مشاهدة النسخة كاملة : تــــويــــتر الــــواحــــات
مايهزك ريح
31-05-12 ||, 01:38 PM
شو مستوي .. محد يرمس ..
على العموم .. have a nice weekend every one
مزن هتان
31-05-12 ||, 02:18 PM
you too mayed :8:
المزوحي
05-06-12 ||, 09:29 PM
السلام عليكم جميعا
اشحالكم ؟؟؟
مايهزك ريح
05-06-12 ||, 09:59 PM
الحمدلله بخير انتو شو اخباركم
المزوحي
06-06-12 ||, 02:20 PM
الحمدلله ، الله يعافيك
يبالنا مكان نسترخي فيه .. شبعت من المولات
خيال الحب
17-06-12 ||, 03:50 PM
:whistling:السلام عليييكم
المزوحي عليييك بالبحرررررر
:laugh: انا استويت اسود ملكي من الشمس والبحررر خخخخخ
مزن هتان
19-06-12 ||, 12:09 PM
ام بشاير كلش مالها حس، عسى المانع خير :fa41:
المزوحي
19-06-12 ||, 04:29 PM
السلام عليكم
خيال انا سرت البحر ووديت اليهال بالمره ، انبسطوا الصراحه ويبون نكرر هالتجربه !
شو الاحوال ؟
طير الغرام
20-06-12 ||, 06:30 PM
مســــــآ الـــورد ~ ❀✿
اشحـــآلكـــم ؟
لكـــم وحشـــه
مايهزك ريح
21-06-12 ||, 02:24 PM
مساء النوووور ..
شو اخباركم .....
اخيرا يوم الخميس
مــهــابه
23-06-12 ||, 02:11 PM
مسا الورد ..
گيفگون ؟!
توحشنآگم برشآ برشآ ..
.
.
مزن :
موجوده يآختيه..
لگن مشآغل الحيآه وشويه ظروف خلتنآ نغيييب
توحشتچ يا بنت ..
.
اعلومكم ؟ واعلوم الجو الجمييييل وياكم ؟
مزن هتان
27-06-12 ||, 10:39 AM
هلا هلا، نوّرتي حبيبتي
على طاري الجو، من شوي مسوين لنا إخلاء حريق وهمي :boxed:
حرّ يا بو أحمد بننصهر و الحمدلله من شوي داخلين
مايهزك ريح
27-06-12 ||, 10:42 AM
هههه نحنا سوولنا هالسالفه بس كان ايام البرد ..
وشو اخباركم .. والصيف بدا والناس سافرو ونحنا السنه بنحرس البلاد ..
واخواني باجر بيسيرون امريكا .. ويغايضوني وانا ماعندي اجازه
مــهــابه
27-06-12 ||, 10:54 AM
النور نورچ مزن ..
مايهزك ريح :
انا بعد هلي الاسبوع الياي مسافرين واللي سافر ورجع واحنا صامدون ههه
بس انا احس هالسنه خاطري اسافر شهر ١١ ؛ ١٢ ع الاقل تكون الصغنونه كبرت شويه
واروم اشلها ..
المزوحي
27-06-12 ||, 05:46 PM
هلا
على طاري الاخلاء نحن مروا عندنا من شهرين تقريبا وجسموا اسكريم عقبها :9:
مايهزك ريح ماقدر اقولك خذ إجازة بدون راتب :crosseyed:
مايهزك ريح
28-06-12 ||, 12:59 PM
لا ما ابا .. ابا اصمد مع الصامدون واسير عقب على شهر 10 او 11 ^_^!!
المزوحي
28-06-12 ||, 11:20 PM
بعد يكون احسن عند زحمة الخليجيين :pullhair:
مزن هتان
10-07-12 ||, 04:38 PM
still @work, donno when we will finish
مــهــابه
11-07-12 ||, 01:48 PM
مســاگم ورد ..
طير الغرام
12-07-12 ||, 02:01 PM
مســـــآ الـ خ ـيــر ~ :14:
صريح
13-07-12 ||, 02:17 AM
صباح الليل :m_m6awa3:
طير الغرام
13-07-12 ||, 06:42 PM
مســــآ العصــــر ~ :whistling:
مايهزك ريح
15-07-12 ||, 10:36 AM
اخر الأخبار .. استوالي حادث انا والأهل والحمدلله طلعت من الحادث مب امصدق كيف استوى ..
فيه رضوض وحرق في ايدي اليسرى من الايرباج .. بس الحمدلله على كل حال ..
قدر الله ما شاء فعل ..
لين الحين يتراوالي جنه فيلم رعب
صوت الإرتطام وانفجار الإيرباج .. واني اجيك على الأهل اذا حد استوابه شي .
بس الحمدلله عدى على خير ..
والقهر اني مب غلطان .. انا واقف وهو نطر لي من الشارع الثاني دعمني ويه بويه !
مزن هتان
15-07-12 ||, 10:41 AM
ألف لا باس عليك أخوي مايد، و خطاكم الشر انت و أهلك :a050:
الهيثــم
15-07-12 ||, 10:51 AM
ما يهزك ريح :: الحمدلله على سلامتكم يا خوي واجر عافية ان شاء الله والحمدلله يت في الحديدة وكلكم سالمين
الحديد يتعوض لكن خارة النفس ما تتعوض ..
ذكرتني بحادث صارلي قبل 4 سنين .. نفس الحالة الصغارية وياي وتقريبا السيارة فل .. ودعمني واحد انحرفت سيارته من الخط السريع .. وانا كنت ف الشارع الرملي ودعمني
كل شي صار بلحظة بدون سابق انذار بس الحمدلله طلعنا منها بالسلامة بفضل من رب العالمين والسيارة تكنسلت ..
مايهزك ريح
15-07-12 ||, 11:54 AM
الله يسلمكم من الشر اخواني .. :12:
خيال الحب
15-07-12 ||, 02:48 PM
خطاااك الشررر يالحبيب .. بالحديد ولا فيكم ..
الحمدلله انه محد تعووور
:6: الواحد لازم يحاسب من سواقة غيره بعد مب من سواقته وخاصه قوم بو هنااد الله يستر منهم
مــهــابه
15-07-12 ||, 03:58 PM
الحمدالله ع السلامه خويه مايهزك ريح
الله يكفينا شر هالحوادث ..
الحمدالله يت ع السياره ولت في شي ثــآني..
والله الحوادث صايره تخوف ..
مايهزك ريح
16-07-12 ||, 08:09 AM
الله يسلمكم ويبعد عنكم شر الحوادث اخواني
طير الغرام
16-07-12 ||, 03:29 PM
^
ألــف الحمـدالله ع ســلامتكــم يــآخويـــه !
الاسطوري
16-07-12 ||, 03:53 PM
سلامات مايد ماتشوفون شر والسيارة تتعوض ان شاءالله اهم شي انتوا
المزوحي
17-07-12 ||, 04:29 PM
الحمدلله على سلامتك وسلامة الاهل مايد ، ماتشوفون شر إن شاء الله
والله يعوضك خير
مايهزك ريح
18-07-12 ||, 07:58 AM
الشر ما اييكم اخواني ..
ان شاء الله اتعاوض ..
صريح
18-07-12 ||, 09:48 AM
الحمد لله ع سلامتكم مايد
صباح الخير للجميع
مايهزك ريح
18-07-12 ||, 01:34 PM
الله يسلمك من الشر اخويه صريح
الاسطوري
19-07-12 ||, 11:33 AM
صباح الخير ..
شو خططكم لشهر رمضان
طير الغرام
20-07-12 ||, 01:37 AM
كـل خيـــر ولـه مصــبّ ولـه منـآبــع ~
اغتنــم خيــر { رمضــآن } مـن البدآيـه
لآ تقول : اليـوم مدري وش بتآبـع ..!!
قول : اليوم كم بحفظ من القرآن // آيه
-{ مبروك عليكم الشهر ~ :fa35:
طير الغرام
20-07-12 ||, 01:43 AM
الاسطـوري // مخططـــآتيـه لـ شهـر ارمضــآن :
- أتمنــى إنـي أختـم القرآن مرتيــن وإذا الله قدرني ثــلاث
- أتمنــى أروح العمـره إذا حد من الأهـل قـرر يروح فتـره يومين ولا ثـلاث قبل العشر الأواخر
+ كمـن يـوم من العشـر الأواخر لنـه أغلبهـم بيروحـون هالاسبـوع
- وأكيــد طبيـــخ هههه :h_6abakhah:هو لازم بسوي من الأشيــآ اللي ضاريـه أسويهــن + بجـرب أكــلات يديــده
- وآخـر شي المسلسـلات مافيـه أتابـع وايـد :whistling:
طير الغرام
20-07-12 ||, 02:25 PM
اليـوم أول جمعـهـ من شهــر رمضــآن
كثـّروا فيه مـن // الإبتهـآل والطآعـآت
جــدّدوا وصلكـم بـ كـل مـن { غــآب }
وادعوا لـ منهو مآت " يرحمه ربه "
-{ جمعهـ طيبـهـ ~ :laugh:
مــهــابه
20-07-12 ||, 03:49 PM
مساااا الورد
مبارك عليكم الشهر هل الواحات ..
اليوم متحمسه للطبخ لوول
وفطورنا كالتالي:
ثريد لحم
بيتزا + فطاير جبن وزعتر
هريس
والفواله :
بسبوسه
السنافر
سلطه فواكهه
قيمات
الله يهدي بيشو اليوم وتحب الميلسه وماتسويلي حفله ف المطبخ عسب اسوي كل شي ع راحتي
طير الغرام
27-07-12 ||, 03:14 AM
من بــدا ارمضـآن وأنا الصراحـه متأثـره بـ وفـآة أم أعـز اربيعاتيـه !
الله يرحمهــآ اتوفـت أول يـوم من ارمضـآن ،، ربي يصبرهــم ع فرقـآهـآ =(
مزن هتان
27-07-12 ||, 08:48 PM
لا حول و لا قوة الا بالله
الله يرحمها و يغفر لها و يصبر عيالها و اهلها
طير الغرام
28-07-12 ||, 01:50 PM
^
آميــــن يــآرب
خيال الحب
31-07-12 ||, 03:02 PM
السلام علييييكم
مبروك عليكم الشهررر يا ال الواحات
^___^
كيف رمضااان ويااااكم
سوري يعني يت متااااخر بس شو اسوي كنت محبوس بالدوام:fa43:
طير الغرام
01-08-12 ||, 03:38 AM
^
وعليكـــم الســلام والرحمـــه ،،
الله يعيينــكـ
وأهـم شي وصلـــت
وربي يعــوّد هـ الأيــآم المبروكـه علينــآ وعليكــم كل سنـه وكل حـول يـآرب
والحمدالله ارمضــآن يســركـ حــآلـه معانــآ
وشو عنـــكـم ؟
خيال الحب
01-08-12 ||, 04:14 AM
ياهلا والله بطيرر بنت الغرااام .. ان شاء الله دوم يارب
اليوم ثاني يوم بالبيت :thumbup1: والحمدلله الامور طيبه ومسيطرين ع الوضع تمام خخخخخ
طير الغرام
09-08-12 ||, 04:13 AM
ماشاءالله ارمضـآن السنـه خطـف بسـرعـه والحيـنه حدرنـآ العشــر الأواخــر
من اشـوي راده من القيــآم ،، احســـآس جميــــل =)
ربي يجعلنــآ وإيـــآكــم من العتقــآء من النــآر
خيال الحب
09-08-12 ||, 04:42 AM
امين يارب العالمين
هي والله صدقج كيف الايام تخطف بسرررعه
وبعدهم ال الواحات في سبات عميق خخخخخ يا الصيف وخلص الصيف ويا رمضان وبيخلص رمضان ولا حد بين
ليكووووون رحتوو ويا الباص:k_harhar1: الي راح ليلة رمضان وبيرجع يوم العيد خخخخ
طير الغرام
09-08-12 ||, 04:49 AM
^
ههههههه
مـآينـدرى ،، كلــن ولآهـي بـ مشـآغلــه أو يمكـن خــلاص ملـّوا !
وإحنــآ الحمدالله بعدنــآ متمسكيــن وماانتقلــت إلنــآ العـدوى المنتشـره :k_harhar1:
مزن هتان
09-08-12 ||, 11:20 AM
:k_sadwalk:
ملل، انزين و بعدين !!
المزوحي
15-08-12 ||, 06:50 PM
السلام عليكم
اشحالكم ؟؟؟؟
شو الهبه ؟؟؟ اتزهبتوا للعيد وإلا بعدكم ؟؟
وفي حد مخطط يسافر بالعيد ؟
طير الغرام
16-08-12 ||, 04:03 AM
^
وعليكــم الســـلام والرحمــه ،،
يســركـ الحــآل
والحمدالله هـ العيــد أحـس إنيـه متزهبـه من وقــت
لبـس أول يوم من زمـآن ماخذتنـه + الشنطـه والبوك والنعـآل (عزكم الله) من فتـره خذتهـم
والعبـآه أمـس خلصــت + الكنــآديـر من فتـره خلصــن بعــد
وغيـر إنـه هـ العيـد ماظنتـي انعيـّـد مع الأهـل فـ العيـن لنـه احتمـآل نتحـول فـ اجازة العيـد
شكليــه بخلـي نص الثيـآب حق عيـد الأضحــى :fa46:
وشــو عنـــكم ؟
مايهزك ريح
16-08-12 ||, 11:51 AM
انا الحمدلله مخلص كل اغراض العيد من وقت .. والأهل بيسافرون فيينا اول يوم العيد .. وانا ما بسير وياهم .. ^_^!!
ذنـيـنـي
16-08-12 ||, 12:30 PM
:m_bye: هلووو
هاو ار يو دوينق قايز
بين ا لوووونق تايم
انا ما خذت شي لين احين, امس كناديري خلصت و اليوم العصر بسير اشلها ان شاء الله
و بمر معسكر الفلاح او بسير الذيد باخذلي كل انواع و اشكال الغتر لأني ابا اكنسل الستاف كله,
سبحان الله اشتري غتر بالهبل و تختفي فالبيت و ما اتم الا الغتر الجديمه :wacko: (اتوقع كلكم تعانون من نفس المشكلة)
و فليل ان شاء الله يمكن امر مردف و اخذلي تكرمون نعال بو لسان كلاسيك من انتونيو
المزوحي
16-08-12 ||, 06:30 PM
السلام عليكم
ماشاء الله طير بالبركة
مايهزك ريح عاد السنة جدموا الناس حق السفر ، وايدين سافروا من امس وحد بيسافر اليوم
ذنيني ، انطونيو نعلتهم حلوه، انا خذت من تودز
خيال الحب
20-08-12 ||, 06:02 AM
كل عام وانتو بخير وعساكم من العايدين
الشعب في سباااات تاام خخخخ الا انااا جدولي مخربط @__@
شوق القلوب
20-08-12 ||, 08:03 PM
السلااااااام عليكم...
اهلا باصحابنا و اهلنا الطيبين :)
كل عام و انت بخير ... تقبل الله طاعتكم..
..
للحين العيد ماشي حاله.. زيارات من الاهل.. و تغيير جو..
بس مفتقدين رمضان والله ... الله يعودنا عليه بالصحه و العافيه ...
