مشاهدة النسخة كاملة : 181 بالمصري
حلم الطفوله
25-10-09 ||, 07:18 PM
السلام عليكم ورحمة الله وبركاته
آلووووووووو
السلام عليكم
معاكي أشرف ( لا والله ) تشرفنا
ممكن رقم مخبز ( --------- ) في منطقة !!
هيه ده فين ؟ واتريي يا حلم !!! واصبري يا حليمه !!!
لمآخزه ما عنديش مكان بالرقم ده !!! ده رقم سري :boxed:
كيف سري وها رقم مخبز !!! من يومين طالبتنه
إنتي متأكده !!! :Oo:
لا أسولف وياك يا امعلم أشرف :k_icon28: ( ما شيء شغله )
أووووه .... أيوووووووووه هو ده !!! إشوي وبيغني إغنية تامر حسني :tounge:
وبثواني أربع مسجات امطرشينها بالرقم !!!! خيبببببببببببه !!! :pullhair:
الحين !!! شو السالفه ؟
يعني السالفة تجربه وإلا بسبب الأزمة الاقتصادية ؟:d014:
يقولون البدالة صارت بالعباسية !!! :boxed:
صار وياكم هالموقف ؟
مجموعة إنسان
25-10-09 ||, 08:04 PM
هييييه انزييين
الحييين ثلاث ارباعهم من مصر
كم مره هازبنهم انا هههه
بس جذي ماشي شغل اتصل يبي يسولف اهزبه ههههه
بيتحول نفس كنتاكي اخر شي!!
رمــش الغـــلا
25-10-09 ||, 08:07 PM
^ صح انا بعد تستويلي نفس المواقف
من يومين كنت متصلة اسأل عن ارقام كمن صالون
وكله يقولون لي متأكدة انه موجود في هالمنطقة لول ..! يعني احلم مثلاًُ
لول .. كل الستف وافدين اللي يردون عـ المكالمات .. والاكثر من الشعب المصري =) لول
ذنـيـنـي
25-10-09 ||, 08:09 PM
بما انه مركز الاستعلامات السابق كان في عيمان,, نحن تفننّا في تلعويز هالمصاروه
اتصله اقوله وين الكفتيريا الفلاني الي عند محطة المطافي الي فالرميلة،، يقولي هي دي فين الرميلة
اقوله ياخي افهمني المحطة الي مجابلة بيت حياة خليفة المويجعي يقولي يعني انته عاوز تيلفون الاخت حياة ولا عاوز رقم الكفتيريا خخخخخخخ
و الاتصالات في تقدم مستمر
و دو تحيا بها الحياة دودو دودو دودو دودودوووو
انا عن نفسي رسميا حولت الى دو, بس باقلي البلاك بيري على الاتصالات و ناوي اكنسله و احوله على دو
او اكنسله بالمره و اخذ اي فون ٣ جي اس من دو
ذنـيـنـي
25-10-09 ||, 08:15 PM
رمش
كلهم مصريين مال الاستعلامات
لأن الاتصالات الغت التوطين في الامارات و بدأت في "تمصير" الوظائف في مصر
حليلهم المصريين غلبانين اوي و اهل الامارات عندهم وايد خير
شو يبغون بهالوظايف التعبانه,
يعني بدال ما اعينلي مواطن و اعطيه ١٠ الآف، اعينلي ١٠ مصارزه و اعطيهم ١٠٠٠ جنه "راتب وزير" لول
طبعا غير عمليات الغش في الفواتير الي يروح ضحيتها اللآلاف
و الي ينتبه لها القليل من الناس و يوم يراجعون الفرع يقولون اسفين خطأ في السيستم و تم التعديل الحين
يعني لو ما راجعتوهم خلاص راحت عليكم
ذنـيـنـي
25-10-09 ||, 08:16 PM
مركز الاستعلامات في مصر
مب في الامارات =)
مجموعة إنسان
25-10-09 ||, 08:24 PM
عادي
يقولكم مسوين تبادل بين المركز الرئيسي وفرعهم في مصر!!
تبادل خبرات لا أكثر !!
صح بعد ما ننسى !!
