مشاهدة النسخة كاملة : جوالع التدريس !!!
حلم الطفوله
20-12-09 ||, 06:34 PM
السلام عليكم ورحمة الله وبركاته
جوالع !!! اختياري لهالعنوان بالذات له مغزى في بطن الموضوع:tounge: !!!
بأمانة ما كنت أعتقد إني أحب التدريس إلا باليوم إلي تعينت فيه !!
حبيت مهنتي وااااااااايد ، خصوصا وإنه الانسان في بداية شغله يكون شعله من الحماس !!
مسؤولية يديده تنضاف لسجلك الوظيفي ...
بس هالأشياء تبتدي تتبخر مع مرور كل هذه السنوات ...
ليش ؟:fa51:
بخبركم ليش !!
بسبب جوالع التدريس
الدوام اليديد .... أو بالأحرى تأخير الدوام
أنا ما كنت أتذمر ...وحاولت أقتنع فيه ...صدق إني ما اتحملت بس بعد ما كنت أشتكي
بس اليوم سمعت حديث تلميذاتي على نهاية الحصة الأخيره !!!
اسمعوا حوارهن :a050:
مريم : ( تتنهد تنهيده جذبت انتباهي ) وتقول : الحين إنتو متى تكتبون الواجب ومتى تلحقون تذاكرون ؟
ميثا : أصلا ماشي وقت
ساره : أنا أوصل البيت على إذان العصر ... أغير ملابسي وأتغدى ويادوب أذن لمغرب !!!
مريم : انا أتغدى بروحي ( غمضنتني والله ) ماماتي وباباتي يتغدون قبلي ، أحلى شيء عندي الإجازه يوم أتغدى وياهم
ميثا : وعقب المعلمات يعصبون علينا يوم ما نكتب الواجب ! ( طاحوا فينا ) أصلا والله ما شيء وقت
ساره : أنا ما أرقد العصر عشان أحل الواجبات وأذاكر وأرقد من وقت من التعب وماماتي تكتب الواجبات عني إذا ما قدرت ( عاشت الأم)
ميثا : أصلا باباه يقول هذا النظام اليديد غلط ( عاش الأبو ) متى بنرتاح ومتى بنذاكر ومتى بنرقد !!
المشكله ...دق الجرس عقبها وما كملوا سالفتهم
شفتو جوالع البنات !!!
الحين اسمعوا جوالع المدرسات :argue:
مس عاشه : تعب والله تعب !!! ما بنلوم البنات يوم يقولون تعب وما عدهم وقت في البيت ، الحين أنا أكره حياتي يوم أرد البيت
يادوب أتغدى على إذان العصر ، ورقاد الظهر نسيناه منزمان ، والزيارات انعدمن الحين ، يادوب أذاكر لسلوووم بس ما يستوعب لأنه نصه رقاد !!
أبله سعاد : وين بيستوعب وطاقته كلها استهلكها بالمدرسه !!! قبل يلعبون كره ويتنشطون بلمراكض بالحوي شوي
الحين من يردون نستلمهم بالمذاكره
أبله أسما : هيه والله ، الله يعينهم ويعينا وياهم
أبله موزه : أنا ريلي يباني أستقيل يوم يشوفني متلعوزه امبين التحضير وتدريس لعيال !!! بس الحياه صعبه ومعاشاتنا تساعد
ودق الجرس:bye2: ... والكل ركيض على الحصص لأنه المناهج لازم تتشطب هالأيام
سمعتو جوالع التدريس !!
من فتره سمعت لقاءات مع المواطنين في أخبار الإمارات بهالخصوص ، والآراء كانت متفاوته بين اموافق ورافض
الحين يا حلوين !! إنتو شو رايكم بهالموضوع
بقولكم رايي أنا بعد ... بس تريوني لين أخلص (:d014: التحضير ) !!
العجيبة
20-12-09 ||, 09:08 PM
اممم جوالع = مشاكل ؟!
والله انا اقووول يخلون الطلاب يداومون 6 ايام في الاسبوع ويكون الدوام اليين 12 بالكثييير .... وساعتها محد بيقول انا تعبااان ...!
حلم الطفوله
20-12-09 ||, 09:17 PM
وااااااايد زين يالعجيبه !!!
فكره حلوه
رمــش الغـــلا
20-12-09 ||, 09:21 PM
امممم الحين يالسة احضر ..
لي عودة ان شاء الله بس متى ما يندرا ><
يوم احصل فرصة ..~
صدق الموضوع يباله درآسة صح ..!
مــهــابه
20-12-09 ||, 10:34 PM
آنـآ آشوف مآسـآه تـيمون وبـومبـآ ف البيـت ، ينـزلن من السيـآره وقـت آذان العصر
يـلين يسبحن ، ويتغدن ، صـآر الوقت جريب المغرب
غير الدرآسه ، الواجبـآت ، الآمتحانات ، والبـروجكتات " تـيمون تعـآني وايد خصوصـاً انها ثـانويه عـآمه "
مـآيرقدون غير 5 ول 6 سـآعـآت بس !
وهالشي امبين في آشكـآلهم وآمآثر عليهم وآآآيد
ف الويك إند مالهم نفس يسوون شي بس يرقدووون
~ْ غير جيه " المدرسـات "
~ التحضير ، البيـت ، الريل ، العيـال ، الموجه ، الانشطه ،.........
معـآآآآناااه ..
آنا عسب جيه ماتخصصت شي صوب " التربيه " ، محد يدخل النار بـريوله =P
شوق القلوب
21-12-09 ||, 12:56 AM
السلام عليكم...
الحمد الله انه اسمي بعده مطول على لسته التعيين... اشحلااااات البيت ^ـ^
خنفروش
21-12-09 ||, 04:17 AM
:a046:
خيال الحب
21-12-09 ||, 11:58 AM
هــي والله .. قبــل كنا نشوف الصغاريه بالفريج يلعبــون ويسوون حشــره..
الحين شكلهم انقرضو خلاص .. لا لهم صوت ولاشي:Oo:
الله يكون في عــونكم والله..
:3: وزارة التربية والتعتــيم:3:
:a046:
نبراس الليل
22-12-09 ||, 05:05 AM
أتعجبت من تلك القرارات التي تصدر في الآونه الأخيرة ...والتي لا تكترث بالحياة الاجتماعية التي نعيشها ..
عندما نستمد القرارات من أبحاث خارجية ...ألا ينظر لحالتهم الإجتماعية وكيف هي ...
إبن لايزور أباه الا في السنة مرة ..رجل لا يعرف إلا عائلته الصغيرة ....ويجهل من هو ابن عمه وابن خاله ...
أنريد أن نصبح مثل تلك المجتمعات والتي تبحث لها عن مخرج من مأزق التفكك الاجتماعي ...
هناك مصلح اجتماعي فرنسي يناشد المصلحين بضرورة غرس القيم الاسلامية الاجتماعية في
المجتمعات الأوروبية كي لاتنتدثر وتحافظ على تمسكها وثقافتها ...
ولكن سننتظر ....مفعول الدواء فيما بعد ..
أعانكم الله
حلم الطفوله
02-04-10 ||, 08:41 PM
السلام عليكم ورحمة الله وبركاته
اعذروني على الغياب :blush:
رمش الغلا ... تسلمين على المرور ...وما زلنا بانتظار عودتك :surrender:
مهابه .... الحين الوقت صار فيه بركه شوي
على الفصل الأول كنا ما نلحق على شيء
بس الدوام اليديد سبب أزمه لأغلب المدرسات وخصوصا في ظل الطلبات والأنشطة المطلوبة على المدسات هالأيام
يطالبونا بمسابقات ومشاريع وأنشطه !!!
كم مره اقترحت عليهم يوظفون مدرسات خاصات بالأنشطة ويفكونا:mad:
بيني وبينج ودامج ما دشيتي التربيه .... افتكيتي من الصدعه:shutup:
شوق القلوب
هيه والله افتكيتي ....بس الاحتياط وراج بالمرصاد بنت عمي:whistling:
خنفروش
شكلك امعاني شراتي .... الله يعينك أستاذي:police:
ولي عوده للبقية:1:
أحلى قلب
03-04-10 ||, 04:37 PM
قالوا جــوالع التدريس قالوا :boxed:
أصلن شي تدريس هوه :fa44:
لي عوده بعد ماأخلص تحضيـــر " للتــدريس " :nerd: !!
وردة روز
03-04-10 ||, 09:08 PM
عندي وايد أشيا ودي أقولها ،،،
لكن يكفي لما جاني الموجه مرة وقالي :
أنت استاذ كمبيوتر ،،، مالك حق تشرح للطلاب ،،، كل شي موجود في المنهاج الإلكتروني ،،، حط ريل على ريل وخلهم روحهم يتعلمون ،،،
قال وردة روز :
المنهاج باللغة الإنجليزية ،،، والطلاب مب فالحين في العربي ،،، تبا طلابي يطلعون من الصف مب فاهمين كوعهم من بوعهم ؟؟؟
قال الموجه :
تعلموا أهلا وسهلا ،،، وإذا ما تعلموا كيفهم ،،،!!!
،،،،،،،،،،،،،
درست ثلاثة أشهر فقط وذلك لحبي لهذه المهنة ،،، كانت أمنيتي وأنا طفل أن أصبح مدرسا لمادة الرياضيات لشدة حبي لعمليات الضرب والقسمة ،،، والهندسة والجبر ،،،
ولكن دارت الأيام وصرت مهندس كمبيوتر ،،، فقلت أجرب هذي المهنة ،،،
حقيقة أقولها ،،، لا يمكن أن أرجع لها مرة أخرى ،،،
فالإدارة المدرسية لا تفقه في فن الإدارة شيئا ،،، وكلما دخلت على المدير أو مساعده (لازم أعلمهم) المنهجية الصحيحة للإدارة ،،، فكل منهم يغني على ليلاه ،،، فالمدير له قرارات ،،، والمساعد ينسخها ،،، وكأننا في سفينة لها ربانان ،،، أما نحن فضائعون تائهون بين القرارات المنسوخة ،،،!!!
المدرسون ،،،
غش ،،، حقد ،،، غيبة ،،، نميمة ،،، كذب ،،، خداع ،،، تلاعب ،،، (مصلحجية) ،،، وحدث ولا حرج ،،،
لم أدخل يوما قط إلى المدرسة ووجدت أحدا منهم صافي النفس والسريرة ،،، كل واحد منهم يحقد على الآخر لأسباب تافهة جدا ،،، كل واحد منهم يُقدم مصلحته على العمل وعلى كل شيء ،،،
(ما يصدقون) لما (يشوفون) مدرس جديد ،،، كل منهم يهم لإلقاء أعماله الإضافية على هذا المدرس الجديد !!!
لا أريد أن أفتح بابا لا يوصد ،،، يكفي ما عانيته في ثلاثة أشهر فقط ،،،
فهي بحق تجربة لن تتكرر ،،،
أظني حلوووم ظفرت بسر جديد اليوم :)
شوق القلوب
03-04-10 ||, 11:29 PM
السلام عليكم...
على طاري مدرس الكمبيوتر... مره بعد جربت ادرس لـ ٣ شهور.. وبدون مختبر حاسوب !!!
المهم.. استويت لهم في المدرسه فني كمبيوترات.. كل حد يطلبني من صوب.. الا الكمبيوتر ما يشتغل...! الا الطابعه خربانه... وووو... من غير شغل الاداره اللي كانوا يفرونه علي...
كانت تجربه .. مرهقه ..!!! و ما حبيتها ابدا !!
طفلة من هذا الزمان
04-04-10 ||, 12:19 AM
أنـــا ييــــت //
كان قــرارا بإستخــارة .. لم أنــدم .. سوى معظـــم الأحيــان .. حين يستبـد بي المــلل من الروتينيـة / حتى مع تجديدي المستمر في طرق الشرح و منهجيات التعليم / مازلت لم أجـد نفسي تمــاما في مجــال .. أجده معظم الأحيان عقيــم ..
القرارات وقتية وتتغير بتغير الوزير أو المدير أو التوجيه ..و أعتقد أنها المهنـة الوحيدة التي مازالت - متخلفة - لا يوجـد لهــا توصيف وظيفي .. (وحده دارسة HR :icecream: ) فالأعباء تتفــاوت من مدرسة لأخرى .. و الحمدلله ناااضلت حتى أجد مكـانا في مدرسة اعدادية - هربــا من تلك الأعباء و النصاب الغير معقـول -
ربمـا لأني جربت العمل الإداري و وجدت فيه نفسي .. كنت مستمتعــــة .. رغم الجهد و الوقت الكبير الذي استهلكته تلك الوظيفة ..
فعــــلا // الوقت لم يعـد يكفي لأي جهـد إضافي في المنزل .. طاقة المعلم و الطالب مستهلكه حتى الرمق الأخير في المدرســة ..
الطـالب /رغم محاولات بث الحماس المتواصلـة / يبدوا متململا متأففا غير عابىء بالدراسة
الإدارات / لا ترحـــم .. تطــالب بأنشطة و فعـاليات وورش عمل وحصص مشاهـده تؤثر في تقييم المعلم النهائي - مما يعني تأثر أي فرصة للمعلم للترشيح كوكيل مدرسة -
عمري الافتراضي في التدريس قرب يخلص - كم مرة قلت هالجملة انا :pullhair: - بس حتى حين .. صـــــــــــ:boxed:ـــــــام ون ،،
أبله طفلــة // والواحات ترى ماتخلي الواحد يحضر :icecream:
وردة روز
04-04-10 ||, 09:53 PM
كانت المدرسة اللي درست فيها تضم المراحل من الصف الأول وحتى الثاني عشر ،،،
وفي مختبرين للحاسوب ،،، الأول متطور وفيه آخر صيحات السوق ،،، (وطبعا استولى عليه حبيبنا المصري) ،،،
والآخر ،،، الجدران فيه متصدعة ،،، والأجهزة قديمة ورديئة ،،، ولا تصلح أبدا للتدريس ،،، والغرفة كانت في الأساس للألعاب !!! وطبعا كان المختبر هذا من نصيبي ،،،
المدرسون ،،،
ما صدقوا أبدا إنهم حصلوا على واحد يعرف اشويه في الكمبيوتر ،،، ومثل ما قالت أختي شوق القلوب ،،، حاولوا بشتى الطرق إنهم يخلوني (كهربجي) عندهم ،،،
لكن هيهات هيهات ،،، طلعت سنين خبرة الإدارة كلها في هذي الحزة ،،، وجوابي كان كالآتي :
1- أنا مهندس شبكات ،،، مالي علاقة بالكمبيوتر .
2- ما عندي سيديات .
3- ما عندي وقت .
4- روحوا للاستاذ محمود (مدرس الحاسوب الآخر) .
ومسكين وهقته ،،، وهو اللي صار (كهربجي) بالنيابة عني ،،،
وفي الحقيقة لم أكتف بذلك ،،، بل صرت (نذل) درجة أولى ،،، وخليته يشتغل (كهربجي) عندي أنا بعد ،،، :m_9afgah:
،،،،،،،،،
وأحب أضيف على نقطة أختنا طفلة ،،،
نصابي كمدرس حاسوب كان 10 حصص في الأسبوع ،،، وبصراحة من كثر وقت الفراغ اللي كان عندي كنت أشوف مسرحيات عادل إمام (شاهد ماشفشي حاقه) و (مدرسة المشاغبين) وغيرهم من المسرحيات ،،، أو أشتغل على التورنت وأنزل أفلام وأيلس أشوف فيهن :4:
ولكن هذا الوقت كان بالنسبة لي الشعرة التي قصمت ظهر البعير ،،، فلم أتمالك نفسي ،،، فقد كنت في عملي السابق مشغولا 24 ساعة ،،، أما هنا فكنت أبحث عن العمل وأبحث عما يُشغل وقتي ،،،
حتى لدرجة أنني كنت (أربع) وراء التلاميذ في المدرسة (ماشي شغل) ،،،!!!
ومرة زلقت :fa34:
حلم الطفوله
04-04-10 ||, 09:54 PM
خيال الحب .... السبب وزارة التربية والتعليم أخوي
عقب يقولون ليش لهنود أكثر من عيال لبلاد ؟
مكروفين عيالنا بالمدارس وما لهم بارض يلعبون بالشوارع
تسلم على المرور أخوي
نبراس الليل
هيه والله يا خوي طارق
الله المستعان
حلم الطفوله
04-04-10 ||, 10:53 PM
أحلى قلب ...
تسلمين عالمرور ...وما ألومج عالتأخير
التحضير ما يخلص :)
وردة روز
يعني طلعت زميل مهنة !!
المشكله يا أخوي إنه قلة التشجيع هو السبب الرئيسي بالإحباط الوظيفي
والإدارة مهمتها كرف اليداد لأنهم طاقات إبداعيه
وأتمنى لك التوفيق في وظيفتك اليديده
شوق القلوب
لو سمحتي كمبيوتري أحيانا تقبضه غصه ويعلق !!! بطرشه عندج تعالجينه
نحن عدنا مدرسة حاسوب بالمدرسه ( الله يستر عليها )
تموتين جدامها ولا تساعدج بشيء
كله ما أعرف ....
بكلم مديرتنا توظفج عدنا شوقاااااااااه ....شو الراي :)
شوق القلوب
04-04-10 ||, 10:59 PM
لا .. حلمااااااااه... اسمحيلي ما اروووووم :redface2:
شوق القلوب
04-04-10 ||, 11:01 PM
ورده روز... ياحظك بالـ ١٠ حصص... اتخيل انا اول مره ادرس و كان نصابي ٢٠ حصه... !!! طلعوا روحي
سبيجة
31-10-10 ||, 12:44 PM
السلام عليكم
أحلى شيء سويته في حياتي ...ما اشتغلت في مجال التدريس:fa34: اسمحولي بس هالمهنه بالذات تبالها طولة بااااااااااااااااااااااال من الخاطر ...
وفيها روتين ما اقدر اتحمله ..على الرغم من اني درست وتخصصت في مجال التدريس ..وجربته 4 شهور فقط..!! وهيه فترة التدريب العملي في الجامعه .. كنت مكتئبه وكل ما انش الصبح احس ما ابا اسير المدرسه :d010:
والحين اشوف المدراسات يغمضون ..ماشي عندهم وقت ابداً حق أي شي .. كل يومهم ضايع في المدرسه والتحضير
لازم يكون في حل الصراحه ... الله يعينكم ..
فركوشه
28-11-10 ||, 09:25 PM
السلام عليكم
صراحتن التدريس وايد حلووووووووووووووووووووووو وووو
خصوصا لما تكون الادارة المدرسية متفاهمه مع المعلمين
تصدقون انا روحي ادور حصص احتياط عشان اقعد مع الطلبه
ماحب اقعد روحي في مكان خالي
.
ونظام 3 فصول صح ان الاجازات تضارب ويا الاهل
بس مب مشكله
اما بخصوص الدوام
ادارة مدرستنا لغت حصة الغداء عشان اغلبية اولياء الامور يبون الطلبه يردون البيت من وقت
ومن ناحيتي وبحكم ان مادتي حاسوب فما اعطيهم واجب اغلبية الواجبات اخلصها وياهم فالحصه
وبخصوص الانشطه اللاصفيه احسبها نشاط وملف انجاز فقط
.
مزن هتان
29-11-10 ||, 01:48 PM
كان حلمي أصير مدرّسة تاريخ =)
بس الحمدلله عـ كل حال
عندي حريم عمامي وحده مدرسة لغة عربيه و الثانيه كانت مدرسة علوم و الحين أمينة مختبرات لـ كذا مدرسه بدبي
و مرت خالي بـ رياض أطفال، ثلاثتهن مستمتعات بالتدريس الحمدلله
عندي خالاتي اثنين تخصص تربيه اسلاميه و وحده جغرافيا ! بس ما درسوا كلش
ناوين نسافر اونه نهاية 12 بعد امتحانات المدارس بس شو اجازة الكليه غير !!
يعني أختي ما بتقدر تسافر معانا، تخسبقنا بنظام الفصول الثلاث !! غير ذلك الله يكون بعون المدرسين
حلم الطفوله
29-11-10 ||, 08:46 PM
ذكرتوووووني بهالموضوع :)
التدريس واااااااااااااااااايد حلو وللحين أقولكم إنه ما أتخيل عمري إلأا مدرسه
بس فيه أشياء تحول هالحماس إلى إحباط
وااااااااايد أنشطه يكلفونا فيها بالمدرسه !! يشغلونا بأكثر من نشاط فيدور راسنا بين التدريس والشغل الاضافي
وأكره شي عندي التأخير ........والله أوصل البيت ويأذن الظهر !!
تأخير الدوام للساعه 2ونص أو ثلاث بحاجه إلى إلغاء وليس إلى إعادة نظر
وبس
الحين مريضه عقب برد أكمل ...
حلم الطفوله
29-11-10 ||, 08:46 PM
ذكرتوووووني بهالموضوع :)
التدريس واااااااااااااااااايد حلو وللحين أقولكم إنه ما أتخيل عمري إلأا مدرسه
بس فيه أشياء تحول هالحماس إلى إحباط
وااااااااايد أنشطه يكلفونا فيها بالمدرسه !! يشغلونا بأكثر من نشاط فيدور راسنا بين التدريس والشغل الاضافي
وأكره شي عندي التأخير ........والله أوصل البيت ويأذن الظهر !!
تأخير الدوام للساعه 2ونص أو ثلاث بحاجه إلى إلغاء وليس إلى إعادة نظر
وبس
الحين مريضه عقب برد أكمل ...