المساعد الشخصي الرقمي

مشاهدة النسخة كاملة : السفر.. هالايام...


شوق القلوب
27-12-09 ||, 12:27 PM
السلام عليكم..
حابه آخذ ارائكم للسفر في شهر واحد...
مابا شي يخص شرق آسيا.. ما ادري احس السفر هناك ما يسوى...
المهم الوجهه غالبا بتكون اوروبا.. بس ممم احاتي البرد.. خصه و انه عندي حمودي..
..
فكرنا بنييس..و باريس بس اتوقع انها في الصيف بتكون احلى...
فكرنا بتركيا .. بس مب وايد متشجعه...
..
ابا مكان مثل اجواء اسبانيا.. اتكون البروده فيها معتدله.. يعني مب برد وايد و هلاك...

..


و صح بغيت اسأل عن فيز اوروبا.. .. شو يبون و هل يتأخرون فيها ..؟؟؟
خيال الحب
27-12-09 ||, 07:10 PM
هلا بام حمودي ^__^

انا انصحج بمــالطــا .. حق العوايل وايد اوكــي.. وجوها مب بارد وايد .. يعني اوكــي

وبخصوص الفيزا .. ودوها مكتب السفريات ب3 ايام بتخلص .. ب500 درهم .. بس ابو حمودي لازم يتصور بدون غتره وعقال ..:vampire: ..

الحين فرنسا بارده وكلها امطار وهالسوالف

كنت بروح اشوف احتفالاتهم براس السنه هناك تحت برج ايفل:vampire: بس ماحصلنا حد يسافر ويانا للاسف..

وعندج طال عمرج برشلونه حلووه بعــد


وعندج بعد جزيرة موريشووس وايد يمدحوونها:thumbup1:
شتشووته
27-12-09 ||, 11:11 PM
.

احنا ناوين انسير جزيرة موريشووس ان شاءالله ..

مع اننا كنا ناوين ع اوروبا بس ماتنفع وخصه انه شتاهم السنه موووت ف ما انصحج بأوروبا خصه وانتي عندج بيبي

ولا بالجزيره لانه مافيها اشيا وايد يعني حق couple بس ^^"

بس تركيا احسبها اوكي .. انا كنت ابا تركيا بس ريلي قال يبا يسير الجزيره ومشيناها لووول

....
شوق القلوب
28-12-09 ||, 01:17 AM
السلام عليكم..

خيااااال...

مالطا وين هالايام ،،،؟؟ << اسمحلي اختك معلوماتها صفر جغرافيا !!

ترا هاللي فيكرت فيه.. اخاف ما نتهنا بفرنسا مثل لو سرنالها في الصيف..

برشلونه.. صح ما زرناها.. بس اخر سفره كانت لاسبانيا..و نبا مكان يديد.. مع انها مكان حلووو..

..

جد حد سار قبرص ..؟؟
شوق القلوب
28-12-09 ||, 01:20 AM
السلام عليكم..

شتشوووته... مبروووووووووك مقدما..
و ان شاء الله تستمتعون بسفرتك.. و اتكون ايامكم كلها عسل.. :)

..

بالنسبالي احس ان الجزر اتخوف في شتا.. عواصف و اعاصير... ما ابا ازيغج.. بس اتاكد،ا قبل لا تحجزون... !!
خيال الحب
28-12-09 ||, 01:21 AM
مالطا جزيره صوب ايطاليا .. يلقبونها بسويسرا البحر المتوسط ^_^
شوق القلوب
28-12-09 ||, 01:32 AM
اااهاااا... والله معلوماتك قيمه...

يبالي ادور عنها..
شتشووته
28-12-09 ||, 01:51 AM
تسلميين حبي ..

انا والله قلتله بس هو مصر .. يقول لو كم يوم وعقب نسير مكان ثاني ..

وان شاءالله خير .. جزيرة مالطا حلوه والله .. بشوف وبخبره .. يمكن نتلاقى اهناك لوووووول
شتشووته
28-12-09 ||, 02:03 AM
شوق القلوب .. خالي احيده ساير قبرص ووايد يمدحها ..

