i phone [الأرشيف] - -:: واحات بن دبي ::-

بنت ناس و عرب

06-12-09 ||, 05:36 PM

اللي يفرق ان خذتيه من السوق يكون يا حصري لاتصالات يا يكون لكل الشبكات
بس لو تبين تركبين عليه بطاقه دو مب بتركب لازم تاخذين التلفون من عندهم عشان تحصلين الخدمه الايفون من عندهم
هذا اللي اعرفه .. بس ما زال البلاك بيري احسن كوظايف تلفون من الايفون .. الايفون كلعبه فالايد تخلص البطاريه منها بسرعه .. ( من خلال تجربه )

مــهــابه

06-12-09 ||, 06:16 PM

^
مب حلـو دآم انه البطـآريه تفضي بسرعه ، انا بالنسبه لي البطاريه شي مهم ف التلفون

رمــش الغـــلا

06-12-09 ||, 08:48 PM

انا اللي عايبني في الالعاب لول ..
بعدني اتشاور .. افكر آخذه الحين ..

بنشوف اللي عندهم لو يفيدونا اي شي بخصوصه ^__^

قصايد غلا

07-12-09 ||, 01:07 AM

أنا خذته من أول ما نزل في البلاد السنة اللي طافت أو اللي قبلها "والله ما أذكر متى خذته بالضبط" .. يوم نزلوه 20 حبة تقريبًــا

ما شفت فيه زود .. بس الحلو إن شاشته عودة و كل شي باللمس بس بالنسبة لي هو التلفون الوحيد اللي ما طوّل عندي لأني ما حبيته وايد :mf_leia:

شوق القلوب

07-12-09 ||, 10:19 PM

بنت ناس و عرب...

مب شي جان اتخلص بطاريته بسرعه... اكرهه هالمواقف خصه لو الواحد طالع !

انا بخذه لبطاقه اتصالات.. دو استخدمها للاوقات العصيبه جدا... بس ما بخذه من اتصالات.. سبحان الله يمكن الواحد يحتاجه وقت السفر...

...

مهابه..

صدقج والله ...

...

رمش الغلا...

مب هالكثر عندي وقت للالعاب.. المهم انه يفتح النت ع الوايرلس... ويكون سريع...

...

قصايد..

وااايد حبطيني... كنت ادورلي سبب عشان اختاره.. واخذه بدل البلاك بيري..

الزرعوني

08-12-09 ||, 03:07 PM

اقوووووووووووول

بما ان فتحتي هالموضوع ..

ما بفتح موضوع ثاني و ابا اقتراحاتكم

انا واحد بملج عن قريب ان شاء الله

شو احسن شي للتواصل ؟ مثل ما اتعرفون (او ما سمعت ) بان احلى فترة هي فتره الملجة .. و يكون التواصل طووول الوقت

وانا الصبح فالدوام و المسا في الكلية .. يعني ما بيوحلي ارمسها :(

ففكرت اني اخذ بلاك بيري حقي و حقها .. بس كتيلفون احسه وايد غبي و مب مقتنع فيه لين الحين

او ناخذ ايفون و يكون بينا الماسنجر ..

شو الاسرع ؟ شو الاحلى ؟ و سالفة الصور شو اللي يطرش اسرع ؟

نتريا ملاحظاتكم و اقتراحاتكم :)

مــهــابه

08-12-09 ||, 05:13 PM

^
بـحكم آن آنـت مـآعندك وقـّت ، آشـوف آنه البـلآك بيـري حّـل ، يعني بـتقدر تتـواصل به معـاها اكثـر من الـتلفـون العـآدي

وآذآ آنـت آو هـي " يمكن البنت ماتبى لوول " مب مقـتنعين أمرررره بسـآلفه البـلآك بيري ، عـآدي بالتلفوون العآدي

لكن المسجات اتكون ابينكم وكل ماحصلـت جانس تكلـمهـا

هذآ حّـل ، وخل التواصـل آكثر بـ فتره الويك إنـد اللي تـكون فيهـا مجـاز " اتوقع " وآتـفرغ لهـا

بالنسبه للصـور ، آي تـلفون يطرش صـووره عـآدي ، والسرعه ما احس انها تعتمد ع التلفون كثر ماتعتمد على خدمه MMS

سـآعـآت توصل بثـواااني وسـآعه يـبآلها نص يوم " حسب الاتصالات والشبكه وووو "

تعّـرف لآتستعيل ، شـآورهـآ خلآف خذ اللي هـي وآنت تبـغوونه آحسن جيييه

يعـني آتـفق ويـآهـآ ، خلك ديمقراطي من البدآيه =P

والله يـتمم لـك ع خيـر =)

مناير

08-12-09 ||, 08:59 PM

آي فون 3 جي اليديد روووعه لانه من شهر ونص ختيه شارتنه ومرتاحه معاه

بس انا ما حبيته لانه باللمس عشان جيه ما حسيته عملي...

