بلاد حلوه...جو احلى...شعب احلى واحلى

[خليجيه]

السلام عليكم ورحمة الله وبركاته




في تاريخ 25/09/2010 سافرت لإيرلندا عن طريج مطار ابوظبي الدولي لانه طيران

الامارات للاسف ما عندهم رحلة مباشره






الرحلة خذت سبع ساعات ونص تقريبا :d010: اصيح عشان طول المده وكنت مريضه بعد. لكن البلاد تستاهل العنوه




تقع ايرلندا في شمال جنوب القاره الاوروبية وتحديدا جنوب بريطانيا. كانت مستعمره بريطانيه وبعد التحرير ظلت شمال ايرلندا تابعه لبريطانيا


http://oasis.bindubai.com/bin/uploaded/97364cdc59819a379.gif




شعب ايرلندا مختلف تماما عن البريطانيين. ناس في قمة الذوق وحبوبين وايد :2:




بالنسبة لدرجة الحراره اول ما وصلنا كانت تقريبا في حدود 15 لين 17

و في اخر اكتوبر وصلت 10 في النهار وفي الليل وصلت 7






تمينا هناك لمدة شهر بالضبط :fa34: في مدينة دبلن




سكنا في فندق ميريون (خمس نجوم) وهو من الفنادق العريقه عندهم وتم بناه في

1769




http://www.merrionhotel.com/




ادمنت على اكل الاسكريم في الفندق. ذكرني بالاسكريم مال اول




http://oasis.bindubai.com/bin/uploaded/97364cdc5a65ed8a6.jpg




لكن للاسف الهوت شوكولا عندهم مب دوم مضبوط بس عموما لاباس فيه




http://oasis.bindubai.com/bin/uploaded/97364cdc5a65e308f.jpg




وطبعا عندهم الكب كيك لذيييذ




http://oasis.bindubai.com/bin/uploaded/97364cdc59d63d9b3.jpg




قريب من الفندق حديقة ستيفن جرين (Stephen's Green Park) وهي كذلك قديمه اتبرع بارضها واحد من اثرياء ايرلندا. الحديقه موجوده من سنة 1664. هاديه وحلوه وروعه خاصه في الجو البارد




http://oasis.bindubai.com/bin/uploaded/97364cdc5ad67fbd6.jpg





http://oasis.bindubai.com/bin/uploaded/97364cdc5ab9041db.jpg






http://oasis.bindubai.com/bin/uploaded/97364cdc5ab90bb06.jpg





http://oasis.bindubai.com/bin/uploaded/97364cdc5ab915f2d.jpg




هجوم عالاكل



http://oasis.bindubai.com/bin/uploaded/97364cdc5a6600ba8.jpg




----------



عيبني وايد شارع للتسوق اسمه كرافتون، الشارع حي وايد، عالم سايره يايه وهذا مدخل الشارع




http://oasis.bindubai.com/bin/uploaded/97364cdc5a06ebe9b.jpg




وفيه ناس من اهل الفن




http://oasis.bindubai.com/bin/uploaded/97364cdc599fa8587.jpg




وفيه مركز مشهور اسمه براون توماس، فيه الماركات العالميه وقسم العطور والمجوهرات وقسم للبيت. وايد عيبني المركز :a049:




http://oasis.bindubai.com/bin/uploaded/97364cdc599f98f48.jpg




الشارع فيه الكوفي شوبس طبعا ومن بينهم كوفي شوب اسمه بيولي وشكله معروف لانه مذكور في قصه اقراها هاي الايام وبعد دومه زحمه رغم انه دورين ومكان وسيع.




http://oasis.bindubai.com/bin/uploaded/97364cdc59bc2dcef.jpg




فيه محل للصناعات المحليه اسمه افوكا. عندهم اكثر من فرع. فيه كتب طبخ، صابون، عطور، ادوات مطبخ، بذور وادوات للحدايق




http://oasis.bindubai.com/bin/uploaded/97364cdc59bc1a04a.jpg




واكلهم لذيييييييييذ




http://oasis.bindubai.com/bin/uploaded/97364cdc59bc205e8.jpg



----------



زرنا متحف الشمع عيبني مع انه مب كبير وايد. فيه شخصيات سياسيه وسينمائيه وكارتونيه بعد




