اعصابي تلفت

[المزوحي]

السلام عليكم ورحمة الله وبركاته

من زمان ما كتبت في هذي الواحه !

أنا الفترة الأخيره استويت ما اتحمل شي بالمره، مرات احس بضغوطات وايده :smile2:

الحمدلله على النعمه اللي عايشينها :k_smartass:

مرات يصدر مني تصرف، اندم عليه، والحمدلله حاولت اسوي كنترول على عمري في فترة، وفرحت لأني قدرت على هذا الشي !

بس المشكلة يوم يرجع هذا الشي، استويت ما اقدر اتحمل حد، يعني يحتاي اركز على السلوك اللي يزعجني، مابغي

اركز على الأشخاص فالنقد، والتجريح، والسخرية، والاستهزاء، والاعتداء، مابتحل المشكلة، بالعكس ! :fa32:

في خاطري اعرف ليش موقفين موضوع الاستقاله في الدوام ؟؟؟؟ ( لأني حبيت اغير ، لاترقيات ولا يخلونك تظهر )



على كثر ما أعامل الناس وخاصة الموظفين اللي ويايه بطيب، اشوف يرمسون من ورايه، :3: ولاشك إنه هذا في اي مجال عمل

بلقاه ... حتى من اسبوع صرت ما اكلم فلان وعلان ... السلام عليكم وعليكم السلام

طبعا هالناس مب مواطنين، واكيد بتقولون ماشي فرق إن كان مواطن وإلا غيره، بس حبيت أوضح لكم هالشي ..




صرت اتنرفز بسرعة :a058: كيف لكم تضبطون اعصابكم :k_blush-anim-cl:

إلا اليوم واحد يسألني، كيف متحمل تشتغل هنيه ليش ماتظهر ليش وليش :Oo:

يا اخي انته اش دخلك ... شو هالناس ... يعني كفايه اللي فيك، لازم يغثونك :wacko: أدري بتقولون مافيها شي، سؤال

وشو يعني ... بس هالنوعية من الاسئلة تحبطني :k_nono: لأنه هالموظف يديد ومب قادر يتقبل المكان :m_afaker:



قمت افضل الصمت على الرد، ما احب ارد عليهم، ولو الرد الدبلوماسي مطلوب :d014: بس اتمنى اطلع بفايده اليوم

من ردودكم الطيبه، ولا تحرمونا مشاركتكم ...

[رمــش الغـــلا]

الله يعينك .. أخوي ..

أصعب شي الواحد يكون بروحه طفرآن من شي والناس ايون يزيدونه

أذكر اختي كانت نفس الشي طفرآنة من الجامعة والدراسة وفي نفس الوقت بيت وعيال ..

فطولت شي فترة الدرآسة وكل حد يسألها ليش ما اتخرجتي يعني اتعرفون ظروفها ما يحتاي يعني !

========

ان شاء الله بتحصل الوظيفة أفضل .. وما عليك اتحمل ولا تـآخذ عـ كلامهم =)

^__^

[المزوحي]

رمش الغلا، يمكن المشكلة تكون فيّه كوني ما اتحمل، وما بتلاحظون أي غلط من الطرف الثاني كونه سألني !

تــعرفين ! ( ييييييييه كــــــيف متحمل هالسنوات كلها، اووه ماعندك سالــفه تـام هــنيه ، الصراحه ما يستاهــلون

الواحد يــشتغل لــهم ... الــخ ومن هالكلام ........ )

والله والله والله اتمنى من هاللحظة تخوز حالات العصبيه والنرفزه وأتحكم بأعصابي، أتمنى من الله إني يعطيني القوه

وما اتمنى احط في خاطري على أي حــد ....


رمش الغلا مشكورة على الــرد

[رمــش الغـــلا]

يلا ما عليه ..

طنش شو بتسوي ..
وصدق انا اعرف ان الكلام اللي تقوله اكيد ينرفز =*

والله يعينك اخوي ..~ ويساعدك

[المزوحي]

آمين اختي رمش الغلا ...

[مايهزك ريح]

مروان .. هالدوام يطبقون المثل اللي يقول .. " لابحبك .. ولا قادر على فراقك "

الله يعينك .. ويعين اللي في مثل حالتك ..

انا مفتك .. اللي ويايه كلهم هنود .. ومرتاح من ناحية القيل والقال .. في نفس الوقت ما اخالط وايد ..
في حدود الشغل وبس ..
فاك عمري من الصدعه !

[عهد الوداع]

تقدر تقول هالنوعيه من الناس فااضيه وما عندهاا شغله غير هذاا شوو سوو وهذاا طلع ...والخ

فأنت ما عليك غيرر انك اطنشهم وتاخذهم على قد عقلهم ... وتتحمل لين اتم استقالتك ..

ذكرتني بموقف يوووم كنت في التدريب ...كانت عدناا وحده تترخص من الدوام تقريبا كل يومييين .. وتتأخر والله الحريم الي هناك ما خلوها في حالها هاااي تطلع ماعرف شوو تسووي وهااي وهاااي ..قطعووها في الرمسه ..يعني انتوا ما تعرفون شوو هي ظروووف البنت ..ليش كل هالرمسه الزايده والي ما لها معنى ...ماعرف !!

من هااك اليوووم قلت التووبه ادوام في مكان هههههههههه ...

فـعشان جي اقوولك طنش بتتعب اذا خذت على كلامهم ..الي عليييك سويته وزوود وانت ما تتريا من حد شي ..لا تعب اعصاابك عشانهم ...


الله يفرجهااا عليييك اخووويه .. ^^

[المزوحي]

مرحبا اخويه مايهزك ريح، مرات اقول اهاجر أبرك، من أيام أسولف مع أخويه، كأنه قال اللي في خاطري، أونه بسير سويسرا

بعيش هناك ..!


تدري مايهزك ريح الرمسه طلعت من الهنود، والله مب سهلين :pullhair:

وفعلا الله يعيني ياااااااارب ...

ومن ناحية إنك ما تخالط، أنا بالرغم إني اجتماعي بس مع هذا ما أخالط، يعني ربعي اللي اعرفهم من اول ما توظفت

وبس، وحد يديد ماقدر آخذ وأعطي وياه، بالإضافه إلى الوافدين اللي اتعامل وياهم في الشغل ..

وما أنكر إنه مل مكان الواحد بيحصل هالنوعيه، بس أنا ابغي اصّبر عمري .. وفي نفس الوقت مابغي أطلع كلمه

لأني مصيبه يوم أرمس :k_special2: :k_special2:

[المزوحي]

عهد الوداع، الأمر مب متركز بس في الدوام، بس الدوام سبب من الأسباب، بالإضافة للمشاكل اللي انواجها من توفى

أبويه الله يرحمه ...

وعلى طاري الرمسه، واحد يوميا يبتسم في ويهي ويرحب بي وأنا أسميه راعي الحكم، من كثر ما يعطيني حكم وامثال

يوميا، ومع هذا ساير قايل اتحملوا من فلان تراه مب سهل

شو هالخمه هاييل، احس ماشي فرق بين الرياييل والحريم، طبعا مب الكل من الفئتين، بس اقصد انهم يرمسون وايد :a058:

[أنامل قلب]

السلام عليكم أخوي المزوحي ، عساك طيب ..!

,

شوف أخوي ، ما بقولك اتحمل واسمع من صوب وظهر من الصوب الثاني ،
ولا بقولك طنش وخلاص ، ولا حتى إنك تاخذ الأمور عـ مستواه .. > لأن هالأفعال من أتفه ما يمكن أن يكون ..

أقصد أفعال القيل والقال ، واهني تبين اهتمامات الشخص ، بـ كلامه وشوللي يلتفت له ..

كل هالأمور تعرفها أكيد ، لكن اللي بقوله إنك طبيعي بتوصل أحيانا لمرحله بتحس فيها إنك خلاص ،
كلنا بهذا الشكل ، مهما استهنت بتحتاج إنك تشد أحيانا ، ابـ دليل إن قمت تظهر هالشده ابـ مواقف ثانيه
قد لا تستحق ذلك ، مثل ما قلت بنفسك ..

حط ببالك دوم إن مثل هالأشيا أمر طبيعي جدا بكل مكان ، مو بس مجال العمل ،
ولو خصينا العمل فـ أغلب الناس ـ ما بقول كلهم ـ بتلقاهم يتذمرون ويشتكون أحيانا ، حتى لو كانو حابين شغلهم ،
ما أقصد إنك ما تحتاج تغير وظيفتك ، هذي شغله راجعه لك كونك أعلم بمهنتك وشخصك وإن لقيت ما تحسبه أسلم لك ..

بس اللي بقوله ، حلو إنك تسكت بأحيان كثيره ، كونه مهما كان يتعبك بيجنبك بالمقابل أمور كثيره ،
ويكفي إن في أمور ما تحب النفس إنها تختلط ابها ..

كذلك ، أكيد ما بقولك اسكت دائما ، أحيانا لازم تتكلم ولازم توجه ،
بس متى وكيف ، هذا شي يعلم به شخصك أكثر من غيرك ..

,

مره ثانيه لمن يطرح عليك أحدهم سؤال ولا كلمه ماتحبها شبيهه بما ذكرت ،
عادي جدا ، عصب لكن ابـ ضحك ، قولهم عادي : ياربي اشكثر إنك ماتطيق هالكلمه !

عادي جدا ، بالعكس يفضل ، بيكون فعلك عفوي بشكل طيب ، وبتطرح عنك عقد إنت في غنى عنها ،
و ما تحتاج تكون علاقات قويه بالساهل ..!

,

بالأخير بقول كلمه ممكن يخالفني عليها البعض ،
لكن بـ مكان كالعمل ، من بعد ما ذكرتلك فوق ، حط ببالك دائما
إن الإنسان قد لا يملك خيار أن يغير شيء بمن يحيط به ،
لكنه أكيد يملك زمام تغيير ما يحب بـ نفسه ذاته ..

مو عشان أحد ، فقط عشانك إنت ،
ومنه استند كـ أساس على كل الفصول والفواصل ..

,

اعذرني عالتقصير ،
وربي يعينك ويوفجك ويحفظك بما يحفظ به عباده الصالحين ..

~

[مــهــابه]

آخـويه المـزوحي :

فـي آي مجـال كـان ، دراسـه ، شغـل ، أو أي مكـان ثــاني لآتـكوون قــريب وايـد مع الآشخاص اللي تتـعامل معـاهم ولآتكـون بـعيد

يعـني آنـت تـرمس عن " مجال عـّمل " ، عـلآقـتك المفروض تكـون ويـاهم عـلى هـالآسـاس

شخصيـاً :

صـار لي رآبـع سنه جامعـه وجريب التخرج ان شاء الله ، طـوول هـالـ3 السنوات اللي خطفـت وفي كـل كـورس وفـي كل كلآس بنـات مختـلفـات ، يعـني شوف كـم بنت بـعـرف انا فـ الكـورس الواحد لـكن اللـي ويـاهـن اوكي ( 2 ) أو ( 3 ) بالـكثيـييير


لـيش ؟

هـذي انـطوائيــه ؟ آكييييد لا

تـرآني آسلم ، وهــلا ، شحـالج ؟ شخبـار ؟ وووو فـ حدود المكـان اللي احنـا فيه ، اظهر من هالمكـان يعـني خـلاص مافي شي يخليــني آتواصل معــاهــا

آنـت حـآول تـكون جيـه ، وحـتى لو قـابلـووك الآشخـاص اللي هـم يّرمسـوون وايـد ، وحشــورني ويحبـون يسألـون : ليش ؟ وليـش ؟