طير الغرام
22-08-12 ||, 05:01 PM
العيــــد // فرحـــة ماتكمــل إلا بـ وصلكــــم
وبهجــه ماتحــلى إلا بـ ~ صلـة أرحــآمكــم
http://oasis.bindubai.com/bin/uploaded/11845034d73545849.jpg
http://oasis.bindubai.com/bin/uploaded/11845034d7364a8ce.jpg
السموحــه منكــم ع القصــور والتأخيـــر
ماحــدرت الواحـآت إلا اليــوم ~ :ohboy:
بوزايد
22-08-12 ||, 06:08 PM
تقبل الله طاعتكم اخواني
مزن هتان
30-08-12 ||, 10:48 AM
لازم اصبح عليكم اليوم، صباحي غير :inlove:
صباح ملكي على غير العادة، صباح مدريدي فخم :fa41:
مايهزك ريح
30-08-12 ||, 03:07 PM
مسا النور ..
ياجماعه حد سار منكم سينما فندق الميدان
يقولون انه الشاشه مالت ال IMAX اللي فيها بارتفاع ثمان ادوار ..
افكر اسير هالويكند ^_^!!
مايهزك ريح
02-09-12 ||, 09:51 AM
السلام عليكم ورحمة الله وبركاته
صباح الخير ..
شوق القلوب
03-09-12 ||, 02:03 AM
السلام عليكم... شخباركم..
ما خبرتنا مايد.. سرت هالسينما ؟
..
شو رايكم في قتراحات لاماكن غير عن المولات.. يعني ينفع لطلعه وناسه...
مايهزك ريح
03-09-12 ||, 01:25 PM
لا ما سرت الأهل سحبوني وياهم بوظبي ..
الاسطوري
03-09-12 ||, 02:44 PM
بخصوص سينما آي ماكس واحد ويانا في الدوام سارها ويقول اضطر ييلس جدام وتوهق لانه يوم يتطالع كل شويه لازم يصد يمين ويصد يسار عشان يلحق يشوف اللقطه من كبره الشاشه فاول نصيحه لازم تيلسون ورا ولا ماتسوى عليكم ..
عقب ما اروح بخبركم رايي في المكان :tongue:
المزوحي
04-09-12 ||, 04:41 PM
السلام عليكم
الفندق سرت له مره اول مافتح، لكن السينما مادري عنها، وهالنوعية من الشاشة اللي تكون عشر اضعاف
الشاشه العادية اظن :k_shock_1:
مايهزك ريح صدقها شوق القلوب الواحد يبغي تغيير عن المولات، وانا اي مكان يديد احب اجربه
شو اكتشفتوا الفترة الاخيرة ؟
مايهزك ريح
05-09-12 ||, 08:50 AM
آخر شي سويته اني وقفت طابور ل cheese cake factory
دبي مول الاكل لذيذ بس الكميه ما تقدر اتخلصها
المزوحي
05-09-12 ||, 03:28 PM
مايهزك ريح سرنا مرتين زحمه، وربيعي كذلك سار، قالوا له اتريا ساعه, قلت بسير يوم بيخفون الخليجيين
مايهزك ريح
06-09-12 ||, 01:06 PM
اتعرف شو اتسوي
اول ما تدخل المول مر عليهم وخذ الريموت واسالهم كم الإنتظار .. اذا قالوا ساعه سير اتكشت وخلص شغلك ورد الهم قبل الوقت بعشر دقايق ..
نحنا جيه سوينا ^_^!!
المزوحي
06-09-12 ||, 03:44 PM
واخيرررررررررررررا الخميس
هلا مايهزك ريح، يبالي اسوي جيه :ohboy:
انا سمعت عن مكان في الشارجة اسمه قرية الشعب، لو يفيدونا اهالي الشارجة عبارة عن شو هالمكان
يسوى الواحد يسير هناك وإلا لا ؟!!
المزوحي
09-09-12 ||, 03:20 PM
السلام عليكم
اشحالكم ؟؟؟
العودة للمدارس ، العودة للزحمة ، الله يحفظهم
شو الاخبار ؟
مايهزك ريح
11-09-12 ||, 09:46 AM
والله تمام .. خططت للسفر على العيد .. ان شاء الله ..
رادين لزيورخ .. تولهت عليها ..
المزوحي
11-09-12 ||, 04:22 PM
هلا مايد، شو رايك تسير دوسلدورف :unclesam:
تدري نحن سوولنا تحقيق بسبب اليومين اللي خذناهم عقب العيد، صح من رصيدنا، بس لأنه 99%
غياب، فحسوا بالفوضى، مع إني بلغت مسؤولي
مايهزك ريح
12-09-12 ||, 10:01 AM
انا سرت دسولدورف شهر اربعه .. هالمدينه مال ثلاث ايام بس .. انا ما عيبتني على كثر ما مدحوها ..
عيبتني فرانكفورت وهامبورج اكثر .. ^_^
المزوحي
12-09-12 ||, 03:47 PM
مرحبا
حر ، زحمه
ولله الحمد
زيورخ زيورخ ، المهم تغيير جو :icon_rr:
مايهزك ريح
13-09-12 ||, 11:27 AM
هيه والله .. تغير جو .. ومكان وويوه وكل شي ..
صريح
16-09-12 ||, 04:29 PM
مساكم الله بالخير
:14:
مــهــابه
16-09-12 ||, 07:07 PM
^
مساك الله بالنور والسرور خّيوو ..
.
شحآلگم ياهل الوآحات ؟ يقول لگم في وحده شيطونه خربت فون امها لأن كل شي تحطه ف حلجها
ولين خذت ايفون يديد وچان ينزل ايفون ٥ ..
انا دوم نحسه ، من اخذ انا اخر ايفون ينزل اليديد عقبه بشهر او اقل مايبطي
ويوم اقول بتريا ماينزلون شي
برايهم =p
توحشنآكم .
صريح
17-09-12 ||, 10:33 AM
^
عادي خليها تحطه في حلجها و تودنه في قلاص الماي و اشتري الايفون 5 ههههه
مزن هتان
17-09-12 ||, 12:36 PM
أم بيشووو منوّره غاليتي :fa41:
اليوم كلش مو قاعد يمر الوقت
مايهزك ريح
17-09-12 ||, 01:28 PM
نحنا الوقت يمر بسرعه لانه عندنا تدريب على نظام يديد ^_^!!
وبعد شو اخباركم
مــهــابه
17-09-12 ||, 03:02 PM
صريح :
إذا بتاخذه لي هديه ماعندي مانع=p
المشكله هذا ٣ تلفون تخربه ، يفداها الفون لگن مب چي
بالغت لوول
.
مزن :
النور نورج حبيبة البي..
توحشنا سوالفج
شو رايج نتواصل ع الوتس آب
انا
احس النهار بدا يقصر والليل يطول ، ارقد وانش وارد ارقد وانش وهي بعدها الساعه ٣
مزن هتان
18-09-12 ||, 08:47 AM
يوم المدير ما يداوم "راحات" :icecream:
أم بشاير و ليه لا، ماكو مشكله
مايهزك ريح
18-09-12 ||, 03:16 PM
يوم المدير ما يداوم السكرتيره اتحاوط عندنا ^_^!!
وشو اخباركم اليوم ..
قصايد غلا
18-09-12 ||, 03:27 PM
مهابتـي : من أيام نطريج أنا و رمش الغلا ، كانت تنشدني عنج
أنا اختفيت من عالم الواتس اب في تلفوني الأساسي
ليتج بس تردين البلاك بيري .. أنا مادانيه الواتس اب مول ما فيه خصوصية
خاصة إنه رقمي الأساسي مخلتنه لكل شي (محلات ، موظفين المحلات ، للدوام ، الربع و الاهل ، الناس اللي ياخذون رقمي بالغصب :fa46: ، الدكاترة)، عيزت من كثر ما اسوي بلوك ><
و أخس شي يوم حد يرمسج و تسألينه منو ويايه؟ و يتم يتفلسف عليج و يقول لج : منو تتوقعيني أكون؟ :ohboy:
مــهــابه
18-09-12 ||, 04:30 PM
مزن
متاكده من الرقم ؟ خزنته انا
قصوده:
سلمي على رمش وايد
ياختيه ما الحب الا للحبيب الاولي..