يبالي اتخبره باجر عنها ^^"
الـيـاه
28-12-09 ||, 02:34 AM
يا جمال باريــس فالشتا :heart: .. احلى من الصيف بمليون مره
خاصـه هالفتره واحتفالات النيو يير .. الشانزلزيه يكون روعه 3> انا عقب يومين بسير حق 10 ايام ان شاء الله

بس عشان البيبي احس لا تسيرين .. وايد بررد عليه :k_no:

انزين ليش ماتسيرون اسبانيا ؟
شتشووته
28-12-09 ||, 02:38 AM
الياه .. صدق والله .. احس واااااااايد برد خصه هالفتره .. باريس برد برد

يعني مب شي .. مابنقدر نظهر .. هممم .. انا والله كااان بخاااطري اسير باريس بس ريلي يقول خليها للصيف
مايهزك ريح
28-12-09 ||, 08:21 AM
انا توني راد من اسبوعين .. واااااااااايد برد .. ثانيا البلاد زحممممممممممممه .. ما بتاخذون راحتكم ووايد حراميه في باريس ..

سيروا في الصيف او شهر 4 .. بيكون ربيع .. ^_^!!
عفاريتووو
28-12-09 ||, 11:48 AM
جنوب ايطاليا صوب روما اظني جوهم ادفى عن باجي اوروبا
و جزر ايطاليا بعد واييد يمدحونها
اليونان
تركيا فيها وايد اماكن حلوة لو بتروحولنها مروا ع صوب كابادوكيا
جنوب فرنسا صوب نيس و كان
شوق القلوب
28-12-09 ||, 01:13 PM
شتشوووته...
والله زين لو بتتخبرين خالج عنها.. شوفيه شو بيقولج ... و خبريني... :)
...
الياه...
اسبانيا سايريلها ايام الهوني مووون :fa41: وكان عقب النيويير بكمن يوم.. بس زينه الشوارع كانوا امخلينها.. اجواء اسبانيا حلوه.. ما ادري احس انها بلاد غييييييييير :fa35:
بس شوقتيني لباريــــس... :yes:
بس هو عشان حموودي.. احافه يتلعوز.. خصه الصغار ما تتدريبهم بردانيين و لا دفياننين.. هذا غير الخوف انهم يمرضون.. !!
...
شوق القلوب
28-12-09 ||, 01:17 PM
مايـــد..
هو ادري انه هالوقت غلط.. بس هو اكثر وقت يناسب بو حمودي.. وفرصه لانه سفره الشتاء اتكون لها حلاتها....
بس ما خبرتني عن الفيز... ؟
...
عفاريتووو...
ما ادري وين قاريه... يقولون لا تسيرون جنوب ايطاليا من الحراميه...
و اليونان.. ممم يبالي ادور عنها...
انزين عن تركيا خبريني عنها... ؟ تستاهل ولا لا..؟؟
..
في وحده خبيــــره تركيا للحين ما قالت لنا عن شي !!! :10:
مايهزك ريح
28-12-09 ||, 01:59 PM
انا الفيزا عندي من زمان .. يوم كنت ساير المانيا .. خذت الـ multiple schengen
تحتاجين يكون عندج :
حجز مؤكد لفندق + تذاكر السفر + bank statement مال ست شهور +
تامين صحي اتسوينه عند مكتب السفريات اللي بتحجزين منه ..
واعتقد تقدرين تطلبين 4 سنين شنجن اذا الجواز يديد نحنا جوازاتنا تنتهي 2011 فعطونا بس سنتين !

واتذكر اني دفعت عن كل جواز 300 وشي ..

انا مسوي الحجوزات مال المانيا عند بن عمير للسفريات اللي عدال لامسي بلازا
وعقب اتودينهن المكتب اللي عدال فندق كابيتول - الضيافه عشان الويزه .. وتاخذ 3-4 ايام على حسب الزحمه !

