المساعد الشخصي الرقمي

مشاهدة النسخة كاملة : ماليزيا


المزوحي
07-12-10 ||, 09:41 PM
من عنوان الموضوع

مــاليزيا

سمعت عنها وايد ، مرات احس كأني زرتها ، ممكن نبحث في النت عنها

لـــــكـــن

هذا طلب مني لكم خبروني عن ماليزيا بالمختصر المفيد

لأني بزورها في شهر واحد بإذن الله :whistling:
مايهزك ريح
08-12-10 ||, 08:37 AM
مرحبا مروان .. انا سرت ماليزيا اسبوع بس ..

سرنا كوالالمبور ..
يلسنا في فندق اسمه Pacific Regency Hotel Suites كان وايد فنان وموقعه مجابل برج مينارا ..
بس اذا تبا فندق ثاني موقعه احسن .. فأنا اشوف الماريوت مكانه وايد فنان .. وعداله مول عود اسمه pavilion وتقدر تمشي لين التوين تاورز او KLCC

الرحلات سويتها عن طريق الفندق .. كانوا يتعاملون مع شركة سياحيه ..

خذت ثلاث رحلات ..
Kuala Lumpur City Highlights Morning Tour
رحله لحديقة الفراشات وحديقة الأوركيد
رحله لـmines resort

مدحولنا رحلات زياده بس لأنه الوالده كانت ويانا ماتقدر تمشي فما رمنا انسير
رحلة لكاميرون هايلند ورحله جنتنج ..وفي منتجع اسمه افاموسى .. بس بعيد اشويه ما سرناله ..
http://www.afamosa.com/main.php

لا تنسى اتشل مظله .. المطر فجأه يصب .. وايد استوت لنا مواقف P:

اتحمل من التكاسي تراهم حراميه ..
اول ما تركب اتأكد انه يشغل الميتر .. عادة في الزحمه ما يشغلونه ويظربونك ظربه .. انا مره واحد دفعني 120 رنجت مع اني سرت مره ثانيه لنفس المكان ودفعت 10 تخيل !

خل عندك عنوان الفندق دايما وخارطه لموقعه في تكاسي مايدلون انا كنت مثبت فندقنا بمينارا تاور .. ^_^!!
فمن يقولي وين هذا الفندق او انه مايدله اقوله عدال مينارا

المتعارف عليه انه لازم اتبخشش راعي التكسي يعني مشوار بو عشره رنجت تعطيه زياده واحد او اثنين رنجت زياده ..
المطاعم تحسب 15% من جيمة الفاتوره .. واذا كان العدد اكثر من خمس اشخاص مثلا 20% من جيمة الفاتوره اتكون بخشيش ^_^!!

مول البافيليون في كل المطاعم الفنانه .. وبعد KLCC

وفي شارع معروف عندهم انه شارع العرب كله مطاعم عربيه .. Jalan Berangan
هاي الخارطه كيف توصله

http://www.malaysiavacationguide.com/images/bukitbintangmap.jpg

وشارع الـBukit Bintag كله محلات وهالشارع معروف .. ودايما مزحوم ..

عندك berjaya times square هذا مول عود10 ادوار تقريبا .. فيه كله مطاعم ومدينة العاب لليهال ..واكبر سوبرماركت اذا احتجت شي
كنا انسير له بالتاكسي لأنه الوالده ما تروم تمشي .. ^_^!!



هالسايت فيه معلومات يمكن اتفيدك ..
http://www.kuala-lumpur.ws/


واذا ذكرت شي برد اكتب لك ..
حلم الطفوله
08-12-10 ||, 11:41 AM
السلام عليكم


ما شاء الله أخوي ما يهزك ريح كفى ووفى ...

نحن بعد رحنا ترانزيت ماليزيا لمدة أسبوع بس وااايد استانسنا مع إنه ما قدرنا نتنقل واااايد لأنه الوالده ويانا وما فينا على تعبها

سكنا بمجمع سكني بكوالامبور كله شقق امجابل التوين تاور ....حذال فندق اسكوت

أنصحك برحلات الجزر مع لقروبات السياحيه الي بتشوف مكاتبهم بشارع العرب

نحن رحنا جنتنغ ووايد استانسنا بالحديقة بس رحنالها يوم واحد ورجعنا بنفس اليوم لكوالامبور

جنتنغ يبالها يومين بس ....

وأنصحك تروح جزيرة لنكاوي بعد يقولون حلوه

بالنسبه لمراكز العاصمه عندك .... ميغا مول وتايم سكوير وروبنسون وتوين تاورز وبافيليون والسوق الصيني بعد حلو ( جاينا ماركت )

بس أحلى مول كان سن لاجون .... واااايد حبيته وفيه بعد حديقة مائيه حذاله

بالنسبه للتكاسي أنصحك تحجز عن طريق الفندق نفسه لأنه الثانيين بيدبلون عليك الأسعار وبيودونك من شوارع طويله لين يورم راسك عليك

المطاعم أغلبها بشارع العرب .... أنصحك بطربوش اللبناني

وتروح وترجع بالسلامه إن شاء الله
مــهــابه
08-12-10 ||, 02:52 PM
فندّق تـآيم سكوير حّلو والآحلى آنه في مول ومطآعم وجيه وهو ف العآصمه ..

