مشاهدة النسخة كاملة : ~ بــــرزة الــواحــــات ~
مــهــابه
17-10-11 ||, 12:45 PM
^
انـا اللي عندي واصل الدوام متآخر والسبب هالضبـاب
الله يحفظـهم من گل شررر يـااارب
منوه يبـا تفـاااااح ؟ لووول
مزن هتان
17-10-11 ||, 12:57 PM
أهم شي سلامتهم، و الا الدوام لاحقين عليه
عليج بالعافيه
اليوم 5:30المساء "خارج النص" مع ضرار بالهول
يتناول قضية طمع المدراء و جشعهم
don't miss it =)
الاسطوري
17-10-11 ||, 03:12 PM
الضباب صوبنا كان وسط لان دوامي شويه متأخر ..
مزن، شو رايج تشوفين البرنامج وتخبرينا الخلاصه لان بصراحه انا مول ماعندي وقت اشوف التلفزيون :tongue:
اليوم خذيت تطعيم الحمى الشوكيه لاني ان شاءالله بروح الحج ويه المدام، تبون شي من هناك؟
مــهــابه
17-10-11 ||, 04:11 PM
مزن :
الله يعـافيچ ..
الاسطـوري :
ابا كيمراااا حمرا لووول
مانبا غير سلامتكم ودعواتكم =)
خيال الحب
17-10-11 ||, 04:39 PM
تسير وترجع بالسلامه يالاسطوري
عرست ولا عزمتناا على عرسك هاااا
زين زين ماعليييه
الاسطوري
17-10-11 ||, 04:51 PM
"مهابه"
لووول مال اول انتي يطلع منج غبار كحكح
الله يسلمج وإن شاءالله بندعي لكم :)
الاسطوري
17-10-11 ||, 04:54 PM
"خيال الحب"
تعرف بعد الربشه أحيانا تشغل الواحد، ماعليه بعزمك في عرس الثانيه بس لاتخبر حد :alien:
خيال الحب
17-10-11 ||, 06:13 PM
هههههه بالبركه يالحبيب ^__^ وربي يرزقك بالذريه الصالحه ان شاء الله ^_^
والله وايد استانست لك
مزن هتان
18-10-11 ||, 07:44 AM
خيال، مهابه، الاسطوري
شحالكم ؟
اذا قدرت اشوف الاعاده، فالك طيّب أخوي اونه يعني ما عندك وقت ها !
=) مبروك، و ربي يسهل عليكم حجّ السنه
المزوحي
18-10-11 ||, 03:22 PM
السلام عليكم
اشحالكم ؟؟
الاسطوري
18-10-11 ||, 03:36 PM
"خيال الحب"
الله يسلمك ويسمع منك وعقبالك إن شاءالله، يالله تشجع ترا الشعر الابيض بيغطي راسك قريب وعقب بتدخل اسمهك في ، السموحه العتب على النظر لووول
"مزن"
الحمدلله بخير انتي شحالج؟
انا دومي مشغول من زمان والحين بزيادة بعد، مشكوره وإن شاءالله بدعي لج تحصلين دوام في مكان احسن :)
"المزوحي"
وعليكم السلام، الحمدلله بخير انت شحالك وشو يديدك؟
شوق القلوب
19-10-11 ||, 01:34 AM
السلام عليكم...
ماشاء الله .... بالبركه يا الاسطوري... يا اخي ليش ما اتونسونا باخباركم الحلوه ؟؟
والله ان شاء الله اييسرلكم الحج... و يرزقنا جريب...
والله الواحد لازم يعزم ع الحج متى ما قدر... الاعمار بيد الله و الواحد مب عارف لين متى بيعيش... مب زين التاجيل وايد بلا سبب
..
ع طاري الضباب... لو كنت اداوم كنت بعطي عمري اجازه في هاليوم.. ولا باخر .. لين ما تضح الرؤيه.. والي بيخصم حياه الله :a018:
المزوحي
19-10-11 ||, 02:57 PM
مرحبا الاسطوري الحمدلله بخير ونعمه، الله يوفقك إن شاء الله
شوق القلوب لالا الفلوس حلوه ماظن بتعطين عمرج إجازة لو فيها خصم :)
شوق القلوب
20-10-11 ||, 12:20 AM
المزوحي... يفدى روحي معاش هاليوم... :whistling: النفس غاليه يا اخوك
مــهــابه
20-10-11 ||, 12:11 PM
^
هيـه والله
الروح غـآليه ~..
اخبـارگم هـل الواحـات
البـارحه كانت ليله عصيبه عليّه ، راقده عند ختيه بـومبا ومب مسسسوتلي اعتبار موليه
انا والشبريه واااحد
تزاعج وترمس بالفون ومطوووله ع السماعات ولا جنه في وحده راااقده
واليوم ناشه من ٦ الصبح
ابا ارد البييييت واعوض عن رقاد امسس
،
الاسطوري
20-10-11 ||, 01:55 PM
"شوق القلوب"
الله يبارك فيج، تعرفين بعد مشاغل الدنيا تلهي الواحد احيانا، الله يسمع منج وعقبالكم ان شاءالله
"المزوحي"
نحن حتى لو غبنا تنحسب من السنويه ونظام الخصم ماينطبق إلا في بعض الحالات، نظامكم غريب شويه وعن الضباب لو وسط تمشي الامور بس لو بزايده الواحد يتأخر شويه عادي والمفروض يتعاونون
"مهابه"
الحمدلله بخير اختي انتي شحالج عساج طيبه؟
احس من زمان ماشاركت في الواحات وفيني رغبه ارد بس يوم اشوف البرود وندرة التواجد اتكاسل
وين مزن احسها مختفيه؟
المزوحي
20-10-11 ||, 03:28 PM
ههههههههه شوق القلوب .. زين عيل .. لأنه في ناس يقولون خلهم يولون وحزة الحزه يتمون يتحرطمون :fa56:
لا الاسطوري نحن بعد يوم نغيب لو يوم ينخصم من الاجازة السنوية .. :9:
مــهــابه
20-10-11 ||, 04:20 PM
الاسطوري :
آحنـا بخير وسهـاله
مآنشششكي بآس
=)
.
.
شوق القلوب
23-10-11 ||, 02:47 AM
الووووو....
السلام عليكم... شخباركم اخواني...