هاللي اتذكره انا مسونها العام .. !


وصح جنوب ايطاليا حراميه ..
واليونان ما ايدانون المسلمين .. وايد عنصريين ..
والأتراك تعاملهم زفت ما يدانون العرب ..

والسموحه اختي ام حمودي
المزوحي
28-12-09 ||, 03:01 PM
السلام عليكم

شوق القلوب الحين لو حد سمعج تقولين بسافر في شهر واحد ، بيقولون لج جو بلادنا حلو، وما يحتاي تسافرين.

وبما إنه يناسبكم تسيرون هالفتره، لاتسيرين مكان فيه ثلج، لأنه ما بتنبسطون وخاصه إنه وياكم ولدج ..

تركيا يمدحونها لكن الحين ثلج

وبشوف لو عرفت شي برد اكتب
عفاريتووو
28-12-09 ||, 08:54 PM
امم هو صح ايطاليا فيها حرامية
نحن رحنالها كم من مرة و ما تأذينه منهم الا اخر مرة كسروا درايش السيارة في ميلان لان كنا موقفينها بره
بس لو تحاسبون و جي ماحس ان بتتأذون

و عن تركيا صراحة ما رحتلها بس اهلي راحوولها و و اييد عيبتهم
اسطنبوول كمدينة وايييد حلوة
و الاكل في تركيا عجييييب
و عندج كابادوكيا بعد حلوة كنت شايفتنها في مسلسل من المسلسلات، جي مكاان غريب
و الغرف في الفنادق هناك عبارة عن كهوف في اليبال
http://www.syriafriends.com/vb/showthread.php?t=36121

و شوفي هالموقع بيفيدج عن تركيا
http://www.tourismturkey.org
عفاريتووو
28-12-09 ||, 08:56 PM
و هي عندج فينيسيا في ايطالياااا
حلوووة
رحتلها مرة في الصيف كانت واييد حارة فأحس بهالوقت بيكون الجو فيها حلو
بس صدق وايييد حلوة تحسين جنج بحلم P=
الا انا
29-12-09 ||, 11:27 AM
تركيا حلوه << بس تعاملهم زفت وارف ما يدانون شي اسمه عرب << اختي للحين متعقده منهم خخخ
تحفه
29-12-09 ||, 01:00 PM
شوقي اذا بتروحين باريس سيري في الشتا بس .. لان هالاماكن الي كلها عرب في الصيف تكون احلللللى بالف مره في الشتا

مواسم سفر العرب ( الصيف ) تكون كريهه وايد .. كلها سرقات + زحمه + السوق فاضي + حجوزاتهم فل + اسعار خدماتهم اغلى

اما في الشتا مافي فقارا ولا شحاتين ولا حد يسرق + عروضات كرمس و خصومات اخر السنه + ستوك كبير للسنه اليديده + مافي شي اسمه out of stock + اجواء كرمس داخل وبرع .. + كل الناس الي تشوفينهم في التلفزيون بتشوفينهم جدامج من عيال الشيخ زايد > السياسيين الاوروبيين > اليابانيين الاغنيا مال شرق اسيا والروس > كل الممثلين الاجانب والهنود و المغنيين

كرسمس ( نيويورك وبس)

في الصيف مافي احلى من كان وايد حلو الصيف هناك اذا تبين تستانسين تحسين انج صدق تبين تغيرين جو تستمتعين بالصيف سيري كان .. بس شوي غاليه تكون اغلى من الاماكن الثانيه .... الموهيم و مراكش "طبعا" و جنوب فرنسا "الريف" .. اذا تبين تبتعدين عن الدنيا والناس وتستمتعين بالمناظر الحلوه ... وجنيف حلوه بس لا تسوون تان في جنيف في الصيف لانكم بتحترقون .. شمسهم وايد قويه بتستون سود مب برونزيين :S