البي بي كنت ماخذتنه ل ايام لندن ،سفر اكثر عن شهرين وعشان التواصل وچيه
عاااد شو بدي اعمل؟
توحشتچ
مزن هتان
19-09-12 ||, 08:19 AM
يمّه شلون يعني ؟!! رقمي من 11 سنة ياختي
متاكده منه أم بيشو :fa41: :fa46:
مــهــابه
19-09-12 ||, 10:57 AM
خزنته بس مابين انه عندج الوتس اب ><
ويت بطرش لج
صباحكم كابتشينوو
المزوحي
20-09-12 ||, 03:55 PM
السلام عليكم
واخييييييييييييييرا الخميس
بس الله يكفينا الشر الصبح حادث والظهرحادث ، اتحملوا وانتوا تسوقون !
الناس من الصبح بعد مستعيله، تقولون داخلين حلبة سباق، الله يهديهم،
بالرغم من إني احب منتجات ابل، بس شفت سامسونج جالكسي نوت 10.1 شو رايكم فيه ؟
http://www.samsung.com/global/microsite/galaxynote/note_10.1/images.html?type=find
مــهــابه
22-09-12 ||, 02:04 PM
مسـا الخير ..
وچان يخلص الويگ اند ><
الا انا
22-09-12 ||, 07:55 PM
بسرعه تمر الايام !!!!
><
المزوحي يمدحونه < خاصه للشباب يلي يحبون الكره ومادري شو ..امسات اسمع ولد عمتي يسولف عنه < يفتح مواقع حلوه وانه يجوف مباراتين بموقت واحد !! مادري شو خربط ,, والخ ..~
~
مــهــابه
24-09-12 ||, 04:42 AM
صباح الليل ..
فيّه گيلوو رقآد لگن صايره ماروم ارقد عدل مووول ، مادري ليييش؟!
مايهزك ريح
24-09-12 ||, 02:25 PM
مساء النور والسرور شو اخباركم اكيد مالكم خاطر اتسولفون .. باقي يوم على الراتب ..
وانزل يا جميل في الساحه .. واتمخطر كده بالراحه... مالك طالع بالعالي... يا مالي قلبي ليالي ^_^!!
المزوحي
24-09-12 ||, 05:15 PM
السلام عليكم
الا انا ، الحين اغتريت بالايفون فايف بعد ، شوفوا الطمع،
مايهزك ريح كلنا نتريا الراتب ، نبغي ندلع عمرنا يا اخي ( يحتاي نكافىء انفسنا )
طير الغرام
24-09-12 ||, 09:35 PM
مســــآ الخيــــر ~❥
مايهزك ريح
25-09-12 ||, 07:57 AM
حيالله المزوحي .. هيه والله اترياه ورايه بلاوي تترياه هالراتب .. اول ما بيوصل بشطب عليه .. ^_^!!
صباح الخير جميعا
صريح
25-09-12 ||, 11:22 AM
صبحكم الله بالخير
صباح النور مايد
مايهزك ريح
25-09-12 ||, 12:47 PM
مرحبا حيالله صريح ... خشمك
مــهــابه
26-09-12 ||, 02:00 PM
مساكم ورد ~..
امس اقول لخواتي اللي يبا سلف ١٠٠٠عندي هههه
راتب شهر ١١ مانباه قبل غايته ><
كان عندي رصيد توفير فيه بحدود ال١٦ الف هكا
وطاااارن هالشهر وتم منهن ١٠٠٠بعد
الحمدالله بيسدن لين تاريخ ٣٠ =)
المزوحي
26-09-12 ||, 04:38 PM
واخيرا نزل الراتب
وشحالكم بعد ؟
مايهزك ريح
27-09-12 ||, 11:51 AM
تمااااااااااااااااام واليوم الخميس .. بيطير المعاش ^_^!!
الاسطوري
27-09-12 ||, 01:07 PM
رزقني الله بولد في منتصف الشهر وسميته "يوســف"
الله يجعله من الصالحين
الـمـسـتـانـس
27-09-12 ||, 03:26 PM
آميين
المزوحي
27-09-12 ||, 03:47 PM
السلام عليكم
مايهزك ريح ، كفايه المعاناه، تمينا 45 يوم عيونا مثل التماسيح
لازم نمسك النوط الحين :m_atmasha:
الاسطوري مبروك ماياكم :5:
مايهزك ريح
30-09-12 ||, 09:07 AM
الاسطوري مبروك على الكتكوت ..
مزن هتان
30-09-12 ||, 09:26 AM
مبروك ما ياك أخوي الاسطوري و يتربى في عزكم ان شاء الله
"بارك الله لك فالموهوب لك و شكرت الواهب، و بلغ أشدّه، و رُزِقتَ بِرّه"
الا انا
30-09-12 ||, 10:15 AM
^
مبروك يالاسطوري ..يتربى بعزك ان شاء الله ~
مــهــابه
30-09-12 ||, 12:46 PM
مبروگ اخويه ع الاسطوري ع البيبي ، الله يطرح فيه البركه =)
وتستاهل سلامه ماماته ..
وبي ردي للصدعه والصياح هههه
الاسطوري
30-09-12 ||, 11:40 PM
"المستانس"
مشكور على الأبيات هاك اليوم رغم اني غيرت الاسم
"المزوحي"
الله يبارك فيك اخوي
"مايهزك ريح"
الله يبارك فيك وعقبال مانشوفك عيالك بعد
"مزن"
الله يبارك فيج، آمين يارب ومشكوره اختي
"إلا أنا"
آمين يارب ويالله شدي حيلج خلصي دراسه ترا ندور لولدنا عروس
"مهابه"
الله يبارك فيج اختي ويسلمج .. آمين يارب
احاول شويه اهيئ نفسي وماعليه بتعود غصب عني
الا انا
01-10-12 ||, 08:08 PM
^
هيه خلاص عيل ..يوسف حق بنتي من الحين لا تقول ما قلت p:
انا بس فالحه ايمع شهادات .. اتخرج واكمل ..اتخرج واكمل ..ماشي شغله 0_o
مــهــابه
01-10-12 ||, 10:30 PM
^
باجره يا ختيه الا انا
افكر اكمل ماستر ،بس اتريا بيشو تكبر طشونه
مايهزك ريح
02-10-12 ||, 11:07 AM
السلام عليكم .. صباح الخير ..
المزوحي
02-10-12 ||, 03:49 PM
وعليكم السلام
مرحبا مايد
اشحالكم ؟؟؟
والله نحن هالايام عندنا ضغط شغل رهيييييييييب، ومن غير موجة المشاكل اللي يتنا في الدوام، حتى قلت
بظهر عنهم احسن، بس فكرت إنه كل مكان في مشاكل .. الواحد يحتاي يرد من الدوام ينسى كل شي
ومن غير في خاطري احجز ( مساج )
مايهزك ريح
03-10-12 ||, 10:07 AM
حيالله المزوحي ..
يا بويه لا تعور راسك .. المثل يقول تياوز بمينونك لا اييك اللي اين منه ..
ويوم بترد من الدوام وبتصلي العصر .. اطلع من البيت وسير امش لمدة ساعه يخوز الضغط عنك .. وصدعة الدوام .. امش في الفريج
منه رياضه ومنه تريح اعصابك ..
شوق القلوب
03-10-12 ||, 10:50 AM
السلام عليكم..
صبحكم الله بالخير... شخبار اخواني الطيبين ؟
الحمد الله انه الجو بدا يتحسن شوي.. ع الاقل الصغاريه يرومون يطلعون العصر شوي ويلعبون...
