ستار بكس

[المزوحي]

ستار بكس هذا الكوفي أكثر من مشهور ، نحب نعرف هل انتوا من محبي

هذا الكوفي ؟؟؟ كم مره تسير له او تاخذ من عندهم ، وشو اللي تحبه ؟

http://www.slalah.com/imgcache/5694.imgcache


ليش الاسعار غاليه ، شو المميز فيه ؟؟؟ بغض النظر عن باقي الكوفيات

الاسعار كلها نفس الشي

بس ليش هالحشره على ستار بكس

اللي سمعته إنه القهوه ما تكلفهم شي ، ويبيعون الكوب بــ 12 ، 14 ، 16 ،18

والاضافه 4 دراهم

السندويتش 22 ، 24 والكيكة 12 ، 14 واغلى


المهم خبرونا عن تجاربكم :look:



هي شركة مقاهي أمريكية، بدأت عام 1971 في سياتل بولاية واشنطن على يد ثلاثة شركاء وهم مدرس اللغة الإنجليزية (جيري بادوين) ومدرس التاريخ (زيف سايغل) والكاتب (غوردان بوكر). وتمتلك الشركة الآن أكثر من 16,226 فرعا حول العالم منها 11,434 داخل الولايات المتحدة الأمريكية وأكثر من 172,000 موظف جميع فروعها.

وتقدم الآن شركة ستاربكس العديد من المشروبات الساخنه والبارده منها الموكا، اسبريسو، قهوه أمريكيه، الشوكولاته، الفانيلا والكريمه، الكراميل وغيرهم. ولاننسى أيضا الحلويات والسندويشات التي تقدمها ستاربكس في جميع أفرعها في جميع أنحاء العالم.



http://upload.wikimedia.org/wikipedia/ar/thumb/b/b8/Starbucks-logo.png/250px-Starbucks-logo.png


ستاربكس في الشرق الأوسط
تتواجد مقاهي ستاربكس في الشرق الأوسط منذ عام 1999م من خلال اتفاقية امتياز حصرية مع شريكها التجاري (شركة محمد حمود الشايع) وهي شركة عائلية كويتية خاصة. واليوم تدير شركة الشايع مايزيد عن 280 مقهى (ستاربكس) في جميع أنحاء منطقة الشرق الأوسط بما فيها الكويت والمملكة العربية السعودية والإمارات ومصر ولبنان والأردن وقطر وعمان والبحرين. وقد كان أول احتفال لستاربكس في الشرق الأوسط في شباط/فبراير من عام 2009 بالذكرى السنوية العاشرة لأول مقهى ستاربكس افتتح في سوق شرق - الكويت عام 1999م.


http://upload.wikimedia.org/wikipedia/commons/6/6e/Starbucks_leeds.jpg


محل لستاربكس في ليدز، بريطانيا.


http://dohaeye.com/gallery/data/media/12/dohaeye_pattaya2008DSC00196.jpg

[خيال الحب]

السلام عليــكم


ستار بكس انا بشكل يومي اقعد فيــه..

مرات اخذ بلاك كوفي .. مرات عصير ليمون بالنعناع.. مرات فورابتشينو.. مرات هازرنت هوت شوكليت .. الخ

مرة كنت مريض وشربت عندهم جاي اخضر خخخخ والله عجيب الصراحه ..


صارت قعدتنا كلها في ستار بكس.. انا واخواني وربعي

جربنا نروح كوفي ثاني .. بس ما عيبتنا الخدمه ولا الناس الي يشتغلون هناك

صارلي تقريبا 3 سنوات وانا اقعد في ستار بكس ..

وانا اشوف اسعارهم بحدود المعقول.. لا هي غاليه غاليه ولا رخيص

[مايهزك ريح]

انا اللي يبيع حفظ ويهي وحفظ انا شو يعيبني ..
وقام ما يستغرب لو ارد عليه في اليوم مرتين ^_^!!

اكثر شي يعيبني عندهم الفرابوتشينو لأني جربته في اكثر من كوفي طعمه مب نفس ستاربكس ..
وبعد لأني متعود عليه في امريكا ..
وهو اكثر كوفي شوب منتشر هناك حتى يوم سرت اوروبا كنت اكثر شي ادوره ..
الأكل عنده طعمه فنان ..
الساندويشات :
ساندويش موزاريلا بانيني و grilled hallomi و فلافل راب و تشيكن راب
الـ carrot cake اللي عندهم ألذ وحده لين الحين .. ( جربت كوستا - دوم -جاتو - كوفي بيين .. وغيرهم )
الـ brownie بعد طعمها غير .. سواء الـ Marble أو الـ roxslide
الكراميل مكياتو .. رهيب ..

الفرابوتشينو .. white chocolate mocha احلى شي .. ويوم يسوون dulce de leche على طول اطلبه

وفي امريكا اطلب الـ brulee latte .. والـ chocolate cupcake ..زياده على اللي فوق ..

وفي سنغافوره مره جربت oreo brownie و oreo cheese cake.. رووووووووووعه ..
وها كل اللي يعيبني عندهم ..

[المزوحي]

خيال الحب، لازم يسون لكم خصومات حلوه ، على جيه

يعني عندك نيرو كافيه يعطونك الكرت اللي يختمون فيه مثل صب واي ، آخر مشروب مجانا ، ومع هذا بقولك مب شرط يعيبك الكوفي

[المزوحي]

مايهزك ريح ، انا عيبني كراميل مكياتو ، وآخر مره طلبته مووول مب شي ، أظن يعتمد حتى على الفرع !

جربت عندهم هوت تشوكليت والوايت هوت تشوكليت ، ومن ايام جربت مثل دنيش بستري

بس برع عندهم شغلات اكثر


http://www.starbucks.com/menu/catalog/product?food=bakery

[خيال الحب]

ممم ماعتقد يسوون لنا خصم.. بس ممكن نقترح عليهم هالاقتراح ليش لا:mf_turban:


وبخصوص المنيو الموجود في الدول الاوروبية.. صدقك وايد غيييييييييير عنااا.. نحن عندنا كم من نوع وفرحانين فيهم:a058:

[دموع قلم]

موضوع عجيب!

دموع من محبي الكوفي شوبس ,
وصحيح أن ستار بكس أشهرهم بس بنسبة لي
أحب كل الكوفي شوبس بشكل عام ,
يعني أحس كوستا وكاريبو كافيه بعد شغلاتهم حلوة ,

بس المشكلة عندي هو ,
وين كوفي شوب قريب من صوب خليفة في بوظبي ومو زحمة >< ؟
أنا من جريب عرفت أن شي ستار بكس في شنغريلا
اللي في بين الجسرين في بوظبي ,
وهاللي عرفته وأجرب شي لمنطفة خليفة !

أفيدونا ... :D

[المزوحي]

مرحبا دموع ، فروع ستار بكس اللي في بوظبي


Abu Dhabi Airport (Kiosk) Abu Dhabi +971 2 5758780
Abu Dhabi Mall Abu Dhabi +971 2 6454914
Abu Dhabi Men's College Abu Dhabi +971 2 4433824
Abu Dhabi Mens University Abu Dhabi +971 2 5860487
Abu Dhabi Twin Tower Abu Dhabi +971 4 6430239
Abu Dhabi Womens University Abu Dhabi +971 2 5860492
Abu Dhabi Women’s College, Main HCT Cafeteria, Najda Street Abu Dhabi + 971 2 6426280
Al Hilal Bank Abu Dhabi +971 2 6350980
Al Nakheel Tower, Khalidiya St. Abu Dhabi +971 2 6670052
Al Wahda Mall Abu Dhabi +971 2 4437197
Blue Towers Abu dhabi +971 2 6429255
Camellia Flower Abu Dhabi +971 2 6355542
Hamdan St Abu Dhabi +971 2 6261001
Khalidiya Mall Abu Dhabi +971 2 6354740
Marina Mall Abu Dhabi +971 2 6815883
Shangri-La Souk Abu Dhabi +971 2 5581641
Standard Chartered Bank (Kiosk) Abu Dhabi +971 2 6359275

[دموع قلم]

اووه مشكور المزوحي ,

بطالع وين الأقرب حق خليفة ,
بس ماظن في كوفي شوب أقرب من اللي في بين الجسرين ,

^^

[الهيثــم]

بسم الله الرحمن الرحيم

مرحبا بك مروان ،، أشكرك على فتحك لهالموضوع ،، لأنه البارحة طرا على بالي يوم كنت يالس ف الكوفي أذاكر مع ربعي ..

الكوفي شوب ما يخفى عليكم إنه شي جميل سواء من ناحية المشروبات أو اليلسة أو الاجتماعات أو لقاء الأصحاب .. الخ ..
ولكن إذا بتي ع الخدمات بتفرق من مكان لآخر ..

ستار بكس أنا مقاطعنه من زمان لغاية في نفسي .. ما قمت أحب أسير له بسبة الزحمة الي عندهم ..
يعني إذا بسير كوفي معناه عندي وقت فراغ ، وفي هالوقت أبا ارتاح فيه فـ مكان هادي ،، ليش أحشر عمري في وسط الزحمة .. بحكم طبيعتي ما أحب الزحمة موول

شي كوفيات كثيرة ارتاح بـ اليلسة فيها ،، وتكون اماكنها هادية ..

إذا بتي لـ موضوع الأسعار ،، طبعا مبالغ فيها وعلى قولتك القهوة ما تكلفهم شي .. ولكن مثل ما نسمعهم يقولون دوم ،، " إنت تدفع ع المكان "
وفي شي ثاني قاهرني صدق سالفة الفاتورة . . يوم إييبلك إياها وهي 50.40 .. الحين خذ عاد على المصاخة الي تستوي ...

فرضا وياك في المحفظة نوط بو 500 ،، و50 درهم ... يعني ما تسوى عليك تخرد الـ 500 عسب 40 فلس ..
وتعطيه 50 درهم ،، تلاقيهم يموتون عليك على هالـ 40 فلس .. ويوم بتعطيه درهم .. بيرد لك 50 فلس .. وانا من حقي 60 فلس ..
وهاي واايد تستوي في محطات البترول والكوفيات والمطاعم .. نحن نتغاضى عن هالأفلاس التافهة وتكون فوائد كبيرة في أرصدتهم .. احسب عاد ف الشهر كم يكسبون بسبة هالطريقة ..

واشكرك عزيزي مروان على طرحك للموضوع ..

[المزوحي]

مرحبا خطاب، صح كل واحد حب شي معين ، أنا مرات ادخل كوفي معين

بحكم إنه ماشي زحمه، وفجأة يدخلون ناس مزعجين :k_santa_1:

زعلى طاري المطاعم والخردهن اليوم ربيعي يقو لإنه أمس سار مطعم

وردوله دراهم وهو يقول شو هالحركات، قلت له ماتعرف السبب ؟؟

عشان تستحي تشل الدراهم وتخليها لهم ، بس أنا ألبسهم وأشل كل

الخرده ، وما اعطيهم بخشيش ، لأنه اغلب المطاعم ياخذون ضرايب

وثاني شي نحن حياتنا استوت كلها برع ومطاعم ما اوبل اعطيهم :m_atmasha:

[مايهزك ريح]

خطاب ..
انا دايما تستويلي هالسالفه في كارفور .. فغياضا فيهم ادفع بالبطاقه .. خخخخخخخخخخ

وعن الهدوء انا دايما اسير ستاربكس اللي في دبنهامز الدور الثاني مول الإمارات .. خاااااااااااالي
وبعد اللي في دبي مارينا مول .. محد فيه غير 2 او 3 انفار .. ومحد يكون حاشر البقعه غيرنا .. ^_^!!

انا بعد مثلك ما احب الصدعه ..

[المزوحي]

مايهزك ريح حتى ديره ستي سنتر ، فيه دبنهامز ، وشي ستار بكس فيه

ومن غير شي 2 في نفس المركز ( اللي جريب السينما ، والثاني جريب الفود كورت )

[طفلة من هذا الزمان]

أحب يلسة الكوفي شوبس // ستـار بكس خصوصا نظرا لوجوده في الداون تاون عندنـا ( قووولي ما عندكم غييره وريحيينــا ) :biggrin:

تبووون الصدق عااد ستاربكس ررربح من ورا أهــل رااكـ لأنه كـان الوحيد اللي ممكن كبنــات نيلس فيه عشان ديزاين الكورنر (بس خيال بيفهمني ) - طبعا السيرات تكووون الظهـــــر او الصبح عشان الهـدوء و البعد عن عيووون الفضوليين - أما بـاقي الأوقــات أبدا ما تصلحلنــا ..

أما حــاليا ابشرركم زاادت عدد الكوفيــات (وفرحاانه أوي :whistling: ) .. بس ما تعدل الوضع بخصوص الوقت .. شبابنا الراقيين مسويلنا زحمة :fa44:

عمومـــــــا .. ستاربكس قاطعته عقب ما نط عرررج العرووبة فيني .. قوولي قااطعتيه عقب مقارنات مع كوفيات ثانية مثل كوستا و نيرو ..

وعموما يختلف ستاربكس من إمارة للثانية ومن كوفي للثــاني بعد .. اللي عندنا مشرووباتهم مااي و ثلج .. لا طعم له و لا رااائحة (خيــــال اظني بتحررررم تسيره :biggrin: )

المهم استمتعنــــــا في ستاربكس وكانت لنا يلسـات حلوووة .. فيه ذاكرنا و فيه خططنـا لأحلام و رحلات و مشــاريع .. فيه اجتمعنا مع مدرساتنا - أيام الكلية طبعا - و بعدنا يوم نمر هنااك نلاقيهن ماشالله - و جمــاله في هدووءه و خصوصيته -

وتسلم يالمزوحـــي //

[طفلة من هذا الزمان]

صح نسيت أقووول // ستاربكس فتح فرع في مديرية بووظبي أظــن ..

حبيت الفكرة و جااان أغــــــــــار .. أوووف لو يفتحوولنا في المداارس ،، كل يوووووووم بـــداوم :a033:

[مجموعة إنسان]

أيس شيك دبل شوت سبريسو 6 باوند وث اوت ايس
ههه

احلى مشروووب هذاا

ستاربكس
طبعا بسبب وجود 2 في الكلية واحد في المكتبه والثاني في الكانتين ننجبر ان نشرب وندمن
طبعا ما نحاتي السعر لان تعودنا السعر اللي يرتفع ما ينزل اللا الأسهم اللي تنزل ما ترتفع

[مــهــابه]

مره يلّست امايه ف سـتار بوكس وطلبت لها فرابـتشينوو ويايه =P

بمـآ آنه الكوفي الوحيد لي عندنـآ ف الجـآمعه ، ف تعّودت آخطف عليه قبل لآ آروح الكلآس ، آطلب فرآبتشينو وآحيـآن كـآبتشينو " يوم اكون مريضه "

[المزوحي]

أهلا طفلة .. ستار بكس حلو ومب حلو ، على حسب الاختيار على حسب الموظف على حسب الطلب ........ ^_^

[المزوحي]

مجموعة هم يغرونا بالكم - في كل كورنر ستاربكس

[المزوحي]

مهابه نحن مانعيل على ستاربكس هو اللي يعيل علينا وين مانسير في ويهنا

[وردة روز]

أحب يلسة الكوفي شوبات ،،، لكن من كثر سفراتي بديت أحس إنه الكوفي شوبات اللي عندنا بصراحة ولا شي مقارنة باللي يلست فيها في الخارج ،،،

وأنا أتكلم هنه عن الخدمة ،،، وطعم الكوفي ،،، ونوعيات من الأكلات المقدمة ،،، يعني مثلا لو الواحد يحب يشرب كوفي لاتيه ،،، لين اليوم ما ذقت أحلى من اللي ذقته في مطار سانغافورة ،،،

بخصوص ستار بوكس ،،، أنا حطيت عليه إكس ،،، خصوصا بعد ما كلت كيك الشوكولاته عندهم ،،، وكان في فرع أبراج الإمارات ،،، بصراحة لوع بجبدي ،،، والكوفي كان ماصخ لدرجة إني ما شربته ،،،

وأنا دايما أقول ،،، كله يعتمد على الشخص اللي يسوي الخلطة ،،، يعني أحيانا بتحصل مكان يضبطونها ،،، وفي مكان موووول ما يضبطونها ،،،

أسعارهم اشوي مرتفعة مقارنة بالكوفي شوبات الثانية ،،، والأكل المعروض عندهم أحسه لشخصين مب شخص واحد !!!

[المزوحي]

وردة روز أنا بعد أقول بالنسبة للمشروبات الساخنه حسيت إنه كل فرع غير ، هذا اللي جربته

[وردة روز]

وهذا يدلك على إن الموظفين اللي عندهم مش مدربين بشكل صحيح ،،،

أقرب كوفي شوب عندنا هو جلوريا جينز اللي في محطة إينوك مردف ،،،

وفاتحين عندنا في هيئة الكهربا جلوريا جينز في المبنى الرئيسي وفرع الحضيبه ،،،

يا ريال كل فرع يسوي لك شكل وطعم مختلف !!!

[حلم الطفوله]

مساء الكوفي

أنا أوافق وردة روز .... كوفي مطار سنغافوره خيالي !! أصلا كل شيء بسنغافوره له طعم وشكل ثاني

وبالنسبه لستار بوكس أنا حطيت عليه اكس منزمان من يوم عرفت مكونات البن مالهم ومن كثر من انغثت جبدي من لكريمه إلي يترسون فيها الكوب !!! أحسها أحيانا سائل لوكس مركز

جلوريا ودنيا وكوستا من أحلى الكوفيات إلي أفضلهن خارج لبلاد ...لأنه داخل لبلاد ما أتجرأ أيلس على كوفي إلا في أوقات الفضاوه إلي من النادر جدا نلاقيها في ظل وجود شبابنا الحلوين :)

[أنامل قلب]

بـ صراحه ما أحس ابـ فرق !.
دوم أقولهم ، كل فرع شكل وبالتالي ما تفرق لو كل مره قعدت ابـ كوفي شوب عالنصيب ،
يعني شوللي يظهر ابـ ويهي ، وكيف أجواءه !.

+ مو من زود ما آخذلي شغلات من الكوفي ، اللهم مشروبات ساخنه (عالأغلب كابتشينو ولا لاتيه) ،
وماحب المشروبات البارده عموما من وين ماكان ، يعني ممكن أجربه بس إني أذوق ، بسرعه اثقل من هالأشيا ، عادي تجيسني لوعة ،
+ حتى حلوياتهم ما أحبها ، كذلك ممكن أجربه لا أكثر ، وحتى لو عيبني ما بكثر ، مرتين تعتبر حاجه كبيرة !.

بس أحب أجرب سندويتشاتهم مع إن معظم التجارب مقبولة ،
عموما الأشيا المالحه (على عكس العاده) + عصير برتقال دائما وأبدا :fa41:
> ليش رايحه الكوفي مادري !.

المهم ، بس صدق لاحظت مثل ما قلتو ، كل فرع يختلف عن الثاني ،
وبنفس الوقت مو من زود ما أحس بالفرق ، إلا جان مصخوها بالقو ^^"

بس حلوه قعدة الكوفي شوبس عموما ،
وتسلم عالطرح المختلف أخوي المزوحي ..

[سبيجة]

السلام عليكم


انا من مدمنين ستاربكس :a034:في البلاد او برع ...


بس اتفق 100% ويا كل اللي قالوا انه برع البلاد ..الكوفي شوب غير


والل احبه وايد في ستاربكس .. الكريمه :mf_leia: لازم extra cream ودايما اخذ اللاتيه ...أو ال ice latte حتى hotchoclate حلو عندهم ...وطبعا الفربتشينو وايد مميز ...


منزلين من فتره جوكلت كيك ..من أروع الكيكات ... ومعروفه الكاروت كيك لذيذه وبعد في وحده كلتها في ماليزيا ..كانت يمي من الخاطر .... مال البلو بري .. جيز كيك ..


انا بعد من كثر ما اسير في كذا فرع بس يشوفون ويهي يقولون بارد أو حار ..عارفين الطلب ..ما يحتاي اعيد وازيد .... :a018:


في عرسي كنت يايبه كشك ... والكل استانس عليه ... :a034:والموظفات اللي يوو العرس من ادش الكوفي الحين يصرخن ..عروووووووووسه :crazy: واتفشل خصوصا اذا ويا ريلي اللي كل مره يقولي آخر مره ايييبج .... بس طبعا ما يروم :k_smile2:


وعلى قولة طفله .... في ستاربكس لنا ذكريات حلوه ... :a049:


السموحه

[شوق القلوب]

السلام عليكم...

اوووه.. خطييييره سبيجه على فكره الكشك... ما عزمتينا !! :4:

..

ما انه تقريبا كل يوم اشرب كابتشينو في البيت... بس كابتشينو ستاربكس غير.. و الكابتشينو تقريبا يعتمد على اللي يسويه .. اذا زاد من القهوه او كثر من الفوم.. او قلل من الحليب...

..

احنا غالبا نيلس في ستاربكس قبل لا يسكرون .. يكون خاااااااااالي .. و حماده يراكض ع كيفه :fa34:

..

[العجيبة]

اممم

بما ان موضوعكم عن ستار بكس

عندي سؤال وجيه

الوايرلس عندهم مجاناا ولاااا ؟

[مايهزك ريح]

لا طبعا .. ماشي ببلاش هالأيام ..

[قصايد غلا]

يا ربييييييييه اشكثر أعشق ستاربكس


و على طاري قهوة ستاربكس في عرس سبيجة
في ملجة وحدة من أهلي وزعوا كذا نوع من قهوتهم "أنا كان ودّي أناقز من الفرحة" .. حسّيت إنه فيه حد عرف ذوق الحضور =p ، حسّوا بنا إنه ملينا من القهوة العربية في كل عرس >.<
لو سرت مول أبا أشتري شي وما حصلته "أتضايج"، بس من أشتري كراميل فرابتشينو أنسى الضيجة :fa56:

[مــهــابه]

^
قصووودتي :

آنتي تحفه والله =p


سبيجه :

عيبتني فكره الكشك ، آتخيل ! ..




وّلت آيام اليسله ف الكوفي =(

[عفاريتووو]

صدق او لا تصدق
ولا مرة يلست في ستاربكس ولا جربت شي من عندهم !

حسستوني جني مال اول p=

[المزوحي]

كل شي بايخ مستوي

ماعرف هل شبعنا وإلا مافي كوالتي في الخدمه

بالرغم إني مب دوم اخذ من عندهم عشان اشبع لــ هالدرجه !

[مايهزك ريح]

^

من زمااااااااااااان ما سرت اشتري شي من عندهم ..
آخر مره كنت شاري من عندهم يوم كنت في فيينا .. حصلته في الأندرجراوند .. وخذت فرابوتشينو !

[المزوحي]

يالله اليوم الخميس

يبالك ستار بكس ^_^

[مايهزك ريح]

يمدحون فيلم Due date يقولون فنان ويضحك جان ما اسير .. ^_^!!

[المزوحي]

وانا بعد لازم ادلع عمري، لأني نسيت شي اسمه سينما

[كديش]

ثامكس