وشهر ٣ و ٤ مالديف ( عجججيييبه اذا تبون تسوون تان ) + مول مافي عرب وكلهم اجانب


وشهر ٤ و ٥ Venice بتشوفين وايد عروضات تقليديه + هالفتره الي كل المصممين يكونون موجودين ومنتشرين عشان يحصلون انسبريشن حق كلكشناتهم اليديده .. هم يصممون كل شي ويسون سامبل ويطرشونه بعدين حق الهند و شانغهاي و بنجلادش عشان ينصعون كميات كبيره منه حق العالم كله.... عاد بتحصلين اشياء وايد عجيبه في اسوقتهم وعندهم بوتيكات منخشه تسيرين وتختارين على كيفج مثلا شكل النعال واللون والدزاين وتشوفينهم يشتغلون عليه جدامج بس يكلف

وبالنسبه حق الاسواق الي تبا تعرس وتتزهب .. باريس وميلان ... وموسكو الحين اكثر شي تتوفر فيهم ملابس وشراشف و هالسوالف .. وفي ناس تروح لبنان عشان مصممين الفساتين ... اما اللبنانيين هاليومين باطين جبدي فمول ماداني طاريهم هم والزلمات

والي يبا انتيكات واثاث حق بيته لازم ياخذ شي من جنوب افريقيا .. عادي تشوفون اشياء عجيييييبه وكواليتي وفن وكلاسيك ... برخص التراب
شتشووته
29-12-09 ||, 02:51 PM
يا سلام عليج يا تحفه .. ياختي حمستيني ل باريييييييييييييس ...
مايهزك ريح
30-12-09 ||, 08:41 AM
تحفه انا سرت في الشتا وشفتها زحمه عيل الصيف كيف بتكون ! ..
على العموم انا ناوي ارد لها يمكن شهر 4 ..
عشان الرضيعه كاسره خاطري ما وديتها وفي الصيف عزموا يسيرون نيويورك ..
فما شي غير اجازه الـ Easter
تحفه
30-12-09 ||, 10:37 AM
شتشوته :a014:

مايهزك: سافر بعد اول يوم العيد الفطر/ الاضحى على طول مب قبل ولا بعد اسابيع .. لا تختار مناسبات الاجانب لانهم ماجزين و بلادهم كلها بتكون زحمه
سبحان الله على ايام اعيادنا نحن المسلمين تحصل هناك كل شي جدامك وثلاث ترباع ال لمتد ادشن ينزلونهم على اعيادنا لان حفلات المصممين الpre season كلها تستوي بنفس توقيت اعيادنا ... حتا انته بتلاحظ مب وايد ناس من الخليج هناك.. حمدلله مافي وايد عرب يعرفون هالسوالف عن السفر :tounge:


بالنسبه للزحمه :

١- لا تروح شوبنغ يوم السبت والاحد :k_no: حدد ايام الاسبوع للشوبنغ
٢- روح اول ما تفتح المحلات ( الصبح ) :thumbup1:
٣- اذا عيبك شي شله ولا تقول برجع له :a042:
٤- اشتر الاشياء الي جدامك :h_daleel: .. اذا ما عيبتك بتنفع تكون صوغه :tounge:
٥- لايام الشوبنغ كون خفييف ..البس كاجوال .. نعال او جوتي مريح :k_wheelchair:




دايما سافروا يوم العرب يرجعون من السفر :k_devil2:
مايهزك ريح
30-12-09 ||, 11:40 AM
^
You are the best .. wish you were my little sister :P
تحفه
31-12-09 ||, 09:36 AM
^ LOL! Believe me I am not the best! All what I do is think like a man and act like a lady
Pp=
خليجيه
31-12-09 ||, 05:09 PM
السلام عليكم شوق

الأماكن اللي ذكروها الجماعه وايد حلوه رغم اني ما سرت ولا بلاد منهم :( ما عدا أسبانيا زرتها من سنين. ولو ما ذكروها كان ممكن أقولج سيري وحده منهن.

لكن ناس من أهلي ساروا بودابست في الصيف وواااايد مدحوها وبعدين أحس محد وايد يتردد على هالأماكن رغم جمالها (( نوع من التغيير)).

انتي تتجنبين البرد وفي نفس الوقت حابه اوروبا في يناير، فما شي غير انكم تتوكلون على الله وتدفون زين ما زين :)

ورحله حلوه ان شا الله
الـيـاه
03-01-10 ||, 10:21 AM
وصلت باريس قبل 5 ايام :fa35: .. الجو ولا اروع 3> مافي شي اسمه عرب .... بس للاسف ليلة راس السنه ماقدرنا نطلع
الا المطعم اللي فالفندق لانه مليون واحد تيمعو فالشانزلزيه ودور ما دار برج ايفل وكلهم يشربون ... يلسنا نشوفهم من البلكونه لول

كل يوم احتفال 3> والسوق يجنن مب شرات الصيف مخلصينه العرب
سرنا دزني صدق استانسنا بس مستحيل تسيرون بدون قفازات .. لانه صدق ما تحسون بيدكم من البرد :fa41:
مايهزك ريح
03-01-10 ||, 12:57 PM
^
احسن فندق في شارع الشانز وموقعه استراتيجي .. Hotel Fouquets Barrière
مجابل LV .. وايد كانوا في التور يمدحونه ويمدحون المطعم ماله !

الياه .. في ديزني .. معظم الألعاب كانوا مبندينها .. عشان الجو بارد .. وصح ما تقدرين اتمين بدون قفاز !
شتشووته
03-01-10 ||, 04:28 PM
الياه :: يا سلام .. حلووو ^^ انا ريلي أجل السفره :( قهر والله
الـيـاه
03-01-10 ||, 04:31 PM
^ هيه عدال فندقنا .. نحنا فالـ four seasons يجنن و روعــه الview
المزوحي
03-01-10 ||, 06:05 PM
إن شاء الله تنبسطون ..
مايهزك ريح
04-01-10 ||, 09:06 AM
الياه .. انا كنت اوقف الموتر تحت باركات الـ four seasons وانسير نتعشى في مطعم الديوان .. ^_^
الـيـاه
05-01-10 ||, 12:27 PM
المزوحي : مشكوووووور *rose* .. باجيلنا يومين ورادين ان شاء الله

مايهزك ريح : اوووه اوكيي .. جرب مطعم هالشيف Alain Ducasse في فندق Plaza Athenee مره ثانيه
و مطعم L'atelier de Joel روعه السوشي مالهم
و Le Cinq اللي في فندقنا اول الايام كله اتغدا تحت لول
تحفه
13-01-10 ||, 02:03 AM
مطاعم فرنسا :
Ducasse
Taillevent
L'Atelier de Joel Robuchon
Le Auberge Quincy
laperouse

و لندن
The Fat Duck
Capital Restaurant
Le Gavroche
Le Caprice
Blakes restaurant
Indigo
Tamarind





وبسكم اكل عربي يوم تسافرون P;
بنت الدلع
13-01-10 ||, 02:34 AM
^ ماشالله عليج حافظه اساميهم
في السفر ادخل المطعم بدون لا التفت لاسمه p=

سين سؤال .. تاكلون دياي او لحم من برع ؟؟ اذا تعرفون انه مب مذبوح على الطريقه الاسلاميه ؟
تحفه
13-01-10 ||, 02:49 AM
^هيه اشوف مسجاتي فالتلفون لاني اسافر وي كل اهلي فيوم يتصلون لي عشان يسؤلوني وين انا وكزنتي طبعا لان نحن نمشي عنهم "هم يوم يدشون مكان مايطلعون بسرعه" .. فنضيع .... وبعد ساعاااات يتذكرونا ونكون نحن في مطعم ... فنطرشلهم الاسم عشان ايوونا هيهيهي :X ... او مثلا اذا بتشاوف وي ربيعاتي او شي...... فنطرش مسجات العناوين او الاسامي P;