رحلآت الجزر كمآن حلوه عندك جزيره لنكآوي واااايد عّيبتني هالجزيره، صدق بتستآنس لـو رحتلهآ ، بس آحسها تنفع ل شخصين ، مب يهال وصدعه وجييه::heart:
المزوحي
08-12-10 ||, 02:55 PM
مشكور واااااااااااايد مايهزك ريح ، الله يعطيك العافية :fa34:

بالنسبة لشارع العرب شو انطباعك عنه ؟
المزوحي
08-12-10 ||, 02:57 PM
الله يسلمج حلم الطفولة

بالنسبة للتاكسي تقصدين آخذ عن طريق الفندق ، لأنه بالعادة يكونون اغلى !
المزوحي
08-12-10 ||, 02:58 PM
مهابه لنكاوي لنكاوي ابغي ازورها ، بس لايهال ولا شي هذا اللي ناقص
مايهزك ريح
08-12-10 ||, 03:14 PM
الله يعافيك اخويه مروان .. بالنسبه لشارع العرب شفته وانا مار بالتاكسي ..
ما سرتله لأني موب وايد ويا المطاعم العربيه .. وبعد كان بعيد بالنسبه للفندق اللي كنت فيه ..
كنت ادور مطاعم هنديه اكثر شي وماكدونالد :)
حلم الطفوله
08-12-10 ||, 11:02 PM
المزوحي ... بالنسبه لنا كنا نطلب ميني باص وكان يشغل العداد !!! واعتمدناه طول فترة تواجدنا بكوالامبور

بس مثل كلام مهابه ....أحس الجزر تنفع للعرسان أكثر

يارب نفرح فيج جريب إن شاء الله وتسير انته وعروستك هناك
شتشووته
09-12-10 ||, 10:55 PM
مرحبا اخووويه .. انا سرت ماليزيا في شهر .. امممم 4

ماليزيا حلووووووووه وايد .. انا استانست بها سرتها ويا ريلي

بالنسبة للفنادق في كولالمبور سكننا في الماريوت وايد حلوو .. ومكانه احلى ,,, وتقدر اتسير وايد حدايق بكوالامبور
بس ناسيه اساميهن وبعد عندك بكوالالمبور صن واي لاقوون حلووو ...

وفي جنتنغ سكننا في فندق ملون نسيت اسمه .. شي وورد ماعرف شوو .. حلووو ووايد زحمه .. اممم الغرف مب لين هناك .. بس حلووو ومكانه اوكي وتحته مول وملاهي وهيك ..

في لنكاوي سكننا في Berjaya Langkawi Resort واااااااااااااااااايد حلوو ... انا وايد وايد عيبني .. هي اكواخ شي عالبحر وشي بالغابه .. وفيه مطعم روووعه .. (بيعيبكم المنتجع خاصه لو كنتوا اثنين)

وهالي في بالي الحييينه .. واي سؤال ترانا حاضرييييييين :)
المزوحي
10-12-10 ||, 04:52 PM
شتشووته لنكاوي يمدحونها ، بس مادري ليش اتخيل صوت صرانيخ ^_^ خليني اسير واحكم

اظن جوها طول السنة نفس الشي !
خليجيه
10-12-10 ||, 11:23 PM
نحنا سكنا في ماندرين اوريانت في العاصمه. خدمه رقم واحد

بالنسبه للنكاوي سكنا في الفور سيزنز وطبعا الفندق غني عن التعريف والموقع روعه على البحر

في بيننغ سكنا في شانغريلا ووايد روعه منظر السويت عالبحر وحديقة الفندق وخدمه رائعه
المزوحي
11-12-10 ||, 07:03 PM
اختي خليجيه يعني ماليزيا حلوه وتستاهل الزيارة
خليجيه
12-12-10 ||, 02:41 PM
طبعا تستاهل بس اتكون الزياره شامله للجزر بعد مب بس العاصمه
رمــش الغـــلا
13-12-10 ||, 01:59 PM
انا سرت ماليزيا 3 ايام ترانزيت بس ..

ماعرف ما استانست وايد فيها

سكنا في سن واي لاجون المنتجع حلو ما عليه كلام فيحديقة مائية ومول وكل شي

ورحنا جنتنغ اللي استانست فيها >< بس ما قدرنا نلعب المكان كله هنود وزحمة لازم نتريا وااايد ..

يمكن لاني كنت ياية من بلاد باردة فما احس اني استانست فيهاا وايد =)
المزوحي
13-12-10 ||, 02:52 PM
رمش الغلا يمدحون صن واي لاجون
مايهزك ريح
13-12-10 ||, 03:20 PM
^
بس ها بعيد .. اقرب للمطار منه لداخل لبلاد .. سرنا اللي عداله اللي هو mines resort
مــهــابه
13-12-10 ||, 04:29 PM
المزوحي :

آنته جآن تبغي جزر ..


عندك سيشل آحلى بـ وااااااااايد ، بس آظن شهر 1 الجو فيهآ مب لهناك آمطااار وجيه مش متآكده
بوكيت ف تاايلـند حلووه هالجزيره
والمآلديف كمآن حلوه ..


مآليزيآ كلهآ معآريس خصوصاَ شهر 1 لوول ، مادري ليش هالبقعه بالذآت، يمكن لآن آغلب المنآطق برد وثلج وهكآ ..
المزوحي
13-12-10 ||, 07:55 PM
مهابه على طاري سيشل هذا موضوع ثاني ، بس كنت اطري ماليزيا وسيشل بخليها مره ثانيه

يعني ماتبيني اسير شهر واحد ماليزيا عسب المعاريس ^_^ قولي

زين ممكن اسير شهر 2 عادي
مــهــابه
14-12-10 ||, 01:03 PM
^
لآآ
مب جذيه ..
بس آخبرك يعّني ( lo0o0 )
مايهزك ريح
14-12-10 ||, 01:49 PM
^
هههههههه ..
شتشووته
14-12-10 ||, 04:18 PM
^
هههههههههههه يحليلك يالمزووحي ^^
غرور أنثى
23-05-11 ||, 04:38 PM
حَ‘ـًلْلْلْوَھْ ماليزيا ،، انصح گِـ ْ̯͡ـلْ المتزوجين يزورونها