هالويك اند كان كىيييييب.. ما اردي ليش ! ماعيبني :4:
طير الغرام
23-10-11 ||, 02:50 AM
وعليكـــم الســـلام والرحمـــه ،،
الحمدالله يســرج الحــال ،، انحـاول انضيــع وقتنــا بـ أي شي ^_^
وشو عنــج ؟
مزن هتان
23-10-11 ||, 08:52 AM
صباح الخير،،،
عن نفسي استمتعت هالويكند، الحمدلله
مع انه نفس كل اسبوع الخميس يكون ... و يوم اليمعه بيت أهل أمي
بس طاقتنا زايده هاليومين مع تغيّر الجو =)
أريد أسافر
طير الغرام
23-10-11 ||, 01:29 PM
مســـــــــا الـــورد ~
خيال الحب
23-10-11 ||, 03:49 PM
السلام عليكم
شحالكم يا اهل الواحات
كل عام وانتوو بخير وعيدكم مبارك قبل كل الناااس
دواااام تايم :)
نشوفكم بعد العيد ان شاء الله
تحملوو من عمرررركم
طير الغرام
23-10-11 ||, 03:58 PM
^
وعليكـــم الســلام والرحمـــه ،،
الحمدالله يســركـ الحــال ،، وشـو عنكـ ؟
:
وإنتـه بصحـه وسلامـه
والله يعينكـ يعني بتعيـّد فـ الدوام !
خيال الحب
23-10-11 ||, 04:00 PM
هي ياطير للاسف هالسنه بعيد هنااااك :( .. مب حلو العيد الكبير الواحد يعيد بعيد عن اهله ..
الله كريم ان شاء الله
انا الحمدلله انتي شحالج وشخبارج.. داوممتي ولا بعدج ؟؟
طير الغرام
23-10-11 ||, 04:35 PM
^
الله يعينكـ شـرات أبويـه ،، بس السنـه بيعيـّد معانـا
:
و لـ الأســف بعدنــي ماداومــت القهـر التأخيـر كلـه ع سنـة الامتيـاز ولا الشغـل الأساسـي موجـود
بس ما أقدر أشتغـل دايركـت بدون سنــة الامتيــاز
الله كريــم ،، كــل تأخيــره فيهــا خيــره
^_^
طير الغرام
30-10-11 ||, 01:17 AM
مآ أجمل أن نعلم // أننآ لن نرتفع ..!!
إلآ إذا انخفضنآ [ لله ] سآجدين ~ ♡
مايهزك ريح
30-10-11 ||, 09:32 AM
شو اخباركم باقي اسبوع على العيد .. خلصتوا اغراض العيد ولا بعدكم ..
مــهــابه
30-10-11 ||, 12:51 PM
^
طبعـاً لا لوول
انا ملابسي شي منهن فالعين وشي فالشارجه وبيخلصصصن ليلة العيد ..
ماخذت عبي ولا شنطه ولا جووووتي ولا سويت شي
وماروم احااااوط فالسووق موليّه
اصـلا ريلي ٢ يوم عيد دوام عسسب جيه مسدوده نفسسسي ومالي بااارض =(
طير الغرام
30-10-11 ||, 02:24 PM
أنا وايـد عليــه سويــت عبـاه والكنادير من قبل فـ الخياييـط
بحـاول هـ الإسبـوع أخلـص باقــي الأشيــا
مادري ليـش هب حاسـه إنـه العيـد جريب !
مايهزك ريح
30-10-11 ||, 03:11 PM
كل حد عنده هالأحساس .. مادري انا بعد لين الحين ما حصلت لي نعال .. !!!!
مزن هتان
31-10-11 ||, 12:57 PM
اجازة العيد بس 3 أيام =l
احباط !!!
المزوحي
31-10-11 ||, 03:11 PM
هيه والله احباط مزن انقهرت ، بس المدارس بيأجزون ,,
مايهزك ريح يبالك لوفر جفنشي :fa56:
مزن هتان
01-11-11 ||, 07:40 AM
السعودية من البارحه أجزوا ! و بيستأنفون العمل تاريخ 12 من الشهر =)
يا حيّهم
صباح الخير
المزوحي
01-11-11 ||, 04:09 PM
ما احب هالطاري مزن يبالنا ريلاكس
مايهزك ريح
02-11-11 ||, 07:32 AM
عندي لوفر valantino بني فاتح .. وعندي لوفر تودز كحلي .. بس ابا نعال .. ^_^
المزوحي
02-11-11 ||, 03:16 PM
وييييه انا بعد عندي لوفر تودز :b015:
نايس مايهزك ريح :vampire:
بس ماظن تبغي انطونيو ؟؟؟؟
مايهزك ريح
03-11-11 ||, 10:25 AM
انطونيو .. ما يعيبني ..
http://oasis.bindubai.com/bin/uploaded/5584eb2339a6a071.jpg
المزوحي
03-11-11 ||, 02:44 PM
عساكم من عايدين العيد
زين مايهزك ريح يوم بتحصل شي يديد في عالم النعول خبرنا :thumbup1:
صار عندنا تشبع من تستوني
مزن هتان
10-11-11 ||, 08:29 AM
نقول حق الحجاج
حج مبرور و ذنب مغفور و سعي مشكور بإذن الله :fa41:
و ربي يكتب لنا حج السنه القادمة
صباح الخير
مــهــابه
13-11-11 ||, 02:21 PM
مسـاگم ورد
شحـآلگم ؟
وكيف كانت اجازه العيد وياكم ؟
انا ماحسيت بها الا يوم الاربعـا يوم الناس داوموا لووول
الزجمه والحمى مبهددددلتني ومب رايمه اخذ غير الادوول =(
طير الغرام
13-11-11 ||, 03:44 PM
^
ما اتجوفيــن شــر
والله يعينـج
مزن هتان
13-11-11 ||, 08:54 PM
خطاج الشر مهابه
المزوحي
14-11-11 ||, 02:48 PM
السلام عليكم
كنت مب صاحي، اليوم افضل عن قبل ( الحمدلله )
اشحالكم ؟؟
طير الغرام
14-11-11 ||, 11:20 PM
^
وعليكــم الســلام والرحمـــه ،،
ما اتجــوف شـر ياخويــه ،، والحمدالله يســركـ الحــال ^_^
مايهزك ريح
15-11-11 ||, 08:24 AM
احس انه حلجي بدا يعورني شكلي بمرض .. ما اداني يوم يتغير الجو .. كلنا نمرض
مزن هتان
15-11-11 ||, 09:56 AM
ألف لا باس عليكم شباب !