بالنسبة للبلاك بيري انا حاليا اللي عندي هو اوكي بس استخدام الناس له غببببببيييييييييي

الزرعوني

08-12-09 ||, 11:26 PM

االلي اطريه بسالفه الصور

يعني اطرشه بالبلاك بيري مسنجر

ولا اي فون مسنجر

و الشات بيكون من بينا بالمسنجر مب التكست مسج

قصايد غلا

16-12-09 ||, 12:43 AM

الزرعوني : طبعًــا ماشي أحسن عن البلاك بيري =p

و إذا تشوف البلاك بيري غبي .. خلك على زماااااااان أول و شوف وين الغباء :tounge:

البلاك بيري مسنجر يبا له ثواني و توصلك الصورة ، الكلام يوصلك و أنته تشوف الشخص انه يالس يكتب لك و إنه قرا ردودك و تقدر تطرش له إهدااااء جان بالصوت أو بالصورة أو تسوي برودكاست مسج وكل هذا بــ 200 درهم تقريييييييييبااااااااً

تقدر تتواصل ويا الشخص بدون ما تتهايز إنك تفتح المسجات و تكتب مسج و عقب تكتب الرقم و تطرشه و آخر شي يمكن يوصل و أحيانا تريا لين توصل التكملة مال المسج لوووووووول و إذا ام ام اس توصل المسجات على حسب الشبكة و الخرابيط هذي

التلفون العادي التكلفة أكثر و الخدمات محدودة =P

المزوحي

11-01-10 ||, 10:49 PM

شوق القلوب على شو استقريتي ؟؟؟ :look:

لأني أنا فكرت آخذه من فتره،ومابغي استعيل وعقب اتوهق به !

بس تبين الصدق مب موجود في معارض التليفونات، بس عارضينه وماعندهم استوكات ... :k_puppyeyes:

أحسن عشان نفكر أكثر :4:

طير الغرام

14-01-10 ||, 01:43 AM

http://oasis.bindubai.com/bin/uploaded/1184_01253720525.gif
الآيفــــون استخدامـــه وااايــد حلــو
أحسكــــم طايحيــن فيــه طيحـــه :k_special2:

وشرى ما البلاك بيري فيه بي بي مســن احنــا عندنــا Pmessenger

http://oasis.bindubai.com/bin/uploaded/1184_11263418915.jpg

http://oasis.bindubai.com/bin/uploaded/1184_01263418915.jpg

عني شخصيــاً أفضل الآيفــون ومرتاحتلــه وااايـــد وأعـرف نـاس حــولوا من البلاك بيري لـ الآيفــون شو معناتـه !

برامـج ازياده وألعـاب وبعد برنامج محادثه اللهم النــت limited
والجــرج يعتمـد ع استخدامكــم !

والقــرار فـ الأخيـــر راجــع لـــكم =)

http://oasis.bindubai.com/bin/uploaded/1184_11253720525.gif

المزوحي

14-01-10 ||, 03:04 PM

طير الغرام، المشكلة مايتحصل بسهوله، بس هل له وكيل، لأنه سمعت واحد يقول، لو اخترب خلاص، صعب إنه يتصلح

مادري مدى صحة هالكلام، أو إنه يبالغ !

طير الغرام

17-01-10 ||, 12:20 AM

^

ما أعرف والله ،، لني ما مريت بـ هالمشكلـه !
بس بعد ماظنتي ،، أكيـد بيكـون في حـل ^_^

مزن هتان

17-01-10 ||, 07:56 AM

أخوي المزوحي جان عندك أحد يداوم بالمطار
تراه موجود و بسعر حلو "خصم الموظفين"

أختي اليوم بتكنسل خدمة الـ بي بي و بتحول على الـ اي فون =)

المزوحي

17-01-10 ||, 04:17 PM

طير الغرام الله يعينا

مزن هتان ... اتصالات شكلهم محتكرين الآي فون، أونه مع بكج، وتاخذين بطاقة من عندهم

طير الغرام

17-01-10 ||, 11:57 PM

أنا أجوف تاخذونه من برع أحسن
ما اتعرفون بعد اتصالات ع شو ناويـه ،، عادي تنقع الفاتوره P=

المزوحي

18-01-10 ||, 01:28 PM

طير الغرام، اتصالات يسون عرض وسعر الجهاز أرخص، وتتوهقين في الفاتورة بعدين + إنه برع مب موجود في كل محلات

الموبايلات .

على العموم، خلنا نشوف الضجه على الجهاز مثل البلاك بيري ، ونقرر خلاف ناخذه وإلا لا

مزن هتان

19-01-10 ||, 08:16 AM

محتاره اخذه و الا لأ =S
البارحه طقت براسي الفكره، أنا عندي البي بي و مش مفكره اكنسل الخدمه
بس من فتره ابي مبايل يديد عايبني السوني و الحين حبيت الـ اي فون
حرام اخذهم اثنينهم "تبذير"

المزوحي

19-01-10 ||, 01:18 PM

إما اتمين على البلاك بيري، أو تكنسلينه وتاخذين الآي فون ...

مزن هتان

20-01-10 ||, 01:02 PM

حاليا مش مفكره اكنسل البي بي
صرت اتواصل مع عمي يوميا حتى لو ما يجيينا صرت اعرف
وينه راقد و الا قاعد يعني اتطمن عليه
و خالاتي زادت علاقتي فيهم

والله محتاره محتاجه مبايل ثاني و مش عارفه ايش اخذ
شكلي بتوكل على الله و باخذ الـ اي فون

المزوحي

23-03-10 ||, 08:39 PM

مزن خذتي آي فون وإلا لا ؟؟

أنا سرت اليوم كذا مكان ماحصلته، مخلص ، وآخر شي لقيت واحد لونه أبيض و

32 GB عند فيرجن ميجا ستور - لون أبيض :fa55: ماحبيته

وردة روز

23-03-10 ||, 09:39 PM

بينزل آي فون يديد على شهر 7 في أمريكا ،،،

فرفوش

23-03-10 ||, 09:49 PM

مرحبا ^_^ - أول ما نزل البلاك بيري في البلاد ومن كثر ما أشوفه ومتابع هناك مدمنين عليه قلت يا فرفوش خلنا أنجربه ليش هو حلال لهم وحرام عليه - نبا أنشوف ألي جاذبنهم - وأستخدمته وفي نفس اليوم رجعته وصراحه ما عيبني البلاك بيري - وخاصة يوم نزل الأي فون من ناحية الشكل والأناقة ومريح عجبني كثيرا وقلت في نفسي هذا هو التلفون المناسب لي - بس بعد فيه سلبيات وإيجابيات سواء بالأي فون أو البلاك بيري - لأن ألي بيستخدم الأي فون لازم يكون دفيع للأتصالات - فنت الأي فون يشرب شرب غير عن البلاك بيري - ونصيحتي من اخوكم قبل ما حد يشتري الأي فون - عليه قبل يتصل للاتصالات ويسألهم كيف يحسبون الفاتورة للأي فون - بس بعد عندي الأي فون الأجمل والمريح وبعدني معاه - ^_^ الله يحفظ أي فوني من الضياع

المزوحي

23-03-10 ||, 10:56 PM

فرفوش تراك تقول يشرب شرب !! أنا سمعت وقريت في النت وايدين يشتكون من ناحية الفاتوره وخاصة عندنا نحن في الامارات

يوم قلت حق ربيعي، قال : مرات الجهاز يشبك والهخرابيط، عاد انا ما فهمت عدل

أمطار

24-03-10 ||, 02:21 AM

3G
اسألوا كيف يحسبون فاتورتها~
لأنه قبل كنت دوم شابكـة الـ 3G بعدين يوم سألت ليش الفاتورة تطلع خياليه!
قالت ليـه وحده أنه إذا كنت شابكة الـ 3G المكالمات تكون تكلفتها أعلى يعني تنحسب كأنها مكالمات فيديو . . .
لكن ما سألت وايد في الموضوع .. سيده حوّلت على du
والحمدلله فاتورتيــه بردت .. ما تتعدى الـ 400 حتى في شي من الشهور كانت 57 ههههههه

فكـّرت وايد آخــذ الـ أي فون .. بس كل مرة أغير رايي~
والسبب الرئيسي.. التتش سكرين .. موول ماداااني اجهزة التتش سكرين.. أحسهم مش عمليات
تعوّدت على استخدام البلاك بيري.. حتى بعد ما رجعت للـسوني أركسون .. كرهته
ما عرف اكتب رسايل شرات قبل. . .

وردة روز

24-03-10 ||, 02:00 PM

المزوحي ،،،

المشكلة فعلا كانت موجوده في هواتف الآي فون ،،، خصوصا في الإصدارات الأولية ،،،

كان الهاتف يتصل بخدمة الإنترنت ولا يقدر على غلقها تلقائيا في حالة عدم الاستخدام ،،، ولذلك كانت الفاتورة تصك ،،،

أعتقد المشكلة انحلت ،،، خصوصا بعد ما نزلت اتصالات باكيج الآي فون ،،،

أما الآي فون الunlock فمب متأكد منه ،،،

مايهزك ريح

24-03-10 ||, 02:12 PM

لا عادي تقدر تبرمجه عشان ما يشبك.....على النت .. وما تنقصب من الفاتوره
عند الرضيعه واحد ماخذتنه من امريكا .. في الصيف

وصح بينزل 4G اليديد في الصيف ..

المزوحي

24-03-10 ||, 02:20 PM

امطار حتى انا ماحب الاجهزة اللي تكون تش، تقريبا كل الشركات منزله من هالموديل مب بس الآي فون !

وعلى طاري المسج، انا يوم تعودت على سوني اريكسون ، احس ماعرف حق النوكيا ، لأني بغيت آخذ آي فون ونوكيا E52

وردة روز ، الله يعينهم الضحايا

مايهزك ريح ، الواحد من بيشتري شي أو عنده ينزلون شي غيره ... بس أكيد الاسعار في امريكا أرخص !

طير الحب

24-03-10 ||, 02:21 PM

عيبني الاي فون 4G بس ما نزل ابا اخذه لبوعبادي هدية ااذا نزل خبروني

مايهزك ريح

24-03-10 ||, 02:36 PM

مرحبا مروان ..
هذا اللي ملوع جبدي ما ايواحي ينزل موبايل إلا وينزلون الأيدد .. !!!!!!!!!!!!
وانا من النوع اللي مالي بارض كل يوم اغير .. وكل يوم اتعلم على واحد يديد !

المزوحي

24-03-10 ||, 02:46 PM

مايهزك ريح انا من النوع اللي ما اهتم وااايد ومايهمني كلام الناس، لانه يوم خذت سوني اريكسون، عقب نزلوا 3 ، 4 موديلات

مب مشكله باخذه، بس مافيه مواصفات ثانيه ، ومرات ماعيبني من الأساس ، من حيث الدقم تكون صغيره مثلا أو اللون يختلف أو يزيدون سعة الكاميرا

فما يهمني أبدل ونفس الشي بالنسبه لأي شركة ثانيه ...

مايهزك ريح

24-03-10 ||, 03:22 PM

^
انا وانته نفس التفكير .. ^_^!!

المزوحي

24-03-10 ||, 03:25 PM

^_^ ...

مزن هتان

24-03-10 ||, 04:21 PM

ما خذته للحين ..
ما عرفنا حد يقولي خذي و حد يقول لأ ؟
انزين انا لو خذته ما بسوي الخدمه مالته

و شرات ما قالت أم عبدالله اكو الـ 4 جي راح ينزل كمان، يا الهي لوعوا بجبودنا

المزوحي

24-03-10 ||, 08:27 PM

سواء اشتريناه أو لا - بينزلون غيره ! خذي لج الكاتل

http://kyamobilehai.com/images/alcatel-hc800-1.png

فرفوش

25-03-10 ||, 09:54 AM

المزوحي ذكرتني بايام الكاتل بس بصراحه أحسن تلفون هو تلفون بجنطه جوال

حصان طروادة

25-03-10 ||, 09:39 PM

اللي يبا الآي فون أفضل شي يسويه أنه يتريا

الإعلان عن الآي فون اليديد بيكون في شهر 6 وبينزل في شهر 7 في أمريكا

أظن إن اتصالات بتنزله على شهر 9 أو 10

شوق القلوب

26-03-10 ||, 11:35 PM

اووووف... شهر ١٠..! وااايد..!!

