~ بــــرزة الــواحــــات ~

[دمعة شوق]

انتوا كل يوم حقكم ، حاسدين الفقير ع موتت اليمعه:tongue:

/

اليوم حر :fa43: ، ومن يومين بررررد :a116:

[مايهزك ريح]

الجو يسوييلكم testing
عشان بيي الصيف ..

[دمعة شوق]

^
شكله جي ، بيانا نتعود ع حرارته اللاسعه p:
^^'

[المزوحي]

هههههههه حلوه هاي مايهزك ريح، ويوم إيي الصيف تقولون لازم نسافر

وعلى فكره اسعار التذاكر بعد بترتفع

[مايهزك ريح]

هيه الله يخسهم تذكرة نيويورك البزنس 22 ألف وشي ..
يرخصونها لين 17 ألف يوم ما نبا انسير ويوم انعزم يرفعون السعر ..

[المزوحي]

بس لو تلاحظ فرق كبير بين السعر من الدرجة السياحيه لدرجة البزنس

بعطيك مثال

لوجهه معينه لنفرض إنك بتدفع 4000 درهم للسياحة، اما إذا بغيتها البزنس 12000 أو أحيانا 14000 ليش 3 اضعاف

[خيال الحب]

مســــاكم واحات بن دبــــي

شحــالكم ان شاء الله مرتاحين

خلاااص دخل الصيفففففففففففففففففف

حرررر

[المزوحي]

مرحبا
يعني نلبس شورت وكت

[مايهزك ريح]

لازم في فرق .. لأنه الكرسي وايد عود وينجلب شبريه .. للي يبا يرقد
مب مثل السياحيه .. ركبتك ضاربه في حنجك من كثر الضيج ^_^!!

[خيال الحب]

يمدحونه طيران راس الخيمه

خخخخخخخخخخ

والله انه اوسع من طيران الاتحاد والامارات والعربية.. الصراحه ماتوقعته جذا عجيـــب

الله يطول بعمر الحكومه خخخخخ

[المزوحي]

صح مايهزك ريح، نبغي نرتاح ونبغي نستمتع، لكن الدخل محدود ^_^

الحمدلله على كل حال


هوم سنتر عندهم تنزيلات إلى 70% في الواحة سنتر، وغاليري لافييت بعد إلى 70%

شو اليديد ؟؟؟

[خيال الحب]

وشحالك المزوحي عساك الا بخيرررر

[المزوحي]

هلا خيال تسلم ربي يعافيك

[خيال الحب]

كيف الدوام وياك وزحمة دبي..

بغيت اسالكم سؤال

السفارة الفرنسيه والسفارة الالمانية وين مكانهم في دبي@____@

[المزوحي]

الدوام روتين ممل_ والزحمة ، يعني بس افضل عن زحمة الشارجة

السفارات مب تكون في بوظبي ؟

[مايهزك ريح]

في مكتب يسوي الفيزا في الضيافه عدال فندق كابيتول ..
يستلم الطلبات ويتابعهن ..
يسوي الفيزا حق ايطاليا وفرنسا والمانيا بس !
الفيزا الألمانيه تاخذ 3 ايام تقريبا

[خيال الحب]

المزوحي

الله كريم ان شاء الله

مممممم هي شي في بوظبي بس الي سمعته من الشباب انه شي في دبي @_@ مادري والله

مايد هنييه بعد عندنا في راك يسوون

انا بتاكد من ربيعي لانه هو يقولي مسوي الفيزاا حق لندن من دبي

[المزوحي]

خيال ، الاهل مسوين ويز لندن في بوظبي وماعندي فكره عن دبي

أما ويزة ألمانيا أظن اي مكتب سياحي يسوي، وشي كذلك في بن مركز بن سوقات

[خيال الحب]

ايواااا

المشكله بوظبي ماحب اروح لهااا ماصدق متى اطلع منهاا خخخخخ

زحمه ياخييييي خنقة

والمشكله الثانيه انه حاطين على اسمي بلوك في السفارة خخخخخ ماقدر ادخل اوروبا لين ما اراجع السفارة شخصياا والسفارة الالمانيه بعد لووول

يغربلهم هم وقرارتهم البايخه

بقولك القصه

السنه الي طافت شهر 2 انا رحت باريس.. وكنت مطلع الفيزا من السفارة الالمانيه .. فبعدها بكم من شهر نزل قرار انه لو طلعت الفيزا من السفارة الالمانيه او الفرنسه لازم تزور الاماراة الي انت طلعت الفيزا من سفارتها ولا راح ينحط على اسمك بلوك خخخخخخخ وانا ياحليلي كلتهاااا

قبل كناا نروح عاادي ما يقولون شي

فالحين لازم اروح بوظبي وانا متعايز

صارلي سنه وشي ما طبيت اوروبا والسبه اني متعايز اروح اطلع فيزا لووول

[المزوحي]

هااا فهمت عليك ، الله يعينك خيالووو

[شوق القلوب]

مشكله بعد هيازه شباب راك:a018:

[مايهزك ريح]

لازم اتصك درب لين ابوظبي
مادري ليش انتوا ما تسمعون الرمسه ..
اذا تاخذ ويزه لازم اول تدخل المدينه اللي سايرلها .. وعقب اتكمل كشته

[خيال الحب]

يعني في دبي ماشي سفارات صح؟؟؟

[مايهزك ريح]

لا ماشي ..
السفاره دايما اتكون في العاصمه ..
والقنصليات موجوده في دبي ..

بس في حالتك لازم اتسير بوظبي

الله يعينك .. انا مول ما افكر اسوي هالحركه عشان ما اتبهدل ..

[المزوحي]

السلام عليكم

اشحالكم ؟؟؟

[مايهزك ريح]

تماااااااااام .. اليوم الخميس ..
وصلتني اخبار حلوه ..
ان شاء الله تتحقق مثل ما قالوا .. في شهر 4
يااااااااااااارب

[المزوحي]

هيه اليوم الخميس، مريت مساعه مول الامارات يفور، وحــّالهم ماشاء الله

الحمدلله، هممم إن شاء الله تكون الامور طيبه

[المزوحي]

السلام عليكم


اشوف خاتلين الجماعه

[دمعة شوق]

^
بعدهم يالمزوحي تونا ف بداية الاسبوع p:

[المزوحي]

هااا الحين فهمت، بعدهم في أجواء نهاية السبوع

[دمعة شوق]

هيه ف عطهم وقت شوي p:

[حلم الطفوله]

صخخخخخخخخخخخخخخه

هود هود .....وين العرب ؟

[مايهزك ريح]

هداااااااا

موجودين .. شو اخباركم ^_^!!

[المزوحي]

مرحبا
دمعة شوق صحصحوا الجماعه

اشحالكم ؟

[شوق القلوب]

هلا والله ...شخباركم ؟

[مايهزك ريح]

مرحبا ..
ما شي شي يديد ..
نحنا روتين .. ما شي تغيير ..

[مــهــابه]

مسآكم ورد..

شحآلگم؟

ليش الوآحآت راقده؟

آگره الثلاثــآ آنا ، لآن گل ثلاثآ عنديه برزنتيشن =(


.


.

[المزوحي]

يبالكم فلاس فيمتو تبردون على قلبكم.

[مــهــابه]

^
لول

المزوحي:
رجاااااءً لا تخلي شي فـ خآطري =p

[المزوحي]

مهابه صدق ،، زين ماتبين بعد لبن مثلج لووول

ماتعرفون معهد زين حق الانجليزي ؟

[المزوحي]

:fa48: صدق إنكم رقود

؟؟؟؟؟؟؟؟؟؟؟؟؟؟؟؟


يالله اتنشطوا :a018:

[مايهزك ريح]

السلاااااااام عليكم ..
وصلت الدوام من وقت .. اظني انا اول واحد ..
اليوم الخميييييييييييييييس ..

وشو اخباركم

[دمعة شوق]

ياللي شايل من هم الدوام ألوان وعاقد جبينك
وقاعد تعيس مالك غير تقول الله المستعان
وتهونها ترى اليوم الخميس p:
/
وعليكم السلام والرحمه

متحمس وشاد حيلك مايهزك ريحp:

[مــهــابه]

مسآگم ورد..


الويگ إند عندي الاربعآ مش الخميس لوول..


.


.

محتااااره
آرقد ولا ؟


العصر بالنسبه لي ممل =(


آيلس الروحي

[المزوحي]

هلا مايهزك ريح، ماشاء الله زين زين

دمعة شوق صدق الريال ..

مهابه مساء النور

[المزوحي]

السلام عليكم


اشحالكم ؟؟


:fa45: شكلكم ترقدون من الخميس ليوم الاحد

[مايهزك ريح]

وعليكم السلام ..
بخبرك محد له بارض يدخل ..
احين كل حد مسوي مجموعه على البي بي
ويتواصل ويا ربعه
ومحد يدخل مثل قبل ..

[المزوحي]

هممم زين نحن مانهون عليهم هل الواحات، ربع البي بي غير وهنيه غير ^_^

صدق كل ما اسير مكان اشوف الناس ملتهين به، حتى الريال وحرمته يالسين في المطعم ومايتكلمون، كل واحد ماسك البي بي ، وهالكلام أكد عليه اليوم واحد من الربع

[مايهزك ريح]

طبعا انا ضايع بينهم لأنه عندي آي فون ..
وما ابا آخذ بي بي ..
بعدني مب مقتنع به ..

[المزوحي]

اويييه حتى انا اقول ما اقتنعت به للحين، بس من اسبوعين مريت صوب اكسيوم كنت باخذه، وخلاف قلت لا

[مــهــابه]

^
آنا مش مقتنعه به ، لكن كل ما آشووف انه ربيعآتي تواصلي وياهن قل عن قبل وهن صآر يتواصلن بالبلاك بيري آقول آفكر آخذه

بس عندي حكم قرقوش يقول : لااااااا، مابآخذه لج



=(ف آنسى الموضوع ، بس جد صرت آفتقد صديقآآآتي وااااايد ..



.

.


فيّه رقآآآآآد
هالآيام صآيره آكل وآرقد بس لول

وآفكر بالسرفي مآلي ..

600 كونسيومر
من وين بييبهم ؟ وكيف بعطيهم السرفي ؟ وشقا بدخلهن ف البرنامج

آففف مايسوى علينا هالتخرج لي ذالينآ عليه :@

[المزوحي]

الله يعينچ مهابه

السلام عليكم


حد هنيه. ؟

قلت اسوي لي كوفي لين يخلص وقت الدوام

[مايهزك ريح]

وعليكم السلام .. حيالله مروان ..
انا كل شويه ادخل واطلع ..
مع انه وايد عندي شغل بس يوم امل ادخل ..
شو اخباركم ..
ماشي يديد ..

[المزوحي]

الشغل مايخلص، والواحد يمل .. والواحات افضل وسيلة للترفيه ^_^

[شوق القلوب]

مساكم الله بالخير و السرور... شحالكم عساكم بخير

[صريح]

مساء الخير

[مايهزك ريح]

مساء النور والسرور ..
شو اخباركم ..
اليوم الثلاثاء ..
نص الأسبوع ..

[شوق القلوب]

هلا بصريح.... هلا بمايد

[مايهزك ريح]

اهلين ام حموود .. شخبار حمودي ..
عسى مب ميننج بس ^_^!!

[المزوحي]

السلام عليكم


نص الاسبوع


:a116: اليوم ماداومت، مرهق

[مايهزك ريح]

سلامات المر .. ما اتشوف شر ..
ريح اعصابك ولا تحاتي الدوام ..

[المزوحي]

الله يسلمك مايد، الشر ما إييك


بغيت اتخبرك، تشد جربت

chocolate chic

[مايهزك ريح]

وين هذا المحل .. اول مره اسمع به

[المزوحي]

ماعرف كيف نعتي بيكون صح وإلا لا !!

تشوف وانته ياي من شارع الصفوح كأنك بتسير الجي بي آر ؟؟؟

اتم بسيرك سيده ، يعني ماتدخل الدخلات اللي تييك على اليمين، لأنه في كذا دخله عشان تسير صوب المحلات والمطاعم ..

تم لين نهاية الشارع وعقب بتشوف مخرج مكتوب المرسى ، كأنك بتاخذ يو تيرن وين الجسر، وانت بتلف يسار الكوفي بتشوفه في الزاويه على اليمين، لونه بنفسجي، قلت بجربه في الويك اند ..

[مايهزك ريح]

بشوف .. يمكن في الويكند اسير اجربه

[المزوحي]

مساء الخير

اشحالكم ؟؟؟

:fa56:

[شوق القلوب]

تمام... عندي مليون شغله لازم اسويها اليوم... ما ادري متى برقد !!

[مايهزك ريح]

الخميييييييييييييس .. كم اشتاق لهذا اليوم ..