آختصـر بـالكلام ، يعني لآتعطـيهم مجـال يـآخذون ويـعطون ويـاكم

قـآلـوا لك : ليش للحـين تــام ؟ قـول : ليش انتـوو ييتوا اهنيه من الآسـاس ؟

يـعني حـآول آنـك تـرد عـليهم بطريقـه ماتخليـهم يـسألـونك أو شي من هالقـبيـل


نرجـع لـ سالفه انهـم يـرمسوون عـنك ، خلـهم يـرمسـون ، آنـت مش واثق من نـفسك ؟ مش واثق من كل شي تسويه ؟

آعـتبرهـا مكّـسب لك " تـآخذ آجر " ، هالشي يـضـايجك بس لو فـكرت فيه بطريقه ثـانيه بـتكون قـنوع بأن هالشي مايـرزا انه تـتكدر عشـآنه

آنـا آشووف كل ماكـآن الشخص بعيييد من النـاس اللي حـوالينه أو آنه مايختلط ويـاهم وايد هالشي يقـل ( من تجربه ) ولله الحـمد يعني ، وحـتى لـو صـار وسمعـت حّـد رمس عـني ، مابـرد عـليهم

يـعني : آتـرّفـع عن الدنـايـا وآنـآ آختك ، دامك آنت واثق من حـالك ومن شغـلك ومن كل شي تـسويه


آنـك ماتتحمل ، وماتضبط آعـصـابك :

آسـتغفر ، آكثر من الآستغـفـار

شخصيـاً من النوع اللي اذا عـصبـت ما آقـدر آسكت ، آتم متنرفـزه وآقـول كلآم آعــوووذ بالله مـنه لكن احاول استغـفر في خاطريه وجيه

وأذا آنـت تقـول " تصمت " ، تـراه حـّل لـ بعض الآمــور ، فـكر بـينك وبين نفسك ، يعنـي لآتخلي تـفكيرك دايـماً سّـلبي مممم

صـّح آحيـان نطفـر ومانعـرف شـو نسوي آو شو نقـول ، لكن عـقب رد وراجع حسـابـاتك ، فـكر في كل شي ينرفزك ، يضـايجك ، يكـدرك ( فـي وقـت بتكون فيه هـادي ) شـووف ليش جيـه ؟

وان شـاء الله تـرتـاح فـ الآخيــر =)


إن بعد العسـر يـسرا

[المزوحي]

اشكرج اختي أنامل على المشاركة، والصراحه في اشياء اتعلميتها، وفي اشياء احس بعدني مب مستوعب شي !

يعني مسؤولي المباشر بحكم ويايه 24 ساعه، يطفرني دووم ... أنا مرات ابتسم ومرات اخلي عمري ماسمعت

اللي اجبرني فعلا أكون جيه ...

ممكن في نظركم اللي يسويه المسؤول صح، عشان يقدر يدير المكان وهو على هذا الكرسي، بس مب على حسابي أنا

وعشان أوضح لكم أكثر .. يستهبل بشكل مبالغ فيه .. إذا دخل زميلي المكتب وكان يكلمه، بعد 10 دقايق يسألني هل

فلان بيداوم اليوم، او عندك فكره إذا رجع من المكان الفلاني، وطبعا هالاسئلة ماتخلص ...

طيب شو اللي يستفيد منه ؟؟؟ صدق في خاطري اعرف شو السبب !

في عدة أمور تسبب التوتر للموظف، من ضمنها الضجيج والروايح والزحمه ... الخ

إذا أنا بقول بسم الله وقبل ما أدخل المكتب أشوف ألف بصقه على الاسفلت، ومروري في الممر للمكتب تسمع اصوات

البصق وغيره، .. الخ دخلت في معمعه

[المزوحي]

مرحبا مهابه، يسعدني ردج وبقولج شي، أنا من الناس اللي ما احب حد يسألني اسئلة شخصيه ...

الشي الثاني إنه هالموظف صار له شهرين، واليوم يسألني من متى اتداوم، لكن هو أولريدي سائل عني،

عقب قال ليش تام هنيه ؟؟؟ يعني هو ماينصحني ادور مكان افضل، بس هو يشوف قدرة تحملي في هالمكان

أو حتى احس مايبوني اشتغل، لأنه في واحد قبله كان يسوي نفس الشي، دوم يقولي لاتسوي لهم سالفه، وهذا بعد

موجود لكن نقلوا مكتبه ... مره رديت عليه وقلت إني احلل راتبي .... قال لا انا ماعور راسي اشتغل على قد الراتب

اللي يعطوني إياه ..

وطيعا اللي تأذيت منهم أكثر الوافدين، ومنهم الهنود، اللي دوم يقولون إنك انته مواطن وما تحتاج تشتغل ..

بالذمه شو أرد عليهم ؟؟؟؟؟؟؟؟؟؟ أنا وااااااااااااايد اسكت، بس إذا انفجرت عادي افر كلمه ......

بس يحتاي ارد عليهم أول بأول ... وبأسلوب

[شوق القلوب]

السلام عليكم...

ابتسم.. ورد عليهم بكل برود..و قولهم الحمد الله ..

في ناس ما تستاهل اتعب عمرك عشانها...

[تحفه]

على طاري الي يغثون في الدوام .. تصدق من فتره مستويه فضيحه في وحده من الموسسات الحكوميه!!
محصلين خطط زلمات راسمينها عشان يفرقشون المواطنين من القسم وايبوون ربعهم !! ممم مب بس زلمات بعد كان منهم هنود وباكستانيه ..


تقول بلادهم مب بلادنا !!!

[المزوحي]

وعليكم السلام شوق القلوب ... ماتستاهل نعم ! تحسين يحاربونج من كل صوب .. رد الله كيدهم في نحرهم

[المزوحي]

تحفه وعلى طاري الزلمات، مسؤولنا العود زلمه، صدقيني ما اطلب شي منه ولا أتمنى إنه يشلونه من مكانه، ابغي حقوقي

العادية، من ترقيه وغيره، الشغلات البسيطه يتجاهلها، وآخر مره كلمته، قال إن شاء الله يومين وأشوف موضوعك وطبعا

صار لي 6 شهور كل مايشوفني يشرد، وكلت الله عليهم، لأنه هو مب بحكم إنه مشغول ومب متذكر موضوعي، لكن

وايد مواقف صارت ، لكن عقب هذا كله أتمنى إنه يشلونه من هالمكان

[تحفه]

^ اكتب تقرير عن كل الي يستوي وارفع شكوى عند الي اعلى منه ( ان شاء الله يكون مواطن عاده ) !! لول

[تحفه]

واذا انته تشتغل في دبي عطه في ويهه وقوله ان هو الحين في دبي مب في سوريا ومصر عشان موضوعك ياخذ شهور !! واذا مب قادر يتصرف في موضوعك يقولك مب ينخش عنك جنه ياهل ...

شو هالزلمات اخر زمن ... في زلمات الواحد لازم يعطيهم العين الحمراااا ;)

[المزوحي]

تحفه واحد من ربعنا ماشي ون - تو كان يتحرطم عليه، بس الزلمه قال إنه فلان ( قليل الأدب )

[تحفه]

لاااا واللللله! اناااا وييينيييي عن هالزلمه عشان اسنعه!!! :@ !!!! .. يااااابووووك انتوا وييين لساااانكم هاذيييلا زلماااات يبالهم الواحد يعطيهم فالويه عشان يفهمون ان المواطنين مب اغبيا وينقص عليييهم!!

جان قلتوووله اذاا فلان قليييل ادب انته مدييير بلا ذمه وضمييير وتستاهل الجلع!

[المزوحي]

تخيلي تحفه ! بس تدرين في ناس لازم تحشمين نفسج عنهم ...