مزن هتان
15-11-11 ||, 01:25 PM
تسلّم عليكم عهد الوداع، السلام أمانه !
طير الغرام
15-11-11 ||, 02:23 PM
^
الله يسلمهــا من كــل شـــر ،، أتمنـى اتــرد اتشـاركـ معانــا شـرات قبل =(
مايهزك ريح // الله يعينكـ وحـاول تبتعــد عن الأشيـا البارده وكثـر من السوالف الدافيـه وخصه حليب الينزبيــل :fa51:
طير الغرام
20-11-11 ||, 05:38 PM
مســا الـ خ ــيــــر ~
اممم شو سالفــة الواحــات من كــمن يــوم ! :surrender:
مزن هتان
21-11-11 ||, 09:37 AM
صباح الخير :d010:
هاك اليوم حسيت دخلت بو أحمد وراها شي
ولهت على هالكم نفر اللي متواجدين
مايهزك ريح
21-11-11 ||, 11:31 AM
ماشي الناس مشغوله وايد ..
طير الغرام
21-11-11 ||, 03:29 PM
كلــن وظروفـــه والواحــات بعــد كانت مشغولـــه !
بالرغــم من الركـود اللي صايب الواحــات والمتواجـدين اللي ينعدون ع الأصــابع
بس اتــم الواحــات المكــان الوحيـــد اللي كملـــت فيـــه سنيـــن وجمعتنــا فيــها أيــام حلــوه وصحبــه حلـوه
شوق القلوب
21-11-11 ||, 11:48 PM
السلام عليكم...
شخباركم اخواني ...؟؟ هي دخلت هذاك اليوم و ماطاعت تفتح ...
يا هالمرض الي ماخلى حد... الحمد الله
شوق القلوب
22-11-11 ||, 12:37 AM
شو السالفه .. في مواضيع ما ترضى تفتح....! لو حد يعرف بن دبي يخبره
خيال الحب
22-11-11 ||, 11:17 AM
بن دبي يعودكم شوي شوي ع فراق الواحات .. شكله ناوي ع شررر
يا بن دبي استهدى بالله .. خلناا نشوف هالكم نفرر على قولة مزن .. صدق الناس الي هنييه كلهم حبايب قلبي .. من سنه 1998 هنيييي .. يعني لو عندي ولد جان صار الحين صف ثامن تقريبا هههههههه
طير الغرام
22-11-11 ||, 03:04 PM
^
ما آتخيل !
عشـرة عمـر :surrender:
بس المشكله الأعضاء نصهم وبعد أكثر من نصهم اختفوا !!
المزوحي
22-11-11 ||, 03:10 PM
السلام عليكم
ليش ونحن نقدر نستغنى عن الواحات
لو نغيب شويه ، أهم منتدى ندخله الواحات
تعتقدون بيعطونا إجازة بالأحد ( بمناسبة اليوم الوطني ) ؟!!
طير الغرام
22-11-11 ||, 03:11 PM
^
وعليكـــم الســلام والرحمـــه ،،
ماينــدرى !
المزوحي
22-11-11 ||, 05:30 PM
زين لو بيعطونا ترانا نستاهل :1:
مايهزك ريح
23-11-11 ||, 12:31 PM
هيه والله يوم واحد يسوي شغل ^_^!!
اليوم الجو رهيب .. ان شاء الله يصب مطر ..
مــهــابه
23-11-11 ||, 02:38 PM
وآخيراآ فتحت الواحات
تحريت بن دبي سگرها خلاص
اليـوم الـجو حلو ، جـو بـر ويلسه ع العرقوب وانـوري الضـو ونشرب چاي گرگ لووول
خيالي وااااسع لوول
.
.
طير ، مزن :
الشر مايييكم
هلللكت والسبه هالحمى ، قمت اشششرب دله حليب بالزنجييل كل يوم والحمدالله من يومين صرت احسسسن
المزوحي
23-11-11 ||, 03:05 PM
الله يضحّك إنه يوم اسير الصبح الدوام، اشوف البكب اموقف وامحمل الدراجه عشان يسير عقب الدوام وخاصة يوم الخميس :4:
طير الغرام
23-11-11 ||, 05:21 PM
^
هــذا واحــد متحمـس من الخــاطر :4:
الجــو اليــوم وايـــد رهيـــب وإن شاءالله فـ هالأيــام اليايــه يصــب مطـــر
ولهــت ع هـ الأيـــام :a049:
خيال الحب
24-11-11 ||, 03:13 AM
الجوو طرطريشششششششششششن
هواا بررررد وغيووم
من متى وانا اتريااا المطررر .. شكلي برقد وع صلاة الفجر بشوف لو في احتمال يطيح مطرر ولالا
تصبحون ع خيرر^__^
طير الغرام
24-11-11 ||, 03:38 AM
^
أنا جفـت الغيــم من ورا الجامــه بعدني ما اتحمست أظهر من البيت :fa52:
فـي احتمــال ع حســب توقعاتــي لـ الإصــآد الجويـه إنه الإسبـوع اليــاي يصب مطــر :a049:
هــذآ والله أعلــــم
:
وإنتــه من أهلـــه بــرو
=)
المزوحي
24-11-11 ||, 03:04 PM
مرحبا
وش حالهم ؟؟؟
طير الغرام ، راعي البكب بعد اليوم بدراجته، وظهر من الدوام وحده ونص متحمس ، الله يحفظهم
وشو جدولكم للويك إند ؟
طير الغرام
24-11-11 ||, 06:25 PM
^
يحيـــه وعقبالنـــا لازم أرتـب مع خالـي سيـرة بــر جريبـــه :fa47:
الصراحـــه الجـو هـ الأيـــام وايــد حلــو
والعصــر رحت أسلم ع قوم يدتيـه حصلتهـم يالسيــن بـرع وحاطين الدلال أجواء حلـوه والله :14:
وبالمــره اليهــال كانوا يبونـي أصورهــم وحده تبـى شي موديرن وعن التطور حق المدرسـه والباقيـن عن عيد الإتحــاد
عاده هاي مالت التطور صورتها وهي قابضه اللابتوب أونه تطور وكمن صوره وهي لابسه كعب وشنطه ونظاره ههههه :h_ttmasha: شسوي ماعندي أفكــار غير
:fa51:
خيال الحب
25-11-11 ||, 02:31 PM
بررر تايييم
حد بيخاويناااااا يا جمااعه
حياكم الله
اليوم طبااخ العشاااا علي انا
الي يبغي بطنه يعوره يقرب حيااااه خخخخخ
طير الغرام
25-11-11 ||, 11:21 PM
^
اتفــآول ع اللي معاكـ يعني
انجــوي يور تــآيم وبالعافيــه عليكــم :fa42:
بنت الدلع
27-11-11 ||, 05:26 PM
الجو خطييير اليوووم :fa41:
مساكم ورد
المزوحي
28-11-11 ||, 03:50 PM
مساء النور
هاليومين غيييير الجو فنان وعندي وايد مخططات لكن في كذا شي صار عكر مزاجي
هممم وين ناوين تسيرون بالخميس ؟
طير الغرام
28-11-11 ||, 08:52 PM
مســـا النــور ~
لين الحينــه ما خططنــآ لـ شي
فـ خاطريـه أقعـد ع البحــر قبل الغـروب فـ هالجــو :fa41: وأمر قبل ستاربكس وآخذليه وايت موكا وذ كاراميل
اللي يسمـع يقول إنيـه أسوق >> ولا أفكـر :woot: مالي غير ختيـه بحمسهــآ معايــه :icecream:
مايهزك ريح
29-11-11 ||, 08:30 AM
نحنا وايد مخططين لأماكن بس لين الحين ما ندري بنسير ولا لأ
المزوحي
29-11-11 ||, 04:52 PM
طير ايوه خلي اختج اتوديج وخلي الدفع عليج عسب تتحمس :whistling:
مايهزك ريح إن شاء الله تسيرون وتنبسطون :woot:
طير الغرام
29-11-11 ||, 05:10 PM
^
هههه روحهـا ما اتقصـر بس تبى حــد يحمسهــا مرات أنا ما أتفيـج مستويـه بيتوتيــه :woot:
المزوحي
29-11-11 ||, 10:55 PM
ســــيري غــــيري جـــــو
الناس مرتبشه عشان اليوم الوطني، مب نحن إدارتنا هدوء السنه ماشي احتفالات ، عفانا الله
طير الغرام
30-11-11 ||, 03:15 AM
^
اليـــوم غيّــرت جــو مع خواتيـــه وشلينــا معانــا بيبي نواري ❤ >> عقب زور أمايه وأبويه خلونا انشلها :fa52:
واحنـا ظهرناها لنـه ختيـه تباها تتعود من الحينـه عشان يوم بيرد أبوها من السفر ما اتلعوزهم فـ الظهـرات
وفديتهــا كانت هاديــه أمايه اتقول بتعودونها ع الحوامه :fa56: ههههه ياهل وحليلهــا
:
امممم أبااا أنزل موضوع فـ واحة التصوير بس ما أقدر ماتفتــح الواحـه ،، شو الحــل !
:smile2:
مايهزك ريح
30-11-11 ||, 11:32 AM
ويه نحنا عندنا احتفالات .. ووايد مزينين المبنى بكبره والأقسام ..
وبرع حاطين خيمه وفعاليات ..
وانا يايب كاكاو وموزع على الدور كله ..
والبنات لابسات عبي عجيبه غريبه .. الوان العلم .. وحتى الحنا مال روح الإتحاد ..
ربشه عندنا
http://oasis.bindubai.com/bin/uploaded/5584ed5dbe0dbeef.jpg
مزن هتان
30-11-11 ||, 12:42 PM
بعدهم الجماعه يتريقون !
حلوه اللمه :fa41: مو مقصرين الجماعه
موظفين ادارتنا المواطنين، وايد يحمسون
انا و زميلتي بس مداومين من البنات، ما خلونا بروحنا المدراء
و حتى المهندسين رايحين رادين يرتبون و يحطون الريوق معانا "رتبناه على شكل بوفيه"
ما شاء الله عليهم، اله يحفظهم
في شي وايد يضحكني فيهم، يحبون يصورون وايد !
خيال الحب
30-11-11 ||, 02:43 PM
الله يديم نعمة الامن والامان على بلادنا الحبيبه يارب
امييين
ويديم الافراااح علينا وعليكم
طير الغرام
30-11-11 ||, 03:06 PM
^
آميــــــن
المزوحي
30-11-11 ||, 06:09 PM
مزن الكل قام يصور ، نحن احتفالنا عباره عن كيكة والسلام الوطني وبس يعني 7 دقايق
مايهزك ريح اتحريت اتداوم مع هنود بس
خيال الحب
01-12-11 ||, 02:47 PM
المزوحي
لالا ها انا الي اداوم ويا هنوود خخخخخخ عنصررر النسااء ممنوع عندنااا ..
شحالكم
يالله اليوم زحمه بكل مكاان مسيراات
الله يستررر بس@___@
مايهزك ريح
01-12-11 ||, 03:27 PM
قسمنا بس اللي هنود وباقي الاقسام معظمه مواطنين ^ـ^!!
المزوحي
01-12-11 ||, 06:01 PM
هاااااا جيه عيل :) مايهزك ريح
طير إذا ممكن تسوين تصميم ( يا خليفة إذا قلنا سمانا ............ )
طير الغرام
01-12-11 ||, 08:32 PM
^
أكيد ممكن
بس كيف الحجم تباه حق بي بي ؟
وإن شاءالله بسويلگ ايآه يوم برد البيت
لنه حالياً ف بيت قوم خالي امسوين باربيگيو :fa42:
طير الغرام
02-12-11 ||, 11:59 PM
مســــائكـــمـ مسيـــرات ويولـــه ~ :a033:
عن خاطرنـــآ سرنــآ واتطمشنـــا ع أجــواء المسيــرات
صدق شي ناااس امفلـــع من الخــاطر ههههه بس أهم شي غيرنــآ جــو :fa42:
المزوحي
03-12-11 ||, 12:21 AM
الحمدلله غيرتوا جو طير، بس عن التصميم لا مب حق البي بي يعني حطيه في واحة التصوير .. :fa42:
طير الغرام
03-12-11 ||, 01:30 AM
^
هيــه والله غيرنــا جــو مع إنيـه اشوي ميهـوده اليـوم وامبوني ماكنت بروح معاهــم
امممم ما أعــرف كيـف المواصفــات اللي تباهــا ! عندكـ صوره ؟
المزوحي
03-12-11 ||, 03:09 PM
ماتشوفين شر
لا ماعندي شي معين، ومب إني أباها حقي، كنت اقصد بما إنج تسوين تصميم بين فتره والثانيه، فقلت لو تسوين تصميم يوم الاتحاد وتكتبين هالبيت او تحطين صور الشيوخ
طير الغرام
03-12-11 ||, 05:59 PM
^
الشــر ما اييكـ ياخويــه
أهــااا أنا قلت بعـد يمكن قصدكـ جيـه بس حبيت أتأكــد
من زمــان ماسويــت تصاميــم حدي بطايــق بسيطــه ولا حق الفـون :fa36:
مــهــابه
03-12-11 ||, 06:01 PM
مســآگم ورد ..
