نيسان باترول فئة XE قريبا

[الاسطوري]

السلام عليكم ..

قريت خبر ممكن يسعد البعض بخصوص طرح فئة يديدة من نيسان باترول
الفترة اليايه وحبيت أنقل لكم الموضوع
للإستفادة

بات مؤكدا طرح موديل بجير عادي من النيسان باترول الجديد حيث ان الموديل الحالي يأتي حصريا بناقل حرة اوتوماتيكي

وسوف تأتي السيارة الجديده بناقل حركة عادي من 6 سرعات (XE ) ومواصفات اقرب للاستخدام خارج الطرق المعبدة <<<سمعت هالكلام
وقد سألت شخصيا احد مندوبي المبيعات لما كنت مودي سيارتنا الصيانة عن الموديل هذا .....

قال انه بيكون بجير عادي ورنجات 17 انش ومصد امادي مختلف وربما بلون اسود وبقوة 320 حصان (نفس المحرك الستاندر)
وقد يكون السعر اقل من سعر فئة SE بحوالي 20 الف الى 15 الف درهم وموعد نزوله في الصيف وبالتحديد في شهر رمضان .....

______
هنيالكم محبي الستاندر
http://arforums.qatarsale.com/imagehosting/49414c0d5ad888901.jpg

للأمانة الموضوع منقول من منتدى الخليج للسيارات

الاســـطـــوري
أخوكم

[الحاضر الغايب]

ومتى نزول الهاردتوب ..؟؟

تسلم على المعلومات

[شوق القلوب]

السلام عليكم..

صح ما يخصني في الموضوع.. بس اكيد الشباب بيستانسون عليه للبر والتصعييييد

يسلموووو الاسطوووري

[المزوحي]

الاسطوري اظن ارخص واحد 195

مشكور على الخبر

[بحر الموده]

وعليكم السلام ورحمة الله وبركاته

هاى المواضيع لى تبرد الافاد ...تسلم الاسطورى على طرح الموضوع

وبطل الدروب موتر ماعليه كلالالالالام صراحه .. والاستاندر قادم فى الدرب ..كفووو على نيسان تنزل مكينة 8 سلندر وجير عادى بعد

والشباب متحمسين عيل يتريونه لووووول ..وعن الفتك بو باب واحد الشكل الجديم بتنزل عليه مكينة فتك مطوره ...ومشكور مره ثانيه وماقصرت

،،،بحر الموده

[الاسطوري]

"الحاضر الغايب"


ماتوقع انهم ينزلون هاردتوب على الشكل اليديد ولكن حسب علمي ان الشكل القديم بيستمر فترة وترا فيه فئة الهاردتوب
(للخوات, الهاردتوب هو نيسان باترول باب واحد) ولكن مانزل في
الشكل الاخير


"شوق القلوب"


أكيد الشباب بيستانسون لأنهم من الحين مب مقصرين في الفئة الموجودة وشفت شباب الله يهديهم يستخدمون
الشكل اليديد في البر كأنهم يسوقون نيسان موديل 90 لاعنين
ابو صير السيارة


"المزوحي"


انا احيد ارخص واحد في الفئات الحالية حدود 180 الف، واتوقع اليديد بتكون بعد اسعاره وسط
لان مواصفاته المفروض اقل ومكينة هي الاصغر من
ناحية عدد الاحصنه


"بحر المودة"


بصراحه نيسان في السنوات الأخيرة أثبت جدارتها في مواكبة الأشكال الحديثة ووضع تقنيات متطورة بجانب قوة المكاين اللي ينزلونها يعني أحس تويوتا مثلا بدت مبيعاتها تتراجع ومن
ضمن أحد الأسباب تفوق نيسان عليها من هذه الجوانب، ماننكر تماسك سيارات تويوتا وهدوء اللكزس ولكن تظل نيسان وانفينيتي لها جمهور
كبير اليوم، بالنسبة للهاردتوب بصراحه أشوفه قرار جيد ولكن متأخر يعني الناس تنتظر هالشي من سنة
2002 وهم تسببوا في تراجع مبيعات الهاردتوب لهذا السبب
مع ان كانت المبيعات كثيرة ماقبل
نزول الفتك


شكرا على التواجد وإن شاءالله نكون وياكم متابعين
لجديد عالم السيارات
:k_smile2: