~ بــــرزة الــواحــــات ~ [الأرشيف]

حلم الطفوله

13-05-10 ||, 08:17 PM

السلام عليكم ورحمة الله وبركاته

الليلة خميس

أحد يرتب للسفر والمشاوير

وأحد ٍ يشتري باله ومن الدراسه يستريح

وأحد مثلي ومثلك ومثلها يجتمع ببرزة الواحات ويستانس بلمة الناس الطيبين :)

الله يجمعكم على خير إخواني

تسلم المزوحي على طرح الموضوع :)

المزوحي

13-05-10 ||, 11:25 PM

السلام عليكم

هلا دمعة شوق ، خلي عنج البرزه وانتبهي للمذاكره ، الله يوفقكم :fa42:

حلم الطفوله - الله يسلمج ، ونحن مانصبر عن هالمواضيع :a018:

يالله اشوف الناس من شهر 5 يخططون

أنامل قلب

14-05-10 ||, 12:16 AM

,

شو تسوون !.

شوق القلوب

14-05-10 ||, 12:48 AM

السلام عليكم..

الاجواء عندي هاديه.. امشغله التلفزيون بس مقصره ع الصوت... ما احب فكري يتشتت وانا فاتحه ع الواحات... :)

مــهــابه

14-05-10 ||, 12:53 AM

وآنـآ يـآلسه مع خليفه والصرآع ع اللآب توب >< ، يطـآلع الشـآشه ويضحك

حبيبي هالولد ...

آخس شعور انكم تمرضون ف الويك إند + تكون عندكم مناسبه + الآحد آمتحان ><

دمعة شوق

14-05-10 ||, 01:34 AM

^
الله يعينج ويسهل عليج حبيبتي .

اممم خلصت شي من اللي علي بس بعد بقى لي شي
:a052:
~

حد وآعــي ؟!
:fa52:

مزن هتان

14-05-10 ||, 01:48 AM

بعدني واعيه

ما عرف كم راح أقعد زياده، بعدني اتريا
مع اني رقدت الظهر اليوم =)

شفت مسلسل حلو، مادري اذا بتفيج اتابعه
أوراق الحب مادري الورد

زعبيل

14-05-10 ||, 01:50 AM

مساكم الله بالخير

دمعة شوق

14-05-10 ||, 01:53 AM

اسأل الله لي ولكم أن ينفعنا بما علمنا ويعلمنا بما ينفعنا
الله يجعلكم ممن يقال لهم ابشر بروح وريحان ورب راض غير غضبان
~

تصبحون على طآعة الرحمـن
وصباحـكم عســل :)

زعبيل

14-05-10 ||, 01:55 AM

شكل الكل رقد

المرات اليايه

جمعه مباركه

زعبيل

14-05-10 ||, 01:58 AM

المزن واعي ... شكله

حلم الطفوله

14-05-10 ||, 10:26 AM

صبحكم الله بالخير والسرور

يوم يديد ... جميل ... مفرح للكل بإذن الله تعالى

مزن هتان

14-05-10 ||, 10:57 AM

صباح الدرابيل و الرهش و القرص عقيلي و كيك الزعفران و البنك
صباحي شوق و وله للكويت :fa41:

حياكم ريوقنا

خيال الحب

14-05-10 ||, 11:22 AM

صباح الخيـــر

تفضلوو تريقوو ويانااااا
http://www.majaless.com/up/uploads/48aebef011.jpg

http://www.uaesook.com/vb/imgcache2/9059.gif

وهذا العصير يخليكم فرش ع الصبح

http://www.fadhaa.info/uploader/up/fadhaa_07031216335424913.jpg

وهذي تحلية ع الخفيف:fa34:

خيال الحب

14-05-10 ||, 11:23 AM

http://www.m0dy.net/vb/uploaded/309511/m0dy.net-01232720539.jpg

مادري ليش شردت الصورة من فوق لوووول

ادريبكم كهرتوني صح خخخخخ مسويلكم تعذيب ع الصبح لوول

مزن هتان

14-05-10 ||, 12:03 PM

أنا ابي الخبز و العصير
الخبز شكله ينادي يقول تعى اكلوني P=

دمعة شوق

14-05-10 ||, 05:17 PM

مساء الخيـر ~

مزن انا بعد ماعرف اذا بتابعه ولا لأ
بس عيبنـي التصوير فـ لنـدن :heart:

مزن هتان

14-05-10 ||, 07:38 PM

^^ يوميا و الا ماكو بـ نهاية الاسبوع ؟

المزوحي

14-05-10 ||, 07:55 PM

السلام عليكم

اش حالكم ؟؟؟ شو يومكم

اليوم احس بكسل ،، مادري شو السبب !

مزن هتان

14-05-10 ||, 07:58 PM

يومي كان حلو ولله الحمد، ربي يديم يمعة اليمعه

عهد الوداع

15-05-10 ||, 01:59 AM

امممممممم

مزن هتان

15-05-10 ||, 10:38 AM

ليه هاي الـ اممممم ؟

السلام عليكم و رحمة الله و بركاته
صباح الخير :fa41:
كيف أصبحتوا ؟

البارحه سهرانه لين 1:30 و اليوم ناشه من 7:30 !!

أنامل قلب

15-05-10 ||, 10:44 AM

^ نفسي !.

وعليكم السلام ورحمة الله وبركاته ..

المزوحي

15-05-10 ||, 01:09 PM

أهلا بكم في صيف دبي ، والله من يومين احس الحراره غير طبيعيه وكأنه في اجواء شهر اغسطس

وريحة السفر في خشمي شو أسوي !!

دمعة شوق

15-05-10 ||, 03:14 PM

^
حلوه هاي ريحة السفر في خشمي P=
يالله عزم يالمزوحـي يمدحونه السفر ^^
~
وعن الحر تراه بشكل غير طبيعي
حرر فضيع ,
المهم شخباركم

مزن هتان

15-05-10 ||, 08:58 PM

ربي يجيرنا من حرارة جهنم !

صخّه اليوم، وين مالكم حس أبد ؟

مايهزك ريح

16-05-10 ||, 02:31 PM

مبرووووووووووووك عليكم الرحمه .. عندنا يصب مطر قوي في جبل علي .. ^_^!!

المزوحي

16-05-10 ||, 03:39 PM

دمعة شوق بشوف الترتيب إن شاء الله

مزن نحن هنيه ، مندسين في الثلاجه من الحر

مايهزك ريح نحن ماصب شي عندنا للأسف

أنامل قلب

16-05-10 ||, 04:30 PM

يا إلهي !.

أنامل قلب

16-05-10 ||, 04:58 PM

عيبني الموضوع اللي طرحته اختي خليجية !.

كان هناك نجار تقدم به العمر
وطلب من رئيسه في العمل
وصاحب المؤسسة
أن يحيله على التقاعد
ليعيش بقية عمره مع زوجته وأولاده

رفض صاحب العمل طلب النجار
ورغبه بــزيادة مرتبه
إلا أن النجار أصر على طلبه

فقال له صاحب العمل
إن لي عندك رجاء أخير
وهو أن تبني منزلا أخيرا
وأخبره أنه لن يكلفه بعمل آخر
ثم يحال للتقاعد
فوافق النجار على مضض

وبدأ النجار العمل

ولعلمه أن هذا البيت الأخير

فلم يحسن الصنعة

وأستخدم مواد رديئة الصنع

وأسرع في الإنجاز

دون الجودة المطلوبة

وكانت الطريقة التي أدى بها العمل نهاية غير سليمة
لعمر طويل من الإنجاز
والتميز والإبداع

وعندما أنتهى النجار العجوز من البناء
سلم صاحب العمل
مفاتيح المنزل الجديد
وطلب السماح له بالرحيل
إلا أن صاحب العمل أستوقفه
وقال له:

إن هذا المنزل هو هديتي لك نظير سنين عملك مع المؤسسة
فآمل أن تقبله مني

فصعق النجار من المفاجأة :k_shock_1:
لأنه لو علم أنه يبني منزل العمر
لما توانى في الإخلاص في الأداء والإتقان في العمل

وللقصة عبرة
فكل منا نجار يبني لنفسه في هذه الحياة ويرسم صوره له تنعكس حوله ولابد من أن يحافظ على حسن الأداء في جميع الأحوال والأزمان
لأن المستفيد الأول من ذلك هو نفسه قبل الآخرين

دمعة شوق

16-05-10 ||, 06:17 PM

الجوو عندنا يزززيغ
:ghostface:
~

ان شآءآالله ينزل مـطررر قـووووي :wink:
ومبروك عليكم الرحمه خيو مايهزك ريح
وعقبالنا ~

أنامل قلب

16-05-10 ||, 07:02 PM

^ امبلا جونا عموما طول السنه مو مثل أول !.

اممم كنت قاعده اتابع فلم وتوه خلص ..

أنامل قلب

16-05-10 ||, 08:32 PM

أراكم على خير ..

عهد الوداع

17-05-10 ||, 01:33 AM

السلام عليكم

منووو في الجوااااااااااار

دمعة شوق

17-05-10 ||, 06:30 PM

أمس فليل نزل شوية مطر
^^
~
شخباركم

المزوحي

18-05-10 ||, 03:30 PM

السلام عليكم

اش حالكم ؟؟

المفروض من شهر 5 لين 8 يعطونا إجازه + تذاكر

دمعة شوق

18-05-10 ||, 05:52 PM

^

المفروووض ,,

بس الواقع مــر
:d010:

مزن هتان

18-05-10 ||, 06:15 PM

ربِ لك الحمد كما ينبغي لـ جلال وجهك وعظيم سلطانك

ننزل من السياره لين مبنى الدوام أو الجامعه نقول حر
من السياره لين داخل الفيلا نقول حر

دوم يجون على بالي موظفين ادارتنا مهندسين هييل شوي مدلعين و عدهم مكاتب بس يروحون لوكيشنز
التكنشينز صج يغمضون ذولا ما عدهم مكاتب 7 ساعات و يمكن اكثر شغلهم تحت الشمس
هاييل شو يقولون ؟

"ربِ يجيرنا من حر جهنم"

حلم الطفوله

18-05-10 ||, 06:56 PM

مساكم خير

المزوحي ... والله أفكارك عجيبه

اليوم كنا نتناقش عن هالموضوع ( بما إنه المناهج شطبت والسفر حان طاريه )

وجهة نظرنا كانت تتلخص !! إنه المعلم أكثر واحد يشتغل ( صبروا صبروا لا تعصبون )

شغلنا صباحي ومسائي .... الصبح نداوم وطول اليوم نحضر ونسوي امتحانات ووسائل ووووووووووو الحمد لله :)

فليش ما يكافئونا بتذاكر أو رحلات خارجية

مزن هتان

18-05-10 ||, 07:53 PM

ليه حلم ؟ ماكو بدل تذاكر لكم ؟
لازم كل مواطن ينصرف له سنويا بدل تذكره

مــهــابه

18-05-10 ||, 07:57 PM

^
مـآظن
بس ف القطـآع الخـآص

والله صدق الجّــو لآيطـآآق
آنا كل يوم آيلس وآطـآلع فـ آيدي >< ، ختيه تقول آلبسي قـفـآز آبيض " جـآن اتخيل " ..

الله يعينـآ ..

دمعة شوق

18-05-10 ||, 09:07 PM

^
على طاري الايد والقفاز يامهابه
الله لايرويج صدق فررق شاااااسع
,
والقفاز في الشنطه
مره او مرتين كل اسبوع
s:

أنامل قلب

19-05-10 ||, 12:14 AM

^ المفروض اصلا نلبس هالقفاز ،
ما تصدقون وانا آخذ دروس الليسن كيف احترقو يديني ،
لأني كنت أدرب الظهر والشمس وقتها صدق صدق قويه ،

وللحين مبين بس على أخف مقارنة ابـ قبل ..!

/

اممم شسمه ، مو عارفه أنام ..

عهد الوداع

19-05-10 ||, 01:09 AM

انامل اقري المعوذات وان شاء الله بتنامين اختي ^^

انا مخترب رقادي صرااحه ابغي حل ):

صريح

19-05-10 ||, 09:13 AM

شوو عن الجمال اللبناني و بنت الجنوب ريما فقية
يعني الواحد لازم ياخذ لبنانية
:icecream:

صباح الخير جميعا

مايهزك ريح

19-05-10 ||, 09:50 AM

^
منو قال انها حلوه .. !!!!!!!!!!!!!!!!!!!!!!!!!!!!!!!!!!!!!!!
بنات البلاد احلى عنها بوايد ..
صريح بخبر حرمتك عليك ^_^!!
شفت شجايل انا نذل

صريح

19-05-10 ||, 09:59 AM

يا ريال هذ اسلوب استنكاري "يحاول يرقع هههه"
المشكلة مستانسين انها مسلمة بعد ،
و الرئيس اللبناني منزل بيان رئاسي حقها
:a033:

الحمد لله حرمتي ما تدخل الواحات
ولا بتقوم الحرب العالمية الثالثة
:fa47:

مايهزك ريح

19-05-10 ||, 10:04 AM

هههههههههه .....
يحليلك صريح ..

مــهــابه

19-05-10 ||, 11:17 AM

صريح :
ههه ، ضّحكـتني ..

صبـآحكم ورد وجـوري =) ..

آمس سمعت خّبر مب حلـو ، عـّم ربيعتنـآ سّوو حـآدث وتوفـى على طول وهو تّوه معرس ، معرس قـبل آسبوعين 7-5

وآيد زعلت =(

الله يصبر حرمته وهّله ..

مايهزك ريح

19-05-10 ||, 11:55 AM

الله يعينها .. والله يرحمه ..

المزوحي

19-05-10 ||, 03:45 PM

السلام عليكم

حلم عن الحسد ، ليش تذاكربعد يعطونكم إجازه اكثر عنا

شو يومكم ؟

خنفروش

19-05-10 ||, 03:47 PM

الله يعينها .. والله يرحمه ..

الله يرحمه برحمته ويصبر اهله

المزوحي

19-05-10 ||, 03:50 PM

الله يرحمه

أنامل قلب

19-05-10 ||, 04:24 PM

ربي يرحمه ويصبر هله وزوجته =[
ما أتخيل ، صدق صدق صدق ربي يكون بعونها ..

وايد قمنا نسمع بمثل هالاخبار ،
ربي يحفظلنا هلنا كلهم ، ويصبر كل من ابتلي ،
ويرحم موتى المسلمين جميعا ..

دمعة شوق

19-05-10 ||, 11:23 PM

الله يرحمه ياربي
ويصبر أهله

المزوحي

20-05-10 ||, 03:09 PM

السلام عليكم

اشحالكم ؟؟؟

اليوم الخميس حممم

http://oasis.bindubai.com/bin/uploaded/33364bf517c3a363d.jpg

شفت هالنعال ( وانتوا بكرامه ) عند تستوني حق اليهال 1200 درهم والله مادري ليش شكيت صناعة جبل علي

عاد نحن كله ولا الموضه

مزن هتان

20-05-10 ||, 06:09 PM

عليكم السلام و رحمة الله و بركاته، مسا النور

خواتي راحوا مع خالاتي دبا بيردون بالسبت =)

أنامل قلب

20-05-10 ||, 07:09 PM

^ افا بيردون بالسبت !.
انزين خل يجدمونها للجمعه عساس تتفرغين بالسبت ؟..

مزن هتان

20-05-10 ||, 07:20 PM

ليش يعني اتفرغ بـ السبت ؟
ياختي ابي اتدلع على امي و ابوي برايهم يردون السبت

أنامل قلب

20-05-10 ||, 07:24 PM

ما يصير تتفرغيلي آنا بالسبت ؟.

مزن هتان

20-05-10 ||, 07:38 PM

يصير و نص !!

أنامل قلب

20-05-10 ||, 07:53 PM

،

خلاص تم :blush:

مزن هتان

20-05-10 ||, 10:13 PM

:heart:

أنامل قلب

21-05-10 ||, 02:08 PM

^ مول ما لعوزتج !.

أقول النت تعيس جدا عندي اليوم ..

مزن هتان

21-05-10 ||, 04:53 PM

انا مخليتج عـ راحتج، =)

المزوحي

22-05-10 ||, 08:09 AM

السلام عليكم

صباح الخير شو اصبحتوا ؟؟

مزن هتان

22-05-10 ||, 09:11 AM

عليكم السلام و رحمة الله و بركاته
أصبحنا بخير و نعمه و لله الحمد

حلم الطفوله

22-05-10 ||, 09:14 AM

صباحج ورد يا مزونه

شو اموعنج من وقت ؟

مزن هتان

22-05-10 ||, 09:32 AM

صباحج سكر حلم
اممم اللي موعني الله يسلمج، اني بقابل حد

احم

مزن هتان

23-05-10 ||, 07:24 PM

مسا الخير
بتقطع من الملل، قام اتعشى و اتلفف بالواحات
:a058:

مزن هتان

24-05-10 ||, 07:57 AM

صباح النسيان
ناسيه مبايلي اللي الكل يدق عليه :a100:

مــهــابه

24-05-10 ||, 11:04 AM

^
آلا هذي ><

صبـآحكم ورد وجوري ..

يـآرب يعدون هالآسبوعين ع خير ، ضغط بروجكتآت والامتحانات مب مخلي الواحد يتنفس ><

مايهزك ريح

24-05-10 ||, 11:05 AM

اشحالكم يا حلوين
الجو عندنا رهيب درجة الحراره ١٤ والمطر يصب
وشو أخباركم على هالصبح

مــهــابه

24-05-10 ||, 11:09 AM

^
حلــووو

ليش آنته وين ؟!

مزن هتان

24-05-10 ||, 11:27 AM

مهابه
خلاص كم بقعد اخلي ابوي يجيب لي اغراضي ان نسيتهم
اتصل فيني يقولي بلاج مزن و ين بالج كل اسبوع تنسين شي
ربي يوفقكم و تخلصون و ترتاحون

ما يهزك ريح
صباح النور، تهنا بالجو يا أخوي

هيه صح مهابه ترى مايد في كيب تاون "جنوب افريقيا"

مــهــابه

24-05-10 ||, 11:41 AM

^
لي مـآخذ عقلج يتهنى به =P

مزن هتان

24-05-10 ||, 11:51 AM

امبييييه، مول ما يخصه !!
ضحكتيني

المزوحي

24-05-10 ||, 04:12 PM

السلام عليكم

اشحالكم ؟؟ الجو لاهوب ، والله اليوم حسيت شي ينفخ عليّه ،، نبغي الجو الحلو

مايد سلم على هل كيب تاون

دمعة شوق

24-05-10 ||, 08:26 PM

^

لاهوب من الخاااطر
حررر والشمس صدق حااره من الخاطر
:(
الله يعينا
~

مزن هتان

24-05-10 ||, 08:31 PM

ربِ يجيرنا من حرارة جهنم

حلم الطفوله

24-05-10 ||, 11:18 PM

مساء الليل

ع سالفة الحر !!

الجو عدنا بالمدارس جحيم لا يطاق !! حتى مكيفات الفصول دفايات

الله يعينا إن شاء الله

مجموعة إنسان

24-05-10 ||, 11:24 PM

هههه

المدارس من يومها جذي ههه

اليوم دخلت الكلية واشووف كل الطلاب والمدرسين برع
طلع جرس الحريييجه مشتغل وسوولهم اخلااء هههه
وحلييلهم طلعوا في الحرررررر
لو تاامين داخل ومحترقيين احسن من الحر اللي برع خخخ

حلم الطفوله

24-05-10 ||, 11:27 PM

مجموعه !! أحيانا أحس إنك مجرم :)

بسم الله عليكم ...

بس ليش المكيفات ما تبرد بالصيف !!

مجموعه !!

وزع على لكلاس كاسات فيمتو مثلج !!

مجموعة إنسان

24-05-10 ||, 11:35 PM

ههههه
\
وحلييلي هههه

ويين بتبرد
المكيفات مسويه لدرجة حرارة 30 اكثر شي
في درجة حرارة 40 الغاز اللي في المكيف يتبخر هههه

هيه ان شاء الله بعطيهم شاااي احسن ههه
شاي وحرر احلى شي

مزن هتان

25-05-10 ||, 10:27 AM

حلم مأجورين إن شاء الله أنتِ و طالباتج "جهاد"
هانت مو باقي وايد و بيأجزون الطلبه و من عقبها ان شاء الله أنتوا و ترتاحون

مايهزك ريح

25-05-10 ||, 11:21 AM

مروان .. حاظرين بنسلم عليهم .. وبييبلكم شويه من البراد اللي هنيه ..
البارحه وصلت الحراره جريب الـ10 .. متنا من البرد .. الخلق لابسين جاكيتات .. وانا مصيف .. خخخخ

http://oasis.bindubai.com/bin/uploaded/5584bfb7a22ab42c.jpg

Victoria Wharf

المزوحي

25-05-10 ||, 03:32 PM

السلام عليكم

الله يعينا لين شهر 7

اشحالكم عساكم طيبين ؟؟

مرحبا مايد ،، على جيه نبغي تقرير رحلتك لكب تاون

وخبرنا بعد الاشياء الحلوه واللي مب حلوه بعد !

مايهزك ريح

25-05-10 ||, 10:18 PM

فالك طيب يا مروان اول ما ارجع
ان شاء الله بحط موضوع كامل عن الرحله
والصوره اللي أنا حاطنها بدون تعديل
صورت اليوم في حديقة الروز
لانه كنا سايرين تور ومروبنا عليها
ندمت أني ماشليت كل العدسات
بس دبرت عمري بالعدسه اللي عندي

صريح

25-05-10 ||, 10:32 PM

مايد

لا تفوت Kruger National Park ... صح بعيده بس تستاهل

مايهزك ريح

25-05-10 ||, 10:44 PM

مرحبا صريح
هالحديقه قريبه على جوهانسبيرج مب كيب تاون
يبالها رحله بطياره :)
وانا ساير رحله اسبوع بس

المزوحي

25-05-10 ||, 11:08 PM

فالك مايخيب ..

نبغي تقرير مثل اخوانا السعوديين ( بالتفصيل ) ^_^

مزن هتان

27-05-10 ||, 07:53 AM

وايد حر المكتب، التكييف عطلان !
:a116:

السلام عليكم و رحمة الله و بركاته...

مايهزك ريح

27-05-10 ||, 11:17 AM

اي قلبي رادين للحر ..>_<"

يا ويلي على الجو الي هنيه .. المكيف مبند والحراره 14 .. ^_^!!

وشو اخباركم .. بعد ..

توني راد من الريوق .. وايد ريوق هالفندق يعيبني ^_^!!

المزوحي

27-05-10 ||, 03:20 PM

السلام عليكم

مزن الله المستعان

طبعا اليوم الخميس وأخيرا

مايهزك ريح هالوقت يكون في الدوام الله يردهم بالسلامه ، بس اي فندق ساكنين مايهزك ريح ؟؟

...............

أنا أمس أدور أماكن يديده عسب اسيرلها ، طبعا في البلاد

عهد الوداع

30-05-10 ||, 02:18 AM

اشحالكم ,,
احس من زمان ما سووولفت وياكم ...^^

مزن هتان

30-05-10 ||, 08:12 AM

التكييف خربان لليوم !!
بعدنا صامدين

عهد الوداع

30-05-10 ||, 02:47 PM

مزن لوو خذتيلج اجازه لين يصلحون لكم التكييف ,,
الله يعيييييييينكم ..

ومساء الخير ,,,
واعلووومكم ,,,

أنامل قلب

30-05-10 ||, 05:42 PM

^ مزن ، ما أتخيل إني قاعده بمكان التكييف فيه تعبان ،
فمابالج لو كان خربان بالمره !!!!"

مستحيل ، اكيد اللي عندكم مو مستوعبين إن نحن بدبي وبعز الصيف =$

/

اليوم استخفيت وايد بالدوام ، ضحكت وايد بسبة كذا شغله بالتعميم الأخير ،
بالله عليهم اشكثر قامو يظهرون اجراءات صدق مالها داعي ،
او يمكن لأني قليلة خبره أشوفها مالها داعي ،
بس كله ولا الشرح اللي قريته صدق هلكت ..

/

خارج النص :
أحس في شي غلط بالسالفة ، مادري كيف :fa46: !"

مايهزك ريح

31-05-10 ||, 12:30 PM

مرحبا مروان ..
نحنا ساكنين في The Wesin Grand Cape town arabella quays

http://oasis.bindubai.com/bin/uploaded/5584c03734000784.jpg

موقعه ممتاز .. قريب على الـ Water front

مزن هتان

31-05-10 ||, 01:04 PM

عهد الوداع & أنامل قلب
تخيلوا الثنتين اللي معاي اطلعوا
انا تميت لين نهاية الدوام، لأن بـ الاساس كانت فيّه
حمى خفيفه و بردانه و أصلا ما كان حر

مايهزك ريح

31-05-10 ||, 02:28 PM

كوفي Myatt في victoria wharf

اليلسه فنانه ..

http://oasis.bindubai.com/bin/uploaded/5584c038f1544cac.jpg
http://oasis.bindubai.com/bin/uploaded/5584c038f15809ef.jpg
http://oasis.bindubai.com/bin/uploaded/5584c038f1565c29.jpg

شوفوا كم كانت درجه الحراره .. يوم الخميس ..

http://oasis.bindubai.com/bin/uploaded/5584c039048acd2f.jpg
وشو اخباركم اليوم ..

المزوحي

31-05-10 ||, 11:32 PM

مرحبا مايهزك ريح ،، احس فنادق ويستن فنانه ،، تدري الواحد يتقاعد ويلف بلاد العالم ، يسوي ريلاكس على الآخر

وعيبني المق ،، وووو درجة الحراره ،، حــــم

نحن عندنا حررررررررررررر ،، إن شاء الله تستانسون ..

اليوم سرت اشوف جوتشي شو عندهم ،، شكلهم بيسون خصومات بس مب طايعين يعترفون متى لوووووووول

مايهزك ريح

01-06-10 ||, 09:11 AM

وصلنااااااااااااااااااااا اا ..
الطياره يديده وفنانه .. والشاشات احلى منهن ما شي .. وشفت معظم الأفلام اللي ما لحقت عليهن في السينما ..
الدرب 9 ساعات ونص .. لازم بتم اطالع افلام من الملل ^_^

مزن هتان

01-06-10 ||, 11:23 AM

الحمدلله عـ السلامه أخوي مايد، راح ننطر الصور و المعلومات

مايهزك ريح

01-06-10 ||, 02:17 PM

الله يسلمج من الشر اختي مزن ..
برتاح اشويه وبحط الموضوع كامل .. وبكل المعلومات اللي اقدر احطها ..

طير الغرام

01-06-10 ||, 02:26 PM

^

الحمدالله ع الســلامه ياخويـــه

مايهزك ريح

01-06-10 ||, 02:35 PM

الله يسلمج من الشر اختي طير الغرام ^_^

المزوحي

01-06-10 ||, 03:19 PM

الحمدلله على السلامه مايد، ارتاح وعقب بنستلمك ^_^

مايهزك ريح

01-06-10 ||, 03:33 PM

الله يسلمك من الشر اخويه مروان ^_^

مزن هتان

02-06-10 ||, 10:36 AM

صباح البقلاوه السوريه، حياكم أقربوا
بعدها الدنيا بخير دام فيها شرات الناس الطيبين حواليّ

شوق القلوب

02-06-10 ||, 01:29 PM

الحمد الله ع السلامه يا مايد.. ان شاء الله النفسيه اتجددت عقب هالسفره :)

مايهزك ريح

02-06-10 ||, 01:49 PM

الله يسلمج اختي شوق القلوب ..
اكيد النفسيه اتجددت عقب الجو الغاوي اللي عندهم .. والمناظر الفنانه .. ^_^!!

أنامل قلب

05-06-10 ||, 04:33 PM

ظهري يا دنيا ظهري :a018: ..

استغفر الله ، أحسني اليوم فيني شي غلط :bye2: "

مزن هتان

05-06-10 ||, 04:56 PM

سلامتج يا بنية

مرتاحه انه باجر الاحد، يعني يوم عمل يديد

أنامل قلب

05-06-10 ||, 05:19 PM

ربي يسلمج ماما XP

ع طاري الدوام ، ما قمتو تحسون بإن الويك اند اطول من أيام العمل !.

مزن هتان

06-06-10 ||, 11:01 AM

امبلا حتى اني وايد اتملل
نطلع و نرجع و نرد نطلع و بعد احس اكو وقت !

السلام عليكم و رحمة الله و بركاته
ربي يوفق جميع الطلبه بـ اختباراتهم

المزوحي

06-06-10 ||, 03:15 PM

السلام عليكم

اشحالكم ؟؟؟؟ مادري الدوام واااااايد ملل

شو بعد هذا الدوام ملل ، ليش نحن سايرين نلعب ، سايرن نشتغل ونحصل راتب ولله الحمد

بس الصراحه انا احب الدوام بس مب وايد لانه ارف وروتين وملل

الواحد لو عنده بزنس ابرك له ، لا حد يذلك ولا يتأمر عليك

في ناس يخلونك تكره حياة الدوام

المزوحي

07-06-10 ||, 02:34 PM

السلام عليكم

اشحالكم ؟؟؟ طيبين ان شاء الله :m_m7tar:

حممم حد هنيه :whistling:

مايهزك ريح

07-06-10 ||, 02:58 PM

مرحبا مروان .. انا موجود .. ^_^
اعلووووووووومك ..

عهد الوداع

07-06-10 ||, 03:41 PM

مساء الخير والاحساس والطيبه

المزوحي

07-06-10 ||, 10:51 PM

مايد متى بتاخذ إجازتك ؟؟؟

عهد مساء النور كيف الحال ؟؟

مايهزك ريح

08-06-10 ||, 08:25 AM

باخذ اجازه شهر سبعه ان شاء الله ^_^!!
واحين يالس ادور تذكره .. الله كريم

مزن هتان

08-06-10 ||, 10:54 AM

صباح الخير

ان شاء الله تلاقي تذكره بنفس الطياره أخوي ما يهزك ريح

مقدمه على طلب اجازه من 3 ايام و مستحيه أقول حق مسؤولي
المدير عنده خبر بس المسؤول لآ من شوي خبروه اني مقدمه عـ طلب اجازه اسبوعين !!

مــهــابه

08-06-10 ||, 11:07 AM

صبـآحكم ورد ..

~ كيـفكــووون ؟!

محد يتريـا الاجازه شرآتي انا ، بأذن الله 100 و10 آيام بالظبط جان ماخذت صيفي >< ..

مزن هتان

08-06-10 ||, 11:17 AM

تتهنين فيهم هالـ 100 و 10 أيام يا رب
=)

مــهــابه

08-06-10 ||, 11:22 AM

^
آمين يآرب

تسلميلي مزن ( k )

حآدره الواحات عسب مآ آرقد واستعيد نشاطي ، لاني مدوخه

مزن هتان

08-06-10 ||, 11:40 AM

الله يسلمج(F)

They approved my leave =)
الحمدلله

مايهزك ريح

08-06-10 ||, 12:35 PM

^
انا بعد توه مسوي ابرووف .. وانا اصلا يالس ادور على تذكره خخخخخخخخ
ما عندي 1 2 3
وبعد شخباركم اليوم ^_^!!

المزوحي

08-06-10 ||, 02:20 PM

السلام عليكم

الحمدلله مزن وافقوا على إجازتج

مايهزك ريح حتى انا في المخطط شهر 7 بس الحين ماعرف آخذ اسبوعين بس وإلا لنهاية 7 !!

مهابه لاترقدين

ابغي اسير اتقهوي في Paul

شوق القلوب

13-06-10 ||, 02:21 AM

مرحباااا بالحلوين... شخباركم ؟؟

فرفوش

13-06-10 ||, 02:25 AM

أنتي شخبارج
مختفيه من مده^_~
عسى ما شر

شوق القلوب

13-06-10 ||, 02:33 AM

انا..!

بالعكس.. انا موجوده و كل يوم ادخل...

..

الحمد الله .. اخباري طيبه... :)

فرفوش

13-06-10 ||, 02:36 AM

ووينها حلوووم
عساها موجوده
دايم هالوقت هي موجوده
في نص الليالي
الا اليوم
مالها حس
عسى ما شر
حد مزعلنها
والا أنا مهلووووس
وعلى طاري مجموعة نفر
بلاه مختفي
كل نفرات مافي موجود
أكيد كل أمتحان
وكله سهر
وكله تعب
وفرفوش شو يالس يخربط
تراه مهلوس

فرفوش

13-06-10 ||, 02:40 AM

ومايهزك جبل ولا ريح
تراني بعدني أتريأ وعدك لي
موضوعك أستناه في واحة السفر بنلأااه
شد الهمه تعال
خل الموضوع يولع هنا وهناك

أخوكم شاعر مهلوس

دمعة شوق

13-06-10 ||, 03:05 AM

^
:fa48:
~

يسعدلي صبـآحـكم
:14:

مزن هتان

13-06-10 ||, 08:18 AM

أصبحنا و أصبح الملك لله
السلام عليكم و رحمة الله و بركاته

مايهزك ريح

13-06-10 ||, 09:44 AM

مرحبا فرفوش .. يالس اكتب الموضوع ..
وارفع الصور .. وان شاء الله كمن يوم .. وبتلقاه في الشريط اللي فوق .. ^_^!!

فرفوش

13-06-10 ||, 01:14 PM

شو غداكم اليوم

مزن هتان

13-06-10 ||, 01:24 PM

مجبوس سمج + ناشف دياي + عيش أبيض

شوق القلوب

13-06-10 ||, 01:46 PM

للحين ما شفت الغدا... شكلي برقد و بتغدا العصر

مايهزك ريح

13-06-10 ||, 02:24 PM

انا يوعاااااااااااااااااااان .. ليش ذكرتوني بالغدا ;_;

المزوحي

13-06-10 ||, 03:45 PM

السلام عليكم _ اشحالكم ؟؟ ماشاء الله عليكم متيمعين !

يقولي ربيعي اليوم لو نسافر 3 شهور، شو الفايده نسافر اسبوعين ونرد في الحر

قلت له : على هواك ^_^

شوق القلوب

13-06-10 ||, 11:34 PM

ذكرتني يالمزوحي باطول سفره .. كانت شهرين و شوي... من سكرت المدارس لين ما فتحت.... كانت ايام حلوه :)
و السنه اللي عقبها سافرنا بعد شهر وشوي...

حلم الطفوله

13-06-10 ||, 11:55 PM

تصدقون

أ جربت السفر طول فترة الإجازه ( عادي سفرتين ورا بعض أنزل من طياره وأركب طياره .... وكنت أرد على ليلة الدوام شرات المصريات :)

صح وناسه وتحسين إنج غيرتي جو وروتين بس بعد لما تردين تحسين إنج منهكه لأنج ما يلستي بالبيت عشان تملين منه :)

مجرد وجهة نظر

مــهــابه

14-06-10 ||, 12:31 AM

^
آنا موول ما احب جيه ..

آسبوع وعقب آيلس آحن آبى ارد البلاد، مره هزبني آبويه قآل يوم تحيدين عمرج جيه لآتسافرين =( ، وآيد آحب البيت أنا ، بيتوتيه بشكل ماتتخيلونه ، آحسه مملكتي الخاصه لو طلعت منه بيستوي بي شي

حتى ف الويك إند آفضل اليلسه ف البيت من الحواطه الطويله ، يعني ظهره من الظهر يلين العشــا " اتغصص " ..

يمكن لآني مآ آيلس ف البيت وآيد ؟

.

.

تصبحـون ع خير ، حـآن وقت النوم

المزوحي

14-06-10 ||, 05:03 PM

شوق ماظن الحين شي مجال قوم بوشهور !

حلم الطفولة لا عادي ،،

مهابه يوم اسافر ماحب اتم اكثر عن اسبوعين برع احس اتوله على البلاد، بس غلطان من قال، البلاد طفحت ، فخلونا نستمتع قد مانقدر ، لا حقين على الازعاج

خيال الحب

14-06-10 ||, 05:58 PM

مســاء الخيـــر ~

دمعة شوق

14-06-10 ||, 07:06 PM

مساء الخيرات

مزن هتان

15-06-10 ||, 10:30 AM

صباح الخير
ملل، أكرهـ الدوام يوم أكون مداومه بروحي
لازم يوظفون اناث و يكونن من اللي يخلصون و يقدورن و يحبون العمل

كلهم رجال :fa43:

مايهزك ريح

15-06-10 ||, 12:28 PM

الله يعينج اختي مزن ^_^!!
اخيرا خلصت الموضوع مال كيب تاون وحطيته في الواحات .. ان شاء الله يعيبكم
وينك فرفوش .. !!!

شوق القلوب

15-06-10 ||, 02:21 PM

الله يعطيك العافيه.. تقرير مميز :)

مايهزك ريح

15-06-10 ||, 02:24 PM

^
Thanks

المزوحي

15-06-10 ||, 03:17 PM

مسا الخير

مايهزك ريح

15-06-10 ||, 03:19 PM

مسا النور .. حيالله مروان ..
اعلوووووووومك ..

المزوحي

15-06-10 ||, 03:30 PM

الله يحييك ، الحمدلله ربي يعافيك

الناس بدت تختفي وتسافر ، اليورو نزل بعد، شي حلو

حلم الطفوله

15-06-10 ||, 08:02 PM

الله يرحمنا برحمته

الحر لا يطاق !! حتى المكيفات ما تنفع بالصيف

برايي إنهم يمنعون أعمال البناء طول الصيف ....شو ذنب هالفقارى يشتغلون تحت هالشمس الحارقه

الله يعين العمال

شوق القلوب

15-06-10 ||, 10:16 PM

لا اتقولين عن الحر... انا طلعت اليوم الساعه ١٢.. قضيتلي مشوار و رديت....
والله اني رديت و حيلي منهد من التعب و الحر... حتى ما اتغديت ع طول رقدت....

حلم الطفوله

15-06-10 ||, 10:28 PM

والله يبالهم يسوولنا مدارس مكيفه ومغلقه عشان انعمر بوظايفنا

من نخلص دوام المكيفات يختربن على حظنا ونيلس بالحر ...

حر بمعنى حر !! الله يعين إلي يسوقون .... ا

المزوحي

15-06-10 ||, 10:48 PM

صدقكم

بس على حسب التعود، بس مب هذا الحر، نحن مول مانقهر

انا يوم اشوف العمال جيه، اقول مب زين ، يعني مافي حل يشتغلون في الليل

بدال النهار ؟؟ :mad:

على طاري الحر شو حبيتوا اكثر باسكن روبنز وإلا كولد ستون :bye2:

حلم الطفوله

15-06-10 ||, 10:52 PM

المزوحي

كلهم ينفعون في الحر :)

على سالفة شغل العمال في الليل ... في أبراج زمزم يشتغلون فليل بس بعد نسبة الرؤية تكون أخف بوايد فما أعتقد العمل بيكون متقن

بعدين خراريف العيايز تقول : لا تجيسون الأرض جريب لمغرب عن ادوسون جني أو تجتلون شيطان بالغلط !!

الحين هاي خرافه وإلا صدق يا ترى ؟

المزوحي

15-06-10 ||, 11:05 PM

اكيد خرافه

اللي اعرفه من قراب المغرب الواحد يمسك اليهال عن اللعب عسب الشياطين ، ومادري عاد لو يردون يلعبون عقب !!

ماتسمعون صوت الام او اليده يعلى هالوقت ، وتسمعون الفتين على اليهال ههههههه

شوق القلوب

15-06-10 ||, 11:36 PM

هذا حديث عن الرسول - اللهم صلي عليه -... لانه وقت المغرب تنهد الشياطين باعداد كبيره... ويحبون اماكن النجاسه.. مثل البواليع - عزكم الله - ... و من جي الواحد لازم يدخل الصغاريه عن يرتطم واحد فيهم و يتلبسه - بسم الله -.....

المزوحي

15-06-10 ||, 11:57 PM

بسم الله
الله يحفظ اليهال والكبار بعد
نترخص عنكم،
مجبورين عسب الدوام ، ماشي رقاد الظهر، ومايواحي، كم من ساعه والصبح !
تصبحون على خير

المزوحي

16-06-10 ||, 08:14 AM

السلام عليكم

صباح الخير

اللهم اجعل يومنا هذا يوم خير وبركه وارزقنا من حيث لم نحتسب

صدق ماقدرت اسير الدوام، خلني اكمل الحليب وادخل الواحات، توني اتصلت بهم، خبريتهم إني بتأخر، لأنه نحن مهما نشتغل مايشوفون هذا كله، يشوفون الشي اللي مب زين، وإلا انتوا مب مثلنا !!

المهم حتى منكم مسوي بلاليط، داق في بالي الحين، ابغي اتريق بلاليط قبل ما اشغل الموتر

مزن هتان

16-06-10 ||, 08:19 AM

عليكم السلام و رحمة الله و بركاته
صباح النور أخوي المزوحي، شهيتني بـ البلاليط !!

المزوحي

16-06-10 ||, 08:27 AM

هلا مزن، زين لو بتخلين حد يسويلنا الحين قبل ما اطلع

وإلا اقول خلاص خلاص انا بظهر ماشي وقت ،

في مان الله

المزوحي

17-06-10 ||, 02:58 PM

السلام عليكم

واخيرا اليوم الخميس والجو ولا اروع

احس اليوم غير عن كل يوم حراره فضيعه

باقي لي اسبوعين وبظهر إجازه

مايهزك ريح

17-06-10 ||, 03:00 PM

مروان .. طالع اجازه ويايه ^_^!!
ناوي على سفر ولا بتم في البلاد !!

المزوحي

17-06-10 ||, 03:15 PM

ايوه يعني تاريخ 4 /7 والله ودي اسافر ، وفي احتمال اسير مع الرضيعه النمسا

مايهزك ريح

17-06-10 ||, 03:30 PM

النمسا فنانه .. يلسو في الهيلتون ستادبارك .. هذا في نص البلاد ..

المزوحي

17-06-10 ||, 11:42 PM

بغيت أسأل بخصوص الشنقن فيزا هل لازم اطلعها من البلاد اللي بزورها اول

يعني لو بسافر المانيا والنمسا وسويسرا ، يعني لازم اسافر ألمانيا أول ؟؟؟

في قرار ظهر إنه لو الخدامه شردت في ألمانيا او لندن تدفع غرافه 100 الف درهم، طبعا حسيت هذا جنننووون شو صحة هذا الكلام الله يخليكم

مزن هتان

18-06-10 ||, 06:50 AM

السلام عليكم و رحمة الله و بركاته
صباح الخير

ملانه ماكو شيء أسويه !! أريد أحشر قوم أمي :alien:

شوق القلوب

20-06-10 ||, 12:42 AM

السلام عليكم..

بلاها الواحات... احس انها خاااليه محد فيها... الا كمن عضو..؟!

مايهزك ريح

20-06-10 ||, 09:07 AM

مروان .. اذا كنت ساير اكثر من دوله لازم تاخذ الشنجن من اول دوله تنزل فيها ..

وبالنسبه للخدامه اعتقد انه صدق لأنه وايدات اللي شردن هناك !

شوق القلوب

20-06-10 ||, 11:25 AM

ع طاري الشغالات.... اونه لازم الشغاله اتكون مكمله سنه... ولا ما بيعطونها فيزا

المزوحي

20-06-10 ||, 03:56 PM

السلام عليكم

يعني هالكلام صح ، ناخذ الشنجن من اول دوله بننزل فيها

شوق القلوب ، اعرف واحد امس طلعة ويزة خدامته لانهم بيسيرون لندن

لانه هو يسير ويرد ( دراسه ) :fa45:

المفتاح

23-06-10 ||, 08:09 AM

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته

كيف الحال يا اهل الواحات مرتاحين ان شاءالله تعالى

الف تحية لكم

والله الموفق
المفتاح

المزوحي

24-06-10 ||, 03:28 PM

السلام عليكم

مختفين

شاردين عن الحر ؟

مالكم حس

حلم الطفوله

24-06-10 ||, 11:24 PM

المزوحي ... حتى انته مختفي هالفتره !! عسى المانع خير يا خوي

الظاهر إنه الطيور طارت لأرزاقها .... والكل يتزهب للسفر واستقبال الإجازه :)

الله يسعد الجميع يارب

دمعة شوق

25-06-10 ||, 04:39 PM

مسـآء الخيــر
:14:
/

ويـنـكم يـ أهـــل الـوآآحـآآآآآآت
:bye2:

الموز

25-06-10 ||, 07:33 PM

السلام عليكم

يمكن اهل الواحات في إجازة صيفيه

والكل لاهي

إلا ألاحظ هاليومين إنه كل البنات شالين شنط شانيل

شو مستوي

أو لو مب شانيل

ماركه ثانيه بس موديل شانيل

يعني اللي فيها صنقل

وتكون نازله

المزوحي

26-06-10 ||, 08:17 AM

السلام عليكم

حلم الطفوله انشغلت هاليومين

شو اموركم ؟

مايهزك ريح

27-06-10 ||, 08:36 AM

اختي الموز .. انا بعد قمت الاحظ هالشي .. حتى خواتي وينات اختي ما شي سالفه غير هالشنطه ما اعرف شو مستوي !!!

وشو اخبارك مروان .. شو شعورك آخر اسبوع دوام .. وعقبه اجازه ^_^!!

المزوحي

27-06-10 ||, 09:01 AM

السلام عليكم

انا آخر يوم بيكون بالخميس وللحين ماسرت الدوام ، مالي بارض الصراحه

بسير عقب شويه

على قولة ربيعنا مب فاضي احضر اجتماع ولاغيره لين عقب العيد

مايهزك ريح

27-06-10 ||, 10:48 AM

انا الإجازه من يوم الخميس .. يعني اخر يوم بالأربعاء ^_^!!
وديت موتري تشييك واستلمته وافتكيت .. عشان يوم ارد مالي بارض اوديه الوكاله ..

سرت توني المحطه ورديت خذت لي ريوق ..

يالس احسب الأيام !!

شوق القلوب

27-06-10 ||, 01:26 PM

حلو الشعور هالايام... استعداداات السفر... و ترتيب الشنط...

ان شاء الله تستانسون باجازاتكم...

صريح

27-06-10 ||, 01:58 PM

بلادي و ان جارت عليه عزيزة
حر البلاد و لا حشرة مكسمليان و المرينا

للعام الـ 5 على التوالي الكل يسافر و انا يالس فالبلاد و مستانس
----> واحد ما يحب السفر ابدا
:4:

شوق القلوب

27-06-10 ||, 02:07 PM

:1:

و بلادي و ان جارت علي " بـ حرها " عزيزه

..

ارفع وياك نفس الشعار

بس انا احب السفر... و مجبوووورين ع اليلسه

المزوحي

27-06-10 ||, 03:15 PM

بس مايد لو خليت الاجازه آخر شي ، يعني يوم بيردون الاهل ، لانه الصراحه قهر ترد وبتم روحك

شوق القلوب إن شاء الله الكل ينبسط سواء اللي بيسافر أو اللي تام في البلاد

صريح احسن لك تام هنيه ^_^

مايهزك ريح

27-06-10 ||, 03:22 PM

ما اقدر اخلي الإجازه آخر شي لأنه مديري بيطلع ويباني مكانه .. فمجبور .. على اجازه اسبوعين وبس !!!

صريح ..
يوم السالفه المانيا وتحديدا ميونخ .. انا بعد اقولك لا اتسير .. إلا اذا بتسير شمال في منطقه حلوه وماااافيها عرب اسمها Dresden خمس ساعات درب .. من ميونخ
وبالطياره 40 دقيقه تقريبا !!!

المزوحي

27-06-10 ||, 03:26 PM

آها جيه عيل

هالمشكله في الصيف الكل يبغي نفس الفتره

حتى اخويه مايحب ميونخ .... يبغي بعيد عن ضجة ............................ العرب

شوق القلوب

27-06-10 ||, 11:13 PM

ليش احس اني اكثر وحده تدخل الواحات... وكله اشوف انه محد فيها ..!!!

دمعة شوق

28-06-10 ||, 12:17 AM

^
s:

الواحات خامدة

شوق القلوب

28-06-10 ||, 12:21 AM

خامده من الخاطر بعد....

:ohboy:

دمعة شوق

28-06-10 ||, 12:53 AM

شخبااارج شوشو

شوق القلوب

28-06-10 ||, 01:03 AM

طيبه الحمد الله ...^ـ^

و انت شخبارج شوشو ..؟؟

دمعة شوق

28-06-10 ||, 01:42 AM

lool
الحمدالله يا شوشو
شكلج رقدتي ،، نـوم العوآآفـي

المزوحي

28-06-10 ||, 09:11 AM

السلام عليكم
كلامج صحيح شوق الواحات خاليه وشوفيهالموضوع ١٤ صفحه بس
ماعليه اقبال

يالله نتريا الريوق للحين ماوصل بالسلامه

محدثكم المزوحي
الواحات
اي فون

مايهزك ريح

28-06-10 ||, 10:21 AM

مرحبا مروان ..انا ريوقي وصل .. بس بعدني ما فضيت عشان آكل .. على راحتي !

انا من البارحه مصدع .. ما اعرف شو اسوي .. وما شي بندول عشان اخفف على عمري .. !!

المزوحي

28-06-10 ||, 12:04 PM

ماشي صوبكم دكان تقدر تشتري حبتين

مايهزك ريح

28-06-10 ||, 01:39 PM

للأسف ماشي ..
الأكل مكود لكن دكان يبيع بندول ماشي >_<

شوق القلوب

28-06-10 ||, 02:44 PM

جان طلعت شوي و وصلت المحطه...

ما اتشوف شر يا مايد...

ولو مول ما رمت تطلع اشربلك كوفي...

المزوحي

28-06-10 ||, 04:04 PM

من فتره راسي كان يعورني، والبندول مخلص عنا، فواحد من العمال سار الدكان واشترى 4 حبات بندول

منو يبغي بلاليط ؟ :k_smile2:

مزيونه العرب

29-06-10 ||, 12:35 AM

^
انا البلآليط مـآعرف ليش مآ احبه ><"
عكس لي عندنآ في البيت.. كلهم يحبووووووونه ..

فيني رقآد لكن يوم اسير احط راسي ع المخده يطير كل الرقآد
واتجلب واتجلب ولا اروم ارقد .. صآر لي كم يوم ع هالحآله =(

المزوحي

29-06-10 ||, 03:17 PM

يمكن على حسب كيف يسوونه

زين يمكن فيج ارق ، حاولي تسوين اكتفيتي او تشربين بابونج وطبعا لاتنسين الدعاء

المزوحي

30-06-10 ||, 09:17 AM

صباح الخير
بالعاده نقول واخيرا الخميس
الحين مايهزك ريح يحتاي تقول واخيرا الاربعا
متا رحلتك؟

ما احصل كل الحروف في الاي فون

مايهزك ريح

30-06-10 ||, 12:19 PM

مرحبااااااااا مروان ..
هيه والله واخيرا الأربعاء .. السفر بالخميس .. الفليل ..

اتعرف لازم تظغط على الحروف كمن ثانيه .. لين يطلعن لك باقي الحروف مثل الألف تم اشويه ظاغط على الحرف بيطلع باقي الأشياء ..
جرب ..

المزوحي

30-06-10 ||, 02:56 PM

إن شاء الله تنبسط في الرحله

انا قلت حق بنت اختي يمكن يسوون جيه على الحروف، قالت لا وانا ماجربت بعد

مايهزك ريح

30-06-10 ||, 03:22 PM

ان شاء الله .. ^_^!!

المزوحي

02-07-10 ||, 01:51 PM

السلام عليكم

الجو يخبل اليوم

دمعة شوق

02-07-10 ||, 02:58 PM

وعليكم السلام والرحمه

الجوو حاار يالمزوحي
:fa39:

المزوحي

02-07-10 ||, 09:14 PM

دمعة شوق اقصد حار بس ماعرفت اعبر :sad:

دمعة شوق

03-07-10 ||, 01:00 AM

^
هييه على بالي >.<

شخباركم .. حـد موجود ؟

المزوحي

04-07-10 ||, 04:26 PM

اليوم متصلين بي من الدوام أونه رد :sad: اليوم أول يوم إجازتي :mad:

مزن هتان

06-07-10 ||, 08:18 AM

بسم الله بلاها الواحات !!
ماكو حد فيها

خيال الحب

06-07-10 ||, 12:44 PM

mar7abaaaaaaaaa

any one here :D

مزن هتان

06-07-10 ||, 02:23 PM

مرحبا و مسهلا، ماكو حد

يوعانه أنا اليوم، خاطري بأي طبخه من أيد أمي

مايهزك ريح

06-07-10 ||, 09:28 PM

انا وصلت ... شو اخباركم .. حتي نيويورك البارحه حر >ـ<

دمعة شوق

07-07-10 ||, 01:59 AM

^
الحمدالله على السلامه
حرهـم غيـر عـن حـرنآآ احسبه أهـوون
^^"

~

آخبـآآركم يالمختفيين!!

مايهزك ريح

07-07-10 ||, 07:43 PM

ماشي يديد حواطه وبس انا الحين في واشنطن

مزن هتان

10-07-10 ||, 12:49 AM

مستاحش عليّه المكان
متملله

مزن هتان

13-07-10 ||, 08:37 AM

سبحان الله تمطر بـ عز الصيف
مبروك علينا الرحمة، ربي لك الحمد

صباح الخير

مزن هتان

13-07-10 ||, 01:20 PM

كأنه قايلين ان شاركتي وايد بنعطيج بيزات
شاده حيلي من أول الصبح

حسيت بصراحه

دمعة شوق

14-07-10 ||, 01:31 AM

^
لووول
الله يعطيج العاافيه حبيبتي
~
كلكم رقوود
-.-

مــهــابه

14-07-10 ||, 01:40 AM

آنا اليوم وآعيه ..

آصلاً كل يوم آكون وآعيه بهالوقت ، بس اليوم فآضيه =P

كيفـك دمعووه ؟ وآعلوم العين ؟

آشتقت لها نوعـاً مــا ..

مايهزك ريح

14-07-10 ||, 01:43 AM

بدا العد التنازلي والعوده الى دبي
باجر بتحرك لنيويورك وببات ليله فيها
والصبح الطياره
ما اصدق انه الوقت طاف بها السرعه !

دمعة شوق

14-07-10 ||, 01:45 AM

^
انا منيحه خيتو ,, انتي كيفك آن شآءالله طيبه
وينج هالغيبه مالج شوفه في الجوار
~
امم العين مشتاقتلج وصارلها العين كمن يوم حلو جوها
يبآلج اتين صوبنآآ

دمعة شوق

14-07-10 ||, 01:48 AM

مسـرع يـ مايهزك ريـح
ماشاءالله الوقت يمـر بسـرعه ،، ودايمـن آلوقت الحلو يمر بسرعه
~
باقلك يوم استانس فيه قد ماتقدر وعووض عشان يوم ترد لبلاد يكون عندك مخزون
P=

مــهــابه

14-07-10 ||, 01:49 AM

آنا منيحه كتّر خير الله ..
والله موجودين ، تدرين البيت والريل والعيال ==> مصدقه عمرها الاخت لوول ..

آنا بعد اشتقت لها وودي آييها ..
هيه يقولون لي الجو حلوو ، واليوم عندكم غيييم بعد صح ؟

ماعلييه بعد السفر بنيي انشم هواها ماروم اصبر يلين شهر 9 ..

اخويه مايهزك ريح :

توصل بالسلامه ان شاء الله ..

دمعة شوق

14-07-10 ||, 01:55 AM

^
ههههه اوكي دام الريل والعيال معذوره ياختيه
هيه اليوم كان عندنا غيــم
يالله نتريآآج من تـردين من السفر
وتروحين وتردين بآلسـلآمه فديتــج

مــهــابه

14-07-10 ||, 01:57 AM

^
لـوول لآتصدقين دمعووه انتي بعد ..
بس سلآمي مــاماتها مخلتنها عندي ومسافره ومستويه الام الحنون لها ..

الله يسلمج يــااارب ...

ماعرف آرقد وخاطري بشي =(

دمعة شوق

14-07-10 ||, 02:07 AM

آآي نـوو بس اسولف ويآآج
حلو تكونين الأم الحنون تحسين بمعاناتهن
>.<

~
آفآ يـآ مهوب شوو اللي فخاطرج

مــهــابه

14-07-10 ||, 04:01 PM

^
مسـآ الورد ..

~ دمعووه امس كان خآطري بـ سمبووسه

تخيلي !

رقدت 5 ونص وهي في خاطري لوول ..

من بدت الاجازه ماقد سهرت لهالوقت الا امس ..

مزن هتان

15-07-10 ||, 08:38 AM

صباح بدهن العود =)
جايبه للموظفين خنيزي و خلاص مع دلة قهوه
على اساس اني بغيت أربع انواع من الرطب بس اللي فهمته من أبوي
اظن ما نبتوا البرحي و اللولو مادري نبتوهم غلط شيء من هذا القبيل
مادري يمكن موزعينه عـ اليران و الاهل
الجود فالموجود الحمدلله

مــهــابه

15-07-10 ||, 02:23 PM

^
مسـآج كـآدي ..

ماشاء الله مزن تعرفين تفرقين امبينهم
مب آحنا =P

مزن هتان

15-07-10 ||, 03:40 PM

فضيحتي راح تكون بجلاجل ان ما عرفت افرق امبينهم
يبه "أبو أمي" يعلمنا بس بعدني ما عرف وايد
ذولا أعرفهم لأنه عدنا بالبيت

خيال الحب

15-07-10 ||, 04:48 PM

السلام عليكم

شحالكم وشخباركم

مزن هتان

15-07-10 ||, 06:44 PM

عليكم السلام و رحمة الله و بركاته

مسوين كشري، ورق عنب و كفتة دياي بس مو لنا =)
حق حد من معارفنا بطرشلهم اياه حق عشاهم، ندز لكم نقصه ؟

ودي أروح العيييييييين

دمعة شوق

15-07-10 ||, 07:08 PM

^
أبا محشي يـا مززن لوول
حيآج الله ف العين
من زماان مااييتي

مزن هتان

15-07-10 ||, 07:30 PM

للاسف اني في دبي و انتِ العين كنت اجيب لج والله
لانه صحونهم اجهزت و تم جدر المحشي مليان

شكلي ما بسير صوبكم الا فـ رمضان
ماحب ابات برع البيت و انا ادري ان ابوي لحاله بالبيت

دمعة شوق

15-07-10 ||, 08:22 PM

عآآدي حبيبتــي ^^
~
يآالله عيـل ننتظـرج عنـدنآآ ومن آلحين آقـولج فطـورج بيـكون عندنــا
:)

مزن هتان

16-07-10 ||, 12:24 AM

تسلمين حبيبتي ما تقصرين

مزن هتان

16-07-10 ||, 11:59 PM

البيت ملل، المنتدى ملل
بشرب حليب و بحاول اشوف شي يتشاهد بالتلفزيون

طير الغرام

17-07-10 ||, 12:35 AM

^

كــــل شي ممــــل

ملل X ملل

!

مزن هتان

17-07-10 ||, 12:55 AM

ايييه والله طير

من العصر كنا في بيت أهل أمي، ردينا 11 و شوي
أنا و خواتي اقترحنا نسير عند امي و خواتي اخر اسبوع قبل رجعتهم
و نرجع يميع، بس السؤال هل راح يسمحون لي اسافر ؟!!
بجدم ويهي =) و ان شاء الله يوافقون