..

بس للحين محد قالي.. شو احسن اشغل عليه بطاقه الاتصالات ولا دو...!!!

وردة روز

26-03-10 ||, 11:51 PM

شوق ،،،

يعتمد من وين بتاخذين التليفون ،،،

باكيج دو أرخص من الاتصالات ،،،

لكن إن خذتيه من السوق فسعره بيكون تقريبا : 3200 درهم ،،،

وإن شغلتي بطاقة اتصالات لازم تشتركين في خدمة الواب 190 درهم شهريا وما يتعدى 2 جي بي ،،،

بالنسبة لي ،،، أفضل الباكيج لأن الحسبة السنوية تطلع أرخص .

دو حاليا ما عندهم التليفون ،،، لازم تحجزينه

شوفي الأنسب :)

شوق القلوب

27-03-10 ||, 12:11 AM

مممم...

من الكلام اللي اسمعه انه اشتراك دو احسن... بس بعد ما احب استخدم بطاقتهم... !!

و اتصالات.. يقولون انهم وايد يدخلون في settings....

..

بس اتوقع عادي لو خذت الموبايل من اكسيوم و حطيت فيه اي بطاقه..!!

وردة روز

27-03-10 ||, 12:15 AM

ما أدري إذا أكسيوم عندهم أو لأ ،،،

بصراحة أكسيوم حطيت عليه إكس ،،، وما قمت أشتري منه شي ،،،

أغلب الألكترونيات آخذها من شرف دي جي ،،، وعندهم iphone unlocked ،،، تقدرين تحطين فيه أي بطاقة هاتفية ،،،

شوفي إذا بتحصلينه من برع (أمريكا) ،،، سعره في الغالب أرخص من الموجود هنه ،،، وشرط يكون unlocked

شوق القلوب

27-03-10 ||, 12:22 AM

شو سالفه الـunlocked

وردة روز

27-03-10 ||, 12:26 AM

unlocked يعني التليفون تقدرين تستخدمين عليه أي بطاقة هاتفية سواء دو أو اتصالات ،،، أو حتى في الدول الثانية ،،،

العادة تليفونات الiphone والبلاك بيري اتيي locked فما تقدرين تستخدمين إلا البطاقة الخاصة من شركة الاتصالات اللي تبيع الجهاز ،،،

شرات ما تقولين حماية الملكية ،،،

فالآي فون المشراي من الاتصالات ما راح يشتغل إلا ببطاقة اتصالات ،،، وأعتقد دو تبيع أجهزة unlocked لأنهم ماعندهم عقد مع شركة آبل

اتمنى يكون الشرح واضح ،،،

شوق القلوب

27-03-10 ||, 12:30 AM

هي كنت عارفه هالشي... بس ع بالي تتكلم عن شي ثاني...

المهم.. يعني لو طلبته ع النت بيشتغل فيه العربي عادي ..!!!

وردة روز

27-03-10 ||, 12:34 AM

لأ ،،، لازم تحملين عليه برنامج اللغة العربية ،،،

جيكت في الأمازون ،،، شفت سعره اشوي مرتفع

http://www.amazon.com/Apple-iPhone-3Gs-16GB-Unlocked/dp/B002N7JP9A/ref=sr_1_1?ie=UTF8&s=electronics&qid=1269634613&sr=8-1

هذا السعر بدون التاكس والشحن !!!

ما أدري إذا مواقع ثانية تبيعه برخص ،،،

لكن انتبهي ،،، مب تشترين جهاز مضروب وباجر تتوهقين به !!!

شوق القلوب

27-03-10 ||, 12:41 AM

عيل اكرملي اخذه من هنيه... !

وردة روز

27-03-10 ||, 12:44 AM

يعتمد ،،، إذا ما عندج خبرة تشترين من برع فأبرك لج من هنه ،،،

بالنسبة لي صارت لي تقريبا 7 سنوات أطلب من برع ،،، فماعندي أي مشكلة ،،،

شوفي هاي الوصلة :

http://cgi.ebay.co.uk/Unlocked-Apple-I-Phone-32gb-3gs_W0QQitemZ300408813667QQcmdZViewItemQQptZUK_Mob ilePhones_MobilePhones?hash=item45f1c2b863

شوق القلوب

27-03-10 ||, 12:49 AM

تسلم و ما قصرت... تعبتك وياي.. :)

وردة روز

27-03-10 ||, 12:51 AM

نحن في الخدمة ،،،

حلم الطفوله

27-03-10 ||, 01:00 AM

هيه وردة روز دوم بالخدمه وما بيقصر ويانا

شو خانتهم عيال الواحات إذا ما ساعدونا :)

وردة روز

27-03-10 ||, 01:02 AM

كل شي بحسابه :)

حلم الطفوله

27-03-10 ||, 01:07 AM

شواقه ... الله يعين على مذلة بعض الناس بس !!!

وردة روز

27-03-10 ||, 01:08 AM

وحده بوحده :)

صرنا متعادلين

حلم الطفوله

27-03-10 ||, 01:13 AM

هههه

والله إنك ما تنسى حقك يا وردةروز !!!

بس ها حساب شوق مب احسابي

يعني لا زلنا 1-0

وردة روز

27-03-10 ||, 01:16 AM

شوق ما عليها حساب ،،،

الحساب عليج إذا تبين أي خدمة :)

قلوب دبي

27-03-10 ||, 02:42 PM

ألسلام عليكم

يا مرحبا الساع بشوق القلوب والحضور ..

ماشاء الله الردود وايد وما لحقت اقراهن كلهن..
انا استخدم الاثنين بلاك بيري والاي فون ..

الصراحه البلاك بيري بالنسبه لي وايد مهم و ذلك عشان الايميلات وخاصه وانا امسافر يفيدني وايد ..

اما الاي فون الصراحه ما عليه كلااااام جهاز فيه تقنيات حلوه وبرامج غاويه وحتى فيه الايميلات والشغلات ..
افضل اتصفح الانترنت والفيس بوك من الايفون ..

توكلي على الله وخذيه من شركة دو ،، وقولي لهم انه عدنج بطاقه دو فمايحتاي تشترين بطاقه يديده وانما هم بيفعلون لج البطاقه اللي عندج مال دوو وبنفس الرقم وبالخدمه المجانيه لمده سنه اعتقد 1 جي بي

اللون الابيض وايد احلى ..

قبل لو لحقتي على الدفعات الاولى من الاي فون 3 جي اس بيكون احسن لانه بتقدرين اتنزلين برنامج جيل بريك واللي يسهل تنزيل البرامج مجانا ..
بس ما عليه وحتى لو اشتريتي البرامج تراها مب غايه ..

ذنـيـنـي

27-03-10 ||, 03:06 PM

اليوم قالولي عن فرع دو عندهم كمن اي فون محد خذاهن
فرع مطار الشارجه, اليوم العصر باذن الله بسير اجيك عندهم و لو حصلته باخذه على طول

قلوب دبي

27-03-10 ||, 03:16 PM

ذنيني :
مساك الله بالخير ..
ان ما حصلت في الفرع اللي تطريه ..
مر على فرع مركز جميرا ،، بتحصل عندهم ..

انا كنت الضحى ساير ادفع الفاتوره ولقيت عندهم كميه ..

المزوحي

27-03-10 ||, 04:29 PM

مرحبا

قلوب دبي انا حصلت لون ابيض وماخذته ، شكلي آخر شي باخذ بس الآي بد تش مب الآي فون ، ترى يشتغل عليه النت ولو إنه مافيه كاميرا !

شوق القلوب

27-03-10 ||, 11:35 PM

السلام عليكم..

تسلم يا قلوووووووب على هالمعلومات .. شجعتني..

بس ما احب استخدم بطاقه دو...! ولو انه نفس الرقم...

يعني جي بضطر اخليه تلفوني الثاني.. مب الاساسي..

المزوحي

27-03-10 ||, 11:42 PM

انا مثلج شوق، رقمي مال دو مغلق ، وكنت ابغي جهاز ثاني ( يديد ) حقه ، ولو إني ما استخدمه

مايهزك ريح

28-03-10 ||, 10:32 AM

اللي في البيت عندي ككلهم محولين آي فون .. وانا خارج منطقه التغطيه !!!!!!!
بس يوم استخدمته ويا الرضيعه عيبني .. هيه مشتركه ويا دو .. وانا عندي بطاقه اتصالات ..
يوم سألت عنه في اتصالات قالوا لي البارحه انه مخلص عندهم .. بمر الأسبوع الياي لأنه بيييبون منه واقدر آخذه بدون البطاقه من عندهم .. لأني اصلا عندي بطاقه !!

جيه بنكون في البيت 2 اتصالات وواحد دو .. وبنشوف الفرق في الفواتير ^_^!!

المزوحي

28-03-10 ||, 03:05 PM

مايهزك ريح ، الرضيعه خذته من اتصالات ، كانوا مسوين اوفر حق الموظفين وهي وصت ربيعتها تاخذه من عندهم

ذنـيـنـي

28-03-10 ||, 06:12 PM

مايهزك ريح

28-03-10 ||, 08:11 PM

^
ناصر انا اصلا فاتورة تليفون ما تتعدى الـ 200 يا ترى اذا حولت لدو كم بتوصل << ابا اقهرك خخخخخخخخخ

المزوحي

28-03-10 ||, 09:49 PM

بخصوص الآي فون قريت شي عنه وهو Jailbreak أظن تقدر تنزل عليه برامج ، بس بما إنه الموضوع بخصوص الآي فون بنتكلم عن وايد أمور تتعلق به

المزوحي

28-03-10 ||, 10:27 PM

http://itunes.apple.com/us/app/imdb-movies-tv/id342792525?mt=8

IMDb برنامج لموقع الأفلام العالمي

IMDb هي أختصار لكلمه Internet Movie Database ، طبعا الموقع شهير جدا ومعروف حول العالم لمتابعي الأفلام والمسلسلات.

الموقع أصدر له برنامج خاص له على الآيفون ، البرنامج مميز جدا في سهولة التعامل معه ، والأميز من ذلك البرنامج مجاني وموجود على متجر البرامج.

فالبرنامج المميز يختصر الكثير من الوقت للوصول إلى أحدث الأفلام عبر الـ BoxOffice .

بعض الصور للبرنامج :

http://www.apple-wd.com/wp-content/uploads/2010/03/mzl.dkqqvyhk.320x480-75.jpg

العجيبة

29-03-10 ||, 01:53 PM

اتصالات, للنصب دلالات

الحمدلله من حولت الى دو,,
نزلت الفاتوره من ٧٠٠-٩٠٠ الى مبلغ ما يتجاوز ٢٠٠ درهم شهريا !!!

خذته البارحه و مستانس عليه بصراحه, كل شوي ادش انزل برنامج يديد
خذته منه دو و بيعطوني ٢ جيجا مجانا كل شهر لمدة سنه كامله

طبعا من قبل انا عندي باقة الاشتراك المميز البرونزية

مع تحيات ناصر يكره اتصالات

خيييييبه حتى انا اكره اتصالات!