گيفگون ؟
طير الغرام
03-12-11 ||, 06:42 PM
مســـا الـ خ ـيــر ~
الحمدالله يسـرج الحــال ،، وشو عنــكم ؟
:
المزوحــي // وايـد عليــّ أمـس سويــت هاي
http://oasis.bindubai.com/bin/uploaded/11844eda34f93ffbc.jpg
أسمينـي لعبــت بـ بنت ختيــه ،، وفي صـوره لحفتهـا بالعلــم
وهي حبيبتي كانت تضحكـ ورافعـه إيديهـا فـوق بالصدفـه لقطتها وهي اتسوي جيـه :heart:
المزوحي
05-12-11 ||, 10:42 PM
السلام عليكم
خاتلين الجماعه ، ويـــــــــــــن ؟؟
هلا طير، حلوه الصورة ، موفقه :fa42:
مــهــابه
06-12-11 ||, 09:46 AM
وعليكم السلام والرحمه
عني انـا موجوده
صااايره ما ارقد موووووليه ، ناشه من الساعه ٥ بلا شغـله ..
احاول ارقد ومافيّه رقاد ..
انتو علومگم ؟ شو مسسسوين ؟
شو تريقتوا ؟
خاطري بـ قرص من ايد مـامـا ><
المزوحي
06-12-11 ||, 03:31 PM
السلام عليكم
مهابه غيري الروتين ، اشغلي عمرج عسب ترقدين او امشي
جو النوافير في دبي مول + سوق البحار هاليومين غير ، حاولوا تمرون لو في نص الاسبوع
مــهــابه
06-12-11 ||, 04:42 PM
^
امشي يومياآ تقريبا او شبه يومي المـغرب ..
احيان اتعايز امشي
رحت النوافير ف دبي مول يون اليمعه وكانوا يحتفلون ف العيد الوطني
زززززحمه مشششش طبيعيه ..
كانت الاجوا حلوه ، لگن ززززحمه
حتى المول اشششل الغرض بشتريه اطالع الزحمه ع الكاونتر ارد الشي مكانه واروح
ماحب چييييه
.
.
الحياه بلا خدامه صعععبه ><
بروح امشي فالحوش طشوووونه وبسويلي حليب زنجبيل ..
طير الغرام
06-12-11 ||, 06:52 PM
المزوحــي // أهليــن
أنا عن نفسي دوم أحدر الواحـات وأشاركـ أو حتى بين فتره وفتره
بس من يوميـن مليـت لنـه اللي يشاركـون أو يتواجدون بمعنى أصـح ينعدون ع الأصابـع
آخر شي شكليـه بسولف روحي وبرد ع عمريـه ! :surrender:
الاسطوري
06-12-11 ||, 09:16 PM
المزوحي
من قبل الحج مارحت المول ودخلته الويكند اللي طاف يوم الجمعه العصر ويه الحرمه آخذ غرض وحسيت وايد زحمه مع أني كنت مبركن قريب المحل اللي نباه، احس يوم ويه ربعي غير آخذ راحتي وشكلي بروح هالخميس بروح وساهم عن خاطري مع أني ماروم اقطع عن مركاتو احس اكثر مكان احب اروحه :k_smartass:
مهابه
الله يعينك بس دامج ماتداومين حلو تروحين تتسوقين ايام الاسبوع الصبح لان مافي زحمه بس عاد لازم تشوفين حد يروح وياج، هيه صدقج هالزمن الواحد مايستغني عن الخدامه صرنا نحتاج مساعدتهم في وايد اشياء :smile2:
طير الغرام
قبل يومين كنت ارمس احد الاعضاء اللي مادخلوا من زمان وقلت له ان في اعضاء مناظلين ومقاومين موجة المواقع الاجتماعيه واللي هم انتوا فلا تطلعون بليز الواحات تباكم :a108:
شوق القلوب
06-12-11 ||, 10:16 PM
الاسطوري...
يعني شو الفرق يوم انك اتسير ويا مرتك...؟؟ ليش ماتاخذ راحتك ؟ عشان محد يشوفك من ربعك ...؟؟!!
الاسطوري
07-12-11 ||, 01:09 AM
عدلت وايد تنقيعات في الرد الاولي بس توني بعدما راجعت لقيت بعد كم وحده لاني استخدمت جهاز ماحبه وقت الطباعه، هني غير من لابتوبي الجديم المغبر لووول
شوق القلوب
سؤالج يباله موضوع منفصل في الواحة المفتوحة لأنه حساس نوعا ما وشكلج معصبه الحين وتبين تطلعين حرتج فيني ولكني بريء وبخبرج التفاصيل
:fa36:
عادي مافيها شي اني اروح وياها وهذا دليل ان رحنا مول الامارات وما لقينا الغرض وعقب سرنا دبي مول وخذنا اللي نباه وظهرنا بس هي من النوع اللي ماتحب الزحمه وانا من النوع اللي ماحب اروح السوق في الزحمه او اوقات الزحمه بشكل عام سواء بروحي او مرافق او اودي حد مثلا ودايما افضل الحلول البديلة حتى لو كان وراها تكلفه اكثر مثلا والمول كان زحمه هاك اليوم عكس إذا رايحين نتمشى واللي هو الوضع في الغالب يوم اروح ويه ربعي ولكن بعد عندي تجربه متأثر منها وهي اني غلطت مره غلطه باني حبيت اطلع عن المعتاد فرحت يوم العيد ويه الحرمه اتعشى واشوف فلم في دبي مول ومن كثر الشباب اللي كانوا هناك حسيت ان وجودنا صدق غلط يعني ابد مارتحنا فاحب الاماكن اللي تناسب العوائل اكثر او اللي تكون اهدا
انا مب من النوع اللي يحبس حرمته في البيت ولا يطلعها لا بالعكس ماخلي شي في خاطرها وعندها مجال تتحرك فيه واحب اوازن فأخلي وقت للاسرة وطلعاتهم واحتياجاتهم وزياراتهم الخ ووقت للربع والطلعات والرحلات والحياة الاجتماعيه خارج نطاق العائلة بشكل عام واحس مافي تعارض بالعكس ظاهره صحيه ان الواحد بعدما يتزوج يظل محافظ على علاقاته الاجتماعيه وربعه وبرامج العزوبيه بشرط انها ماتأثر على حياته الزوجيه لان اللي يجابل زوجته 24/7 تبدأ تصير خلافات بينهم وعادي يذبحهم الروتين بعد فترة فالظواهر الصحيه مطلوبه هني
مــهــابه
07-12-11 ||, 11:20 AM
الاسطوري :
انـا سايره اتمشششى بما انها اجازه يوم وطني بس تعرف الحريم
عندنا حمى الشوبينغ لووول
وعن الخدامه انا ماباها حقي لووول ، لكن اهنيه فالبيت البشاكير مروحاا وتامين بلا خدامه وعمتي حرمه عوده ماتروم ع شغل البيت
وانا ساعات اتوهق ، اغسسسل ملابسه ، اوتب وانظف ملحقي ، جان بسسسوي غدا ولا عششى احسسب سوالف قص الخضره والطباخ وعقب غسال المواعين هههه
مسسسوتله حميه غذائيه نتريق ونتعشا من برااا بس والغدا يمكن سويت له مرتين بس لووول ==> احسسسن رجيم
.
