المساعد الشخصي الرقمي

مشاهدة النسخة كاملة : ليــــــش ميتين ..؟؟ شو فيكم ؟؟


شوق القلوب
16-02-10 ||, 07:58 AM
السلام عليكم...



اهل الواحات... شوفيكم..؟؟

وين هاك النشاط..؟؟ وين هذيج المواضيع الحلوه ..؟؟

وين التفاعل..؟؟

..

لو تمينا على هالحال صدقوني الواحات عقب كمن شهر بتتسكر !!!

وانا ما ابا افقد مكان عشنا فيه اوقات حلوه من سنه ٢٠٠٠ يعني عشر سنين ..!
يعني عشره عمر طويله ..

..

صح كل كبرنا واتغيرت ظروفنا.. ووقتنا قل وايد..
بس من انحصل وقت فراغ اول مكان ندخله الواحات..

بس شو الفايده اذا المواضيع ما تتحرك باليومين .. ولا حتى باضافه بسيطه..!

قبل كنا نتعلم من بعض.. من تجارب بعض..وانا بالنسبالي الواحات علمتني واااااااااااااااااااايد... اتثقفنا على افكاركم.. اتعلمنا نكتب و انصيغ من مواضيعكم.. مواهبنا انصقلت من تعليقاتكم..

و الانسان كل ما كبر كل ما زادت خلفيته و ثقافته.. يعني نقدر نعطي و نفيد بعض اكثر من اي وقت مر..
..

والله شي يزعل :(

..

وانا متآكده انه اغلب الاعضاء يدخلون يوميا.. لانه محد منا يفتح النت و ما يفتح ع الواحات.. يمكن مب بغرض المشاركه.. ع الاقل يجيك اذا حد طرشله رساله ...

..


خبروني.. و شاركوني...

شو الحل ..؟؟!!!
مجموعة إنسان
16-02-10 ||, 08:27 AM
لما بيحلون مشكلة غزة بتنحل مشكلة الواحات !!

قبل مستحيييل تشوفين المتواجدين أقل من سطر الحين عااااادي تعودت ادخل واشوف اسمي بروحه الصبح ههه



الواحات يبيلها واحد يقرأ عليها
يمكن محسوده ولا داعمه جني بالغلط

ماتعرفين !!
شوق القلوب
16-02-10 ||, 08:35 AM
الا تبا حد يسحب اصبوع الاعضاء و يغصبهم يكتبون..

ولا شكلهم حصلوا منتديات ثانيه..

..

تدري يا محمد.. يت فتره كنت اتنرفز من الواحه المفتوحه.. استوت كلها مواضيع من الايميل...!!! عيل ليش فاتحينها...!!!!
ايميلاتنا متروووووووووووووووووووووس ه من هالسوالف... عندي ايميل يمكن فيه ٢٠٠٠ رساله مب مقرايه من هالسوالف .. يعني مكتفين ...
مايهزك ريح
16-02-10 ||, 08:53 AM
ما اصدق اني كملت 10 سنين في هالمنتدى ناس تدخل وناس تطلع .. ونحنا مثل ما نحنا ..
بس انا نشاطي قل عن قبل كنت اكثر شي في الفضفضه .. اول ما دخلت .. !
شوق القلوب
16-02-10 ||, 08:56 AM
كانت مواضيعك حلوه اللي في الفضفضه... تدري.. لانه الفضفضه اصدق مكان ..

حتى انا بديت هناك...

ومرات واااايد.. احس انه الكلام ينساب مني.. ابا اكتب.. بس ما يكون الوقت مناسب اني افتح النت و اكتب.. !!
عهد الوداع
16-02-10 ||, 02:44 PM
ماشي فايده تدرين ليش لانه معظم الاعضاء بس يدخلووون كاسم موجود تحت ...

انا يمكن شهر ما دخلت واتفاجأت انه الموضوع نفسه محد رد عليه ..يعني شهر بالكامل محد يقدر يرفع الموضوع او يعلق عليه سبحان الله ...


زمان اول تحول والله قبل الواحه شعله من النشاط والوناسه والحين الي يبغي ايله رقاد يدش اهنيه ويطلع ^^
المزوحي
16-02-10 ||, 03:17 PM
السلام عليكم


مرحبا شوق القلوب

الكلام اللي قلتيه صحيح، وفعلا كانت ايام حلوه، وعني ان تقريبا بديت في واحة الفضفضة مثل مايهزك ريح

لكن من كثر ما كنت اكتب مواضيع، وايدين انتقدوني :yes:

هاااا الحين شو رايكم تبوني افضفض مثل أول وإلا نخلي الواحات راقده :a032:


إن شاء الله نشوف حل، شدوا الهمه يا جماعه :pullhair:
عهد الوداع
16-02-10 ||, 03:19 PM
المزوحي

بالعكس مواضيييعك هي الي كانت محركه الواحه وان شاء الله نشوووف يديييييييييدك دووووم
المزوحي
16-02-10 ||, 03:24 PM
مشكوره عهد
عهد الوداع
16-02-10 ||, 03:27 PM
العفــــــــــــو ^_^
شوق القلوب
16-02-10 ||, 04:48 PM
عهوووده...

صدقج.. المواضيع عادي اتم شهر و اثنين ... لا تستغربين ..!!

...

ليش كل حد قابض عمره و متلوم يكتب ...!!!

اصلا فكره المنتدى مسوايه عشان الكل ياخذ راحته و يعبر عن نفسه...

...

المزوحي.. اكتب مثل ما تبا... ولا نحن ليش موجودين ..؟؟؟
صريح
16-02-10 ||, 05:46 PM
ما دامت الفرقا علينا مقادير
معذور لو عضيت كف الندامه

لا لا تعتذر وش تفيد المعاذير
مسموح مابيني وبينك ملامه

:yes:
المنصوري
16-02-10 ||, 06:05 PM
يبالـــهــــا غربـــلـــــه ‘‘
فرفوش
16-02-10 ||, 08:36 PM
مرحبا حباااااااااااااايبي سؤال ويأ على البال وقال بيظهر وقلت أبغي الجوااااااااااااااب ههههههه أنتوا ليش تفكرون بالغايبين فكل شيء يتغير وكل شيء يتجدد عضو يغيب وعضو يأتي يديد وكل واحد وظروفه فالمهم المتواجدون لازم تشاركون تظهرون ما تريدونه وبلااااااااااااااا أصحاب الغياب فالغائب الله معه والمتواجد نكون معه وسبب خمول الواحات هم نحن لا نشارك والسبب اننا ننتظر احد بدل عنا يعني فينا هياااااااااااااااااازه أنزين فرفوش نحن ما يبنا طاري الغااايبين لا بس انا اوجه كلامي للي خااااامل ومتكدر وضغط على فص الاستوب للمشاركه بعد غياب احبابه والسموحه حبايبي
بنت الدلع
16-02-10 ||, 09:50 PM
ولا شكلهم حصلوا منتديات ثانيه..

.

عورتي قلبي بهالجمله :k_sadwalk:

مالنا مكان غير الواحات
الهيثــم
16-02-10 ||, 11:04 PM
أهل الواحات في سبــــات شتــــوي عميـــــــــــــــــــــق ..
العجيبة
17-02-10 ||, 12:12 AM
^ شتوي طول السنة !!!!


حسستني انا عايشين فالاسكيموو
دمعة شوق
18-02-10 ||, 01:39 AM
اللي متعود على الواحات بيحس صدق بالفرق الكيير بين قبل والحين .
بس ياشوق صددق الواحات ميته بمعنى الكلمه ،، واحس لو نزلنا مواضيع محد بيرد عليهن !
شوو الفايده الاعضاء تدخل وتطلع بدووون شـي !

احس قبل وااايد عند بعض صح كل واحد بحياته بس على الاقل نكون متواجدين ونفتقد الاعضاء اذا غاب حد
ونسال عنه ، والحين الحال اصعب كل حد اختفى ،، ومرات تسال عن نفـسـك ويـن آنت فـي الواحات ؟!

:confused:
دمعة شوق
18-02-10 ||, 01:41 AM
وعلى طاري المنتديات الثانيه

اعتقد أغلب الاعضاء تدخل على الواحات اول ما تدخل النت ،،
اشوف على عمري واشوف كلام الاعضاء ،، لان اعتبرنا الواحات بيتنا الثااني

مااتخيل يسكرون الواحات :(
تحفه
18-02-10 ||, 04:24 PM
في مواقع ثانيه طالعه مثل فيس بوك وتويتر منتشره .. فالناس منشغله فيها لانها سهله ترومون تستخدمونها حتا من الموبايل!! اذا بتقارنونها بالواحات في الواحات ... الواحات فيها ناس تستهجن الصور الشخصيه يضنون فيها انها خقه او سخافه او مادري شو فالاعضاء خفت مشاركاتهم ومستويه واحات ممله! ...... انا اقترحت على بن دبي في واحه الشكاوي انه يحط الخاصيه لكل عضو يعني الي يشترك مثلا في توتر ينحط اللنك تحت اسمه فتطلع صور او اخر تويت سواه ... يجدد الواحات ويخليها شوي مطوره اكثر

الواحات فيها ناس من مختلف الاهتمامات و النوعيات .. والغالب حاليا هم الاعضاء الي يبيلون هالاشياء !


بس صراحه حرام يسكرون الواحات :S
المزوحي
18-02-10 ||, 10:40 PM
كل ولا يسكرون الواحات

يوم تشتكون إنه الاعضاء مايشاركون، بس الاسم يكون موجود !

أكيد كل واحد يدخل يبغي يشوف شو اليديد وينتظر الرد من الآخرين وكل واحد يدخل ومايرد

الحين هذا روحه استوى موضوع بحد ذاته
تحفه
19-02-10 ||, 04:02 PM
شووووووووقييييييي قاعده علواحات .... من الصبح اشارك و الحين نزلت موضوووووع


بس علشاااااانج ;*
رمــش الغـــلا
20-02-10 ||, 09:41 PM
والله احس مشاغل الدنيا ..

يعني الواحد يكبر وينشغل شوي ..
الحين ما قمت احصل فرصة عالنت يوميا شرات ايام الكلية اللي كانت استخدامي للنت بالساعات فاحصل وقت اني ادخل الواحات واشارك =)

وتقدرون تقوولون ان الاغلب يدش ويقرا بدون ما يعلق ويشـآرك ..~
أمطار
23-02-10 ||, 12:14 PM
وتقدرون تقوولون ان الاغلب يدش ويقرا بدون ما يعلق ويشـآرك ..~

السلام عليكم ..
ما حبيت أمر مرور الكرام مثل كل مرة بدون رد. . .

للأسف أنا استويت جي مثل ما قالت رمش الغلا!
الكل عنده مشاغله في الدنيا واستوت النت آخر اهتماماتي!
ما أيلس وأكتب شرات قبل ولا حتى أتعب عمري افتح اللاب توب حتى لو كنت ملانه..


ما عندي حل للمشكلة
وما عرف شو المفروض اقول


بس حبيت .. أشارك =)


لكم وحشه