بالنسبه لسؤالج اهلي يستوون نباتيين او ياكلون اكل بحري ... انا ؟ اقول بسم الله واكل XD
تحفه
13-01-10 ||, 03:04 AM
بنت الدلع : اذا انتي تشكين نفس كل اهلي في سالفه حرام وحلال خذوا طباخ وافتكوا! .. اهل ماما من دون الشف ما يسافرون! لان الكبار في العمر ما ياكلون اي شي :S تخيلي في لندن وفرنسا تاكلين مجبوس و زبيدي و برياني! لوووووول لا بعد شيشه جنهم في بلادهم XD حتا دريوليتهم الانجليز خلوهم يدمنون علشيشه
مايهزك ريح
13-01-10 ||, 09:02 AM
انا والأهل من النوع اللي نحاتي حلال وحرام .. ما آكل لحم او دياي في السفر إلا اذا اتأكد انه حلال !

ما بموت لو ما كلت لحم او دياي .. كلها كمن يوم وبرد البلاد وباكل اللي اباه ..
وفي شي انتبهوا للسلطات .. ساعات يحطون لحم خنزير مفروم فيهن..
مره كلته بالغلط ما يبين كانوا مقطعينه صغاااار وايد ما انتبهت إلا عقب ما قالت لي الرضيعه اسال شكله فيه bacon !

وبعد ساعات يطبخونه بالخمر .. ومثلا التيراميسو في بلاد برا في اماكن يسوونها بالخمر (نوع معين اسمه rome )!
صدق اتعب في السفر لأني وايد ايلس افكر في هالأشياء ..
بنت الدلع
13-01-10 ||, 01:46 PM
تحفه ..
يا سلام عليج
كيف تقولين باسم الله وتاكلين >.<

سامعه عن هالحديث ؟
"من أكل لقمة من حرام لم يقبل له صلاة أربعين ليلة ولم يستجب له دعوة أربعين صباحا وكل لحم ينبته الحرام فالنار أولى به"

هههه عجيبين هلج بس والله زين يسوون اذا الواحد يشك يسوي جيه احسن
بس بعد عباله

مايهزك ريح ..
نحن جيه بعد .. ناكل خضره وتونه وجيز وهالسوالف
بس في وااااايد اماكن برع فيها مطاعم حلال
خصه المانيا صدق مترووووسه مطاعم حلال
لان وايد تركيين هناك

على فكره حتى الاسكريم مالهم بعضه يكون فيه خمر
احيد في الصيف طلبنا اسكريم وهو يحط لنا
جان ايي ربيعه وشافنا عرب بعدين قال هذا فيه خمر
الحمدالله محد كل منه
خليجيه
13-01-10 ||, 02:13 PM
ما يهزك ريح....... كلامك صح والله :thumbup1:، الواحد ما بيموت يوع اذا ما كل لحوم برع دامنه مب متأكد منها... وخلنا نعتبر عمارنا في ريجيم قصير لين ما نرجع البلاد
شوق القلوب
13-01-10 ||, 03:20 PM
السلام عليكم...

كلامكم صح.. الواحد لازم يحاتي هالسالفه...
بس احيد مره خبرتني وحده انه فيه مطوع قالهم سموا و اكلوا... خصه اذا الواحد استصعب عليه معرفه انه حلال و لا حرام...
تحفه
13-01-10 ||, 03:57 PM
تحفه ..
يا سلام عليج
كيف تقولين باسم الله وتاكلين >.<

سامعه عن هالحديث ؟
"من أكل لقمة من حرام لم يقبل له صلاة أربعين ليلة ولم يستجب له دعوة أربعين صباحا وكل لحم ينبته الحرام فالنار أولى به"

هههه عجيبين هلج بس والله زين يسوون اذا الواحد يشك يسوي جيه احسن
بس بعد عباله

مايهزك ريح ..
نحن جيه بعد .. ناكل خضره وتونه وجيز وهالسوالف
بس في وااااايد اماكن برع فيها مطاعم حلال
خصه المانيا صدق مترووووسه مطاعم حلال
لان وايد تركيين هناك

على فكره حتى الاسكريم مالهم بعضه يكون فيه خمر
احيد في الصيف طلبنا اسكريم وهو يحط لنا
جان ايي ربيعه وشافنا عرب بعدين قال هذا فيه خمر
الحمدالله محد كل منه

والله صعب اكون نباتيه فالريوق والغدا والعشا لمده طويله :k_no: و التونه تعور بطني وراسي ... و انا مب من محبين الاكل البحري ( ماقدر اكل سمج طول الاسبوع )

وعن الحلال والحرام اعرف انها its an huge issue! بس في واحد من العلماء الشيعه حلل وانا استانست عليه :h_daleel:

انا مستحيل اكل من محلات الشوارما و هالسوالف لاني متعقده من موقف كنا طالبين من الملاح وشفنا ذيل فار في الشوارما :glare: و قبل شهرين طالبين من بيتزا ان شفنا كومه شعر بين العجينه و الخضراوات :osama:

عشان جي ما اكل غير في مطاعم


(إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنزِيرِ وَمَا أُهِلَّ بِهِ لِغَيْرِ اللّهِ فَمَنِ اضْطُرَّ غَيْرَ بَاغٍ وَلاَ عَادٍ فَلا إِثْمَ عَلَيْهِ إِنَّ اللّهَ غَفُورٌ رَّحِيمٌ )البقرة173
أي أنه إنما حرم الله عليكم ما يضركم كالميتة التي لم تذبح بطريقة شرعية, والدم المسفوح, ولحم الخنزير, والذبائح التي ذبحت لغير الله. ومِنْ فَضْلِ الله عليكم وتيسيره أنه أباح لكم أكل هذه المحرمات عند الضرورة. فمن ألجأته الضرورة إلى أكل شيء منها, غير ظالم في أكله فوق حاجته, ولا متجاوز حدود الله فيما أُبيح له, فلا ذنب عليه في ذلك. إن الله غفور لعباده


انا الصبح عادي اكل فواكه و لبنه وعسل ( ريوقي المفضل ) ... بس الغدا اكل في مطاعم .. الفليل عشاي يكون سناكس يعني حلويات وكيك وجبس وهالسوالف :h_daleel:


ماحب اسافر واكل مجبوس و برياني احس اني مب مسافره واصلا مب كل مره بتسافرون وي كل اهلكم عشان يكون عندكم طباخ لول

شو فايده تسافرون و ما تاكلون اكل البلاد :tounge: وبعدين شو دراكم انتوا هني تاكلون اكل حلال لول! انتوا هني ماتشوفونهم جدام عيونكم كيف يذبحون الا اذا كنتواا تربونهم في مزارعكم


تدرون ايام حرب الخليج ايران ماخذت من شركات اللحم والدياي لانهم طرشو وفد وعرفو ان الذبح مب حلال P; شكلكم ما تعرفون

عشان جي ثلاث ترباع الناس يفضلون ياكلون من ذبايح مزارعهم

نحن حتا الحليب ناخذه من المزارع بس انا ما يعيبني بطني يعورني يكون وايد ثجيل :S
بنت الدلع
13-01-10 ||, 04:12 PM
تحفه ..
المشكله تعرفين شو ان احيانا الخضروات مالهم يسوونها بطريقه نحن ما نتقبلها
يعني يوم يفورون الخضره ولا شي جيه .. معدتنا مب متعوده على هالاكل
الله يكون في عونا بس

تدرين نحن حتى في البلاد
بابا مايخلينا ناكل من اي مكان
يقول شو يظمنكم ان اللحم او الدياي اللي يايبينه ذبح اسلامي
وصدقه بابا .. يعني ليش الشركه بتخسر وبتييب لحم حلال يكون وايد اغلى بس اما يوم اييبونه من برع ومذبوح بالصعق الكهربائي ولا اي شكل من الاشكال يكون واااااايد ارخص عليه
بس لله الحمد ان في واايد مطاعم تخاف الله ومتعاقدين وياهم وتاكلين عندهم وانتي مرتاحه

