المساعد الشخصي الرقمي

مشاهدة النسخة كاملة : كــيــب تــاون ~ جـنـوب افـريـقـيا



مايهزك ريح
15-06-10 ||, 12:15 PM
العمله : الراند ZAR))
صرف العمله تقريبا 1.82 يعني الـ 100 درهم تعادل 182 راند
الـضريبه (VAT ) تقريبا 14 %
السيارات ~ سكان يمين مثل بريطانيا !
الرحله كانت على متن طيران الإمارات .. استغرقت 9 و 35 دقيقه تقريبا ..
من الجو ..

http://oasis.bindubai.com/bin/uploaded/5584c160f8657572.jpg
http://oasis.bindubai.com/bin/uploaded/5584c160f86317ec.jpg

درجات الحراره في كيب تاون تتراوح بين 10 – 20 درجه مئويه في نهاية شهر مايو ..حيث يبدا فصل الشتاء ^_^!!

http://oasis.bindubai.com/bin/uploaded/5584c039048acd2f.jpg

كيب تاون بها 4.5 مليون نسمه .. مليون منهم جاليه مسلمه .. ولذلك الكثير من المطاعم الموجوده ..
مكتوب عليها حلال .. مراعاه لوجود المسلمين ..
نزلنا في فندق The Westin
تصنيفه خمس نجوم ..

http://oasis.bindubai.com/bin/uploaded/5584c03734000784.jpg

وهذه الغرفه .. من الداخل ..
http://oasis.bindubai.com/bin/uploaded/5584c160849ee35f.jpg

من مزايا الفندق وجود باص (Free Shuttle) يتحرك كل نص ساعه لفكتوريا وارف Victoria Wharf او ما يسمى بالـ Water Front
وهذا المكان عباره عن مول .. والمطاعم والكوفي شوب فيه تطل على المحيط ....
ومنه تقدر تنطلق لرحله بحريه .. طبعا العديد من الرحلات منها الغوص مع اسماك القرش في قفص ..وغيرها الكثير ..
اول ما يوصلكم الباص مال الفندق بينزلكم عدال الـ Clock tower mall ومنه اتسيرون مشي لين Victoria Wharf

http://oasis.bindubai.com/bin/uploaded/5584c160f860a2f3.jpg

Clock tower..

http://oasis.bindubai.com/bin/uploaded/5584c161169c3bd6.jpg
http://oasis.bindubai.com/bin/uploaded/5584c1611699b733.jpg

الخارطه .. لتحديد المكان ..

http://oasis.bindubai.com/bin/uploaded/5584c1611696f02e.jpg
مناظر من هالمنطقه ..
http://oasis.bindubai.com/bin/uploaded/5584c17164428e97.jpg
http://oasis.bindubai.com/bin/uploaded/5584c17121860383.jpg
http://oasis.bindubai.com/bin/uploaded/5584c17121829c6d.jpg
http://oasis.bindubai.com/bin/uploaded/5584c1712189476f.jpg

لازم اصور لي نورس بما اني على البحر ..

http://oasis.bindubai.com/bin/uploaded/5584c171274a26a3.jpg

وهاي العلامه اتراويكم كم بعد العواصم من هالمنطقه ..

http://oasis.bindubai.com/bin/uploaded/5584c171274bfb67.jpg
http://oasis.bindubai.com/bin/uploaded/5584c17145ec881a.jpg
http://oasis.bindubai.com/bin/uploaded/5584c17145ea2a94.jpg

يلسات المطاعم في Victoria Wharf
http://oasis.bindubai.com/bin/uploaded/5584c17145eedde1.jpg

تصوير ليلي لنفس المنطقه ..
http://oasis.bindubai.com/bin/uploaded/5584c17182483515.jpg

http://oasis.bindubai.com/bin/uploaded/5584c171824a6b88.jpg

السوبر ماركت موجود في Victoria Wharf واسمه Pick n Pay انتبهوا انه الأكياس بفلوس .. فحاولوا انكم تاخذون اكياس (reusable bag ) من كارفور قبل ما اتسافرون ..

http://www.ameinfo.com/images/news/5/72705-oldbag.jpg

او تاخذون Trolly مثل هذا .. وانا افضل هذا لأنه مريح .. حتى للـ shopping

http://www.transport-impacts.com/wp-content/uploads/2008/05/shopping_trolley_bag.jpg