http://oasis.bindubai.com/bin/uploaded/97364cdd9494d6cf4.jpg




في دبلن توجد ثلاث متاحف غير الشمع. متحف الرسم، متحف التاريخ الطبيعي ومتحف الاثار. ماصار لنا نصيب انزور المتحف الاخير ومتحف الرسم ممنوع التصوير فيه. هاذيل صورتين من وايد صور خذيناهم من متحف التاريخ الطبيعي




http://oasis.bindubai.com/bin/uploaded/97364cdc5aa19242d.jpg





http://oasis.bindubai.com/bin/uploaded/97364cdc5aa18a71f.jpg




----------



حديقة الحيوانات عندهم وايد كبيره وفيها طبيعه حلوه. اليوم اللي سرناه كان الجو وايد بارد طبعا ابرد عن المدينه لان الحديقه في منطقه مفتوحه.




http://oasis.bindubai.com/bin/uploaded/97364cdd96122ba6b.jpg




كنت خايفه من الاخ في الصوره اللي تحت وبالزور وقفت اصور عداله




http://oasis.bindubai.com/bin/uploaded/97364cdd96121dbb0.jpg




----------



سرنا منطقه اسمها مالاهايد يسكن فيها الاغنياء وحد من السفراء. مثل ما قلت الجو روعه في دبلن لكن الاروع وسبحان الله الغيم كانه رسم وقريب والسما عندهم صافيه وزرقا بمعنى الكلمه.




http://oasis.bindubai.com/bin/uploaded/97364cdc5a833275e.jpg




----------



مره خذنا باص مال السياحه ويلسنا فوق وطبعا الباص مكشوف. ايدي اتيبست من البرد لكن مابغيت انزل تحت عشان احب اشوف المنطقه بوضوح. الجوله طبعا كانت في دبلن وخذت ساعه بعشرين يورو للشخص.




http://oasis.bindubai.com/bin/uploaded/97364cdc5aa19d40e.jpg




----------



حضرنا مسرحية روميو وجوليت بالصوره الحديثه وكانت مسرحيه تمثيليه صامته




http://oasis.bindubai.com/bin/uploaded/97364cdd99e36a186.jpg





http://oasis.bindubai.com/bin/uploaded/97364cdd99e372e3f.jpg




----------



وهاذي ركشة دبلن :10:




http://oasis.bindubai.com/bin/uploaded/97364cdc5a06e2dfa.jpg





----------



مرينا على منتجع ماكردين وهو يبعد عن دبلن حوالي ساعه. المنطقه وايد حلوه محاطه بمزارع




http://oasis.bindubai.com/bin/uploaded/97364cdc5a831f677.jpg





http://oasis.bindubai.com/bin/uploaded/97364cdc5a832aa47.jpg



----------



بالنسبه للمطاعم، كلنا في مطعم هندي، لبناني ومغربي. احلى اكل ذقته المغربي ولين اليوم خاطري فيه :ohboy:




http://oasis.bindubai.com/bin/uploaded/97364cdc5a832aa47.jpg




واحلى حريره




http://oasis.bindubai.com/bin/uploaded/97364cdc599fa0c5f.jpg




-------



في النهايه ان شا الله التقرير عيبكم، ادري انه مختصر وايد وحتى الصور مب معروضه بالصوره المطلوبه بس السموحه. واغلب الصور نحنا فيها فما قدرت احطهن. وهذا احلى غروب شفته في حياتي على نهر ليفي في دبلن




http://oasis.bindubai.com/bin/uploaded/97364cdc5ad6874fa.jpg

[دمعة شوق]

شـي جميـل أهم شـي آنـكم آستـآنسـتـوا
:)
وحـلوة شكلها كآنت رحلـتـكم وآلمنظـقه آمبين عليها هآآديـه
~
مشـكوره على التقـرير
")

[خليجيه]

الحمدلله استانسنا وايد وفعلا البلاد هاديه

[مايهزك ريح]

مشكورة على التقرير .. شوقتينا انسيرلها ^_^!!