اخيييج استغفر الله >.<
هالشاورما في البلاد ولا برع !!
بنت الدلع
13-01-10 ||, 04:17 PM
وبعدين شو دراكم انتوا هني تاكلون اكل حلال لول! انتوا هني ماتشوفونهم جدام عيونكم كيف يذبحون الا اذا كنتواا تربونهم في مزارعكم

:S

بالضبط .. صح كلامج
نحن يوم نسير مطاعم (في البلاد) .. اذا ماكنت متأكده من المطعم اسأله من وين الدياي مالهم
ما اعتمد عليهم اذا قالوا حلال ولا لا .. اهم شي عندي اسم الشركه .. اذا محلي اكيد حلال
او مستورد من دوله مسلمه

حتى احيانا ربيعاتي يستغربون يقولون كيف جيه تسئلين اكيد حلال انتي في دوله مسلمه
مابا شي حرام يدش في بطني وبعدين هالشي بيأثر على ذريتي لول :tounge:
تحفه
13-01-10 ||, 04:39 PM
^انتي نفس كزنتي ايه احبك حتا هني في البلاد كل مطعم تقعد فيه تسال لول! بصراحه اتكلم انا استغفر الله ماحب ادش في سوالف الدين لاني مب مدينه .. انا وايد عادي يعني اسمع اغاني واتعطر وما اتحجب عدل واسير السنما و اخسر الاف الاف على نفسي وعايشه حياتي بطريقتي الخاصه :S عشان جي في السفر اهم شي عندي اقول بسم الله قبل لا اكل والحمدلله بعد ما اكل P; وكان الله غفورا رحيما لووول XD


الي ابا اقوله اني مب مثال للانسانه المؤمنه التقيه ( ما بجذب عليكم ولا بنافقكم لوووول ) اهم شي اني هني كتبت شو مطاعمي المفضله في لندن و فرنسا لان هذا موضوع عن السفر مب عن شعايركم يوم تسافرون لوووووول!!! عشان جي لو حبذا محد يكلمني زياده في هالسوالف لانها مب من اختصاصي ابداااا X;
تحفه
13-01-10 ||, 06:12 PM
فنادق:

فرنسا :
ذا رتز
The Raphael

لندن :
ذا رتز
The Lanesborough
قصايد غلا
14-01-10 ||, 01:48 AM
مشكلة اللي عنده عيايز .. ما ياكلون شــي في السفر فــ غصبا عن ويوه اللي مسافرين من أهلنا يشلّون وياهم سحناه و تمر و قهوة عربية و عيش و جدر كهربائي لووووول :biggrin:
مايهزك ريح
14-01-10 ||, 08:58 AM
^
ههههههههه ذكرتيني بالرضيعه والجدر الكهربائي اسميه ايام خخخخخ

نحنا بعد يوم اتسافر ويانا الوالده نتلعوز انا عادي اكل بيتزا طول الوقت بس هي اتمل !
بنت الدلع
14-01-10 ||, 03:56 PM
تحفه ,, ماكان قصدي اقول شي يزعلج ^^


بالنسبه للشتا .. احلى شي الواحد يسويه انه يسير سكيينق صوب النمسا
كل الاشياء تكون مجهزه والسكيينق يكون مرره صوب الفندق اللي انتو فيه + تكون وياكم مدربه على كثر الساعات اللي تبونها .. وشي مكان حق الـ بقنرز يعني كثر ماتطيحون عادي لا تحاتون مابيستوي بكم شي
قصايد غلا
14-01-10 ||, 04:14 PM
ما يهزك ريــح : هييييه رفيق السفر هذا الجدر الكهبائي .. يوم ماشي أكل عدل يكون هو المنقذ :tounge:
مــهــابه
16-01-10 ||, 11:59 AM
^
قصـوده :

بردج هذا حسيتج تـرمسين عّـنا لوول
قصايد غلا
18-01-10 ||, 02:36 AM
^ :4: الخير عندنا و عندكــــــم مهابتيييي