وبعد في باص ثاني من نفس الفندق يتحرك لمكان اسمه (Canal Walk ) في ساعات معينه ..
وهذا شكله ..

http://oasis.bindubai.com/bin/uploaded/5584c170afce14d9.jpg

ارجعوا للفندق وتأكدوا من الأوقات عندهم جدول .. وسعر الشخص للرحله الواحده تقريبا 40 راند (one way )
يعني اذا رايح راد يكلف 80 راند !
هو عباره عن مول .. ومنطقه سكنيه محيطه به ..
وهذي بعض الصور للمكان .. المشكله وصلنا متأخر .. وما واحالنا نلفه كله ..

http://oasis.bindubai.com/bin/uploaded/5584c170afd14795.jpg
http://oasis.bindubai.com/bin/uploaded/5584c170afd41a4d.jpg

الـ Food Court
http://oasis.bindubai.com/bin/uploaded/5584c170bd6e94bd.jpg

المنظر الخارجي ..
http://oasis.bindubai.com/bin/uploaded/5584c170bd7282de.jpg
http://oasis.bindubai.com/bin/uploaded/5584c170bd75558e.jpg
http://oasis.bindubai.com/bin/uploaded/5584c170c3339480.jpg

بالنسبه للناس اللي يحبون المشاري (Shopping ) وخصوصا البنات .. ما اعتقد انه يعيبهم لأنه مستوى الأشياء اللي تنباع عندهم مب بالمستوى المطلوب (Bad Quality ) للأسف !!!!!
بس الشي الوحيد اللي حلو .. وممكن يتخبلون عليه هو الألماس ;_;
اكبر مصانع الألماس موجوده في كيب تاون وعليها حراسه .. يعني مب أي حد يقدر يدخل ..
وفيه حجر اسمه Tanzanite اشتهر في جنوب افريقيا اكتشفوا وجوده في جبال كلمنجارو .. ويعتبر بمستوى الألماس ..
ومنه لونين .. الأزرق والبنفسجي .. وكلما كان اللون غامج .. كل ما زاد سعره .. !!!
ادخلوا السايت اذا حابين اتعرفون عن هالحجر ..
http://www.etanzanite.com/section4.htm

طبعا محلات الألماس مجوده في كل مكان .. ممكن تتوقعونه او ما تتوقعونه !!!!
اول رحله كانت الـ City tour and Table mountain تستغرق 3 ساعات تقريبا
Table mountain
التلفريك اللي في هالمكان يشبه TITLIS اللي موجود في سويسرا ..يلف 360درجه وهو يصعد ..
طبعا انا اول ما شفته ما ركبت .. لأني مليت من التلفريكات اللي ركبتهم .. >_<
فاكتفيت بالتصوير ..

وهذه بعض الصور ..

http://oasis.bindubai.com/bin/uploaded/5584c160bce0558c.jpg
http://oasis.bindubai.com/bin/uploaded/5584c160bcdd3277.jpg

http://oasis.bindubai.com/bin/uploaded/5584c160b2c2a183.jpg
http://oasis.bindubai.com/bin/uploaded/5584c160b2be8475.jpg

باص التور ..
http://oasis.bindubai.com/bin/uploaded/5584c160a8b67579.jpg

http://oasis.bindubai.com/bin/uploaded/5584c160a8bd2c42.jpg
http://oasis.bindubai.com/bin/uploaded/5584c160a8b9ffb6.jpg

http://oasis.bindubai.com/bin/uploaded/5584c16084a38943.jpg
http://oasis.bindubai.com/bin/uploaded/5584c160b2baac41.jpg

تقدرون تشترون التذاكر online عشان ما توقفون في الطابور ..

http://oasis.bindubai.com/bin/uploaded/5584c16084a609f7.jpg
http://oasis.bindubai.com/bin/uploaded/5584c160951efe0e.jpg


حتى في اليبل .. لازم اصور الورد ^_^!!

http://oasis.bindubai.com/bin/uploaded/5584c160952555bf.jpg
http://oasis.bindubai.com/bin/uploaded/5584c1609522a22b.jpg

