برامج دعم مشاريع الشباب

[ريف المشاعر]

اخوااني و خوااتي اول شي امباااركن عيدكم مع انه العيد خلص بس عسا ايامكم كلها اعياد وفرح

:redface:
انزين اممممممم اذا كانت عندي أفكار لمشاريع مميزة و حبيت أنفذها و قدمت تصور ولا نبذة عن هالمشاريع في برامج دعم مشاريع الشباب مثل صندوق خليفة أومحمد بن راشد........كيف أضمن انه محد يسرق أفكاري؟
:crazy:
لا تضحكون عليه خخخ تراني ما قد سويت بزنس ولا لي خبرة في هالمجال أخاف اسير اقدم عندهم عشان يدعمون مشروعي يلبسووني الباب و حد غيري عنده الإمكانية اينفذ المشروع من جيبه الخاص
:9:

اذا كانت الكم خبرة ولا تجربة في هالشي أفيدوني يزاكم الله خير

:wink:

[خيال الحب]

والله ماعندي اي فكرره عن هالشي..

انا بعد عندي كذا مشروع في بالي.. وماعرف كيف اقدم..

انا فليل بدخل موقعهم وبشوف لو حصلت شي يفيدج برجعلج هنيه ^^

[الـمـسـتـانـس]

السلام عليكم .. انا ماعندي خبره معاهم .. ولكن ..

الي اعرفه .. انج تدرسين المشروع قبل لا اتسيرين عندهم .. لأنهم يبدون معاج المشروع من الألف لين الياء .. يعني إذا كنتي محضرة دراسة جدوى هم بيراجعونها لج و إذا بعدج في حيز الافكار .. بينزلون مشروعج من راسج للورق و الواقع ..
طبعا سرقة الافكار كلنا نخاف منها .. بس ما اتصير الا لما صاحب الفكره يكون مهزوز يوم يعرضها أو يحسس غيره انها مب فكرته ..
او يغلط و يعرضها عند مطورين المشاريع .. و هالنوعيه موجوده .. بس قلة منهم الي تواصل .. ولا تنسين انج انتي اصل الفكرة و المنتج .. فتقدرين اتطورينها او تنتجين غيرها .. او تتركينها على حالها مع فارق الجودة عندج ....

امممممم توكلي على الله و سيري لهم و ألله يجعل التوفيق حليفج و يسهل امورج

[ريف المشاعر]

مشكور أخويه خيال الحب...مشكوور أخويه المستانس :) قلتلي الاشيا اللي بغيت اعرفها كفيت ووفيت

[خيال الحب]

السلام عليكم

الي عرفته انهم يعطونج تمويل لو عندج مشروع.. المليون ونازل ماعليها فوايد واكثر من مليون عليها فوايد 20% يعني المليون تطلع عليج 20 الف جي..


وللحديث بقيه

[ريف المشاعر]

وعليكم السلام هلا اخويه خيال .. أنا قالوا لي إنهم يمولون المشروع وأدفع الهم من الأرباح :ohboy:... يعني مثل ما قلت يمكن الشي الوحيد اللي بستفيد منه سالفة الفوايد ...

ماقصرت يااخووي وتسلم :k_smile2:

[ريف المشاعر]

http://www.sme.ae/ موقع فيه كل التفاصيل و نماذج طلبات التمويل