~ بــــرزة الــواحــــات ~

[مايهزك ريح]

هيه والله صدقكم .. ما ايواحيلهن البيزات ايتمن في المخبى ..

اقول البارحه مريت ديور الرضيعه قاصه سلسلتها وقالولي تتصلح .. جان انتبه انهم مسوين تنزيلات 30 -40 % بس ما اعلنوا عنه .. !

[المزوحي]

صح كلامچ شوق بس اقصد كيف الفلوس ماتم وعاد قيسي على الامور الثانية

على طاري ديور؛ ما تلاحظون انه الاسعار ارتفعت في الماركات ؟

[مايهزك ريح]

صح كلامك .. انا ملاحظ انه من شهر 8 كل الماركات رفعت الأسعار .. !

[مزن هتان]

امطار بالشارجه و عيمان
تو أبوي متصل يخبرني، ربي يلطف و يرزقنا من الخير

[المزوحي]

مزن انحرمنا من المطر السنة
امس نفاف لمدة دقيقتين

[مايهزك ريح]

الجو مغيم في جبل علي .. ان شاء الله يصب مطر .. !

[المزوحي]

أوني بسير ستي مردف عقب الدوام، كسلت

مرات يوم ندخل البيت مانقدر نظهر

[مايهزك ريح]

^
تستويلي هالحاله .. بس من نطلع انصلي المغرب .. اتنشط ^_^

[المزوحي]

بشوف عقب جان بظهر

[المزوحي]

صباح الخير

والله الجو باااارد ويوحي بالرقاد، بس شو نسوي ، ورانا دوام

[مايهزك ريح]

^
صدقك .. توني واصل الدوام .. ومحد في المكتب غيري .. ياني الرقاد روحي !

[المزوحي]

اي زون عنده سيل

وانا اشتريت من عندهم مرتين
بس البضاعه اصليه ؟

[مايهزك ريح]

^
ما جد دخلت وخذت عندهم شي .. دايما ادووووور واطلع !

[المزوحي]

عندهم كذا ماركه ومن ضمنها بربري ، توني سرت مردف ستي سنتر ويوم سألتيهم عندكم سيل، قالوا: لا ماعندنا

قلت لهم مطرشين لي مسج عيل، قالوا ايوه السيل حق اللي مطرشين له مسج، بس ظهرت عنهم وسرت بوتيك ون ماعندهم أرماني ، قال الريال سير فورلا ، عندهم 3 شنط لكن مب لين هناك

وعقب دخلت كول هان ...

اما اي زون مره قال لي : إنه بوتيك بربري مشتكين عليهم عسب عندهم بضاعة بربري .. من جيه شكيت في الموضوع !

[مايهزك ريح]

Cole haan جواتيهم فنانه .. بس لازم اتجرب الجوتي ..
انا خذت واحد شكله فنان بس يرص عند الجوينت .. وانا عظمي عريض .. !
فأول الأيام ما كان مريح .. كان يحزني .. الحين .. توسع واستوى فنان ..

بوتيك ون اللي فيه الشنطه اللي قلتلك عليها في الـ JBR

[مزن هتان]

من الصبح و أنا أدوّر حجوازات فنادق ماني لاقيه
الا من شوي و بالحسره :d010: و راي وايد أشياء
الله يسامح أمي و خواتي كل شي قاطينه عـ راسي

بنزل كويت اليوم :fa34:

[مايهزك ريح]

^
زين بتغيرين جو اشويه .. بالتوفيق ^_^!!

[مزن هتان]

هيه والله، ربي يوفق الجميع

[المزوحي]

ايوه مايهزك ريح اعرف اللي تطريه في هالك الفرع، بس استبعدت المكان، بس الموظف تم يقنعني آخذ تي شيرتات من ماركة واي 3

قلت له مب وقته الحين، وعلى طاري الجوتي، حتى انا احس ريلي كأنها اعرضت، لو الجوتي قياسي من جدام يرصني

[المزوحي]

السلام عليكم



مـــب كـأنه اليوم الـــخــمــيــس :fa56:

[مايهزك ريح]

وعليكم السلام ..
اليوم مداوم الساعه 10 .. غصب واصل الدوام .. جسمي كله مترضض من صوب واحد .. اليمين .. !
ما اعرف شو مستوي عليه ..

[المزوحي]

الله يعطيك العافية
نحن عنا تدريب ورخصونا من وقت
والحين في مول دبي
متصلين بي بلومينجدلز عندهم سيل
وزحمه

[مايهزك ريح]

الله يعافيك ..

عسى حصلتو شي يسوى انه الواحد يدق درب لين هناك .. !

[المزوحي]

والله على حسب
يعني في جواتي وانته بكرامه منه مقاس واحد او اثنين وماشاء الله الناس من اصبحت هنيه
في خصومات على الملابس والاحزمه

الاسعار ٤٠٠ و ٦٠٠

[مايهزك ريح]

زين لأنه ساعات توصل ما تلقى شي يسوى .. آخر مره هارفي ما فيه شي عدل ..

بس ساكس حصلت عنده قمصان ارماني .. و D & G .. خذت لي تقريبا 5 .. !

[المزوحي]

صح
انته وحظك

[المزوحي]

صح
انته وحظك :fa45:

[المزوحي]

مادري

اليوم ماكان لي بارض على الدوام

[المزوحي]

اشحالكم ؟؟؟

شوق القلوب mamas and papas عندهم سيل

[الا انا]

^^

وايد احب لبسهم .. كيوت عاليهال .. يطلعون مرتبين .^^


::



يوم اكون صج صج ملانه

اجوفهم

Oggy And The Cockroaches

http://www.youtube.com/watch?v=ZAcjaf1dgZg


كششششششششششششششششخه

[مايهزك ريح]

واخيرا اليوم الخميس .. في افلام فنانه في السينما ..
مفكر اسير ^_^!!

[مــهــابه]

آنا هالويك إند آن شاء الله نآويه آروح آسوي شوبينغ ، مآقبل الفآينل لوول ..

اليمعه لي طآفت روحت مردف ستي ع السآعه8جذيييه وكآن واااااااااااااايد زحمه ..

مآرمت آشتري شي وفي وآيد محلآت مسويه سيل ، قآلوا ع هالآسبوع بينزلون آشيا عآد قلت بخطف هنآك آشووف ><

.

.


ويك إند جميييل للجميع ..

عآد هالويك إند لآزم اسوي كل شي ف خآطري لوول ، بنحبس آسبوعين ف العين

[مزن هتان]

ربي يوفقج مهابه :fa41:

[حلم الطفوله]

هيه والله مهابه !!! يبالي سيرة لمردف بس مب باجر عاد

أحس الجمعه هنود لبلاد مستوطنين المراكز ....

يمكن السبت أسير

[مايهزك ريح]

الجو رهيييييييييييب .. يباله طلعة بر ..

[مــهــابه]

حّلوم :

آنا غيرت الوجهه الويك إند اللي طآف ، روحت آوت لت ودبي مول بس ><


مآيهزك ريح :

والله صدق ، الجو خبآآآل ، ><

لكن للآسف آحنا عندنآ فآينل =(


بآجر عنديه لآب بيولوجي ..

ولآآزم ادرس ..


آفكر آنزل تحت آدرس براا ، بس مشكله الهنود والبآصات والدكآتره >< ، المكآن مش سآآآتر


.


.


آطلع من الدوام وآطلع ، ترآ الجو هذآ مايكون عندنآ كل يوم لوول

[مايهزك ريح]

^
الله يوفقكم في الإمتحانات .. ^_^!!


بشوف الجماعه جان بيسيرون

[مايهزك ريح]

اخيرا الخميس ..
شو اخباركم .. وشو مخططاتكم ..

[دمعة شوق]

مايهزك ريح ، شكلهم الجماعة استغلوا هالويكند من الخاطر =)
لدرجة ان محد ف الواحات ..!!

وينكم ؟ الواحات مييييييييته من الخاطر ولا حس فيها :(

[المزوحي]

السلام عليكم

اشحالكم ؟؟؟

[المفتاح]

السلام عليكم ورحمة الله وبركاته
اهلا بالجميع
موفقين يارب العالمين

[المزوحي]

وعليكم السلام اخويه المفتاح كيف الحال ؟؟


.......


صدق يوم قالوا ركود في الواحات ، نشـــّوا

[المفتاح]

السلام عليكم
هلا بك يا اخى الكريم المزوحي
هيه صدقت
مشاغل الدنيا وايده وكل يوم تكثر
بس الحمدالله على كل شي
تحياتى لك ولجميع الاعضاء
المفتاح

[المزوحي]

أريد مايباخ :police: ايلس ورا وتكون السيارة تحت أمري :fa56:تغيير عن السواقه :a018:

[مايهزك ريح]

بلاك مروان ...
اتصدق اني ما اعرف ايلس وحد يسوق عني ...
اتم مركز وياه ..جني انا اللي اسوق !

[المزوحي]

صح كلامك بس في حالة تظهر مع حد تعرفه بالغالب ، صح في دريوليه يبطون الجبد وتبغي تاخذ السكان

عنهم، لكن لازم ندور واحد سواقته فنانه وهادية بنفس الوقت، ويريحنا من تعب السواقه

وعندي لاب توب وراء وأدخل الواحات :fa34:

[مايهزك ريح]

^
يا سلام خليتني احلم ^ـ^"

[المزوحي]

believe me, we need it sometimes

1387

[مايهزك ريح]

yep ..i know
one day when i will be old I might have a maybach

http://1.bp.blogspot.com/_2Lul3s_ruAk/TR7SUu31wBI/AAAAAAAAAJM/hY2GA8ryjHo/s1600/maybach_landaulet_02.jpg

[المزوحي]

:k_shock_1:




have a safe trip :a042:

[دمعة شوق]

صوت مهب وااايد قويه برا ويزيغ :(
يقولون استوت هزه بس الحمدالله كنت راقده وماحسيت بشي

[مــهــابه]

صبـآحكم ورد ><

^ كنت وآعيه ، غررييييبه مآحسيت بهآ ؟

دمعووه ترآ محمد خليفه نزل العلآآآمات =p


عندي امتحان السآعه 8 وتخيلـو آمس كآن عندي امتحانين من 8 ل 10 الصبح ومن 6- 8 المسآ
وقلت برقد،من التعب مارمت رقدت 2 وضبطت المنبه ع 4 ع آساس ادرس هالماده ، وررن وسكرررته وكل شي ><

لو ما رن تلـفووني وانتبهت له ؟ جاااان رقدت عن الامتحان انا ولا درست له

والكميه مش هينه موليه

8 جآبتر


آدعـووووولي

[مزن هتان]

بالتوفيق حبيبتي :fa41:

[مــهــابه]

^
جميعـا يارب


تسلمين مزن

[المزوحي]

مهابه شدي حيلج

[المزوحي]

استنطق الحب قلبي ثم حبيتك يا راهي الحس والاحساس والغيرة نظرت عيونك تناديني وناديتك من يوم شفتك عطاك القلب تقديره..

[مايهزك ريح]

السلام عليكم ...
اكتشفنا محل يديد حق اليهال ...

http://www.bodenusa.com/

وشو اخباركم بعد ..
ما بقى شي كمن يوم وبنرد !!

[المزوحي]

مرحبا مايهزك ريح، المحل يشمل بعد لبس الكبار ..

نحن الحمدلله ربي يسلمك

حاول تستمتع قد ماتقدر،، لأنه بدا العد التنازلي وهالشعور بايخ :sad:

ولاتنسى تاخذ لك هدايا :a018: دلع عمرك

[مايهزك ريح]

اشتريتلي لبس من Hugo Boss عندهم اشياء فنانه اول مره تعيبني ...
وخذت عطور ...
والباقي اغراض الآهل موصيني عليهن ^ـ^!!

[المزوحي]

نـــايس :fa56: بس ماعندهم قمصان من رالف لورين بأسعار حلوه :k_puppyeyes:

عندي 60 ألف شغله، بس في نفس الوقت أبغي اكون كووول :whistling:

[طير الغرام]

انجــوي أخـويه مايهـزكـ ريــح

الـــواحـــات ميتــه من كــمن يــوم ليــش !

[مايهزك ريح]

مرحبا مروان ...
رالف لورين هنيه وااايد رخيص ... بس في البلاد غالي !!!
تلقاهن على ٢٠و ٣٠ دولار !!!!


مرحبا اختي طير الغرام ..
الثلج مب مخلنا نطلع مكان .. امسات مسكرين شوارع نيويورك .. ما صدقنا نوصل مدينتنا قبل العاصفه !!!

[المزوحي]

صح طير الغرام ماشي حياه

مايهزك ريح الله يعينكم .. بس بعد استمتع بشرب الكوفي ؛ يوم مابتقدر تظهر؛ ولا صدعة الدوامات

[شوق القلوب]

سلامي عليك يا مايد...

استمتع بهالاجواء الحلوه..

هييييييييييه.. هالمحل اطلب منه... فرعهم البريطاني عنده كولكشن اكبر

[طير الغرام]

-{ مايهزك ريح }-

الله يعينكــم ،، بس أهــم شي إنكــم غيرتــوا جــو

:

-{ المزوحــي }-

من الخــاطر :fa55:

[طير الغرام]

أجوفكــــم ع خيـــر إن شاءالله بعــد خمسة أيام
بـروح ليـوا إن شاءالله ،، انحـلل الأيـام اللي بقـن من الاجـازه [ اجارتيه امطوله بس خواتيه لا ] :whistling:


http://oasis.bindubai.com/bin/uploaded/11844d4742bb416ae.jpg

[الاسطوري]

تروحين وتردين بالسلامه إن شاءالله

عاد صوري لنا شوية نبى نشوف الأجواء كيف هالأيام
:k_smile2:

[شوق القلوب]

هي والله .. انا خاطري اعرف شو الاجواْ في هالاماكن

[المزوحي]

السلام عليكم

حد هنيه :k_special2:

إن شاء الله تنبسطون طير الغرام

شوق القلوب هيه والله ، بس بعد الواحد يغير جو لو أي مكان :a042:

[الاسطوري]

مزن مختفيه هالفترة مالها حس

[المزوحي]

صح الاسطوري مالها حس !!

وأخيرررااااا باجر الخميس، لكن مايهزك ريح هالمره مابتقول هالكلام، لأنه أولريدي في إجازة، وبالنسبة له الخميس، موعد قرب الدوام

[مزن هتان]

مزن هون =)
حيالله أخوي الاسطوري

[المزوحي]

مرحبا مزن ، يقولون ضايعه !


اليوم شو ؟؟؟


اليوم الخميس ولاتنسون ترتاحون بالويك اند

[دمعة شوق]

عساه ويكند رااحة وسعادة للجميع :)

[المزوحي]

وانا اقول ليش اليوم سعيد ومرتاح، كل من دعواتج :a068: آميييين دمعة شوق

الحين بخليكم

ونرد لكم عقب :a018:

[دمعة شوق]

^
ههه عسى دوم آن شآءالله ،
مزحوم المزوحي هالويكـند ( ربي يوفقه )
~
والجمآعه البآآقيه مختفيين لآآخر حـد !!!
شو مشكلتكم بالضبط ؟!
:/

[حلم الطفوله]

يتغلوووون دمعه !

المزوووحي ...عساك دوووووم سعيد ومتهني يارب :)

[دمعة شوق]

^
شكلهم يتغلون من الخاطر

[المزوحي]

ويوفقكم يارب، مشكورين دمعة شوق وحلم الطفولة

نحن مانتغلا، بس نغير جو عقب كراف الدوام، وبما إنه ماعندكم مواضيع يديده في الواحات، تخلونا نضطر نبعد عنها ..

شو الاخبار بعد ؟

[مزن هتان]

مرحبا و مسهلا أخوي المزوحي
موجوده مزن، أنتم محد =)


هـالويك اند كنت في الفجيره و رحنا الخور بعد :fa41: صج استانست،
الحمدلله و غيرت جووو

[الاسطوري]

صباح الخير ..

مزن, تنصحينا نروح خورفكان يعني؟

[مزن هتان]

هييه أنصحكم و بشده
بلادهم حلوه :fa41: دايم يجيني شعور انه جوهم نظيف

جوهم أبرد عن دبي بوايد "حلووو"

من 4 اربع اسابيع و أنا أروح بوظبي كل ويكند
جوها شرات دبي يعني ما كان فيه تغيير

[المزوحي]

هلا مزن، ماشاء الله شي طيب، الحمدلله غيرتوا جو

انا بعد ابغي اغير من الخاطر ،، ابغي اسوي لي مخطط سياحه داخليه

[طير الغرام]

-{ الاسطـوري ،، شـوق القلوب ،، المزوحي }-

تسلمــون والله

والأجـواء رهيبــــــه واااااايـــد والجـــو بااااااااااارد
ولمــة الأهــل بس كــم تســوى ،، وبــعد ما ننسـى الدراجــات هههه يبـدا الخبـال
عـاده أنا كل سنـه أقوللهـم علمـوني نسيـت كيف يسوقون وكل مـره يقولوليـه سوقي الرينـو وأنا أقـول :4: مابا كيفـي بس بقعـد عدال اللي يسـوق
بس ولـد أخـويه السنـه أصـر إلا ويعلمنـي دقيقـــه وإلا أنــا شاخطتنــها ههههه ماادري انـه جيـه سواقـت الرينـو سخيفــه
ولا كلـه يقولوليـه انتي متهـوره انزين اعترفـوا إني حرّيفـه وكيفي إذا بسـرع خـلاص تراني احترفـت :whistling:أوني ههههه
وأحلـى شي كـان إنـه نص المحضـر فاضـي يعنـي خذنـا راحتنـا السنـه واحنـا نلعــب بـ الدراجــات

أجــواء حلــوه والله ماكــان ودنــا انــرد بـس الدوامــات خربــت علينـا شو انسـوي :fa45:

[مايهزك ريح]

السلاااااااااااام عليكم ..
انا وصلت ..
والرقاد عندي مخترب ..

شو اخباركم

[الاسطوري]

"مزن"


عيل دام جيه السالفه يبالنا نروح وإجازة المولد النبوي خلوها يوم الخميس
فبنستفيد منها ويه الويكند وممكن نطلع
نروح مكان


"طير"


الاحتراف مايي بين يوم وليلة يباله ممارسة طويلة بس حلو انج تعلمتي على المبادئ بسرعة، قبل اسبوع كان في واحد يصعد على تل الفو ببولارس رايزر مجابل البداير
ويوم وصل فوق كسر في وقت غلط وبسرعه بطيئه وانجلب حوالي 5 جلبات وكانت وحده وياه، يوم رحنا له فوق كانت
الدراجة طايحه على ريله بس زين قدرنا بسرعه نعدلها ونطلعهم
فتحملي من التهور


"مايهزك"


الحمدلله على السلامة، الامور طيبه
انت شحالك؟

[مايهزك ريح]

الله يسلمك ..
انا بخير والحمدلله ..
افتكيت من الثلج .. كنت كلما اطلع اشل الثلج عن الموتر ..
صدق بهدله ..
الله يعينهم اللي عايشين هناك !

[طير الغرام]

-{ مايهزك ريح }-

الحمــدالله ع الســـلامه بــرووو :k_smile2:

:

-{ الاســطوري }-

لا لا اتحــاتي أنـا حـدي ع الشـوارع والأمـاكن المسطحــه :4: اشلــي بـ الفلسفــه الزايــده والحركــات اللي مالهـا داعي
بس اللي كـان قاهـرني إنهـم يســرعـون وأنا وحليلي يبـوني أمشي ع بيضــه :whistling:

[مايهزك ريح]

الله يسلمج اختي طير الغرام .. ^_^!!

[المزوحي]

الحمدلله على السلامه مايهزك ريح ،، انته معذور رقادك مخترب، لكن نحن مب طايقين عمارنا من نشة الصبح

نقوم من عز الرقاد :fa48:

عشان نوصل الدوام، ومرات الشغل بعده يبتدي متأخر بس مجبورين انسير على الوقت :k_puppyeyes:

لكن الراتب حلو :huh: مرات الواحد يتكاسل يسير لكن نخلي رصيد الاجازه حق شي يسوى :bye2:

[دمعة شوق]

الحمدالله على السلامه مايهزك ريح
~
طـير
آحلى شـي آلدرآجآت والرينو
p=

[طير الغرام]

^

YuP

:

شكلهــم هــل الواحــات ارقــود
شـرات اللي عنـدي فـ البيــت كلهــم دوامــات وارقـود إلا أنــا :whistling:

[شوق القلوب]

:4:لا حبيبتي.. في ناس واعين

[مايهزك ريح]

الله يسلمكم من الشر اخواني .. المزوحي ودمعة شوق ..

[الاسطوري]

صباح الخير

مايهزك, غيرت دوامك ولا بعدك في نفس المكان؟

[مزن هتان]

السلام عليكم و رحمة الله و بركاته
اذ البارحه صادني رادار، أقدر أسدد المخالفه اليوم ؟

[الاسطوري]

ماتوقع المخالفة تنزل بهذي السرعة وعادي مرات يكون بس فلاش في حالة إنه
رادار ثابت، أي شارع هذا خبرينا يمكن
رادار مانعرفه
:k_special2:

[مايهزك ريح]

مرحبا الأسطوري ..
انا ما يحتاي اغير وظيفتي .. اصلا كل مره يغيرون مكاني ..
وكل مره شي يديد ..
الحمدلله مرتاح في هالوظيفه .. ^_^!!

[مزن هتان]

البارحه و أنا راده من العين اذا ما خاب ظني 3 ردارات صادوني
اول واحد فالعين ما كنت اسرع ما عديت 110و اثنين شارع العين - دبي واحد متحرك و الثاني ثابت

يعني بعيد تطمن

[المزوحي]

اسمع موضوع رادار !!!!!!!!!!!!

والله انا من اسبوعين تقريبا مسكني الرادار في شارع زعبيل، السرعه المحدده 80 وانا سقت 101 وزخني ، تشيكت عقب يومين عليّه 600 درهم ، زين انا ما اسرع بس شو هالنحاسه ؟ احس الموتر مايمشي على سرعة 100

[الاسطوري]

صباح الخير ..

في حد هني؟

[مايهزك ريح]

صباح النور ..
انا هنيييه ..
يا سلام على الجو برع .. بصراحه مول مب مال دوام خاطري اسير اتكشت ..
بس الجماعه عينهم علينا هالأيام ما اظني نقدر نشرد !!!!!

[شوق القلوب]

صباحكم عسل... هي والله الجو روووووعه... الواحد وده يتمشى

[طير الغرام]

مســــــا الـــــورد ~

[مايهزك ريح]

مسا الفل ^_^!!

[طير الغرام]

اشحـــالكــم ؟

[مايهزك ريح]

بخير والحمدلله .. في الدوام ..
انود وانا مجابل الكمبيوتر ..
متى بيخلص الدوام .. ابا ارتاح اشويه !

[طير الغرام]

^

الله يعينكـ
بس زيـن امحصـل لكـ شي تشغـل عمركـ فيـه
وهانــت باجر الخميـس ^_^

[مايهزك ريح]

هيه والله ذكرتيني بالخميس ..
مادري ليش يوم اطلع اجازه .. اتمر بسرعة البرق ..
ويوم انرد الدوام اليوم طويل وما يمر ..
اففففففف

[طير الغرام]

^

لازم
الأوقــات الحلــوه بســرعه اتمــر

[مايهزك ريح]

Yep
يالله ..
الإجازه اليايه ان شاء الله شهر 5 بس بتكون اسبوع ;(

[طير الغرام]

^

المهــم اتكــون اجازه وتستــانس فيهــا وتستغلهــا
بس مشكلتنــا طماعيــن نبى أكثــر :whistling:

[مايهزك ريح]

الله يرحم ايام ما كانت الإجازه 3 شهور .. اسمي كنا نستانس ..
الحين راس مالنا شهر واحد ..
وانقطعه ستين قطعه طول السنه عشان نخفف الظغط اللي على روسنا !

[المزوحي]

السلام عليكم

اشحالكم ؟؟؟


مب جنه تتكلمون عن الاجازات ، صح والله ، الحين عهد إنه ناخذ إجازة مره وحده في السنه انتهى، زين الواحد يقطع إجازته ويضمها مع نهاية الاسبوع او مع إجازة ثانيه ( مناسبات ) عشان نغير من ضغط الدوام ..

لا - اليوم نحن شردنا شويه، بس بعد احس إنه مراقبين

وين بتسيرون اليومن ترى الطلعه مش مقتصره على الاجازه، وإلا الايام العاديه مالها خطط مسبقه ؟!!

[مايهزك ريح]

انا بعده نظامي منجلب .. كله احس انه فيه رقاد ..
البارحه راقد الساعه 8 .. وناش الساعه اربع الفجر ..
احين مصدع .. وفجي نقع من كثر ما اتثاوب ..

[طير الغرام]

وعليكــــــم الســــــلام والرحمـــــه ،،

احنــا والإجــازات عشــق لا ينتهــي :whistling:

بس القهــر يـوم أكـون روحي امأجــزه

[المزوحي]

لو خذت لك كوفي في الدوام ، مثل ربيعنا امس مب قادر مع إنه كان الضحى

هلا طير الغرام ،، واخيراااااااااااااا باجر الخميس

[مايهزك ريح]

شربت كوفي .. وجاي حليب كرك .. وماشي فايده
يالله باقي ساعه ونطلع

[طير الغرام]

أهليــــن

خميــس ولا غيـره أنا هـ الفتـره كـل الأيـام عنـدي ويكـ إينــد أوني أغايض هههه :whistling:

[الاسطوري]

أنا مول ماستفيد من إجازاتي لأن أتم هني وانكرف أكثر عن الايام اللي اداوم فيها, من اسبوع جدولي مضغوط
ليل نهار وقبل مايبدأ اليوم يكون تقريبا فل يدوب إذا بقدر
أغير فيه شويه


الجو حلو بس مب بارد مثل
الايام اللي طافت
:ohboy:

[طير الغرام]

^

الله يعينــكـ

والشتــا السنــــه الصـراحه الجـو فيــه متقلــب !

[مايهزك ريح]

الله يعينك اخويه الأسطوري ..
انا لو ما اسافر .. بنفجر من الضغط ..
ما اصدق لو اجازه اسبوع .. راكب طياره وطالع من البلاد ..

[المزوحي]

الله يعينك مايهزك ريح .. لازم من نطلع من الدوام ننسى شي اسمه دوام

طير الغرام حرام لاتسوين بنا جيه

الاسطوري الله يعنيك الصراحه ويعطيك العافيه

[الاسطوري]

"طير"

هيه متقلب وايد وأحس خلاص نحن على اعتاب الصيف والحر على الأبواب

"مايهزك"

انت يمكن حركتك سهله أنا شوية متقيد ومافي حد يشجع ولكن ان شاءالله
آخذ اجازه قريبه واحاول اشرد فيها كم
يوم واغير جو

"المزوحي"

انت متى دوامك يخلص؟

[المزوحي]

يخلص 2:30 :whistling:

[مايهزك ريح]

اهي اهي باقي ربع سااااعه ..


انته متقيد بشو الأسطوري ..
سير مكان قريب مب لازم بعيد ..
قطر وايد حلوه .. وبالطياره 40 دقيقه .. سير بالقطريه ..
شوية تغير حتى لو ويكند ..
بتحس بفرق صدقني ..
انته عزم وتوكل على الله .. ^_^!!

[المزوحي]

والله من ايام كنت افكر بموضوع قطر، بس يقولون زين قطر شو فيها، مب قضية شو فيها

المهم تغيير مثل ما قال مايهزك ريح .. :fa34: يالله عيل فكر

[الاسطوري]

المزوحي دوامك من وقت يخلص أنا دوامي يخلص الساعة 5

مايهزك، متقيد بوايد أمور مثلا أتابع تشطيبات بيتي بجانب الحين بنتحول بنسير البرشا فكل الأمور من فرش ونقل وغيره علي وأتابع ويه الاستشاري التصميم اليديد غير الدوام
والتجهيز للعرس وعندي كورس أيام السبت ويدتي يايه من قطر فلازم بعد أمر عليها وخالي هالفترة مريض فلازم
بعد نزوره غير الامور اللي تطلع من تحت الأرض

تدري عادة كل اسبوع اروح السينما على الاقل مره ومرات اجيك شو نازل وماروح لو ماعندي وقت كافي او مافي افلام
حلوه بس هالاسبوع حتى ماقدرت اجيك شو نازل احس ضغط من
الصبح لآخر الليل

الله كريم، أحس مع الوقت بعض الامور
بتخلص وبرتاح منها

[مايهزك ريح]

دام السالفه فيها بيت عيل الله يعينك .. انا كنت اعاني ايام البنا ما صدقت خلص البنا وارتحت

[المزوحي]

والرواتب ضعيفه لو نخلص بسرعه والروتين ممل ...

الحمدلله على كل حال

[مايهزك ريح]

اخييييييييييرا الخميس ..

اقووول يقولون انه الخميس الياي اجازه بدال يوم الثلاثاء .. اللي هو المولد النبوي ..
يا سلام ..
عقب موووووووول ماشي اجازات
لين شهر 6 بيكون يوم واحد اللي هو الإسراء والمعراج

[الاسطوري]

هيه الناس كلها تنتظر هالاجازه والبعض بيطلعون رحلات بس نحن للحين وضعنا مب مستقر لأن
البرنامج العائلي متعارض ويه برنامج الشباب وللحين
ولا واحد منهم تأكد

شو خطط الويكند؟

[مايهزك ريح]

ما شي فيلم عدل في السينما ..
عشان الواحد يسير ..
بشوف شو بسوي !

[طير الغرام]

-{ مســـــــا الخيـــــر ~

[مايهزك ريح]

مسا النوووووووور والسرووووووور ..

[طير الغرام]

اشحـالكـ أخويـه مايهزكـ ريـح ؟

[الاسطوري]

"مايهزك"

أنا يوم ما ألقى فلم زين أدخل أفضل السيئين عن خاطري

"طير"

مسا النور, انتي إجازه صح؟

[طير الغرام]

^

هـــــلا ،،
اشحــالكـ بـروو ؟

هيــه بس الاسبـوع اليــاي دوامــات وأنا مابـــداوم :whistling:

[مايهزك ريح]

انا بخير والحمدلله .. ^_^


الأسطوري ..:4:

[المزوحي]

هيه صح إجازة الخميس الياي، واللي يبغي يسافر يسافر ^_^

مايهزك ريح واحد من الربع لازم كل جمعه يسير السينما، واحيانا يتحرطم لأنه ماعيبه الفيلم، لأنه لازم يدخل السينما، اقوله غيّر، توله على شي اسمه سينما ..

طير الغرام شو السالفة ؟؟ بتمين جيه ترانا بنحسدج !

[الاسطوري]

"طير"

الحمدلله بخير اختي، ليش مابتداومين لايكون عندكم اسبوع سحب
واضافة مثل ايامنا قبل؟

"مايهزك"

زين مودك اليوم مب مثل البارحه، شكلك الحين مربوش
بالويكند بعدما رديت من السفر

"المزوحي"

السينما لها طعمها الخاص بالأخص لو تروح مكان هادي ومافيه زحمه والدخله
والطلعه سهله ودايما تلقى مكانك اللي
تقعد فيه فاضي

[مزن هتان]

كل أسبوع برع دبي :(

[دمعة شوق]

صـبآآحـكم عسـل جميعـاً ، ان شآءالله يكون ويكنـد حلـو عليـكم
=)

[الاسطوري]

صباح الخير ..

"مزن"

بديت أشك ان طلعتاكم الاسبوعيه هاي تجارية ووراها صفقات
فعادي لو بغيتوا مدير أعمال تراني
موجود

"دمعه"

ان شاءالله على الجميع

[طير الغرام]

إلهي لي صحبة بين الضلوع في حنايا { القلب } مأواهم ~
هم ؛
أهل ودي تسعد الروح بذكراهم ،،
وهم ؛
معدن الخير فـ الناس طابت سجاياهم ،،

فـ يا ربي
احفظهم وأكرمهم وزودهم في مزاياهم // واستجب لدعواهم مغفوراً خطاياهم

-{ جمعه مباركة ~

[طير الغرام]

-{ الاسطـوري }-

صبـــاح النــور
وهيــه أول اسبـوع جيـه ،، وغيـر إنـه عندي بس مادتين والباقي عيادات وأول اسبـوع optional أجابل هليـه أبركليـه :whistling:

[حلم الطفوله]

صباحكم خير وراحة بال يارب

[طير الغرام]

كيـــف أصبحتـــوا ؟

[الاسطوري]

"طير"

أحلى شي الفترة الأخيرة من الدراسة تحسين خلاص تصير
الأمور أسهل عن البداية، بالتوفيق
ان شاءالله

أحس مشاركات حلم الطفولة
قلت هالاسبوع

[المزوحي]

السلام عليكم

كيف كان يومكم اليوم ؟

[الاسطوري]

وعليكم السلام ..


الحمدلله اوكي بس كنت أتمنى اني اخلص فيه اشياء اكثر عشان ارتاح عقب لان
الامور متراكمه وهالاسبوع عندي وايد مشاوير


حد بيروح مسرحية ليلة رعب الويكند الياي؟

[مزن هتان]

لو كانت تجاريه ما راح أتضايق :)، مشكور ما تقصر هههههه

[الاسطوري]

:fa48:

[خيال الحب]

السلام عليكم ورحمة الله وبركاته

شحالكم ان شاء الله مرتاحين :)

[مايهزك ريح]

وعليكم السلام .. حياالله سعود ..
نحنا بخير والحمدلله .. انتوا شو اخباركم ^_^!!

[الاسطوري]

الحمدلله بخير وعافيه ..

كيف بداية الاسبوع وياكم؟

[مزن هتان]

عن نفسي الحمدلله
مداومه و انا فيّه حمى و زجام و احتقان
صداع خفيف، الشغل ما يخلص نخلص من حاجه تطلع لنا حاجه ثانيه

[المزوحي]

السلام عليكم

اشحالكم ؟؟؟

[الاسطوري]

"مزن"

ماتشوفين شر، هذا وضع الدوام لازم كراف في كراف بس المهم الواحد
يتعلم ويتطور مب يتم مكانه على طول

"المزوحي"

وعليكم السلام، الحمدلله بخير انت
شحالك؟ وشو يديدك؟

[المزوحي]

والله ماشي ناوي اسير العمره السبوع الياي

[الاسطوري]

صباح الخير ..

عمره مقبوله مقدما ان شاءالله

[المزوحي]

تقبل الله منا ومنكم صالح الاعمال


شو كان نهاركم ؟؟

نحن شغل + ملل + شغل والوقت مايطوف

[مايهزك ريح]

يالله .. يا ريال باقي يومين .. ونرتاح اشويه من الدوام ^_^!!

يالس اتريا فيلم هالأسبوع فنان بينزل .. اسمه
just go with it

[المزوحي]

هيه والله

جربّت تاكل براتا من عند الكانتين اللي في زعبيل ؟؟

[مزن هتان]

المزوحي ما شاء الله
عمره مقبوله مقدما أخوي

[مايهزك ريح]

لا حول ولا قوة إلا بالله .. خبرين وفاه وصلني ..
ورا بعض ..

[المزوحي]

مشكوره مزن والله يبلغكم

الله يرحم الجميع مايهزك ريح


افكر اشتري شقة استثمار بس وين الملايين ووووو ومافيه على الديون !

[مزن هتان]

لا حول و لا قوة إلا بالله
أنا وصلني خبر وفاة كذلك

الله يرحمهم و يغفر لهم و يصبر أهلهم

[الاسطوري]

صباح الخير ..

بس حبيت أسبق مايهزك لأنه ماشاءالله أول واحد
يدخل هالموضوع الصبح
:alien:

[مزن هتان]

صباح النور

الاسطوري صكيت الريال بعين ! ماله حس اليوم

[الاسطوري]

قلت ماشاءالله يعني انا مايخصني يمكن انتي حاطه بالج على نفس الموضوع وساكته لوول

انتظر الاجازه بفارغ الصبر

[مزن هتان]

كلش ما يخصه، لا تقطها براسي
هههههه

مو باقي الا كم ساعه =)

[مــهــابه]

مسآآآآكم ورد ..

وحّشـتووني

[مزن هتان]

مسا النووور
أنتِ وحشتينا أكثر

[الاسطوري]

"مزن"

عادي اعترفي ومابخبر حد
:vampire:

"مهابه"

مسا الفل، صار لح فترة قاطعه عن الواحات ترا من
طول الغيبات ياب الغنايم
:m_m7tar:

[طير الغرام]

مســـاء الأربعـــا // الـ " متخمـــس " :4:

ههههه ختيـه ضحكتنـي يـوم طرشتليـه اياهــا :fa56:

[الاسطوري]

هيه والله نحس بشعور يوم الخميس لأن باجر إجازة

الحين بطلع من الدوام وعلى طول على فعالية التطوع

[الاسطوري]

صباح يوم السبت عساه صباح ورد
وسكر على الجميع

[مزن هتان]

أيّ سبت !؟

شلونكم أعضاء واحات بن دبي، عساكم بخير

[الاسطوري]

مزن بس كنت اختبر تركيزكم
وهقتيني
:shutup:

الحمدلله بخير، في اسماء تدخل ونشوفها تاخذ لفه وترد تطلع، يعني
مثل مايقولون كلمه ولو جبر خاطر
:smile2:

[مــهــابه]

مسآگم رقااااد


وچان تخلص اجازتنا وچان نرد للگرااااااف

:(

گانت شهر لگن جسيت بها چنها آسبوع
خطفت بسررررعه

[دمعة شوق]

مسآء الخير على الجيمع
شحالكم ، وينكم مختفيين ؟!
~

[طير الغرام]

مســـــا النــــور ،،

يســــرج الحـــال ،، وجـــــان اتخلص اجازتيـــــه ،،

وشو عنكــــــم ؟

[دمعة شوق]

حنا نحن يا طير خلصت اجازتنا وردينا للدوامات :(

[طير الغرام]

تـوه أول الاسبـوع وجيــه
أحــس بـ ملللللل وكـــــآبـــــه وكل شي باااد =(

[دمعة شوق]

^
شي طبيعي يا طير :(
كلنا جي ، بس شدي حيلج عشان تفتكـين وتخلصيـن ^^

[طير الغرام]

إن شاءالله ،، مالنــا غيــر الصبــر ^_^

[الاسطوري]

الدراسه احلى عن المرحله اللي عقب، استمتعوا
بكل لحظه تمرون فيها الحين

[شوق القلوب]

صدقت يا الاسطوري...ايام الدراسه غيييييييييير

[مايهزك ريح]

مرت الإجازه بما تحمله من احزان .. وان شاء الله اتكون هاي آخر الأحزان يا رب ..


صـــبـــاح الـــخــيــر ..

[مزن هتان]

ربي يرحمهم و يغفر لهم

صباح النور

[مايهزك ريح]

آمييييييييييين ..

اللهم اغفر لهم ، اللهم ارحمهم ، اللهم عافهم واعف عنهم ،
اللهم أكرم نزلهم ، اللهم وسع مدخلهم ، اللهم اغسلهم بالماء والثلج والبرد

اللهم نقهم من الذنوب والخطايا كما ينقى الثوب الأبيض من الدنس

اللهم جازهم بالحسنات إحسانا ، وبالسيئات عفوا وغفرانا

اللهم بارك في حسناتهم ، اللهم تجاوز عن سيئاتهم

اللهم الهم اهلهم الصبر والسلوان

اللهم ارزقنا حسن الخاتمة

[المزوحي]

السلام عليكم

انا رديت

الله يغفر لهم ويرحمهم مايهزك ريح ويرحم جميع موتى المسلمين يارب ...

الاسطوري ماشاء الله نشيط هالايام شو تبون اكثر من جيه مب تقولون ماشي حس في الواحات

[الاسطوري]

المزوحي، أي نشيط بعدني توني أقول بسم الله انت ومايهزك ريح ماشاءالله عليكم
مسوين جو بس صارلكم أيام مختفين شويه

[مايهزك ريح]

السلام عليكم .. اليوم غصب ناش للدوام ..
بس الحين بديت اتنشط اشويه

اشحالكم اليوم ..

[مزن هتان]

عليكم السلام و رحمة الله و بركاته
يعطيك العافيه أخوي، نحن بخير الحمدلله

لايعه جبدي من الـ Hr بهيئتنا
كلش ما يردون على التلفونات

[المزوحي]

لالا الاسطوري، انته بعد اختفيت فتره ، والحين نلقاك قبلنا ماشاء الله

مايهزك ريح انا بعد، عيني تحرقني فيّه رقاد، وقمت غصب والحمدلله

مزن يمكن مشغولين في البلاك بيري

[مايهزك ريح]

مرحبا مروان ..
اعلومك ..
كل حد لاهي حتى في الدوام اذا مب بالبلاك بيري تلقاهم يتالون ما يرومون يتمون في مكان واحد !

[المزوحي]

الله يعافيك مايهزك ريح ،، صح كلامك، انا لازم كل ربع ساعه اقوم من مكاني ، لأنه شغلنا كله على المكتب وماقدر اتم طول الوقت، لو آخذ لفه وأرد

[الاسطوري]

أحس ماتلحق تسوي شي إذا كل ربع ساعه تقوم من مكانك

[المزوحي]

صباح الخير
بالعكس الاسطوري اخلص الشغل ويتم وقت احيانا
قبل كنت اضغط عمري عسب كمية الشغل واقول بخلص وعقب بقوم بس جاسني ويع في ظهري

[المزوحي]

السلام عليكم

اشحالكم ؟؟؟ واخيررااااااااااا اليوم الخميس :fa34:

بس شو مستوي ، احس هدوء في الواحات :ohboy:

[مزن هتان]

صباح الخير، السلام عليكم و رحمة الله و بركاته

حلمانه في حد من الواحات و ان شاء الله ان يكون الحلم خير

[مزن هتان]

مسا الخير

اليوم طفرانه من الشغل

[مايهزك ريح]

ما اداني شي اسمه
presentation

لو كنت بتكلم عن شغلي ما عندي خلاف .. بس عن المجموعه كلها ... ثلاث ارباع شغلهم مول ما يخصه في شغلي لا من قريب ولا من بعيد ..ليش انا اللي اعرض ..

[المزوحي]

هلا مزن، يجوز ، بس الراتب غير ^_^

مرات الواحد يحصل له هالشي

مرحبا مايهزك ريح ، ذكرتيني بواحد من ربعنا في الدوام، احيانا يدبسونه في هالشغلات، والقهر إنه كل شي يظهر بإسم المدير

وشو الاخبار بعد ؟؟؟

الجو متقلب ، أحس جسمي جف حتى هههههه

يبالنا spa

[مايهزك ريح]

صبااااااااح الخير .. افتكيت من البرزنتيشن قالولي كنت ترمس بسرعه ... خخخخ ما كنت اباهم يسألوني .. وعدت على خير ..
شكله بينزل مطر... اليوم .. درجه الحراره الصبح 26 !
مع انه البارحه كانت 18

يالله ان شاء الله خير ..

[بنت الدلع]

صبااااااح الورد

شحالكم؟

مايهزك ريح !!!!! دخيييلك لا تطري الحررر !!
من امس الصبح و الجو معتفس
مع ان فليل شوي اعتدل
اما اليوم !
حدث ولا حرج
ولا حسينا بالشتا نحن
ويقولون فلكيا بدا فصل الصيف !
يا مرحب والله

[مايهزك ريح]

اظني انه بدا الربيع ..
عشان جيه بدا الجو يتغير !

[المزوحي]

السلام عليكم

اشحالكم ؟؟؟

افتكيت منهم مايهزك ريح

بنت الدلع + مايهزك ريح ، انا حسيت بالجو خريف اليوم مب ربيع، كل اوراق الشير على الارض

[مايهزك ريح]

عليكم السلام .. حيالله .. مروان ..
لين الحين انا بخير ..
بس ميت من اليوع .. وما اعرف شو آكل .. !!!!
مليت من الفود كورت .. ما خليت مطعم ما يربته ..

[المزوحي]

ماتبغي غدا البيت وإلا الوقت بيكون متأخر ؟

أو يوم بتظهر سير مول الامارات شوف شو بتاكل

[مايهزك ريح]

بشوف ان شاء الله ..
متى بس يخلص هالدوام !

[المزوحي]

الله يعينكم

والله في خاطري اغير جو اليوم، من زمان ماسرت صوب البحر ، بس الجو مايساعد ،

[المزوحي]

رقود ؟؟؟؟؟


حد منكم جرب المطعم التركي اللي في مردف ستي سنتر ؟

[حلم الطفوله]

لا ما جربته !!جربه وخبرنا

صدقك الكل راااقد !! شكلهم مشغووولين

[المزوحي]

حلم الطفولة ، صدقج يمكن مشغولين

هممم يبالنا نجربه، بس لاتثقون في ذوقي ^_^

شو امسيتوا ؟

[حلم الطفوله]

الحمد لله الأموور طيبه

ما عليك ...إنت جرب وانا واثقه بذوووقك

[مايهزك ريح]

مروااااااااان انا اثق بذوقك .. جربه لأني ما اروم اصك درب لين هناك .. وما يطلع فنان ..
ابا اعزم الربع ..

وشو اخباركم اليوم ..

[مــهــابه]

صبآح الخير ..

گيفگوووون؟

آنا مأجزه من آمس ، وموعايه من الساعه ٨غصب :(

تبين تسوين شوبينغ؟ نشي من فير الله ..


الحين بنطلع اول شي بنسير جميرا بنسلم ع عميه
وبعدها بروح افصل عمي، وبروح المول نتشرا ونتغدا



بس فيّه رقااااااد :(
عندي حگم قرقوووش انا

[المزوحي]

إن شاء الله مايهزك ريح، بس واحد يخبرني ( المطعم الافريقي ) اللي في مول الامارات الستيك عنده غاوي وعلى قولته احلى عن انتركوت بعد !

مهابه، بعده فيج رقااد الحين ؟؟

[مــهــابه]

الحين هيه =p

آمس بالوقت لي حطيت به المشارگه لا..


تخيل ناشه ٧ ع حشره عرب ..


اليوم الخميس
ويگ اند حلوووو لكم جميعاً

[المزوحي]

شكرا مهابه ان شاء الله الكل يستمتع بالاجازه

[المزوحي]

الحمدلله في شي اتحقق من اللي اباه الحمدلله ،،

[دمعة شوق]

^
الحمدالله، عسا يتحقق الباقي :)
/

وصباحكم عسل و ان شاالله تكون بداية اسبوع جميله ومش متعبه للجميع :)

[مزن هتان]

صباح الخير

هذا الشهر الثاني من بدوا يدفعون المواطنين فواتير الماي
عدنا موظف رايح راد عالفاتوره، للعلم انه دافع 130 للماي
كل ما يحاجي حد من ربعه مادري اهله بالتلفون ياب طاري الفاتوره لوع لي جبدي
مكتبه قريب على مكاتبا نحن البنات

انا اشوف المبلغ بسيط اللي قاعد يجي عالفواتير

اليوم مداومه بروحي البنات محد، متملله

[الاسطوري]

صباح النور ..

دامج متملله لازم تحضرين اجتماع اليوم عشان تغيرين جو وتستعدين للفعالية

[مايهزك ريح]

صباح الخير ..
ما تلاحظون انه الجو اليوم الصبح وااايد بارد .. اكثر عن اي يوم !

[مزن هتان]

أنا ما قريت شيء انزين الاسطوري =)


هيه اخوي مايد كان برد الصبح

[دمعة شوق]

هيه كان الجو اليوم الصبح غير وباارد ع غير العاده

[دمعة شوق]

مزون .. شحالج صارلج كمن يوم ع بالي ^^'

[المزوحي]

السلام عليكم اشحالكم جماعه ؟؟؟

الاسطوري اشحالك ؟؟؟

دمعة شوق مشكوره ،، بس اليوم ارف الصراحه، من الدوام، يحبون يطفرونا + في موضوع عائلي منرفزني ،، قلت لهم خلااااص انا بهاجر

مزن هتان، ملل في كل الحالات، الله يعينج !!! وهذا صدق لوعه ، بلاه !!!

مايهزك ريح صح برد، درجة الحرارة تقريبا 15

[مايهزك ريح]

شو السالفه انته ثاني واحد هالأسبوع يقول بهاجر ..
استهدوا بالله ..
لو كلنا هاجرنا .. هالبلاد بنخليها حق الغريب ..

[المزوحي]

من كثر الضغوطات والله

لا إله إلا الله

[مايهزك ريح]

الله يعينك ..
بعد اللي قالي انه يبا يهاجر .. كله من الظغط اللي عليه ..

[المزوحي]

اكيد وايدين مضغوطين، بس مرات توصل مرحله، خلااااص صدق والله مايد، من كل صوب شي .......... الله يعينا يارب ويريح بالنا

[مايهزك ريح]

المشكله انه هو يحس انه محارب من كل جهه .. وحد يحب اينزله
مع انه عنده دكتوراه .. ومافي حد من الإمارات في هالتخصص غيره ..
بس مبهدلينه آخر بهدله .. يبونه يطلع من مكانه عشان اييبون واحد من ربعهم ..
المواطن محارب من كل جهه ..
الله يعينه ويعينا كلنا ..

[دمعة شوق]

الله المستعان ،المزوحي فترة وبتعدي ان شاالله
لو كلنا قلنا بنهاجر وشلينا قشنا وروحنا محد بيبقا غير الغريب شرات ما قال مايهزك ريح ؛)

[المزوحي]

عيل مايهزك ريح هو حالته أشد عنا والله، الحمدلله على كل حال.

تدري ، اليوم كنت اكلم موظف عندنا ( من الوافدين ) اقوله اتمنى عندي المادة الكافية، وإلا عندي برج ( ادري الفلوس مب كل شي ) بس بخبركم ليش قلت هالكلام !

رد وقال: لا - ليش تقول هالرمسه قبل كلامك كان غير، تقول انا مقتنع وانته دايما تحمد ربك على النعمة اللي انته فيها، شو ياك ؟؟

قلت له : اسمع، اللي فوق احبطونا، منافقين ووايد يلفون ويدورون، والله لو مب الرزق، بظهر عنهم، والوظايف صعبة الحين، فهمت السالفة، قال تصدق انا مثلك، وهو الصبح كان يتشكى لربيعي

مقهور من المسؤولين، بس قال انا ماقدر اتكلم لأني وافد، وخايف على رزقي، عشان جيه ساكت عنهم، بس انتوا عادي هل البلاد وتقدرون تقولون اللي في خاطركم مابيقولون لكم شي !

شفت كيف يحاربون الواحد ويخلونه يطفر، هاي سياستهم ..

[المزوحي]

دمعة شوق يااارب ارتاح ، الله يسمع منج إن شاء الله ..

[مزن هتان]

من كم يوم على بالج ؟!
أظن رقمي عندج دمعوه :ohboy: شنو هالتغلي :mf_leia:


السلام عليكم و رحمة الله و بركاته
و صباح الخير

[دمعة شوق]

لا يا مزن ، غيرت فوني وكل الأرقام انمسحن :(

[المزوحي]

السلام عليكم

اقربوا غدانا

[مايهزك ريح]

قريييب قرييب .. مشكور وما اتقصر يا مروان ..

[المزوحي]

الله يخليك

........

والله من المشاوير ، كتبت الأولويه

[صريح]

صباح السيدات و الانسات

هذا اليوم لكم، فستمتعوا
:yes:

[مايهزك ريح]

صباح النور والسرور .. ونحنا مالنا رب .. ولا عيال البطه السودا
^_^!!

[صريح]

مايد

حتى في يومهن ابن ادم بيناشبهم فيه ههههه، خلهن يستانسن شوي
:4:

[المزوحي]

صباح النور
يحتاي يعطونا اجازه على كل مناسبه باللي مكتوب في التقويم
اليوم يوم المرأة وتاريخ 15 من الشهر يوم المدينه

[مايهزك ريح]

ونحنا مب مسوين لنا يوم ليش .. ^_^!!
والله انه نحنا مساكين ..