من اتصالات اونه العرض السخيف مالهم ، ست شهور مجانا وكل شهر 250 ميجابايت !!!!!

احس بالمقصة :/ مع اني حتى الـ250 ما اخلصهن بس قهر !!!

طير الغرام

29-03-10 ||, 10:37 PM

http://oasis.bindubai.com/bin/uploaded/1184_11253720525.gif (http://oasis.bindubai.com/bin/uploaded/1184_11253720525.gif)

الآيفــون استخدامــه غيــــر ،، البـرامــج هي الي اتميــزه :thumbup1:

:

وبخصوص الجيلبريكـ عن طريقـه اتنزلون كل البرامج اللي تبونهـا وفري وفوق هذا فـيه مميزات هب موجوده فـ الابل
مادري ليش ابل جيه يسوون ! :surrender:
شرات الثيمـات سواء فـ خلفية الفون كامله مع الآيكونز أو ثيمات المسجـات وإضافات ثانيـه
بس القهر حالياً الدفعـه اليديده البوت روم مالها ماينفلعه الجيلبريك وحتى لو سويتوا له جيلبريك كل مايفضي الفون
لازم اتردون تشبكونه بالآيتونز واتعيدون خطوات الجيلبريك ولا بيتم امعلق ع علامة اليو اس بي
الحل الوحيد حق هـ الفئه واللي يبون الجيلبريك انهم يحاولون قد مايقدرون الفون مايوصل للمرحله اللي يفضي فيها يعني ستاند باي دوم ! :fa45:

وفي حل ثاني للي يبون الجيلبريك انكم اتدورون فونات من الدفعه الجديمه اللي يستويلها جيلبريك
وبتعرفونهم من السيريال نمبر مالهم رابع وخامس رقم لازم يكونون تحت الـ 41 وفوق هالرقم يعتبرون من الدفعه اليديده:

وبعد في مشكلة ثانيه ضد الجيلبريك وأنا اتوهقت فيها بالغلط الأبديت اليديد وبالذات لـ 3gs اللي هو 3.1.3 لين الحينه ما اعتمدوله جيلبريك !
غميضه الثيمات والبرامج اللي مابحصلها فـ الاب ستور ! :fa36:

:

وبخصوص الإتصالات والنصب مالهم لين الحينه ما اتعديت اللمت وأوريدي أنا ماجربت آخذه من عندهم
خذته من برع قبل لا ينزل عندهم :yes:

وللي مايبون يشتركون ف النت وطبعاً هذا اذا ماكان فيه اشتراك مجاني لفتره معينه
لازم ينزلون برنامج يسوي lock للنت إنه مايسمح للفون بأنه يشبك ع النت ولا بينشفط الرصيد أو الفاتوره تنقع
وهالشي مايشمل الوايرلس بيكون عادي شغال ،، أعرف ناس كرهوا الآيفون من هالشي ماينلامون ماكانوا يعرفون :fa52:

http://oasis.bindubai.com/bin/uploaded/1184_11253720525.gif (http://oasis.bindubai.com/bin/uploaded/1184_11253720525.gif)

المزوحي

29-03-10 ||, 11:10 PM

يحتاي يا طير الغرام ، نسأل ونجاوب هنيه وعقب ناخذ الآي فون ، يعني على الجيل الخامس لوووول

في وايد شغلات نجهلها ...

طير الغرام

29-03-10 ||, 11:19 PM

^

لازم تقتنــع بـه قبل لا تاخـذه ،، هـب لنه شخـص مدحلكـ اياه بيعيبكـ !

المزوحي

01-04-10 ||, 08:28 PM

أكيد طير الغرام ، ماتشوفيني للحين ماخذته ^_^

المزوحي

01-04-10 ||, 09:07 PM

بدأت أبل بالإستعداد لصدور الآيباد حيث صدر بالأمس تحديثين مهمين للنظام ، أول تحديث يختص بالبرنامج الأهم iTunes الذي تم تحديثه إلى الإصدارة 9.1 و التي ستجهز لدعم الآيباد.

المزوحي

01-04-10 ||, 09:11 PM

تويتر أجمل مع برنامج Clique

برنامج Clique واحد من أروع برامج تويتر على الآيفون من حيث التصميم أحببته من الوهله الاولى لتصميمه الرائعاضف الى ذلك سهولته وسرعته.

لكن مع الاسف الشديد لايدعم اللغة العربية فالحروف تظهر متداخلة وقد راسلت الشركة لحل المشكلة.

هذا حساب الشركة على تويتر لمن أراد مراسلتهم.

المزوحي

09-04-10 ||, 03:23 PM

حصلت آي فون 16 جي بي وسعره 2999 حجزته لكن هو آي فون انلوك .. ربيعي قال لا لا تاخذه ماينفع انلوك !

إما آخذه من اتصالات أو دو

وردة روز

09-04-10 ||, 06:50 PM

أخوي حتى اللي في دو آن لوك ،،،

عيبه الوحيد إنك ما تقدر تشبك بالآي تيون ،،، ولازم تشترك بخدمة الواب عشان الإنترنت ،،، وبصراحة غالية اشوي ،،،

أما الأبليكيشن فمتوفرة في كل مكان ،،،

مايهزك ريح

11-04-10 ||, 11:07 AM

انا اشتريته من كشك مجابل باريشكا في مول الإمارات .. بـ2800 وهو Unlocked وعليه ضمان سنه من اكسيوم تيليكوم ..
منو قال انا اشبك بدون ما احتاج لإتصالات .. يشبك بالواي فاي + الأي تيون لازم ايكون عندك اكاونت يعني اتحط الكريديت كارد مالتك ..
عشان تقدر اتنزل اغاني أو تشتري بطاقه اي اتيون موجوده في امريكا ..بس
مثل بطاقات تعبئه واصل .. نفس الفكره يعني ..