Castle of Good Hope

http://oasis.bindubai.com/bin/uploaded/5584c1607ded14d7.jpg
http://oasis.bindubai.com/bin/uploaded/5584c1607dea0f61.jpg
http://oasis.bindubai.com/bin/uploaded/5584c1607df0b8ea.jpg
http://oasis.bindubai.com/bin/uploaded/5584c16070a7f781.jpg

http://oasis.bindubai.com/bin/uploaded/5584c16070a51d07.jpg


http://oasis.bindubai.com/bin/uploaded/5584c16067360893.jpg

http://oasis.bindubai.com/bin/uploaded/5584c1606733c275.jpg


وصلنا للمتحف .. بس ما دخلت لأني شفت حديقة الروز(Company's Garden) ..
وانقهرت لأني مب شال ويايه لا عدسة الماكرو ولا حتى mm50
هذا المدخل للحديقه ..

http://oasis.bindubai.com/bin/uploaded/5584c16067314982.jpg

http://oasis.bindubai.com/bin/uploaded/5584c1605d2dcd6f.jpg
http://oasis.bindubai.com/bin/uploaded/5584c1605d2b6812.jpg

طبعا الصور اهداء لكل محبي الورد ..

http://oasis.bindubai.com/bin/uploaded/5584c15fdb42884d.jpg

http://oasis.bindubai.com/bin/uploaded/5584c15fd0a46f2b.jpg

http://oasis.bindubai.com/bin/uploaded/5584c15fd0ab3173.jpg
http://oasis.bindubai.com/bin/uploaded/5584c15fdb3f2e79.jpg

http://oasis.bindubai.com/bin/uploaded/5584c15fdb44de03.jpg
http://oasis.bindubai.com/bin/uploaded/5584c15fe245ee2a.jpg


وهذا السنجاب وراريه ورايه يتحسب انه في يديه اكل .. مايدري انها الكاميرا ^_^!!

http://oasis.bindubai.com/bin/uploaded/5584c1605d28992f.jpg

http://oasis.bindubai.com/bin/uploaded/5584c15fe248b539.jpg
http://oasis.bindubai.com/bin/uploaded/5584c15fe24b8fd4.jpg

وهذا مادري كيف طلعلي !!

http://oasis.bindubai.com/bin/uploaded/5584c15fd0a8994d.jpg

والرحله الثانية .. كانت للـ Cape point and Peninsula وتستغرق 8 ساعات .. من 9 صباحا وحتى الخامسه ..
ولكن وصلنا الساعه السادسه وذلك بسبب تأخر بعض الركاب في كل منطقه ننزل بها >_<
اول مكان وقفنا فيه انصور ..
كأنه الـ French Riviera
http://oasis.bindubai.com/bin/uploaded/5584c171e3845d4a.jpg
وصلنا للمنطقه اللي تقدرون منها تركبون باخره اتوديكم للـSeal Island
بس انا ما ركبت ..
http://oasis.bindubai.com/bin/uploaded/5584c171e386ed83.jpg
http://oasis.bindubai.com/bin/uploaded/5584c171e3894b12.jpg
وهاي الباخره ..
http://oasis.bindubai.com/bin/uploaded/5584c1720504a258.jpg

في الوقت اللي ساروا فيه الباخر انا يلست في الكوفي شوب مالهم ^_^!!
http://oasis.bindubai.com/bin/uploaded/5584c1720506c542.jpg

بعدين اتحركنا للمنطقه اللي عاده تتيمع فيها الحيتان في شهر 6 و 7..
بس كنا يايين من وقت ( شهر 5 ).. وما شفناهن .. >_<
لكن المنظر رهيب ..
http://oasis.bindubai.com/bin/uploaded/5584c17205092e8a.jpg
ومن نفس النقطه اللي كنت واقف اصور فيها .. قربت للمكان اللي كنا قبل شويه واقفين فيه للباخره ^_^!!
عشان اتعرفون كم مشينا بالباص طالعوا الصوره اللي قبل عشان تكتشفون !!!
http://oasis.bindubai.com/bin/uploaded/5584c17225a9f551.jpg