شخباركم و شو خططكم للعيد ؟ اتجهزتوا ولا بعدكم ؟
مايهزك ريح
03-10-12 ||, 12:49 PM
وعليكم السلام .. حيالله اختي شوق القلوب .. :fa47:
في العيد ان شاء الله بكون في ربوع سويسرا تحديدا زيورخ .. :whistling::a033:
شتشوته
03-10-12 ||, 06:03 PM
الأسطوري الف مبروك وتربى يعزكم ان شاء الله
شوق والله بعدني ماسويت شي خلصت للكتكوته وتميت أنا بشوف الاسبوع الياي
وع طاري سويسرا مخلينها ع شهر ٣ او ٤ ان شاء الله
المزوحي
03-10-12 ||, 06:58 PM
مرحبا مايهزك ريح
صدقك والله، بس انا هالايام احاول امشي الصبح ، عشر دقايق تقريبا قبل ما اطلع للدوام
والعصر رطوبه ، بس بنسوي جدول مافي اشكال :police:
مايهزك ريح
04-10-12 ||, 01:13 PM
حاول عشان تنسى ضغط الشغل .. ويخوز عنك الملل ..
واخيرا اليوم الخميس .. ^_^
المزوحي
04-10-12 ||, 03:27 PM
السلام عليكم
اشحالكم ؟؟؟
مايهزك ريح ، صدقك
بس إن شاء الله جدولي يكون غير هالمره وفيه مغامرات
طير الغرام
06-10-12 ||, 09:19 PM
الاسـطوري // مبــروكـ مايـآكــم ويتربــى فـ عزكــمـ ^_^
طير الغرام
06-10-12 ||, 09:21 PM
http://oasis.bindubai.com/bin/uploaded/1184507067706f1de.jpg
يــآ عســآني أحضــر { أعيـــآدج } كـــل عـــآم
HaPpY first βirthDaλ Nooηã ~ ❥ 6/10/2012
كنت أتمنـــى اتكــون عنــدنــآ وتكبــر جــدآم عيوننـــآ
ربي يحفظهـــم ويــردهــم بـ الســـلامـهـ
~ Miss Her a Lot ❤
MY Niece NawaRY
الا انا
11-10-12 ||, 03:35 PM
^
فديتها ..عسى تجوفونها عروس ~
كل عام وهي بخير وعقبال المليون سنه ^^ الله يخليها لكم ..
فديت ايدها محنايه بعد كتكوته ما شاء الله :heart:
عمة العيم
15-10-12 ||, 10:38 AM
اوي إلا انا للحين عايشه @ـ@
مال اول حبيبتي والله
الا انا
16-10-12 ||, 09:20 AM
^
O_o
احلفي انتي بس !!
:k_puppyeyes:
مب جنه عندي عالبي بي ><"
هههههههــ .. مال اول ها ..زين .. زين
^
عبالج بمشي وياج وبقول هييه والله من زمان ماجفتج هههه < لوول ..الحين بتستلمني *_*
مــهــابه
17-10-12 ||, 11:10 AM
صبح صبح ..
گيفكون يآحلوين ؟
اليوم بدت العشر ويآحظ اللي بيروح الحج هالسنه ، حجة اليمعه غيييير
امس وديت بيشو الصالون اقص شعرها للعيد ، سسسوت لي مناحه ><
قصيت لها مدرج لوول
مزن هتان
22-10-12 ||, 01:19 PM
الله يسهل على حجاجنا و ييسر لهم و يكتبنا من حجاج السنة القادمه :fa41:
شوق القلوب
23-10-12 ||, 12:04 PM
صبحكم الله بالخير اخواني...
مايهزك ريح
22-11-12 ||, 11:32 AM
السلام عليكم ورحمة الله وبركاته
اخباركم .. اليوم
وشو شعوركم اليوم الخميس والجو حلو ..
مزن هتان
25-11-12 ||, 09:39 AM
عدنا :fa41:
ولهت عليكم فرد فرد خواتي و أخواني
شلونكم ؟
مايهزك ريح
25-11-12 ||, 03:09 PM
نحنا تمام انتي شو اخبارج
مزن هتان
26-11-12 ||, 07:32 AM
الحمدلله طيبه تسلم، متى بيرجعون الاعضاء
مو حلو المنتدى جذي !
شوق القلوب
26-11-12 ||, 12:57 PM
هلا مزووون... هلا مايد.. شخباركم ؟
مزن هتان
26-11-12 ||, 02:06 PM
أم حمد نحن بخير الحمدلله، انتي شحالج و شحال الصغارية :fa41:
مــهــابه
26-11-12 ||, 06:25 PM
مسـا الخير ..
آخبارگم الواحاتين ؟!
شوق القلوب
27-11-12 ||, 12:24 AM
هلا مزون.. مهابه.. كلنا بخير ربي يسلمكم..
شخبار بشوووره.. ؟
مــهــابه
27-11-12 ||, 11:54 AM
^
هلآ آم حمد ..
بيشو طيبه الحمدالله ؛ تبا تمشي آحين وگل شوي آطيح ..
وگككككل شي عندها بصيآح لووول ' بزا الدنيا فيها هالبنت
بديت افقد اعصابي واضرب لوول..
.
اعلوم الاستعداد لليوم الوطني؟! گل الناس عندها اجازه الا احنا :(
المزوحي
27-11-12 ||, 02:17 PM
السلام عليكم
انا مب صاحي من 13 يوم ماعرف حمى داخليه والا شو ، ومن ثلاث ايام مغص واسهال وانتوا بكرامه
الله يعينا
طير الغرام
28-11-12 ||, 12:06 AM
^
ســلامــآت يآخويــه ،، ومااتجــوف شـر !
مايهزك ريح
28-11-12 ||, 09:56 AM
سلامات مروان .. ما اتشوف شر اخويه .. وانا اقول وينه مختفي ..
شو اخباركم .. بعد
المزوحي
28-11-12 ||, 02:28 PM
الشر ما اييج اختي طير الغرام
لله يسلمك مايد ، الحمدلله على كل حال
شو استعداداتكم لليوم الوطني .?
ماشاء الله صوبنا البيوت مزينيين كأنه مؤسسة
مزن هتان
10-12-12 ||, 10:22 AM
ليش جي، ماكو أحد :bye2:
مايهزك ريح
10-12-12 ||, 10:58 AM
مادري كل ما ادخل القاها فاضيه ..
الناس كلهم على انستجرام
مزن هتان
10-12-12 ||, 02:01 PM
حسيت أنا بعد ! انستجرام و تويتر !
طير الغرام
11-12-12 ||, 01:01 AM
صبــآح الليـــل ~
:
الركــود اللي فـ الواحــآت + إنـه نادر ما انجوف مشاركـآت ومواضيــع يديــده
من الأسبـــآب الرئيسيـه اللي اتخلينــآ مآ نتـــوآجد دوم
:fa54:
وأنا الصراحــه من بيـــن اللي يستخدمــون برنــآمج الانستقــرام وايــد ^_^
مايهزك ريح
17-12-12 ||, 01:56 PM
مبرووووووووووك عليكم الرحمه ..
مزن هتان
17-12-12 ||, 02:03 PM
علينا و عليك مايد
المزوحي
17-12-12 ||, 03:29 PM
السلام عليكم
اشحالكم ؟؟؟
لكم وحشه
مزن هتان
18-12-12 ||, 08:39 AM
عليكم السلام و رحمة الله و بركاته، المزوحي
وين هالغيبة أخوي، لا تقطع الواحات ! كلش مو حابه
الهدوء، ادخل و اشوف المتواجدين اتضايق !
كلش ماكو أحد .. :k_sadwalk:
المزوحي
18-12-12 ||, 03:18 PM
هلا اختي مزن
والله مريت في محنه
بخبركم عقب
الواحات غاليه علينا
مايهزك ريح
23-12-12 ||, 10:47 AM
السلام عليكم ورحمة الله وبركاته
صباح الخير ..
مزن هتان
23-12-12 ||, 02:45 PM
الله المستعان أخوي مروان
عليكم السلام و رحمة الله و بركاته أخوي مايد،،، مسا الانوار
مايهزك ريح
23-12-12 ||, 03:07 PM
شو اخبار الواحات .. شكله محد يدخل غيرنا !!!!
مزن هتان
24-12-12 ||, 10:13 AM
ايييه شكله جذي
مايهزك ريح
24-12-12 ||, 01:40 PM
شو اخباركم اليوم باقي اسبوع واتخلص هالسنه ..
مزن هتان
24-12-12 ||, 02:24 PM
مثل هالوقت دوم حد من الاعضاء ينزل موضوع عن 2012 اجيفمنت و اهدافهم للسنة الياية و شنو يتمنون !
انا ودي اكون براس السنة في مكة، الله يكتب لي و للي يتمنى :fa41:
مايهزك ريح
25-12-12 ||, 09:00 AM
الله يكتب لج عمره يا رب
مزن هتان
26-12-12 ||, 07:21 AM
اللهم آمين
الا انا
26-12-12 ||, 05:00 PM
^
انا امس رديت من العمره ...~
فرصه هالفتره تروحون ..كله للخليجيين ...وماشي زحمه شرى قبل ~
مزن هتان
27-12-12 ||, 08:12 AM
بكلمج العصر :inlove:
مايهزك ريح
02-01-13 ||, 10:31 AM
شو اخباركم وشو السنه اليديده
مزن هتان
06-01-13 ||, 08:41 AM
الحمدلله بخير طيبين =)
كفو عليهم #منتخب_الامارات، أمس فرحونا :fa41:
ثقه و لعب حلو "متعة"
مايهزك ريح
08-01-13 ||, 09:39 AM
شكله محد غيرنا في الواحات .. !!
مزن هتان
08-01-13 ||, 02:07 PM
هيه والله ! نحن الصامدين يا مايد
الـمـسـتـانـس
08-01-13 ||, 11:20 PM
الله يحفظكم و مبروك عليكم تأهل المنتخب رغم الأداء الهزيل
المزوحي
11-01-13 ||, 04:55 PM
السلام عليكم
انا مانسيت الواحات، لكن أمر بظروف
أدعو لي بالشفاء
ريم العين
12-01-13 ||, 01:16 PM
السلام عليكم
^^
ربي يشفيك يالمزوحي وتقوم بالسلامه باذن الله
طير الغرام
13-01-13 ||, 10:23 PM
ما اتجـوف شـر يـ المزوحي !
:
مســآكــمـ خيـــر ^_^
مايهزك ريح
14-01-13 ||, 12:37 PM
ما اتشوف شر اخويه مروان .. سلامات
شو اخباركم شو علومكم .. ماشي جديد
طير الغرام
14-01-13 ||, 08:47 PM
^
لآ جــديد ،، وشــو عنكــمـ ؟
شوق القلوب
16-01-13 ||, 01:54 AM
السلام عليكم..
شخباركم يالغالين ؟
والله هالمكان ما يتعوض.. غييييييير عن كل شي موجود حوالينا... :)
..
المهم..
الحمد الله ... سرنا العمره في الاجازه.. بس فرررق يوم يسير الواحد خالي.. ويوم اتكون عنده مسؤوليه اليهال.. بس الحمد الله ع الاقل شافوا الكعبه و عرفوها...
والحمد الله من ردينا و انا و عيالي مريضين... ما ادري من شو.. مع انه كل اللي ويانا الحمد الله بخير... هالكحه هالكتنا ...
و الحمد الله بعد.. ونسوووووووووووووونا المنتخب... عجيب لعبهم ماشاء الله .. جدا منظم و حلو.. ولو انه نزل شوي في الشوط الثاني.. بس الاهم انه فززززززناااااااااااااااا
...
ابيييييييه.. زيغه .. سمعت حس في البيت .. والكل في البيت رقووود..
الهيثــم
17-01-13 ||, 11:07 AM
حيااا الله الطيبييييين ... حيا الله اهل الدار .. حيا الله اهل الواحات
حياا الله الماضي والحاضر والمستقبل .. .. حيا الله الأيام الحلوة
حيا الله النفوس الطيبة الي ما تغيرها الأيام .. حيا الله الذكريات الحلوة الي جمعتنا
يا مرحبا بكم ..
المزوحي // أجر وعافية يالغالي .. ما تشوف شر يا مروان
مزن هتان // من المقاومات في الواحات
شوق القلوب// تقبل الله طاعتكم وعمرتكم .. وأجر وعافية وما تشوفون شر ان شاء الله
انا كنت غايب فترة طويلة وادخل الواحات لكن بانقطاع .. وكان لي عذري ..
أخوكم هيثم تقريبا من شهر كان عرسه ، والحمدلله رب العالمين أن وفقنا وتزوجنا ودخلنا القفص الذهبي ..
وعقبال جميع العزاب والعزابيات ..
مايهزك ريح
17-01-13 ||, 12:43 PM
هلووووووو شو اخباركم ..
مزن هتان
17-01-13 ||, 01:22 PM
المزوحي سلامات أخوي، معافى ان شاء الله
أم حمد :fa41: تقبل الله حبيبتي و لا بأس عليكم
أخوي هيثم، ما شاء الله "بارك الله لك، و بارك عليك و جمع بينكما في خير"
د. طير الغرام :fa41:
شوق القلوب
22-01-13 ||, 10:38 AM
هلا والله .. هلا بالعريييس... مبرووووووك :)
اللهم بارك لكما و بارك عليكما و اجمع بينهما على خير،،،،
..
مايد مزوون الهيثم...الله يبارك فيكم و يسلمكم... :)
..
عيالي هاليومين مستانسييين على عمووووري ... من زوةد ما المعلقين يطرونه في المباريات... و الحين من يطلع المنتخب يدورونه.. وين عموووري ..ههههه
و الحمد الله خذنا الكاس... كان يوم جميييييل ^ـ^ ونسوونا
الهيثــم
23-01-13 ||, 09:03 AM
مزون // اللهم آمين .. الله يبارك فيج اختي
شوق القلوب // اللهم آمين ،،، الله يبارك فيج يا رب
مزن هتان
31-01-13 ||, 07:19 AM
السلام عليكم،،
أصبحنا و أصبح الملك لله
رحت الكويت 3 ايام امس الفير راجعه، كانت عدنا حالة وفاة
الحمدلله ع كل حال ... اليوم داومت عن الحلال و الحرام يوم واحد
ذنـيـنـي
01-02-13 ||, 11:24 AM
عظم الله اجركم مزن
ذنـيـنـي
01-02-13 ||, 11:26 AM
و علوم الشباب و الصبايا,,, اشتقنالكم والله
التيلفونات الذكية خذتنا عنكم,,,,
الصور في انستغرام و تمضية الوقت في تويتر و الضحك في كييك و الاخبار في flipboard
مزن هتان
03-02-13 ||, 09:55 AM
الدوام لله أخوي ناصر
مايهزك ريح
03-02-13 ||, 01:28 PM
عظم الله اجركم اختي مزن ..
حيالله ناصر وينك من زمان
مزن هتان
04-02-13 ||, 10:00 AM
الخلاّف الله
المزوحي
06-02-13 ||, 08:04 PM
السلام عليكم
الشر ما إييكم اخواني
مبروك الهيثم ...
مزن هتان عظم الله أجركم
خيال الحب
09-02-13 ||, 12:52 AM
احسن الله عزاكم اختي مزنه
هيثم الف مبروك يالطيب
عااد هات لنااا صينية عيش ولحم ع حساب نصووور وطرشها بارسل جداا راااك :whistling:
ياحيكم والله يا اهل الواحات الصامدون:1:
ماندري متى راح ندخل المره اليايه
اتمنى الكل يكون بخير وصحه وسلامه^^
وسامحوونااا
مــهــابه
09-02-13 ||, 07:17 PM
هااااي كيكرززز > بنضرب لوول
اخباركككككم ..
توحشناكم
ام حمد :
تقبل الله ، انا الحمددددالله بعد سرت ؛ وخليت بيشو بيت اهلي ، سويت مناحه يوم واحد وعقب عادي
لاني ماكنت اباها تتلعوز وخصوصا انها توه مكمله سنه
الهيثم :
مبررررررروك ؛ منك المال ومنها العيال..
وشو يديدكم ؟
يقولكم من بدت بيشو تمشي وانا نازله ٣كيلو لول
قررت ايب خدامه ><
بوزايد
09-02-13 ||, 08:59 PM
المكان له وحشة
دمتم بود اخواني
مايهزك ريح
10-02-13 ||, 03:03 PM
شو اخباركم الصامدون
مزن هتان
11-02-13 ||, 11:14 AM
الدوام لله، المزوحي و خيال يزاكم الله خير
شوق القلوب
12-02-13 ||, 11:58 AM
السلام عليكم..
هلا والله ...
مزون... احسن الله عزاكم.. و اسمحيلي.. متاخره..
..
ربي يسعد ايامكم جميعا .. وجودكم يرسم البسمه :)
انتو الناس اللي ما يتعوضون ...
مزن هتان
13-02-13 ||, 09:00 AM
مسموحه حبيبتي أم حمد، الدوام لله
مايد الصامدون بخير ههههههه، نزلوا لنا البونس هالسنة الحمدلله =)
عقبالكم كلكم
صريح
13-02-13 ||, 10:31 PM
:icon_rr:
مايهزك ريح
14-02-13 ||, 09:06 AM
مبروووك مزن هتان على البونس .. نحنا مادري يمكن هالشهر او الشهر اللي بعده ^_^
راعي الزعـامه
19-02-13 ||, 03:58 PM
الحمدلله نزل البونس و خلص عالمخالفات و الفواتير ،، الله يعوضنا خير ،،
مساءكم منتدى صامد رغم التحديات ،،
الهيثــم
24-02-13 ||, 11:42 AM
مزن // عظم الله أجرج اختي
خيال الحب // ههههههه الصينية جاهزة فديتك .. عند المدفون بعد ,, والله يبارك فيك يا رب
مهاابة // الله يبارك فيج اختي ،، ومبرووك عليج بيشو تتربى ف عزكم ان شاء الله ^__^
مزن هتان
25-02-13 ||, 08:17 AM
السلام عليكم و رحمة الله و بركاته
الخلاّف الله أخوي هيثم، يزاك الله خير
صباح الخير
الهيثــم
25-02-13 ||, 11:36 AM
صباح النور والسرور
شوق القلوب
05-03-13 ||, 09:01 AM
السلام عليكم... صبحكم الله بالخير..
شخباركم ؟ عساكم بخير...
..
وينه المزوحي.. شكله قطعنا خلاص ؟!
مزن هتان
05-03-13 ||, 09:12 AM
عليكم السلام و رحمة الله و بركاته
يصبحج بالنور و السرور أم حمد،،، نحن بخير اذا انتوا بخير
ياختي مالهم حس كلهم مو بس المزوحي
المزوحي
10-03-13 ||, 12:50 PM
السلام عليكم
اشحالكم ، عساكم طيبيين ؟؟؟
مرحبا اختي شوق القلوب ، ماودي اقطع الواحات ، لكن ظروف مرضي ... حتى صار لي فترة ما اداوم ... الله المستعان ..
شو أموركم
مايهزك ريح
12-03-13 ||, 03:08 PM
تمام .. من يومين راد من امريكا ^_^!!
شوق القلوب
13-03-13 ||, 08:51 AM
السلام عليكم..
سلامتك يا المزوحي... ما من شر ؟
..
الحمد الله ع السلامه مايد.. كيف كانت السفره ؟
..
مزووووني.. شخبارج ؟
مزن هتان
13-03-13 ||, 11:26 AM
هلا شواقه ،، طيّبه طاب حالج عزيزتي
المزوحي أجر و عافية أخوي
مايد سلامة الاسفار
مايهزك ريح
14-03-13 ||, 01:20 PM
الله يسلمكم من الشر كانت سفره حلوه ما خليت مكان ما سرتله طلعت كل اللي في خاطري ^_^
شوق القلوب
24-03-13 ||, 09:22 AM
السلام عليكم...
اتمنالكم اسبوع جميل مليء بالانجازات الطيبة
مزن هتان
24-03-13 ||, 01:18 PM
و لج بالمثل شواقه :fa41:
الصبح العوز ربيعتي اسوي كنترول ع السكرين تبعها
تضحك تقول فكيني،، ملل طالعين اجازه باقي البنات و الاسبوع الياي
بكون بروحي هي بعد بتطلع اجازه
شوق القلوب
01-04-13 ||, 02:22 AM
مساكم الله بالخير،،، :)
مايهزك ريح
01-04-13 ||, 10:40 AM
صباح الخير .. شو اخبار الإجازه ..
شوق القلوب
02-04-13 ||, 06:13 PM
السلام عليكم...
والله الاجازه للحين كلها في البيت... بس الاهم لمه الاهل... احلى شي
شوق القلوب
14-04-13 ||, 08:15 AM
السلاااام عليكم...
شخباركم ؟
اليوم ردينا للمدارس و الله يوفق الجميع :)
مزن هتان
14-04-13 ||, 09:29 AM
صباح النشاط ام حمد
ربي يوفق جميع الطلبة :fa41:
شوق القلوب
02-06-13 ||, 12:14 AM
السلام عليكم..
شخباركم ؟ طمنونا عليكم ولو بمرور سريع...
المكان ماله قيمه بلاكم ... !!
المزوحي
03-06-13 ||, 12:03 PM
السلام عليكم
اشحالكم ?
انا سويت حادث من عشر ايام في شارع محمد بن زايد ( شارع الامارات سابقا ) ماتوقعت اني بعيش ، الحمدلله رب العالمين
عندي رضوض في اليد، وللحين اعالجها ....
مزن هتان
04-06-13 ||, 07:31 AM
خطاك الشر أخوي المزوحي، و الحمدلله عالسلامة
الله يحفظك
شوق القلوب
04-06-13 ||, 01:47 PM
اوووووه... ما اتشوف شر يا المزوحي ...
والحمد الله ع سلامتك...
قلبي عوني عليك.. الحمد الله انك بخير .. اتحمل يا اخوي
الـمـسـتـانـس
13-06-13 ||, 08:44 PM
الحمدلله عالسلامة المزوحي
نجمة دبي
24-06-13 ||, 10:18 AM
الحمدلله على سلامتك .. وما تشوف شر.. طمنا عليك اكثر
الحاضر الغايب
30-06-13 ||, 11:04 PM
حمد الله على السلامة وما تشوف شر يالمزوحي
المزوحي
07-07-13 ||, 12:52 AM
لله يسلمكم جميعا
عقيت الجبس من أيام ، والألم بعده، قلنا نسوي عنزروت، وأمس شليته ..
بس ان شاء لله خير
مبروك عليكم شهر رمضان
نجمة دبي
07-07-13 ||, 10:31 AM
ما تشوف شر .. وربي يعطيك الصحة والعافية .. ومبرك عليكم الشهر
نجمة دبي
07-07-13 ||, 10:33 AM
حبيت اخبركم اني بسافر يوم الخميس ان شاء الله .. لاول مرة بعتمر .. وعقبال اللي ما اعتمروا
مزن هتان
07-07-13 ||, 10:37 AM
نجمة دبي :heart: ربي يسهل عليك عمرتك
لا تفوتين و لا دقيقة من وجودك بالحرم، ربي يكتب عمره قريبة
شوق القلوب
09-07-13 ||, 10:29 PM
السلام عليكم
كل عام و انتو بخير حبايبي
الحمدالله انه الله رزقنا هالشهر و الله يرحم كل من ما ادرك رمضان
رتم الحياه هالايام ما قام يخلينا نستشعر روحانيات هالمناسبه الغاليه علينا
اوصيكم و نفسي لا تنشغلون بالتلفزيون و المسلسلات و استغلوا هالشهر الكريم
هذا شهر القران و العبادات مب شهر التجهيز للعيد ولا التجهيز للاكل
الله يرضى علينا و عليكم
الهيثــم
17-08-13 ||, 11:57 AM
وينكم يا أهل الدار
مايهزك ريح
18-08-13 ||, 11:23 AM
السلام عليكم ورحمة الله وبركاته
ماشي اخبار :fa44:
مزن هتان
20-08-13 ||, 12:33 PM
عليكم السلام و رحمة الله و بركاته
حد هني ؟
مايهزك ريح
21-08-13 ||, 11:26 AM
انا بس ادخل واطلع
المزوحي
31-08-13 ||, 11:01 PM
السلام عليكم
اشحالكم عساكم طيبين ?
الواحد ماينسى هالمكان والناس الطيبه
بس الظروف تبعدنا
اتولهت على الواحات
المزوحي
25-09-13 ||, 02:57 PM
السلام عليكم
كيف الحال اهل الواحات
عساكم بخير ؟؟
شو اليديد ؟
شكلكم يبالكم برزه لأنه استوينا بعاد عن بعض
كل واحد لاهي في حياته
واللي خلاكم تلتهون اكثر الانستجرام
بس هنيه غيييير
يالله قبل نصيح يوم يوقفون الخدمه وعشان السيرفر
والحين محد يبانا !!!!
لا تقطعون يا جماعة الخير
الـمـسـتـانـس
25-09-13 ||, 07:51 PM
بالفعل
قبل نصيح يوم يوقفون الخدمه وعشان السيرفر
والحين محد يبانا !!!!
سبحان مغيّر الأحوال .
ذنـيـنـي
11-10-13 ||, 03:47 PM
هاااي كيكررررز
الضوو مب طايع يلبببق:boxed:
الهيثــم
19-10-13 ||, 10:48 AM
أذكر ايام ما كنا نلحق نقرا المشاركات .. والحين ............. الله المستعان
شوق القلوب
19-10-13 ||, 10:59 PM
:)
ما اقول غير الله يسامح من كان السبب !!
،،
كل عام و انتو بخير ولو انها متآخره شوي
كيف كان عيدكم ؟
راعي الزعـامه
24-10-13 ||, 03:30 PM
كل عام وأنتم بخير
لكم وحشه :)
شوق القلوب
27-10-13 ||, 01:56 AM
و انت بخير و صحة و سلامة :)
مايهزك ريح
27-10-13 ||, 11:36 AM
شو اخباركم
شوق القلوب
27-10-13 ||, 11:17 PM
الحمدالله .. ربي يسلمك و يعافيك
مزن هتان
28-10-13 ||, 11:44 AM
مزن شلون الواحات، اول سؤال انسأله من العضوات اللي متواصله معاهم برع الواحات
تيني ضيقه الحين يوم أحدر لأني أعرف ما بحصل حد
الله يحفظ الجميع
المزوحي
28-10-13 ||, 08:43 PM
السلام عليكم
اشحالكم ؟؟
كتبوا مواضيع ونحن بنشارك
ذنيني على طاري الضو ، اسميها انتشرت
الهيثم شدوا حيلكم وردوا للواحات
شوق القلوب وانتِ بخير
راي الزعامه خلنا نتواصل في الواحات
مايهزك ريح مرحبا اخويه ، كيف الحال ؟؟؟؟
سرت ستي ووك والا بعدك ؟ ������
مزن لاتحاتين، قولي لها الواحات ردت مثل أول
شوق القلوب
29-10-13 ||, 08:57 AM
السلام عليكم...
المزوحي... ع طاري السيتي ووك... وين مكانه و كيف ندخله.. و شو فيه ؟
اشوف وايدين حاطين عنه في الانستقرام ...
المزوحي
29-10-13 ||, 02:18 PM
مرحبا شوق
بعدني ماسرت له ، فيه محلات وكوفيات
اذا كنتِ يايه من صوب معبر الخليج بتاخذين
جسر المركز المالي كأنه سايره صوب جميرا
وين بنك الامارات دبي الوطني قبل التقاطع
الكبير وقبل محطة اينوك، بتحصلين دخله
على اليسار ؛ في مواقف وراء
واذا ماعرفتي خبريني بشرح لچ من صوب ثاني
صح وايدين حاطين على الانستقرام؛ كل يوم يزيدون كم صوره
شوق القلوب
04-11-13 ||, 09:09 PM
هلا...
المزوحي... ثاني يوم كنا سايرين جميرا... و عقب ردينا بندخل شارع الشيخ زايد... صدفه مرينا من صوبه... ما نزلنا كان ورانا مشوار... بس المكان شكله حلو.. خصه في هالجو...
انا كله ع بالي انه عندال دبي مول... ثرا طلع صوب جميرا..
..
المهم سؤال ثاني... شو من الحدايق حلوه للصغاريه... يعني زحاليق و مريحان... و من هالسوالف ؟
المزوحي
11-11-13 ||, 09:19 PM
هو لو كنتي يايه من معبر الخليج ومريتي على دبي مول كأنج سايره جميرا بيستوي على ايدج اليسار
بالنسبه للحدائق بتكون الحدايق اللي في الفرجان
أو حديقة وومشى ند شما الليفي راشدية دبي
مايهزك ريح
07-01-14 ||, 02:36 PM
شو اخباركم .. اليوم جميل ومطر
المزوحي
02-02-14 ||, 05:49 AM
بدا يتغير الجو وهاليومين احس حر في النهار
ابغي اغير الروتين ، تراني افكر بصوت عالي :)
بحر الموده
03-02-14 ||, 11:41 AM
السلام عليكم
مبروك عليكم امطار الرحمه
شخباركم طمنونى عنكم اشتقت لكم وايد
شوق القلوب
04-02-14 ||, 09:53 PM
هلا باخوي بحر الموده..
الحمد الله .. امطار خير و بركه.. الجو يفتح النفس...
مزن هتان
11-03-14 ||, 07:55 AM
السلام عليكم و رحمة الله و بركاته
ياخي ما اتخيل نفسي من غير الواحات، كنت خايفه انه بن دبي
صكرها بس أدخل شبه يومي أتأكد...
صباحي واحاتنا الجميلة :fa41:
حفظ الله جميع المتواصلين و الغائيبين بعد
شوق القلوب
11-03-14 ||, 05:26 PM
هلا بالمزن..
انا اكثر والله ... قلبي يعورني كل ما كنت ادخل و ما تفتح...
شكرا بن دبي :)
المقاتل
12-03-14 ||, 01:59 PM
وأنا افتح الواحات أشوف error .. قلت لا أستوت الخايسة .. بس ربكم ستر .. " شكلها فواتير الواحات زايده " :k_sadwalk: والأسهم نازلة .. وماشي سواح لأسف ..
أنا أقترح نسوي تحديث يديد للمنتدى .. Oasis.Andriod 4.4 Kitkat ولا شورايك بن دبي :P ترا للحين ما نزلوا كيت كات للسامسونج الله يخس السالفه
:a070:خدا حافز