[مزن هتان]

حلوه البلاد =) ما شاء الله
شكرا عالتقرير خيّتي الخليجيه

[خليجيه]

البلاد والله مثل ما قلت تستاهل العنوه. احين واحد من اهلي راجع من هناك وايقول درجة الحراره اول الصبح توصل واحد. ايرلندا كلها حلوه بس للاسف ما سمحت الظروف نتجول فيها الا دبلن

اخويه ما يهزك ريح نتريا التقرير الكامل عنها من عندك باذن الله

[خليجيه]

ومزن عفوا اختيه

[فرفوش]

هلا أختي خليجيه
سفرة موفقة ووناسة والحمد لله
بس زعلت عن الصور مش موجوده

حتى الصور مب معروضه بالصوره المطلوبه بس السموحه. واغلب الصور نحنا فيها فما قدرت احطهن. وهذا احلى غروب شفته في حياتي على نهر ليفي في دبلن


طيب تستطيعين عرض الصور بتعديل الصورة حيث قطع الأشخاص المتواجده فيها

شكرا على تقريرج المفيد

[خليجيه]

بس الصوره احسن يوم تتصور بغرض العرض في منتديات مثلا، بدون اشخاص عشان يوم نمسح ويوهم الصور ما تطلع وايد حلوه.. وانا الصراحه ما كنت حاطه في بالي اسوي تقرير. وبعدين حجم الصور كبير وحاولت اصغرهن قد ما اقدر لكن للاسف ما طلعن زينات وايد

[شوق القلوب]

السلام عليكم..

للاسف مت طلعت عندي ولا صوره !!!

..

حبيت موضوعج.. تدرين ليش..؟؟ لانه ايرلندا اكثر بلد زرته.. زرناها ثلاث مرات.. و كل مره اتم فيها اكثر من شهر.. و في مره تمينا شهرين و شوي.. اجازه الصيف كلللللها...

زرت متحف الرسم و التاريخ الطبيعي و وايد استمتعت فيهم.. و يوميا تقريبا كنت اسير حديقه ستيفنز جرين.. و يا سلام على ايس كريم الكاكاو باللوز.. كنت اخذه من اول شارع جرافتن.. حتى لو الاجواء مطر و برد.. اشتريه..

و هالمطعم اللي طريتيه .. ماكله فيه مرتين.. حتى اذكر فوق امسوين مثل المتحف الصغير..

كنا نتسوق من جرافتون و هنري ستريت...
و مره سرنا حديقه كلها العاب ماىيه بس هاديه.. و مزه سرنا منطقه جبليه.. حلوه..

دبلن بصفه عامه مدينه قديمه و شعبها لا يقارن بالبريطاني... ناس طيبين و شرحين حتى لكنتهم غييير..
..

يالسه اكتبلج و مرت في بالي ذكريات وااااااايد.. :)
خاطري انسافرلها مره ثانيه..

[خليجيه]

الله يكتب لنا زيارات لها ان شا الله

[الحاضر الغايب]

السلام عليكم

ماشاء الله والله شوقتونا لزيارتها

انزين كيف الجو عندهم هالفتره ومتى احسن وقت للسياحه في ايرلندا

والسموحه

[خليجيه]

طبعا الجو احين وايد بارد وصل ناقص -4

اول الصيف بيكون افضل للي ما يتحملون البرد

يقولون انه جو ايرلندا من ثابت. يعني الشهر اللي كان فيه نسبة بروده ممكن ايكون حار السنه اللي عقب والله اعلم.

انا بالنسبة لي ناسبني شهر 10و11

[سبيجة]

السلام عليكم


باين عليها بلاد حلوه ..ورحله موفقة ...


افكر اسافر في شهر 4 أو 5 .. وحابه اسير اوروبا ...

والحين فكرت في ايرلندا ... شفت الفنادق ,,, وبالنسبه للطيران ...ما اعتقد في دايركت إلا على الاتحاد صح ؟؟؟ طيران الامارات لازم توقفين في مانشستر ..


ابا اعرف شو اللي يميز دبلن عن باجي البلاد الاوروبيه ...؟!!

وما شاء الله اشوفكم انتي وشوق ..كلكم تميتوا اكثر عن شهر ... هالشي مستحيل اتخيله .. انا من النوع اللي أمل بسرعه ولازم اغير ... شو الشي اللي خلاكم اتمون هالمده؟؟؟ كنتوا جروب كبير ؟؟

انا اذا بسير ... بنكون روحنا انا وريلي ... شو ممكن نزور ونسوي هناك .. ياريت لو تفيدوني أكثر ,,,


شكراً جزيلاً