وهنيه التور جايد يشرحلنا .. عن المنطقه .. ومتى اييون الحيتان ..
http://oasis.bindubai.com/bin/uploaded/5584c17225ac4b07.jpg
http://oasis.bindubai.com/bin/uploaded/5584c17225aeac76.jpg
Cape of good hope (رأس الرجاء الصالح)
http://oasis.bindubai.com/bin/uploaded/5584c1726e65a854.jpg
Cape point
http://oasis.bindubai.com/bin/uploaded/5584c1726e692aba.jpg
http://oasis.bindubai.com/bin/uploaded/5584c1726e6cb4f9.jpg
http://oasis.bindubai.com/bin/uploaded/5584c172881749b5.jpg
http://oasis.bindubai.com/bin/uploaded/5584c1728819f93e.jpg
Two ocean Restaurant
http://oasis.bindubai.com/bin/uploaded/5584c1728813d6ec.jpg
في هالمكان كنت يالس آكل سندويش الغربان ما خلوني في حالي ..
شوفوا الوغد كيف يطالعني ..
http://oasis.bindubai.com/bin/uploaded/5584c172ad89fe12.jpg

وهذا القرد الأفريقي (Baboon) شفناه في الدرب ووقفنا انصوره ~ سامت الأخ
http://oasis.bindubai.com/bin/uploaded/5584c172ad8cf3e6.jpg

Penguin
http://oasis.bindubai.com/bin/uploaded/5584c172ad910531.jpg
هالمنطقه يتكاثر فيها البطريق ..
http://oasis.bindubai.com/bin/uploaded/5584c172d1c1d5d1.jpg

بس المنظر رهيب فيها ..
http://oasis.bindubai.com/bin/uploaded/5584c172d1be5cb4.jpg
آخر محطه Kirstenbosch Botanical Garden
في هالمكان حسيت انه البتري مالي خلص .. صدق تعبت >_<
http://oasis.bindubai.com/bin/uploaded/5584c1730d44074b.jpg

http://oasis.bindubai.com/bin/uploaded/5584c1730d467091.jpg
http://oasis.bindubai.com/bin/uploaded/5584c17335f21394.jpg
http://oasis.bindubai.com/bin/uploaded/5584c17335f57aab.jpg
http://oasis.bindubai.com/bin/uploaded/5584c17335f92fdf.jpg
http://oasis.bindubai.com/bin/uploaded/5584c17356135bca.jpg
http://oasis.bindubai.com/bin/uploaded/5584c1735615fbbe.jpg

اتمنى ان يعجبكم الموضوع .. خصوصا اني وايد تعبت عليه ^_^!!

* أضغط على الصورة للتكبير *

قصايد غلا
15-06-10 ||, 12:48 PM
رووووووووووووعة روووووووووعة روعة روعة

واااااااااااااااااايد عيبني التقرير و الموضوع و الصور .. جنّي سافرت و ردّيت لوول


واااااااااااايد حبيت رحلاتكم و كل شي كل شي


شكرااااً أخويه على الموضوع :)

مايهزك ريح
15-06-10 ||, 01:13 PM
مشكور على الرد اختي قصايد غلا .. ^_^

مزن هتان
15-06-10 ||, 01:45 PM
مسا الخير ما يهزك ريح

ما شاء الله مبين ان بلادهم حلوه
من الصور حسيت ان بلادهم هاديه وايد !

الاهم انك استانست و غيرت جو
شكرا عـ الصور و التغطيه، و حبيت صورة الروز اللي ما عرفت لونها

مايهزك ريح
15-06-10 ||, 01:49 PM
مسا النور اختي مزن ..
صح البلاد كانت هاديه وخاليه .. محد يمشي في هالمكان .. غير السياح اللي اصلا عددهم قليل .. !!
الروز كان اشكال وانواع ..
يباله موضوع روحه ^_^!!

شوق القلوب
15-06-10 ||, 02:19 PM
السلام عليكم..

ماشاء الله ... صدق تقرير وايد حلو... و المكان شكله هاااادي.. بس يستاهل الزياره..
عن نفسي ما اتوقعت الاجواء اتكون جي...
و ماشاء الله شكلك تعبت ع التقرير.. ربي يعطيك العافيه..:)

..

اكثر صوره عيبتني.. صوره الغراب... صدق انه نظرته وغده ..
ههههههه..

مايهزك ريح
15-06-10 ||, 02:26 PM
وعليكم السلام .. مرحبا اختي شوق القلوب ..
طبعا الأجواء غير للي جربها P:
والغراب .. عندي له كم صوره .. جنه في استوديو مصور ^_^!!
بحطهن عقب !

ومشكوره على الرد

مزيونه العرب
15-06-10 ||, 02:32 PM
مـآ كنت اعرف انه في جنوب افريقيآ منآطق حلوه جي
الصرآحه روووووعه خصيصا انه المكـآن مو مزدحم وهالشيء وآيد حلووو ..

عيبتني صور الوروود وفي منآطق طبيعيه وآيد حلوه وعيبتني ..
اهم شيء انكم غيرتو جو واستآنستوا

مايهزك ريح
15-06-10 ||, 02:35 PM
مشكوره على الرد اختي مزيونة العرب ..
انا روحي ما كنت مصدق انه المكان جيه فنان إلا يوم سرت وشفت بعيوني ..
وفي وايد اشيا ما قدرت اصورهن لأنه بصراحه المناظر وايد حلوه .. وافضل انه الواحد يزورها بنفسه ويشوف بعيونه روعة المكان ^_^!!
ومشكورة على الرد

المزوحي
15-06-10 ||, 03:25 PM
الحمدلله على السلامه

التقرير وايد حلو ، والشرح مبسط ، وواضح

والاحلى إنه مافي وايد ناس :fa34: عندي عقده

مشكور على الموضوع :a034:

مايهزك ريح
15-06-10 ||, 03:29 PM
الله يسلمك مروان ..
اهم شي انه المكان هادي وما فيه زحمه P:
ومشكور على الرد

فرفوش
15-06-10 ||, 08:45 PM
ما يهزك ريح
اخويه تقريرك ممتاز والتقييم ممتاز
جهد مشكور عليه
يزاك الله خير
عرفتنا بهالبلاد
ما عليك زود
وعلى طاري الصور
استانست وايد على هذه الصوره
لها ذكريات عندي
:wink:
http://oasis.bindubai.com/bin/uploaded/5584c172ad8cf3e6.jpg (http://oasis.bindubai.com/bin/uploaded/5584c172ad8cf3e6.jpg)


اخوي مايد بغيت اسالك شيخي كيف سويت الحجوزات
وكم يوم تميت هناك
او كم يوم يكفينا انحوطها كلها
وتسلم
ودايم زيدنا مثل هذه المواضيع

يستحق التثبيت والتقييم
^_^

مايهزك ريح
16-06-10 ||, 08:24 AM
مرحبا فرفوش ..
بالنسبة للحجوزات ..
حجزت التذكره بالنت ..
وبما اني كنت مرافق لشخص رايح لمؤتمر ..
هو حجز الفندق عن طريق النت وعطوه سعر خاص ....للجروب (تقريبا 2300 راند للغرفه )
وشل جوازي وطرش المندوب ..وظربلي الويزه ..(هو يشتغل في بوظبي فودوا الجوازات السفاره هناك ) ^_^!!
تقريبا الويزه خذت اسبوعين ..
بالنسبه للرحلات ..
المنظمين مال المؤتمر هم كانوا مرتبين رحلات تور بسعر خاص للمرافقين مثلي في باصات صغار ..
فخذت لي رحلتين بس .. كلفني تقريبا 1000 راند
اول يوم وصلنا هناك كنا تعبانين .. فيدوب خذنالنا عشا وماي من المطعم القريب من الفندق ( marimba ) وردينا رقدنا ..
الرحله كانت اسبوع .. بس ما تكفي لأنه وايد شي رحلات ثانيه انا ما سرت لهن .. لأنه ما شي وقت ..

انا كنت شال ويايه كاش 2000 راند +1000 دولار
على اساس اذا قصرت اخرد الدولار احسن .. والصرافين في كل مكان ..
الأكل ما كان وايد غالي .. سعره معقول .. حتى لو بتشتري من الفندق .. مب غالي
ولأني ما اجرت موتر .. فما خسرت وايد .. لا بترول ولا دفع باركنج مثل المانيا !!!
وبعد لأنه ما شي مشاري هناك .. ما يبت هدايا ويايه .. غير Earring الماس للوالده خذته من المطار وشريته بالكريديت كارد .. جيمته 5000 راند !
فالشنطه كانت خاليه ساير راد ^_^!!

واذا فيه اي سؤال انا حاظر ^_^!!
ومشكور على الرد والتثبيت

طير الغرام
16-06-10 ||, 01:38 PM
http://oasis.bindubai.com/bin/uploaded/1184_01253720525.gif (http://oasis.bindubai.com/bin/uploaded/1184_01253720525.gif)


ماشاءالله تقريــر راااااااائـــــع ومتعــــــوب عليـــــه
وجوهـــم حلـــووو ماشاءالله + الصــــور رهيييبـــه وماعليهــا كــلام
عيشتنـــــا الأجـــــواء الحلـــــوه
يبالنــــا انروح اهنــاك

كفيـت ووفيـت :fa42:


http://oasis.bindubai.com/bin/uploaded/1184_11253720525.gif (http://oasis.bindubai.com/bin/uploaded/1184_11253720525.gif)

مايهزك ريح
16-06-10 ||, 02:08 PM
مشكورة على الرد اختي طير الغرام .. ^_^!!

دمعة شوق
16-06-10 ||, 03:57 PM
مآشآءآالله تقرير و صور ولا أروع
حلـو جـوهم واهم شـي ماشـي زحمــه عندهم
وحمستنا إنا نفكر ونروحلهم ،، ومناطقهم جداً حلوة
:heart:
~
عيبني سالفة الحيتآن
وحبيت صـور آلورد
:fa41:
~
شـكـراً ويعطيك العافية

مايهزك ريح
17-06-10 ||, 08:41 AM
مشكورة على الرد اختي دمعة شوق ..
يالله سوولكم رحله .. سيروا شوفوها .. المكان صدق يستاهل انه الواحد يسير له ^_^!!

فرفوش
17-06-10 ||, 03:28 PM
وهل اذا بنسير مطلوب منا التطعيم؟

مايهزك ريح
17-06-10 ||, 03:29 PM
انا ما سويت اصلا.......... انا اول مره اسمع انه تحتاج تطعيم !!!!!!

خليجيه
19-06-10 ||, 12:11 AM
اخويه مايهزك ريح، طبعا ما بزيد بشي عن الجماعه، كفوا و ووفوا

اختيه سارت جنوب افريقيا قبل سنتين وكان شهر سته لكن الجو كان وايد بارد. وايد عيبني المنظر من الكيب بوينت وين ايقولون ملتقى بحرين. وشكلها اختيه ادمنت على البلاد :) ساروا السفاري واستانسوا اليهال وايد على البلاد

مايهزك ريح
20-06-10 ||, 09:09 AM
مشكورة اختي خليجيه على الرد ^_^!!

فرفوش
20-06-10 ||, 10:15 PM
الله يعطيك العافيه على هالمعلومات
ودايم سافر ^_^

مايهزك ريح
21-06-10 ||, 09:06 AM
من ناحيه السفر لا توصي .. حمدلله مب مقصر ..

يبالي اتفيج واحط رحله باريس وسان فرانسيسكو .. ^_^!!

الموز
25-06-10 ||, 08:16 PM
ماشاء الله مبين البلاد حلوه

التقرير حلو مايهزك ريح

مايهزك ريح
27-06-10 ||, 08:38 AM
مشكوره على الرد اختي الموز

بنت الدلع
29-06-10 ||, 01:15 AM
الله
رحله وايد حلوه ماشالله
عندهم مناظر جميله
اممم يوم بغيت تسافر ما خفت؟

مايهزك ريح
29-06-10 ||, 09:29 AM
لا.... لأنه ربيعي كان يدرس فيها ..^_^!!

سبيجة
24-11-10 ||, 01:56 PM
السلام عليكم


بصراحه مغامره انك تسير هالبلاد ... وهالمكان احس محد يعرفه بس الزين انه ربيعك يدرس هناك ... :a034: المكان وايد حلو .. والجو روعه ..


وتقريرك ما شاء الله حمس الكل حق البلاد ...ودخلت على الطيران وشفت حجوزات الفنادق بعد ... جاسني حماس ... بعد التقرير :fa34: انا افكر اسافر في شهر 4 أو 5 ... بس لين الحين ما قررنا ... ما ابا مكان وايد بارد .. ما استانس في البرد ... وطبعا ما ابا مكان حار ... :mf_leia:


يعطيك العافيه ..وكثر من هالمواضيع ..

مايهزك ريح
24-11-10 ||, 02:23 PM
مشكورة على الرد اختي سبيجه .. شهر 4 او 5 ما بيكون وايد برد .. من شهر 6 يبتدي البرد ونحنا كنا سايرين على آخر اسبوع من 5 ^_^!!