المساعد الشخصي الرقمي

مشاهدة النسخة كاملة : كيف تـفضفضون؟


دموع قلم
17-10-09 ||, 02:35 AM
السلام عليكم ورحمة الله وبركاته ..


مساكم الله بالخير ,
أهل الواحات

,


سبحان الله الحياة مليانة بمواقف عجيبة وحقائق غريبة ,
تمر علينا مواقف حلوة وأوقات مرة , نفهم البعض ونجهل الآخر ,
بعض الناس يكتمون , وبعضهم يفضفضون , والبعض يحاااولون !

اللي يكتب ,
واللي يرسم ,
واللي ما يدري شو يسوي؟


والحين دموع قلمكم تبغي تعرف كيف تفضفضون؟
كيف تعبرون عن اللي بداخلكم؟
اتظهرون اللي بخاطركم؟

كل واحد له أسلوبه بالتعبير والفضفضة ,
بس خلنا نشوف تجارب بعضنا , ومنها نستفيد ,




وووماعليه أدري الموضوع عبيط شوي ,
بس تدرون الحالات النفسية دوم ترز فيسها !


.. ^^
شوق القلوب
18-10-09 ||, 02:23 AM
السلام عليكم...

هلا بالحلويـــــن...


الحياه و ضغوطاتها تجبر الواحد ياخذ بريك لروحه عشان يطلع اللي في خاطره.. او بالاحرى ينفجر خصه لو كان من الطبع الكتوم...

عن نفسي... اذا مستوتلي سالفه و عادي اقدر اقولها لاي حد.. بتلاقيني ع طول اقولها لامي و اطلع اللي في خاطري...

بس اذا السالفه وايد خاصه... و محتاجه افضفض... بتلاقيني داقه لحبيبه قلبي ربيعتي زمان الصمت.. و امطلعه كل اللي في خاطري..من كلام و ادموع..

و طبعا .. الفضفضه في الواحات لها طابع غير.. اتريح حتى لو محد علق ع الكلام...

:)


..
طفلة من هذا الزمان
23-10-09 ||, 07:16 PM
أنا قصة ثانيـة .. إذا تعرضت لموقف ما يريحني الا اني اتكلم عنه .. مب بس أكتب عنه ..

و الحمدلله رب العالمين .. الله أنعم عليه بقلوب بيضــا احصلها ويايه كل ما غصيت بكلمة .. فعلا احساسي يكون نفس اللي غااص بشي .. وماارتاح أبدا الا و انا مطلعه اللي في خاطري .. :boxed:

الشي الحلوو .. . أن كل شخص بحياتي له دور معين .. يعني كل وحده من ربيعاتي لها مواضيع معينة .. كلهن قريبات وغاليات عليه .. بس كل وحده مختصة بمجال معين مثلا اذا بتكلم عن شي يخص الدوام أم حموود الملجأ .. و اذا بتكلم عن شي خاص أم حامد الملجأ .. مع انهن هن الهنتين من البست فريندز .. وتطول اللستة الحمدلله .. :heart:

بس اللي افضفضلها بالأولي و التـــالي وحده قريبة مني وااايد .. من اشوفها اونلاين جني مب مصدقه و انطلق باللي في خااطري .. ربي لا يحرمني منها و من وجودهــا في حياتي .. :8:

التعبير بالكلام شي صحي أكثر بنظري .. لأن الطاقة اللي نخزنها من المواقف الحياتية يبالها نبذل طاقة مماثلة عشان تتخلص من الضغط .. و الكلااام أحسن و التفاعل الاجتماعي مع شخص ما أفضل ..وجهة نظر :smile:


و الله ساعات انا اشجع :fa32: للفضفضة بعد :biggrin:


كل الشكر للفضفضة ..
حلم الطفوله
24-10-09 ||, 02:11 PM
السلام عليكم


الفضفضه وما أدراك ما الفضفضه !!! :a108:

تريح القلب وساعات تخليك تحاتي .... ليش قلت ؟ وليش وليش .... بس حزتها ما تنفع ليش وخواتها:boxed:

حاولي قد ما تقدرين إنج تفضفضين لشخص ( ثقه) و ( صادق ) = راحة بال :fa51:

والحمد لله ... ربي أنعم علي بعقل ينصح وقلب يفهم ويستوعب فضفضتي .... بالغاليه فديتها ( وخصوصا هذربان الدراسه و التدريس):d014:


وعندي أم عبادي .... مرت أخوي وإختي وصديقتي .... استيعابها كبير وتفهمني من عيوني:h_ttmasha: ( ربي يحفظها )


بس هالفتره حصلت على كنز .... قلب كبير وعقل يستوعب وناصح يقنعني بأسلوب ولا أروع !!!

روح حلم ... مرآة تراويني الحقيقة .... أتمناها تشاركني كل لحظات حياتي (دوم أقول حزتها وينج الحين :a050:)

هالانسانه أطلع لها الأول والتالي ...لأنها صادقه !!! والصدق بهالزمن عملة نادره

فديتها والله .... جان تقرأ سطوري الحين بتعرف إنه الكلام موجه لها ... ربي لا يحرمني منها ومن وجودها بحياتي

ووووووووووووووووووووووووو وو بس


وايد فضفضت مب زين :tounge:
فرفوش
25-10-09 ||, 02:56 PM
مرحبا دموع قلم كيف الحال عليج السلام اختييييييه اعلومج - موضوعج ليس بعبيط وليش سؤالج فيه عبط - بالعكس سؤال كان في بالي دوووووم وكثيرا وقال عاصف بيظهره بس انتي ظهرتيه يزاج الله خير فحتى انا ابغي اعرف كيف يفضفضون - والسموحه
خنفروش
16-11-09 ||, 02:17 PM
أنا قصة ثانيـة .. إذا تعرضت لموقف ما يريحني الا اني اتكلم عنه .. مب بس أكتب عنه ..

و الحمدلله رب العالمين .. الله أنعم عليه بقلوب بيضــا احصلها ويايه كل ما غصيت بكلمة ..

فعلا احساسي يكون نفس اللي غااص بشي .. وماارتاح أبدا الا و انا مطلعه اللي في خاطري .. :boxed:


التعبير بالكلام شي صحي أكثر بنظري .. لأن الطاقة اللي نخزنها من المواقف الحياتية يبالها نبذل طاقة مماثلة عشان تتخلص من الضغط ..

و الكلااام أحسن و التفاعل الاجتماعي مع شخص ما أفضل ..وجهة نظر :smile:

و الله ساعات انا اشجع :fa32: للفضفضة بعد :biggrin:

كل الشكر للفضفضة ..


:14:


كل الشكر لدموع قلم


كل الشكر لطفلة
أنامل قلب
19-12-09 ||, 11:34 AM
أحيانا نكتفي بـ ألا نفضفض ،
ولا أدري لما ..
دموع قلم
10-02-10 ||, 03:05 AM
تسلمون ما قصرتوا على ردودكم الطيبة ,
أسعدتوني :)

الحمدلله أحس في قلوب بيضا بحياتي ( على قولة طفلة ) ,
بس انشغالنا بالحياة خلانا نبتعد عن بعضنا وتواصلنا صار قليل ,

ويوم أفكر فيها أقول ,
كلن عنده همومه , أزيد همي على همه ليش ؟!!


صدق حالة ,
ما فهمنا ,,




..!
بنت الدلع
10-02-10 ||, 12:48 PM
معظم الاوقات اكتم
واغلب الاوقات اطلع اللي في خاطري من خلال كلمه او جمله اكتبها في اي مكان
سواء في الواحات .. في الفيس بوك او عالفون

يوم الموضوع يزيد عن حده وما اقدر اكتم زياده اتصل على اقرب وحده لي
وبدون ما اقول شي تفهمني على طول الله يحفظها ان شاء الله :heart:
نظرية طفله من هذا الزمان صحيحه بالنسبه لي
لان صدق بعد ما الواحد يتكلم كأنه حمل كبيييير انزاح عنه
ويوم في امور عائليه سييييده اسير دايركت عند مرت اخويا :fa35:

هيك يعني ..
فرفوش
19-03-10 ||, 05:35 PM
واحة الفضفضه واحة ٌ تعني بمواضيع شخصية تتضمن تجربه عاشها الشخص
وأراد أن يحكيها أو يشاركه الناس بها (إما للبحث عن حل أو لتخفيف
أمر ٍ صابه أو لإيصال شي ٍ ما أو غيرها.. )

قــد تكون لغة الفضفضه

بلغة ٍ أدبيةًٍ تحمل في كبدها معاني قوية وجميله وبعضُ ســـجع ٍ وجناس
لذلك وضعت ضمن واحة الأدب

أو

بلغةٍ أدبيةٍ هشه أو بالأحرى لغه عاديه (كلام عامي )


:thumbup1:
دموع قلم
31-03-10 ||, 12:21 PM
بنت الدلع ,

ربي يخليهم لج ان شاء الله ,
وترا صدق صعبة تخبرين اي حد عن الأمور العائلية ,
تسلمين عالمشاركة ^^




فرفوش ,

كلام حلو ,
وحلاته يوم نفضفض بلغة عادية ,
وبلغة أدبية في بعض الأحيان بعد ,

:)
فرفوش
31-03-10 ||, 08:56 PM
على طاري انفضفض كنت ناوي افضفض على غيابج بس الحمد الله متواجده - وكم نحن متعودين على فضفضاتج فلا تبخلين علينا ^_^ هنا نجد من يسمعنا ونخرج ما نشعر به - ومن يشاركنا - الله يديمج بالخير