ومبروك مقدما يا مروان .. بصراحه وايد فنان هالموبايل ..

المزوحي

13-04-10 ||, 11:40 PM

الله يبارك فيك

مبروك مايهزك ريح ، وانا خذته بعد اليوم

بس هااا الحين بنبتدي نسأل أسأله :)

http://oasis.bindubai.com/bin/uploaded/33364bc4c8339b83c.jpg

http://oasis.bindubai.com/bin/uploaded/33364bc4c833c5c18.jpg

http://oasis.bindubai.com/bin/uploaded/33364bc4c833ea216.jpg

http://oasis.bindubai.com/bin/uploaded/33364bc4c8972fbb3.jpg

مــهــابه

14-04-10 ||, 11:46 AM

^
مـبروووك

آنـآ اللي مـآ آحبه ف الآي فـون سـآلفه الخط الثـآني ، يعني لـو آنـتو تـرمسون حد ، والله رزقـكم خوات حشره شرات لي عندي يدقون 10 طعشر مره لو مارديـت عليهم تـحسوون بإحـراج شوي

يعني حـآولت آني اخلي صوت الخط الثاني مب مسموع لكن ماشي فـآيده

لكنه ككـل ، حـلووو ، وآهم شي الآلعـآب =P

المزوحي

14-04-10 ||, 03:35 PM

شكرا مهابه ، الله يبارك فيج

دمعة شوق

14-04-10 ||, 08:00 PM

^
مبـروك يـ المزوحـي ، وتتهنى فيـه
آنا ناويه آن شآءالله آخذه هـديه
وآذا نويت آبدل فوني آكـيد بآخذ الآي فون
^^
~

بالبـركـه خيوو

المزوحي

14-04-10 ||, 08:13 PM

الله يبارك فيج اختي دمعة شوق ، وإن شاء الله تاخذين آي فون ونفيد ونستفيد ^_^

محد يستاهل

15-04-10 ||, 12:43 AM

صراحه ما جفت نصب شرات الاتصالات الليه اذا ما اشتركنا فالباقات اللي عندهم
معناتها
ما أقدر اتصل أي مكان او اطرش مسج إلا أن يكون رصيدي ما يقل عن ٤٠ والا خل الاي فون بس يستقبل
عكس دو مب مقصرة صراحة الاشتراك شهري بس ٤٩ درهم

مايهزك ريح

15-04-10 ||, 01:08 PM

الله يبارك فيك ..يا مروان .. انا وانته مطقمين .. ماخذين اسود ^_^

المزوحي

15-04-10 ||, 03:18 PM

هيه ، لانه اللي حصلته اول مره ابيض في فيرجن ميجا ستور، وعقب حصلت اسود لكن جيمته 3000 درهم عن شرف دي

جي ، عقب الدوام نزلوا عندنا ماعيبني العرض وبالصدفه امس شفته في اكسيوم قلت خلني آخذه

مايهزك ريح

18-04-10 ||, 09:43 AM

انتبه لشي ..
ادخل الـ setting
mail ,contact,calendar
حط الـ fetch new data off للـ email ولا بيشفط من رصيدك ..

وادخل على الـ setting
WI-FI
واختار ask to join network ... ON
عشان ما يشبك اتصالات واتخسر بيزاتك ..

وادخل setting ..
general ..
Data roaming .. خله OFF

ولا البطاقه بتسحب سحاب .. وبيشتغل عداد اتصلات ^_^!!

لا تنسى اتسويهن خطوه بخطوه ..

شوق القلوب

18-04-10 ||, 01:34 PM

تسلم يا مايد.. لاني اذكر مره قاريه عن هالخطوات في مكان عشان فاتوره الاتصالات ما تسحب ...

..

الحين اذا اشتريت الايفون unlock و حطيت عليه بطاقه الاتصالات.. بتشتغل عادي .. صح ؟

مايهزك ريح

18-04-10 ||, 01:49 PM

هيه .. انا اشتريته من كشك في مول الإمارات .. وحطيت بطاقة اتصالات .. واشتغل ^_^

شوق القلوب

18-04-10 ||, 01:54 PM

وكم ياخذون الاتصالات شهريا .. ؟

مايهزك ريح

18-04-10 ||, 02:16 PM

اذا كنتي ماخذتنه من عندهم .. يدفعونج على حسب الباقه اللي مشتركه فيها ..
اما اذا من برا عادي سعر المكالمه العاديه إلا اذا شبكتي بالنت بدون واي فاي فيسحب من الرصيد .. ما اعرف كم !

مزن هتان

18-04-10 ||, 02:17 PM

مايد انت خذته ابـ 2800 !
المزوحي على جم خذته انته ؟
ابي أعرف سعره بالضبط ؟ من كل حد اسمع شي !

انا خذته حق اختي 3GS ابـ 3600، كيف جذه "خذته اول ما نزل، يعني قبل"
هل هو على حسب المكان اللي أخذ منه و الا أنا مقصّه =) و الا سعره نزل ؟

مايهزك ريح

18-04-10 ||, 02:37 PM

سعره نزل عن قبل .. بس انا ماخذ الـ 3GS 16 GB لأنه في واحد ثاني .. 3GS 32 GB هذاك اعتقد اشويه اغلى !

انا خذته من الكشك اللي مجابل باريشكا وعليه ضمان اكسيوم ... من مول الإمارات .. وسعره 2800 درهم ..
الرضيعه حصلته في مركز العين اللي في شارع الكمبيوترات في بردبي ارخص بخمسين درهم بس ! يعني 2750 .. !

مزن هتان

18-04-10 ||, 03:50 PM

يروح عن بالي فرق السعر بـ حجم الجيجا
اللي عدها 32 GB

المزوحي

18-04-10 ||, 07:44 PM

مايهزك ريح عيل هذا اللي يظهر حرف الــ E شو بعد ؟

الخطوات سويتها

fetch new data of كان على push اما Data roaming من قبل off

ومشكور

مزن هتان انا خذته من اكسيوم 2459 3GS 16 GB

العجيبة

18-04-10 ||, 08:30 PM

انا ماخذتنه شهر 2 اظن 32G بـ 2799

فأتوقع قصوا عليكم ...

مــهــابه

18-04-10 ||, 08:36 PM

^
لـي عندي 32G ، بس مـاوصل ال 3000 أبـد ، 2700 وشوي جيه أو اقل بعـد مـآ آدري

مـزن :

قصـوا عـليج =P

شوق القلوب

18-04-10 ||, 09:25 PM

حبطتوا البنيه !!

اكييييد بيكون سعره اغلى دامها ماخذتنه اول ما نزل !!

مايهزك ريح

19-04-10 ||, 09:47 AM

الـ E معناته يشبك اتصالات .. فلا اتخليه يشبك اتصالات ..
لازم يوم ايكون ايكون الـ Wi-Fi
هذا

http://images.apple.com/hk/en/timecapsule/images/wireless_wirelessicon_20080115.png

مزن هتان

19-04-10 ||, 10:18 AM

صج اني مقصه =)
دفعت بلاء

صح كلام شوق اصلا أنا ماخذتنه اول ما نزل السوق "اوني برقع الموضوع"

خيال الحب

19-04-10 ||, 12:18 PM

لاتشترون من اتصالات حراميه

والله يقهرون هالاتصالات@_@

عليكم بدووووووووووووووووووووو

المزوحي

19-04-10 ||, 03:06 PM

مايهزك ريح تظهر لي هالعلامه ، واير لس واحيانا E

خيال الحب انا قالوا لي يستوي تركب بطاقتين ، بس للحين ماجربت اتصالات ، حطيت بطاقة دو

مــهــابه

19-04-10 ||, 09:00 PM

^
عـآدي تشتغل آبطـآقه " اتصالات " عليه لي من دو
وفي آشتراك شهـري من اتصـالات كذا اخـتيــار بكذا سعــر

قلوب دبي

19-04-10 ||, 10:34 PM

:k_shock_1: ثرهم قصوا عليه انا بعد .. ههههه

شريته 3400

:alien:

مايهزك ريح

20-04-10 ||, 11:25 AM

مروان .. اذا طلعلك E بنده على طول .. لأنه يصرف .. انتبه يوم اتشغل الإيميل انه على وايرلس .. اذا جلبه E على طول صكه لأنه بيشفط من رصيدك .. !!!!

بوغنيم .. وال قصوا عليك .. بـ 3400 !

المزوحي

20-04-10 ||, 03:00 PM

مايهزك ريح دوم يطلع لي E يحول روحه

المزوحي

05-06-10 ||, 01:40 PM

اي فون 4 جي اس بينزل جريب

مناير

05-06-10 ||, 03:00 PM

المزوحي: آي فون اليديد نزل في قطر..... انقهرت دووم اول ما ينزل ف الامارات هالمره قالو في قطر
عندي آي فون 3 جي نايس بس يبيله حد يتعبل فيه وايد

ذنـيـنـي

06-06-10 ||, 12:28 AM

http://www.apple.com/iphone/

معقولة يكون نزل في قطر قبل ما ينزل فالموقع الرسمي :p

صريح

06-06-10 ||, 09:12 AM

من مدة كنت اقرى جريدة الـ Daily Mail
و كانو كاتبين انه في شهر ستة بيكون الاعلان الرسمي عنه

صريح

06-06-10 ||, 09:21 AM

هذا الخبر من الجريدة

Iphone 4G (http://www.dailymail.co.uk/sciencetech/article-1269764/Apple-iPhone-4G-sale-early-June.html)

و اللي ياكد هالشي عرض اتصالات الاخير على الـ Iphone

عرض مدهشiphone ـ إيجار شهرين مجاناً
إلغاء ايجار أول شهرين لأي باقة من باقات iphone بنظام الفاتورة الشهرية.

يسري العرض لمدة محدودة.

المزايا
· ستوفر قيمة ايجار أول شهرين لباقة iphone

· ستتمتع مجاناً ، في أول شهرين ، باستخدام لدقائق من المكالمات وبرسائل نصية واستخدام للبيانات.

شكلهم يبغون يخلصون الستوكات الجديمة اللي عندهم

طير الغرام

06-06-10 ||, 12:33 PM

محــد انقـص عليــه كثريــه أنا وختيــه
خذنا اثنيــنه ع آخـر شهـر ثمانيــه الواحــد بـ 3700
16 GB
:whistling:

:

الآيفــون اليــديد شكلــه هــب ليــن اهنــاك
:fa52:

صريح

06-06-10 ||, 01:42 PM

طير

محد يعرف الشكل اليديد لين الحين و اللي منتشر ع النت Concepts

كل صور الاي فون اللي انتشرو فالفتره الاخيره (http://blogote.com/2010/apple/apple-iphone/awesome-iphone-4g-hd-concept-pictures-wish-were-true.html)

الغريب فالموضوع اني من المعارضين للاي فون
و افضل التلفونات اللي تشتغل بالـ Android OS مثل Google Nexus و تلفونات HTC
لانها Open source و تعطي المستخدم الحرية في تغير و تعديل البرامج و السوفتوير بدون تحكم و احتكار مثل الـ Iphone

Iphone 3Gs كمل عندي اقل عن يوم و طيرته
:whistling:

بس في احتمال اني اخذ الـ 4G لحاجة في نفسي هههه