ترا شعبنا ما يحب اللا يتعين مديير
ياخي انت اشتغل بداله عقب تستوي مسؤول بداله
لا يبي يستوي مسؤول من أول يوم !!
حلم الطفوله
25-10-09 ||, 08:31 PM
أونه!!!
تراني أقولكم مقر البداله صار بالعباسيه بمصر !!!
مجموعة إنسان
25-10-09 ||, 08:33 PM
لا شو العباسية!!
في شارع جامعة الدول يمكن
وايد مقاهي هناك !! ههه
اخاف بعد يومين نتصل ويقولون انتظروا انطلع الرقم من الدليل !!
ذنـيـنـي
25-10-09 ||, 08:38 PM
عادي
يقولكم مسوين تبادل بين المركز الرئيسي وفرعهم في مصر!!
تبادل خبرات لا أكثر !!
صح بعد ما ننسى !!
ترا شعبنا ما يحب اللا يتعين مديير
ياخي انت اشتغل بداله عقب تستوي مسؤول بداله
لا يبي يستوي مسؤول من أول يوم !!
اسمحلي محمد كلامك غلط
انا اشتغل في مكان كل موظفين البداله فيه مواطنين
محد منهم تذمر
و انا جدام عينك,, ننكرف كراف و ما قلنا نبغي نسوي مدراء او قلنا ما بنشتغل
حلم الطفوله
25-10-09 ||, 08:39 PM
هههههههههههههههههههه
تخيلت شكلهم وهم يدورون بالدليل ......
سؤال !! الحين فيه دليل للتيلفون أصلا !!!
رمــش الغـــلا
25-10-09 ||, 08:43 PM
صح كلامك ذنيني
الموآطن قام يرضى بوآيد وظايف نشوفها في أي مكان نسيرله ^__^
الواحد يبدآ حياته بشي بسيط وعقب يبدا يدورله وظيفة أحسن =)
حلم ..
لول منزمان مب شايفة هالشي اللي اسمه "دليل" لول ..~
مجموعة إنسان
25-10-09 ||, 08:45 PM
هيه فييه
في اي حلاق هندي هذا بو كراسي حمر تحصلون دليل! هههه
ناصر
اللا من رحم ربي!!
لين الحين اتذكر شكل خالي وهو مدير البنك وقاعد في الكشير ,, لان 3 موظفين استقالوا قبل العيد ,,
والسبب والله الدوام متعب!!
انت ياي عندك ثانوي ودبلوم مصرفي !! تبي تشتغل شو بعد ؟
بس انت لا تنسى شغل البدالة اضن شوي صعب
خاصة اتصالات
كررف
رمــش الغـــلا
25-10-09 ||, 08:49 PM
^ حتى لو ..!
اخوي عندي فالبيت بدا بشغلة بسيطة وانكرف كراف ما اتشوف ويهه الا حق الرقاد
وهو اللي كان مرتاح ايام الكلية
ما قمنا نشوفه ابد !
وكله من الدوام فالبنك .. وفوق هذا راتب تعبان
بس خلال اقل من سنة اترقى لمكان وايد معاه ما يترقون لانه تعب وانكرررررررف ..
والحين في اقل من سنة ونص بعد ما صبر وتعب حصله شغلة وآيد احسن واريح واهم شي اجازة يومين لول ..
[ سوري حلم طلعت عن الموضوع] .. بس كلامك مجموعة مش الواقع اللي نحن عايشينه ..
صح الشي هذا موجود بس مب وآيد ..
مجموعة إنسان
25-10-09 ||, 09:12 PM
الواقع اللي نحن نعيشه تونا عرفنا جيمته !!
قبل محد كان يبي يشتغل في مثل هذا الشغل
بس الحين لما خلصت الوظايف ندور حتى اي شغله لو براتب مقطوع
!!
اييه
الحين انا بقولج
في الصيف كنت اشتغل شغل الله لا يراويكم شلون
والله لدرجه ان عادي انام عالآرض من زود التعب
بس كنت مستمتع !!
وكنت متمسك بهذا الشي لان في يوم انا فشلت دراسيا
عرفت قيمة الدراسه بعد ما طلعت من الجامعه
!!
