مشاهدة النسخة كاملة : اتصال فرحني وخلاني احزن !
المزوحي
23-02-10 ||, 06:32 PM
السلام عليكم
الظروف تجبر الانسان على وايد أمور، ومن هذي الظروف ابتعاد اللي تعزهم
ياني اتصال من ربيعي يقولي فلان يبغي يشوفك صارلنا يمكن 15 سنة ماشفنا بعض بحكم إنه طلع من البلاد وسكن هناك
واليوم يقول فلان يبغي يشوفك خلنا نلتقي، ماعرف هل ابكي ام اضحك
مرت كل الذكريات في بالي ( ذكريات الدراسة والشغلات اللي نسويها، يوم نرد من المدرسه كيف كنا نزعج الخلق )
شي مب حلو إنه نزعج الناس لكن الذكريات حلوه :pickaxe_rune: ومن خلال كلام ربيعي تبدل الكلام إنه فلان سافر
طبعا هذا واحد ثاني .. كانت تربطنا علاقه قويه لكن الفتره الاخيره حصل من بينا خلاف ومن عقبها كل واحد سار في درب
لكن صدمني بكلامه إنه فلان طلع من البلاد لظروف قويه
اللحظات الأولى فرحت بقدوم فلان وعقبها حزنت بسيرت فلان
دمعة شوق
23-02-10 ||, 08:04 PM
وعليكم السلام والرحمه ،،
للظـروف أحـكـام ,,
ذكرتني بـ أيام ,, يوم خلصنا من المدرسة ,, وكل وحده من ربايعنا شافت حياتها ,, وكان العتاب من بينا
وينج يـ فلانه وين ايامج تغيرتي نسيتي تعرفتي على ناس يداد !
فـ كل وحده شافت حياتها اللي دخلن الكليه اللي دخلن الجامعه اللي عرسن اللي قعدت في البيت ,,
وكاانت علاقتنا واااااااااااايد اوكي ووايد ويا بعض .. بس الحين يالله يالله اذا التقينا والاتصال بالصدفه ولا بالمناسبات
مب لشي بس ظروف , مب كل حد عنده وقت !
ذكرتني بربيعتي الله يذكرها بالخير ,, يمكن امممم قبل العيد مش مكلمتنها ,, والمفروض اني اكلمها بس ظروف
انا التهي وهي بعد تلتهي ,, معنى كناا عند بعض وكل يوم رباعه بـ هي في الكلية وانا في الجامعه ,, بـ كل حد شاف حياته
والباقيات مااعرف عنهن شـي .. الا من بين كلام البنات ..
الله يحفظه كل غايب ويوفقهم في دنياهم ..
والله يجمعكم على خير ان شاءالله ,, حلو انك تتلاقى حد من اصدقاء الطفولة من عقب مدة طوووويلة ..
دمعة شوق
23-02-10 ||, 08:10 PM
وعن الازعاج حـدث ولا حرج :birgits_giggle:
بس كااانت احلى ايام ,,
اتمنى يـلـتـم شمل الشله واشوف ربيعاتي اللي من ايام المدارس ,,
على الاقل نشوف بعض وكل وحده تطمن على الثانيه ،, حيه ولا ميته ,,
ونسيت اقول مب كل حد يتغير بالعكس في حد للحين علاقتنا وياه اوكي ..
وطبعا كل حد يحـن فـ يوم من الايام بيرد وبيسال عن الثاني ,,
:love2:
سمحلي ياخوي هذربت وايد ^^"
المزوحي
23-02-10 ||, 10:24 PM
مرحبا دمعة شوق خذي راحتج بالكلام
تدرين الكل عايش هذا الشي‘ ربع المدرسة غير والفريج غير والكليه والجامعه غير والشغل غير
وأحيانا تعرفين حد من ايام المدرسة وتنقطعين عنه، بس تجمعكم الظروف في مجال العمل ..
صح كل واحد يلتهي بحياته، بس في شي ، يوم شخص يكون وايد وياج مثل ماذكرتي، هو يتهرب
مب إنه الحياه شغلته ... وبعدين الواحد يكون صداقات حتى غير عن المجالات اللي ذكريتهم
يعني ممكن عن طريج ربيعتج ، وتتعرفين عليها ، أو في نادي .. الخ
على حسب
وممكن تحسين اللي كانت وياج في المدرسه ماتناسب إنها تكون وايد وياج ...
المهم
أكيد ربيعنا تذكر هالايام الحلوه وأصر إنه يشوفني ...
بنت الدلع
23-02-10 ||, 10:27 PM
هذي هيه مفترقات الطرق
يأتون ويذهبون
ولكنهم دائما يخلّفون ورائهم ذكريات جميله .. 3>
مجموعة إنسان
23-02-10 ||, 11:34 PM
همممم
للأسف ماعندي أصدقاء طفوله ،،،
ان شاء الله تتلاقى معاه قرييب
المزوحي
24-02-10 ||, 03:13 PM
بنت الدلع، تستغربين يوم يسألون عنج عن طريج الصدفه
يعني هو بالصدفه شاف ربيعي وقاله منو من ربعنا وياك ؟؟
المزوحي
24-02-10 ||, 03:13 PM
مجموعة انسان شكرا ^_^
رمــش الغـــلا
24-02-10 ||, 05:39 PM
حنيت والله لايام حلوة ..
ايام المدرسة وصديقات الطفولة .. بنات الفريج .. والله انها احلى ايام
وين الحين اللي انتقلوا مكان بعيد والا اللي عرست واللي اشغلتها مشاغل الدنيا ..
اتمنى فيوم اجتمع ويا الشلة الحلوة
والله انها ايام غير ..
المزوحي
24-02-10 ||, 10:19 PM
اكيد رمش الغلا ايام غير - ماتتعوض هالايام