.
بالنسبه لموضوعك اللي تناقشت فيه مع شوق القلوب ، هالشي بيكون مؤقت حسب اعتقادي ، باچر بتتعودون ع بعض اكثر
بيكون عندكم يهال ان شاء الله ، ف بتفضل انك تقضضضي وقتك من المدام ..
ف بدايه زواجي ، بحكم اني كنت بعدني ف الجامعه وبحكم دوامه المؤرف ، كنا نتلاقى احيان يوم ف الاسبوع واحيـان يومين وان كثرنا ٣
ماكان عندنا فررررصه نيلس ويا بعض ، نطططلع اي مكان
يعني تخيل هاليوم بيلس عند هله ، ولا بنطلع نتعشى برا ، ولا بيطلع يخلص التزاماته وووو
كنا صدق متازمين چنا ربع من حرمه وريال معرسين ، الوضع ماكان عايبنا احنا الاثنين وخصوصا انا رديت للجامعه عقب اسبوعين من العرس بس
هالشي كان مؤقت ويوم تخرجت الحمدالله ، صار ٣ارباع وقته معـاي ، اذا بييلس عند هله شوي ، او بيروح ل عزبته ، لكن تعودنا شبه يومي نطلع مع بعض ..
مب شرط سينما ، مب شرط مول ، حتى لو نتلفلف بالسياره نشرب عصير او شي
بالنسبه له العصر يوميـا وقت مخصص للعزبه ، تخيل مسسسستحيل نطلع العصر لان خلاص هالشي محدد ، وانا متعاونه وياه ف هالشي باني عاطتنه وقت يمارس فيه هوايته اللي يحبها ويسير عند حلاله و البوش ماله وووو ...
لگن في ايام مثلا ف العيد ، تجازه العيد الوطني مثل هالايام لااااازم يتنازل ونطلع طلعه طويله من الصبح مثلا ونرد بليل ..
سالفه انه طلعه ويا ربعه وطلعه ويايه انا الحمدددددالله هالشي ماعندي ونادرا مايصير ، من خذذدته يمكن طلع ١ مره بس وبات ف البر لان اليوم اللي بعده كان عندهم مركاض..
وما حس هالشي يسبب ملل او روتين او ماشابه ذلك ، لاني احيان اروح لاهلي وابات عندهم وهذا ك نوع من التجديد
من وجهة نظري الشخصيه كل ما زاد عمر العلاقع الزوجيه زاد الترابط امبينهم مب العكس
رمست وايد ><
بروح اتريق وخلاف بروح العياده
دعواتكم لي ف ظهر الغيب =)
الاسطوري
07-12-11 ||, 12:53 PM
^
قلت لشوق القلوب هالنقاش يباله موضوع خاص
مهابه
انا ماختلف وياكم في اللي تقولونه بالعكس لازم الواحد يقضي وقت ويه العائله ويشوف احتياجاتهم ويعطيهم حقهم ويطلعهم ويسفرهم ويسعى انه يوفر لهم المتطلبات الاساسيه والحياة الكريمة ويتابع امورهم الخ بس انا ضد ان الريال يتم مجابل الحرمه طول الوقت يعني عادي مافيها شي انه يخصص يوم او يومين في الاسبوع يلتقي ويه ربعه ويروح رحلات ويبات برع ويسافر بعد لو حب في حدود المعقول أو في حالتج مثلا روحته شبه اليوميه للعزبه لان الريال يحتاي هالشي وفي المقابل يخليها تلتقي بربيعاتها مثلا او تروح تبات عند اهلها احيانا (خاصه في البدايه) وتمارس حياتها عادي بشكل طبيعي مثل قبل عشان الاثنين مايقطعون الحياة الاجتماعية اللي عاشوها قبل الزواج ولا ينقطعون عن الناس وفي نفس الوقت يكون في توازن
هالشي بتحسون فيه عند الكبار في السن بمجرد الريال يتقاعد او ييلس في البيت يدير مثلا تجارته او غيره يبدأ يتدخل في كل كبيره وصغيره في البيت وتبدأ الحنه والاسئله اللي مالها داعي وتصير خلافات الناس في غنى عنها عكس الريال اللي يكون مثلا مرتبط بأعمال أو تجاره أو زيارات وتواصل إجتماعي أو ميالس مثلا أو اي شي يشغله برع البيت في اوقات معينه بشرط انه مايقصر في حقوق الاسره ولا انه ينشغل عنهم بزياده وهالشي انقله لكم من واقع شايفنه جدامي. انا اشوف ان البيت كإدارة داخليه المفروض يكون من إختصاص الحرمه إبتداء من المطبخ والطبخ للغرف والتنظيف والغسيل والتعديلات وحتى التجديد في بعض الإضافات على الديكور كالمفارش والتحف والتغيير في الالوان وماشابه لان الحرمه لها لمسات الريال مايملكها ومايمنع ان الزوج يساعد او يعطي رايه او حتى انه يغير احيانا بس مايكون هذا دور اساسي له لان بطبيعة الحال هي تقضي وقت اكثر منه في البيت ويكون عندها مجال اكبر لتخطيط في هالامور وهو يقتصر عليه الاشراف بشكل عام والتدخل في وقت الحاجه
بعض القناعات انا وصلت لها بعدما شفت تجارب غيري وعرفت اخطائهم وخذت الخلاصه فاحاول اتجنب اني اطيح فيها يعني كمثال بس في وايد شباب واقولها بكل اسف حريمهم اللي يتحكمون في كل شي والامثله جدامي واااااااايد يعني الريال باختصار يصير (سمانديقا) وتضيع شخصيته وهذا اكبر غلط يرتكبه الريال في حقه وحق اسرته لانه خلاص ماتصير له اي كلمه في البيت هو مجرد شخص ينفذ الاوامر والسبب في انه من البداية ماعرف يمسك زمام الامور ولا يدير زوجته عدل .. حلو التشاور بس القرار لازم يكون عند الريال
انا من قبل مهيئ الحرمه ان موسم الشتا في إجازات زوجية لاني بطلع رحلات تخييم ويه الشباب وهي عندها الخيار اما تيلس في البيت عندنا او تاخذ إجازة وتروح بيت اهلها لين ارجع حسب كم ليلة الطلعه ومااعتقد ان هالشي يأثر على الحياة الزوجيه بالعكس يخلق نوع من التجديد ويردنا لأيام الخطوبة والملجة
مــهــابه
07-12-11 ||, 01:48 PM
^
مممم شوف الاسطوري من ناحيه اللي يمسك زمام الامور هالشي مايعتمد ع الريال وشخصيته بس لا
يعتمد بعد الحرمعه ، دايما ايولهم الياهل ع ماتربيه والريال ع ماتعوديه ..
يعني مثلا :
لو نفرض انه زوجي شخصيته ضعيفه او يتهرب من المسوليه او ما شابه ذلك
انا بيدي خيارين :
الاول : اكون انا الحرمه والريال وامسك الامور واكون الامر الناهي ف البيت وهو مجرد شخص ينفق ع البيت
الخيار الثاني : اول سؤال اسئله نفسي : انا ليش عرست ؟! اريد يكون هناك شخص مسؤول عني وعن البيت ومستقبلا عن البيبي ووووو
هالشي متى يكون ؟
ف بدايه الزواج او حتى فب فتره الملجه وبششششرط :
انه الحرمه تبغي الريال يكون المسؤل ومايكون ( سمانديقا ) ع قولتك ..
لان ف اعتقادي الحرمة الذكيه سهههل جدا عليها تشكل الريال بالطريقه اللي تبيغبهـا ..
في نقطه اتفق وياك فيهـا ان التجديد ف العلاقه الزوجيه مطلـوب وان المفروض تكون في فتره نقاهه امبينهم لكن شدني مره برنامج للدكتور احمد النجار تقول فيه وحده انها اكتشفت خيانة زوجها لـها ف الايام اللي تبات فيها عند اهلها ، لذلك احنا معشر الحريم لووول ما انخلي الريال يسسسرح ويمرح ع هواه كل شي بحدود
مسئله الشور والقرار عند الريـال هالشي متداول ومعروف لگن بشششرط ، انه الريال يكوت ع قناعه ، رايي خطا يحتمل الصح وراي غيري صح يحتمل الخطا
مب انا اناقش واجادل وووو واخر شي هو يسوي لي ف راسه ومشاوراته مع الحرمه تكون باءت بالفششل ، شي جميل انه الريال يسمع شور حرمته ف بعض الاشيا وينفذها لر كانت صح هالشي مب عيب ولا غلط ..
لاتنسى وراء كل رجل عظيم ' امرأه'
شخصيا في بدايه ايام الملجه تعببببت وايد بحكم اني ارتبطت بانسان مختلف تمااااما عني من ناحيه التفكير والسبب البيئه اللي عايش فيها واحنا گلنا نعرف في فرق بين الحضر والبدو ف مجتمعنا ..
گنت مستسلمه ، اقول شو بغير ؟ وشو بخلي؟
واجهت صعوبه ف العادات ، اللبس ، الطلعات ، طليعة اهله وعاداتهم ، اهتماتهم وامورهم وايد وايد اشيا
قلت انا اعتبر نفسي فـ تحدي : تو بي اور نت تو بي ..
كان صلب ومع الايام بدا يلين ، اشيا واااايد تغيرت ، تفهمه اني يايه من اسره وبيت وبيئه مختلفه عن بيئتهم ساعدني ..
وايد اشيا ماكنت اعرفها علمني اياها ، وايد اشيا كنت اشوفها فيه غلط باللين وبالعقلانيه غيرتها فيه
الحمدالله وهالكلام قال لي اياه اخوه وللحين اذكره ' انتي غيرتي ف شهور اللي ماقدر يغيره حد او هو بذاته ف سنين '
مب لـ ذاتي لا ، مع اهله ، ف اطباعه ، ف وايد اشيا
صح البدايه صصصعبه وايد لكن الحمدالله التوفيق والتيسر من رب العالمين .
تنازلت عن اشيا وتنازل عن اشيا ، احيان نختلف لكن كل حد يحاسب نفسه ومانخلي الغلط يستمر ..
ما حد يضغط الثاني
كل حد يمارس حياته وهواياته والاشيا اللي تعود عليها قبل العرس
والامور ماشيه ..
وف الاخير كل حد يبني حياته بالطريقه اللي يشوفها تناسبه ،
والله يوفق الجمييييع يارب
المزوحي
07-12-11 ||, 04:01 PM
السلام عليكم
مهابه امس كنت افكر بحليب زنجبيل يعني مجرد تفكير بعدني ماشربته
طير الغرام أفا ، والله انا احاول إني أطل هنيه حتى لو الواحد ينشغل دخلوا سلموا يا جماعه
الاسطوري يوم الجمعه معروف بإنه المول زحمه ، حتى لو اقولك في نص الاسبوع المكان مايخلى من الناس لكن الجمعه شي خيالي فاتجنب السيره هاليوم ..
المزوحي
07-12-11 ||, 04:12 PM
عندي خلاصه لكلامكم يا جماعه ( اهم شي الاحترام بين الزوجين )
شوق القلوب
08-12-11 ||, 01:29 AM
خلاص رضيت عليك يا الاسطوري.... ! بنتي تصيح ولا كنت بكمل !
مزن هتان
08-12-11 ||, 09:37 AM
السلام عليكم و رحمة الله و بركاته، صباح الخير
مستمتعه بناقشكم =)
طير الغرام
08-12-11 ||, 01:24 PM
مســــا الـ خ ــيـر ~
المزوحــي // وهذا اللي أنا أسويــه أحدر وأسلـم ،، وكلــن وظروفـــه =)
المزوحي
08-12-11 ||, 03:12 PM
الله يسلمج طير
اليوم عاده الخميس ومن الساعه 11 اقول مايصير الواحد يتم في الدوام ، شعور نهاية السبوع فيني بس تميت غصب لين آخر وقت
مايهزك ريح
08-12-11 ||, 03:26 PM
انا تام لين 3:30 واليوم واصل الدوام من وقت .. صدق حسيت انه اليوم طويل ..
بس يهون دامه الخميس ..
المزوحي
08-12-11 ||, 03:36 PM
الله يعطيك العافيه برذر
طير الغرام
09-12-11 ||, 12:24 PM
اللهم اغفر لـ { خليفه } والد زوجة خالي وارحمه , وعافه واعف عنه
وأكرم نزله ووسع مدخله , واغسله بالماء والثلج والبرد , ونقه من الخطايا كما ينقى الثوب الأبيض من الدنس
وأبدله داراً خيراً من داره , وأهلاً خيراً من أهله , وزوجاً خيراً من زوجه , وأدخله الجنة وأعذه من عذاب القبر ومن عذاب النار
اللهم اغفر لـ : المؤمنين و المؤمنات
والمسلمين والمسلمات
الأحياء منھم و الأموات
اللهم آميــن
المزوحي
10-12-11 ||, 06:53 PM
الله يرحمه يارب ويغفر له
طير الغرام
11-12-11 ||, 01:37 AM
^
آميـــــن يـــآرب
شوق القلوب
11-12-11 ||, 01:40 AM
السلام عليكم..
احسن الله عزاكم يا طير... ربي يرحمه و يجعل مثواه الجنه..
طير الغرام
11-12-11 ||, 02:14 AM
^
وعليكـــم الســلام والرحمــه ،،
عزانــا وعزاكــم ياختيـه ،، تسلميــن
مزن هتان
11-12-11 ||, 07:48 AM
السلام عليكم
د. طير الغرام
عظّم الله اجركم، و غفر الله لميّتكم "الله يرحمه"
وصلت الدوام من شوي، تقولي عاملة التنظيف مبايل
ما فهمت عليها، عقب تراويني زميلتي مبايلي =) ناستنه من يوم الخميس
والله و لا ادري اني ناستنه الا يوم شفته !!
و على اساس اطلع 12 طلعت 2:40 =S و اصلا دوامي يخلص 2 !!
الاسطوري
11-12-11 ||, 10:09 AM
طير الغرام
عظم الله أجركم وأحسن الله عزاءكم
مزن هتان
موضوع شكله يحتاج إلا أبحاث ودراسات ولا كيف تنسين الموبايل إلا
إذا عندج وايد تلفونات وماتعرفين عددهم
:doh:
مزن هتان
11-12-11 ||, 11:01 AM
استخدم 4 بس شوف البطره
الاي فون بس حق اللعب و البيبي حق المسن اريكسون رقمي العام
و النوكيا اللي ناستنه اجدم تلفون "فيه اجدم رقم" حتى شفت 6 مكالمات من خواتي
ليوم اليمعه، مستغربه شلون ما سألوني شكو ما رديت عليهم ! اصلا ما ستخدمه
بس طلعته يوم الخميس عشان اشحنه من شاحن رفيجتي لان ما عندي شاحن نوكيا بالبيت
ههههههه،
و مش مسألة عندي تلفونات وايده، بس والله انا بطبيعتي نسايّه !
الحمدلله انه ما ضاع التلفون، لانه اخر تلفون باقي لي من اللي جابهم لي أبوي
مــهــابه
11-12-11 ||, 11:14 AM
طير :
آحسن الله عزاج ..
.
.
صبآحگم ورد =)
مزن :
وحششششتني سواليفگ :$
.
.
مزن هتان
11-12-11 ||, 11:29 AM
و أنا أكثر والله يالغلا :fa41:
مايهزك ريح
12-12-11 ||, 12:20 PM
اليوم الأثنين .. وين الجماعه .. شو اخباركم ..
انا متملل ..
قصايد غلا
12-12-11 ||, 12:53 PM
اليوم مزاجي موووول مب مال شغل
أبا أرد البيت و أرقد و أفكر أسير القرية اليوم ويا بنت خالي و ربيعاتها "بعدني اتشاور"
أفففف ليش كل الناس يخلصون دواماتهم 2 و 2:30 و بالكثير 3 ... ليش انا حليلي أخلص الساعة 4:30 :3::k_mad_argue:
طير الغرام
12-12-11 ||, 02:32 PM
مزن هتـان ،، الاســطوري ،، مهــابـه
عزانــا وعــزاكــم ،، تسلمـــون والله
:
-{ مزن هتــان }-
الله يعينــج شكلــه زهايمـر مؤقــت :tounge:
-{ مايهزك ريح }-
موجــوديــن ،، أنا الحمدالله دام بنت ختيــه موجوده ما أحس بملل إلا يوم ترقد هههه امونستنيه فديتهــا
والله يعـيني من يوم اليمعه ولمدة ثلاث أسابيع لنه أبوها بيرد وبيروحون العيــن :bye2:
-{ قصايد غلا }-
الله يعينــج دوامـج متعــب ! وأنا بعد ودي أغير جو وأروح القريـه احتمال الاسبوع الياي ولا اللي عقبه انروح :fa51:
المزوحي
12-12-11 ||, 03:06 PM
السلام عليكم
اشحالكم ؟؟؟
منو متملل ؟؟؟
أفاااا انتوا بس دخلوا ( البرزة ) ومابتحسون بملل
ابغي اطلع إجازة كم يوم كتغيير من اجواء الشغل والباجي ابغي اخليه حق السفر إن الله راد
مــهــابه
13-12-11 ||, 06:11 AM
صبــاحگم ورد ..
يوم جميل وخفيف لگم ان شاء الله
امس رقدت بدري واليوم ناششه من الفير ..
ع طاري القـريه ، آريد اروحهـا بس ماعندي وقـت ابداً ..
.
.
الاسطوري
15-12-11 ||, 03:09 PM
"قصايد غلا"
انا دوامي يخلص الساعة 5، هذا بس عشان أهون مصابج عليج لووول
:a032: