تجارب

[شمه]

السلام عليكم ورحمة الله وبركاته

لا اعلم هل من المفروض الكتابة باللغة العربية الفصحى في هذه الواحه...او هناك تجاوزات بالعامية..

بالنسبة لي ف ساكتب بالعامية.. و لين ما انرد انطور كتاباتنا بالفصحى.. معظم مراسلاتنا بالانكليزي...

المهم.. صح انا غبت فترة يمكن لاني اتخرجت والحين اتوظفت ما شاء الله.. وقبل كنا ع ايام الدراسة 24 ساعة اون لاين لان نسوي بروجكتات ف فاتحين صفحة الواحات وقوقل ..

المهم انا عن نفسي ما اتوقعت اني لما اتخرج اشتغل في هالمكان.. اللي انا حاليا فيه ..والحمدلله رغم ضغوط العمل بس مستانسين .. ونبدع بعد..

ف حبيت اطرح هالموضوع عشان نستفيد من خبراتكم.. الموظفين حاليا يعني اذا كنتوا تحت ضغط كيف ممكن انك اتسيطر وتنجز.. ولا تطلع عن طورك.. لمحة او خل انقول كونوا سفراء الجهة اللي انتوا فيها .. و خلونا انعرف رؤية و رسالة مؤسستكم.. او طريقة خدمتكم للمجتمع..



الصراحة وايد حابة اعرف .. واخذ فكرة ان جنرال عنكم..



اذا ما عيبكم الموضوع عادي ما بزعل ..:k_icon9:

[فرفوش]

عيبني الموضوع ^_^ مفيد لأجيال المستقبل والحاضر - يتكلم عن التجارب والخبرات العمليه وقد يعطي رؤية لطلاب الجامعات والكليات - الله يعطيج العافيه على هذا الموضوع - برجع أعقب ^_~

[أمطار]

. . . وعليكم الســلام والرحمــة . . .

تجربتي كانت بعيدة كــُل البـُعد عن أحــلامي وآمالي..
ما توقعـّت إني اشتغـــل في مجــال التــدريـس أبــد ..

لكن بحكـم "زواجــي" مباشــرة بعد التخـرج ..
فـ كل وظيفــة كان عليها × أحمـــر ، إلا التدريس ~

الحيــن بعد 4 سنين في مجـال التدريــس ..
أحس إني تأقلمت على الوضــع و "حبيــتـــه" . . .

رؤيتنــا ورســالتنـا واضحــة في مجال التدريس ((يبالي أدوّر لج رؤيــة ورسالة مدرستنا)) ..
لكــنها بدأت تصبح "ضبابيــة" لدى البعض مع "التدخـّل" المستمــر في المناهج وأساليب التدريـس ~

وحتى الطلبــة بدا تركيزهم يتشتت مع كثرة القرارات والتغييرات في المناهج ..
وأنا أتكلم هني بالذات عن منهجي اللي أدرّسـه ((مادة الحاسوب))..

أمــا عن انتــاجيــتــي فـ "تزيد" على كثر الضغط + التشجيع والمساندة من الإدارة ..
و "تقل" على الخمول وقلة المهام الموكـلــة لي + الضغط النفسي والتذمـّـر من الإدارة ~

ما أقصــد بـ "التذمر" من شغلي..
لكن من "الأفكار" اللي أقدمها لهم .. يتذمرون من الميزانيــة ، جدول "الأنشطة" ، الامتحانات ، أولياء الأمـور ، الموافقـة من المنطقة .. إلخ~

بس اللي يدفعني أكثــر للشغل وإعطــاء كل ما عندي في التدريس والأنشطة والمسابقات ..
هو طالباتي .. والفكرة اللي في راسي أنه "لو هذيل بناتي.. أبااالهم الأحسن في كل شي" . . .~

أحس بعد كلام وايد في خــاطري ..
بس أكتفي بـ هالقــدر حالياً ^^~

مشكـــوورة غلاي شمــه على هالطرح ..
وموفــّـقــة ~

كل الـــودّ . . .

[الهيثــم]

أحببت فكرة هذا الموضوع .. وربما أكون بحاجة له في الفترة الحالية .. بحكم إني الشهر القادم سأتخرج .. فتهمني خبرات من سبقوني ..

متابع بإذن لله ..

[مــهــابه]

ومنكم نسـتفيد =)

[عهد الوداع]

زين الواحد يستفيد من بعض الشغلات ..,..

ولوو ادري اني ما افكر اشتغل بس ماعرف شوو الزمن يكتب لي ^^

[شمه]

ادري اتأخرت في الرد عليكم..

مشكورة امطار وضحتي لنا رؤيتكم الضبابية.. و اصلا رسالة المعلم تكون ساميه اذا ما كانت من قلبه مستحيل توصل ..


و ان شاء الله الباجين يارب تتخرجون وتمسكون اعلى المناصب


ع العموم اتوقعت اغلب اهل الواحات يشتغلون بحكم ان كنا ندرس ويا بعض في فترة بداية ال 2000 وكنت حابه اعرف وين وصلوا وشو رسالتهم ورؤية مؤسساتهم.. ان كانت حكومية او خاصة .. بس الظاهر الواحات اتجددت الدماء فيها .. واللي موجودين الله يوفقكم وتتخرجون بسرعه..

[سبيجة]

:d010::d010:السلام عليكم


اختي الغاليه ,,, شمه حياج وألف مبروك على التخرج والوظيفه ولو إنها متأخره


بالنسبه لي شخصياً ..خضت 4 أماكن عمل ... :mf_leia:


أول وظيفه كانت مؤقته وكنت متطوعه لمدة 4 أسابيع ,,, كانت في 2003 وبعد شهر واحد من تخرجي ... :fa34:

وبعدها بشهرين داومت في مكان شبه حكومي ..وحسيت بمتعه ما بعدها متعه ... مجال حلو ... ومتغيير وفي مجال كبير للإبداع ... وكان في خدمة العملاء والاقتصاد والتجاره وهالسوالف ..كانت الرسالة والرؤيه ... عن الإرتقاء بخدمة العملاء وهالسوالف ..... بس بما إني إنسانه أمل بسرعه ..وما اقدر اتم في نفس المكان ونفس الشغل وادخل في الروتين ....رغم اني اشتغلت في كذا فرع ..واكثر من مكان ..وترقبت مرتين خلال 3 سنوات :a018: بس بعد طلعت ورحت لدائره حكومية 100% ... واخترت مجال مختلف ..دخلت في الاستراتيجية والتطوير والتميز وهالسوالف ... حسيت انها جامده:sad: مع ذلك استمريت بعد 3 سنين ... ورؤية ورسالة الدائرة كانت خاصة بمجالها وايد كانت محدودة...


وطلعت .... انتقل إمارة ثانية :k_puppyeyes: وهذا رابع أسبوع لي في هالدائرة الورقيه انا دوووم جيه اسميها ..... واحس اني رجعت 10 سنين وراء ..ابدا مب متفائله .. العقليات اهني وايد غير عن دبي :d010:ولين هاللحظه ما سويت شي غير اني يالسه على النت ..واشوف اللي ويايه ..طالعين يتريقون ...وردين من الغداء ... والزلمات اللي يشتغلون ..وما يرضون يعطونا اي شغل ..والمشكله مديري يديد..وكل ما اكلمه يقولي اصبري :sad: ما أدري لين متى...كلحد يقولي احمدي ربج تستلمين هالراتب وما تسوين شي ... انا ما اقول ما ابا هالراتب بس انا ما ابا اتم جيييه مخي واقف ... واحس مالي اي قيمه ... :crazy:

إن شاء الله خير ...

[طير الحب]

السلا عليكم

حيالله شمه...اذكرج :)

والله الغالية أنا أحب اذا فكرت اشتغل أتمنى يكون لي وجود في عملي وفي قطاع أو دوائر تشجع الابداع وما عندي مانع اشتغل تحت ظل الضغوطات لاني خلال سنوات دراستي الثلاث كانت اصعب واجمل سنوات لأني ام ومسؤولة عن ابناء وما عندي حد افوض امر تربيتهم له...تربية ابناء متابعة دراستهم...اكون مبدعه في دراستي ما وعندي خدامة...وايد تحديات واجهتها واخرها علايه بنتي فديتها...والحمدلله فخورة اني حققت وجودي ومن خلال مشاركات حلوة لنا ككلية في خدمة المجتمع...وبصراحة فخورة انه نظمنا
اسمها مجتمع متفاني من اجلكم وعرضت في الاخبار هذا انجاز حلو لنا...الفعالية كانت لدار الرعايا للأطفال

اشاركنا باعمال تطوعية ورش عمل كل هذا سادعدني ابني شخصيتي...وحتى عيالي يوم سوينا فعاليه مجتمع متفاني من اجلكم وديتهم وعبادي شو مستانس انه طلع فالتلفزيون...عموما انا احب انه عيالي يتعرفون على الناس من مختلف الجنسيات وحاطتنه في مدرسة فيها مختلف الجنسيات هذا ينمي لغته ويخليه انسان اجتماعي .

واليديد اني رضيت على عمري ويبت خدامة احتاجها في التنظيف والكوي...بس تربية الابناء صعبه ما احسهم ينفعون كتجربة


كنا اليوم نختار اماكن العمل الميداني وطبعا احترت بين مكانين احدهم اكاديمية الشرطة...بعدين بما اني تقريبا هذه اخر شهور لتواجدي بالشارقة فاخترت المكان الثاني الي فيه هواياتي وميولي بعيدا عن مجال دراستي...احس ابا اخذ اكبر كم من الدورات والخبرات قبل لا استقر بأبوظبي ان شاء الله

[غرور أنثى]

بالتوفيق