وفي نفس الوقت في شباب لما شافوا ان الشغل متعب على طووول انسحبوا وخافوا وقالوا حرر ومادري شوو
لييش انت شو تقدر تحصل !!
هذا اكثر شي تقدر عليه
وطلعوا وساروا دورووا شغل
وماحصلوا
رجعوا للشركه والحين يداومون دوام رسمي عسب يدفعون اللي عليهم !!
قبل كنا نقول نحن نبي نشتغل عسب نشتري سيارة او عساب مادري شو
الحين نبي نشتغل عشان بس نعيش!!
الزرعوني
26-10-09 ||, 12:04 AM
الله يخلي
www.yellowpages.ae (http://www.yellowpages.ar)
طفلة من هذا الزمان
28-10-09 ||, 09:00 PM
حلوووم شو سويتي في الشبــاب :fa32:
من فترة باباتي يخبرني هالشي ،،عقب ما دقيت له اتحرطم ابا رقم مكان و البدالة مصرين ان هالمكان مب موجووود في الخااارطه؟!! كيف يعني مااعرف ..
بس تبون الصدق انا مااذكر متى آخر مرة سمعت صوت مواطن او مواااطنة في البدالة .. امبلا في التسعيناات بكثررررة ،،
بس بعدهم دو ما اقنعوووني ..
المهمـ ،،
عــوار قلب الجملة اللي قالها مجموعــة انســان
الحين نبي نشتغل عشان بس نعيش!!
معقولة وصلنا هالمرحلـة !! مع ان ميزانية دولتنا الأخيرة تقول انا بخير .. و ان الموااطن المفروض يعيش برفاهية ونعمة اكثر من اي سنة مرت عليه !! بس بعدنا مب قادرين نحس بالاستقرار و الأمــان .. مادري ليش؟!!
الظاهر هالاحساس رااح مع اللي راح الله يرحمه
:frown:
مــهــابه
29-10-09 ||, 11:10 AM
فــي مّـره كنـت متصله عـلى 181
واللـي رد عـليه مـوآطن مب مصـري مثـل ماتـقولون ، لكـن الـنتيجه وحـده
كـآن الوقـت متأخر شوي ، عقب الــ 12 بــليل ، قلـت له لو سمحت اخويه بغيـت المطعم الفــلاني قـآل ممم والله هالمطعم مش موجود ووووو ، قلت له : خلاص مشكور ، " عـلى اساس اني بسكر "
وتـم يستهبل عـلي آووونه لا لامايسـتوي اكيييد انتي مب متعشيه وانتي يوعـانه وآنــا هنيه بطلت عيوني
بـلاه جيه يرمس ليـكون يـتحراني اخته ولا وحده من هله
قلت له يزاك الله خير مع السلامه ، قال زين اصبري ماتـبين اسوي لج اومليت ، شي ؟
عـآد اهنيه سمع صـوت القطـآر :تــوت تــوت تــوت
مب من عـوآيدي آسكر في ويه حد لكن والله اسلووبه قهرني ، شو شـآيف جدآمه هوو
.
.
لكن فعـلاً الحين صرت كل ما اتصل آحصل يـا مصري ، يـا وآحد زول ، وعـآد يلسي عيدي الاسم الف مرررره وعلى الله يفـهم
شو قلــتي
.
.
واللي يقـول دو آحسن ، ترا دو نفس الحاله ، كل ما اتصل ، اوونه الموظف مادري بلاه دقي عقب نص ساعه ، وشوي دقي عقب ما ادري كـم
كلـــهم فـ الهــوى سوى
.
.
عمة العيم
29-10-09 ||, 08:07 PM
احسن من المواطنين.... هههههههه قمت استحي اتصل على ١٨١ بسبتهم شوي و يتفدووون..... ان شاء الله الشيخه اتفضلي الشيخه...مرحبا شيختي ..... باسلوووب الوحده تستحي ترمس........وين تبووون خخخخخخخخخ
ذنـيـنـي
30-10-09 ||, 04:45 PM
المهمـ ،،
عــوار قلب الجملة اللي قالها مجموعــة انســان
الحين نبي نشتغل عشان بس نعيش!!
معقولة وصلنا هالمرحلـة !! مع ان ميزانية دولتنا الأخيرة تقول انا بخير .. و ان الموااطن المفروض يعيش برفاهية ونعمة اكثر من اي سنة مرت عليه !! بس بعدنا مب قادرين نحس بالاستقرار و الأمــان .. مادري ليش؟!!
الظاهر هالاحساس رااح مع اللي راح الله يرحمه
:frown:
انا بصراحة معارض للجملة الي قالها محمد
كل واحد يقدر يعيش عمره في حال ممتاز لو شغل مخه :smile:
لكن للأسف نحن شعب شوي كسول
شوفيها لو الواحد اشتغل و سوا لنفسه تجاره صغيره يدخل من خلالها فلوس و يزيد دخله
المشكلة انه ثقافة مجتمعنا اصبحت معتمده اعتماد كلي على المعاش "ما عاش"
و صار كل همنا هو انه نحصل راتب اعلى
محد فينا صار يفكر بالتجارة "الا اهل التجاره"
محد فينا يفكر انه يكون سيد نفسه بعيد عن مذلة المؤسسات و الهيئات و راتب التقاعد
ما اقول للناس لا تشتغلون, لكن شغلوا مخكم و شغلوا فلوسكم
عندي واحد بنغالي في الدوام, دخله الشهري اعلى من دخلي
كل يوم من يطلع من الدوام يسير البر لأنه متعاقد مع شركة سياحية و يودي الناس سفاري في سيارته الـلاند كروزر الي شارنها بـ ١٩٠ الف درهم,, لكن الفرق بينا و بينه, انه هالشخص من خلال ١٠ طلعات للبر يغطي قسط سيارته الشهري بالاضافة الي قيمة الوقود و قيمة التشييكات و فوق هذا يتم عنده فلوس تكفيه كـ مصروف لشهر كامل :smile: هذا و هو راتبه الاجمالي الي ينزله هو ٢٥٠٠ لكن دخله شهريا يفوق ١٥ الف لأنه يشغل مخه
في المقابل, عندي واحد من الموظفين الشباب,,, اووول ما استلم راتبه الاول و الي يساوي ١٥ الف تقريبا
على طول سار و اشترى هدايا و سار وكالة البي ام و اشتراله اكس ٥ سعرها يقارب ٣٣٠ الف درهم
و من داوم لين اليوم و هو يصيح, ما عندي فلوس و ما عندي فلوس و مثل هالشخص يوجد الاف الشباب في الامارات :10:
صح, يوجد ناس ظروفهم صعبة جدا
لكن الاغلب ظروفهم صعبت لأنهم ما فكروا صح
اتعب صغيرا, ترتاح كبيرا
العب صغيرا, بتموت من الهم و انته تشوف الي شغلوا مخهم و اشتغلوا صح يوم بتكبر
زمانا تغير احين, الي يشتغل يحصل, و الكسول خل كسله ينفعه
و الي ما بيشغل مخه ما بينجز شي في حياته
لين متى بنعيش على "متى بيصرفون مال الاسكان" و "متى بيصرفون مال صندوق الزواج"
ما يا الوقت الي نشتغل فيه و نشد حيلنا و نساعد دولتنا مثل ما هي تساعدنا
عمة العيم
30-10-09 ||, 10:45 PM
ذنيني .... اوافقك الراي ١٠٠٪ محد يشغل مخه نحن شعب اتكالييين اذا صح التعبير
نعتمد على الشواغر الموجوده جدامنا مانسوي لنا شغل او شي خاص فينا و نشغل الناس عنا بدل ما نشتغل عند الناس و هيك يعني....
قريب ان شاء الله اعرف شخص بينزل كتاب يتكلم عن هالشي.... مادري اخاف اقول الاسم و يزعلون بس ان شاء الله يوم بينزل الكتاب بخبركم..... يتكلم عن كيف تبتدي من الصفر و عن خبرات الناس و جي يعني بيعيبكم الكتاب وايد...