[المزوحي]

السلام عليكم



الله يعينج شوق القلوب


مايهزك ريح وانا ايضا ^_^

[حلم الطفوله]

صباحكم سعاده ورااااحة بال يارب

[مايهزك ريح]

صباح الخيير ..
في ناس مأجزين .. وانا مداوم ..
ملل الدوام ..

[مــهــابه]

صبآحگم آجازه =p


ميييين بدوووو گيماااا ؟

صايره مدمنه كيمآ كل يوم ع الريووق لاااازم براتا وگيمآ لوول

[المزوحي]

صباح النور عليكم جميعا
عيل مب ملل الدوام
يبالنا الجي بي آر
الحين خلصت شغلي ولازم نلتزم بالدوام
ناقصنا چلاب بوليسيه ( وانتوا بكرامه )

[حلم الطفوله]

ياربيه ياربيه...ما يهزك ريح لا تحسدووونا عاد !!
من الله خمس أيام مع جمعه وسبت

حتى ما قدرنا نعتبرها إجازه معتبره ونسافر فيها

ما عليه ما علييه ...الدوااام حلووو والنشه من الغبشه أحلى وقرارات المدراء أحلى وأحلى والأيااام تمر

هههههههههه مساكم خير جميعا

[مايهزك ريح]

اوه حلم الطفوله انتوا بعد اجازه .. انا اتحسب بس الجماعه اللي عندي ..
لا تحاتين عيني مب حاره ..
ان شاء الله تستانسون ^_^!!

[حلم الطفوله]

أسووولف وياك أخوي ....دومك طيب وتتمنالنا الخير


إن شاء الله الكل يستانس ويتوفق بحياته يارب

[المزوحي]

لالا اختي حلم الطفولة ، غلطتي يوم قلتي قرارات المدراء احلى وأحلى ، عيل نحن منزلين عندنا تعميم، نداوم 7 ساعات، يكون دوام مرن، وعقب رفضوا عنا، يعني مسؤولينا لهم الحق إنهم يرفضون بما يتماشى مع مصلحة العمل.

وبعد مايبونا نتنرفز، ويبون عندنا ولاء للإدارة !

أنا ماقدر يوميا أكون 7:30 بالضبط في الدوام، لو صلت 7:32 يعتبر تأخير، حتى لو انجزت شغلي ..

صدقه يوم قال مايهزك ريح الدوام ملل

[حلم الطفوله]

ههههههههه المزوحي أنقمهم انا

الله يهدي الجميع يارب

بصراحه يحتاي الانسان كل 3 سنوات يغير وظيفته عشان ما يحس بالروتين والملل

[مايهزك ريح]

شو يظمني انه المكان اليديد احسن عن هذا اخاف إلا يكون اخس . !!!
يقولون تياوز بمينونك لا اييك اللي اين منه !

[حلم الطفوله]

ترى المشكله يا أخوووي ...دوم نصبر على مينوونا لايينا إلي أين منه

المهم إنك مرتاح بدوااامك ....عدكم شاغر وإلا لا ههههههه ؟دورلي واسطه أخوووي مايد

[مايهزك ريح]

سمعت انه شي شواغر .. بس ما اعرف على اي مسمى

الجمارك بعد عندهم شواغر .. اذا تبين

[مــهــابه]

^
حلوم:

آنتي مدرسه لآه
عطي فرصه لـ الجيل اليديد ( اللي هم احنا ) ..

ع طاري الوظايف قدمت ف اخر معرض وظايف وبنشووف وقدمت گمان ف وزاره البيئه
كان عندهم شاغر ل مهندس زراعي ف دبي

ومحد عبرني


.


.


مسآگم رقاااااااد..
قبل شويه نآشه =p

[حلم الطفوله]

يا ربييييييييه يا مهااابه !! مب زين يسرقون واسطة الأصدقاء خخخخخ

إن شاء الله تتوظفين جريب يارب ...بس تخبري أخوي مايد عن وظايف الجمارك يمكن تحصليلج شغله


مساكم قلوب نقيه

[مــهــابه]

حلوم :

لوووول..

الله يسمع منچ واشتغل ، لكن شسمه مب حيالله مگان نقدر نشتغل فيه
عندنا شروط واحگام ولا يلست البيت بـ تكون اخير لوول

[حلم الطفوله]

إن شاء الله خير مهابه

[المزوحي]

حلم الطفوله في ناس يغيرون وظيفتهم كل سنه

مايهزك ريح اليوم كنا نتكلم عن تغيير مكان الدوام, يقولون الواحد مايضمن المكان اليديد يمكن سلبياته اكثر

بس الواحد زهق ووايدين مب راضين

لا علاوات ولاترقيات والتقييم مب شي

مرات احس بعمري في الجيش حتى اللي في الجيش ارحم

اللهم لك الحمد

[حلم الطفوله]

المزوحي

الملل والروتين بالشغل هو إلي يخلي الانسان يفكر بالتغييير

الله كريم

[مايهزك ريح]

والله يا مروان .. يقولون الحين عادي اتقدم اليوم
اتحصل وظيفه باجر ..
ياينهم امر من فوق انهم يوظفون المواطنين ..
..

[المزوحي]

حلم الطفولة الله يعينا الصراحة


مايهزك ريح، امس كان عندنا اجتماع ، مسؤول الموارد البشريه مع مدير إدارتنا مع بعض الموظفين، يتناقشون في عدة مواضيع ومنها يبون يقللون عدد الموظفين، والقرار شامل المواطنين.

[مــهــابه]

صبآح الخير


في حد شطور شرآتي؟ ينش فالإجازه الساعه ٧ ؟

[مايهزك ريح]

انـــــــــــا .. عشان احس انه اليوم طويل .. في الإجازه واستغله ..


اخييييييييرا باخذ اجازه لمده اسبوع .. ويالس ارتب الحجوزات .. ان شاء الله بسافر وبرد من وقت خخخخخخخخخخخ
قبل لا الناس يسيرون ..اجازه الصيف ..
هالصيف بتم في البلاد وبخطط لرحلات ثانيه في وقت ما يكون فيه زحمه
عشان احصل عروض على السكن و الطياره

راحه نفسيه ..
يالله باقي شهر على الرحله

[مــهــابه]

لووول

زيين
انا حشره هالهنود وعتني وگان عندي موعد

ليييش انته عكس الناس احنا هالاسبوع اجازه لگن ماسافرنا
گنا نبغي نسير العمره بس الله ماكتب لنا ..


زيييين غير الجو
التغير مطلووب


احنا للحين محد طرا انه بيسافر بالصيف



وييين ناوي تروح خويه مايهزك ريح؟

[مايهزك ريح]

بسير المانيا ان شاء الله ..
آخر مره سرت برلين ومرينا Dresden
هالمره بنغير ..
يا ميونخ يا فرانكفورت

[المزوحي]

مهابه انا بعد اقوم من وقت عشان استمتع بالجو الصبح ، بس مب الساعه 7

مايهزك ريح زين تسوي ، تدري انا ما احس بعمري مسافر يوم اشوف خليجين بالهبل برع.. ملل في ملل

i want to enjoy

[مايهزك ريح]

جنوب افريقيا كيب تاون في شهر 6 جوها خبال وما فيها عرب ولا زحمه ..
تنفع حق اللي يبا يرتاح ويغير جو ..
انصحك انك اتجرب ولو مره .. سير اسبوع .. شوف نفسيتك كيف تتغير ..

[المزوحي]

ان شاء الله مايهزك ريح بشوف .. اي فندق سكنت انته ؟

[مايهزك ريح]

انا كنت ساكن في The westin grand
بس في واحد ثاني مكانه احلى ..
table bay hotel

هذا صدق فنان ومكانه شي ..
بس ما عرفناه إلا يوم سرنا
فكتوريا وارف


https://www.suninternational.com/Destinations/Hotels/TableBay/Pages/home.aspx

[المزوحي]

السلام عليكم

اشحالكم ؟؟؟؟

واخيرااااااااااااا الخميس :fa34:

مايهزك ريح فنان الفندق :a034:


شو مخططاتكم ؟

[مناير]

هلا

توني يايه من كندا ومن العمره ومن قطر :)

كانت سفره ولا أحلى

ما يهزك ريح كل كلمه قالها عن جنوب افريقيا صح، كلمة رووووعه شوي عليها انصحك فيها اخويه المزوحي

انا سرتلها شهر وكل يوم احلى عن اللي قبله...

[مايهزك ريح]

^
الحمدلله على السلامه اختي مناير




باقي 40 دقيقه .. ويخلص الدوام ..


افففف ملل

[المزوحي]

مناير يبالي والله ازورها

[مزن هتان]

مساء الخير، شلونكم ؟
ادور أي حد من الاعضاء واسطته تكون قويه مع إدارة الواحات

إذا ممكن

[مايهزك ريح]

اليوم الخميييييييييييييييييس ...

شو اخباركم ..
انا ابا اسير السينما ..
اي فيلم تتوقعون ..
عايبني المتو .. ابا اشوفه ..
Rio
شكله فنان ..
http://oasis.bindubai.com/bin/uploaded/5584d9d36a558465.png

[المزوحي]

هلا مزن والله ماعندي زاسطة وإلا بساعدتج، بس الجماعة مابيقصرون

هلا مايهزك ريح وأخيررررررررررررا الخميس

ايوه هالفيلم احس به فنان اشوف الاعلان في الشوارع

بس من ايام الجو متعبنا

[مايهزك ريح]

شو هالحر اللي يذبح ... الواحد مب رايم يسير مكان ...

الفيلم فنان الصراحه .. سيرو شوفوه غيرو جو وايد يضحك ^ـ^

[المزوحي]

صح الواحد مايروم يسير مكان، يعني عقب الدوام لو رديت البيت تحس ماتقدر تظهر إلى عقب المغرب

على طاري الفيلم سرت الساعه 11 وشي عرض الساعه 12 إلا ربع وماحضرت الفيلم

بس شفت مقطع منه في النت، بسير له إن شاء الله

[شوق القلوب]

حلو شكل الموفي... والله يبالنا انسير فيلم يفرفش شوي

[مايهزك ريح]

مبروك عليكم الرحمه ..

اخيرا مطر ..
بس الله يهدي اللي يخربون علينا هالفرحه ..
حادث عود على شارع الإمارات .. وايد موظفين ما وصلوا .. الله يعينهم ..

[شوق القلوب]

لا حول ولا قوه الا بالله ...!

الله يحفظ الجميع من هالحوادث

[المزوحي]

النت مقطوع عندي

دايما يحذرون من السرعه وخاصة وقت المطر وللاسف الناس تسابق

الله يستر

وشحالهم العرب

[مــهــابه]

اليوم بابا سووا حآدث وهو سآير الدوام =(


بس الحمدالله يت سليييمه..

السيآره تعورت شوويه من جدااام ، الهنود استغفر الله مايعرفون يسوقون

بروح له بليييل ان شاء الله اتحمد له بالسلامه..



هالله هالله بعمآرگم
وربي يحفظ الجميييع

[مايهزك ريح]

في الحديد ولا في ابوج وحمدلله على سلامته اختي مهابه

[المزوحي]

الله سلمه ، الحمدلله ،، مايشوف شر إن شاء الله الوالد والله يقومه بالسلامه ..

[شتشووته]

مهابه الحمدلله على سلامته ..

حلو المطرر وناااسه ^_^ مبروك علييكم الرحمه مؤخرا لول

[مــهــابه]

مايهزك ريح ، المزوحي ، شتشوته:

الله يسلمگم من الشر يإرررررب


يقولون رقبته وظهره شويه يعورونه ، همزته وحطيتله كريم وكمادات

وان شاء الله خير

.



.

[شوق القلوب]

الحمد الله على سلامته مهابه.... في الحديد ولا فيه

[شوق القلوب]

شخباركم... شو يديدكم...

مشتاقه لسوالفكم

[شوق القلوب]

الجو مستوي غريب... غيم و حر ! بس المطر كان حلوووووووووووو

خصه البرق و الرعد... اكشن :fa34:

[المزوحي]

مساء الخير

اشحالكم ؟؟؟

صح شوق الجو غريب .. بس الصبح كان فنان

خذت لي سبحه الحين، تدرون الصبح ماشي وقت حق الشاور ^_^

[مايهزك ريح]

اليوم الخمييييييييييييييييس .. اخيرا ..
هالأسبوع كان طويل وممل ..
وشو اخباركم بعد

[المزوحي]

علومنا طيبة والحمدلله

نفكر متى نأجز

[مايهزك ريح]

باقي على الإجازه ثلاث اسابيع .. ياهوووووووووو

[المزوحي]

شي طيب

تخيل تاخذ اجازه 3 شهور

[مايهزك ريح]

جان زين اقدر آخذ ثلاث شهور .. بس طبعا ها في الأحلام ..

[مــهــابه]

صبآح الورد..

آحد هآدي وخفيف للگل ان شاء الله ..


اليوم المفروض ابدآ الترينغ، لگن السوبرفايزر الذكي مآليه
نسى يطرش اورقه وقآلوا لي تعآلي بآچر

:D

[المزوحي]

مرحبا

وانا اقول ليش يومي حلو، ثرج دعيتي لنا اختي مهابه ^_^

شو اخباركم ؟؟؟ الجو متقلب

[مايهزك ريح]

حمدالله مر اليوم بسرعه ..

اخباركم ..
انا يوم الجمعه متريق في زعبيل سراي ..مطعم Amala
الصبح كان الجو فنان ..
سيروا شوفوا الفندق .. صدق مبدع مهندس الديكور اللي مسونه ..

[المزوحي]

اويه مايهزك ريح انا كنت هناك بس مادخلت ( الجمعه الصبح )

بس في الليل سرت فندق القصر

زين شفت ون اند اونلي ؟

شكله فنان بعد بس كله من بعيد زياراتي خخخ

يبالنا بس جولات فنادق

تغيير عن المولات

[مايهزك ريح]

انا قلت اذا في الصيف يالسين ما شي سيره .. بتحوط كل مره في فندق ..

ما شي غير جيه .. لأنه 6 و 7 محد بيسافر كل الأهل في البلاد
انا بسير اول شهر 5 اسبوع وبرد .. بس

فندق اتلانتس مصورنه من شاطي فندق زعبيل سراي

http://oasis.bindubai.com/bin/uploaded/5584dac05c929313.jpg

[المزوحي]

والله إنه اليوم في الدوام كنت اكلم ربيعي عن نفس الموضوع، مب مقتنع بكلامي، اونه فنادق برع غير، قلت له والله فنادق دبي روعه، وحتى لو ماتبغي تبات، تقدر تستمتع بالخدمات اللي عندهم

وعقب قلت له خلاص لاتسير خل هالشغلات حقي ^_^ بعده مب مستوعب الفكره ...

مايهزك ريح الصوره حلوه

[مايهزك ريح]

^
Thanks


اخيرا الخميس .. باقي على نهاية الدوام .. ربع ساعه ..

[المزوحي]

يالله اليوم مب طايع يطوف الوقت، حسيت كأنه 5 ساعات مرن يوم شفت الساعه 10:30 بعدها

وأخيرا الخميس ..........

[المزوحي]

السلام عليكم

اشحالكم ؟؟؟

[المقاتل]

السلام عليكم :P

يوووو الواحات مال اووول << شو اخباركم ؟؟؟

[شوق القلوب]

و عليكم السلام و رحمه الله و بركاته...

شفت عااااد.. استوينا مال اول... بس بعد انتم غيييييييير

[مزن هتان]

السلام عليكم و رحمة الله و بركاته

زاد الهدوء بالواحات و كثروا الغايبين
"مهابه، حلم الطفولة، دمعة شوق، وردة روز"


صباح الخير :fa41:

[مايهزك ريح]

فترة امتحانات وكل حد مشغول ..

وصلنا نص الأسبوع .. يالله باقي يومين ونأجز

[المزوحي]

اسمع حد يقول مال أول !!!!!!!


السلام عليكم

ابغي آخذ إجازة هاليومين ( باجر واللي عقبه )

[شوق القلوب]

السلام عليكم..

شخباركم اصدقائي ؟

..

يقولون مطر هاليومين ...!

[دمعة شوق]

وعليكم السلام والرحمة

موجودين يا مزن بس ضغوطات الدراسة كانت فترة ميدتيرمات والحين بروجكتس و عفسة الدراسة !!
المهم شخباركم .. شخبار الواحات ؛)
/

يسعدلي صباحكم جميعاً
وصبآح التفآئل ؛)

[مايهزك ريح]

السلام عليكم ..

اخييرا باجر الخميس ..

انشغلنا بوايد اشيا هالأسبوع ..

ان شاء الله احصل يوم اريح فيه

[المزوحي]

مرحبا

اشحالكم ؟؟

مايهزك ريح ما اكتشفت كوفي فنان، من زمان ماسرت كوفي راقي وحلو ^_^

[مايهزك ريح]

لا والله .. اصلا هالاسبوع الوالده كانت في المستشفى كنت اطلع من الدوام سيده عندها وما ارد إلا الفليل ..
بس اليوم يلست في البيت اشويه

[المزوحي]

ماتشوف شر الوالده

[المقاتل]

:P شوق القلوب
مااال اول لان فيها ذكريااات قديمة جدااا

المزوحي تصدق حسيت انك شيبه ماشاء الله محد منشط الواحات غيرك :PPP

[المقاتل]

ما يهزك ريح الله يحفظ الوالده ان شاء الله من كل سوء

[المزوحي]

هههههه شيبه عااد

مايهزك ريح وينك اليوم الخميس

[حلم الطفوله]

الله يحفظلك الوالده ويعافيها إن شاء الله يا أخوي

[دمعة شوق]

اجر وعافية يا خوي .. وربي يقومها لكم بالسلامة ؛)

[المزوحي]

الاجواء حلوه هنيه في زعبيل سراي

[مــهــابه]

مزززن :
آنا هنيييه ، لكن التدرييب كرررااف

شغل البلديه يعور الراااس :(


.

.


تستاهل سلامه الوالده مايهزك ..

.


.


فيّه رقآد ، يستوي آررررقد من الحين يلين باجر لووول

[دمعة شوق]

^
يستوي يا مهوبه ،، حلاته الرقاد من وقت ؛)
،،

صباحكم نشاط جميعاً
وان شاالله تكون بداية أسبوع موفقة للجميع ؛)

[مــهــابه]

دمعه :
مآقضرررت
رقدددت من ١٠يلييييين توه
طاااف للدوام
١٢مس كول +٢ مسج
وانا خبررررر خيييير ..

.


.


صبآحگم آمل ..

[مايهزك ريح]

مشكورين اخواني .. والله يسلمكم من الشر

[شوق القلوب]

ما اتشوف شر الوالده... عساها بخير الحين ؟

[مايهزك ريح]

الشر ماييج اختي شوق ..الحمدلله هالأسبوع احسن ..

[المزوحي]

السلام عليكم



والله مللللل الدوام ماشي شغل وفي نفس الوقت مانقدر نخلص مشاويرنا

مراقبين

[مايهزك ريح]

الله يعينك اخويه مروان..

شو اخباركم .. بعد

[المزوحي]

الله يعينا

الحين صدق خبر وفاة اسامه بن لادن ؟؟؟ وإلا مظهرين واحد يشبهه !!!!!!

[المقاتل]

لا لا ما مات مركبين الصوره ومسينها بالفوتوشوب + يقولون مات فالبحر وافغاستان ما فيها بحر -ـــ- قاصيين عالعالم

[شوق القلوب]

لا يا المقاتل... جتلوه و شلوا جثته امريكا و يقولون هناك بيفرونها في البحر

[المقاتل]

بس ليش في البلاك بيري يقولون انه حي ؟

[المزوحي]

حتى لو قالوا فروه بحر العرب الواحد مايثق بهم ماسرع ما فحصوا الحمض النووي !

[دمعة شوق]

^
يمكن يكون مش مقتول ف نفس الوقت اللي ذكروه !
كله فبركه إعلامية !

[المزوحي]

والله ماتعرفين لهم غموض في السالفه

[مــهــابه]

مادري لييش احس عقب بفتره بيظهر بـ فيديو
وبيطلع كلامهم فآضي..


مافي دليل
هذيييج الايام قالوا جتلوه..

[المزوحي]

مهابه انا من شفت صورته يوم مشوهين ويهه، حسيت به بعده عايش ...

الله يرحمنا برحمته

[مايهزك ريح]

بعدني مب مصدق ..
في عهد اوباما ما استوى شي عدل .. حبوا انهم يسوون شي عشان ايعدلون من صورته وترد لهم هيبتهم

[المزوحي]

صح .. عشان يكون مسوي شي في عهده .. مثل ماسوى اللي قبله في صدام

[شوق القلوب]

مساكم ورد... :)

[طير الغرام]

صبــــاح الليـــل الحيــنه :whistling:

[مــهــابه]

صبآحگم ابتسآمه..


اللي مآيبغي يداوم ش يسوووي؟!..


تعبنآ من الجولات الميدانيه ، حررررر والله ..

[المزوحي]

مرحبا بكم

اشحالكم ؟؟؟

بالزور نشيت اليوم مالي نفس على الدوام ،، البارحه في الليل الجو كان روعه، واليوم شكله بيكون جيه بعد .. عندي مشروع مشي ،، لازم امشي ياناس ،،

[المقاتل]

ياااااا ناااااس اليوووووم الخميسسسس

[مزن هتان]

صباح الخير للجميع =)
مداومه و مستمتعه بالهدوء اليوم

[المزوحي]

هلا المقاتل

واخيرا


مزن خبرينا كيف الهدوء عندكم ؟

[مزن هتان]

شغل خفيف + ثنتين من البنات اجازه ماخذين
و هم ما شاء الله عليهم وايد اكتف لمن يكونون موجودات يتكلمون و اصواتهم تشل المكتب

اليوم كلش مالنا حس انا و رفيجتي اللي معاي

[مايهزك ريح]

اليوم الخميس ... اخيييييييرا خلاص ..
بسسسسسسسسسسسافر .. لازم ارد ارتب الشنطه ..
مب مصدق بعدني .. باقي 24 ساعه ياهوووووووووووووووو
بتوله عليكم اخواني ..

[المقاتل]

ناس مستانسه بتسافر :P

شو بتسووون اليوم ؟

[المزوحي]

مزن يصادف احيانا يوم موظف يغيب، البقيه يغيبون والمكان هدوء :mf_leia:


مايهزك ريح enjoy your holiday :whistling:


المقاتل ،، اليوم الاهل يتيمعون :a018:

[مايهزك ريح]

^
Thanks Brother :)

[مزن هتان]

متملله اليوم مو بالعاده احدر المنتدى هالحزه
البيت هدوء و المنتدى كذلك و ماني نعسانه :)

[مزن هتان]

ما يهزك ريح يسافر المزوحي يختفي !!

[مايهزك ريح]

انا رديييييت .. وينه مروان ..

مرينا سويسرا .. عشقي زيورخ ..

http://oasis.bindubai.com/bin/uploaded/5584dd35c90df496.jpg

[مزن هتان]

الحمدلله عالسلامه اخوي

[مايهزك ريح]

الله يسلمج اختي مزن ..
الجو كان حلو .. بس يوم تطلع الشمس اتحسين انها تصلخ ..
كل حد يسألني يقولي شو مسوي تااان ..

[شتشووته]

الحمدلله عالسلامه اخويه مايد..

يا سلاااام على سويسرا .. ان شاءالله استانست؟

حطلنا صووور :D

[مايهزك ريح]

الله يسلمج اختي شتشووته
استانست بس ما واحالنا .. احس اسبوع اشويه كان ودي اتم اسبوع زياده بس اللي ويايه ما عندهم اجازه ..

[المزوحي]

الحمدلله على السلامه اخويه مايهزك ريح اشحالك ؟؟؟ اللي يقهر في موضوع اي دولة بتزورها ( مدة الاجازة ) شو هذا ؟؟؟ الواحد يبغي يسافر كذا مره في السنة والمدة اطول

طمع ^_^


مزن اشحالج اختي ؟؟؟ يوم ادخل الواحات احس المكيف مب شغال والجو حار، قلت اشرد احسن ^_^


باجر الخميس والرواتب عقب اسبوع ،،

[مايهزك ريح]

الله يسلمك مروان .. ادخل موضوع خرابيطي خرابيطكم
والبونس بعد اسبوووووووووع ياهو .. ان شاء الله انحصل واااايد .. اعاوض الرحله ..

[المزوحي]

بالبركه عليكم ... بس يبالك بعد سفرة غيرها، يعني مابتقدر تنتظر لعقب العيد !! والله هالايام يوم اشوف الجو اقول لااا ماينيلس فيها البلاد

[مايهزك ريح]

اتصدق انا ايلس في الصيف احسن لي
لو جربت الحر اللي هناك... يوم تطلع الشمس ..
بتقول ليتني ما ييت ^_^!!

بس اتصدق انه ماشي عرب في ميونخ في هالوقت ..
الshopping على كيفك .. كل شي موجود

[المزوحي]

ايوه مجرب شمس اوربا لو الجو حلو

ميونخ فيها عرب بس اللي مايبينون

بتلقاهم من نص سته في المارين بلاتز

ياكرهي لزحمتهم

[شوق القلوب]

وانا اقول مايد مب من عوايده يختفي...! و المزوحي بعد يختفي وياك ..

الحمد الله ع السلامه خيووووو

[مايهزك ريح]

الله يسلمج اختي شوق القلوب ..

[المزوحي]

هلا شوق شو نسوي ،، مرات تظهر لي شغلات وفي نفس الوقت مافي شي يديد في الواحات ، نبغي آكشن ^_^

[مايهزك ريح]

هيه والله ملل ..
باقي يوم عن الخميس ^_^

[المزوحي]

السلام عليكم

اشحالكم ؟؟؟

بعد تطاير رماد البركان على دول أوربا

[مايهزك ريح]

ههههههههه زين اني سافرت ورديت ..

[المزوحي]

في ناس مايهمهم إلا إذا سكروا المطارات يغيرون الوجهه ، المهم يسافرون ^_^

مايت في بالك كب تاون مره ثانيه وإلا من البلدان اللي ماتسافر لها إلا مره وبس

[مايهزك ريح]

تمر على بالي .. لأنها صدق غير .. بلاد هاديه وجوها بارد ..
خاطري اسيرلها اتبرد اشويه وارد ..
بس ما شي اجازه ..
والكل مسافر ما اقدر اخلي الوالده ..روحها ..
يمكن اذا ردوا اسير مادري ..
بشوف ..

[المزوحي]

واخيررررا الخميس

مايد إن شاء الله بتسافر


ماعندكم مخططات للويك اند ؟؟؟

[المزوحي]

السلام عليكم

اشحالكم ؟؟؟؟

:ohboy: ليش جيه هدوء في الواحات ؟؟؟ حد مزعلنكم ؟

[شوق القلوب]

هييييييييييييييه...

زعلانين من اللي ما يسولفوووون....

[طير الغرام]

مســــــا الخيـــــــر ~ :laugh:

[شوق القلوب]

مساااااااااااااااااااج ورد يا ورد

[المزوحي]

افا شوق القلوب شو هالرمسه !

وينهم الجماعه خلهم يدخلون ؟

[مايهزك ريح]

شو اخباركم ..
باجر الخميس

[المزوحي]

مرحبا

هاليومين مب شي
ان شاء الله باچر يكون يوم حلو
ليش باچر من الحين يارب

[مايهزك ريح]

ان شاء الله ..
نحنا من بعد البونس ..
كل يوم حد مسوي عزيمه ..
ما ورى علينا ثلاث سنين قحط ..

[المزوحي]

تستاهلون
نحن زادونا مال١٠٠ درهم وحد ٣٠٠
الحمدلله بس لو عدالها صفر زياده يكون احسن

[مايهزك ريح]

اللي عندنا زادوهم بال 5000 ..
بس يوم بيوصل للمواطنين اظني على 500 درهم الزياده ..
يالله مبروك ..

[المزوحي]

الله يبارك فيك ^_^

[شوق القلوب]

السلام عليكم...

ماشاء الله ... تستاهلون البووونس...

[المزوحي]

مشكوره شوق

اليوم مووول مب شي
الدوام وايد ينرفز اليوم
استوت مواقف بايخه

صدق لازم اغير جو

كله نفاق يا جماعه

بس مانقدر نسوي شي وفوق هذا كله المسؤولين يقيمون عمارهم درجات احسن

الله المستعان

[شوق القلوب]

الله يعينكم على ضغوطات الشغل و الي يستوي فيه... قلب الواحد كم بيتحمل...

[المزوحي]

والله ما ابالغ ، تعبان بمعنى الكلمه، كله على حساب صحتي



شو اخباركم بعد ؟

[مايهزك ريح]

ريح اعصابك اخويه مروان ..
خلهم يولون يعلهم يحترقون في نار جهنم يا رب ..
سير السينما طالع فيلم king fu panda 2
وانسى الهموم .. ياخي بنموت ما استمتعنا بحياتنا ..

سير مكان يديد انته مب متعود عليه .. كتغيير ..
سير امشي على الحديقه عندكم حديقة ند شما
شلهم من بالك ولا تفتكر ..

واجازه سعيده ..
ابتسم واقهرهم يعلهم القهر يا ربي مثل ما قاهرينا
^__^!!

[خليجيه]

ليش قاهرين عماركم؟

الله سبحانه مثل ما عطانا سمع وبصر، عطانا العقل. هل شفتوا انه العصبيه والغيظ والقهر وصلوكم لوضع احسن؟ بالعكس هذا ينجلب عليكم سلبيا.

مثل ما قال مايهزك ريح, الاختلاط بالناس في الاماكن العامه او الاهل احسن

وبعدين الانسان يتوكل على رب العالمين ويشكره في كل وقت وحين. هو اللي بايده الفرج مب بالقهر والعصبيه

الله ايريحكم جميعا ويعطيكم على قد نيتكم

[المزوحي]

مرحبا مايد اليوم حضرت الفيلم ، كنت اشوف دعايته بس اقول عقب ، مثل ما قلت الواحد يغير

والله في خاطري في اماكن يديده ، وين نسير ، ماعندك فكره :fa56:


خليجيه نشكر الله في كل وقت ولله الحمد ، الانسان بطبيعته يمر بظروف ومواقف بس الله المستعان

[كديش]

شكرااااااا

[كديش]

يسلمووووو

[مايهزك ريح]

مرحبا المزوحي ..

سير
the one & only palm
اخر النخله
عقب رعبيل سراي ..

تغيير مكان .. تم في الكوفي شوب او حتى ايلس جابل البحر .. المكان حلو وهادي ..

[المزوحي]

هلا سرت له من اسبوعين مسكرين الباب اونه محجوز تعال مره ثانيه
وسرت له بالسبت مب مستعد لانه لابس سبور
بسير هالسبوع وان شاء الله بشوف اماكن ثانيه بعد
باخذ اجازه لاني طفران من الدوام

[مايهزك ريح]

البارحه الأهل جربوا
cheese cake

لذيييييييييييذ
من عند
peice of cake
موجود في اتحاد مول مردف ..

جرب التيراميسو وجرب اللي بالترافيل ... صدق يمي ..
الحلو انه حجمهن اصغير
two bites
^_^!!

[مزن هتان]

^^ خفيف الجيز كيك مالهم جدا جدا
امايه مدمنتنه، من قبل لا يفتحون المحل و نحن ناخذ من عند الحرمه

[مايهزك ريح]

زين يوم فتحت محل ..
بصراحه لذيذ ..

[المزوحي]

ايوه ادري به وطعمته من قبل ^_^

وأخيراا الخميس

[طير الغرام]

:sad: ليــش الواحـــات جيـــه مستويـــه
ويـن أيــــــام أول !!

اللي يشاركـون ينعـدون ع الأصابــع
هـ الشي مايخلينــا نتحمــس وانحـط مواضيــع يــديده !

وظـاهرة النكـات اليديده اللي تظهـر بالهبـل والمواضيــع الكوبي بيسـت ورا بعض تراهــا وايـد تقهــر :fa55:

[المزوحي]

يقولون والله اعلم كله من البلاك بيري

طير الغرام طيب شو الحل عشان ترجع الواحات مثل أول ؟

[طير الغرام]

^

لـ هالدرجـه البي بي يسـوي جيـه ،، ماظنتـي!

وأنا الصراحـه ماعـندي حـل
الحـل بإيــد الأعضاء

احنـا انحاول نعطي أعذار لهـم
يا فترة دراسـه وامتحـانات
ويا فتـرة إجازه وسفـر

والله أيـام الواحـــات أول كانــت غيــــــــــــــر !!

[شوق القلوب]

هلا طير...

والله هالمواضيع قد ما اقدر امسحهم... لانه شي ينرفز... بس مب عارفه شو الحل !!! ومنو ورا هاكله

..

اذا في خاطرج اتنزلين موضوع... نزليه.. ماعليج كلهم يدخلون بس ما يحصلون شي يديد يتفاعلون وياه

[المزوحي]

طير الغرام - شوق القلوب

ودنا الواحات تكون مثل قبل .. انا ادخل بشكل دايم وبعد ماشوف شي يديد واطلع ، بس يمكن القصور منا مانشارك بموضوع يديد !

[طير الغرام]

:surrender:


:k_sadwalk:

[شوق القلوب]

الاتحاد مول... و العربي... للحين ما جد دخلتهم...

هو دبي مول وما غيره ^ـ^

[المزوحي]

صباااااح الخير

طير الغرام ؟؟ :ohboy:

شوق القلوب عيل يبالج زيارة ( نفس اليوم ) وإلا أقول يمكن تطولين خلاص كل مول بروحه

لأنه في نفس المنطقة قلت يمكن بسرعه تتجولين فيه :fa56:

[مايهزك ريح]

في اجازه يايه يوم 28 - 6
بتصادف يوم الثلاثاء
اعتقد بيرحلونها ليوم الخميس ..
يوم 30 -6
الله .. بيكون
long weekend :)

وشو اخباركم بعد ..

[مايهزك ريح]

اذا تعرفون حد يبا ايي دبي ..
في عرض من فندق دبي دوست برينسيس
Dubai Dusit Princess - City Center Dubai.

احجز اربع ليالي بسعر 3
يشمل من والى المطار
فطور لشخصين وطفل دون سن 12 مجاني
المغادره لحتى الساعه 3 مساء
خدمة انترنيت مجاني
خصم بنسبة 20% على دخول عرض الدلافين في خور دبي
يسري العرض حتى 31 اغسطس 2011

http://www.dusit.com/dusit-princess/princess-city-centre-dubai.html

[طير الغرام]

مسا الخيـر ~

المزوحي // هب عايبنيـه وضـع الواحــات

مايهزك ريح // يسركـ الحال
أنا اليوم بديـت تدريب الصيفي فـ الجامعـه
ثلاث أسابيـع وبنخلـص إن شاءالله >> ماحسبت هالاسبـوع :whistling:

:

وبعــد شخباركـــم ؟

[المزوحي]

صباح الخير

هيه صح مايهزك ريح ، اظن إجازة الاسراء والمعراج

طير الغرام، حتى نحن مب عايبنا الوضع، صدقيني اي عضو جديم، وللحين يدخل الواحات اكيد حاس بالفرق



وشو اخباركم بعد ؟

[المزوحي]

السلام عليكم

اشحالكم ؟؟؟

هدوء في الشتاء قلنا برد ودراسة وشغل ، ليش هدوء في الصيف ؟؟؟

حر وإجازة ؟؟؟

[مايهزك ريح]

وعليكم السلام ..
انا بخير والحمدلله .. مستمتع بالصيف >> ودك اتسافر بس مديرك ماخذ اجازه

يالله اول مره ايلس واشوف صيف دبي من سنه 1999 وانا كل صيف برا البلاد هاي اول سنه ايلس احس انه غير ..

وبعد شو اخباركم

[المزوحي]

صح كلامك اكيد بيكون شي غير دام إنه سويت شي عكس كل مره !

نحن عندنا المدير حاجز شهر 7 حقه ^_^ ومايبغي بديله يظهر ، والبديل محتشر بعد

عيل مايهزك ريح يبالك زيارة ( لمدهش ) تشوف شي يديد

[مايهزك ريح]

هيه والله ما جد سرت مدهش ..
احلى شي انه خواتي بعد يالسات ويايه .. ولا جان ضجت على الاقل حسوس في البيت مب مثل كل مره انا ارد وهم يسيرون ويتم البيت خالي ^ـ^!!

[المزوحي]

عالم مدهش

يونيو 20 – سبتمبر 10 في مركز معارض مطار دبي
http://www.dubaievents.ae/media/thumbnail/detailspotlight/518-198/de86b30cf6f907b962351749d928ed4b/20110327_modhesh_world_banner_518x98.jpg

[المزوحي]

مـفاجآت صيـف دبـي

يونيو 22 – يوليو 31 في مؤسسة دبي للفعاليات و الترويج التجاري


في فعاليات في المولاتhttp://www.dubaievents.ae/media/thumbnail/detailspotlight/518-198/de86b30cf6f907b962351749d928ed4b/20110327_dss_ar_banner_518x198.jpg

[مايهزك ريح]

مشكور على المعلومات ..

[المزوحي]

الله يسلمك ^_^

مرات اقول لو الواحد يبغي يستانس يقدر بطريقته، بغض النظر عن الجو ...

شو اليديد بعد ؟؟

[خيال الحب]

حلوة الفعاليات الي يسوونها .. وخاصه اليهال يستانسون فيها وحتى الكبار.. بس ربعناا اونه فضيحه نوقف نتطالع شو نحن هنود

ليششش هالتفكيررر الغبي عند الناااس؟؟؟

لو نفس هالعروض برررع كنتو تفييييزرتو ويلستووو تشوفون

بالعكس اشوف الي عندنا في البلاد من العروض الراقية جداااا

[بنت الدلع]

السلام عليكم

اشحالكم ؟؟؟

هدوء في الشتاء قلنا برد ودراسة وشغل ، ليش هدوء في الصيف ؟؟؟

حر وإجازة ؟؟؟

الناس مسافرة :tounge: