انتي كلبه ..

[بنت الدلع]

امام شاشة التلفاز مندمجين بما يسمى بلاي ستيشن "على ايامه كان ون أو تو"
تلعب البنت كراش و تتسلى .. بعد مرور مدة من الوقت .. يأتي ذاك ويسحب عنها الجهاز


يالله بسج ابا اقيّم اللعبه
دعني دقائق فقط اريد ان انتهي من هذه المرحله


يالله مناااااااك .. طاااخ و يدفشها من على التكيّه المجهزه خصيصا لهذا الشي الترفيهي


انته كلب ! :smile2:


----


رشاشات ماي


تعبئ هذه الخزانات الصغيره بالماء المهيئه للعب و رش بعضهم البعض

وقت القايله يلعبون خاري لا جواتي ولا نعله
يتراكضون وأرجلهم حافيه
والارض تصلخ من شدة الشمس
يرش هذا على تلك
وترش هذه على الولد
ويجتمعون الاولاد الشرسين ليكوّنوا فريق ضد الأميرة المسكينه
وتأخذ "شور" محترم في هذه الشمس الحارقه
تدخل غرفة المعيشه وشعرها مبلل و ثيابها "جنها مطلعينها من بحر"


انته كلب ! :Oo:


لانه رئيس العصابه و هو من رتّب هذه الموآمرة ضدها
---

(يا بنت عيب) .. ~


هالكلام ماينقال و هذا اسمه سب


مواقف في الماضي
و ردود فعل عكسية بسبب ضعف القوة امام ذاك الرجل المتغطرس الذي يسمى بـ الخصم


و بعد مرور اكثر من 12 سنه


في محادثة بريئه وجميله و مداعبات لطيفه انثويه
تعاتب صديقة طفولتها التي دامت صداقتهم العديد و العديد من السنوات الجميله "الله يحفظهم"
عتب صغير وبطريقه طريفه
و باسلوب غريب نوعا ما .. الذي يسمّى بـ لفّي شوي و غيري اتجاهج و ييبيه على طريقة قصة


تتفاجئ من شعورها الحزين
وتشعر بالتقصير الشديد تجاهها
لطاما كانوا خوات


انتي كلبه ! :boxed:


هههــ
كم اشتقت لها ولشقاوتها

[فرفوش]

:a070:

[شوق القلوب]

السلام عليكم...


اكره شي.. يوم اتشوفين ياهل يسب... !! هالشي وايد ينرفزني...
بس للاسف وايدين يتعلمون السب... و العتب ع اللي علمهم...

..

حبيت اسلوبج يا بنت الدلع..

[مزن هتان]

صباح الخير،،،


ماحب حد ينعت اي شخص بـ اسامي الحيوانات
نحن من بني آدم كرمنا الله بالعقل، و الحمدلله

موضوعج ذكرني بـ أختي تذكار هذي وايد تتلفظ و تسب باسامي الحيوانات
و أمي كم مره منبها عليها تذكار تنقي رمستج, في مره توها بتسب جلللللل
دخلت امي علينا قالت لها كملي لو فيج خير جان تقول جلللللثم
ضحكتني

[بنت الدلع]

فرفوش أو عاصف ~

شاكرتلك مرورك :fa35:
..

شوق القلوب
وعليكم السلام والرحمة

واليهال من وين بيتعلمون غير من اليهال اللي وياهم
سار بيت فلان لقط له كلمه
سار بيت علاّن سحب له كلمتين ثانيات

ذكرتيني بموقف صغير مر عليّا من اسبوع
وقت الغدا يا الولد الصغير بو عمر 5 سنين
سار وهمس في أذن بابا وقاله: "كاربيتر السياره خربان" :k_puppyeyes:
هههـ :birgits_giggle: يسير بيت خواله ويتعلم من الاولاد الثانيين سوالف السيارات والمكاين والتيربو وغيرها من المصطلحات
واخر شي يقولّي عموه ركبي هدرز :k_icon9:

مثل ما اليهال يتعلمون الكلمات الحلوه والجيده في المقابل بعد يتعلمون الاشياء المب زينه

تسلمين على الطلّه الجميله .. :heart:

..

مزن هتّان
مسائج ورد ~

بالفعل الله كرّم الانسان عن باقي الحيوانات
بس لو حد قال انته كلب .. شو المشكله الكلب وفي :shutup:
يمكن يبا يمدح الصفه اللي فيه ويشبهها بصفة الجلب اللي تعتبر شي جدا حلو
الوفاء والاخلاص مطلوبين في حياتنا وللأسف الكثير من الناس تخلوا عنها ولكنها بقيت موجوده في الكلاب "وانتي بكرامه"
ضحكتيني بسالفة اختج
الله يحفظها ويخليها لكم يارب :inlove:

[المزوحي]

اليهال احيانا يتعلمون من اليهال اللي في المدرسه او احيانا من والدينهم !

بس البارحه تفاجأت واحد يقول حق أخوه الله يغربلك ... ............ !!

تميت اتطالعه - وهو مستغرب مني


كله بالتعود - لأنه لو نطق الكلمه أول مره وقلتي له / لها عيييييييييييب بيحاولون مايكررونها ، بس في ناس للأسف هم

اللي يقولون حق عيالهم قولوا هالكلمه ويتمون كلهم يضحكون

[شوق القلوب]

صدقك يالمزوحي...

الاهل مرات اتلاقيهم يضحكون ع الصغاريه اللي توهم يتعلمون الرمسه و يقولولهم قول جي .. ولا سير اضرب فلان.. و يضحكوووووون...!

صح هم صغار.. بس بعد.. الصغير بيكبر و الصغير قدرته العقليه كبيره اتساعده انه يلقط اي فعل او قول احنا انعلمه..

[مزن هتان]

رديت

كلامج عن وفا الكلب صحيح
حتى من فتره قلت لو يخيروني من بين الحيوانات عزكم الله قلت أختار
الكلب ليش لأنه وفي

ربي يرزقني بناس أوفياء بحياتي ان شاء الله

[بنت الدلع]

الموحي
انا وياك في هالنقطه
لازم مانخلي الغلط يستمر
بس تعرف شو اللي يستوي ؟
انا بنفسي جربت هالشي
مثلا الياهل توه متعلم شي يديد وغلط
انته بتي وبتقوله لا .. او لا تسوي جيه .. او عيب
هو بيحط في باااله انه (اهااااا حصّلت الشي الي بيخليهم يتنرفزون)
لان اليهال جدا جدا اذكيا ماشالله
احيد ولد اخويا الكتكوت توه قوم اللي يمشون ويخربون ويدمرون كل شي في طريقهم :birgits_giggle:
سوا حركه اطالعته بنظره عشان يعرف ان هالشي غلط
وعقب تم يسويه وكل شوي يصد علي يترياني اقوله شي !!


شوق القلوب
هههـ تبين الصدق
يوم اشوف الكتاااكيت اللي توهم يتعلمون الاشياء
ويسوون جيه ماقدر ايود عمري وما اضحك
صدق يكونون وااااايد كيوووت وتبدر منهم صفااات ما تتوقعينها ولا ارااادي تضحكين
حتى لو بتين تنبهينهم اصلا لا ارااادي تضحكين تبين تخشين ابتسامتج ورا عصبيتج بس تطلع
بس بعد لازم يكون في حدود في كل شي ..


مزن هتان
آمين يارب
ماجد مسكت جلب *وانتي بكرامه*
اصلا للأسف ممنوع عندنا في البيت ><
ماما تقول الملائكه ماتدخل