-12 ||, 07:48 PM
^
هممم !! مايهزك ريح ..!! اضني فالصفحه يلي قبل هاي محطيه لك سؤال ^^
مادري اذا تطلع لكم .. مليون مره كتبت الرد ويختفي !!
ماعليك امر بس ترد تقراه ..
ثانكس ...
...........
طير لج وحشه < رمضان جرب ..من الحين زهبي عمرج ^_^
..
مزن حبيبتي < تولهت عليج وايد .. شكلي برد البي بي عشانج بس
مزن هتان
07-05-12 ||, 07:50 AM
مزن حبيبتي < تولهت عليج وايد .. شكلي برد البي بي عشانج بس
هلا هلا بالغالية، بتنورين و ربي :heart: مبيّن مكانج
مايهزك ريح
07-05-12 ||, 11:04 AM
اختي إلا انا ..
في محل في دبي اسمه موراسبيك .. عنده ورق جدران فنان ..
انا افضل اخلط اللونين مع بعض يعني نص الغرفه اللون العاجي ( offwhite ) والبيج
United Arab Emirates
Muraspec
PO Box 34625
Dubai
UAE
Tel: 009714 3387399
Fax: 009714 3387401
Email: CustomerServicesUAE@muraspec.com
http://cdn.home-designing.com/wp-content/uploads/2009/02/syd_roomset_550-495x558.jpg
http://st.houzz.com/simages/19460_0_8-4045-tropical-bedroom.jpg
الا انا
07-05-12 ||, 12:55 PM
^
ثاانكس وايد ..^_^ تسلم ...
بروحله اكيد ...
مشكور :)
مايهزك ريح
08-05-12 ||, 09:41 AM
العفو اختي ..
السلام عليكم ورحمة الله وبركاته ..
الناس اختفوا وين سارو ..
المزوحي
08-05-12 ||, 03:28 PM
السلام عليكم
اشحالكم ، عساكم طيبين ؟؟
ضغوطات الحياة اليومية، بس بإذن الله نتغلب عليها :icon_rr:
مايهزك ريح
09-05-12 ||, 11:26 AM
وعليكم السلام حيالله المزوحي .. انا بخير والحمدلله
شو اخبارك انته.. شو مخططاتك للصيف ..
انا شكلي في الصيف ما بتحرك واذا بسافر يمكن عقب العيد ^_^
ذنـيـنـي
09-05-12 ||, 02:46 PM
:pickaxe_rune: هلوو
مايهزك ريح
10-05-12 ||, 10:39 AM
اهلييين وينك ناصر ..
طير الغرام
10-05-12 ||, 01:28 PM
مســــآ الـ خ ـيــر ~
اشحــآلكـــم ؟
:
الا انا // يــو توو
اممم ماينــدرى يعتمــد ع حالـة الواحــآت كيـف بتكـون !
أتمنــى اتكـون أحسـن من الحيــنه
^_^
خيال الحب
10-05-12 ||, 03:22 PM
:fa51: يا حيالله مايـــد ..
والله مشغولين بالدواااااام .. وماشي لا تيلفون ولا انترنت ولا بطيخ ولاشي .. والواحات ما تفج من الاي باد مادري ليششش:fa44:
الا انا
10-05-12 ||, 08:54 PM
><
وايد حبيت المنتدى الاعلامي هالسنه ~
جفت كلكلووش لول < عرفته على طول !!
اقول بخاطري مادري اقوله انته كلكلوووش لول < ماتخيل عمري اسويها ..
ماشاء الله عليه بعده يصور وشاد حيله .^^
...
طير .. < لا لا .. ما تسوى الواحات برمضان بدونج ^_^ لازم تكونين موجوده
مايهزك ريح
14-05-12 ||, 02:20 PM
الله يعينك يا سعود ..
مزن هتان
16-05-12 ||, 02:04 PM
عادي قولي له كلكلوووش :vertag:
متعودين على كلكلوووش، ما شاء الله عليه أحمد
متواجد دائما
الله يحفظه، دخلني مجال التطوع من 2006 :8:
المزوحي
16-05-12 ||, 03:09 PM
السلام عليكم
اشحالكم ؟؟؟
مايهزك ريح للحين مادري إذا بنسافر ، احتمال لندن مب اكيد .. بس اظن ماشي حجوزات بعد عسب اولمبياد لندن
حد يعرف مكان يسون حفلة يوم الميلاد حق اليهال ؟؟؟
مايهزك ريح
17-05-12 ||, 09:52 AM
وعليكم السلام ..
واخيرا الخميس ..
لندن بدون شي زحمه وين عاد وعندهم اولمبياد .. ما بتروم تتحرك ..
مزن هتان
17-05-12 ||, 11:42 AM
مروان عندك بالريف مول، وين الالعاب
و اذا ما خاب ظني في مردف سيتي بعد في منطقة الالعاب
المزوحي
17-05-12 ||, 03:45 PM
السلام عليكم
واخيررررررررررررررررا الخميس
صدقك مايهزك ريح ، زين بتسافر عقب العيد لانه هالفترة زحمه ولو الواحد يبغي يشرد عن الحر
مزن هتان، يمكن تقصدين fun city لانه نحن جربنا نسوي حق اخوها في العربي سنتر، مب شي ، كل اليهال اللي يايين منطقة الالعاب يفتحون الباب ويسون فوضه
مايهزك ريح
20-05-12 ||, 02:53 PM
سيراميك كافيه .. فنان اذا تبون اتسوون حفلة عيد ميلاد
المزوحي
22-05-12 ||, 06:30 PM
مرحبا مايهزك ريح ، ماخطر على بالنا سيراميك كافيه يسوي حفلة ليوم الميلاد ! بس الرضيعه حجزت في زون اللي في وافي ، بخبرها عن سيراميك حق غير هالمره .. وتسلم :k_blush-anim-cl:
مايهزك ريح
23-05-12 ||, 01:39 PM
يسلمك غاليك اخويه مروان
مزن هتان
27-05-12 ||, 01:09 PM
اللهم انصر شباب سـوريا وارفع عنهم الظلم والطغيان
اللهم ارحم موتاهم وتقبلهم شهداء
اللهم اشف جرحاهم
اللهم اربط على قلوب من فقدوا آباهم وأبناءهم وكل عزيز لديهم
رحماك يا رب بشعب هب لنصرة الدين ورفع الظلم والطغيان
اللهم وانصر إخوتنا في ليبيا
وولي اللهم على بلاد المسلمين الأخيار وادحر زمرة الأشرار يا قوي يا عزيز يا غفار
وصل اللهم وسلم على نبينا محمد
#مجزرة_الحولة
ماكو بايدنا الا الدعاء
مايهزك ريح
28-05-12 ||, 10:54 AM
لا حول ولا قوة إلا بالله .. الله يعينهم ..